ପୁରୀକୁ ଆବଶ୍ୟକ ବିମାନବନ୍ଦର

ପୁରୀ ଅଫିସ,୨୬ା୮: ପୁରୀ ହେବ ବିଶ୍ୱ ଐତିହ୍ୟ ସହର। ସୁଦୃଢ଼ ହେବ ପର୍ଯ୍ୟଟନ ଭିତ୍ତିଭୂମି। ପର୍ଯ୍ୟଟକ ଏବଂ ଶ୍ରଦ୍ଧାଳୁଙ୍କ ଲାଗି ବିଶ୍ୱସ୍ତରୀୟ ସୁବିଧା ସୁଯୋଗ କରାଯିବ। ଶ୍ରୀକ୍ଷେତ୍ରକୁ ନେଇ ଏମିତି ନାନା ପରିକଳ୍ପନା କରାଯାଇଛି। ଏଥିପାଇଁ ରାଜ୍ୟ ସରକାର ଘୋଷଣା କରିଛନ୍ତି ସ୍ବତନ୍ତ୍ର ପ୍ୟାକେଜ। ଏଥିରେ ନୂଆରାସ୍ତା, ସେତୁ, ପାର୍କିଂ, ସୁରକ୍ଷା, ସଂରକ୍ଷଣ, ସୌନ୍ଦର୍ଯ୍ୟକରଣ, ପୁନରୁଦ୍ଧାର ଆଦି ଅନେକ କାମ କରାଯିବାକୁ ପ୍ରସ୍ତୁତ ହୋଇଛି ବ୍ଲୁ ପ୍ରିଣ୍ଟ। କିନ୍ତୁ ଏସବୁ ଭିତରେ ପୁରୀ ସହରରେ ଏକ ବିମାନବନ୍ଦରର ଯଥେଷ୍ଟ ଆବଶ୍ୟକତା ରହିଛି। ଏଥିପ୍ରତି ସରକାର ଗୁରୁତ୍ୱ ଦେବାକୁ ଦାବି କରିଛନ୍ତି ସହରର ବହୁ ବୁଦ୍ଧିଜୀବୀ।
ପୁରୀକୁ ପ୍ରତ୍ୟହ ଦେଶ, ବିଦେଶର ଯାତ୍ରୀ, ପର୍ଯ୍ୟଟକ ଓ ଶ୍ରଦ୍ଧାଳୁ ଆସୁଛନ୍ତି। ପ୍ରସିଦ୍ଧ ଶ୍ରୀମନ୍ଦିର, ଆକର୍ଷଣୀୟ ବେଳାଭୂମି ସାଙ୍ଗକୁ ପାଖାପାଖି ଐତିହ୍ୟ ଗ୍ରାମ ରଘୁରାଜପୁର, କୋଣାର୍କ ମନ୍ଦିର, ଚିଲିକା ଭଳି ଦର୍ଶନୀୟସ୍ଥଳୀ ରହିଛି। ଏଥିପାଇଁ ଦିନକୁ ଦିନ ପୁରୀକୁ ପର୍ଯ୍ୟଟକ ଏବଂ ଯାନବାହନ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଶ୍ରୀମନ୍ଦିରକୁ ଦେଖିଲେ ସାଧାରଣ ଦିନଗୁଡ଼ିକରେ ପ୍ରାୟ ୬୦ରୁ ୭୦ ହଜାର ଶ୍ରଦ୍ଧାଳୁ ଆସୁଥିବାବେଳେ ଛୁଟିଦିନ ଏବଂ ପର୍ବପର୍ବାଣିରେ ଏହି ସଂଖ୍ୟା ୧ ଲକ୍ଷ ଟପିଯାଉଛି। ଫଳରେ ସହରକୁ ଗାଡ଼ିମୋଟର ଏତେ ମାତ୍ରାରେ ଆସୁଛି ଯେ, ଅନେକ ସମୟରେ ଟ୍ରାଫିକ ସମସ୍ୟା ଅଣାୟତ୍ତ ହୋଇପଡୁଛି। ସହରବାସୀ ଅଣନିଃଶ୍ୱାସୀ ହୋଇପଡୁଛନ୍ତି। ଗାଡ଼ିି ପାର୍କିଂ ପାଇଁ ସ୍ଥାନର ଅଭାବ ଦେଖାଦେଉଛି। ପ୍ରାୟତଃ ବାହାରୁ ଆସୁଥିବା ଶ୍ରଦ୍ଧାଳୁ ଏବଂ ପର୍ଯ୍ୟଟକ ଭୁବନେଶ୍ୱର