‘ସୁସ୍ଥ ଓଡ଼ିଶା’କୁ ନେଇ ସୁଖୀ ନୁହନ୍ତି ପରଦେଶୀ: ମୁନାଙ୍କ ଅପରେଶନ ପାଇଁ ଖୋଜୁଛନ୍ତି ଦରଦୀ ମନ

ବନ୍ତଳା,୩୦ା୮-ମୂଲିଆ ମଣିଷକୁ ତେଲ ଲୁଣର ସଂସାର। ନିଜସ୍ବ ଘର ଢିହ ବୋଲି କିଛି ନାହିଁ। ସରକାରୀ ଜାଗାରେ କରିଥିବା ଚାଳିଆ ଖଣ୍ଡେ ହିଁ ପରିବାରର ସମ୍ବଳ। ଦିନେ ଖଟିବାକୁ ନ ଗଲେ ବିଛଣାରେ ଶୋଇଥିବା ଭେଣ୍ଡିଆ ପୁଅ ମୁନା ମୁହଁରେ ଦାନାଟିଏ ଦେଇପାରିବେନି। ଏପରି ଅବସ୍ଥାରେ ପୁଅର ଅପରେଶନ ପାଇଁ ୪ ଲକ୍ଷ ଟଙ୍କା ଯୋଗାଡ଼ କେମିତି କରିବେ ସେହି ଚିନ୍ତାରେ ପଡ଼ିଛନ୍ତି ଅନୁଗୋଳ ଜିଲା ବନ୍ତଳା ଥାନା ପୋକତୁଙ୍ଗା ଢିପସାହିର ପରଦେଶୀ ବେହେରା। ଗରିବଙ୍କ ସ୍ବାସ୍ଥ୍ୟ ରକ୍ଷା ପାଇଁ ସରକାର କାଳେ ବଡ଼ ବଡ଼ ଯୋଜନା କରିଥିବା ସେ ଶୁଣିଛନ୍ତି। ରାଜ୍ୟ ବାହାରେ ଅନେକ ରୋଗୀଙ୍କୁ ଚିକିତ୍ସା କରାଇ ସରକାର ସେମାନଙ୍କୁ ସୁସ୍ଥ, ସୁଖୀ କରିଥିବା ପ୍ରଚାର କରୁଛନ୍ତି। ହେଲେ ସେହିସବୁ ଯୋଜନାକୁ ନେଇ ସୁଖୀ ନୁହନ୍ତି ସେ। ପୁଅକୁ ଭଲ କରିବାକୁ ଏଯାଏ ପ୍ରଶାସନ କିମ୍ବା ସରକାରଙ୍କଠାରୁ କୌଣସି ସହାୟତା ସେ ପାଇନାହାନ୍ତି। ତେଣୁ ୩ ମାସ ହେଲା ବିଛଣାରେ ଶୋଇଥିବା ମୁନା ମୁହଁରେ ହସ ଫେରାଇବାକୁ ଏକ ଦରଦୀ ମନ ଖୋଜି ବୁଲୁଛନ୍ତି ପରଦେଶୀ। ଏପରି କି ତାଙ୍କୁ ବନ୍ଧକ ରଖି ୪ ଲକ୍ଷ ଟଙ୍କା ଦେବାକୁ ବୁଲି ବୁଲି ସେ ଲୋକଙ୍କୁ ଅନୁରୋଧ କରୁଥିବା କହିଛନ୍ତି ପରଦେଶୀ।
ପରଦେଶୀଙ୍କ କହିବା ଅନୁଯାୟୀ, ଗତ ମେ ୫ରେ ଅଜା ସାଇବଙ୍କ ସହ ମୁନା ମଜୁରି ଖଟିବାକୁ ଯାଇଥିଲେ। ଏକ ୬୦ ଫୁଟ ଉଚ୍ଚ ତାଳ ଗଛରେ ଚଢ଼ି ବାହୁଙ୍ଗା କାଟୁଥିବା ବେଳେ ତାହା ହଠାତ୍‌ ଛିଣ୍ଡି ପଡିବାରୁ ମୁନା ତଳକୁ ଖସି ପଡ଼ିଥିଲେ। ଅଣ୍ଟାରେ ଗଭୀର ଆଘାତ ଯୋଗୁ ଗୁରୁତର ହୋଇପଡ଼ିଥିବା ମୁନାଙ୍କୁ ଗ୍ରାମବାସୀଙ୍କ ସହାୟତାରେ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଅବସ୍ଥା ସଙ୍କଟାପନ୍ନ ଥିବାରୁ ଡାକ୍ତର