ଜଗତ୍‌ସିଂହପୁର ଜିଲା ପରିଷଦର ୫ମ ସାଧାରଣ ବୈଠକ: ଭୁଲ ଜଙ୍ଗଲ ଜମି ରିପୋର୍ଟକୁ ନେଇ ଉଦ୍‌ବେଗ

ଜଗତ୍‌ସିଂହପୁର ଅଫିସ,୨୯ା୮: ଜଗତ୍‌ସିଂହପୁର ଜିଲା ପରିଷଦର ୫ମ ସାଧାରଣ ବୈଠକ ବୁଧବାର ଅନୁଷ୍ଠିତ ହୋଇଛି। ଜିଲା ପରିଷଦ ସମ୍ମିଳନୀ କକ୍ଷରେ ଅନୁଷ୍ଠିତ ବୈଠକରେ ଅଙ୍ଗନୱାଡି କେନ୍ଦ୍ର ଗୃହ ନିର୍ମାଣରେ ବିଳମ୍ବକୁ ନେଇ କିଛି ସମୟ ଆଲୋଚନା ଚାଲିଥିଲା। ଏତିକିବେଳେ ଜଙ୍ଗଲ ଜମି ଯୋଗାଣରେ ଦେଖା ଦେଇଥିବା ସମସ୍ୟା ସମ୍ପର୍କରେ ଅନେକ ତଥ୍ୟ ପଦାକୁ ଆସିଥିଲା। ବିଶେଷକରି ଜଙ୍ଗଲ ଜମି ସଂକ୍ରାନ୍ତରେ ଜିଲାରୁ ସରକାରଙ୍କ ନିକଟକୁ ଯାଇଥିବା ରିପୋର୍ଟ ଠିକ ନ ଥିବାରୁ ଅନେକ ସମସ୍ୟା ଉପୁଜିଛି। ଅଙ୍ଗନୱାଡି କେନ୍ଦ୍ର ସମେତ ଅନେକ କିଛି ସରକାରୀ ଯୋଜନା କାର୍ଯ୍ୟକାରୀ କରାଯିବାରେ ବାଧା ଉପୁଜିଛି। ସାଧାରଣ ଭାବେ ଲୋକେ ଜାଣନ୍ତି ଯେ, ଆଦିବାସୀଙ୍କୁ ଜଙ୍ଗଲ ଜମି ମିଳେ। ବାସ୍ତବରେ ଯେଉଁମାନେ ୩ ପୁରୁଷ ଧରି ଜଙ୍ଗଲ ଉପରେ ନିର୍ଭରଶୀଳ ଅର୍ଥାତ୍‌ ଏହାକୁ ଆଧାର କରି ଜୀବନଜୀବିକା ନିର୍ବାହ କରନ୍ତି ସେମାନଙ୍କୁ ଏହି ଜମି ମିଳିପାରେ ବୋଲି ଅନେକ ଜାଣନ୍ତି ନାହିଁ। ଜିଲାରୁ ଯାଇଥିବା ରିପୋର୍ଟରେ ଏ ସମ୍ପର୍କରେ ସୂଚନା ଦିଆଯାଇ ନ ଥିବାରୁ ଏରସମା ସମେତ ଜିଲାର କେତେକ ଅଞ୍ଚଳରେ ଲୋକଙ୍କୁ ଜଙ୍ଗଲ ଜମି ମିଳିପାରୁନାହିଁ। ସେମାନଙ୍କ ମଧ୍ୟରୁ ଜପାର ୮୭୦ ପରିବାର ବଞ୍ଚତ୍ତ ହୋଇଛନ୍ତି। ଏହାର ପ୍ରତିକାର ପାଇଁ ପଦକ୍ଷେପ ନିଆଯାଉଛି ବୋଲି ଜିଲାପାଳ ସଂଗ୍ରାମ କେଶରୀ ମହାପାତ୍ର କହିଛନ୍ତି। ସେ ଏକଥା ମଧ୍ୟ କହିଛନ୍ତି, ଜିଲାର ୬,୦୦୦ ଏସ୍‌ଏଚ୍‌ଜି (ସ୍ବୟଂ ସହାୟକ ଗୋଷ୍ଠୀ)ଙ୍କୁ ମଞ୍ଜି କିଣା ବାବଦରେ ସରକାର ଟଙ୍କା ଦେଇଛନ୍ତି। ଜିଲାର ୧,୨୦,୦୦୦ ଏସ୍‌ଏଚ୍‌ଜି ସଭ୍ୟ ରହିଛନ୍ତି। ସେମାନଙ୍କୁ ଚଳିତବର୍ଷ ନଡ଼ିଆ, ଆମ୍ବ ଓ କଦଳୀ ଚାଷ ପାଇଁ ପ୍ରୋତ୍ସାହିତ କରିବାକୁ ସେ ନିଷ୍ପତ୍ତି ନେଇଛନ୍ତି। ଜିଲାର ବିଭିନ୍ନ ବିଭାଗ ସମ୍ପର୍କରେ ତଥ୍ୟ ଜାଣିବା ପାଇଁ ଡିଆର୍‌ଡିଏ ୱେବ୍‌ ପୋର୍ଟାଲ ଖୋଲାଯିବ। ଏହାଦ୍ୱାରା ବିଭାଗୀୟ କାର୍ଯ୍ୟ ସମ୍ପର୍କରେ ସ୍ପଷ୍ଟ ଚିତ୍ର ମିଳିପାରିବ।
