ଝନେ କୁଷ୍ଠ ରୁଗୀକଁର ଅଁତରର କଥା

ଅତାବିରା,୨୮ା୮ (ଡି.ଏନ୍‌.ଏ): ଦେଶରୁ କୁଷ୍ଠ ରୋଗ୍‌ର ମୂଲ ମେଟାବାକେ କେନ୍ଦ୍ର ଆର ରାଏଜ୍‌ ସରକାର ଅନେକ ଯୋଜନା କାଯ୍‌କାରି କରି ସଚେତନତା ସୁରୁଷ୍‌ଟି କରୁଛନ୍‌। ସେନ୍‌ତା କୁଷ୍ଠ ରୋଗ୍‌ରେ ଆକ୍‌ରଁାତ ରୁଗୀକର ଚିକିଛା, ଥଇଥାନ ଲାଗି ବି ସରକାର ଅନେକ ଯୋଜନା କାଯ୍‌କାରୀ କରୁଛନ୍‌। ହେଲେ ଆଏଜ୍‌ ବି ଆମର ସମାଜରେ ଅଁଧ୍‌ ବିଶୁଆସ, କୁସଂସ୍କାର, ଟାହିଟାପରା, ସାମାଜିକ୍‌ ବାସଁଦ୍‌ର ଭଏରେ ଲୋକ୍‌ ରୋଗ୍‌କେ ଲୁକେଇ ଦେଉଛନ୍‌। ପଛେ ରୋଗ୍‌ ବଢ଼ି ଯେତେବେଲେ ହାତ୍‌ଗୋଡ଼୍‌ ବଁକା ହେଉଛେ, ଆଂଗ୍‌ଠି ଛିଡ଼ୁଛେ ସେତେବେଲେ ସେମାନେ ଘରଦୁଆର, ପରିବାର ଏନ୍‌ତା କି ଗଁା ଛାଡ଼ି ଉନିଆ ଜାଗାକେ ପଲଉଛନ୍‌।
ସୂଚନା ଅନ୍‌ସାରେ ସୁବର୍ଣ୍ଣପୁର ଜିଲା ବିନିକା ବ୍ଲକ ଅଂଚଳର ମୂଲ ବାସିନ୍‌ଦା ଛବିଳ ଦୀପ(୭୫)। ଆଏଜ୍‌କେ ୩୦ ବଛର ତଲେ ସେ କୁଷ୍ଠ ରୋଗ୍‌ରେ ଆକ୍‌ରଁାତ ହେଇଥିଲେ। ହେଲେ ସେ ପହେଲାରୁ କିଛି ଜାନି ନାଇଁପାରଲେ। ଯେତେବେଲେ ଜାନ୍‌ଲେ ଉଷୋକଷା କଲେ, ହେଲେ ବହୁତ ଡେରି ହେଇଯାଇଥିଲା। ସେ ସମିଆରେ ତାକର ହାତଗୋଡ଼ର ଆଂଗୁଠ୍‌ମାନ ବଁକା ହେବାର ସଂଗେ ଛିଡ଼୍‌ବାର ଆରମ୍‌ ହେଇଯାଇଥିଲା। ଏନ୍‌ତାଥି ଗଁାରେ ତାକର ପରିବାର ସାମାଜିକ ବାସଁଦ୍‌ର ଶିକାର ହେବାର ଭଏ ଛବିଳକୁଁ ଘାରିଥିଲା। ଇ ସବୁରୁ ପରିବାରକେ ବଁଚାବାର ଲାଗି ସେ ଆଏଜ୍‌କେ ୨୫ ବଛର ତଲେ ଗଁା, ପରିବାର ଛାଡ଼ିଦେଇଥିଲେ। ସେଦିନ୍‌ଠାନୁ ବରଗଡ଼ ଜିଲା ଅତାବିରା ବ୍ଲକ କାଦୋବାହାଲ ଛକ୍‌ ଛବିଳକଁର ଠିକ୍‌ନା ପାଲଟିଛେ। ସେ ଏହେଦେ କାଦୋବାହାଲ ପଁଚେତ୍‌ ମଦଭାଟି ଟିଣପଡ଼ା କେନାଲ ଖଁଡ଼ିରେ ଗୁଟେ ଛୁପ୍‌ଡ଼ିରେ ବଡ଼ା ଗୁଲ୍‌ଗୁଲା ହେଇ ଜୀବନ୍‌ ବିତଉଛନ୍‌। ସଖାଲ ପାଏଲେ ଆସର ପାସର ଗଁାଗଁଡ଼ା, କାଦୋବାହାଲ ଛକ୍‌ରେ ଭିଖ୍‌ ଭାଗି ପେଟ୍‌ ପାଲୁଛନ୍‌। ଇତାର ବାହାରେ ଛବିଳ କାଦୋବାହାଲ ପଁଚେତ୍‌ରୁ ଭିନ୍ନକ୍ଷମ ଭତା ପାଉଛନ୍‌। ହେଲେ ପରକୁତରେ ସରକାରୀ ହିସାବେ ସେ କେତେ ଟଁକା ଭତା ପାଉଛନ୍‌ କିଛି ସଠିକ୍‌ କହି ନାଇଁପାରବାର। ଭତା ପାଏବାର ସମିଆରେ ପଁଚେତ୍‌ରୁ ୬ଶହ ଟଁକା ଆନୁଛେଁ, ହେଲେ ଭତା ଖାତା ପତର ମୋର ପାସେ ନଁାଇଁନ ବଲି ସେ କହିଥିଲେ। ସେନ୍‌ତା ତାକର ପରିବାର ବାବ୍‌ଦେ ପଚରାଲାରୁ ମାଏକିନା, ଦୁଇ ପୁଓ ଆର ଗୁଟେ ବଲି ଝି’କେ ନେଇ ମୋର ପରିବାର। ଦୁଖ୍‌ସୁଖ କରି ଝି’କେ ବିହାଚୁରା କରିଥିଲି ବଲି ସେ ଆଏଁଖ୍‌ ଛଲ୍‌ ଛଲ୍‌ କରି କହିଥିଲେ। ହେଲେ ମୁଇଁ ଗଁା ଛାଡ଼ଲା ଦିନୁ ଆଏଜ୍‌କେ ୨୫ ବଛର ହେଲା ଘରର କାହାରି ସଂଗେ ଯୋଗାଯୋଗ ନଁାଇଁନ ବଲି ସେ କହିଛନ୍‌। ଥାନୀୟ ପରଶାସନ ଛବିଳକଁର ଥଇଥାନ ଲାଗି ତାକର ପରିବାର ସଂଗେ ଯୋଗାଯୋଗ କରବାକେ ବୁଧିଜୀବୀ ମହଲରେ ଦାବି ହେଉଛେ। ଇ ବାବ୍‌ଦେ ଅତାବିରା ବିଡିଓ ପ୍ରଣବ କୁମାର ଚାନ୍ଦକୁଁ ପଚରାଲାରୁ ଘଟନାର ତଦଁତ୍‌ କରି ପଦକ୍ଷେପ ନିଆଯିବା ବଲି ସେ କହିଥିଲେ।


