Posted inପୁରୀ

ଚିଲିକା ପାଇଁ ବିପଦ ମାଲେସିଆ ଜାହାଜ : ମିଳୁନି ଆବଶ୍ୟକ ସୁରକ୍ଷା, ବାହାରିପାରୁନି ତେଲ

ବ୍ରହ୍ମଗିରି/କୃଷ୍ଣପ୍ରସାଦ,୩୦।୮(ଡି.ଏନ୍‌.ଏ.) : ଚିଲିକା ପାଇଁ ଦିନକୁ ଦିନ ବିପଦ ସୃଷ୍ଟିକରୁଛି ମାଲେସିଆ ଜାହାଜ। ଜାହାଜରୁ ତେଲ କାଢ଼ିବା ଜରୁରୀ ହୋଇପଡ଼ିଥିବାବେଳେ ଜିଲା ପ୍ରଶାସନ ଚେଷ୍ଟା ଜାରି ରଖିଛି। ମାତ୍ର ୬ଦିନ ଧରି ତେଲ କାଢ଼ିବା ଲାଗି ଚେଷ୍ଟା କରାଯାଉଥିଲେ ବି ସଫଳତା ମିଳିପାରୁନି। ପ୍ରଶାସନ ଓ ଠିକା ସଂସ୍ଥା ଦ୍ୱାରା ନିୟୋଜିତ ଥିବା କର୍ମଚାରୀଙ୍କ ମଧ୍ୟରେ ସାମଞ୍ଜସ୍ୟ ଅଭାବରୁ ତେଲ କାଢ଼ିବାରେ ବିଳମ୍ବ ହେଉଛି। ବୁଧବାର ତେଲ କାଢ଼ିବା ପାଇଁ ସମସ୍ତ ପ୍ରସ୍ତୁତି ଶେଷ ହୋଇଥିଲେ ବି ଗୁରୁବାର ତେଲ କଢ଼ାଯାଇପାରିନାହିଁ। ତେଲ କାଢିବା ପାଇଁ ସ୍ଲିକବାର ଇଣ୍ଡୋନେସିଆର ଭୁବନେଶ୍ୱର ବ୍ରାଞ୍ଚରୁ ଆସିଥିବା ଦଳର ବିଶେଷଜ୍ଞ ସୁଶାନ୍ତ କୁମାର ମାହାନ୍ତଙ୍କ କହିବା ଅନୁଯାୟୀ, ଯଦି ଠିକ୍‌ ଉପାୟରେ ତେଲ ନ କଢ଼ା ଯାଏ ଏଥିରୁ ତେଲ ଲିକ୍‌ ହୋଇ ଚିଲିକାରେ ମିଶିବାର ଯଥେଷ୍ଟ ସମ୍ଭାବନା ରହିଛି। ତେଣୁ ଉପଯୁକ୍ତ ସୁରକ୍ଷା ନ ମିଳିବା ପର୍ଯ୍ୟନ୍ତ ତେଲ କଢ଼ା ନ ଯାଉ ବୋଲି ସେ କହିଛନ୍ତି।
ମାଲେସିଆର ଏହି ପଣ୍ୟବାହୀ ଜାହାଜ ଚଳିତ ମାସ ୨ତାରିଖରେ ମୋଙ୍ଗଲା ବନ୍ଦରରୁ ବାହାରି ବିଶାଖାପାଟଣା ଅଭିମୁଖେ ଯାଇଥିଲା। ସେଠାରୁ ଫେରିବାବେଳେ ଅଚଳ ହୋଇପଡ଼ିଥିଲା। ଗତ ୮ତାରିଖରେ ବଙ୍ଗୋପସାଗରରେ ଯାନ୍ତ୍ରିକ ତ୍ରୁଟି ଯୋଗୁ ଓଡ଼ିଶା ଉପକୂଳକୁ ଚାଲିଆସି କୃଷ୍ଣପ୍ରସାଦ ବ୍ଲକର ରାଜହଂସ ନିକଟରେ ଲାଗିଥିଲା। ପ୍ରଥମେ ଜିଲା ପ୍ରଶାସନ ଜାହାଜରେ ୩୦ ହଜାର ଲିଟର ଡିଜେଲ, ୧ ହଜାର ଲିଟର ଲ୍ୟୁବ ଅଏଲ, ୨୦୦ ଲିଟର ହାଇଡ୍ରୋଲିକ ତେଲ ଅଛି ବୋଲି ଆକଳନ କରିଥିଲା। ମାତ୍ର ଗୁରୁବାର ବିଶେଷଜ୍ଞ ଦଳ ପହଞ୍ଚତ୍ ଯାଞ୍ଚ କରିବାରୁ ଉକ୍ତ ଜାହାଜ ମଧ୍ୟରେ ୭ଟି ଟାଙ୍କି ରହିଥିବା ଜଣାପଡ଼ିଥିଲା। ଏଥିରୁ ୫ଟି ଟାଙ୍କିରେ ତେଲ ଫୁଲ୍‌ ହୋଇଥିବାବେଳେ ୩୫ ହଜାର ଲିଟର ଡିଜେଲ, ୧୫ଶହ ଲିଟର ଲ୍ୟୁବ ଅଏଲ, ୧୫ଶହ ଲିଟର ହାଇଡ୍ରୋଲିକ ଅଏଲ ରହିଥିବା ଜଣାପଡ଼ିଛି। ଏହାସହ ଜାହାଜ ମଧ୍ୟରେ ଥିବା ବ୍ୟାଟେରିଗୁଡ଼ିକ ଫାଟିଯାଇ ଏସିଡ୍‌ ବାହାରୁଛି, ଯାହାକି ବିପଦ ସୃଷ୍ଟି କରିପାରେ। ଜାହାଜଟି ଦିନକୁ ଦିନ ଢଳିବା କାରଣରୁ ଏଥିରୁ ତେଲ ବାହାରି ସମୁଦ୍ର ଓ ଚିଲିକା ଜଳରେ ମିଶିଲେ ଚିଲିକାର ଜୈବବିବିଧତା ପାଇଁ ବିପଦ ଦେଖାଦେବ। ବୁଧବାର ଉକ୍ତ ଜାହାଜଠାରୁ ରାଜହଂସ (ତେଲ କଢାଯିବା ସ୍ଥାନ) ପର୍ଯ୍ୟନ୍ତ ୧ ହଜାର ମିଟର ପାଇପ ବିଛାଯାଇ ଗୁରୁବାର ଦିନ ତେଲ ବାହାର କରାଯିବା ପାଇଁ ସ୍ଥିର ହୋଇଥିଲା। ମାତ୍ର ବିଶେଷଜ୍ଞଙ୍କ ପରାମର୍ଶ ପରେ ତେଲ କଢ଼ା ବନ୍ଦ ରହିଥିଲା। ଉକ୍ତ ଠିକାସଂସ୍ଥା ତରଫରୁ ଯୋଗାଇ ଦିଆଯାଇଥିବା ମୋଟର ଏବଂ ପାଇପ ତେଲ କାଢିବା ପାଇଁ ଉପଯୁକ୍ତ ନୁହେଁ। ଜାହାଜରୁ ମୋଟର ଦ୍ୱାରା ତେଲ କଢାଯାଇ ଏକ ଟ୍ୟାଙ୍କରରେ ରଖାଯିବ। ସେଠାରୁ ତେଲ ଭେସେଲ ସାହାଯ୍ୟରେ ସାତପଡାକୁ ଆସି ଏକ ଟ୍ୟାଙ୍କରରେ ଲୋଡ କରାଯିବ। ଏଥିପାଇଁ ଆବଶ୍ୟକ ଉଚ୍ଚ ଶକ୍ତି ସମ୍ପନ୍ନ ପମ୍ପ। ଏହା ସହ ଯେଉଁ ପାଇପ ମାଧ୍ୟମରେ ତେଲ ବାହାରିବ ସେଥିରେ ତେଲ ଲିକ ହେବାର ସମ୍ଭାବନା ରହିଛି ା ଫଳରେ ଏହି ତେଲ ଚିଲିକାରେ ମିଶି ବିପଦ ସୃଷ୍ଟି କରିପାରେ ବୋଲି ଅନୁମାନ କରାଯାଉଛି ା ଏଣୁ ଉପଯୁକ୍ତ ସୁରକ୍ଷା ଯୋଗାଇ ନ ଦେଲେ ଜାହାଜରୁ ତେଲ ବାହାରିପାରିବ ନାହିଁ ବୋଲି ବିଶେଷଜ୍ଞ ମାହାନ୍ତ କହିଛନ୍ତି।
ଭାଙ୍ଗିଲାଣି କଣ୍ଟେନର
କୂଳରେ ଲାଗିଥିବା ଜାହାଜର କଣ୍ଟେନରଟି ଧୀରେ ଧୀରେ ଭାଙ୍ଗିବାକୁ ଲାଗିଲାଣି। ଜାହାଜରୁ କଣ୍ଟେନରଟି ଅଲଗା ହୋଇ ଯାଇଥିବାବେଳେ ଏଥିରେ ୫ଫୁଟର ଫାଟ ସୃଷ୍ଟି ହୋଇଥିଲା। ସମୁଦ୍ରର ଜୁଆର ପାଣି ଏହି ଫାଟ ମଧ୍ୟରେ ପଶିବାରୁ ଏହା ମଙ୍ଗଳବାର ଦିନ ଓଲଟି ପଡିଥିଲା। ଏବେ ଏହି କଣ୍ଟେନର କିଛି ଅଂଶ ଭାଙ୍ଗି ଭାସୁଥିବାର ଦେଖିବାକୁ ମିଳିଛି।
ଚକ୍କର କାଟୁଛି ହେଲିକପ୍ଟର
ପୁରୀ ଜିଲା କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ରାଜହଂସ ନିକଟରେ ଲାଗିଥିବା ମାଲେସିଆର ଏକ ପଣ୍ୟବାହୀ ଜାହାଜ ନିକଟରେ ଗୁରୁବାର ଦିନତମାମ ଏକ ହେଲିକପ୍ଟର୍‌ ଚକ୍କର କାଟୁଥିବା ଦେଖିବାକୁ ମିଳିଥିଲା। ଏହି ହେଲିକପ୍ଟର୍‌ଟି କାହାର ଏବଂ କେଉଁ ଉଦ୍ଦେଶ୍ୟରେ ଏଠାରେ ଘୂରୁଛି ତାହାକୁ ନେଇ ସାଧାରଣରେ ଉତ୍କଣ୍ଠା ସୃଷ୍ଟି ହୋଇଥିଲା।