ବୈଠକରେ ମୃତ୍ତିକା ସଂରକ୍ଷଣ ବିଭାଗର ନିସ୍କ୍ରିୟତା ଉପରେ ଅସନ୍ତୋଷ ପ୍ରକାଶ ପାଇଥିଲା। କର୍ମଚାରୀ ଅଭାବ ଯୋଗୁ କାମ ଆଗେଇ ପାରୁ ନ ଥିବା ବିଭାଗୀୟ ଅଧିକାରୀ ସୂଚନା ଦେଇଥିଲେ। ଏହାପରେ ଜିଲାରେ ନିର୍ମାଣାଧୀନ ୧୫୧ ଅଙ୍ଗନୱାଡ଼ି କେନ୍ଦ୍ର ମଧ୍ୟରୁ ୧୩୬ଟି ଶେଷ ହୋଇଥିବା ସୂଚନା ଦିଆଯାଇଥିଲା। କିନ୍ତୁ ଏହି ତଥ୍ୟ ଭୁଲ ଥିବା ନେଇ ଜିଲାପାଳ ସନ୍ଦେହ ପ୍ରକାଶ କରିଥିଲେ। କେତେକ ଅଙ୍ଗନୱାଡି କେନ୍ଦ୍ର ନିର୍ମାଣ କାମ ଜମି ସମସ୍ୟା ଯୋଗୁ ଆଗେଇ ପାରୁ ନ ଥିବା ଅନେକ କହିଥିଲେ। ଯେଉଁଠି ଯେଉଁ ବିଭାଗ ପ୍ରତିବନ୍ଧକ ସାଜିଛି ସେ କ୍ଷେତ୍ରରେ ବିଭାଗ ସହ ଆଲୋଚନା ମାଧ୍ୟମରେ ସମାଧାନ ପାଇଁ ନିଷ୍ପତ୍ତି ହୋଇଥିଲା। କୃଷି କ୍ଷେତ୍ରରେ କୀଟନାଶକ ସମସ୍ୟା ସୃଷ୍ଟି କରୁଛି। ତେଣୁ ସରକାର ସେଫ୍‌ ୟୁଜ୍‌ ଅଫ ପେଷ୍ଟିସାଇଡ୍ସ ଯୋଜନା ଆରମ୍ଭ କରିଛନ୍ତି। ବ୍ଲକରେ ୨ ବର୍ଷ ହେବ ଆତ୍ମା କମିଟି ଗଠନ ହୋଇନି। ନିକଟରେ ଗୋଟିଏ ବ୍ଲକରେ ଏହା ହୋଇଥିବା ବେଳେ ଅବଶିଷ୍ଟ ୭ଟିରେ ତୁରନ୍ତ କରାଯିବାକୁ ଦାବି ହୋଇଥିଲା। ତେବେ ଚଳିତ ମାସ ଶେଷ ସୁଦ୍ଧା ଏହି କମିଟି ଗଠନ ହେବ ବୋଲି ନିଷ୍ପତ୍ତି ହୋଇଥିଲା। ବାତ୍ୟା ଫନୀ ଯୋଗୁ ଜିଲାରେ ମୁଗ ଚାଷ ଉଜୁଡିଥିଲା। ଏହି କ୍ଷୟକ୍ଷତି ପାଇବା ପାଇଁ ଆବେଦନ ଚାଲିଛି। ଏ କ୍ଷେତ୍ରରେ ଭିଏଡବ୍ଲ୍ୟୁ ଓ ଆର୍‌ଆଇଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିବା ବେଳେ ସେମାନଙ୍କ ଦେଖା ମିଳୁନି। ଦଲାଲ ୨୦୦ରୁ ୫୦୦ ଟଙ୍କା ସଂଗ୍ରହ କରି ଫର୍ମ ବିକ୍ରି କରି ଚାଲିଛନ୍ତି ବୋଲି ଅଭିଯୋଗ ହୋଇଥିଲା। ଜଳସମ୍ପଦ ବିଭାଗ କାର୍ଯ୍ୟ ସନ୍ତୋଷଜନକ ନ ଥିବା ନେଇ ମଧ୍ୟ ଦୁଃଖପ୍ରକାଶ କରାଯାଇଥିଲା। ଏମ୍‌ପାୱାର କମିଟି ବୈଠକ ଡକାଯାଉ ନ ଥିବାରୁ ଅନେକ ସମସ୍ୟା ହେଉଛି। ଏହି ବୈଠକ ଯଥାଶୀଘ୍ର ଡକାଯିବା ପାଇଁ ନିଷ୍ପତ୍ତି ହୋଇଥିଲା। ଗଡ଼ ହରିଶପୁର ନିକଟରେ ସମୁଦ୍ର ବେଳାଭୂମି କାମ କାହିଁକି ଅଟକିଛି ବୋଲି ପ୍ରଶ୍ନ ଉଠିଥିଲା। ପରିବେଶ ଉପରେ ଆଞ୍ଚ ଆସିବା ସମ୍ଭାବନାକୁ ଦୃଷ୍ଟିରେ ରଖି ଏନ୍‌ଜିଟି (ନ୍ୟାଶନାଲ ଗ୍ରୀନ ଟ୍ରିବ୍ୟୁନାଲ) ଅଙ୍କୁଶ ଲଗାଇଥିବା କୁହାଯାଇଥିଲା। ନଗରି ସ୍ଲୁଇସ୍‌ ଗେଟ୍‌, ମରାମତି ପାଇଁ ଦାବି ହୋଇଥିଲା। ଦଳେଇ ଘାଇ ନିକଟରେ ମୁଖ୍ୟ କେନାଲ ଲାଇନିଂ ହେବ ବୋଲି କୁହାଯାଇଥିଲା। ହଂସୁଆ ଜଳ ନିସ୍କାସନ ହୋଇପାରୁ ନ ଥିବାରୁ ଅନେକ ସମସ୍ୟା ହେଉଛି। ଜଟାଧାରୀ ମୁହାଣ ଓ ନଗରୀ ଶଯ୍ୟା ସଫା କରାଯିବ। ଜିଲାରେ ୫୯ ଡାକ୍ତର ଓ ୮୩ ପାରାମେଡିକାଲ କର୍ମଚାରୀ ପଦବୀ ଖାଲି ଥିବାରୁ ସ୍ବାସ୍ଥ୍ୟସେବା ବାଧାପ୍ରାପ୍ତ ଥିବା କୁହାଯାଇଥିଲା। ବିଭିନ୍ନ ବ୍ଲକରେ ହେଉଥିବା ଜଳମଗ୍ନ ଅଞ୍ଚଳର ଡ୍ରେନେଜ୍‌ ସମସ୍ୟାର ପ୍ରକଳ୍ପ ଚିହ୍ନଟ ବେଳେ ପଞ୍ଚାୟତିରାଜ ପ୍ରତିନିଧିଙ୍କୁ ସାମିଲ କରିବାକୁ ଜଳସମ୍ପଦ ବିଭାଗ ନିର୍ବାହୀ ଯନ୍ତ୍ରୀଙ୍କୁ ପରାମର୍ଶ ଦିଆଯାଇଥିଲା। ଜିଲା ପରିଷଦ ସଭାପତି ପ୍ରିୟଦର୍ଶିନୀ ବିଶ୍ୱାଳଙ୍କ ପୌରୋହିତ୍ୟରେ ଅନୁଷ୍ଠିତ ବୈଠକରେ ସୂଚନା ଓ ଲୋକ ସମ୍ପର୍କ ମନ୍ତ୍ରୀ ରଘୁନନ୍ଦନ ଦାଶ, ତିର୍ତ୍ତୋଲ ବିଧାୟକ ବିଷ୍ଣୁ ଚରଣ ଦାସ, ଜିଲା ଯୋଜନା କମିଟି ଅଧ୍ୟକ୍ଷ ତଥା ଜଗତ୍‌ସିଂହପୁର ବିଧାୟକ ପ୍ରଶାନ୍ତ ମୁଦୁଲି, ପାରାଦୀପ ବିଧାୟକ ସମ୍ବିତ ରାଉତରାୟ ପ୍ରମୁଖ ଉପସ୍ଥିତ ଥିଲେ। ବୈଠକରେ ଜିଲା ପରିଷଦ ସଭ୍ୟାସଭ୍ୟ, ବିଭିନ୍ନ ବ୍ଲକ ଅଧ୍ୟକ୍ଷା, ଅଧ୍ୟକ୍ଷ, ଜିଲାସ୍ତରୀୟ ଅଧିକାରୀ ଉପସ୍ଥିତ ଥିଲେ। ଡିଆର୍‌ଡିଏ ପ୍ରକଳ୍ପ ନିର୍ଦ୍ଦେଶକ ସରୋଜକାନ୍ତ ମହାନ୍ତି ଧନ୍ୟବାଦ ଦେଇଥିଲେ।


