ବର୍ଷାରେ ଭାସିଗଲା ଖୁସି : ବିଦ୍ୟାଳୟ ଶ୍ରେଣୀଗୃହରେ ଆଣ୍ଠୁଏ ପାଣି

ପାରାଦୀପ,୨୭।୮(ସ୍ବ.ପ୍ର.): ପାରାଦୀପରେ ରବିବାର ସର୍ବାଧିକ ୮୯ ମିମି ବର୍ଷା ହୋଇଛି। ଏଥିରେ ନୋଳିଆ ସାହି ଉଚ୍ଚ ପ୍ରାଥମିକ ବିଦ୍ୟାଳୟରେ ବ୍ୟାପକ ଭାବେ କ୍ଷୟକ୍ଷତି ହୋଇଛି। ସ୍କୁଲ ଘର ଭିତରେ ଆଣ୍ଠୁଏ ବର୍ଷାପାଣି ଜମି ରହିବା ଫଳରେ ଉଜ୍ଜଳ-ଉତ୍‌ଥାନ କାର୍ଯ୍ୟକ୍ରମ ପୁସ୍ତିକା, ଖୁସି ଯୋଜନାରେ ଛାତ୍ରୀଙ୍କ ପାଇଁ ଆସିଥିବା ୩ ମାସର ନାପ୍‌କିନ, ପଙ୍ଖା, ବିଦ୍ୟୁତ୍‌ ସରଞ୍ଜାମ, ମହାପୁରୁଷମାନଙ୍କ ଫଟୋଚିତ୍ର, ସ୍କୁଲର ରେକର୍ଡପତ୍ର ଆଦି ନଷ୍ଟ ହୋଇଯାଇଛି। ବିଦ୍ୟାଳୟର ଶ୍ରେଣୀଗୃହ ଓ ଅସ୍ଥାୟୀ କକ୍ଷ ମଧ୍ୟରେ ଏଭଳି ପାଣି ଜମି ରହିବା ଫଳରେ ପ୍ରଧାନ ଶିକ୍ଷୟିତ୍ରୀ ରେଣୁବାଳା ସାହୁ ସୋମବାର ବାଧ୍ୟହୋଇ ଛୁଟି ଘୋଷଣା କରିଥିଲେ। ଅନ୍ୟପକ୍ଷରେ ଶିକ୍ଷୟିତ୍ରୀ ଶିକ୍ଷକ ଓ କେତେଜଣ ଛାତ୍ରୀଛାତ୍ର ମିଶି ଦିନତମାମ ଶ୍ରେଣୀଗୃହରୁ ଥାଳି ଓ ବାଲ୍‌ଟିରେ ପାଣି ସଫା କରିଛନ୍ତି। ସେହିପରି ବର୍ଷାରେ ଭିଜିଯାଇଥିବା ବହିପତ୍ର ବାହାରେ ଶୁଖାଇବାରେ ପିଲାମାନଙ୍କ ଦିନ କଟିଥିଲା। ଛୁଟି ହେବାରୁ ଉକ୍ତ ବିଦ୍ୟାଳୟରେ ପଢୁଥିବା ୧ମରୁ ୮ମ ଶ୍ରେଣୀ ପର୍ଯ୍ୟନ୍ତ ୧୯୫ ଛାତ୍ରୀଛାତ୍ର ପାଠପଢା ଓ ମଧ୍ୟାହ୍ନଭୋଜନ ଖାଇବାରୁ ବଞ୍ଚତ୍ତ ହେଲେ। ଏପରି ଅବ୍ୟବସ୍ଥା ୨୦୧୩ ଫାଇଲିନ ବାତ୍ୟା ପରେ ଅନେକଥର ଘଟିଲାଣି। କିନ୍ତୁ ଏହାର ସ୍ଥାୟୀ ପ୍ରତିକାର କରାଯାଇପାରୁନାହିଁ। ସ୍କୁଲ ଘର ବାରମ୍ବାର ଭାଙ୍ଗୁଛି। ଉକ୍ତ ଘରକୁ ଗତ ୬ବର୍ଷ ମଧ୍ୟରେ ସର୍ବଶିକ୍ଷା ଅଭିଯାନ ଓ ପାରାଦୀପ ପୌରପାଳିକା ପକ୍ଷରୁ ୩ ଥର ମରାମତି କରାଗଲାଣି। ଏଥିପାଇଁ ପ୍ରାୟ ୮ଲକ୍ଷ ଟଙ୍କାର ସରକାରୀ ଅନୁଦାନ ଖର୍ଚ୍ଚ ହୋଇସାରିଲାଣି। ଏହା ସତ୍ତ୍ୱେ ସାମାନ୍ୟ ବର୍ଷାରେ ଶ୍ରେଣୀକକ୍ଷରେ ପାଣି ପଶୁଛି। ସୂଚନା ଅନୁଯାୟୀ ଏହି ସ୍କୁଲ ସମ୍ମୁଖରେ ରହିଛି ପୌର ପାଳିକାର କଙ୍କ୍ରିଟ ରାସ୍ତା। ସେହି ରାସ୍ତା ଓ ସ୍କୁଲ କାନ୍ଥ ମଝିରେ ଛୋଟ ଡ୍ରେନ୍‌ ରହିଛି। ରାସ୍ତା ପତ୍ତନଠାରୁ ଶ୍ରେଣୀଗୃହ ୨ ଫୁଟ ତଳେ ରହିଛି। ଫଳରେ ସ୍ବଳ୍ପ ବର୍ଷା ହେଲେ ମଧ୍ୟ ପାଣି ପଶି ବ୍ୟାପକ କ୍ଷୟକ୍ଷତି ହେଉଛି।
୧୯୮୬ରୁ ଚାଲିଥିବା ଉକ୍ତ ବିଦ୍ୟାଳୟକୁ ନେଇ ଅନେକ ବିବାଦ ରହିଛି। ୨୦୧୮ ନଭେମ୍ବର ପର୍ଯ୍ୟନ୍ତ ଉକ୍ତ ସ୍କୁଲରେ ପାଣି, ବିଦ୍ୟୁତ ଓ ଶୌଚାଳୟ ବ୍ୟବସ୍ଥା ନ ଥିଲା। ୨୦୧୩ ଅକ୍ଟୋବର ୧୩ ଫାଇଲିନ ବାତ୍ୟା ପର୍ଯ୍ୟନ୍ତ ଉକ୍ତ ସ୍କୁଲ ଦୁଇଟି ସିପ୍ଟରେ ଚାଲୁଥିଲା। କାରଣ ଶ୍ରେଣୀଗୃହ ଅଭାବ ଯୋଗୁ ପିଲା ବସିବାକୁ ଜାଗା ହେଉନ ଥିଲା। ତେଣୁ ଦୁଇଟି ସିଫ୍ଟରେ ପିଲାମାନେ ବିଦ୍ୟାଳୟ ଆସୁଥିଲେ। ଫଳରେ ସକାଳ ଓଳି ଆସୁଥିବା ପିଲାମାନେ ମଧ୍ୟାହ୍ନଭୋଜନ ଖାଇପାରୁ ନ ଥିଲେ। ଫାଇଲିନ ବାତ୍ୟାରେ ସ୍କୁଲ ଛାତ ଭାଙ୍ଗିଯାଇଥିଲା। ସେତେବେଳେ ମାସାଧିକ କାଳ ଆପଣାଛାଏଁ ପାଠପଢା ବନ୍ଦ ରହିଲା। ପରେ ସର୍ବଶିକ୍ଷା ଅଭିଯାନ ପକ୍ଷରୁ ଶ୍ରେଣୀଗୃହ ମରାମତି ଓ ଅସ୍ଥାୟୀ ଘର ନିର୍ମାଣ ହେଲା। ନିମ୍ନମାନର କାର୍ଯ୍ୟ ଯୋଗୁ ୨ଲକ୍ଷ ୮୦ ହଜାର ଟଙ୍କାରେ ନିର୍ମିତ ନୂଆଘର ବର୍ଷକ ମଧ୍ୟରେ ଭାଙ୍ଗିଗଲା। କିନ୍ତୁ ସେତେବେଳେ ୨୦୧୪ ହୁଡ୍‌ହୁଡ୍‌ରେ ଉକ୍ତ ଘର ଭାଙ୍ଗିଯାଇଥିବା ଦର୍ଶାଗଲା। ଏହା ପରେ ପୌର ପରିଷଦ ପକ୍ଷରୁ ୩ ଲକ୍ଷ ୩୦ ହଜାର ୮୦୦ ଟଙ୍କା ବ୍ୟୟରେ ମରାମତି ଓ ରଙ୍ଗ କରାଯାଇଥିଲା। ପରେ ସେହି ଅସ୍ଥାୟୀ ଘରକୁ ଏକ ଘରୋଇ ସ୍କୁଲ ନିଜ ଅଧୀନକୁ ନେଇଗଲା। ବହୁ ବିବାଦ ପରେ ସେଠାରେ ସରକାରୀ ସ୍କୁଲ ପିଲା ବସିବା ସହ ସିଫ୍ଟ ବ୍ୟବସ୍ଥା ବନ୍ଦ ହେଲା। ଗତ ଫନୀ ବାତ୍ୟାରେ ପୁଣି ସେହି ପୁରୁଣା ସ୍କୁଲ ଘର ଛାତ ଭୁଶୁଡ଼ି ପଡିଲା। ଏହା ପରେ ସ୍କୁଲର ପାଠପଢା ୩ଟି ସ୍ଥାନରେ ଚାଲିଲା। କିଛିଦିନ ପୋସ୍କୋ ବିଲ୍ଡିଂ ଓ ପରେ ଏକ ମଦ ଦୋକାନ ବାରଣ୍ଡା, ଗୋଷ୍ଠୀଗୃହ ବାରଣ୍ଡା ଓ ଖୋଲା ସ୍ଥାନରେ ପାଠପଢା ହେଲା। ଏମିତି ବ୍ୟବସ୍ଥା ମଧ୍ୟରେ ଗତ ଜୁନ/ଜୁଲାଇ ମାସରେ ପୌର ପାଳିକା ଛାତ ହଟାଇ ଆଜବେଷ୍ଟସ ପକାଇଛି। ଏ ବାବଦରେ ୨ଲକ୍ଷ ୪୦ ହଜାର ୮୯୦ ଟଙ୍କା ଖର୍ଚ୍ଚ ହୋଇଛି। ଏବେ ଘର ମରାମତି ହେବାର ମାସେ ନ ପୁରୁଣୁ ବର୍ଷା ପାଣି ପଶି ସମସ୍ତ କାଗଜପତ୍ର ଓ ବହି ନଷ୍ଟ ହୋଇଯାଇଛି। ଅନ୍ୟପକ୍ଷରେ ସେହି ସ୍କୁଲ ପାଇଁ ଆଉ ଏକ ସ୍ଥାନରେ ନୂତନ ଗୃହ ନିର୍ମାଣ କରିବାକୁ ଫଳକ ଲଗା ହେଲାଣି। ୨୦୦୪ରୁ ଶିକ୍ଷା ବିଭାଗ ପୌର ପାଳିକାରୁ ଅଲଗା ହେବା ପରେ ପୌର ପାଳିକା କିଛି ମରାମତି କରିପାରୁ ନ ଥିଲା। ସମସ୍ତ କାର୍ଯ୍ୟ ସର୍ବଶିକ୍ଷା ଯୋଜନାରେ ହେଉଥିଲା। ଏବେ ପୌର ପାଳିକା ମରାମତି ଓ ନୂତନ ଗୃହ ନିର୍ମାଣ କରୁଛି। ଉକ୍ତ ବାବଦ ଅର୍ଥ ସର୍ବଶିକ୍ଷା ପୌର ପାଳିକାକୁ ଦେଉଛି। ଏ ସମ୍ପର୍କରେ ଜଗତ୍‌ସିଂହପୁର ଜିଲା ଶିକ୍ଷା ଅଧିକାରୀ ପ୍ରତିଭା ମଞ୍ଜରୀ ଦାଶଙ୍କୁ ପଚାରିବାରେ ସେ କହିଲେ ଯେ, ବର୍ଷାରେ ଖୁସି ଯୋଜନାରେ ମିଳିଥିବା ନାପକିନ ଓ ବହି ନଷ୍ଟ ହେବା ଖବର ପାଇଛି। ପାରାଦୀପରେ ସ୍କୁଲ ଘର ପାଇଁ ଜାଗା ଅଭାବ ଥିବାରୁ ଏପରି ହେଉଥିବା କହି ସେ ନିଜ ଅସହାୟତା ପ୍ରକାଶ କରିଥିଲେ।