ସେଠାରୁ କଟକ ପଠାଇ ଦେଇଥିଲେ। ଏକମାତ୍ର ପୁଅକୁ ବଞ୍ଚାଇବା ପାଇଁ ସେ ଧାର କରଜ ସହ ଢିପସାହି ବାସିନ୍ଦାଙ୍କ ସହାୟତାରେ ୬ ଦିନରେ ଲକ୍ଷେ ଟଙ୍କା ଖର୍ଚ୍ଚ କଲେ। ହେଲେ ଅପରେଶନ ପାଇଁ ଡାକ୍ତର ୪ ଲକ୍ଷ ଟଙ୍କା ଆବଶ୍ୟକ ବୋଲି କହିବା ପରେ ସେ ନିରାଶ ହୋଇ ପୁଅକୁ ଧରି ଘରକୁ ଫେରିଆସିଲେ। ସେବେଠାରୁ ପୁଅ ବିଛଣାରେ ଶୋଇଛି। ବଞ୍ଚିବା-ମରିବା ପ୍ରଶ୍ନବାଚୀରେ ଥିବାରୁ ସ୍ତ୍ରୀ ଓ ଗୋଟିଏ ଛୁଆକୁ କେମିତି ଚଳାଇବ ସେ ନେଇ ଆଖିରୁ ଲୁହ ଗଡ଼ାଉଛି। ପାକଳ ବୟସରେ ପୁଅର ଏପରି ଅବସ୍ଥା ତାଙ୍କୁ ଅଥୟ କରିଦେଇଥିବା ପରଦେଶୀ କହିଛନ୍ତି। ତେଣୁ ଢିପସାହି, ବେହେରା ସାହି, ପ୍ରଧାନ ସାହି, ସାହୁ ସାହି, ଦେହୁରୀ ସାହି, ମଝିପାଟଣା ସାହି, ପାଟଣା ସାହି, ଷଣ୍ଢ ଛକ ସାହି, ସଡ଼କ ସାହି ବାସିନ୍ଦାଙ୍କୁ ସହାୟତା ପାଇଁ ସେ ନେହୁରା ହୋଇଛନ୍ତି। ସାରା ଜୀବନ ତାଙ୍କୁ ବନ୍ଧକ ଭାବେ ନେଇ କେହି ପୁଅର ଜୀବନ ରକ୍ଷା କରିବାକୁ ବହୁ ଅନୁରୋଧ କରିଛନ୍ତି। ହେଲେ ଏଯାଏ ଅର୍ଥ ଯୋଗାଡ଼ ହୋଇପାରୁ ନାହିଁ। କେହି ସହୃଦୟ ବ୍ୟକ୍ତି ଯଦି ସହାୟତାର ହାତ ବଢ଼ନ୍ତେ ତା’ହେଲେ ପୁଅ ମୁନାର ଅପରେଶନ ହୋଇପାରନ୍ତା ବୋଲି ପରଦେଶୀ କୋହଭରା କଣ୍ଠରେ କହିଛନ୍ତି।
ଏ ସମ୍ପର୍କରେ ଅନୁଗୋଳ ଜିଲା ମୁଖ୍ୟ ଚିକିତ୍ସା ଅଧିକାରୀ (ସିଡିଏମ୍‌ଓ) ପ୍ରତାପ କୁମାର ବେହେରା କହିଛନ୍ତି, ଗରିବ ରୋଗୀଙ୍କ ଚିକିତ୍ସା ପାଇଁ ସରକାରଙ୍କ ତରଫରୁ ବହୁ ଯୋଜନା ରହିଛି। ପ୍ରଥମେ ଗୁରୁତର ମୁନାଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାନ୍ତୁ। ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ତାଙ୍କର ଚିକିତ୍ସା କରାଯିବ। ଆବଶ୍ୟକ ପଡ଼ିଲେ ତାଙ୍କୁ ଅନ୍ୟତ୍ର ରେଫର କରାଯାଇ ଅତ୍ୟାଧୁନିକ ଚିକିତ୍ସା ନିମନ୍ତେ ସମସ୍ତ ବ୍ୟବସ୍ଥା କରାଯିବ ବୋଲି ସିଡିଏମ୍‌ଓ ବେହେରା ପ୍ରକାଶ କରିଛନ୍ତି।

(ଦୀନେଶ ଦେହୁରୀ)


All Right Reserved By Dharitri.Com

ପର୍ଯ୍ୟଟନ କ୍ଷେତ୍ର କୁପାରୀକୁ ପ୍ରଦୂଷଣମୁକ୍ତ ଲାଗି ପ୍ରୟାସ :  ଅଣ୍ଟା ଭିଡିଲେ ବିଭିନ୍ନ ସଙ୍ଗଠନ

ଖଇରା, ୧୧।୮(ଡି.ଏନ.ଏ.)-୧୯୯୯ ମସିହାରୁ କୁପାରୀକୁ ପର୍ଯ୍ୟଟନ କ୍ଷେତ୍ର ଭାବେ ମାନ୍ୟତା ମିଳିଛି ସତ, ହେଲେ ସେଭଳି କିଛି ଆଖିଦୃଶିଆ ପ୍ରଗତି ହୋଇପାରିନାହିଁ ା ଏଭଳିକି ସାଂସ୍କୃତିକ...

ପିତୃପକ୍ଷ ଆରମ୍ଭ: ଶ୍ରୀକ୍ଷେତ୍ରକୁ ଶ୍ରଦ୍ଧାଳୁଙ୍କ ସୁଅ ଛୁଟୁଛି

ପୁରୀ ଅଫିସ,୧୪ା୯: ଶନିବାରଠାରୁ ଆରମ୍ଭ ହୋଇଛି ପିତୃପକ୍ଷ। ଏହା ୧୫ ଦିନ ଅର୍ଥାତ୍‌ ମହାଳୟା ଅମାବାସ୍ୟା ପର୍ଯ୍ୟନ୍ତ ଚାଲିବ । ଏହି ୧୫ ଦିନରେ ପିତୃପୁରୁଷଙ୍କ...

ନନ୍ଦଳାରେ ଅଗ୍ନିକାଣ୍ଡ: ୪ ବଖରା ଭସ୍ମୀଭୂତ, ୨ ବଳଦ ଅର୍ଦ୍ଧଦଗ୍ଧ

କୃଷ୍ଣପ୍ରସାଦ, ୨୯।୧୦(ଡି.ଏନ୍‌.ଏ.): ପୁରୀ ଜିଲା କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ରାମଲେଙ୍କା ପଞ୍ଚାୟତ ନନ୍ଦଳାଗାଁରେ ସୋମବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୪ ବଖରା ଘର ପୋଡ଼ିଯାଇଛି।...

ଥାନାରେ ଅଭିଯୁକ୍ତଙ୍କ ଆତ୍ମହତ୍ୟା ଉଦ୍ୟମ

ଦିଗହପଣ୍ଡି/ପାଟପୁର, ୧୪ା୮(ଡି.ଏନ.ଏ.)- ଗଞ୍ଜାମ ଜିଲା ପାଟପୁର ଥାନାରେ ମଙ୍ଗଳବାର ଏକ ଅଭାବନୀୟ ଘଟଣା ଘଟିଛି। ହତ୍ୟା ମାମଲାର ତଦନ୍ତ ପାଇଁ ପୋଲିସ ଥାନାକୁ ଆଣିଥିବା ଜଣେ...

ପ୍ରସ୍ତାବିତ ଧଉରାଗୋଠ ପ୍ରକଳ୍ପ ଦେଖିଲେ ସର୍ବୋଚ୍ଚ ଯନ୍ତ୍ରୀ: ଶୀଘ୍ର ମତାମତ ଦେବାକୁ ଗ୍ରାମବାସୀଙ୍କୁ ପରାମର୍ଶ

ଆଠମଲ୍ଲିକ/ବଇଣ୍ଡା,୨୫।୧୦(ଡି.ଏନ.ଏ.)-ରାଜ୍ୟ ସରକାରଙ୍କ ଜଳସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଇଂ. ଅକ୍ଷୟ କୁମାର ବାନାର୍ଜୀଙ୍କ ନେତୃତ୍ୱରେ ଏକ ଉଚ୍ଚସ୍ତରୀୟ କମିଟି ଗୁରୁବାର ଆଠମଲ୍ଲିକ ଉପଖଣ୍ଡ ଅନ୍ତର୍ଗତ ପ୍ରସ୍ତାବିତ...

୨ ଶିକ୍ଷୟିତ୍ରୀଙ୍କୁ ପ୍ରଧାନ ଶିକ୍ଷକ ମାଡ଼ମାରିବା ଅଭିଯୋଗ : ବିଦ୍ୟାଳୟ ପରିସରରେ ଉତ୍ତେଜନା

ହାଟଡ଼ିହୀ,୧୭।୯(ଡି.ଏନ୍‌.ଏ.): କେନ୍ଦୁଝର ଜିଲା ହାଟଡ଼ିହୀ ବ୍ଲକ କୁଶଟିକିରି ବିଦ୍ୟାଳୟରେ ମଙ୍ଗଳବାର ପୂର୍ବାହ୍ନରେ ପ୍ରଧାନ ଶିକ୍ଷକ ୨ ଜଣ ଶିକ୍ଷୟିିତ୍ରୀଙ୍କୁ ଗାଳିଗୁଲଜ କରିବା ସହ ମାଡ଼ ମାରିଛନ୍ତି।...

ଭବାନୀପାଟଣା ଦ୍ୱିତୀୟ ଟାଉନ ଫୁଟବଲ ଲିଗ୍‌ ଦ୍ୱାଦଶତମ ଦିବସ: ଗୋଲଡେନ୍‌ ଏଫ୍‌ସି ୬-୦ ଗୋଲରେ ବିଜୟୀ

ଭବାନୀପାଟଣା,୨୭।୯(ଡି.ଏନ.ଏ.)-ଭବାନୀପାଟଣା ଲାଲବାହାଦୁର ଶାସ୍ତ୍ରୀ ଷ୍ଟାଡିୟମ୍‌ଠାରେ କଳାହାଣ୍ଡି କ୍ରୀଡା ସଂସ୍ଥା ଆନୁକୂଲ୍ୟରେ ଭବାନୀପାଟଣା ଦ୍ୱିତୀୟ ଟାଉନ ଫୁଟବଲ ଲିଗ୍‌ ଗୁରୁବାର ଦ୍ୱାଦଶତମ ମ୍ୟାଚ୍‌ ଇଣ୍ଡିଆନ୍‌ କ୍ଲବ ବନାମ...

ବ୍ରାହ୍ମଣୀରୁ ମୃତଦେହ ଉଦ୍ଧାର ଘଟଣା: କେହି ଦେଇପାରିଲେନି ପ୍ରମାଣ

ଭୁବନ, ୧୫।୯(ଡି.ଏନ୍‌.ଏ.) – ଢେଙ୍କାନାଳ ଜିଲା ଭୁବନ ଥାନା ଓଢ଼ଣା-ମାଳପୁରା ଗ୍ରାମ ନିକଟରେ ପ୍ରବାହିତ ବ୍ରାହ୍ମଣୀ ନଦୀରୁ ଶୁକ୍ରବାର ମିଳିଥିବା ଗଳିତ ମୃତଦେହକୁ ନେଇ ଅଡୁଆ...

Leave a comment

Your email address will not be published. Required fields are marked *