୬୦ଲକ୍ଷରୁ ଊର୍ଦ୍ଧ୍ୱ ଟଙ୍କାର ଧାନ ଠକେଇ

ଖଇରା, ୧।୯(ଡି.ଏନ.ଏ.)-ବାଲେଶ୍ୱର ଜିଲା ଖଇରା ଥାନା ଅଧୀନ ସାରଡାଙ୍ଗ, ନନ୍ଦୁର, ଝିଙ୍କିରିଆ, ସୁଣ୍ଢିରା ଆଦି ପଞ୍ଚାୟତର ଚାଷୀମାନଙ୍କଠାରୁ ୬୦ଲକ୍ଷରୁ ଊର୍ଦ୍ଧ୍ୱ ଟଙ୍କାର ଧାନ ନେଇ ଅର୍ଥ ପରିଶୋଧ ନ କରି ଜଣେ ଧାନ ବ୍ୟବସାୟୀ ଫେରାର ହୋଇଯାଇଛନ୍ତି। ଚାଷୀମାନେ ତାଙ୍କୁ ୪ମାସ ଧରି ଖୋଜି ଚାଲିଥିଲେ ମଧ୍ୟ ପାଇବାକୁ ସଫଳ ହୋଇପାରି ନାହାନ୍ତି। ବାଧ୍ୟ ହୋଇ ସେମାନେ ଶନିବାର ଉକ୍ତ ବ୍ୟବସାୟୀଙ୍କ ଘର ସମ୍ମୁଖରେ ଧାରଣାରେ ବସି ରହିଥିଲେ। ତାଙ୍କ ପରିବାର ଲୋକେ ଅର୍ଥ ଫେରସ୍ତର ବ୍ୟବସ୍ଥା ନ କଲେ ଚାଷୀମାନେ ଉଭୟ ଖଇରା ଓ ସିମୁଳିଆ ଥାନାର ଦ୍ୱାରସ୍ଥ ହେବେ ବୋଲି ବିଭିନ୍ନ ଗ୍ରାମର ଚାଷୀ ସୁଧାକର ପଣ୍ଡା, ଅଶୋକ କୁମାର ନାୟକ, ଶେଖ ମୁବାରକ, ସୁବାଷ ଚନ୍ଦ୍ର ସାହୁ, ଦଶରଥ ମହାରଣା, ମହେନ୍ଦ୍ର ପ୍ରସାଦ ଦାଶ, ଜୟନ୍ତ ପଣ୍ଡା, ଗଣେଶ୍ୱର ସାହୁ, ଉପେନ୍ଦ୍ର ଉପାଧ୍ୟାୟ, ରମାକାନ୍ତ ତିଆଡ଼ି, କମଳାକାନ୍ତ ସାମଲ, ରଘୁନାଥ ବେହେରା, ସତ୍ୟଭାମା ସାହୁ, ଅଶୋକ କୁମାର ଦାସ ପ୍ରମୁଖ ଚେତାବନୀ ଦେଇଛନ୍ତି।
ସରକାର ଫେବୃୟାରୀ ମାସରେ ହଠାତ୍‌ ଧାନକିଣା ବନ୍ଦ କରିଦେବା ପରେ ବହୁ ଚାଷୀ ସରକାରୀ ଧାର୍ଯ୍ୟ ଦରରେ ଧାନ ଦେବାକୁ ବଞ୍ଚତ୍ତ ହୋଇଥିଲେ। ଏହାର ସୁଯୋଗ ନେଇ ଉକ୍ତ ବ୍ୟବସାୟୀ ବିଭିନ୍ନ ଚାଷୀଙ୍କଠାରୁ ୧୪ଶହ ଟଙ୍କାରେ ଧାନ କିଣିବା ପରେ ୧ରୁ ୨ମାସ ମଧ୍ୟରେ ପଇସା ଦେବାକୁ କହି ୪୦ରୁ ଊର୍ଦ୍ଧ୍ୱ ଚାଷୀଙ୍କ ନିକଟରୁ ଧାନ ସଂଗ୍ରହ କରି ନେଇଥିଲେ। ହେଲେ ଜୁନ୍‌ ସୁଦ୍ଧା ଅର୍ଥ ଦେଇ ନ ଥିଲେ। ଜୁନ୍‌ ତୃତୀୟ ସପ୍ତାହରେ ପତ୍ନୀ ଓ ପିଲାଙ୍କୁ ଶ୍ୱଶୁର ଘରେ ଛାଡ଼ି ସେ ଉଭାନ ହୋଇ ଯାଇଥିଲେ। ୧୫ଦିନ ତଳେ ସମସ୍ତ ଚାଷୀ ଏକତ୍ର ହୋଇ ଏକ ବୈଠକ ଡାକି ଆଗାମୀ କାର୍ଯ୍ୟପନ୍ଥା ବିଷୟରେ ଆଲୋଚନା କରିବା ପରେ ଉଭୟ ସାରଡ଼ାଙ୍ଗ ସରପଞ୍ଚ ହରିହର କୁଣ୍ଡୁ ଓ ଝିଙ୍କିରିଆ ପଞ୍ଚାୟତ ସରପଞ୍ଚ ମଧୁସୂଦନ ମାଝିଙ୍କୁ ଲିଖିତ ଭାବେ ଜଣାଇଥିଲେ। ପରେ ଚାଷୀମାନେ ଏକତ୍ର ହୋଇ ବ୍ୟବସାୟୀଙ୍କ ବାପାଙ୍କୁ କହିବା ପରେ ସେ ୧୫ଦିନ ମଧ୍ୟରେ ଜମି ବିକି ଅର୍ଥ ଦେବାକୁ କହିଥିଲେ। ହେଲେ ୧୮ଦିନ ପରେ ମଧ୍ୟ ତାଙ୍କ ବାପା କିଛି ପ୍ରତିକାର ନ କରିବାରୁ ଚାଷୀମାନେ ତାଙ୍କ ଘର ଆଗରେ ଧାରଣା ଦେଇଛନ୍ତି। ଆକାଉଣ୍ଟରେ ଅର୍ଥ ନ ଥାଇ ଏକ ଖାଲି ଚେକ୍‌ ଦେବା ଅତ୍ୟନ୍ତ ମର୍ମାହତ ବୋଲି ଚାଷୀ କୃଷ୍ଣଚନ୍ଦ୍ର ସାମଲ ଅଭିଯୋଗ କରିଛନ୍ତି। ସମସ୍ତ ଚେଷ୍ଟା ପରେ ଅର୍ଥ ନ ମିଳିଲେ ଥାନାରେ ଅଭିଯୋଗ କରାଯିବ ବୋଲି ନାରାୟଣପୁର ଗ୍ରାମର ଚାଷୀ ମହେନ୍ଦ୍ର ପ୍ରସାଦ ଦାସ କହିଛନ୍ତି।
ଏ ସମ୍ପର୍କରେ ପରିବାର ଲୋକଙ୍କ ସହ ଯୋଗାଯୋଗ କରିବାରେ ସେମାନେ କେଉଁଆଡ଼େ ଯାଇଛନ୍ତି କହିପାରିବେ ନାହିଁ। ଥରେ ଦୁଇଥର ଆନ୍ଧ୍ରରୁ ଫୋନ୍‌ କରିଥିଲେ ବୋଲି ପ୍ରକାଶ କରିଛନ୍ତି।