All Right Reserved By

କାଳ ହେଲା ଫାଇନାନ୍ସ ଟଙ୍କା: ମହିଳାଙ୍କ ମୃତ୍ୟୁ, ଗ୍ରାମରେ ଉତ୍ତେଜନା

ଜଗତ୍‌ସିଂହପୁର ଅଫିସ, ୧୬ା୯: ଜଗତ୍‌ସିଂହପୁର ଥାନା ଅଧୀନ ଚାଟଣା (ଗନ୍ତ) ଗ୍ରାମରେ ରବିବାର ଜଣେ ମହିଳାଙ୍କ ମୃତ୍ୟୁକୁ ନେଇ ତୀବ୍ର ଉତ୍ତେଜନା ପ୍ରକାଶ ପାଇଛି। ସେ...

ନାଟ୍ୟ କଳା ମହାସଂଘର ସାଙ୍ଗଠନିକ ସଭା: ସରକାରୀ ପ୍ରୋତ୍ସାହନ ଯୋଗାଇ ଦିଆଯାଉ

ଜୁନାଗଡ,୨୬।୭(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ସହର ଆରଏମ୍‌ସି ଗୋଦାମଠାରେ ଶୁକ୍ରବାର ନାଟ୍ୟ କଳା ମହାସଂଘର ଏକ ସାଙ୍ଗଠନିକ ସଭା ଅନୁଷ୍ଠିତ ହୋଇଯାଇଛି। ଜୁନାଗଡ ଓ ଗୋଲାମୁଣ୍ଡା...

ଦାରିଙ୍ଗବାଡି ବ୍ଲକ ଉନ୍ନୟନ କାର୍ଯ୍ୟ ସମୀକ୍ଷା କଲେ ଏମ୍‌ପି, ବିଧାୟକ

ଦାରିଙ୍ଗବାଡ଼ି,୧୧ା୮(ଡି.ଏନ.ଏ.)- କନ୍ଧମାଳ ଏମ୍‌ପି ଡ. ଅଚ୍ୟୁତ ସାମନ୍ତ ଓ ଜି.ଉଦୟଗିରି ବିଧାୟକ ସାଲୁଗା ପ୍ରଧାନ ରବିବାର ଦାରିଙ୍ଗବାଡ଼ି ବ୍ଲକରେ ଚାଲିଥିବା ଉନ୍ନୟନ କାର୍ଯ୍ୟର ସମୀକ୍ଷା କରିବା...

ଜିଲା ମୁଖ୍ୟ ଚିକିତ୍ସାଳୟ ପରିଦର୍ଶନ କଲେ କେନ୍ଦ୍ରମନ୍ତ୍ରୀ

ବାଲେଶ୍ୱର ଅଫିସ, ୩୦।୬-କେନ୍ଦ୍ର ମତ୍ସ୍ୟ ଓ ପଶୁପାଳନ ଏବଂ କ୍ଷୁଦ୍ର ମଧ୍ୟମଶିଳ୍ପ ରାଷ୍ଟ୍ର ମନ୍ତ୍ରୀ ତଥା ବାଲେଶ୍ୱର ଏମ୍‌ପି ପ୍ରତାପ ଚନ୍ଦ୍ର ଷଡ଼ଙ୍ଗୀ ରବିବାର ଜିଲା...

