ପ୍ୟାକେଜ ନାଁରେ ଭୁଅଁା ବୁଲାଉଛନ୍ତି

ପୁରୀ ଅଫିସ,୪ା୯ : ଶ୍ରୀମନ୍ଦିର ମେଘନାଦ ପାଚେରି ୭୫ମିଟର ପରିଧିରେ ଆସୁଥିବା ନିର୍ମାଣାଧୀନ କୋଠା ଭଙ୍ଗାଯିବା ନେଇ ସରକାର ନିଷ୍ପତ୍ତି ନେଇଛନ୍ତି। ଶ୍ରୀମନ୍ଦିର ସୁରକ୍ଷା ଦୃଷ୍ଟିରୁ ମୁଖ୍ୟମନ୍ତ୍ରୀ ପୁରୀବାସୀଙ୍କୁ ତ୍ୟାଗ ଲାଗି ଆହ୍ବାନ ଦେଇଥିଲେ। ପ୍ରଶାସନ ପକ୍ଷରୁ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଥିବାବେଳେ ବିସ୍ଥାପିତଙ୍କ ଲାଗି ସରକାର ସ୍ବତନ୍ତ୍ର ପ୍ୟାକେଜ ଘୋଷଣା କରିଛନ୍ତି। ତେବେ ଏହି ପ୍ୟାକେଜକୁ ନେଇ ବିଭିନ୍ନ ମହଲରେ ଅସନ୍ତୋଷ ପ୍ରକାଶ ପାଇଛି। ବିସ୍ଥାପିତ ହୋଇଥିବା ଲୋକେ ସରକାରଙ୍କୁ ତୀବ୍ର ସମାଲୋଚନା କରିବା ସହ ପ୍ୟାକେଜ ନଁାରେ ସେମାନଙ୍କୁ ଭୁଅଁା ବୁଲାଯାଉଥିବା ଅଭିଯୋଗ କରିଛନ୍ତି। ଏନେଇ ଏକ ମତାମତ ଭିତ୍ତିକ ଉପସ୍ଥାପନା…