All Right Reserved By Dharitri.Com

ମା’ ବୁଢ଼ୀ ଠାକୁରାଣୀଙ୍କ ଦର୍ଶନ କଲେ ଆନ୍ଧ୍ରପ୍ରଦେଶ ବାଚସ୍ପତି: ବ୍ରହ୍ମପୁର ସହରର ଉନ୍ନତି ନେଇ ରାଜ୍ୟ ସରକାରଙ୍କୁ ପ୍ରଶଂସା

ବ୍ରହ୍ମପୁର ଅଫିସ,୧୦।୯: ଆନ୍ଧ୍ରପ୍ରଦେଶ ବିଧାନସଭା ବାଚସ୍ପତି ଟି.ସୀତାରାମ ମଙ୍ଗଳବାର ସକାଳେ ଗଞ୍ଜାମ ଜିଲା ବ୍ରହ୍ମପୁର ମା’ ବୁଢ଼ୀ ଠାକୁରାଣୀଙ୍କ ଦର୍ଶନ କରିଛନ୍ତି। ସପରିବାର ମନ୍ଦିରରେ ପହଞ୍ଚି...

ଅଟୋ ଓଲଟି ୭ ଆହତ, ଜଣେ ଗୁରୁତର

ବୁଗୁଡ଼ା,୧୬ା୧୨(ଡି.ଏନ.ଏ.)-ବୁଗୁଡ଼ା ସହର ଚଢ଼ିଆପଲ୍ଲୀ ମୁଖ୍ୟରାସ୍ତାରେ ସୋମବାର ଏକ ଅଟୋ ଓଲଟି ପଡ଼ିବାରୁ ୭ ଜଣ ଯାତ୍ରୀ ଆହତ ହୋଇଛନ୍ତି। ସେମାନେ ହେଲେ ବଗୁଡ଼ା ଥାନା ତାକରଡ଼ା...

ବିଭିନ୍ନ ଦାବି ନେଇ ମୋଦିସେନା ସେବାସଂଘର ଧାରଣା

ଚାନ୍ଦବାଲି,୮।୭(ଡି.ଏନ୍‌.ଏ.) : ଭଦ୍ରକ ଜିଲା ଅଧୀନସ୍ଥ ଚାନ୍ଦବାଲି ଅଞ୍ଚଳର ବିଭିନ୍ନ ସମସ୍ୟାର ସମାଧାନ ପାଇଁ ମୋଦିସେନା ସେବା ସଂଘ ପକ୍ଷରୁ ଉଦ୍ୟମ ଆରମ୍ଭ ହୋଇଛି। ଏହିକ୍ରମରେ...

