ସମସ୍ୟା ଘେରରେ ଦଶପଲ୍ଲା ଡାକ୍ତରଖାନା:ବିଶେଷଜ୍ଞ ଓ ଡାକ୍ତର ଅଭାବ ଯୋଗୁ ଅସନ୍ତୋଷ

ଦଶପଲ୍ଲା,୨୮ା୮(ଡି.ଏନ୍‌.ଏ)-ଜନସାଧାରଣଙ୍କୁ ସ୍ବାସ୍ଥ୍ୟସେବା ଯୋଗାଇ ଦେବା ନିମନ୍ତେ ସରକାର ବହୁ ଯୋଜନା କାର୍ଯ୍ୟକାରୀ କରୁଛନ୍ତି। କିନ୍ତୁ ସ୍ବାସ୍ଥ୍ୟକେନ୍ଦ୍ରଗୁଡ଼ିକରେ ଆବଶ୍ୟକ ଡାକ୍ତର ନ ଥିବା ବିଷୟ ସରକାରଙ୍କ ଦୃଷ୍ଟି ପଡୁନାହିଁ। ଫଳରେ ସେବାରୁ ବଞ୍ଚତ୍ତ ଜନସାଧାରଣଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି। ଦଶପଲ୍ଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରଟି ଏବେ ଅବ୍ୟବସ୍ଥା ଓ ସମସ୍ୟା ଘେରରେ ରହିଛି। ଏଠାରେ ଆବଶ୍ୟକ ଡାକ୍ତର ନ ଥିବାରୁ ରୋଗୀମାନେ ବହୁ ଖର୍ଚ୍ଚାନ୍ତ ହୋଇ ନୟାଗଡ଼, ଭୁବନେଶ୍ୱର ଏବଂ କଟକ ଯିବାକୁ ବାଧ୍ୟ ହେଉଛନ୍ତି। ରାଜନୈତିକ ଇଚ୍ଛାଶକ୍ତି ଅଭାବ ଏବଂ ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କ ଅବହେଳା ଯୋଗୁ ଦଶପଲ୍ଲାବାସୀ ସ୍ବାସ୍ଥ୍ୟସେବା ପାଇଁ ହଇରାଣ ହେଉଛନ୍ତି। ସୂଚନାଯୋଗ୍ୟ, ଏହି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ୪ ବିଶେଷଜ୍ଞ, ଜଣେ କନିଷ୍ଠ ପ୍ରଥମ ଶ୍ରେଣୀ ଡାକ୍ତର, ୨ ଜଣ ଏମବିବିଏସ୍‌ ଡାକ୍ତର, ଜଣେ ଏଲ୍‌ଟିଆର୍‌ଏମ୍‌ ନିଯୁକ୍ତ ରହିବା ନିୟମ ରହିଛି। ସ୍ବାସ୍ଥ୍ୟକେନ୍ଦ୍ର ଆରମ୍ଭରୁ ଉପରୋକ୍ତ ଡାକ୍ତର ସଂଖ୍ୟା ନିର୍ଦ୍ଧାରଣ ହୋଇଥିଲା। ତେବେ ବର୍ତ୍ତମାନ ଲୋକ ସଂଖ୍ୟା ବଢିଥିଲେ ମଧ୍ୟ ଡାକ୍ତର ସଂଖ୍ୟା ବଢିନାହିଁ। ନିୟମାନୁସାରେ ୪ ବିଶେଷଜ୍ଞ ପଦବୀ ଏହି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ରହିବା କଥା। କିନ୍ତୁ ଦୀର୍ଘ ଦିନ ଧରି ଜଣେ ହେଲେ ବିଶେଷଜ୍ଞ ନ ଥିବା ଘଟଣା ନେଇ ବିଭିନ୍ନ ମହଲରେ ପ୍ରଶ୍ନବାଚୀ ସୃଷ୍ଟିକରିଛି। ଏଠାରେ ମେଡିକାଲ ଅଫିସର ତଥା ଡାକ୍ତର ରୂପେ ଡ. ନବକିଶୋର ସାହୁ ଏବଂ ଡ. ରଶ୍ମିରଞ୍ଜନ ଭଦ୍ର