ଧର୍ମଶାଳା ପଞ୍ଚାୟତ ସମିତି : ଏମଏଲଏ ଲାଡ ପାଣ୍ଠିର ଦୁରୂପଯୋଗ, ଲାଭଦାୟକ କଂକ୍ରିଟକରଣ କାର୍ଯ୍ୟକୁ ଅଧିକ ଗୁରୁତ୍ୱ

ଯାଜପୁର ଅଫିସ,୨୬ା୮: ବିଧାନସଭା ସଦସ୍ୟ ଆଞ୍ଚଳିକ ଉନ୍ନୟନ ପାଣ୍ଠି (ଏମଏଲଏଲାଡ୍ସ) ଯାଜପୁର ଜିଲା ଧର୍ମଶାଳା ବ୍ଲକରେ ଆଶାନୁରୂପକ ଏବଂ ଗାଇଡଲାଇନ ଅନୁସାରେ ଉପଯୁକ୍ତ ଖର୍ଚ୍ଚ ହୋଇ ନ ପାରି ବରବାଦ ହୋଇଛି। ୨୦୧୭-୧୮ ଆର୍ଥିକ ବର୍ଷର ଆୟବ୍ୟୟ ଉପରେ ହୋଇଥିବା ଅଡିଟ ରିପୋର୍ଟରେ ଏହା ଜଳଜଳ ଦିଶୁଛି। ପୂର୍ବ ବର୍ଷର ବକୈୟା ଓ ଅଡିଟ ବର୍ଷରେ ହୋଇଥିବା ଅନୁଦାନକୁ ମିଶାଇ ସମୁଦାୟ ୧କୋଟି ୮୬ ଲକ୍ଷ ୧୮ ହଜାର ୫୬୧ଟଙ୍କା ଏମଏଲଏ ଲାଡ ପାଣ୍ଠିରେ ମହଜୁଦ ରହିଥିଲା। ତେବେ ଅଡିଟ ବର୍ଷରେ ମାତ୍ର ୩୧ଲକ୍ଷ ୩୧ହଜାର ୪୫ଟଙ୍କା ଖର୍ଚ୍ଚ ହୋଇ ପାରିଥିଲା। ମହଜୁଦ ଅର୍ଥରୁ ମାତ୍ର ୧୭ ପ୍ରତିଶତ ଖର୍ଚ୍ଚ ହୋଇଛି। ଯଦ୍ୱାରା ବିଧାନସଭା ନିର୍ବାଚନ ମଣ୍ଡଳୀର ସର୍ବାଙ୍ଗୀନ ଉନ୍ନତି ପରାହତ ହୋଇଛି। ସ୍କୁଲ, ଲାଇବ୍ରେରୀ, ହଷ୍ଟେଲ ଗୃହ, ପାନୀୟ ଜଳ, ଗ୍ରାମ୍ୟ ରାସ୍ତା, କ୍ଲବଗୃହ, ଡାକ୍ତରଖାନା, ସରକାରୀ ଜମିରେ ଉଦ୍ୟାନ, ଫାର୍ମ ଫରେଷ୍ଟ୍ରି, ପାର୍କ ଓ ଗାର୍ଡେନ, ଡ୍ରେନେଜ ସିଷ୍ଟମ, ଅଙ୍ଗନଓ୍ବାଡି ଗୃହ, ଶୌଚାଳୟ ଆଦି ନିର୍ମାଣ କରିବାକୁ ଗାଇଡଲାଇନରେ ଉଲ୍ଲେଖ ରହିଛି। ଏହାସହ ଆବଣ୍ଟିତ ଅନୁଦାନର ଅନ୍ୟୁନ ୧୦ ପ୍ରତିଶତ ଦକ୍ଷତା ବୃଦ୍ଧି ଓ ବେକାର ଯୁବତୀଯୁବକଙ୍କୁ ନେଇ ତାଲିମ କାର୍ଯ୍ୟକ୍ରମ କରିବା କଥା। କିନ୍ତୁ ଏହି ଗାଇଡଲାଇନକୁ ସମ୍ପୂର୍ଣ୍ଣ ଭାବେ ଉଲ୍ଲଂଘନ କରାଯାଇଛି। ବିଦ୍ୟୁତୀକରଣ, ନିଯୁକ୍ତି, ପାନୀୟ ଜଳ ସମସ୍ୟା ଓ ସର୍ବସାଧାରଣର ଶୌଚାଳୟ ସମସ୍ୟା ରହିଥିଲେ ହେଁ ଏହି ପାଣ୍ଠିର ଦୁରୂପଯୋଗ କରାଯାଇ ମନଇଚ୍ଛା ଖର୍ଚ୍ଚ ହୋଇଛି ବୋଲି ଅଡିଟ ରିପୋର୍ଟରେ ଦର୍ଶାଯାଇଛି।
