ଫାଷ୍ଟ କମ୍‌ ଫାଷ୍ଟ ଲୋଡିଂ ବିବାଦ:ପ୍ରଭାବିତ ଟ୍ରକ୍‌ ମାଲିକଙ୍କୁ ସ୍ବତନ୍ତ୍ର କୋଟା ପ୍ରଦାନ ଦାବି

ଯାଜପୁର ଅଫିସ/କାଳିଆପାଣି(ଡି.ଏନ୍‌.ଏ.),୪-୯- ଫାଷ୍ଟ କମ୍‌ ଫାଷ୍ଟ ଲୋଡିଂ ବିବାଦରୁ ଗତ ୨ସପ୍ତାହରୁ ଊର୍ଦ୍ଧ୍ୱ ହେବ ଯାଜପୁର କାଳିଆପାଣି କ୍ରୋମ୍‌ ଖଣିରୁ ପରିବହନ ଠପ୍‌ ହୋଇ ପଡ଼ିଛି। ଏଥିଯୋଗୁ ଟ୍ରକ୍‌ ମାଲିକ, ଶ୍ରମିକ, ବ୍ୟବସାୟୀ ପ୍ରମୁଖଙ୍କ ଦାନାପାଣି ସଙ୍କଟ ମଧ୍ୟକୁ ଠେଲି ହୋଇଯାଇଛି। ଖଣିବିଭାଗ ଓ ଜିଲା ପ୍ରଶାସନ ପକ୍ଷରୁ ଏକାଧିକଥର ଏହି ବିବାଦର ସମଧାନ ପାଇଁ ପଦକ୍ଷେପ ନିଆଯାଇଥିଲେ ହେଁ କିଛି ସୁଫଳ ମିଳି ପାରିନାହିଁ। ତେବେ ହାଇକୋର୍ଟଙ୍କ ନିର୍ଦ୍ଦେଶକୁ ଉଲ୍ଲଂଘନ କରି ଆସୁଥିବା ସୁକିନ୍ଦା ମିନେରାଲ୍ସ ଟ୍ରକ୍‌ ଆସୋସିଏଶନ ମଙ୍ଗଳବାର ସାମାନ୍ୟ ନରମି ଥିବା ଜଣାପଡିଛି। ଏହିକ୍ରମରେ କ୍ରୋମ ଖଣି ଉପତ୍ୟକାରେ ପ୍ରଭାବିତ ୫ଟି ପଞ୍ଚାୟତର ଟ୍ରକ୍‌ ମାଲିକମାନେ କ୍ରୋମ୍‌ ପରିବହନ କ୍ଷେତ୍ରରେ ୩୦ପ୍ରତିଶତ ସ୍ବତନ୍ତ୍ର କୋଟା ପ୍ରଦାନ କରିବାକୁ କାଳିଆପାଣି ଥାନା ଅଧିକାରୀଙ୍କ ଜରିଆରେ ଯାଜପୁର ଜିଲାପାଳଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ କରିଛନ୍ତି। ଫାଷ୍ଟ କମ୍‌ ଫାଷ୍ଟ ଲୋଡିଂ ଆଇନକୁ ଲାଗୁ କରାଯାଉ, ହେଲେ ଏହି ସ୍ବତନ୍ତ୍ର ସୁବିଧା ଦେବାକୁ ସେମାନେ ଜିଲା ପ୍ରଶାସନ ନିକଟରେ ଦାବି କରିଛନ୍ତି ା ହେଲେ ଏହି ସ୍ବତନ୍ତ୍ର କୋଟା କ’ଣ ତାହା ସ୍ମାରକପତ୍ରରେ ଦର୍ଶାଯାଇ ନାହିଁ।
ସୂଚନାଯୋଗ୍ୟ ଯେ, କ୍ରୋମ୍‌ ଖଣିଜ ପଦାର୍ଥ ପରିବହନରେ ଦୀର୍ଘଦିନ ହେଲା ଅନିୟମିତା ଲାଗି ରହିଛି। ଏନେଇ କୁହିକା ଟ୍ରକ୍‌ ମାଲିକ ସଂଘ ହାଇକୋର୍ଟଙ୍କ ଦ୍ୱାରସ୍ଥ ହୋଇ ଫାଷ୍ଟ କମ୍‌ ଫାଷ୍ଟ ଲୋଡିଂ ଆଇନ ଲାଗୁ କରିବାକୁ ଦାବି କରିଥିଲେ। ହାଇକୋର୍ଟ ଏହାର ସପକ୍ଷରେ ରାୟ ପ୍ରକାଶ କରି ଯାଜପୁର ଜିଲାପାଳଙ୍କୁ ୪ସପ୍ତାହ ମଧ୍ୟରେ ବିବାଦର ସମାଧାନ କରିବାକୁ ନିର୍ଦ୍ଦେଶ ଦେଇଥିଲେ। ଯାଜପୁର ଜିଲାପାଳ ହାଇକୋର୍ଟଙ୍କ ନିର୍ଦ୍ଦେଶକୁ କାର୍ଯ୍ୟକାରୀ କରିବାକୁ ଚେଷ୍ଟା କରୁଥିବାବେଳେ ନିର୍ଦ୍ଧିଷ୍ଟ ଟ୍ରକ୍‌ ମାଲିକ ସଂଘର ବିରୋଧ ଏହି ବିବାଦକୁ ଆହୁରି ଘନୀଭୂତ କରିଛି। ପୂର୍ବରୁ ପରିବହନ କ୍ଷେତ୍ରରେ କେତେକ ପ୍ରଭାବଶାଳୀ ବ୍ୟକ୍ତିଙ୍କ ମାନମାନି ଜାରି ରହିଛି। ସିରିଏଲ ଚାନ୍ଦା ବାବାଦକୁ ୬ଚକିଆ ଟ୍ରକ୍‌ରୁ ୩୦ଟଙ୍କା ଲେଖାଏ ଦୈନିକ ୧୦୦୦ ଗାଡ଼ିରୁ ୩୦ହଜାର ଏବଂ ବର୍ଷକୁ ୮୬ଲକ୍ଷ ୪୦ହଜାର ଟଙ୍କା ଆଦାୟ ହୁଏ। ସେହିପରି ୧୨ ଓ ୧୪ ଚକିଆ ଗାଡିରୁ ୫୦ ଟଙ୍କା ହିସାବରେ ବର୍ଷକୁ ୨୮ ଲକ୍ଷ ୮୦ ହଜାର ଟଙ୍କା ଆଦାୟ କରାଯାଏ ା ଏହାବାଦ ଶ୍ରମିକ ପ୍ରାପ୍ୟ ବାବଦକୁ ବର୍ଷକୁ ପ୍ରାୟ ୨୬ କୋଟି ଟଙ୍କା ଆଦାୟ ହୋଇଥାଏ। ଅନ୍ୟପକ୍ଷେ ମାମୁଲି ନାମରେ ୧୨ ଓ ୧୪ ଚକିଆ ଗାଡ଼ିରୁ ବାର୍ଷିକ ପ୍ରାୟ ୨୩ କୋଟି ଟଙ୍କା ଆଦାୟ ହେଉଥିବା ଚର୍ଚ୍ଚା ହେଉଛି। ତେଣୁ ଶ୍ରମିକଙ୍କୁ ଆୟୁଧ କରି ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଜିଲା ପ୍ରଶାସନର ନିଷ୍ପତ୍ତିକୁ ମିନେରାଲ ସଂଘ ବିରୋଧ କରି ଆସୁଛି। ମିନେରାଲସ୍‌ ସଂଘର କର୍ମକର୍ତ୍ତା ଯେଉଁ ଗାଡିକୁ ପରବହନ ପାଇଁ ମେସେଜ କରୁଛନ୍ତି ସେହି ଗାଡ଼ିରେ କ୍ରୋମ୍‌ ଲୋଡିଂ ହୋଇଥାଏ। ମାତ୍ର ରାହାଁସୋଲ, କଅଁସ, ଚିଙ୍ଗୁଡିପାଳ, କାଳିଆପାଣି ଓ କାଙ୍କଡ଼ପାଳ ପଞ୍ଚାୟତର ଶତାଧିକ ଟ୍ରକ ମାଲିକ ଓ ତାଙ୍କ ପରିବାର ଖଣି ଦ୍ୱାରା ପ୍ରଭାବିତ ହେଉଛନ୍ତି। ଏହି ମର୍ମରେ ମିନେରାଲ୍‌ସ ସଂଘ ପକ୍ଷରୁ ଜିଲାପାଳଙ୍କୁ ଦିଆଯାଇଥିବା ସ୍ମାରକପତ୍ରରେ ଦର୍ଶାଯାଇଛି ଯେ, ଖଣିଠାରୁ ମାତ୍ର ୨୦୦ରୁ ୫୦୦ମିଟର ବ୍ୟବଧାନରେ ସେମାନେ ବସବାସ କରୁଛନ୍ତି। ଖଣିରୁ ନିର୍ଗତ ବିଷାକ୍ତ ଧୂଳିଧୂଆଁରେ ସେମାନେ ଜର୍ଜରିତ। ପୁରୁଷପୁରୁଷ ଧରି ବିଭିନ୍ନ ରୋଗରେ ଆକ୍ରାନ୍ତ ହୋଇ ଅନେକ ଅକାଳରେ ମୃତ୍ୟୁବରଣ କରୁଛନ୍ତି ା ବିଭିନ୍ନ ଅର୍ଥ ଲଗାଣକାରୀ ସଂସ୍ଥାରୁ ଋଣ କରି ଖଣ୍ଡେ ଖଣ୍ଡେ ଟ୍ରକ୍‌ କିଣିବା ସହ କ୍ରୋମାଇଟ ପରିବହନ କରି ପରିବାର ପୋଷଣ କରୁଛନ୍ତି । ସେହିପରି ବିଭିନ୍ନ ଖଣି ଖନନ ଓ ସମ୍ପ୍ରସାରଣ ପାଇଁ ହେଉଥିବା ପଲ୍ଲୀସଭା ଓ ଜନଶୁଣାଣିକୁ ସେମାନେ ପୂର୍ଣ୍ଣ ମାତ୍ରାରେ ସମର୍ଥନ ଦେଇ ଆସୁଛନ୍ତି। ଏଣୁ ଖଣି ପ୍ରଭାବିତ ଅଞ୍ଚଳ ଅଧୀନ ସବୁବର୍ଗର ସାଧାରଣ ଟ୍ରକ୍‌ ମାଲିକଙ୍କୁ ପ୍ରତ୍ୟେକ ଖଣିରୁ କ୍ରୋମ୍‌ ପରିବହନ କ୍ଷେତ୍ରରେ ଯଥାର୍ଥ ଭାବେ ସ୍ବତନ୍ତ୍ର କୋଟା ପ୍ରଦାନ କରିବାକୁ ସେମାନେ ଦାବି କରିଛନ୍ତି। ସୋମବାର ଓ ମଙ୍ଗଳବାର ସରକାରୀ ଛୁଟି ରହିଥିବାରୁ କ୍ରୋମ ପରିବହନ ବିବାଦର ସମାଧାନ ହୋଇ ପାରି ନ ଥିବାରୁ ବୁଧବାର ଏନେଇ କୌଣସି ଚୂଡ଼ାନ୍ତ ନିଷ୍ପତ୍ତି ନିଆଯାଇପାରେ ବୋଲି ଆଶା କରାଯାଉଛି।