ବିମାନବନ୍ଦର ହେଉ କି ରେଳଷ୍ଟେଶନରେ ଓହ୍ଲାଇବା ପରେ ବସ୍‌ କିମ୍ବା ସେୟାର ଗାଡିରେ ଆସିବାକୁ ଏତେଟା ପସନ୍ଦ କରୁନାହାନ୍ତି। କାର ଭଡା କରି ପୁରୀ ଆସି ମନ୍ଦିର ଏବଂ ବେଳାଭୂମି ବୁଲିସାରିବା ପରେ ନିକଟସ୍ଥ ବିଭିନ୍ନ ପର୍ଯ୍ୟଟନସ୍ଥଳୀକୁ ଯାଉଛନ୍ତି। ତେଣୁ ସହରକୁ ଚାରିଚକିଆ ଯାନ ସଂଖ୍ୟା ବଢୁଛି। ଯଦି ପୁରୀରେ ବିମାନ ବନ୍ଦର ସୁବିଧା କରାଯାଆନ୍ତା, ତେବେ ଏହି ସମସ୍ୟା କିଛି ମାତ୍ରାରେ ଦୂର ହୋଇପାରନ୍ତା। ଜାତୀୟ ରାଜପଥରୁ ଆରମ୍ଭ କରି ସହର ଭିତରେ ଟ୍ରାଫିକ ଜାମ୍‌ ମଧ୍ୟ ହ୍ରାସ ପାଆନ୍ତା। ପର୍ଯ୍ୟଟକମାନେ ମଧ୍ୟ ଆର୍ଥିକ ଦୃଷ୍ଟିକୋଣରୁ ଲାଭବାନ ହେବା ସହ ଅଧିକ ସମୟ ପାଇପାରନ୍ତେ ବୋଲି ବୁଦ୍ଧିଜୀବୀ ସରୋଜ କୁମାର ବେହେରା କହିଛନ୍ତି।
ଭାରତର ପ୍ରସିଦ୍ଧ ମନ୍ଦିର ଏବଂ ତୀର୍ଥସ୍ଥଳ ଥିବା ସହରକୁ ଦେଖିଲେ ଅଧିକାଂଶ ସ୍ଥାନରେ ବିମାନବନ୍ଦର ସୁବିଧା ରହିଛି। ଯେପରି କି ମହାରାଷ୍ଟ୍ରର ଶିରିଡ଼ି, ବିହାରର ବୁଦ୍ଧଗୟା, ପଞ୍ଜାବର ସ୍ବର୍ଣ୍ଣମନ୍ଦିରକୁ ଯିବାକୁ ହେଲେ ସମ୍ପୃକ୍ତ ସହରରେ ବିମାନବନ୍ଦର ରହିଛି। କିନ୍ତୁ ଶ୍ରୀମନ୍ଦିର କ୍ଷେତ୍ରରେ ଏହାର ବ୍ୟତିକ୍ରମ ଦେଖିବାକୁ ମିଳିଛି। ବର୍ତ୍ତମାନ ଭୁବନେଶ୍ୱରରୁ କୌଣସି ପର୍ଯ୍ୟଟକ ପୁରୀକୁ ଆସିବା ସମୟରେ ବେଳେ ବେଳେ ରାସ୍ତାରେ ଅଧିକ ସମୟ ପଳାଇ ଯାଉଛି। ଏମିତି ବି ଦିନେ ଦିନେ ମା’ ବାଟମଙ୍ଗଳା ମନ୍ଦିର ପାଖରୁ ଟ୍ରାଫିକ ଜାମ୍‌ ହେଉଛି। ଜାମ୍‌ରେ ୨/୩ ଘଣ୍ଟା ଫସିବା ପରେ ସମୟ ଅଭାବରୁ ଅନେକେ ଫେରିଯିବାର ବି ଦୃଷ୍ଟାନ୍ତ ରହିଛି। ଯଦି ପୁରୀରେ ବିମାନବନ୍ଦର କରାଯାଏ, ତେବେ ପର୍ଯ୍ୟଟକ କିମ୍ବା ଯାତ୍ରୀଙ୍କୁ ରାସ୍ତାରେ ସମୟ ଅପଚୟର ଭୟ ରହିବ ନାହିଁ। ବିଦେଶ ପର୍ଯ୍ୟଟକ ଆସିଲେ ଆର୍ଥିକ ଦୃଷ୍ଟିରୁ ପୁରୀ ଅଧିକ ସ୍ବଚ୍ଛଳ ହେବ। ସହରରେ ଥିବା ହୋଟେଲଗୁଡ଼ିକ ଉପକୃତ ହେବା ସହ ପଯର୍ର୍‌ୟଟନ ଶିଳ୍ପର ମଧ୍ୟ ବିକାଶ ଘଟିବ ବୋଲି ସହକାରୀ ପର୍ଯ୍ୟଟନ ନିର୍ଦ୍ଦେଶକ ବିଜୟ କୁମାର ଜେନା କହିଛନ୍ତି।
ସବୁଠୁ ବଡ଼କଥା ହେଉଛି, ଶ୍ରୀମନ୍ଦିରର ସୁରକ୍ଷା ଦୃଷ୍ଟିକୋଣରୁ ପୁରୀକୁ ନୋ ଫ୍ଲାଇଂ ଜୋନ ଘୋଷଣା କରିବା ପାଇଁ ପ୍ରଶାସନ ପକ୍ଷରୁ ଏକାଧିକଥର ବେସାମରିକ ବିମାନ ଚଳାଚଳ ମନ୍ତ୍ରଣାଳୟକୁ ପ୍ରସ୍ତାବ ଦିଆଯାଇଛି। ହେଲେ ମନ୍ତ୍ରଣାଳୟ ପକ୍ଷରୁ କୁହାଯାଉଛି ଯେଉଁ ଭୌଗୋଳିକ ସ୍ଥିତିରେ ବଡ଼ଦାଣ୍ଡ ଏବଂ ଶ୍ରୀମନ୍ଦିର ରହିଛି, ତାହା ଏକ ଆନ୍ତର୍ଜାତିକ ରୁଟ୍‌। ତେଣୁ ନୋ ଫ୍ଲାଇଂ ଜୋନ ଘୋଷଣା କରିବା ସମ୍ଭବ ନୁହେଁ। ହେଲେ ଯଦି ନୋ ଫ୍ଲାଇଂ ଜୋନ ଘୋଷଣା କରିହେବ ନାହିଁ, ତେବେ ପୁରୀରେ ବିମାନବନ୍ଦର କରାଯିବାରେ କୌଣସି ଅସୁବିଧା ନାହିଁ। କିନ୍ତୁ ଶ୍ରୀମନ୍ଦିରର ସୁରକ୍ଷାକୁ ଦେଖି ବଡ଼ଦାଣ୍ଡଠାରୁ କେତେ ଦୂରତାରେ ବିମାନବନ୍ଦର କରାଯିବା ଉଚିତ ତାହାକୁ ବିଚାର କରି ନିଷ୍ପତ୍ତି ନିଆଯିବା ଆବଶ୍ୟକ। ଏମିତି ବି ପୂର୍ବରୁ ପୁରୀ-କୋଣାର୍କ ରୋଡ୍‌ର ନୂଆନଈ ପୂର୍ବରୁ ଏକ ଏୟାର ଷ୍ଟ୍ରିପ୍‌ ରହିଥିଲା। ଏହି ଜମି ଏବେ ଜବରଦଖଲକାରୀଙ୍କ କବ୍‌ଜାକୁ ଚାଲିଯାଇଛି। ଯଦି ସରକାର ଏଥିପ୍ରତି ଆଗ୍ରହ ରଖନ୍ତେ, ତେବେ ପୁରୀରେ ବିମାନବନ୍ଦର ହେବାରେ କୌଣସି ଅସୁବିଧା ହୁଅନ୍ତା ନାହିଁ ବୋଲି କହିଛନ୍ତି ଜିଲା ଭାଜପା ଯୁବମୋର୍ଚ୍ଚା ଉପସଭାପତି ଶାଶ୍ୱତ ମହାପାତ୍ର।
ଉପଜିଲାପାଳ ଭବତାରଣ ସାହୁ କହିଛନ୍ତି, ପୁରୀରେ ବିମାନବନ୍ଦର ହେଲେ ପର୍ଯ୍ୟଟକଙ୍କ ଆଗମନ ବୃଦ୍ଧି ପାଇବା ସହ ପରୋକ୍ଷ ଏବଂ ପ୍ରତ୍ୟକ୍ଷ ଭାବେ ପୁରୀବାସୀ ଉପକୃତ ହେବେ। ସହରରେ ଟ୍ରାଫିକ ସମସ୍ୟାରେ ସୁଧାର ଆସିବ। ଏଣୁ ଏ ଦିଗରେ ପ୍ରଶାସନ ଚେଷ୍ଟା କରିବ ବୋଲି ଉପଜିଲାପାଳ କହିଛନ୍ତି।