ବିସ୍ଥାପନ ଟଙ୍କା ମିଳିନି
ରାଜ୍ୟ ସରକାର ସମ୍ପୂର୍ଣ୍ଣ ଭାବେ ମିଥ୍ୟା କହୁଛନ୍ତି। ବିସ୍ଥାପିତଙ୍କୁ ଥଇଥାନ ନାମରେ ମିଥ୍ୟା ପ୍ରଲୋଭନ ଦେଖାଉଛନ୍ତି। ଥଇଥାନ ନେଇ କରିଥିବା ପ୍ୟାକେଜ ଧୂଆଁବାଣ। ଲୋକଙ୍କୁ ଲଲିପପ୍‌ ଧରାଇବାକୁ ଚେଷ୍ଟା କରୁଛନ୍ତି। ୨୦୧୫ ନବକଳେବର ସମୟରେ ୧୫ଶହ ବର୍ଗ ଫୁଟ ଘର ଦୋକାନ ଗୃହ ଉଚ୍ଛେଦ ହୋଇଥିଲା। ବର୍ତ୍ତମାନ ସୁଦ୍ଧା ଥଇଥାନ ଟଙ୍କା ପାଇବା ଲାଗି ଜିଲାପାଳଙ୍କ କାର୍ଯ୍ୟାଳୟକୁ ଦୌଡି ଦୌଡି ନୟାନ୍ତ ହୋଇପଡିଲିଣି। ଏଣୁ କୌଣସି ବ୍ୟକ୍ତି ସରକାରଙ୍କ ଥଇଥାନ ପ୍ୟାକେଜରେ ଭାସି ନ ଯାନ୍ତୁ।
-ନବ କିଶୋର ସାହୁ, ସାମାଜିକ କର୍ମୀ
ପ୍ରତିଶ୍ରୁତି ଦେଇ ଠକିଲେ
୨୦୧୩ରେ ବଡ଼ଦାଣ୍ଡର ଉଭୟ ପାର୍ଶ୍ୱରୁ ଉଚ୍ଛେଦ ହୋଇଥିଲା। ଏହି ସମୟରେ ମୋର ଦୁଇଟି ଦୋକାନ ଉଚ୍ଛେଦ ହୋଇଥିଲା। ପରବର୍ତ୍ତୀ ସମୟରେ ଉପଯୁକ୍ତ ଥଇଥାନ କରାଯିବ ବୋଲି ସରକାର ପ୍ରତିଶ୍ରୁତି ଦେଇଥିଲେ। ତେବେ ବାରମ୍ବାର ପ୍ରଶାସନ କାର୍ଯ୍ୟାଳୟକୁ ଦୌଡିବା ସତ୍ତ୍ବେ କୌଣସି ସୁଫଳ ମିଳିନି। ପରେ ଏନେଇ ହାଇକୋର୍ଟରେ ଏକ ମାମଲା ରୁଜୁ କରିଥିଲି। ହାଇକୋର୍ଟ ତୁରନ୍ତ ଥଇଥାନ ଲାଗି ନିର୍ଦ୍ଦେଶ ଦେବା ସତ୍ତ୍ବେ ବର୍ତ୍ତମାନ ସୁଦ୍ଧା କୌଣସି ଥଇଥାନ କରାଯାଇନାହିଁ। ଏବେ ପୁଣି ୭୫ମିଟର ପରିଧି ମଧ୍ୟରେ ଘର ଚାଲିଯିବା ଆଶଙ୍କା ରହିଛି। ସରକାରଙ୍କ ପ୍ୟାକେଜରେ ସତ୍ୟତା ନାହିଁ। ପ୍ୟାକେଜ୍‌ର କାର୍ଯ୍ୟକାରିତା ନେଇ ଦ୍ୱନ୍ଦ୍ୱ ରହିଛି। ସରକାରଙ୍କ ଉପରେ ମୋର ଆଦୌ ଭରସା ନାହିଁ।
-ରାଜ କୁମାର ନିଗମ, ଯୁବ ବ୍ୟବସାୟୀ
ମଠ ଦୁରବସ୍ଥା ଲାଗି ସରକାର ଦାୟୀ
ପିଲାଦିନୁ ମଠ ସହିତ ଜଡିତ ରହିଛି। ମଠରେ ଝୁଲଣ ଯାତ୍ରା ହେଉ ଅଥବା ଶ୍ରୀକୃଷ୍ଣ ଜନ୍ମାଷ୍ଟମୀରେ ମଠ ପକ୍ଷରୁ ଆୟୋଜିତ ଉତ୍ସବରେ ସାମିଲ ହୋଇ ଆସିଛି। ମଠର ଦୁରବସ୍ଥା ଲାଗି ସରକାର ଓ ଦେବୋତ୍ତର ବିଭାଗ ଦାୟୀ। ଏହାର ରକ୍ଷଣାବେକ୍ଷଣ ଲାଗି କୌଣସି ବ୍ୟବସ୍ଥା କରାଯାଇନାହିଁ। ବର୍ତ୍ତମାନ ଏହା ବିପଦସଙ୍କୁଳ ଦର୍ଶାଇ ଏହାକୁ ପ୍ରଶାସନ ଭାଙ୍ଗିଚାଲିଛି। ଏହା ଗ୍ରହଣୀୟ ନୁହଁ। ଯଦି ମଠ ନ ରହିବ, ଶ୍ରୀକ୍ଷେତ୍ରର ଐତିହ୍ୟ ନଷ୍ଟ ହୋଇଯିବ। ଭକ୍ତ ଶ୍ରୀକ୍ଷେତ୍ରକୁ ଆସିଲେ, ପ୍ରଥମେ ମଠ ସ୍ଥାନକୁ ପ୍ରାଥମିକତା ଦେଇଥାଏ। ଯଦି ମଠ ନ ରହିବ, ଭକ୍ତମାନେ କୁଆଡେ ଯିବେ। ପୂଜ୍ୟପୂଜାକୁ ସରକାର କୁଠାରାଘାତ କରୁଛନ୍ତି।
-ଗୌରବ ପାଶୋରିଆ,
ଯୁବ ସାମାଜିକ କର୍ମୀ
ମୋ ଜେଜେମା କାନ୍ଦୁଛି
୭୫ ମିଟର
ପରିଧିରେ ମୋର ଘର ଆସୁଛି। ଆମ ଘର ଚାଲିଯିବା ଖବର ଶୁଣି ମୋ ଜେଜେମା ଆଖିରେ ଲୁହ ଶୁଖୁନି। ଘର ଆଗରେ ଠିଆ ହୋଇ କଇଁ କଇଁ କାନ୍ଦୁଛି। ବହୁ କଷ୍ଟରେ ଘର ଖଣ୍ଡେ ତୋଲିଥିଲେ। ବୟସାଧିକ୍ୟ ସତ୍ତ୍ବେ ହାତରେ ବାଡି ଖଣ୍ଡେ ଧରି ସେ ଶ୍ରୀମନ୍ଦିରକୁ ଦର୍ଶନ କରିବାକୁ ଆସେ। ଘର ଉଚ୍ଛେଦ ହୋଇଗଲେ, ପୂର୍ବ ବଂଶ ପରମ୍ପରା ଘର ନଷ୍ଟ ହୋଇଯିବ। ଦୁଃଖରେ ଜେଜେମା ଖାଇବା ପିଇବା ଛାଡିଲାଣି। ଏନେଇ ଆମ ପରିବାରରେ ଦୁଃଖର ବାତାବରଣ ଲାଗି ରହିଛି। ମୁଁ ଜଣେ ସେବାୟତ। ପ୍ରତ୍ୟେକ ସମୟରେ ମହାପ୍ରଭୁଙ୍କ ସେବାକାର୍ଯ୍ୟରେ ଶ୍ରୀମନ୍ଦିର ଯିବାକୁ ପଡୁଛି। ବିସ୍ଥାପିତ
ହେବା ପରେ ଶ୍ରୀମନ୍ଦିର କାର୍ଯ୍ୟରେ ବାଧା ସୃଷ୍ଟି ହେବ।
– ରବୀନ୍ଦ୍ର ଦାସ ମହାପାତ୍ର, ସେବାୟତ


