ବାଇକ୍‌ର ପେଣ୍ଠସ୍ଥଳ କୁହୁଡି:ବାଇକ୍‌ ଚୋରି ପାଇଁ ତାଲିମ ଦିଆଯାଉଥିଲା

ଖୋର୍ଦ୍ଧା ଅଫିସ,୪ା୯: ଖୋର୍ଦ୍ଧା ଜିଲାର ଟାଙ୍ଗୀ ଥାନା କୁହୁଡି ଚୋରା ବାଇକ୍‌ର ପେଣ୍ଠସ୍ଥଳ ପାଲଟିଛି। ଏପରି କି ଏଠାରେ ବାଇକ୍‌ ଲୁଟ୍‌ କରିବାକୁ ଯୁବକମାନଙ୍କୁ ତାଲିମ ଦିଆଯାଇ ଟ୍ରେଣ୍ଡ କରାଯାଉଥିଲା। ନୟାଗଡ ଜିଲାର ଚାନ୍ଦପୁର ଥାନା ପୋଲିସ ରବିବାର ଏଠାରୁ ୧୧ଟି ବାଇକ୍‌ ଜବତ କରିବା ସହ କୁହୁଡିର ଗ୍ୟାରେଜ ମାଲିକ କେଶବ ବେହେରା(୪୦), କୁହୁଡିର ବାବୁଲି ବେହେରା(୩୬) ଓ ଜିତେନ୍ଦ୍ର କୁମାର ପଟ୍ଟନାୟକ(୩୮) ବାଇକ୍‌ ଲୁଟ୍‌ ଅଭିଯୋଗରେ ଗିରଫ ହେବା ପରେ ସେମାନଙ୍କ କାରନାମା ପଦାକୁ ଆସିଛି। ହେଲେ ଚୋରା ବାଇକ୍‌ ଲୁଟ୍‌ କରୁଥିବା ବ୍ୟକ୍ତିଙ୍କ ସମ୍ପର୍କରେ ଟାଙ୍ଗୀ ଥାନା ପୋଲିସ ଅବଗତ ନ ଥିଲା, ନା ଜାଣିଶୁଣି ଚୁପ ରହିଥିଲା ତାହା ସନ୍ଦେହ ଘେରକୁ ଆସିଛି। ଲୁଟ୍‌ କରୁଥିବା ବ୍ୟକ୍ତିଙ୍କଠାରୁ ମାସିକିଆ କୋଟା ନେଇ ପୋଲିସ ଚୁପ ରହୁଥିଲା ବୋଲି ଜଣେ ବାଇକ୍‌ ଲୁଟେରା ନଁା ଗୋପନ ରଖିବା ସର୍ତ୍ତରେ ପ୍ରକାଶ କରିଛନ୍ତି। ତେବେ ବାଇକ୍‌ ଲୁଟ୍‌ ଦଳର ମୁଖିଆ ଥିଲେ କୁହୁଡିର ବାବୁଲି ଓ ଜିତେନ୍ଦ୍ର। ଏମାନଙ୍କ ଅଧୀନରେ ୨୦ଜଣ ବାଇକ୍‌ ଲୁଟ୍‌ କରୁଥିବା ସଦସ୍ୟ କାର୍ଯ୍ୟ କରୁଛନ୍ତି। ଏହି ଦଳର ସଦସ୍ୟମାନେ ଖୋର୍ଦ୍ଧା, ନୟାଗଡ ଓ କଟକ ଜିଲାରୁ ବାଇକ୍‌ ଚୋରି କରିଥାନ୍ତି। ପରେ ବାଇକ୍‌ଗୁଡିକ ଆଣି କୁହୁଡିର ଗ୍ୟାରେଜରେ ଖୋଲାଯାଏ। ଗ୍ୟାରେଜ ମାଲିକ କେଶବ ଚୋରା ବାଇକ୍‌ର ପାର୍ଟସ୍‌ଗୁଡିକ ଖୋଲି ବିକ୍ରି କରିଥାନ୍ତି। ଯାହା ମିଳେ ଭାଗବାଣ୍ଟି ନିଅନ୍ତି। ପ୍ରାପ୍ତ ସୂଚନା ଅନୁସାରେ, ନୟାଗଡ ଜିଲା ଚାନ୍ଦପୁର ଥାନା କନ୍ଧ ନୂଆଗଡ ଗଁାର କେଶବ ପ୍ରଧାନଙ୍କର (ନଂ. ଓଡି୨୫ ଏଚ୍‌ ୯୪୨୦) ବାଇକ୍‌ ରବିବାର ଚୋରି ହୋଇଥିଲା। ବାଇକ୍‌ ଚୋରି ନେଇ ଥାନାରେ ଅଭିଯୋଗ ପରେ ପୋଲିସ ଦଫା ୩୭୯, ୪୧୧, ୩୪ ଆଇପିସିରେ ନଂ. ୮୦/୧୯ରେ ମାମଲା ରୁଜୁ କରି ତଦନ୍ତ କରିଥିଲା। ପୋଲିସ ତଦନ୍ତରୁ ଜାଣି ପାରିଥିଲା କୁହୁଡିର ବାବୁଲି ବାଇକ୍‌ ଚୋରିରେ ସମ୍ପୃକ୍ତ ଅଛନ୍ତି। ବାବୁଲିଙ୍କୁ ଅଟକ ରଖି ପଚରାଉଚୁରା ପରେ ଏଥିରେ ସମ୍ପୃକ୍ତ ଥିବା ୩ ଜଣ ଗିରଫ ହୋଇଛନ୍ତି। ତେବେ ଚାନ୍ଦପୁର ଥାନା ପୋଲିସ ତା’ର ଦାୟିତ୍ୱ ଶେଷ କରି ଦେଇଥିବାବେଳେ ଟାଙ୍ଗୀ ଥାନା ପୋଲିସ ବାଇକ୍‌ ଚୋରି ର଼୍ୟାକେଟକୁ ଠାବ କରିବାକୁ ତ୍ୱରିତ ପଦକ୍ଷେପ ନେବା କଥା। ହେଲେ ଏଯାବତ ଟାଙ୍ଗୀ ଥାନା ପୋଲିସ ଚୁପ ରହିବା କାରଣରୁ ବାଇକ୍‌ ଲୁଟ୍‌ କରୁଥିବା ବ୍ୟକ୍ତି ଦିଗ ପରିବର୍ତ୍ତନ କରିବାକୁ ସୁବିଧା ହେବ ବୋଲି ଜଣେ ବାଇକ୍‌ ଲୁଟେରା କହିଛନ୍ତି।


