ଭଙ୍ଗା ମନ୍ଦିରରେ ୭୦ ମାଣ ଜମିର ମାଲିକ

ବାରିପଦା ଅଫିସ/କପ୍ତିପଦା,୩ା୯(ଡି଼.ଏନ୍‌.ଏ)- ସମ୍ପତ୍ତି ଅଛି, ମାତ୍ର ଟ୍ରଷ୍ଟ ବୋର୍ଡ ପାଇଁ କ୍ଷମତା ଲଢେଇ ଓ ପରିଚାଳନାଗତ ତ୍ରୁଟିକୁ ନେଇ ମୟୂରଭଞ୍ଜ ଜିଲା କପ୍ତିପଦା ବ୍ଲକ ଅଧୀନ କୁଳିଅଳମ ଗ୍ରାମରେ ଥିବା ଗୋପୀନାଥ ଜୀଉ ମନ୍ଦିର ଅବହେଳିତ ହୋଇ ପଡିଛି। ଏହି ମନ୍ଦିରରେ ପୂଜା ପାଉଥିବା ଗୋପୀନାଥ ଜୀଉ ୭୦ ମାଣ ଜମିର ମାଲିକ। ଏହି ଜମିରୁ ସଂଗୃହୀତ ହେଉଥିବା ଧାନକୁ ନେଇ ଅଦ୍ୟାବଧି ଏହି ମନ୍ଦିର ପରିଚାଳିତ ହୋଇ ଆସୁଥିବା ବେଳେ ଏଠାରେ ନାନା ଅବ୍ୟବସ୍ଥା ଦେଖାଦେଇଛି। ମନ୍ଦିରର ସମ୍ପୂର୍ଣ୍ଣ ଦାୟିତ୍ୱ କପ୍ତିପଦା ଉପଜିଲାପାଳଙ୍କ ଉପରେ ନ୍ୟସ୍ତ ଥିବାବେଳେ ପୋଡାଡିହା ରାଜସ୍ବ ନିରୀକ୍ଷକ ଏହାର ମ୍ୟାନେଜର ଭାବେ କାର୍ଯ୍ୟ କରୁଛନ୍ତି। ଏହା ସତ୍ତ୍ୱେ ପରିଚାଳନାଗତ ତ୍ରୁଟି ପାଇଁ ମନ୍ଦିରର କାୈଣସି ଉନ୍ନତି ମୂଳକ କାମ ହୋଇପାରୁ ନାହିଁ ା ମନ୍ଦିର ଛାତରୁ ପାଣି ଝରୁଥିବା ବେଳେ ଠାକୁରଙ୍କ ଧାନ ଅମାର ରକ୍ଷଣାବେକ୍ଷଣ ଅଭାବରୁ ପରିତ୍ୟକ୍ତ ଅବସ୍ଥାରେ ପଡିରହିଛି ା ଯାହା ଦ୍ୱାରା ପ୍ରତି ବର୍ଷ ଏଥିପାଇଁ କୁଇଣ୍ଟାଲ କୁଇଣ୍ଟାଲ ଧାନ ନଷ୍ଟ ହେଉ ଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି ା ଠାକୁରଙ୍କ ଜମିକୁ କେତେକ ଲୋକ ଚଞ୍ଚକତା କରି ନିଜ ନାମରେ ପଟ୍ଟା କରି ନେଇଥିବା ବେଳେ କେତେକ ଲୋକ ଜବରଦଖଲ କରି ରଖିଛନ୍ତି ା ବାରମ୍ବାର ଅଭିଯୋଗ ପରେ ମଧ୍ୟ ପ୍ରଶାସନ ପକ୍ଷରୁ କାୈଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ। ପ୍ରଶାସନ କେବଳ ପ୍ରତିଶ୍ରୁତି ପରେ ପ୍ରତିଶ୍ରୁତି ଦେଇ ଚାଲିଥିବା ବେଳେ ମନ୍ଦିର ଭୁଶୁଡି ପଡିବାର ସ୍ଥିତି ସୃଷ୍ଟି ହୋଇଛି ା ୨୦୧୫ ଆର୍ଥିକ ବର୍ଷରେ ପୂର୍ବତନ ଉଦଳା ବିଧାୟକ ଗୋଲକ ନାଏକ ତାଙ୍କ ହାତ ପାଣ୍ଠିରୁ ୨ଲକ୍ଷ ଟଙ୍କା ମନ୍ଦିର ଛାତ ଗ୍ରେଡିଂ ଓ ରଙ୍ଗ ପାଇଁ ଦେଇଥିଲେ ମଧ୍ୟ ତାହା ଠିକ୍‌ ଭାବେ କାଯର୍‌ୟକାରୀ ହୋଇନାହିଁ ା ପାନ୍ଥଶାଳା ଛାତ ଭୂଶୁୁଡି ପଡିଲାଣି। ତେଣୁ ଗ୍ରାମବାସୀ ଏହାର ପୁନରୁଦ୍ଧାର ପାଇଁ ଦାବି କରିଛନ୍ତି। ଠାକୁରଙ୍କ ନାମରେ ଥିବା ୭୦ ମାଣ ଜମିକୁ ଅଞ୍ଚଳର କିଛି ଚାଷୀଙ୍କୁ ଚାଷ କରିବା ପାଇଁ ଦିଆଯାଇ ପ୍ରତି ମାଣରେ ୨ କୁଇଣ୍ଟାଲ ଧାନ ଆଦାୟ କରାଯାଇଥାଏ। ପ୍ରତିବର୍ଷ ଆଦାୟ ହେଉଥିବା ଧାନରେ ମନ୍ଦିରର ପରିଚାଳନା, ରକ୍ଷଣାବେକ୍ଷଣ, ପର୍ବପର୍ବାଣୀ ପାଳନ ସହିତ ପୂଜକ, ଟହଲିଆ, ପଲିଆଣୀ ଓ ଜଗୁଆଳିଙ୍କର ଦରମା ଦିଆଯିବାର ନିୟମ ରହିଛି ା ଠାକୁରଙ୍କ ଜମିରୁ ପ୍ରତିବର୍ଷ ଶହେ କୁଇଣ୍ଟାଲରୁ ଊର୍ଦ୍ଧ୍ୱ ଧାନ ଆଦାୟ ହେଉଥିବା ବେଳେ ପୂଜା ନିତିଆନୀ, ଜନ୍ମାଷ୍ଟମୀ, ରାଧାଷ୍ଟମୀ, ଚନ୍ଦନଯାତ୍ରା, ଦେବସ୍ନାନ ପୂର୍ଣ୍ଣମା, ଝୁଲଣଯାତ୍ରା, ନନ୍ଦୋସତ୍ବ, ଗୋବର୍ଦ୍ଧନ, ରାସପୂର୍ଣ୍ଣିମା, ପ୍ରଥମାଷ୍ଟମୀ, ଗୀତା ଜୟନ୍ତୀ, ମକର, ପଣା ସଂକ୍ରାନ୍ତି ଓ ଦୋଳ ପୂର୍ଣ୍ଣିମା ଉସତ୍ବ ପାଳନ ସହିତ ପୂଜକ, ଟହଲିଆ, ପଲିଆଣୀ ଓ ଅମାର ଜଗୁଆଳୀଙ୍କ ଦରମା ବାବଦକୁ ପ୍ରତିବର୍ଷ ୪୦କୁଇଣ୍ଟାଲ ଧାନ ଖର୍ଚ୍ଚ ହେଉଛି ା ୬୦କୁଇଣ୍ଟାଲରୁ ଊର୍ଦ୍ଧ୍ୱ ଧାନ ବଳକା ରହୁଛି ା ତେବେ ସେ ଧାନ ବିକ୍ରୀରୁ ସଂଗୃହୀତ ଟଙ୍କା ଅଦ୍ୟାବଧି ହେଉଛି କ’ଣ, ରହୁଛି କେଉଁଠି ସେ ସମ୍ପର୍କରେ ଗ୍ରାମବାସୀ କିମ୍ବା ମନ୍ଦିର ପରିଚାଳନା କମିଟି ପାଖରେ କୌଣସି ଖବର ନାହଁ ା ଏ ସମ୍ପର୍କରେ ମନ୍ଦିର ପରିଚାଳନା ବୋର୍ଡର ସଭାପତି ଗିରିଶ ଚନ୍ଦ୍ର ବାରିକ୍‌ଙ୍କୁ ପଚାରିବାରୁ ସେ କୁହନ୍ତି, ମୁଁ ନାମକୁ ମାତ୍ର ସମସ୍ତ କଥା ଉପଜିଲାପାଳ ବୁଝନ୍ତି ା ମାତ୍ର ପରିଚାଳନା କମିଟିର ସଭ୍ୟମାନେ ମନ୍ଦିର