ବିନା କାରଣରେ ୪ ଦିନ ବନ୍ଦ ରହିଲା ଇଫ୍‌କୋର ସାର ପରିବହନ

ପାରାଦୀପ,୫ା୯(ସ୍ବ.ପ୍ର.): ରାଜନୈତିକ ସ୍ବାର୍ଥ ପାଇଁ କିପରି ଚାଷୀ, ଶିଳ୍ପସଂସ୍ଥା ଓ ପ୍ରଶାସନ ବଳିପଡ଼ନ୍ତି ତାର ଦୃଷ୍ଟାନ୍ତ ପାରାଦୀପରେ ଦେଖିବାକୁ ମିଳିଛି। କୌଣସି କାରଣ ନ ଥାଇ ୪ ଦିନ ଇଫ୍‌କୋ କମ୍ପାନୀର ଉତ୍ପାଦିତ ସାର ପରିବହନ ବନ୍ଦ ରହିଲା। ଫଳରେ ଚାଷୀଙ୍କ ନିକଟକରେ ସାର ପହଞ୍ଚତ୍ବାରେ ବାଧା ଉପୁଜିଥିଲା। କାହଁକି ବନ୍ଦ ହୋଇଛି ତା’ର କାରଣ କମ୍ପାନୀ, ପ୍ରଶାସନ, ଗଣମାଧ୍ୟମ, କିମ୍ବା କମ୍ପାନୀ ସହ ସଂଯୁକ୍ତ ୟୁନିୟନ୍‌ ମଧ୍ୟ ଜାଣି ନ ଥିଲା। ବୁଧବାର ପରିସ୍ଥିତି ଜଣାପଡିବା ପରେ ରାଜ୍ୟ ସରକାର ଓ ଜିଲା ପ୍ରଶାସନ ଏଥିରେ ହସ୍ତକ୍ଷେପ କରିବାରୁ ସାର ପରିବହନ ସ୍ବାଭାବିକ ହୋଇଛି। ୧୦ ପ୍ଲାଟୁନ୍‌ ଫୋର୍ସ ଓ ୪ଜଣ ମାଜିଷ୍ଟ୍ରେଟ ଯାଇ ଏହାର ତଦନ୍ତ କରିଥିଲେ। ପ୍ରଶାସନର ଏପରି ପ୍ରତିହତକାରୀ ବ୍ୟବସ୍ଥା ଦେଖି ଯେଉଁମାନେ ବନ୍ଦ କରିଥିଲେ ସେମାନେ ବିନା ସର୍ତ୍ତରେ ପରିବହନ ପାଇଁ ରାଜି ହୋଇଥିଲେ। ସନ୍ଧ୍ୟା ୭ଟା ସୁଦ୍ଧା ଇଫ୍‌କୋର ସାର ପରିବହନ ପୂର୍ବବତ ହୋଇଛି।
ପ୍ରକାଶ ଯେ, ଇଫ୍‌କୋର କାରଖାନାଠାରୁ ରଙ୍ଗିଆଗଡ ରେଳଷ୍ଟେସନ ପର୍ଯ୍ୟନ୍ତ ସାର ପରିବହନ ହୁଏ। ରେଳରେ ସେହି ସାର ବିଭିନ୍ନ ରାଜ୍ୟକୁ ଯାଇଥାଏ। ସାର ପରିବହନ କାମ ଦୀର୍ଘ ବର୍ଷ ହେଲା କଳିଙ୍ଗ ଟ୍ରାନ୍ସପୋର୍ଟ ନାମକ ସଂସ୍ଥା କରୁଥିଲା। ଉକ୍ତ ସଂସ୍ଥାର ମୁଖ୍ୟ ଥିଲେ ସ୍ଥାନୀୟ ପୂର୍ବତନ ବିଧାୟକ ଦାମୋଦର ରାଉତ ଓ ଖୋର୍ଦ୍ଧାର ଜଣେ ବିଧାୟକ। ଗତବର୍ଷ ସେପ୍ଟେମ୍ବର ୧୨ରେ ବିଜେଡି ଦାମଙ୍କୁ ଦଳରୁ ବହିଷ୍କାର କରିବା ପରେ ପରିସ୍ଥିତି ବଦଳିଗଲା। ଅର୍ଥାତ୍‌ ଅକ୍ଟୋବରରୁ ପିପିଏଲ୍‌ (ପାରାଦୀପ ପରିବହନ ପ୍ରାଇଭେଟ୍‌ ଲିମିଟେଡ୍‌) ନାମକ ସଂସ୍ଥା ଏହି ପରିବହନ କରୁଛି। ଗତ ରବିବାରୁ ହଠାତ୍‌ ପରିବହନରେ ନିୟୋଜିତ ଚାଳକ ଗାଡି ବନ୍ଦ କରିଦେଲେ। କାରଣ ସମ୍ପର୍କରେ କାହାକୁ କିଛି ଅଭିଯୋଗ ନାହିଁ। କମ୍ପାନୀ ଓ ପରିବହନକାରୀ ସଂସ୍ଥା ପିପିଏଲ୍‌ ଖୋଳତାଡ଼ କରିବାରେ କେତେକ ଚାଳକ କହିଥିଲେ, ପୁରୁଣା ଟ୍ରାନ୍ସପୋର୍ଟ ସଂସ୍ଥାର ଦେଖାଶୁଣା କରୁଥିବା ବ୍ୟକ୍ତି ଆମକୁ ପରିବହନ ବନ୍ଦ କରିବାକୁ କହିଥିଲେ। ଏହି ଖବର ରାଜ୍ୟ ନେତୃତ୍ୱଙ୍କ ପାଖରେ ପହଞ୍ଚତ୍ବା ପରେ ନିର୍ଦ୍ଦେଶ ଆସିଲା ସ୍ଥିତି ସ୍ବାଭାବିକ କରିବା ପାଇଁ। ଜିଲା ପ୍ରଶାସନ ବ୍ୟାପକ ଫୋର୍ସ ସହ କାରଖାନାରେ ପହଞ୍ଚତ୍ବା ପରେ ବନ୍ଦ କରିଥିବା ଚାଳକମାନେ ଆସି ଗାଡି ଚଳାଇବେ ବୋଲି କହିଥିଲେ। ଘଟଣାର ସମାଧାନ କରୁଥିବା ପ୍ରଶାସନିକ ଅଧିକାରୀ ଏଡିଏମ୍‌ କାହ୍ନୁଚରଣ ଧୀର ଏ ସମ୍ପର୍କରେ କହିଛନ୍ତି, ଯେଉଁ ଚାଳକମାନେ ବନ୍ଦ କରିଥିଲେ ସେମାନେ ନିଃସର୍ତ୍ତ ଆସି କାମ କରିଛନ୍ତି। ପ୍ରଶାସନ ପକ୍ଷରୁ ବିକଳ୍ପ ଚାଳକ ଓ ପରିବହନ ବ୍ୟବସ୍ଥା କରାଯାଇଥିଲା। ଚାଳକ ଏହି କାମ ପାଇଁ ମାସିକ ୫୦ରୁ ୬୦ ହଜାର ଟଙ୍କା ଦରମା ପାଉଛନ୍ତି। ତାଙ୍କର କିଛି ଦାବି ନାହିଁ। ଘଟଣା ସମାଧାନ କରାଯାଇଛି। ଆଗକୁ ଯଦି ସେଭଳି କିଛି କରିବେ ସେମାନେ ସବୁଦିନ ପାଇଁ ଚାକିରି ହରାଇବେ।