All Right Reserved By Dharitri.Com

ବାଙ୍ଗିରିପୋଷି, ବାରିପଦାରେ ଭାଜପା ଓ ମୋରଡାରେ ବିଜେଡି ଆଗୁଆ

ବାରିପଦା ଅଫିସ,୨୩।୫: ଚତୁର୍ଥ ରାଉଣ୍ଡ ଭୋଟ ଗଣତି ସୁଦ୍ଧା ମୟୂରଭଞ୍ଜ ଲୋକ ସଭା ଆସନ ଅନ୍ତର୍ଗତ ବାଙ୍ଗିରପୋଷି ବିଧାନସଭା ନିର୍ବାଚନମଣ୍ଡଳୀରେ ଭାଜପା ପ୍ରାର୍ଥୀ ସୁଗଦା ମୁର୍ମୁ...

ଚକାଫାଟି ଗଛରେ ପିଟିହେଲା ଆମ୍ବୁଲାନ୍ସ, ୨ ଆହତ

ସଜନାଗଡ଼,୧୦।୧(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ଜାମୁନା ଅଞ୍ଚଳକୁ ରୋଗୀ ଆଣିବାକୁ ଯାଉଥିବା ବେଳେ ଚକା ଫାଟିଯିବାରୁ ଏକ ଆମ୍ବୁଲାନ୍ସ ଗଛରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଛି।...

ବାଲିଖାଦାନରେ ବଟି ଆଦାୟ ନେଇ ଗଣ୍ଡଗୋଳ : ଖଣ୍ଡା, ପ୍ଲାଷ୍ଟିକ ବନ୍ଧୁକ ଜବତ, ୩ ଗିରଫ

ବାଲେଶ୍ୱର ଅଫିସ, ୨୫।୫: ବାଲେଶ୍ୱର ସହଦେବଖୁଣ୍ଟା ମଡ଼େଲ ଥାନା ଅଧୀନ ଦହପଡ଼ା ପଞ୍ଚାୟତର କଣ୍ଟାବଣିଆ ବାଲିଖାଦାନରେ ଦାଦା ବଟି ଆଦାୟକୁ ନେଇ ଗଣ୍ଡଗୋଳ ହୋଇଛି। ଏନେଇ...