ଚର୍ତୁଃପାର୍ଶ୍ୱରେ ପାଚେରୀ ନିର୍ମାଣ ସହିତ ବିଭିନ୍ନ ପର୍ବପର୍ବାଣୀ ପାଳନ ନିମନ୍ତେ ପରିସର ମଧ୍ୟରେ ଏକ ଷ୍ଟେଜ୍‌ର ଆବଶ୍ୟକତା ରହିଛି ବୋଲି କହିଛନ୍ତି। ପାଚେରୀ ନ ଥିବାରୁ ଏହା ଗୋରୁଗାଇ, ଛେଳି, କୁକୁରଙ୍କ ଚାରଣ ଭୂଇଁ ପାଲଟିଛି ା କୌଣସି ଗଛ ପରିସର ମଧ୍ୟରେ ରହୁନାହିଁ ା ତେଣୁ ପ୍ରଶାସନ ଏଥିପ୍ରତି ଦୃଷ୍ଟି ଦେବା ସହିତ ମନ୍ଦିର ଜାଗାର ଜବରଦଖଲ ଉଚ୍ଛେଦ କରିବା ପାଇଁ ସେ ଦାବି କରିଛନ୍ତି ା ବର୍ତମାନ ମନ୍ଦିରର ପୂଜକଙ୍କୁ ମାସକୁ ମାତ୍ର ୩ଶହ ଟଙ୍କା ଓ ଦୁଇ କୁଇଣ୍ଟାଲ ଧାନ ଦିଆଯାଉଛି ା ସେହିପରି ଟହଲିଆଙ୍କୁ ୧୫୦, ପଲିଆଣୀଙ୍କୁ ୨୦୦ ଓ ଅମାର ଜଗୁଆଳିଙ୍କୁ ମାସକୁ ୩୦୦ଟଙ୍କା ଦରମା ଦିଆଯାଉଥିବାରୁ ସେମାନଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି ା ପୂଜକ ବନମାଳୀ ପଣ୍ଡା ଓ ଜଗୁଆଳି ଅକ୍ଷୟ ବେହେରାଙ୍କୁ ପଚାରିବାରୁ ସେ କୁହନ୍ତି, ଦରମା ଓ ନୀତି ପୂଜା ଖର୍ଚ୍ଚ ନିହାତି ବଢିବା ଆବଶ୍ୟକ। ମ୍ୟାନେଜର ଦାୟିତ୍ୱରେ ଥିବା ରାଜସ୍ବ ନିରୀକ୍ଷକ ଲକ୍ଷ୍ମୀପ୍ରସାଦ ନାୟକ କୁହନ୍ତି, ମୁଁ କେବଳ ଉପଜିଲାପାଳଙ୍କ ନିର୍ଦ୍ଦେଶରେ କାମ କରେ ା ମନ୍ଦିର ଓ ଅମାରର ମରାମତି, ପୂଜକଙ୍କ ଆଶ୍ରୟସ୍ଥଳୀ ଆଜବେଷ୍ଟସ୍‌ର ମରାମତି, ପାଚେରୀ ନିର୍ମାଣ, ପରିସର ମଧ୍ୟରେ ଷ୍ଟେଜ ନିର୍ମାଣ କାଯର୍‌ୟ ଆବଶ୍ୟକ ରହିଛି। ମୁଁ ଟ୍ରେନିଂ ଦେଢ ମାସ ଯାଇଥିବା ବେଳେ ତାପରେ ଖଜଣା ଆଦାୟ, ଇଲେକ୍ସନ ଡିଉଟି ଦାୟିତ୍ୱରେ ଥିବାରୁ ଚଳିତ ବର୍ଷ କିଛି ଧାନ ଆଦାୟ ହୋଇ ପାରି ନାହିଁ ା ପ୍ରତିବର୍ଷ ବଳକା ଧାନର ଟଙ୍କା ଜମା ରହୁଛି ା ମାତ୍ର ଏ ସମସ୍ତ କାର୍ଯ୍ୟ ଦେବୋତ୍ତର ବିଭାଗର ନିର୍ଦ୍ଦେଶରେ ହେବ ା ଆମେ ପ୍ରସ୍ତାବ ଦେଇଛୁ, ପ୍ରସ୍ତାବ ମଞ୍ଜୁର ହେଲେ କାର୍ଯ୍ୟକାରୀ ହେବ ବୋଲି କହିଛନ୍ତି।