ଅଛନ୍ତି। ଅନ୍ୟ ୩ ଜଣ ସପ୍ତାହକୁ ୨ରୁ୩ ଦିନ ସ୍ବାସ୍ଥ୍ୟକେନ୍ଦ୍ରରେ କାମ କରିଥାନ୍ତି। ତେବେ ବାଣିଗୋଚ୍ଛା ଚିକିତ୍ସାଳୟର ଡାକ୍ତର ବିକାଶ ପାତ୍ର ରବିବାର ଏବଂ ମଙ୍ଗଳବାର ୨ ଦିନ ଦଶପଲ୍ଲା ସ୍ବାସ୍ଥ୍ୟକେନ୍ଦ୍ରରେ କାମ କରିଥାନ୍ତି। ସେହିପରି ମଧ୍ୟଖଣ୍ଡ ସ୍ବାସ୍ଥ୍ୟକେନ୍ଦ୍ରରୁ ଡ. ବ୍ରଜେନ୍ଦ୍ର ସେଠୀ ବୁଧବାର ଏବଂ ଶୁକ୍ରବାର ଦଶପଲ୍ଲା ଡାକ୍ତରଖାନା ଆସନ୍ତି। ଡାକ୍ତର କମଳାକାନ୍ତ ତ୍ରିପାଠୀ ସୋମବାର, ଗୁରୁବାର ଏବଂ ଶନିବାର ଦଶପଲ୍ଲା ଡାକ୍ତରଖାନାକୁ ଆସି ରୋଗୀ ସେବା କରନ୍ତି। ଏଭଳି ୨ ସ୍ଥାୟୀ ଏବଂ ତିନି ଅସ୍ଥାୟୀ ଡାକ୍ତରଙ୍କ ଦ୍ୱାରା ଚାଲିଛି ଦଶପଲ୍ଲା ସ୍ବାସ୍ଥ୍ୟକେନ୍ଦ୍ର। ବିଶେଷଜ୍ଞ ଓ ଆବଶ୍ୟକ ଡାକ୍ତର ନ ଥିବାରୁ ଏଠାରେ ବହୁ ବେଡ୍‌ ଖାଲି ପଡ଼ିଛି। ଅପରପକ୍ଷେ ଜାତୀୟ ରାଜପଥ ପାର୍ଶ୍ୱରେ ସ୍ବାସ୍ଥ୍ୟକେନ୍ଦ୍ରଟି ରହିଥିବାରୁ ଏଠାକୁ ବହୁ ଦୁର୍ଘଟଣାଗ୍ରସ୍ତ ରୋଗୀ ଆସିଥାନ୍ତି। ଏହା ସ୍ଥାନୀୟ ଅଞ୍ଚଳରେ ଏକ ବଡ଼ ଚିକିତ୍ସାଳୟ ହୋଇଥିବାରୁ ବାଣିଗୋଚ୍ଛା, ଟାକେରା, ଆଦିବାସୀ ବହୁଳ ନୂଆଗାଁ, ମଧ୍ୟଖଣ୍ଡ ପ୍ରଭୃତି ଡାକ୍ତରଖାନାରୁ ରେଫର୍‌(ପ୍ରେରିତ) ହୋଇ ରୋଗୀମାନେ ଆସିଥାନ୍ତି। କିନ୍ତୁ ଆବଶ୍ୟକ ଡାକ୍ତର ନ ଥିବାରୁ ରୋଗୀ ବହୁ ହଇରାଣ ହେଉଥିବା ଅଭିଯୋଗ ହୋଇଛି। ବଡ଼ ଧରଣର ରୋଗୀ ହେଉ କି ଦୁର୍ଘଟଣାଗ୍ରସ୍ତ ବ୍ୟକ୍ତି ଏଠାକୁ ଆସିଲେ ବିଶେଷଜ୍ଞ ନ ଥିବାରୁ କେହି ରିସ୍କ ନ ନେଇ ନୟାଗଡ଼ ଡାକ୍ତରଖାନାକୁ ପୁଣି ରେଫର୍‌ କରି ଦିଆଯାଉଛି। ବିଦ୍ୟୁତ୍‌ ସେବା ବ୍ୟାହତ ହେଲେ ରୋଗୀ ଅଧିକ ହଇରାଣ ହୁଅନ୍ତି। ତେବେ ଡାକ୍ତରଖାନାରେ ବିଶେଷଜ୍ଞ ନ ଥିବା ବିଷୟ ମେଡିକାଲ ଅଫିସର ସାହୁ ସ୍ବୀକାର କରିଛନ୍ତି। ଚଳିତ ମାସ ରୋଗୀ କଲ୍ୟାଣ ସମିତି ବୈଠକରେ ଡାକ୍ତର ଅଭାବ ନେଇ ଉଦ୍‌ବେଗ ସହ ଅସନ୍ତୋଷ ପ୍ରକାଶ ପାଇଥିଲା। ଆବଶ୍ୟକ ଡାକ୍ତର ଉକ୍ତ ସ୍ବାସ୍ଥ୍ୟକେନ୍ଦ୍ରକୁ ଯୋଗାଇ ଦେବାକୁ ସାଧାରଣରେ ଦାବି ହୋଇଆସୁଛି।