All Right Reserved By Dharitri.Com

କ୍ବାରାଣ୍ଟାଇନରେ ଯାଜପୁର ଜିଲାର ୩ ଡାକ୍ତର, ୧୯ ନର୍ସ: ଆସିଥିଲେ ସଂକ୍ରମିତଙ୍କ ସଂସ୍ପର୍ଶରେ

ଯାଜପୁର ଅଫିସ,୨୧।୪: ଯାଜପୁର ଜିଲାର ୩ ଡାକ୍ତର ଓ ୧୯ ନର୍ସଙ୍କୁ କ୍ବାରାଣ୍ଟାଇନରେ ରଖାଯାଇଛି। ସଂକ୍ରମିତଙ୍କ ସଂସ୍ପର୍ଶରେ ଆସିଥିବାରୁ ସେମାନଙ୍କୁ କ୍ୱାରାଣ୍ଟାଇନ୍‌ରେ ରଖାଯାଇଥିବା ଯାଜପୁର ଜିଲାପାଳ...

ଚୋରି ଉଦ୍ୟମ ପଣ୍ଡ: ଚୋରକୁ ଗୋଡ଼ାଇ ଧରିଲେ ଲୋକେ

ରସୁଲପୁର,୨୨।୧୧(ଡିଏନଏ): ଯାଜପୁର ଜିଲା ରସୁଲପୁର ବ୍ଲକ ଲକ୍ଷ୍ମୀନଗର ପଞ୍ଚାୟତ ବାଲିଆପଶି ଗ୍ରାମରେ ଗୁରୁବାର ରାତି ସାଢେ ୯ଟାରେ ଚୋରି ଉଦ୍ୟମ ପଣ୍ଡ ହୋଇଛି। ଗାଁ ଲୋକେ...