All Right Reserved By Dharitri.Com

ଚିଲିକାରେ ୧୪୨ ମାଛଧରା ଡଙ୍ଗା ଯାଞ୍ଚ

ବାଲୁଗାଁ, ୫-୨(ଡି.ଏନ.ଏ.):ଚିଲିକାରେ ଡଙ୍ଗାବୁଡ଼ି ଘଟଣା ପରେ ପ୍ରଶାସନର ଚେତା ପଶିଛି। ଅସୁରକ୍ଷିତ ଭାବେ ଯାତ୍ରୀ ପରିବହନ କରୁଥିବା ମାଛଧରା ଓ ଯାତ୍ରୀବାହୀ ଡଙ୍ଗା ଯାଞ୍ଚ ପାଇଁ...

ନିଖୋଜ ଯୁବକଙ୍କ ମୃତଦେହ ଉଦ୍ଧାର

ଖୋର୍ଦ୍ଧା ଅଫିସ,୨୨।୧: ଖୋର୍ଦ୍ଧା ଜିଲା ବାଲୁଗାଁ ଚିଲିକା କୂଳ ଜେଟି ନିକଟରୁ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ମୃତକ ହେଲେ ବାଣପୁର ଥାନା ବିଷ୍ଣୁଡିହ...

ଟ୍ରେନ୍‌ରେ କଟି ମହିଳାଙ୍କ ଜୀବନଗଲା

ଖୋର୍ଦ୍ଧା ଅଫିସ,୨୩।୧: ଖୋର୍ଦ୍ଧା ପୋଲିସ ଜିଲାର ବାଘମାରୀ ଥାନା ବାଘମାରୀ ଓଭର ବ୍ରିଜ୍‌ଠାରେ ଗୁରୁବାର ସକାଳେ ଟ୍ରେନରେ କଟି ଜଣେ ମହିଳାଙ୍କ ମୃତ୍ୟୁ ଘଟିଥିବା ଜଣାପଡ଼ିଛି।...

