ଜାତୀୟ ଖାଦ୍ୟ ସୁରକ୍ଷା ଯୋଜନାରେ ସାମିଲର ୭ମାସ ପରେ କଟିଯାଇଥିଲା ନା: ୩ ବର୍ଷ ପରେ ମିଳିବ ଚାଉଳ

ଜଗତ୍‌ସିଂହପୁର ଅଫିସ, ୫ା୯: କୌଣସି ବ୍ୟକ୍ତି ଯେପରି ଖାଦ୍ୟ ବିନା ମୃତ୍ୟୁ ମୁଖରେ ନ ପଡନ୍ତି ସେନେଇ ଉଭୟ କେନ୍ଦ୍ର ଓ ରାଜ୍ୟ ସରକାର ଗୁରୁତ୍ୱାରୋପ କରୁଛନ୍ତି। ଏହି ଅନୁଯାୟୀ ଜାତୀୟ ଓ ରାଜ୍ୟ ଖାଦ୍ୟ ସୁରକ୍ଷା ଆଇନ କାର୍ଯ୍ୟକାରୀ ହେଉଛି। ତେବେ କେତେକ କ୍ଷେତ୍ରରେ ଆଇନକୁ ବାଟବଣା କରାଯାଉଥିବ ଅଭିଯୋଗ ହେଉଛି। ଯେଉଁଥିପାଇଁ ଅନେକ ଗରିବ ହିତାଧିକରୀ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି। ଯାହାର ଜ୍ୱଳନ୍ତ ପ୍ରମାଣ ଦେଖିବାକୁ ମିଳିଛି ଜଗତ୍‌ସିଂହପୁର ଜିଲା ଏରସମା ବ୍ଲକ ଅନ୍ତର୍ଗତ ଢିଙ୍କିଆର ପ୍ରମୋଦ ସ୍ବାଇଁଙ୍କ ସ୍ତ୍ରୀ ମମତାଙ୍କ କ୍ଷେତ୍ରରେ। ମମତାଙ୍କ ନାମରେ ରାଶନ କାର୍ଡ ଥିବା ବେଳେ ତାଙ୍କ ସ୍ବାମୀ ପ୍ରମୋଦ ୧୫ା୭ା୧୬ ପର୍ଯ୍ୟନ୍ତ ଢିଙ୍କିଆ ଡିଲର ପଏଣ୍ଟରୁ ଚାଉଳ ଉଠାଉଥିଲେ। ପରେ ନାଁ କଟି ଯାଇଥିବା ଦର୍ଶାଯାଇ ଡିଲର ଆଉ ତାଙ୍କୁ ଚାଉଳ ଦେଇ ନ ଥିଲେ। କାହିଁକି ଦିଆଯିବ ନାହିଁ ବୋଲି ପ୍ରଶ୍ନ କରିବାରୁ ଡିଲର ତାଙ୍କୁ ଦୁର୍ବ୍ୟବହାର କରିଥିଲେ। କିଛି ଦିନ ପୂର୍ବରୁ ଏରସମା ବିଡିଓଙ୍କ ନିକଟରେ ପ୍ରମୋଦ ଏଭଳି ଅଭିଯୋଗ କଲାପରେ ତଦନ୍ତ ହୋଇଥିଲା ଏବଂ ସତ ପଦାକୁ ଆସିଛି। ତଦନ୍ତ କରିଥିବା ଏରସମା ବ୍ଲକ ଆକାଉଣ୍ଟସ୍‌ ଅଧିକାରୀ ତାଙ୍କ ରିପୋର୍ଟରେ ଦର୍ଶାଇଛନ୍ତି ମମତାଙ୍କୁ ଅନ୍ୟାୟ ଭାବେ ୩ ବର୍ଷ କାଳ ରାଶନ ଚାଉଳ ଦିଆଯାଇ ନାହିଁ। ଭୁଲ ଆଧାର ସଂଖ୍ୟା ସଂଯୋଗ ଯୋଗୁ ଏଭଳି ହୋଇଛି। ତେଣୁ ଯିଏ ତ୍ରୁଟି କରିଛନ୍ତି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ଯଦ୍ୱାରା ଆଗକୁ ଏଭଳି ତ୍ରୁଟି ହେବନାହିଁ। ଏହି