All Right Reserved By

ଅବୈଧ ପ୍ରେମ ସମ୍ପର୍କକୁ ନେଇ ଶିକ୍ଷକଙ୍କୁ ହତ୍ୟା: ସ୍ତ୍ରୀ, ପ୍ରେମିକ ଓ ସହଯୋଗୀ ଗିରଫ

ମୁନିଗୁଡ଼ା,୩୦।୫(ଡି.ଏନ୍‌.ଏ.): ରାୟଗଡ଼ା ଜିଲା ମୁନିଗୁଡ଼ା ଥାନା ଅନ୍ତର୍ଗତ କୁଟ୍ରାଗଡ଼ ଗ୍ରାମ ବଂଶଧରା ପୋଲ ତଳୁ ଗତ ୨୦ ତାରିଖରେ ଜଣେ ଶିକ୍ଷକଙ୍କ ମୃତଦେହ ଉଦ୍ଧାର କରାଯାଇଥିଲା।...

ଜି.ଉଦୟଗିରିରେ ସାଲୁଗା, ବାଲିଗୁଡାରେ ଚକ୍ରମଣି, ଫୁଲବାଣୀରେ ଅଙ୍ଗଦ ଆଗରେ

ଜି.ଉଦୟଗିରି,୨୩।୫(ଡି.ଏନ୍‌.ଏ.)- ଜି.ଉଦୟଗିରି ବିଧାନସଭା କ୍ଷେତ୍ରରେ ବିଜେଡି ପ୍ରାର୍ଥୀ ସାଲୁଗା ପ୍ରଧାନ ଆଗୁଆ ଅଛନ୍ତି। ସାଲୁଗାଙ୍କୁ ୫୯୮୫ ଭୋଟ ମିଳିଥିବାବେଳେ ଭାଜପାର ଅର୍ଚ୍ଚନା ପ୍ରଧାନଙ୍କୁ ୩୯୭୭ ଭୋଟ...

ଆଜି ସିଂହବାହିନୀ ବେଶରେ ଦର୍ଶନ ଦେବେ ମା’ମଙ୍ଗଳା

କାକଟପୁର,୪।୧୦(ଡି.ଏନ୍‌.ଏ): ପୁରୀ ଜିଲା କାକଟପୁର ମା’ ମଙ୍ଗଳାଙ୍କ ମନ୍ଦିରରେ ଆଶ୍ୱିନ ମୂଳାଷ୍ଠମୀ ତିଥିରୁ ଚାଲିଛି ଶାରଦୀୟ ପାର୍ବଣ ପୂଜା। ଶୁକ୍ରବାର ଆଶ୍ୱିନ ଶୁକ୍ଳ ସପ୍ତମୀ ତିଥି...