All Right Reserved By Dharitri.Com

ଆଜି ବନକଲାଗି: ୪ଘଣ୍ଟା ମହାପ୍ରଭୁଙ୍କ ଦର୍ଶନ ବନ୍ଦ

ପୁରୀ ଅଫିସ,୧୩।୧୧:ଶ୍ରୀମନ୍ଦିରରେ ବୁଧବାର ମହାପ୍ରଭୁଙ୍କ ବନକଲାଗି ନୀତି ଅନୁଷ୍ଠିତ ହେବ। ଏଥିପାଇଁ ଅପରାହ୍ନ ପ୍ରାୟ ୪ଟାରୁ ରାତି ୮ଟା ୪ ଘଣ୍ଟା ଶ୍ରଦ୍ଧାଳୁ ମହାପ୍ରଭୁଙ୍କୁ ଦର୍ଶନ...

ଜଳିଗଲା ୩ ବଖରା

ଧର୍ମଶାଳା,୨୦-୯(ଡି.ଏନ୍‌.ଏ.)- ଧର୍ମଶାଳା ତହସିଲ ଅନ୍ତର୍ଗତ ସଂପାରୁ ପଞ୍ଚାୟତ କାଦୁଆ ମାଗୁରା ଗ୍ରାମରେ ଗୁରୁବାର ସନ୍ଧ୍ୟାରେ ଅଗ୍ନିକାଣ୍ଡ ଘଟିଛି। ଏଥିରେ ସତ୍ୟରଞ୍ଜନ ନାୟକଙ୍କ ୩ ବଖରା ଘର...