ରାଇଜିନ୍‌ ଟେକ୍‌ ସଫ୍ଟୱେୟାର କମ୍ପାନୀରୁ ୮ ଲକ୍ଷ ଠକେଇ: ନୀଳଗିରିରେ ପହଞ୍ଚିଲେ କମ୍ପାନୀ ଅଧିକାରୀ

ସଜନାଗଡ଼, ୨୯।୯(ଡି.ଏନ.ଏ.)-ନୀଳଗିରି ବ୍ଲକ ଅଞ୍ଚଳର ୫ଜଣ ଯୁବକ ଦିଲ୍ଲୀର ଏକ ସଫ୍ଟୱେୟାର କମ୍ପାନୀରୁ ୮ଲକ୍ଷରୁ ଊର୍ଦ୍ଧ୍ୱ ଟଙ୍କା ହଡପ କରି ପଳାଇ ଆସିଥିବା ଶୁଣିବାକୁ ମିଳିଛି।...

କଂଗ୍ରେସ କର୍ମୀ ସମ୍ମିଳନୀ, ମିଶ୍ରଣ ପର୍ବ

ହାଟଡିହୀ,୧୭।୪(ଡି.ଏନ.ଏ.): ଆନନ୍ଦପୁର ନିର୍ବାଚନମଣ୍ଡଳୀ ହାଟଡିହୀ ବ୍ଲକ ୩୭ ନଂ ଜୋନ୍‌ର ସଡ଼ଙ୍ଗଠାରେ କଂଗ୍ରେସ କର୍ମୀ ସମ୍ମିଳନୀ ଓ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଏହି ସମ୍ମିଳନୀ...

ଫ୍ରିଜ୍‌ ମରାମତି ଦୋକାନରେ ନିଆଁ : ଲକ୍ଷାଧିକ ଟଙ୍କାର କ୍ଷୟକ୍ଷତି

ବାଲେଶ୍ୱର ଅଫିସ, ୨୫।୫: -ବାଲେଶ୍ୱର ସହରସ୍ଥିତ ତେଲେଙ୍ଗାସାହି ରାସ୍ତାର ମ୍ୟୁନିସିପାଲିଟି କମ୍ପ୍ଲେକ୍ସରେ ଥିବା ଏକ ଫେବ୍ରିକ୍‌ ୟୁନିଟ୍‌ରେ କୌଣସି କାରଣରୁ ନିଆଁ ଲାଗି ଲକ୍ଷାଧିକ ଟଙ୍କାର...

ଆଗ ଥଇଥାନ, ପରେ ଉଚ୍ଛେଦ: ମେଳି କରି ଦାବି କଲେ ବ୍ୟବସାୟୀ

ବାଲେଶ୍ୱର ଅଫିସ, ୨୦।୯-ବାଲେଶ୍ୱର ଓଟିରୋଡ୍‌ର କୁରୁଡ଼ା ବାଇପାସ୍‌ରୁ ରେମୁଣା ଗୋଲେଇ ପର୍ଯ୍ୟନ୍ତ ରାସ୍ତାର ସମ୍ପ୍ରସାରଣ ପାଇଁ ଉଭୟପାର୍ଶ୍ୱରେ ଜବରଦଖଲକାରୀ ଦୋକାନୀଙ୍କୁ ପ୍ରଶାସନ ପକ୍ଷରୁ ଉଚ୍ଛେଦ କରାଯିବା...

ଫକୀରପୁର ଯୁବକଙ୍କ ମୃତ୍ୟୁ ଘଟଣା : ଧୀରେ ଧୀରେ ଖୋଲୁଛି ରହସ୍ୟ

ଆନନ୍ଦପୁର,୨୪।୭(ସ୍ବ.ପ୍ର.) : କେନ୍ଦୁଝର ଜିଲା ଆନନ୍ଦପୁର ପୌରପରିଷଦ ଫକୀରପୁର ଗ୍ରାମରେ ଗତ ୧୬ ତାରିଖ ମଙ୍ଗଳବାର ଜଣେ ଯୁବକଙ୍କ ମୃତ୍ୟୁ ଘଟିଥିବା ନେଇ ଚର୍ଚ୍ଚା ଜୋର...

Leave a comment

Your email address will not be published. Required fields are marked *