All Right Reserved By

ବୈଠକରେ ସୀମିତ ସଡ଼କ ସୁରକ୍ଷା: ରାଜପଥ କଡ଼ ପାଲଟିଛି ପାର୍କିଂସ୍ଥଳୀ

ନୟାଗଡ଼ ଅଫିସ,୧୨।୯: ନୟାଗଡ଼ ସହରରେ ସଡ଼କ ସୁରକ୍ଷା ଯୋଜନା ପ୍ରହସନ ପାଲଟିଛି। ସହର ମଧ୍ୟ ଦେଇ ଜାତୀୟ ରାଜପଥ-୫୭ ଓ ରାଜ୍ୟ ରାଜପଥ-୨୧ ଯାଇଥିବା ବେଳେ...

ନୀଳମାଧବଙ୍କ ପୀଠରେ ଲବଣୀଖିଆ ଉତ୍ସବ

ଖଣ୍ଡପଡା,୨୭।୮(ସ୍ବ.ପ୍ର.)-ସୋମବାର କାଳୀୟଦଳନ ଏକାଦଶୀ ତିଥିରେ କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ବାଳୁତ କୃଷ୍ଣଙ୍କର ଲବଣୀଖିଆ ଓ କାଳୀୟ ଦଳନ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ ହୋଇଯାଇଛି...

୧୪ ଦଫା ଦାବିରେ ଆଶାକର୍ମୀଙ୍କ ବିକ୍ଷୋଭ

ନୟାଗଡ଼ ଅଫିସ,୫ା୯- କେନ୍ଦ୍ର ଓ ରାଜ୍ୟ ସରକାରଙ୍କ ଶ୍ରମିକ ଓ କର୍ମଚାରୀ ମାରଣନୀତିର ପ୍ରତିବାଦ ଏବଂ ଆଶାକର୍ମୀମାନଙ୍କ ବିଭିନ୍ନ ଦାବି ତୁରନ୍ତ କାର୍ଯ୍ୟକାରୀ କରିବା ଦାବିରେ...

ସଫଳତା ପଥେ ଦୁଇ ଭଉଣୀ

ଖଣ୍ଡପଡା,୧୩।୧୦(ସ୍ବ.ପ୍ର.)-ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ଏବଂ ଜୟ ପ୍ରକାଶ ନାରାୟଣ ଅର୍ଥନୀତି ଓ ସାମାଜିକ ଅଧ୍ୟୟନ ପ୍ରତିଷ୍ଠାନର ମିଳିତ ଆନୁକୂଲ୍ୟରେ ଭୁବନେଶ୍ୱର ଜୟଦେବ...