ଗତ ୨୦୧୭-୧୮ ଆର୍ଥିକ ବର୍ଷରେ ଏମଏଲଏ ଲାଡ ପାଣ୍ଠିରେ ସମ୍ପୂର୍ଣ୍ଣ ହୋଇଥିବା ୬୯ଟି ପ୍ରକଳ୍ପ କେବଳ କଂକ୍ରିଟକରଣ ରାସ୍ତା ନିର୍ମାଣ ହୋଇଛି। ଏଥିରୁ ଠିକାଦାରମାନଙ୍କ ଲାଭକୁ ଅଧିକ ଗୁରୁତ୍ୱ ଦିଆଯାଇଥିବା ସ୍ପଷ୍ଟ ହୋଇଛି। ଏପରିକି ଏହିସବୁ କାର୍ଯ୍ୟ ଅତି ନିମ୍ନମାନର ହୋଇଥିବା ନିର୍ମିତ ପ୍ରକଳ୍ପଗୁଡିକରୁ ଗେଟି, ସିମେଣ୍ଟ ଉପୁଡି ଆହୁରି ବିପଦାପନ୍ନ ହୋଇଛି। କୁଳନରସିଂହପୁର, ବେହେରାସାହି-ହାମଜାପୁର, ସୋଲେଇ, ଭେଜିଗୋଠ, ନାଥସାହି-ମର୍ଜିତାପୁର, ଗୁଡିଆସାହି ମର୍ଜିତାପୁର, ରାଧାକାନ୍ତ ଜିଉ ମନ୍ଦିର କବାଟବନ୍ଧ, ତରାସ, ରାଧାଦେଈପୁର ମଙ୍ଗଳା ମନ୍ଦିର, ବୁଧିଜାଗୁଳେଇ ମନ୍ଦିର କଣ୍ଟିଗଡିଆ, ହରିଜନସାହି ମହନ୍ତସୋଳା, ସିଦ୍ଧେଶ୍ୱର ମନ୍ଦିର, ଚାରିବାଟିଆ କଂକ୍ରିଟକରଣ, ଅଭୟପୁର ବେହେରାସାହି ହରିଜନଘାଟ, ଫାଜିଲପୁର ଦର୍ସଣି, ପାଇକରାପୁର ହରିଜନସାହି, ଅରାବଳ ହରିଜନସାହି, କୋଟପୁର ସାହୁସାହି, ରେଖିଦେଈପୁର ଲକ୍ଷ୍ମୀ, ଅନନ୍ତ ମଙ୍ଗଳା, ଭବାନୀପୁର, ଭଗବାନପୁର, ଲକ୍ଷ୍ମୀନାରାୟଣ ଖେଳପଡିଆ ପ୍ରଭୃତି ସ୍ଥାନରେ କଂକ୍ରିଟକରଣ କରାଯାଇଛି। କୌଣସି ଧାର୍ମିକ ପୀଠରେ ଏମଏଲଏଲାଡ ବିନିଯୋଗ ହେବାର ନିୟମ ନାହିଁ। କିନ୍ତୁ ଏଠାରେ ୨୦ରୁ ଊର୍ଦ୍ଧ୍ୱ ପ୍ରକଳ୍ପ ଧାର୍ମିକ ପୀଠଗୁଡିକରେ ବ୍ୟବହାର ହୋଇଛି। ଯାହାକି ଏମ୍‌ଏଲ୍‌ଏଲାଡର ମୁଖ୍ୟ ଲକ୍ଷ୍ୟ ବିଚ୍ୟୁତ ହୋଇଥିବା ମନେ ହୋଇଛି। ଧର୍ମଶାଳା ପଞ୍ଚାୟତ ସମିତିର ଅନେକ ଗ୍ରାମରେ ଏବେ ବି ପାନୀୟ ଜଳର ଘୋର ଅଭାବ ରହିଛି। ଏଥିପାଇଁ ଏମଏଲଏଲାଡରୁ ଅଧିକ ପାଣ୍ଠି ବିନିଯୋଗ ହେବା ବିଧେୟ। ତାହା ମଧ୍ୟ ପାଳନ ହୋଇନାହିଁ। ଉପରୋକ୍ତ ତଥ୍ୟକୁ ଅବଲୋକନ କଲେ ବିଧାୟକ ଅନାବଦ୍ଧ ପାଣ୍ଠିକୁ ସମ୍ପୂର୍ଣ୍ଣ ଅଣଦେଖା କରାଯାଇଛି। ପ୍ରଶାସନିକ ଅଧିକାରୀଙ୍କ ଖାମଖିଆଲି ମନୋଭାବ ଓ ଆନ୍ତରିକତା ଅଭାବ ଏଥିପାଇଁ ଦାୟୀ ବୋଲି କୁହାଯାଉଛି। କେତେକ ପ୍ରକଳ୍ପରେ ଆଦୌ ଅର୍ଥ ବିନିଯୋଗ ନ ହୋଇ ମିଥ୍ୟା ବିଲ ଭାଉଚର କରି ଅର୍ଥ ଆମତ୍ାସାତ ମଧ୍ୟ ହୋଇଥିବା ଅଭିଯୋଗ ଉଠିଛି। ଅନୁଦାନ ଅର୍ଥ ଉପଯୁକ୍ତ ଭାବେ ଖର୍ଚ୍ଚ ହୋଇ ପାରୁ ନ ଥିବାରୁ ଏବେ ବି ଗ୍ରାମାଞ୍ଚଳରେ ପାନୀୟ ଜଳ, ସ୍ବାସ୍ଥ୍ୟ, ଶିକ୍ଷା ଆଦି ସମସ୍ୟା ଲାଗି ରହିଛି। ଏହି ପଞ୍ଚାୟତର ସର୍ବାଙ୍ଗୀନ ଉନ୍ନତି ପାଇଁ ସମ୍ପୃକ୍ତ ଲୋକପ୍ରତିନିଧି ବ୍ରତୀ ବୋଲି ବିଭିନ୍ନ ସଭାସମିତି ତଥା ଗଣମାଧ୍ୟମ ଆଗରେ ବାହାସ୍ଫୋଟ ମାରୁଛନ୍ତି। କିନ୍ତୁ ଏମଏଲଏ ଲାଡର ସ୍ଥିତିକୁ ଦେଖିଲେ ସାଧାରଣ ଗରିବ, ନୀରିହ ଲୋକଙ୍କ ପାଇଁ ନା କର୍ମୀଙ୍କ ପାଇଁ ଆବଣ୍ଟିତ ଅର୍ଥ ପ୍ରଜୁଯ୍ୟ ହୋଇଛି ତାହା ସ୍ପଷ୍ଟ ଜଣାପଡୁଛି। ଧର୍ମଶାଳା ପଞ୍ଚାୟତ ସମିତିର ଲୋକାଲ ଫଣ୍ଡ ଅଡିଟ କାର୍ଯ୍ୟ ୩୦ା୧୧ା୨୦୧୮ରୁ ୫ା୨ା୨୦୧୯ ପର୍ଯ୍ୟନ୍ତ ହୋଇଥିଲା। ଏହି ଅଡିଟ ରିପୋର୍ଟକୁ ଜିଲା ଅଡିଟ ଅଧିକାରୀଙ୍କ ନିକଟରେ ୨୯ା୫ା୨୦୧୯ରେ ଦାଖଲ ହୋଇଛି। ମୁଖ୍ୟ ଅଡିଟର ଉଦୟ କୁମାର ନାୟକ ଓ ଅଡିଟର ମନୋରମା ଭୋଇ ଅଡିଟ କାର୍ଯ୍ୟ ସମ୍ପାଦନ କରିଥିଲେ। ତେବେ ଅଡିଟ ସମ୍ପର୍କରେ ଧର୍ମଶାଳା ବିଡିଓ ହେମନ୍ତ କୁମାର ସ୍ବାଇଁଙ୍କୁ ପଚାରିବାରୁ ସେ ନୂଆ ହୋଇ ଆସିଛନ୍ତି ଏବଂ ଅଡିଟ ରିପୋର୍ଟ ଅନୁଧ୍ୟାନ କରାଯାଇ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି।