ନିଯୁକ୍ତିରେ ଜାଲିଆତି ଅଭିଯୋଗ, ନିରପେକ୍ଷ ତଦନ୍ତ ଦାବି

ବରୀ,୨ା୯(ସ୍ବ.ପ୍ର) : ବରୀ ବ୍ଲକ ବାଲିଆ ପଞ୍ଚାୟତ ଅଭିମନ୍ୟୁ ସାମନ୍ତସିଂହାର ମହାବିଦ୍ୟାଳୟରେ କର୍ମଚାରୀ ନିଯୁକ୍ତିରେ ଜାଲିଆତି ହୋଇଥିବା ଅଭିଯୋଗ ହୋଇଆସୁଛି। ଏହି ଅଭିଯୋଗ ଜିଲାପାଳଙ୍କଠାରୁ ଆରମ୍ଭ...

ବରୀରେ ପ୍ରଥମ କରୋନା ପଜିଟିଭ୍‌ ଚିହ୍ନଟ: ପ୍ରାୟ ୧୦୦୦ ଲୋକଙ୍କ ସଂସ୍ପର୍ଶରେ ଆସିଥିବା ଅନୁମାନ

ବରୀ/ରତ୍ନଗିରି,୨।୫(ସ୍ବ.ପ୍ର./ଡି.ଏନ୍‌.ଏ.): ଯାଜପୁର ଜିଲା ଶନିବାର ୫ଜଣ କରୋନା ରୋଗୀ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ଜଣେ ବରୀ ବ୍ଲକର ବୋଲି ଜଣାପଡ଼ିଛି। ତେବେ ପ୍ରଥମ ଥର ବରୀ...

ବେଆଇନ ଖାଦାନ ଉପରେ ଚଢ଼ାଉ, ୧୪୪ ଧାରା ଜାରି

ଜେନାପୁର, ୧୧।୯(ଡି.ଏନ୍‌.ଏ.): ଯାଜପୁର ଜିଲା ଧର୍ମଶାଳା ତହସିଲ ଅନ୍ତର୍ଗତ ବିଭିନ୍ନ ବେଆଇନ କଳା ପଥର ଖାଦାନ ଉପରେ ତହସିଲ ପକ୍ଷରୁ ବୁଧବାର ଚଢ଼ାଉ କରାଯିବା ସହ...

ଦୁଇ ଛାତ୍ରଙ୍କ ଦୁଃସାହସ, ବୁଡ଼ିଯାଉଥିବା ଛାତ୍ରଙ୍କୁ ବଞ୍ଚାଇଲେ

କୋରେଇ,୩ା୯(ସ୍ବ.ପ୍ର.)- କୋରେଇ ବ୍ଲକ ଅନ୍ତର୍ଗତ ସାଦକପୁର ପ୍ରାଥମିକ ବିଦ୍ୟାଳୟର ଜଣେ ଛାତ୍ର ସୋମବାର ପୋଖରୀରେ ବୁଡିଯାଉଥିବା ବେଳେ କୋରାଇ ନୋଡାଲ ହାଇସ୍କୁଲର ଦୁଇ ଛାତ୍ର ତାଙ୍କୁ...

ମାନସିକ ବିକାରଗ୍ରସ୍ତ ମହିଳାଙ୍କୁ ପୋଲିସର ସହାୟତା 

ରତ୍ନଗିରି,୮।୪(ଡି.ଏନ.ଏ): ଯାଜପୁର ଜିଲା ବରୀ ଅଞ୍ଚଳରେ ଜଣେ ମାନସିକ ବିକାରଗ୍ରସ୍ତ ମହିଳାଙ୍କୁ ବରୀ ପୋଲିସ ସହଯୋଗର ହାତ ବଢାଇଛି। ବରୀ ଥାନାଧିକାରୀ ମାର୍କଣ୍ଡ ମିଶ୍ରଙ୍କ ନିର୍ଦ୍ଦେଶକ୍ରମେ...

ସଙ୍କଟରେ ଶିଳ୍ପ

କଳିଙ୍ଗନଗରରେ ସମ୍ପ୍ରତି ଇସ୍ପାତ ଶିଳ୍ପର ଅବସ୍ଥା ଭଲ ନାହିଁ। ଋଣ ପରିଶୋଧ କରି ନ ପାରିବାରୁ ମେସ୍କୋ(ମିଡ୍‌ଇଷ୍ଟ ଇଣ୍ଟିଗ୍ରେଟେଡ ଷ୍ଟିଲ ଲିଃ) ମାଲିକାନାରେ ଥିବା ମୈଥାନ...

Leave a comment

Your email address will not be published. Required fields are marked *