All Right Reserved By Dharitri.Com

ମହନ୍ତଙ୍କୁ ଧମକ ଚମକ: ମଙ୍ଗୁ ମଠକୁ ଜଗିଲା ପୋଲିସ

ପୁରୀ ଅଫିସ, ୧୪ା୯: ଶ୍ରୀମନ୍ଦିରର ସୁରକ୍ଷା ଏବଂ ସୌନ୍ଦର୍ଯ୍ୟକରଣ ପାଇଁ ପ୍ରଶାସନ ପକ୍ଷରୁ ଉଚ୍ଛେଦ ଅଭିଯାନ ଚାଲିଛି। ପ୍ରାଥମିକ ପର୍ଯ୍ୟାୟରେ ବିପଦସଙ୍କୁଳ ନିର୍ମାଣ ଭଙ୍ଗା ଯାଉଛି।...

ସାତ ମାସ ହେଲା ମିଳିନି ଦରମା: ଏନ୍‌ଏଚ୍‌ଏମ୍‌ ନିର୍ଦ୍ଦେଶିକାଙ୍କୁ ବିରୋଧ; ସିଡିଏମ୍‌ଓ ଅଫିସରେ ତାଲା ପକାଇ ଧାରଣାରେ ବସିଲେ ଠିକା କର୍ମଚାରୀ

ପୁରୀ ଅଫିସ,୨୦।୧୧: ପୁରୀ ଜିଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟରତ ଶହେରୁ ଊର୍ଦ୍ଧ୍ୱ ଠିକା କର୍ମଚାରୀ ଏନ୍‌ଏଚ୍‌ଏମ୍‌ ନିର୍ଦ୍ଦେଶିକା ଶାଳିନୀ ପଣ୍ଡିତଙ୍କୁ ଡିଏଚ୍‌ଏଚ୍‌ରେ ବିରୋଧ କରିଛନ୍ତି। ବୁଧବାର...

ଜିଲା ବାହାର ଗାଡ଼ି ଗଞ୍ଜାମରେ ଅଟକିବା ମନା

ଛତ୍ରପୁର,୨୧ା୩(ଡି.ଏନ୍‌.ଏ.)- ଅନ୍ୟ ରାଜ୍ୟ ଓ ଅନ୍ୟ ଜିଲାର କୌଣସି ବସ୍‌, ଟ୍ରକ୍‌, ଟ୍ରେଲର ଆଦି ଗାଡ଼ି ଗଞ୍ଜାମ ଜିଲା ଦେଇ ଯାଉଥିବା ବେଳେ ଅଟକିବା ଉପରେ...