All Right Reserved By

କଲରାପତରିଆ ବାଘର ମୃତଦେହ ଉଦ୍ଧାର

ଆଠଗଡ଼, ୧୬।୯(ଡି.ଏନ୍‌.ଏ.): କଟକ ଜିଲା ଆଠଗଡ଼ ରେଞ୍ଜ ଅନ୍ତର୍ଗତ ତିଗିରିଆ ହରିଡ଼ାପଶି ଅଞ୍ଚଳର କୁଣ୍ଡଳୀ ଜଙ୍ଗଲରୁ ସୋମବାର ଏକ କଲରାପତରିଆ ବାଘର ମୃତଦେହ ଉଦ୍ଧାର ହୋଇଛି।...

ବିଦ୍ୟାଳୟରେ ବାଘ ଆତଙ୍କ, ତଦନ୍ତ ଆରମ୍ଭ

ଦାରିଙ୍ଗବାଡ଼ି/ବ୍ରାହ୍ମଣୀଗାଁ, ୧୦।୭(ଡି.ଏନ.ଏ.)-ଦାରିଙ୍ଗବାଡ଼ି ବ୍ଲକ ଝିଞ୍ଜିରିଗୁଡା ପଞ୍ଚାୟତ ସରକାରୀ ବାଳିକା ଉଚ୍ଚ ବିଦ୍ୟାଳୟର ହଷ୍ଟେଲ ପରିସରରେ ବାଘ ଆତଙ୍କ ଦେଖାଯାଇଛି। ଶୁକ୍ରବାର ଭୋରରେ ବିଦ୍ୟାଳୟର କୁକ୍‌ କମ୍‌...