ରିପୋର୍ଟ ପାଇଲା ପରେ ମମତାଙ୍କୁ ତୁରନ୍ତ ୩ ବର୍ଷର ଚାଉଳ ଦେବା ପାଇଁ ବିଡିଓ ବ୍ଲକ ଏମ୍‌ଆଇଙ୍କୁ ନିର୍ଦ୍ଦେଶ ଦେଇଛନ୍ତି। କିନ୍ତୁ ତ୍ରୁଟି କରିଥିବା କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ। ଏସମ୍ପର୍କରେ ବିଡିଓ କୈଳାସ ଚନ୍ଦ୍ର ବେହେରା କହିଛନ୍ତି, ଭୁଲ ସଂଶୋଧନ ହୋଇଯାଇଛି। ଏଣିକି ମମତାଙ୍କୁ ଗତ ୩ ବର୍ଷର ଚାଉଳ ଏକକାଳୀନ ଦିଆଯିବ। ଏଥିସହ ନିୟମିତ ଭାବେ ସେ ରାଶନ ଚାଉଳ ଉଠାଇ ପାରିବେ। କିନ୍ତୁ କାର୍ଯ୍ୟାନୁଷ୍ଠାନ ସମ୍ପର୍କରେ ମୁହଁ ଖୋଲି ନ ଥିଲେ। କହିଥିଲେ, ଏ ସମ୍ପର୍କରେ ଜିଲା ଯୋଗାଣ ଅଧିକାରୀଙ୍କୁ ଅବଗତ କରି ଦିଆଯାଇଛି। ଜିଲା ଯୋଗାଣ ଅଧିକାରୀ ଏହା ଉପରେ ଯାହା କିଛି ନିଷ୍ପତ୍ତି ନେଇପାରିବେ। ଏଥିରେ କିନ୍ତୁ ପ୍ରମୋଦ ସନ୍ତୁଷ୍ଟ ନୁହନ୍ତି । ସେ କହିଛନ୍ତି, ଡିଲର ତାଙ୍କୁ ଦୁର୍ବ୍ୟବହାର କରିଥିଲେ। କିିଛି ଦିନ ପୂର୍ବରୁ ତାଙ୍କ ନାଁରେ ଚାଉଳ ଉଠୁଥିବା ଜାଣିପାରିଥିଲେ। ଏହାପରେ ଅଭିଯୋଗ କଲାପରେ ଏବେ ଚାଉଳ ମିଳିବ ବୋଲି କୁହାଯାଉଛି। କିନ୍ତୁ ଯିଏ ଜାଣିଶୁଣି ତାଙ୍କ ଦାନାପାଣି ଉପରେ କୁଠାରାଘାତ କରିଛନ୍ତି ସେ ଦଣ୍ଡିତ ହେବା ଦରକାର ବୋଲି କ୍ଷୋଭର ସହ କହିଛନ୍ତି।
ମମତାଙ୍କ ପରିବାରର ୩ ଜଣ ଜାତୀୟ ଖାଦ୍ୟ ସୁରକ୍ଷା ଆଇନରେ ଅନ୍ତର୍ଭୁକ୍ତ ହୋଇଥିଲେ। ସେମାନଙ୍କୁ ମାସିକ ୧୫ କେଜି (କିଲୋଗ୍ରାମ) ହିସାବରେ ୭ ମାସ ପର୍ଯ୍ୟନ୍ତ ଚାଉଳ ଦିଆଯାଉଥିଲା। ପରେ ହଠାତ୍‌ ଦିଆଗଲାନାହିଁ। କିନ୍ତୁ ପରବର୍ତ୍ତୀ ସମୟରେ ତାଙ୍କ ନାଁକୁ ଅନ୍ତଦ୍ୱୟ ଯୋଜନାରେ ସାମିଲ କରାଯାଇ ମାସିକ ୩୫ କେଜି ହିସାବରେ ଚାଉଳ ଉଠାଯାଉଥିଲା। କମ୍ପ୍ୟୁଟର ସହାୟତାରେ ମମତାଙ୍କ ସ୍ବାମୀ ପ୍ରମୋଦ ଏହା ଜାଣିବା ପରେ ବିସ୍ମିତ ହେବା ସହ ତାଙ୍କ ପ୍ରତି କାହିଁକି ଏଭଳି ଅନ୍ୟାୟ କରାଗଲା ବୋଲି ଡିଲରଙ୍କୁ ପଚାରିିଥିଲେ। କିନ୍ତୁ ତାଙ୍କୁ କୌଣସି ସନ୍ତୋଷଜନକ ଉତ୍ତର ମିଳିପାରି ନ ଥିଲା। ଏହାପରେ ସେ ଢିଙ୍କିଆ ସମିତିସଭ୍ୟ ଦେବେନ୍ଦ୍ର ସ୍ବାଇଁଙ୍କୁ ଲିଖିତ ଭାବେ ଜଣାଇବା ସହ ଏରସମା ବିଡିଓଙ୍କ ନିକଟରେ ଅଭିଯୋଗ କରିଥିଲେ। ବିଡିଓଙ୍କ ନିର୍ଦ୍ଦେଶରେ ବ୍ଲକ ଆକାଉଣ୍ଟସ୍‌ ଅଧିକାରୀ ବିଭୂଦତ୍ତ ମିଶ୍ର ତଦନ୍ତ କରିଥିଲେ। ତଦନ୍ତରୁ ଜଣାପଡିଥିଲା ଯେ, ୨୦ା୭ା୧୯ରେ ସମିତିସଭ୍ୟ ସ୍ବାଇଁଙ୍କ ଅଭିଯୋଗ ଉପରେ ତଦନ୍ତ କରିଥିଲେ। ୨୪ା୭ା୧୯ରେ ସ୍ବାଇଁଙ୍କ ସହ କ୍ଷେତ୍ର ପରିଦର୍ଶନ କରିଥିଲେ। ଏହି ସମୟରେ ଜଣାଯାଇଥିଲା ଢିଙ୍କିଆ ପଞ୍ଚାୟତରେ ୨ ଜଣ ମମତା ସ୍ବାଇଁ ଅଛନ୍ତି। ଜଣେ ଢିଙ୍କିଆର ହୋଇଥିବା ବେଳେ ଅନ୍ୟଜଣକ ତ୍ରିଲୋଚନପୁରର ମୃତ ମାଥୁରୀଙ୍କ ସ୍ତ୍ରୀ। ଢିଙ୍କିଆ ମମତା ଓ ତାଙ୍କ ସ୍ବାମୀ ପ୍ରମୋଦଙ୍କ ଆଧାର ସଂଖ୍ୟା ହେଉଛି ୬୭୯୮୩୨୩୬୬୬୯୧ ଓ ୬୫୭୬୬୪୬୫୧୦୫୩। ତ୍ରିଲୋଚନପୁର ମମତାଙ୍କ ଆଧାର ସଂଖ୍ୟା ୮୭୯୪୬୯୭୪୮୧୬୫। ପୂର୍ବରୁ ତାଙ୍କ କାର୍ଡ ସଂଖ୍ୟା ୧୨୦୩୦୭୧୨୯୫୧ ଥିଲା। କିନ୍ତୁ କାର୍ଡରେ ଭୁଲ ଆଧାର ସଂଖ୍ୟା ସଂଯୋଗ କରାଯାଇଥିବାରୁ ଏହା ବାତିଲ କରି ଦିଆଯାଇଥିଲା। ଏହି ସମୟରେ ଢିଙ୍କିଆର ମମତା ରାଶନ ପାଉଥିଲେ। ହେଲେ ପରବର୍ତ୍ତୀ ସମୟରେ ତ୍ରିଲୋଚନପୁର ମମତାଙ୍କ ଆଧାର ସଂଖ୍ୟା ଢିଙ୍କିଆର ମମତାଙ୍କ ଆଧାର ସଂଖ୍ୟାରେ ସଂଯୋଗ କରି ଦିଆଯାଇଥିଲା। ଯେଉଁ କାରଣରୁ ଢିଙ୍କିଆର ମମତା ରାଶନ କାର୍ଡ ସୁବିଧାରୁ ବଞ୍ଚତ୍ତ ହୋଇଛନ୍ତି। ୧୫ା୭ା୧୬ ପର୍ଯ୍ୟନ୍ତ ସେ ଚାଉଳ ଗ୍ରହଣ କରିଥିଲେ। ପରେ ତାଙ୍କୁ ଦିଆଯାଇ ନ ଥିଲା । ଭୁଲ ଆଧାର ଲିଙ୍କେଜ ଯୋଗୁ ଢିଙ୍କିଆର ମମତାଙ୍କୁ ୩ ବର୍ଷ କାଳ ତାଙ୍କର କିଛି ତ୍ରୁଟି ନ ଥାଇ ରାଶନ ଦିଆଯାଇ ନ ଥିଲା ବୋଲି ଦର୍ଶାଯାଇଛି।


