ସରକାରୀ ଚକ୍ରବୂ୍ୟହରେ ଫସିଛି ୧୪୦ ଗ୍ରାମାଞ୍ଚଳ ଆବାସିକ ପ୍ରକଳ୍ପ

ଭୁବନେଶ୍ୱର,୨୮-୮(ବ୍ୟୁରୋ):ନିଜର ଘର ଖଣ୍ଡେ ହେବ। ଜୀବନର ଶେଷ ଯାଏ ସେହି ଘରେ ଆନନ୍ଦରେ କଟିବ। ଏମିତି ଆଶା ରଖି ଲୋକମାନେ ଜୀବନର ସମସ୍ତ ରୋଜଗାର ଘର କିମ୍ବା ଜାଗା କିଣାରେ ଲଗାଇଥାନ୍ତି। ଅନେକ ସମୟରେ ନିଜର ଅଜ୍ଞତା କିମ୍ବା ସରକାରୀ କଟକଣା ଯୋଗୁ ଘର କିଣୁଥିବା ବ୍ୟକ୍ତିମାନେ ଫସିଯାଉଛନ୍ତି। ଲକ୍ଷ ଲକ୍ଷ ଟଙ୍କା ଦେଇ ଘର କିଣିଥିଲେ ମଧ୍ୟ ନିଜ ନାମରେ ରେକର୍ଡ ପତ୍ର କରିପାରୁ ନାହାନ୍ତି। ଗ୍ରାମାଞ୍ଚଳରେ ଆବାସିକ ଗୃହ ନିର୍ମାଣ କରିଥିବା ବିଲ୍‌ଡରମାନଙ୍କୁ ସେମାନଙ୍କ ପ୍ରକଳ୍ପ ପାଇଁ ଏବଂ ଆପାର୍ଟମେଣ୍ଟ କିଣିଥିବା ବ୍ୟକ୍ତିମାନେ ଅକୁପାନ୍ସି ସାର୍ଟିଫିକେଟ ନ ପାଇବାରୁୁ ନିଜ ନାମରେ ଘର ପଞ୍ଜୀକରଣ କରାଯାଇପାରିବ ନାହିଁ। କେବଳ ଘର କିଣୁଥିବା ବ୍ୟକ୍ତି ନୁହନ୍ତି କୋଟି କୋଟି ଟଙ୍କା ଖଟାଇଥିବା ବିଲଡରମାନେ ମଧ୍ୟ ସରକାରୀ ଆଇନକାନୁନ ଚକ୍ରବୂ୍ୟହରେ ଫସିଯାଉଛନ୍ତି।
ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ସମେତ ରାଜ୍ୟର ବିଭିନ୍ନ ଉନ୍ନୟନ କର୍ତ୍ତୃପକ୍ଷ ଅଞ୍ଚଳ ବାହାରେ ଅର୍ଥାତ୍‌ ଗ୍ରାମାଞ୍ଚଳରେ ନିର୍ମାଣ ହୋଇଥିବା ୩୦ ହଜାର କୋଟିର ୧୪୦ଟି ଆବାସିକ ପ୍ରକଳ୍ପ ଓଡ଼ିଶା ରିୟଲ ଇଷ୍ଟେଟ୍‌ ରେଗୁଲେଟୋରୀ ଅଥରିଟି (ଓରେରା)ରେ ପଞ୍ଜୀକୃତ ହୋଇ ପାରୁନାହିଁି। ଏ ନେଇ ଦୁଇ ବର୍ଷ ବିତି ଯାଇଥିଲେ ମଧ୍ୟ ଏସବୁ ଗୃହକୁ ପଞ୍ଜୀକରଣ ପାଇଁ ଅନୁମୋଦନ ମିଳିବ କି ନାହଁି ସେ ନେଇ ସରକାରଙ୍କ ପକ୍ଷରୁ କୌଣସି ପଦକ୍ଷେପ ନିଆଯାଉ ନ ଥିବାରୁ ଉଭୟ ଘର ମାଲିକ ଓ ବିଲଡର ଅଡୁଆରେ ପଡି ଯାଇଛନ୍ତି।
ଲୋକମାନଙ୍କୁ ଘରଦେବା ନାମରେ ଠକୁଥିବା ବିଲ୍‌ଡର ସଂସ୍ଥା ଉପରେ ଅଙ୍କୁଶ ଲଗାଇବାକୁ କେନ୍ଦ୍ର ସରକାର ରିୟଲ ଇଷ୍ଟେଟ୍‌ (ରେଗୁଲେଶନ ଆଣ୍ଡ ଡେଭେଲପମେଣ୍ଟ) ଆଇନ-୨୦୧୬ କାର୍ଯ୍ୟକାରୀ କରିଛନ୍ତି। ଏହି ଆଇନକୁ କଡ଼ାକଡ଼ି ଭାବେ କାର୍ଯ୍ୟକାରୀ କରିବାକୁ ରାଜ୍ୟରେ ୨୦୧୭ ମେ ପହିଲାରୁ ଓରେରା ଗଠନ ହେବା ସହ କାର୍ଯ୍ୟକ୍ଷମ ହେଉଛି। ସେବେଠାରୁ ରାଜ୍ୟର ସମସ୍ତ ଆବାସିକ ଏବଂ ବ୍ୟବସାୟିକ ଗୃହ ପ୍ରକଳ୍ପ ଓରେରାରେ ପଞ୍ଜୀକୃତ ହେବା ବାଧ୍ୟତାମୂଳକ। ଓରେରାରେ ପଞ୍ଜୀକୃତ ନ ହେଲେ ବିଲଡରମାନେ ଆପାର୍ଟମେଣ୍ଟକୁ କୌଣସି ବ୍ୟକ୍ତିଙ୍କୁ ବିକ୍ରି କରି ପାରିବେନାହିଁ। ପ୍ରକଳ୍ପ ପଞ୍ଜୀକରଣ ପାଇଁ ଅକୁପାନ୍ସି ସାର୍ଟିଫିକେଟ୍‌ ଦେବା ବାଧ୍ୟତାମୂଳକ କରାଯାଇଛି। ୨୦୧୧ରୁ ପଞ୍ଚାୟତିରାଜ ବିଭାଗ ଗୃହ ନିର୍ମାଣ ପ୍ରକଳ୍ପକୁ ଅନୁମତି ଦେବା କ୍ଷମତା ବିଡିଓ ଏବଂ ସରପଞ୍ଚଙ୍କ ହାତରୁ କାଢି ନେଇଛି। ସହର ହେଉ କିମ୍ବା ଗ୍ରାମ ସବୁଠି ସମ୍ପୃକ୍ତ ଅଞ୍ଚଳର ଉନ୍ନୟନ କର୍ତ୍ତୃପକ୍ଷଙ୍କଠାରୁ ପ୍ରକଳ୍ପର ପ୍ଲାନ ଅନୁମୋଦନ ଅପରିହାର୍ଯ୍ୟ। ତେବେ ରିୟଲ ଇଷ୍ଟେଟ ଆଇନ କାର୍ଯ୍ୟକାରୀ ହେବା ପୂର୍ବରୁ ରାଜ୍ୟର ବିଭିନ୍ନ ଭାଗରେ ପଞ୍ଚାୟତ ଓ ବ୍ଲକରୁ ଅନୁମତି ନେଇ ୨୦୧୬ ପର୍ଯ୍ୟନ୍ତ ଅନେକ ଆପାର୍ଟମେଣ୍ଟ ନିର୍ମାଣ କରାଯାଇଛି। ତେବେ ଗତ ଦୁଇ ବର୍ଷ ହେବ ଗ୍ରାମାଞ୍ଚଳରେ ଥିବା ଆପାର୍ଟମେଣ୍ଟଗୁଡ଼ିକ ବିକ୍ରି ହୋଇପାରୁ ନାହିଁ । ଅକୁପାନ୍ସି ସାର୍ଟିଫିକେଟ୍‌ ମିଳୁ ନ ଥିବାରୁ ୧୪୦ଟି ଆବାସିକ ପ୍ରକଳ୍ପର ପ୍ରାୟ ୧୦ ହଜାର ଘର ପଞ୍ଜୀକୃତ ହୋଇପାରୁନାହିଁ। ଅନ୍ୟପକ୍ଷରେ ଅକୁପାନ୍ସି ବିନା ପ୍ରକଳ୍ପକୁ ପଞ୍ଜୀକୃତ କରିବାକୁ ଓରେରା ରୋକଠୋକ ମନା କରି ଦେଉଛି। ଦୀର୍ଘ ୨ ବର୍ଷ ହେବ ଓରେରା ଅନୁମୋଦନ ପାଇଁ ପ୍ରକଳ୍ପଗୁଡ଼ିକ ପଡ଼ି ରହିଛି। ଏହି ଅସୁବିଧା ଦୂର କରିବାକୁ ଓରେରାର ଅଧ୍ୟକ୍ଷ ଅମୀୟ ମହାପାତ୍ର ୨୦୧୮ ଅଗଷ୍ଟ ୧୬ ତାରିଖରେ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ସଚିବଙ୍କୁ ଚିଠି ଲେଖି ବିଡିଓ କିମ୍ବା ସରପଞ୍ଚ ଅନୁମତି ଦେଇଥିବା ପ୍ରକଳ୍ପକୁ ପଞ୍ଜୀକରଣ କରିବାକୁ ଗାଇଡ ଲାଇନ ପ୍ରସ୍ତୁତ କରିବାକୁ ଅନୁରୋଧ କରିଥିଲେ । ସେହିପରି ଗ୍ରାମାଞ୍ଚଳ ଏବଂ ଉନ୍ନୟନ କର୍ତ୍ତୃପକ୍ଷ ଅଞ୍ଚଳରେ ଗଢି ଉଠିଥିବା ଆପାର୍ଟମେଣ୍ଟ, ବ୍ୟବସାୟିକ ଗୃହ ପାଇଁ ଏକ ଗାଇଡ୍‌ଲାଇନ ପ୍ରସ୍ତୁତ କରିବାକୁ ନଗର ଉନ୍ନୟନ ବିଭାଗକୁ ମଧ୍ୟ ୨୦୧୯ ଫେବୃୟାରୀ ୧୩ ତାରିଖରେ ଓରେରା ଅଧ୍ୟକ୍ଷ ଚିଠି ଲେଖି ଅନୁରୋଧ କରିଥିଲେ। ଅକୁପାନ୍ସି ସାର୍ଟିଫିକେଟ କିଏ ଦେବେ ସେ ନେଇ ଉଭୟ ବିଭାଗ ଏ ପର୍ଯ୍ୟନ୍ତ ସ୍ପଷ୍ଟ କରୁ ନାହାନ୍ତି। ଫଳରେ ଗ୍ରାମାଞ୍ଚଳରେ ଗଢି ଉଠିଥିବା ୧୪୦ଟି ପ୍ରକଳ୍ପରେ ନିର୍ମିତ ୩୦ହଜାର କୋଟି ଟଙ୍କାର ୧୦ ହଜାର ଆବାସିକ ଗୃହର ଭବିଷ୍ୟତ ଅନିଶ୍ଚିତତା ମଧ୍ୟକୁ ଚାଲିଯାଇଛି। ପ୍ରକଳ୍ପ ମାଲିକମାନେ କୋଟି କୋଟି ଟଙ୍କା ପୁଞ୍ଜି ନିବେଶ କରିଥିଲେ ମଧ୍ୟ ସେଗୁଡ଼ିକୁ ବିକ୍ରି କରିପାରୁନାହାନ୍ତି। ଅନ୍ୟପକ୍ଷରେ ଯେଉଁମାନେ ଘର କିଣିଛନ୍ତି ସେମାନେ ମାଲିକାନା ସ୍ବତ୍ୱ ପାଇବାରୁ ବଞ୍ଚତ୍ତ ହୋଇଛନ୍ତି। ଓରେରାର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ପଞ୍ଜୀକରଣ ଅପେକ୍ଷାରେ ଥିବା ୧୪୦ ପ୍ରକଳ୍ପ ପାଇଁ ସରକାର ଗାଇଡ ଲାଇନ ପ୍ରସ୍ତୁତ ନ କଲେ ପ୍ରକଳ୍ପଗୁଡ଼ିକୁ ପଞ୍ଜୀକୃତ କରାଯାଇ ପାରିବ ନାହିଁ। ସରକାର ତୁରନ୍ତ ଏ ଦିଗରେ ପଦକ୍ଷେପ ନେବାର ଆବଶ୍ୟକତା ରହିଛି।


