କଟକ ଯିବାକୁ ଆଠମଲ୍ଲିକବାସୀ ହନ୍ତସନ୍ତ: ୩ ଦିନ ହେଲା ଆସୁନି ‘କୃଷ୍ଣପ୍ରିୟା’

ଆଠମଲ୍ଲିକ,୧।୯(ଡି.ଏନ.ଏ.) – ଅନୁଗୋଳ ଜିଲା ଆଠମଲ୍ଲିକ ସହରଠାରୁ କଟକ ଯିବାକୁ ୩ ଦିନ ହେଲା ଅସୁବିଧା ଭୋଗୁଛନ୍ତି ଲୋକେ। ଦୀର୍ଘଦିନରୁ ଆଠମଲ୍ଲିକ ଉପାନ୍ତ ଅଞ୍ଚଳରୁ ଯାତାୟାତ କରୁଥିବା ‘କୃଷ୍ଣପ୍ରିୟା’ ନାମକ ଏକ ଘରୋଇ ବସ୍‌ ଆଠମଲ୍ଲିକକୁ ଆସୁ ନ ଥିବାରୁ ଅଞ୍ଚଳବାସୀ ହଇରାଣ ହେଉଛନ୍ତି। ଏହାକୁ ନେଇ ଅସନ୍ତୁଷ୍ଟ ଆଠମଲ୍ଲିକବାସୀ ଶନିବାର ସ୍ଥାନୀୟ ବସ୍‌ଷ୍ଟାଣ୍ଡରେ ବିକ୍ଷୋଭ କରିବା ସହ ଆଠମଲ୍ଲିକରୁ ଅନୁଗୋଳ ଯାତାୟାତ କରୁଥିବା ସମସ୍ତ ବସ ସେବାକୁ ବନ୍ଦ କରିଥିଲେ। ଏଥିସହ ଏ ସଂକ୍ରାନ୍ତରେ ସ୍ଥାନୀୟ ଓକିଲ ସଂଘ ପକ୍ଷରୁ ଜିଲାପାଳଙ୍କୁ ଲିଖିତ ଭାବେ ଅଭିଯୋଗ କରାଯାଇଛି।
ପ୍ରକାଶ ଯେ, ଆଠମଲ୍ଲିକ ସଦର ମହକୁମାରୁ ପ୍ରାୟ ୨୫ଟି ବସ୍‌ ବିଭିନ୍ନ ସ୍ଥାନକୁ ଯାତାୟାତ କରୁଥିବାବେଳେ ସେଠାରୁ କଟକ ଯିବା ପାଇଁ ମାତ୍ର ୨ଟି ବସ୍‌ ଚାଲୁଛି। ସେହି ଦୁଇଟି ବସ୍‌ ମଧ୍ୟରୁ ‘କୃଷ୍ଣପ୍ରିୟା’ ବସ୍‌ ଦୀର୍ଘ ୪୦ ବର୍ଷ ହେଲା କଟକ ଯାଉଥିବାରୁ ବହୁ ଲୋକଙ୍କ ସହ ସିଧାସଳଖ ଭାବେ ପରିଚିତ ରହିଛି। ଏହି ବସ୍‌ ସକାଳ ୬ଟାରୁ ଆଠମଲ୍ଲିକରୁ କଟକ ଯାଇଥାଏ। ଫଳରେ କଟକ ଡାକ୍ତରଖାନା ସହ ହାଇକୋର୍ଟ ଓ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କାର୍ଯ୍ୟ ପାଇଁ ଲୋକେ ଏହି ବସ୍‌କୁ ବାଛିଥାନ୍ତି। ଏଥିସହ ଅନେକ ଲୋକ ଏହି ବସ୍‌ ଯୋଗେ ବିଭିନ୍ନ ଜରୁରୀ ତଥା ମୂଲ୍ୟବାନ ସାମଗ୍ରୀ ମଧ୍ୟ ବିଶ୍ୱାସର ସହ କଟକ ଓ ଆଠମଲ୍ଲିକରୁ ପଠାଇଥାନ୍ତି। କିନ୍ତୁ ଏହି ବସ୍‌ ୩ ଦିନ ହେଲା ଆଠମଲ୍ଲିକ ନ ଆସି ଅନୁଗୋଳରେ ହିଁ ରହିଯାଉଛି। ଫଳରେ କଟକରୁ ଆସୁଥିବା ଲୋକେ ଅନ୍ୟ ବସ୍‌ରେ ଅନୁଗୋଳରୁ ଆଠମଲ୍ଲିକ ଫେରୁଛନ୍ତି। ଏଥିସହ ଆଠମଲ୍ଲିକରୁ କଟକ ଯିବାପାଇଁ ଓ ବିଭିନ୍ନ ସାମଗ୍ରୀ ନେବାଆଣିବା ପାଇଁ ଅସୁବିଧା ଭୋଗୁଛନ୍ତି। ଏହାକୁ ନେଇ ଅଞ୍ଚଳବାସୀ ସକାଳୁ ଅପରାହ୍ନ ୨ଟା ପର୍ଯ୍ୟନ୍ତ ଆଠମଲ୍ଲିକରୁ ଅନୁଗୋଳକୁ ଯାତାୟାତ କରୁଥିବା ସମସ୍ତ ବସ୍‌ ଚଳାଚଳକୁ ବନ୍ଦ କରିଦେଇଥିଲେ। ତେବେ ଅପରାହ୍ନରେ ବସ୍‌ ସେବା ସ୍ବାଭାବିକ ହୋଇଥିବା ଜଣାପଡିଛି। ଅନୁଗୋଳ ବସ୍‌ଷ୍ଟାଣ୍ଡରୁ ଆଠମଲ୍ଲିକକୁ ଆସିବାକୁ ଯାତ୍ରୀ ହେଉ ନ ଥିବାରୁ ‘କୃଷ୍ଣପ୍ରିୟା’ ଅନୁଗୋଳରେ ରହିଯାଉଥିବା ବସ୍‌ ମାଲିକଙ୍କ ପକ୍ଷରୁ କୁହାଯାଇଛି। ଏହା ଦ୍ୱାରା ଆଠମଲ୍ଲିକ ବାସୀ କଟକ ଯିବା ପାଇଁ ଅସୁବିଧା ଭୋଗୁଥିବା ଆଠମଲ୍ଲିକ ଓକିଲ ସଂଘ ପ୍ରକାଶ କରିଛି। ପୂର୍ବରୁ କଟକ ଯାଉଥିବା ୪ଟି ବସ୍‌କୁ ମଧ୍ୟ ବନ୍ଦ କରିଦିଆଯାଇଛି। ଏ ଦିଗରେ ପରିବହନ ବିଭାଗ, ପ୍ରଶାସନ ପକ୍ଷରୁ ଦୃଷ୍ଟି ଦିଆଯିବାକୁ ଓକିଲ ସଂଘ ସଭାପତି ଦିନେଶ କୁମାର ସିଂ, ଉପସଭାପତି ଜିତେନ୍ଦ୍ର ମୁଖି ପ୍ରମୁଖ ଦାବି କରିଛନ୍ତି।
ଏ ସଂକ୍ରାନ୍ତରେ ଆଠମଲ୍ଲିକ ବସ୍‌ ସଂଘ ସଭାପତି ସଦାଶିବ ପ୍ରଧାନ କୁହନ୍ତି, କିଛି ଅସୁବିଧା ଯୋଗୁ ସାମୟିକ ଭାବେ କୃଷ୍ଣପ୍ରିୟା ବସ୍‌ ଚଳାଚଳ ବନ୍ଦ ରହିଥିଲା। ରବିବାରଠାରୁ ଏହା ସ୍ବାଭାବିକ ହେବ। ତେବେ ଆଠମଲ୍ଲିକରୁ କଟକ ଯାତାୟାତ ପାଇଁ ରାଜ୍ୟ ସରକାର ବସ୍‌ ଚଳାଚଳର ସୁବିଧା କରିବାକୁ ସେ ଦାବି କରିଛନ୍ତି। ଏ ସମ୍ପର୍କରେ ଅନୁଗୋଳ ଆରଟିଓ ଧନଞ୍ଜୟ ସେନାପତିଙ୍କୁ ପଚାରିବାରେ କହିଛନ୍ତି, ବସ୍‌ ଚଳାଚଳ ବନ୍ଦ ହେବା ଘଟଣା ବିଷୟରେ ଖବର ନାହିଁ। ଯଦି ଏହା ହୋଇଥାଏ ତେବେ ପରମିଟ୍‌ କାରଣ କିମ୍ବା ଅନ୍ୟ କେଉଁ ସମସ୍ୟା ଯୋଗୁ ଏପରି ଅସୁବିଧା ହୋଇଛି ତାହାର ଅନୁଧ୍ୟାନ କରିବି। ଏ ନେଇ ଟ୍ରାନ୍ସପୋର୍ଟ କମିଶନଙ୍କ ସହ ଆଲୋଚନା କରିବି। ସମାଧାନ ହୋଇ ନ ପାରିଲେ ବିକଳ୍ପ ବ୍ୟବସ୍ଥା କରାଯିବ।