All Right Reserved By Dharitri.Com

ବିଜେପୁର ଉପନିର୍ବାଚନ: ୭୨% ମତଦାନ

ବରଗଡ଼ ଅଫିସ /ବିଜେପୁର, ୨୧।୧୦(ଡି.ଏନ୍‌.ଏ.): ବରଗଡ଼ ଜିଲା ବିଜେପୁର ଉପନିର୍ବାଚନ ପାଇଁ ସୋମବାର ସା ୫ଟାରେ ମତଦାନ ପ୍ରକ୍ରିୟା ଶେଷ ହୋଇଛି। ନିର୍ବାଚନ ମଣ୍ଡଳୀର ୨୮୫...

ଛାତ୍ରୀଙ୍କ ଭିଡିଓ ଭାଇରାଲ ଘଟଣା: ଶିକ୍ଷକଙ୍କ ପରେ ଦୁଇ ଖବରଦାତା ଗିରଫ

ବାଲିକୁଦା,୨୭ା୪(ସ୍ବ.ପ୍ର.): ଭିଡିଓ ଭାଇରାଲ ମାମଲାର ସମାଧାନ ପାଇଁ ଛାତ୍ରୀଙ୍କୁ ଚାପ ପକାଉଥିବା ୨ ଖବରଦାତାଙ୍କୁ ବାଲିକୁଦା ପୋଲିସ ସୋମବାର ଗିରଫ କରି କୋର୍ଟଚାଲାଣ କରିଛି। ସେମାନେ...

ନିଶା କାରବାର ଲିଙ୍କରେ ୨ ମହିଳା ଏଜେଣ୍ଟ: ଏସ୍‌ଟିଏଫ୍‌ ଲିଷ୍ଟରେ ସଞ୍ଜୁ, ପାକୁ ଓ କାକା

ଖୋର୍ଦ୍ଧା ଅଫିସ,୧୮ା୭: କ୍ରାଇମବ୍ରାଞ୍ଚ ଏସ୍‌ଟିଏଫ୍‌ ଟାର୍ଗେଟରେ ଏବେ ନିଶା ମାଫିଆ। ବ୍ରାଉନ୍‌ସୁଗାର କାରବାରର ମାଷ୍ଟରମାଇଣ୍ଡ୍‌ ତଥା ଖୋର୍ଦ୍ଧା ପଥରଖଣି ଉପତ୍ୟକାରେ ରାଜ୍‌ କରୁଥିବା ସୁଧାଂଶୁ ପରିଡ଼ା...