All Right Reserved By Dharitri.Com

କୋରାପୁଟ ଜୟପୁର ଆକାଶବାଣୀ କେନ୍ଦ୍ର ଜାତୀୟସ୍ତରରେ ପୁରସ୍କୃତ

ଜୟପୁର,୩୧।୧୨(ଡି.ଏନ.ଏ)ରାଜ୍ୟର ଅନ୍ୟତମ ପୁରାତନ ଜୟପୁର ଆକାଶବାଣୀ କେନ୍ଦ୍ର ଜାତୀୟସ୍ତରରେ ପୁରସ୍କୃତ ହୋଇଛି ା ଗତ ମଙ୍ଗଳବାର ଦିଲ୍ଲୀ ମହାନିର୍ଦ୍ଦେଶକଙ୍କ କାର୍ଯ୍ୟାଳୟଠାରେ ଅନୁଷ୍ଠିତ ୪୪ତମ ବାର୍ଷିକ ପୁରସ୍କାର...

ଆନନ୍ଦ ବଜାର ଶୃଙ୍ଖଳା ଭେଳିକି: ଖୋଲିଲାନି ଅଭିଯୋଗ ପ୍ରକୋଷ୍ଠ

ପୁରୀ ଅଫିସ,୨୬ା୭: ଶ୍ରୀମନ୍ଦିରରେ ଶୃଙ୍ଖଳା ଓ ସ୍ବଚ୍ଛତା ଆଣିବା ଲାଗି ଏକାଧିକ ନିଷ୍ପତ୍ତି ହେଉଛିି। ହେଲେ ଏହି ନିଷ୍ପତ୍ତି ମଧ୍ୟରୁ ଅନେକ ବାସ୍ତବତାର ରୂପ ନେଇପାରୁନିି।...