All Right Reserved By Dharitri.Com

ସରକାରକଁର ସ୍ବଚ୍ଛ ଭାରତ ଅଭିଯାନ ବାଟବନା:ପାଇଖାନା ତିଆରି ନାଁରେ ଟଁକା ହଡ଼ପ

ଜାମଟିକ୍ରା, ୩୧।୫ (ଡି.ଏନ.ଏ): ପରିବେଶକେ ସାଫ୍‌ ସୁତର ରଖ୍‌ବାର ଲାଗି କେନ୍ଦ୍ର ସରକାର ସ୍ବଚ୍ଛ ଭାରତ ଅଭିଯାନ କାଯ୍‌କାରୀ କରି କୋଟି କୋଟି ଟଁକା ସାରୁଛନ୍‌।...

୧୨ ଫୁଟ୍‌ ଲମ୍ବର ଅଜଗର ଉଦ୍ଧାର

ସଜନାଗଡ଼,୧୮।୯(ଡି.ଏନ.ଏ.): ବାଲେଶ୍ୱର ଜିଲା ନୀଳଗିରି କୁଲଡ଼ିହା ଅଭୟାରଣ୍ୟ ପାଦଦେଶରେ ଅବସ୍ଥିତ କାଣ୍ଡଗରଡ଼ିହି ପଞ୍ଚାୟତ ଶିକିରିଆ ଗ୍ରାମରୁ ବୁଧବାର ୧୨ ଫୁଟ୍‌ ଲମ୍ବର ଏକ ଅଜଗର ସାପ...

ବ୍ଳକ ସ୍ତରୀୟ ଖେଳ ଓ କ୍ରୀଡା ପ୍ରତିଯୋଗିତା ଉଦ୍‌ଘାଟିତ

ଦାରିଙ୍ଗବାଡି,୧୨।୯(ଡ.ଏନ.ଏ.): କନ୍ଧମାଳ ଜିଲା ଦାରିଙ୍ଗବାଡି ଓଡିଶା ଆଦର୍ଶ ବିଦ୍ୟାଳୟ ପରିସରରେ ଗୁରୁବାର ବ୍ଳକ ସ୍ତରୀୟ ଖେଳ ଓ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଛି। ବିଦ୍ୟାଳୟର ଅଧ୍ୟକ୍ଷ...