ଚୋରି ଉଦ୍ୟମ ବେଳେ ଧରାପଡ଼ିଲେ ୩ ଚୋର:ଗୋଡ଼େଇ ଗୋଡ଼େଇ ପିଟିଲେ ଗ୍ରାମବାସୀ

ରଣପୁର,୧୫।୮(ସ୍ବ.ପ୍ର.)-ନୟାଗଡ଼ ଜିଲା ରଣପୁର ଥାନା ସୁନାଖଳା ଫାଣ୍ଡି ନରେନ୍ଦ୍ରପୁର ପଞ୍ଚାୟତ ଡିହଗଁାରେ ମଙ୍ଗଳବାର ବିଳମ୍ବିତ ରାତିରେ ଚୋରି ଉଦ୍ୟମ କରି ଖସି ପଳାଉଥିବାବେଳେ ୩ ଚୋର...

ସାହିରୁ ବାସନ୍ଦ ହୋଇଥିଲେ ବୋଲି କାନ୍ଧ ଦେବାକୁ ଆସିଲେନି କେହି: ୬ ଘଣ୍ଟା ପଡ଼ିରହିଲା ମୃତଦେହ

ନୟାଗଡ଼ ଅଫିସ,୧୧।୯-ସାହି ଲୋକେ ଏକ ପରିବାରକୁ ବାସନ୍ଦ କରିଥିଲେ। ଉକ୍ତ ପରିବାରର ସୁଖଦୁଃଖରେ ସାହିଲୋକେ ସାମିଲ ହେଉ ନ ଥିଲେ। ସେମାନଙ୍କୁ ମଧ୍ୟ ସାହିର ଭଲମନ୍ଦରେ...

ନୀଳମାଧବ ମନ୍ଦିରରେ ହବିଷିଆଳିଙ୍କ ଭିଡ଼

ଖଣ୍ଡପଡ଼ା,୧୫।୧୦(ସ୍ବ.ପ୍ର.)-ସୋମବାରଠାରୁ ନୟାଗଡ ଜିଲା ଖଣ୍ଡପଡ଼ା ଅଞ୍ଚଳର ବିଭିନ୍ନ ଦେବଦେବୀ ମନ୍ଦିର ସମେତ ଜଗନ୍ନାଥ ସଂସ୍କୃତିର ଆଦି ପୀଠ କଣ୍ଟିଲୋ ନୀଳମାଧବ ଜୀଉଙ୍କ ମନ୍ଦିରରେ କାର୍ତ୍ତିକ ବ୍ରତ...

ଭ୍ରାମ୍ୟମାଣ ମାଗଣା ଚିକିତ୍ସା ଶିବିର ଉଦ୍‌ଘାଟିତ:୨ୟ, ୪ର୍ଥ ମଙ୍ଗଳବାର ଜାରି ରହିବ କାର୍ଯ୍ୟକ୍ରମ

ବୋଲଗଡ଼,୧୪ା୮(ଡି.ଏନ.ଏ.)-ବୋଲଗଡ଼ ବ୍ଲକ ବାଙ୍କୋଇଦେଶ ପଞ୍ଚାୟତ କାର୍ଯ୍ୟାଳୟଠାରେ ମଙ୍ଗଳବାର ପିପୁଲ୍ସ ଫୋରମ୍‌ ପକ୍ଷରୁ ଭ୍ରାମ୍ୟମାଣ ମାଗଣା ଚିକିତ୍ସା ଶିବିର ଉଦ୍‌ଘାଟିତ ହୋଇଯାଇଛି। ଅନ୍ନପୂର୍ଣ୍ଣା ଫାଇନାନ୍ସ ଏଥିରେ ସହଯୋଗ...

selfi corner

Model This Week

Why Dharitri

Leave a comment

Your email address will not be published. Required fields are marked *