ଆଜି ଆସୁଛନ୍ତି ରାଷ୍ଟ୍ରପତି : ପୂର୍ବ ନିର୍ଦ୍ଧାରିତ ଗସ୍ତ କାର୍ଯ୍ୟସୂଚୀରେ ସାମାନ୍ୟ ପରିବର୍ତ୍ତନ

ଭୁବନେଶ୍ୱର,୨୭ା୯(ବ୍ୟୁରୋ) : ରାଷ୍ଟ୍ରପତି ରାମନାଥ କୋବିନ୍ଦ ଆଜି ଓଡ଼ିଶା ଆସୁଛନ୍ତି। ଦିଲ୍ଲୀରୁ ସ୍ବତନ୍ତ୍ର ବିମାନ ଯୋଗେ ଆସି କେତେକ କାର୍ଯ୍ୟକ୍ରମରେ ଯୋଗଦେବା କାର୍ଯ୍ୟକ୍ରମ ରହିଛି। ତେବେ...

କର୍ମକ୍ଷେତ୍ରରେ ସେବା ବାତାବରଣ ସୃଷ୍ଟି କର: ମନ୍ତ୍ରୀ

ଭୁବନେଶ୍ୱର,୧୧।୯(ବ୍ୟୁରୋ):ସରକାରୀ ଚାକିରିକୁ ଏକ ସେବାଭାବେ ଗ୍ରହଣ କରି କର୍ମକ୍ଷେତ୍ରରେ ସମାନ ବାତାବରଣ ସୃଷ୍ଟି କରିପାରିଲେ ଜନସାଧାରଣଙ୍କ ଆଶା-ଆକାଂକ୍ଷା ପୂରଣ ହୋଇପାରିବ। ରାଜ୍ୟ ସରକାରଙ୍କ ଦ୍ବାରା ଲୋକାଭିମୁଖୀ...

ଶୋଭାଯାତ୍ରାରେ ସୀମିତ ଲୋକକଳା ଉତ୍ସବ

ଜଗତ୍‌ସିଂହପୁର ଅଫିସ,୧୫ା୬: ଲୋକ କଳା ଓ ଲୋକ ସଙ୍ଗୀତକୁ ପୁନର୍ଜୀବିତ କରିବା ପାଇଁ ରାଜ୍ୟ ସରକାର ପଦକ୍ଷେପ ନେଇଛନ୍ତି। ଜୁନ ୧୪ରେ ଲୋକକଳା ଉତ୍ସବ ପାଳନ...

ମନ୍ତ୍ରୀ ତାଲିକା ଚୂଡ଼ାନ୍ତ: ସମ୍ଭାବ୍ୟ ତାଲିକାରେ ଅଧାରୁ ଅଧିକ ନୂଆ ମୁହଁ, ଆଶାଆଶଙ୍କାରେ ପୂର୍ବତନ ମନ୍ତ୍ରୀ

ଭୁବନେଶ୍ୱର, ୨୮।୫(ବ୍ୟୁରୋ): ଦିନକ ପରେ ବିଜେଡି ୫ମ ଥର ପାଇଁ ରାଜ୍ୟ ଶାସନ ଡୋରି ଧରିବାକୁ ଯାଉଛି। ନୂତନ ମନ୍ତ୍ରିମଣ୍ଡଳରେ ସାମିଲ ହେବା ପାଇଁ ପୂର୍ବତନ...

ଶ୍ରୀମନ୍ଦିର ସୁରକ୍ଷା ଜୋନ୍‌: ଭକ୍ତ ଦେଖିପାରିବେ ସବୁଜ ବଳୟ

ପୁରୀ ଅଫିସ, ୧୯।୧୨ : ଶ୍ରୀମନ୍ଦିର ସୁରକ୍ଷା ଜୋନ୍‌ର ଚିତ୍ର ବଦଳିବ। ଏହାର ସୌନ୍ଦର୍ଯ୍ୟକରଣ କରାଯିବ। ଏଥିପାଇଁ ଉଚ୍ଛେଦ ଅଭିଯାନ ଜାରି ରହିଥିବାବେଳେ କେତେକ କାମ...

୯ ଜିଲାରେ ପ୍ରବଳ ବର୍ଷା, ୩ ଦିନ ଯାଏ ଜାରି ରହିବ

ଭୁବନେଶ୍ୱର, ୧୨।୮(ବ୍ୟୁରୋ): ଆସନ୍ତା ୩ ଦିନ ଯାଏ ରାଜ୍ୟରେ ବର୍ଷା ଜାରି ରହିବ। ଉତ୍ତର ପୂର୍ବ ଓ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ...

Leave a comment

Your email address will not be published. Required fields are marked *