୨୦ରୁ ଖଣି ବନ୍ଦ ଆନ୍ଦୋଳନ ଚେତାବନୀ

ତାଳଚେର, ୧୯ା୮ (ନି.ପ୍ର.) ଭରତପୁର କୋଇଲା ଖଣି ଦୁର୍ଘଟଣାରେ ମୃତ୍ୟୁ ଘଟିଥିବା ଶ୍ରମିକଙ୍କ ପରିବାରକୁ କ୍ଷତିପୂରଣ ଓ ନିଯୁକ୍ତି ଦେବାରେ ଏମ୍‌ସିଏଲ ବିଫଳ ହେବା ଓ ପ୍ରତିଶ୍ରୁତି...

ଚୋରି ଘଟଣାରେ ୪ଗିରଫ: ସୁନା ଅଳଙ୍କାର, ମାରଣାସ୍ତ୍ର ଜବତ

ହିଞ୍ଜିଳିକାଟୁ,୧୦।୬(ଡି.ଏନ୍‌.ଏ.)- ହିଞ୍ଜିଳି ଥାନା ଅଞ୍ଚଳରେ କିଛିଦିନ ଧରି ବିଭିନ୍ନ ଅଞ୍ଚଳରୁ ବାରମ୍ବାର ଚୋରି ହେଉଥିଲା। ରବିବାର ରାତିରେ ହିଞ୍ଜିଳି ପୋଲିସ ବିଭିନ୍ନ ସ୍ଥାନରେ ଚଢାଉ କରି...

ଜନଗହଳିପୂର୍ଣ୍ଣ ଛକ ପରିଦର୍ଶନ କଲେ ଟ୍ରାଫିକ ଡିଏସ୍‌ପି : ଭୁଲ ରାସ୍ତାରେ ଗଲେ, ବାଇକ୍‌ରେ ୩ ଜଣ ବସିଲେ କାର୍ଯ୍ୟାନୁଷ୍ଠାନ

ବ୍ରହ୍ମପୁର ଅଫିସ,୧୪ା୧୧-ବ୍ରହ୍ମପୁର ସହରର ଟ୍ରାଫିକ ବ୍ୟବସ୍ଥାରେ ସୁଧାର ଆଣିବାକୁ ଏଣିକି ବିଭାଗ ପକ୍ଷରୁ ଦୃଢ ପଦକ୍ଷେପ ଗ୍ରହଣ କରାଯିବ ା ବ୍ରହ୍ମପୁର ମହାନଗର ନିଗମ(ବିଏମସି) ପକ୍ଷରୁ...

ଜୈନ ମନ୍ଦିର ସଦୃଶ ତୋରଣରେ ପୂଜା ପାଇବେ ଗଜାନନ

ବାରିପଦା ଅଫିସ,୨୫।୮- ବାରିପଦା ସହର ତକତପୁର ଫ୍ରେଣ୍ଡସ୍‌ ୟୁନିୟନ ପକ୍ଷରୁ ପ୍ରତିବର୍ଷ ପାଳିତ ହେଉଥିବା ଗଣେଶ ପୂଜାର ସ୍ବାତନ୍ତ୍ର୍ୟ ରହିଛି। ୨୦୦୭ ରେ ସ୍ଥାନୀୟ ଅଞ୍ଚଳର...

ଢେଙ୍କାନାଳ ସହରରେ ସିରିଜ ଦୁର୍ଘଟଣାକୁ ନେଇ ଉତ୍ତେଜନା:୪ ବାଇକ୍‌କୁ ଧକ୍କା ଦେଲା କାର୍‌

ଢେଙ୍କାନାଳ ଅଫିସ,୨୮ା୧୨ ଢେଙ୍କାନାଳ ଜିଲା କାର୍ଯ୍ୟାଳୟ ପଛପାଖ କଚେରୀ ରୋଡ୍‌ରେ ଶୁକ୍ରବାର ସିରିଜ ଦୁର୍ଘଟଣା ଘଟିଛି। ନିଶାଶକ୍ତ ଅବସ୍ଥାରେ ଥିବା ଏକ କାର୍‌ ଚାଳକ ଦ୍ରୁତ...

Leave a comment

Your email address will not be published. Required fields are marked *