All Right Reserved By Dharitri.Com

ରାଇନାଳୀ ଗ୍ରାମରେ ହାତୀ ଉପଦ୍ରବ, ବ୍ୟାପକ ଫସଲ ନଷ୍ଟ

ବଇଣ୍ଡା,୧୫।୧୦(ଡି.ଏନ.ଏ.)-ଆଠମଲ୍ଲିକ ବ୍ଲକ ହଣ୍ଡପା ରେଞ୍ଜ ରାଇନାଳୀ ଗ୍ରାମରେ ଗତ କିଛିଦିନ ହେବ ହାତୀ ଉପଦ୍ରବ ଲାଗି ରହିଛି। ଫଳରେ ଗ୍ରାମବାସୀ ଭୟଭୀତ ହୋଇପଡ଼ିଛନ୍ତି। ନିକଟସ୍ଥ ଜଙ୍ଗଲରୁ...

ସହାୟ ହେଲା ସାଥୀ ପରିବାର; ଉଦ୍ଧାର ହେଲେ ଅସହାୟ ମା’ପୁଅ

ବନ୍ତଳା, ୬।୧(ଡି.ଏନ.ଏ.) ଅସହାୟ ଅବସ୍ଥାରେ ଭୋକ ଉପାସରେ ପଡ଼ି ରହି ଜୀବନମରଣ ସହ ସଂଘର୍ଷ କରୁଥିବା ଅସହାୟା ପାତି ନାଏକ (୭୦) ଏବଂ ତାଙ୍କ ପୁଅ ପ୍ରମୋଦ...

ଶବ ପାଇଁ ବିଛାନ୍ତି ଶେଯ

ବନ୍ତଳା,୨୪।୧୧: ଜଣା ହେଉ ଅବା ଅଜଣା, ଶବକୁ ଉପଯୁକ୍ତ ସମ୍ମାନ ଦେବାକୁ ଅନେକେ ଆଗ୍ରହ ଦେଖାନ୍ତିନି। ବଞ୍ଚିଥିବା ବେଳେ ଅତି ଆପଣାର ଲାଗୁଥିବା ମଣିଷଟିଏ ମୃତ୍ୟୁ...

୮୫ ପରୀକ୍ଷା କେନ୍ଦ୍ର, ୮ ନୋଡାଲ ସେଣ୍ଟର

ଅନୁଗୋଳ ଅଫିସ, ୧୯।୧ – ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା ଆସନ୍ତା ଫେବୃୟାରୀ ୧୯ରୁ ଆରମ୍ଭ ହେବ। ଏ ନେଇ ପରିଷଦ...

ଜନସ୍ବାସ୍ଥ୍ୟ ବିଭାଗ ପକ୍ଷରୁ ଚଢ଼ାଉ: ପରୀକ୍ଷା ହେବ ୧୧ ଖାଦ୍ୟ ନମୁନା

ଅନୁଗୋଳ ଅଫିସ, ୧୩।୧୦ – ପାର୍ବଣ ସମୟରେ ଅନୁଗୋଳ ସହରର ବିଭିନ୍ନ ସ୍ଥାନରେ ଜନସ୍ବାସ୍ଥ୍ୟ ବିଭାଗ ପକ୍ଷରୁ ଶନିବାର ଚଢ଼ାଉ କରାଯାଇଛି। ଜନସ୍ବାସ୍ଥ୍ୟ ବିଭାଗର ଅଧିକାରୀଙ୍କ...

ଚାଷୀଙ୍କ ଋଣ ଟଙ୍କା ଆତ୍ମସାତ୍‌ ଅଭିଯୋଗ

ଅନୁଗୋଳ ସହର, ୧୧।୨ ଅନୁଗୋଳ ଜିଲା ଛେଣ୍ଡିପଦା ବ୍ଲକ ଚାଙ୍ଗୁଡ଼ିଆ ସେବା ସମବାୟ ସମିତି ବ୍ୟାଙ୍କରେ ଚାଷୀମାନଙ୍କ ଋଣ ଟଙ୍କା ହଡ଼ପ କରାଯାଇଥିବା ନେଇ ସୋମବାର...

ତହସିଲ କାର୍ଯ୍ୟାଳୟରେ ଜିଲାପାଳଙ୍କ ଚଢ଼ାଉ

ଅନୁଗୋଳ ଅଫିସ, ୧।୯ – ଅନୁଗୋଳ ତହସିଲ କାର୍ଯ୍ୟାଳୟରେ ଶନିବାର ରାତିରେ ଜିଲାପାଳ ମନୋଜ କୁମାର ମହାନ୍ତି ଅଚାନକ ଚଢ଼ାଉ କରିଛନ୍ତି। ତାଙ୍କ ସହ ଅନୁଗୋଳ...

ଏନ୍‌ଏଚ୍‌ ଉପରେ ବର୍ଷାପାଣି ସୁଅ: ୨ ଘଣ୍ଟା ଯାତାୟାତ ବ୍ୟାହତ

କାମାକ୍ଷାନଗର, ୨୬ା୭(ଡି.ଏନ୍‌.ଏ.)-ଲଘୁଚାପ ପ୍ରଭାବରେ ହୋଇଥିବା ଲଗାଣବର୍ଷାରେ କାମାକ୍ଷାନଗର ଦେଇ ଯାଇଥିବା ୫୩ନଂ. ଜାତୀୟ ରାଜପଥର ବାଇସିଙ୍ଗାଗଡ଼ାରେ ୨ଫୁଟ ପାଣି ଜମି ରହିଥିଲା। ଫଳରେ ୨ ଘଣ୍ଟା...

Leave a comment

Your email address will not be published. Required fields are marked *