ଦାବି ପୂରଣ କରା ନ ଗଲେ ୨୧ରୁ ଆନ୍ଦୋଳନ

ତାଳଚେର,୧୯ା୧(ନି.ପ୍ର.) – ତାଳଚେର ପୌରାଞ୍ଚଳ ଦେଉଳବେଡା ତେଲିସାହିରେ ମାଟି ଦବିବା ଘଟଣାକୁ ନେଇ ହୋଇଥିବା ଦ୍ୱିପାକ୍ଷିକ ନିଷ୍ପତ୍ତି କାର୍ଯ୍ୟକାରୀ ନ ହେବା ପ୍ରତିବାଦରେ ଶନିବାର କ୍ଷତିଗ୍ରସ୍ତ...

ଏଜେଣ୍ଟ, ଗ୍ରାହକଙ୍କୁ ମିଳୁନି ମାଚୁରିଟି ଟଙ୍କା

ବ୍ରହ୍ମପୁର ଅଫିସ,୧୦ା୭-ସାହାରା ଇଣ୍ଡିଆ ଚିଟଫଣ୍ଡ ସଂସ୍ଥା ଅଧୀନରେ କାର୍ଯ୍ୟ କରୁଥିବା ଏଜେଣ୍ଟ(କ୍ଷେତ୍ର କର୍ମଚାରୀ) ଓ ଜମାକାରୀଙ୍କୁ ଦୀର୍ଘ ମାସ ଧରି ମିଳିନି ମାଚୁରିଟି, ଏମ୍‌ଆଇଏସ (ମାସିକ...

ଅନ୍ଧାରରେ ୪୬ ଗଁ।, ହୋଇନି ବିଦ୍ୟୁତ୍‌ ସଂଯୋଗ: ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର

ଦାରିଙ୍ଗବାଡ଼ି,୧ା୧୦(ଡି.ଏନ.ଏ)-ଆଦିବାସୀ ଅଧ୍ୟୁଷିତ ଅଞ୍ଚଳକୁ ସରକାର ବିଭିନ୍ନ ସୁବିଧା ସୁଯୋଗ ଦେଉଥିବା ଦୃଷ୍ଟାନ୍ତ ରହିଛି ା କିନ୍ତୁ କେତେକ ସ୍ଥାନରେ ଏହା କାର୍ଯ୍ୟକାରୀ ହେଉଥିବା ବେଳେ ଅନ୍ୟ...

ସେକ୍ସ ର଼୍ୟାକେଟ ଠାବ: ଦମ୍ପତିଙ୍କ ସହ ୨ ଯୁବକ ଗିରଫ,୨ ଯୁବତୀ ଉଦ୍ଧାର

ରାୟଗଡ଼ା ଅଫିସ,୨୩।୯- ରାୟଗଡ଼ା ପୋଲିସ ସୋମବାର ସ୍ଥାନୀୟ ଗାୟତ୍ରୀ ନଗର ୪ର୍ଥ ଲାଇନରେ ଚାଲିଥିବା ସେକ୍ସ ର଼୍ୟାକେଟକୁ ଠାବ କରିଛି। ଘର ମାଲିକଙ୍କ ସହ ୨...

୯ ଦିନରେ ଏନ୍‌ବିଡବ୍ଲ୍ୟୁରେ ବନ୍ଧାହେଲେ ୫୧୨୧

କଟକ ଅଫିସ, ୬ା୨: ପୋଲିସ ଡିଜି ଅଭୟଙ୍କ ନିର୍ଦ୍ଦେଶକ୍ରମେ ରାଜ୍ୟ କ୍ରାଇମବ୍ରାଞ୍ଚ ପକ୍ଷରୁ ଜାମିନବିହୀନ ଗିରଫ ପରଓ୍ବାନା(ଏନ୍‌ବିଡବ୍ଲ୍ୟୁ)ଗୁଡିକୁ କାର୍ଯ୍ୟକାରୀ କରିବା ପାଇଁ ଗତ ୨୭ ତାରିଖରୁ...

ତଡ଼ପ ଲାଗିହୋଇ ରହିଲେ ସାକ୍ଷୀଗୋପାଳ

ସାକ୍ଷୀଗୋପାଳ,୨୬ା୧୨(ଡି.ଏନ୍‌.ଏ.): ସୂର୍ଯ୍ୟୋପରାଗ ପାଇଁ ବୁଧବାର ସାକ୍ଷୀଗୋପାଳ ମନ୍ଦିରରେ ସଅଳ ଦେବନୀତି ସମ୍ପନ୍ନ କରାଯାଇଛି। ସନ୍ଧ୍ୟା ସୁଧା ବଡସିଂହାର ଧୂପ ସମାପନ କରାଯିବା ପରେ ଠାକୁରଙ୍କୁ ଗ୍ରହଣ...

Leave a comment

Your email address will not be published. Required fields are marked *