ମଧ୍ୟାହ୍ନ ଭୋଜନ ପରିବର୍ତ୍ତେ ଚକୋଲେଟ୍‌

ଆରଡି, ୨୦ା୧୧(ଡି.ଏନ.ଏ.)-ଗତ ଶିଶୁ ଦିବସ ଉତ୍ସବ ପାଳନ ବେଳେ ଭଦ୍ରକ ଜିଲା ତିହିଡି ବ୍ଲକର ଶ୍ୟାମସୁନ୍ଦରପୁର ପଞ୍ଚାୟତ ଅନ୍ତର୍ଗତ ତଳଦୁମୁକା ଉନ୍ନୀତ ଉପ୍ରା ବିଦ୍ୟାଳୟରେ ପିଲାଙ୍କୁ...

ଗେଷ୍ଟ ହାଉସରେ ସେକ୍ସ ର଼୍ୟାକେଟ, ୨ ଗିରଫ

ଭୁବନେଶ୍ୱର,୨୨ା୮(ବ୍ୟୁରୋ): ରାଜଧାନୀର ବ୍ୟସ୍ତବହୁଳ ବରମୁଣ୍ଡା ବସ୍‌ଷ୍ଟାଣ୍ଡ୍‌ ନିକଟ ଏକ ଗେଷ୍ଟ ହାଉସରେ ସେକ୍ସ କାରବାର ଚାଲିଥିଲା। ଏ ସମ୍ପର୍କରେ ସୂଚନା ମିଳିବା ପରେ ମଙ୍ଗଳବାର ଖଣ୍ଡଗିରି...

କେନ୍ଦ୍ର ଯୋଜନାକୁ ରାଜ୍ୟ ସରକାର ହଡ଼ପ କରିବା ପ୍ରତିବାଦ: ରାଜଭବନ ସମ୍ମୁଖରେ ଭାଜପାର ଧାରଣା

ଭୁବନେଶ୍ୱର,୧୦।୧୦(ବ୍ୟୁରୋ): କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନାକୁ ବିଜେଡି ନିଜ ନାମରେ କରୁଥିବା ଅଭିଯୋଗ ଆଣିଛି ଭାଜପା। ଏଥିସହ ଅନ୍ୟ ଚାରୋଟି ପ୍ରସଙ୍ଗକୁ ନେଇ ଭାଜପା...

୨ ବ୍ୟାଙ୍କରେ ରହିବ ମହାପ୍ରଭୁଙ୍କ ୨୮୭ କୋଟି ଟଙ୍କା

ପୁରୀ ଅଫିସ,୨୬ା୩: ଦୁଇଟି ବ୍ୟାଙ୍କରେ ରହିବ ମହାପ୍ରଭୁଙ୍କ ମହାପ୍ରଭୁଙ୍କ ଟଙ୍କା। ଗୁରୁବାର ଟେଣ୍ଡର ମାଧ୍ୟମରେ ୟୁନିୟନ ବ୍ୟାଙ୍କ ଅଫ୍‌ ଇଣ୍ଡିଆ ଏବଂ ବ୍ୟାଙ୍କ ଅଫ ବରୋଦାକୁ...

ଓଡ଼ିଶା ହସ୍ତତନ୍ତରେ ଇଣ୍ଡୋ-ଓ୍ବେଷ୍ଟର୍ନ କଲେକ୍ସନ: ୫ ଡିଜାଇନର୍‌ଙ୍କ ପରିବେଶ ଉପଯୋଗୀ ପୋଷାକ

ଭୁବନେଶ୍ୱର,୧୧ା୧(ବ୍ୟୁରୋ): ପାରମ୍ପରିକ ସହ ଫ୍ୟୁଜନ୍‌ର ଝଲକ। ପ୍ରତି ପୋଷାକରେ ଥିଲା ଏକ କାହାଣୀ। ପଟଚିତ୍ରରୁ ଆରମ୍ଭ କରି ସମ୍ବଲପୁରୀ ପର୍ଯ୍ୟନ୍ତ, ପ୍ରତ୍ୟେକ ଡିଜାଇନ୍‌ରେ ଓଡ଼ିଶାର ଉତ୍କୃଷ୍ଟ...

Leave a comment

Your email address will not be published. Required fields are marked *