All Right Reserved By Dharitri.Com

ଆଜି ଉତ୍କଳ ଦିବସ: ବାଲୁକାକଳାରେ ଓଡ଼ିଶାବାସୀଙ୍କୁ ସୁଦର୍ଶନଙ୍କ ଶୁଭେଚ୍ଛା

ପୁରୀ ଅଫିସ,୧।୪: ବାଲୁକାକଳାରେ ଓଡ଼ିଶାବାସୀଙ୍କୁ ଉତ୍କଳ ଦିବସର ବାର୍ତ୍ତା ଦେଇଛନ୍ତି ଅନ୍ତର୍ଜାତୀୟ ବାଲୁକାଶିଳ୍ପୀ ତଥା ପଦ୍ମଶ୍ରୀ ସୁଦର୍ଶନ ପଟ୍ଟନାୟକ। ନିଜ ବାଲୁକାକଳା ଜରିଆରେ ସୁଦର୍ଶନ ସମସ୍ତଙ୍କୁ...

ପୁରୀରେ ପୋକ୍ସୋ କୋର୍ଟ ଉଦ୍‌ଘାଟିତ: ବିଚାର ହେବ ଯୌନ ନିର୍ଯ୍ୟାତନା ମାମଲା

ପୁରୀ ଅଫିସ,୨୮।୨: ନାବାଳିକା ଓ ନାବାଳିକଙ୍କୁ ଯୌନ ଶୋଷଣ ମାମଲାର ବିଚାର ପ୍ରକ୍ରିୟା ତ୍ୱରାନ୍ବିତ ହେବ। ଶୁକ୍ରବାର ପୁରୀ ଜିଲା କୋର୍ଟ ପରିସରରେ ପୋକ୍ସୋ କୋର୍ଟ...

କରୋନା ମୁକାବିଲା ପ୍ରସ୍ତୁତି ପରଖିଲେ ବାଗ୍‌ଚୀ

ପୁରୀ ଅଫିସ,୩୦ା୩: ରାଜ୍ୟ ସରକାରଙ୍କ କୋଭିଡ୍‌-୧୯ର ମୁଖ୍ୟ ମୁଖପାତ୍ର ସୁବ୍ରତୋ ବାଗ୍‌ଚୀ ରବିବାର ପୁରୀ ଗସ୍ତରେ ଆସିଥିଲେ। କରୋନା ମୁକାବିଲା ନେଇ ପୁରୀ ଜିଲା ପ୍ରଶାସନ...