ଜାତୀୟ ପୁରସ୍କାର ପାଇବେ ଓଡ଼ିଶାର ୮ ହସ୍ତଶିଳ୍ପୀ

ଭୁବନେଶ୍ୱର, ୭।୧୧(ବ୍ୟୁରୋ): ଓଡ଼ିଶାର ହସ୍ତଶିଳ୍ପ ତଥା ଓଡ଼ିଆ କାରିଗରଙ୍କ କଳାକୃତି ଜାତୀୟ ଓ ଅନ୍ତର୍ଜାତୀୟ ସ୍ତରରେ ବେଶ୍‌ ସୁନାମ ଅର୍ଜନ କରିଛି। ଇତିମଧ୍ୟରେ ଓଡ଼ିଶାର ମୋଟ...

୧୩ ଦିନ ପରେ ଭୀମକୁଣ୍ଡରୁ  ନିଖୋଜ ଯୁବକଙ୍କ ମୃତଦେହ ମିଳିଲା

ଠାକୁରମୁଣ୍ଡା,୯ା୧(ଡ଼ି.ଏନ୍‌.ଏ.)- ମୟୂରଭଞ୍ଜ ଜିଲା ଠାକୁରମୁଣ୍ଡା ଥାନା  ଅଧୀନ ପର୍ଯ୍ୟଟନସ୍ଥଳୀ ଭୀମକୁଣ୍ଡକୁ ବୁଲି ଆସି ପାଣିରେ ଭାସି ନିଖୋଜ ଥିବା ଯୁବକଙ୍କ ଗଳିତ ମୃତଦେହ ୧୩ ଦିନ...

ଡ. ସୁରେନ୍ଦ୍ର ମିଶ୍ର ପାଇବେ ଗଙ୍ଗାଧର ବଳ ସ୍ମୃତି ସମ୍ମାନ

ପୁରୀ ଅଫିସ, ୧୭।୧୦: ଆସନ୍ତା ୧୯ ତାରିଖରେ କଟକସ୍ଥ ଶ୍ରୀରାମଚନ୍ଦ୍ର ଭବନରେ ଓଡ଼ିଶାର ସର୍ବପ୍ରାଚୀନ ସାହିତ୍ୟ -ସଂସ୍କୃତି ଅନୁଷ୍ଠାନ ଉତ୍କଳ ସାହିତ୍ୟ ସମାଜ ପକ୍ଷରୁ ଗଙ୍ଗାଧର...

ବଡ଼ଭାଇଙ୍କ ଗୁପ୍ତାଙ୍ଗ କାଟିଲେ ସାନଭାଇ

କଟକ ଅଫିସ,୨୬ା୧୧: ବଡ଼ଭାଇଙ୍କ ଗୁପ୍ତାଙ୍ଗ କାଟିବା ଅଭିଯୋଗରେ ଲାଲବାଗ ପୋଲିସ ଅଭିଯୁକ୍ତ ସାନଭାଇ ସୁକାନ୍ତ ସାମଲଙ୍କୁ ଗିରଫ କରି ସୋମବାର କୋର୍ଟଚାଲାଣ କରିଛି। ଅଭିଯୋଗ ଅନୁଯାୟୀ,...

ଅନୁଗୋଳ ଜିଲା ପରିଷଦର ୪୯ତମ ସାଧାରଣ ବୈଠକ: ଅଧାରୁ ଗୃହ ବର୍ଜନ କଲେ ସଦସ୍ୟ

ଅନୁଗୋଳ ଅଫିସ,୨୧।୮: ଅନୁଗୋଳ ଜିଲା ପରିଷଦ ସମ୍ମିଳନୀ କକ୍ଷରେ ବୁଧବାର ୪୯ ତମ ସାଧାରଣ ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ଆଠମଲ୍ଲିକ ବିଧାୟକ ରମେଶ ସାଏ,...

Leave a comment

Your email address will not be published. Required fields are marked *