ବିଦ୍ୟୁତ୍‌ଲତାଙ୍କ ଜୀବନ ନେଲା ବିଦ୍ୟୁତ୍‌, ବଞ୍ଚାଇବାକୁ ଆସି ପ୍ରାଣ ହରାଇଲେ ମମତା

ବାଣପୁର/ବାଲୁଗାଁ,୮ା୧୦(ଡି.ଏନ୍‌.ଏ.): ମଙ୍ଗଳବାର ଦଶହରା ପାଇଁ ସବୁଠି ଆନନ୍ଦ ଉଲ୍ଲାସ ଦେଖିବାକୁ ମିଳିଥିବାବେଳେ ଖୋର୍ଦ୍ଧା ଜିଲା ବାଣପୁର ଥାନା ଅଧୀନ ବିଷ୍ଣୁପୁର ପଞ୍ଚାୟତର ତେନ୍ତୁଳିଡିହ ଗ୍ରାମରେ ଶୋକର...

ସ୍ବପ୍ନେଶ୍ୱର ସାହିରୁ ୧୭.୨ ଗ୍ରାମ୍‌ ବ୍ରାଉନସୁଗାର ଜବତ, ଜଣେ ଗିରଫ

ଖୋର୍ଦ୍ଧା ଅଫିସ,୧୦।୧: ଖୋର୍ଦ୍ଧା ଆଦର୍ଶ ଥାନା ସାମନ୍ତରାପୁର ସ୍ବପ୍ନେଶ୍ୱର ସାହିରୁ ଶୁକ୍ରବାର ଅପରାହ୍ନରେ ୧୭.୨ ଗ୍ରାମ୍‌ ବ୍ରାଉନସୁଗାର ଜବତ କରାଯାଇଛି। ଏହାର ଆନୁମାନିକ ମୂଲ୍ୟ ୯...

ଖୋର୍ଦ୍ଧା, ବାଣପୁରରେ କୁତ୍ରିମ ବନ୍ୟା: ଘରେ ପଶିଲା ବର୍ଷାଜଳ

ଖୋର୍ଦ୍ଧା ଅଫିସ,୨୪।୧୦: ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ବୁଧବାରରୁ ରାଜ୍ୟରେ ଲଗାଣ ବର୍ଷା ଲାଗି ରହିଛି। ଏଥିରେ ଖୋର୍ଦ୍ଧା ସହର ସମେତ...

ବ୍ୟବସାୟୀଙ୍କୁ ତାଲାପକାଇ ସିରିଜ୍‌ ଚୋରି: ସିସିଟିଭିରେ ଚୋରଙ୍କ କାରନାମା କଏଦ୍‌

ଖୋର୍ଦ୍ଧା ଅଫିସ, ୩୦।୧୦: ଖୋର୍ଦ୍ଧା ଜିଲା ଆଦର୍ଶ ଥାନା ଅନ୍ତର୍ଗତ ମୁକୁନ୍ଦପ୍ରସାଦ ଓ ଗୋଡିପୋଖରୀ ଛକରୁ ମଙ୍ଗଳବାର ରାତିରେ ସିରିଜ୍‌ ଚୋରି ହୋଇଛି। ଷ୍ଟିଲ ଓ...

ଟ୍ରେନ୍‌ ଇଞ୍ଜିନରୁ ଖସିଲା ବଗି, ଦୁଇ ଭାଗ ହେଲା ବିଶାଖା ଏକ୍ସପ୍ରେସ୍‌

ଖୋର୍ଦ୍ଧା ଅଫିସ,୨।୧୧: ଖାର୍ଦ୍ଧା ଜିଲା ବାଲୁଗାଁ ବଡ଼କୂଳ ରେଳକ୍ରସିଙ୍ଗ ପୂର୍ବରୁ ଭୁବନେଶ୍ୱରରୁ ସିକନ୍ଦରାବାଦ ଯାଉଥିବା ବିଶାଖା ଏକ୍ସପ୍ରେସ୍‌ ଶନିବାର ଦୁଇ ଭାଗ ହୋଇଯାଇଥିଲା। ଏହା ପୂର୍ବତନ...

Leave a comment

Your email address will not be published. Required fields are marked *