ମାଓବାଦୀ ଅଞ୍ଚଳରୁ ଗାଡ଼ି ଆଣିଲେ ମାଲିକ

ଫୁଲବାଣୀ ଅଫିସ/ଫିରିଙ୍ଗିଆ,୨୪ା୪ -କନ୍ଧମାଳ ଜିଲାରେ ନିର୍ବାଚନ ବେଳେ ମାଓବାଦୀଙ୍କ ଲ୍ୟାଣ୍ଡମାଇନ ବିସ୍ଫୋରଣ ଯୋଗୁ ସେସବୁ ଅଞ୍ଚଳରେ ନିୟୋଜିତ ଗାଡି ନିର୍ବାଚନ ପରେ ଆସିପାରି ନଥିଲା। କର୍ମଚାରୀଙ୍କୁ...

ଛାତ୍ରୀଙ୍କୁ ଦୁର୍ବ୍ୟବହାର, ଅଧ୍ୟାପକ ଅଟକ

ରାସଗୋବିନ୍ଦପୁର,୧୪ା୯(ଡି.ଏନ.ଏ) – ମୟୂରଭଞ୍ଜ ଜିଲା ରାସଗୋବିନ୍ଦପୁର ବ୍ଲକ ଅଞ୍ଚଳରେ ଥିବା ଏକ କଲେଜର ଜନୈକା ଆଦିବାସୀ ଛାତ୍ରୀଙ୍କୁ ସେହି କଲେଜର ଜଣେ ଅଧ୍ୟାପକ ଦୁର୍ବ୍ୟବହାର କରିଥିବା...

ସେଣ୍ଟ୍ରିଙ୍ଗ୍‌ ଖୋଲିବା ବେଳେ ଦୁର୍ଘଟଣା: ବିଦ୍ୟୁତ୍‌ ଆଘାତରେ ୨ ଘର ମାଲିକଙ୍କ ସମେତ ମିସ୍ତ୍ରି ମୃତ

ବ୍ରହ୍ମପୁର ଅଫିସ/କୁକୁଡ଼ାଖଣ୍ଡି,୨୨ା୭(ଡି.ଏନ.ଏ.)-ବ୍ରହ୍ମପୁର ଅଳକାପୁରୀ ୬ଷ୍ଠ ଲେନ୍‌ରେ ଏକ ନିର୍ମାଣାଧୀନ ଘର ଛାତ ସେଣ୍ଟ୍ରିଙ୍ଗ୍‌ ଖୋଲିବା ବେଳେ ରବିବାର ଅପରାହ୍ନରେ ଏକ ଦୁର୍ଘଟଣା ଘଟିଛି। ୧୧ କେଭି...

ଫକୀରପୁର ଯୁବକଙ୍କ ମୃତ୍ୟୁ ଘଟଣା : ଧୀରେ ଧୀରେ ଖୋଲୁଛି ରହସ୍ୟ

ଆନନ୍ଦପୁର,୨୪।୭(ସ୍ବ.ପ୍ର.) : କେନ୍ଦୁଝର ଜିଲା ଆନନ୍ଦପୁର ପୌରପରିଷଦ ଫକୀରପୁର ଗ୍ରାମରେ ଗତ ୧୬ ତାରିଖ ମଙ୍ଗଳବାର ଜଣେ ଯୁବକଙ୍କ ମୃତ୍ୟୁ ଘଟିଥିବା ନେଇ ଚର୍ଚ୍ଚା ଜୋର...

selfi corner

Model This Week

Why Dharitri

Leave a comment

Your email address will not be published. Required fields are marked *