ସାକ୍ଷୀଗୋପାଳଙ୍କ ଦର୍ଶନ କଲେ ମନ୍ତ୍ରୀ ଟୁକୁନି ସାହୁ

ସାକ୍ଷୀଗୋପାଳ,୨ା୧(ଡି.ଏନ୍‌.ଏ.): ନୂଆବର୍ଷରେ ମହିଳା ଓ ଶିଶୁ ବିକାଶ ମନ୍ତ୍ରୀ ଟୁକୁନି ସାହୁ ଶ୍ରୀଜଗନ୍ନାଥଙ୍କ ଦର୍ଶନ କରିବା ପରେ ସାକ୍ଷୀଗୋପାଳଙ୍କ ଦର୍ଶନ ସହ ପୂଜାର୍ଚ୍ଚନା କରିଛନ୍ତି। ଦର୍ଶନ...

ମହାପ୍ରଭୁଙ୍କ ଦୁଗ୍ଧ ମେଲାଣ ନୀତି ସମ୍ପନ୍ନ

ପୁରୀ ଅଫିସ, ୧୪-୧: ମକରସଂକ୍ରାନ୍ତି ପୂର୍ବଦିନକୁ ନବାଙ୍କ କୁହାଯାଏ। ନବାଙ୍କ ପୂର୍ବଦିନ ମହାପ୍ରଭୁ ଶ୍ରୀଜଗନ୍ନାଥଙ୍କ ଦୁଗ୍ଧ ମେଲାଣ ନୀତି ଅନୁଷ୍ଠିତ ହେବାର ବିଧି ରହିଛି। ତେଣୁ...

ଗାଁ ମୁଣ୍ଡରେ ଲାଗିଲା ବାଉଁଶ: ବାହାର ଲୋକ ଆସିବା ମନା

ଗୋପ,୨୬ା୩(ଡି.ଏନ୍‌.ଏ.)- ଦେଶରେ ଲକଡାଉନ ଘୋଷଣା ପରେ ଗୋପ ବ୍ଲକର ୧୦୦ରୁ ଊଦ୍ଧର୍‌ବ ଗାଁ ମୁଣ୍ଡରେ ଯୁବକମାନେ ବାଉଁଶ ଧଡ଼ା ଲଗାଇ ଦେଇଛନ୍ତି। ଏହାସହ କୌଣସି ବାହାର...

ମାସ୍କ ବାଣ୍ଟି ସଚେତନ କଲେ ପୋଲିସ

ପିପିଲି,୨୮।୪(ଡି.ଏନ୍‌.ଏ.): ରାଜ୍ୟରେ କରୋନା ରୋଗୀ ସଂଖ୍ୟା ବୃଦ୍ଧି ପାଉଥିବାରୁ ସରକାରଙ୍କ ବିଭିନ୍ନ ପଦକ୍ଷେପମାନ ଜାରି କରାଯାଇଛି। ସରକାରଙ୍କ ନିର୍ଦ୍ଦେଶ ଅନୁସାରେ ଘରେ ରୁହ ସୁରକ୍ଷିତ ରୁହ,...

ଜାହାନିଆଁରେ ବାଲିଯାତ୍ରା: ଶ୍ରଦ୍ଧାଳୁଙ୍କ ଭିଡ଼

କାକଟପୁର, ୧୨।୧୧(ଡି.ଏନ୍‌.ଏ.): ମଙ୍ଗଳବାର ପବିତ୍ର କାର୍ତ୍ତିକ ପୂର୍ଣ୍ଣିମା ଅବସରରେ ପୁରୀ ଜିଲା ଅସ୍ତରଙ୍ଗ ଉପକୂଳର ପ୍ରସିଦ୍ଧ ପର୍ଯ୍ୟଟନସ୍ଥଳୀ ସର୍ବଧର୍ମ ସମନ୍ବୟ ପୀଠ ଜାହାନିଆଁଠାରେ ଅନୁଷ୍ଠିତ ହେଉଛି...

Leave a comment

Your email address will not be published. Required fields are marked *