୩ ରଥର ୩୩ କଣଗୁଜ ସରିଲା

ପୁରୀ ଅଫିସ, ୧୧।୬: ଶ୍ରୀନଅର ସମ୍ମୁଖ ରଥଖଳାରେ ଚାଲିଛି ରଥକାମ। ଅକ୍ଷୟତୃତୀୟାଠାରୁ ଆରମ୍ଭ ହୋଇଥିବା ରଥ ନିର୍ମାଣ କାର୍ଯ୍ୟ ଦ୍ରୁତ ଗତିରେ ଆଗେଇ ଚାଲିଛି। ମହାରଣା,...

ଭିନ୍ନକ୍ଷମ ସଶକ୍ତୀକରଣକୁ ଗୁରୁତ୍ୱ: ପ୍ରତି ଜିଲାରେ ହେବ ସମନ୍ବିତ ପୁନର୍ବାସ କେନ୍ଦ୍ର

ଭୁବନେଶ୍ୱର,୨୦।୮(ବ୍ୟୁରୋ): ସାମାଜିକ ସୁରକ୍ଷା ଯୋଜନାଗୁଡ଼ିକର ସଫଳ ରୂପାୟନ ନିମନ୍ତେ ରାଜ୍ୟ ସରକାର ଭିନ୍ନକ୍ଷମ ସଶକ୍ତୀକରଣ ଉପରେ ଗୁରୁତ୍ୱ ଦେଇଛନ୍ତି। ଏହି କ୍ରମରେ ପ୍ରତି ଜିଲାରେ ଭିନ୍ନକ୍ଷମମାନଙ୍କ...

ସୁନ୍ଦରଗଡ଼ ଜିଲା ଅବକାରୀ ବିଭାଗର ଚଢ଼ାଉ: ୨୫ କିଗ୍ରା ଗଞ୍ଜେଇ ଜବତ, ଜଣେ ଗିରଫ

ରାଉରକେଲା ଅଫିସ,୩।୭: ସୁନ୍ଦରଗଡ଼ ଜିଲା ଅବକାରୀ ପୋଲିସ ବୁଧବାର ଲକ୍ଷାଧିକ ଟଙ୍କା ମୂଲ୍ୟର ଗଞ୍ଜେଇ ଜବତ କରିଛି। ଘଟଣାରେ ସମ୍ପୃକ୍ତ ଥିବା ଜଣଙ୍କୁ ଗିରଫ କରାଯାଇଛି।...

ଏଣିକି ମାସର ଶେଷ ଦିନରେ ଦରମା

ଭୁବନେଶ୍ୱର,୨୫-୯(ବ୍ୟୁରୋ):ରାଜ୍ୟ ସରକାରୀ କର୍ମଚାରୀଙ୍କ ପାଇଁ ଖୁସି ଖବର। ଏଣିକି ମାସର ଶେଷ କାର୍ଯ୍ୟ ଦିବସରେ କର୍ମଚାରୀଙ୍କୁ ଦରମା ମିଳିବ। ଏ ସମ୍ପର୍କିତ ଏକ ବିଜ୍ଞପ୍ତି ମଙ୍ଗଳବାର...

୧୭ରେ ମୁଖ୍ୟମନ୍ତ୍ରୀଙ୍କ ପାଟକୁରା ଗସ୍ତ: ସାବିତ୍ରୀଙ୍କ ପାଇଁ କରିବେ ପ୍ରଚାର, ରୋଡ୍‌ ଶୋ’

ଭୁବନେଶ୍ୱର, ୧୦।୭(ବ୍ୟୁରୋ): ଆସନ୍ତା ୨୦ରେ ବହୁ ପ୍ରତିକ୍ଷିତ ପାଟକୁରା ନିର୍ବାଚନ। ଏହାକୁ ମାତ୍ର ଦଶ ଦିନ ଥିବାବେଳେ ରାଜ୍ୟରେ ଶାସନ କ୍ଷମତାରେ ଥିବା ବିଜେଡି, ବିରୋଧୀ...

selfi corner

Model This Week

Why Dharitri

Leave a comment

Your email address will not be published. Required fields are marked *