ଡାହାଣୀ ସନ୍ଦେହ : ମହିଳାଙ୍କୁ ମାଡ଼ ମାରି ବିଷ୍ଠା ଖୁଆଇଲେ

ଢେଙ୍କିକୋଟ, ୨୬।୫(ଡି.ଏନ୍‌.ଏ.)- ଡାହାଣୀ ସନ୍ଦେହ ଭଳି ଅନ୍ଧବିଶ୍ୱାସକୁ ନେଇ କେନ୍ଦୁଝର ଜିଲା ଢେଙ୍କିକୋଟ ଫାଣ୍ଡି ଅଧୀନ ଆମ୍ବୁଆପଡ଼ା ଗ୍ରାମରେ ଜଣେ ମହିଳାଙ୍କୁ ବୁଧବାର ଅପରାହ୍ନରେ ଉଲଗ୍ନ...

ଆକର୍ଷଣୀୟ ହେବ ଅଙ୍ଗନୱାଡି କେନ୍ଦ୍ର:ଏସ୍‌ଏଚ୍‌ଜି ପାଇଁ ମାର୍କେଟ ୟାର୍ଡ

ଛତ୍ରପୁର,୧୧ା୬(ଡି.ଏନ.ଏ)-ଗଞ୍ଜାମ ଜିଲାରେ ଥିବା ଅଙ୍ଗନୱାଡି କେନ୍ଦ୍ରଗୁଡିିକୁ ଅଧିକ ଆକର୍ଷଣୀୟ କରାଯିବ। ଛୋଟ ପିଲାଙ୍କୁ ଆକୃଷ୍ଟ କଲା ଭଳି ଚଟାଣରେ ଭିନାଇଲ୍‌ ଫ୍ଲୋରିଂ କାର୍ପେଟ ପଡ଼ିବ। ବିଦ୍ୟୁତ,...

ମଣ୍ଡିରୁ ଉଠୁନି ଧାନ, ଚାଷୀଙ୍କ ଧାରଣା

ସରଣ୍ଡା,୪।୬(ଡି.ଏନ୍‌.ଏ.): ବରଗଡ଼ ଜିଲାରେ ରବିଋତୁ ଧାନ ସଂଗ୍ରହ ପ୍ରକ୍ରିୟାକୁ ମାସେ ପୂରିବାକୁ ବସିଲାଣି। ହେଲେ ଧାନ କିଣାବିକାରେ ସୁଧାର ଆସୁନାହିଁ। ମଣ୍ଡିକୁ ଧାନ ଆସୁଛି, ମାତ୍ର...

ରାଜଧାନୀରୁ ୨ ଲକ୍ଷ ଟଙ୍କାର ବ୍ରାଉନ୍‌ସୁଗାର ଜବତ, ଜଣେ ଗିରଫ

କଟକ ରୋଡ଼,୧୦।୯(ଡି.ଏନ୍‌.ଏ): କଟକ କେନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ବିଭାଗ ମଙ୍ଗଳବାର ରାଜଧାନୀ କିଟ୍‌ ଛକରେ ଚଢ଼ାଉକରି ଜଣେ ବ୍ରାଉନ୍‌ସୁଗାର ବ୍ୟବବସାୟୀଙ୍କୁ ଗିରଫ କରିଛି। ସେ ହେଲେ...

ସମ୍ଭାବ୍ୟ ବନ୍ୟା ଆଶଙ୍କା : ମୁକାବିଲା ପାଇଁ ପ୍ରଶାସନ,ଜଳସମ୍ପଦ ବିଭାଗ ପ୍ରସ୍ତୁତ

ଭଞ୍ଜନଗର,୮।୮(ଡି.ଏନ.ଏ.)-ଲଘୁଚାପଜନିତ ଲଗାଣ ବର୍ଷା ଯୋଗୁ ରାଜ୍ୟର ବିଭିନ୍ନ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଏହାର ପ୍ରଭାବ ମଧ୍ୟ ଭଞ୍ଜନଗର ଉପଖଣ୍ଡରେ ପଡିବା ସମ୍ଭାବନା ରହିଛି।...

ଅସହ୍ୟ ହୋଇପଡ଼ିଛି ପୁଅର ଯନ୍ତ୍ରଣା: ବିଷ ପିଇ ଜୀବନ ହାରିବାକୁ ମା’ଙ୍କ ଚେତାବନୀ

ବନ୍ତ,୭।୯ (ଡି.ଏନ.ଏ.) – ବାରମ୍ବାର ଟୁଇଟ୍‌ ପରେ ମଧ୍ୟ ପ୍ରଶାସନ ନୀରବଦ୍ରଷ୍ଟା ସାଜିଛି। ପକ୍ଷାଘାତରେ ପୀଡ଼ିତ ହୋଇ ରୋଗଶଯ୍ୟାରେ ଛଟପଟ ହେଉଥିବା ପୁଅର ଯନ୍ତ୍ରଣା ସହି...

selfi corner

Model This Week

Why Dharitri

Leave a comment

Your email address will not be published. Required fields are marked *