ଅନ୍ତର୍ଜାତୀୟ ବାଣିଜ୍ୟ ମେଳାରେ ସ୍ଥାନ ପାଇବ ଓଡ଼ିଶା ମଣ୍ଡପ : ପୁଞ୍ଜିନିବେଶ ଆକୃଷ୍ଟ ଉପରେ ଗୁରୁତ୍ୱ

ଭୁବନେଶ୍ୱର,୮ା୧୧(ବ୍ୟୁରୋ) : ଚଳିତବର୍ଷ ନୂଆଦିଲ୍ଲୀର ପ୍ରଗତି ମଇଦାନଠାରେ ଆୟୋଜିତ ହେବାକୁ ଥିବା ଅନ୍ତର୍ଜାତୀୟ ବାଣିଜ୍ୟ ମେଳାରେ ସ୍ଥାନ ପାଇବ ଓଡ଼ିଶାର ଆକର୍ଷଣୀୟ ମଣ୍ଡପ। ରାଜ୍ୟର ବଛା...

ଭଡ଼ାରେ ଲାଗିଥିଲା ପଞ୍ଚାୟତ କାର୍ଯ୍ୟାଳୟ : ବିଡିଓଙ୍କ ଉପସ୍ଥିତିରେ ଖାଲିହେଲା ଘର

ନାଉଗାଁ,୩୧ା୭(ସ୍ବ.ପ୍ର.): ନାଉଗାଁ ପଞ୍ଚାୟତ କାର୍ଯ୍ୟାଳୟକୁ ଦୀର୍ଘ ୬ ବର୍ଷ ହେଲା ଭଡ଼ା ସୂତ୍ରରେ ପ୍ରଦାନ କରାଯାଇଥିଲା। ଜଣେ ବ୍ୟବସାୟୀ ସେଠାରେ ସିମେଣ୍ଟ, ରଡ୍‌, ସାର ଆଦି...

କୁଜଙ୍ଗରେ ଯୁଗ୍ମ ଜନ ଅଭିଯୋଗ ଶୁଣାଣି

ଜଗତ୍‌ସିଂହପୁର ଅଫିସ୍‌,୩ା୧୨: ଜିଲା ପ୍ରଶାସନ ପକ୍ଷରୁ ସୋମବାର କୁଜଙ୍ଗ ବ୍ଲକ କାର୍ଯ୍ୟାଳୟ ପରିସରରେ ଯୁଗ୍ମ ଜନ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଜିଲାପାଳ...

ଗାଁ ମାଟିରେ ପର୍ବତାରୋହୀ ଲିପିକାଙ୍କୁ ସମ୍ବର୍ଦ୍ଧନା

ବରଗଡ଼ ଅଫିସ,୧୩।୧୦: ଋଷିଆର ସର୍ବୋଚ୍ଚ ଶୃଙ୍ଗ ମାଉଣ୍ଟ ଏଲ୍‌ବ୍ରୁଶ୍‌କୁ ସଫଳତାର ସହିତ ଆରୋହଣ କରି ଶିଖରରେ ଦେଶ ମାତୃକାର ତ୍ରିରଙ୍ଗା ଉଡ଼ାଇବା ପରେ ପର୍ବତାରୋହୀ ଲିପିକା...

ଗ୍ୟାସ୍‌ ଚୁଲାରୁ ନିଆଁ ଲାଗି ମହିଳା ଗୁରୁତର

ରାୟଗଡ଼ା ଅଫିସ,୨୩।୧: ରାୟଗଡ଼ା ଥେରୁବାଲି ଝୁପୁଡ଼ି ସାହିର ପରଦେଶୀ ନନ୍ଦଙ୍କ ସ୍ତ୍ରୀ ଲଳିତା ଲଳିତା ଗୁରୁବାର ସକାଳେ ରୋଷେଇ କରିବା ସମୟରେ ଗ୍ୟାସ ଚୁଲାର ପାଇପ...

Leave a comment

Your email address will not be published. Required fields are marked *