All Right Reserved By

ଭତା ପାଏଲେ ଦୁଇ ଦିବ୍ୟାଙ୍ଗ ବହେନ୍‌

ଲୋଇସିଂହା,୧୩।୭(ଡି.ଏନ୍‌.ଏ): – ବଲାଙ୍ଗୀର ଜିଲା ଲୋଇସିଂହା ବ୍ଲକ ବାଦିବାହାଲ ପଁଚେତ୍‌ ସଦର ଗଁ। ର ଦୁଇ ଦିବ୍ୟାଙ୍ଗ ବହେନ୍‌ ଚାର ଭୋଇ(୪୫) ଆର ସୁଦ୍ରା(୪୦)। ବ୍ଲକ...

ଆଟେଣ୍ଡାଣ୍ଟ ଭରସାରେ କୁଦୋପାଲି ଡାକ୍‌ତରଖାନା

ସୋହେଲା,୨୬ା୬ (ଡି.ଏନ୍‌.ଏ):ବରଗଡ଼ ଜିଲା ସୋହେଲା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧୀନରେ ୧୯୮୯ ସାଲେ କୁଦୋପାଲି ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର ଥାପନ ହେଇଥିଲା। ରାଏଜ୍‌ ସରକାର ଇ...

ଟ୍ରକ୍‌ ଧକ୍କାରେ ରେଭେନ୍‌ଶା ବିଶ୍ୱବିଦ୍ୟାଳୟ ଛାତ୍ରୀ ମୃତ୍ୟୁ ଘଟଣା: କ୍ଷତିପୂରଣ ଦାବିରେ ଛାତ୍ରୀଛାତ୍ରଙ୍କ ରାସ୍ତାରୋକୋ

କଟକ ଅଫିସ,୭ା୯: ଟ୍ରକ ଧକ୍କାରେ ଛାତ୍ରୀ ମୃତ୍ୟୁ ଘଟଣାକୁ ନେଇ ରେଭେନ୍‌ଶା ବିଶ୍ୱବିଦ୍ୟାଳୟରେ ଶୁକ୍ରବାର ଉତ୍ତେଜନାମୂଳକ ପରିସ୍ଥିତି ଦେଖାଦେଇଥିଲା। ପୂର୍ବାହ୍ନରେ ଛାତ୍ରୀଛାତ୍ରମାନେ ବିଶ୍ୱବିଦ୍ୟାଳୟ ସମ୍ମୁଖ ଦୁଇପାର୍ଶ୍ୱ...

ଟ୍ରାଫିକ ବ୍ୟବସ୍ଥା ସୁଧାର ନେଇ ଜିଲାପାଳଙ୍କ ବୈଠକ

ଯୋଡା,୯।୮(ଡି.ଏନ୍‌.ଏ.): ଯୋଡା ପୌରପାଳିକା ସଭାଗୃହରେ ଜିଲାପାଳ ଆଶିଷ ଠାକ୍‌ରେ ଓ ଚମ୍ପୁଆ ଉପଜିଲାପାଳଙ୍କ ଅଧ୍ୟକ୍ଷତାରେ ଟ୍ରାଫିକ୍‌ ବ୍ୟବସ୍ଥାରେ ସୁଧାର ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି।...

ବିଜେପୁରର ଅଇତିହାସିକ ଦାମୋଦର କଟା:ସାଫ୍‌ ନାଇଁ ହେଲା ଅମରି, ପଦମ୍‌ଫୁଲ୍‌

ବିଜେପୁର, ୨୫।୬ (ଡି.ଏନ୍‌.ଏ): ଖେତ୍‌ ଟାକେ ମୁଡ଼ାଟେ ଲେଖେଁ ବରଗଡ଼ ଜିଲା ବିଜେପୁରବାସୀଙ୍କର ଜୀବନ୍‌ ଜୀବିକା ସଂଗେ ବରକସ୍‌ କରି ଜୁଡ଼ି ହେଇ ରହିଛେ ଦାମୋଦର...

ବଜ୍ରପାତରେ ଜଣେ ମୃତ

ଆରଡ଼ି, ୧୮।୮ (ଡି.ଏନ.ଏ.)- ଭଦ୍ରକ ଜିଲା ଧୂଷୁରୀ ଥାନା ଅଧୀନ ଗଡଗଡି ଗ୍ରାମର ସୁରେନ୍ଦ୍ର ସ୍ବାଇଁ (୫୬)ଙ୍କର ବଜ୍ରପାତରେ ଶନିବାର ରାତିରେ ମୃତ୍ୟୁ ଘଟିଛି। ସେ...

ପୂର୍ବ ଶତ୍ରୁତା: ଡଙ୍ଗା, ଜାଲରେ ନିଆଁ ଲଗାଇଲେ ଦୁର୍ବୃତ୍ତ

ଗଞ୍ଜାମ, ୧୪।୧୦(ଡି.ଏନ୍‌.ଏ.): ଗଞ୍ଜାମ ଜିଲା ଋଷିକୂଲ୍ୟାସ୍ଥିତ ସମୁଦ୍ର କୂଳରେ ଥିବା ଡଙ୍ଗା ଓ ଜାଲରେ କେହି ଦୁର୍ବୃତ୍ତ ରବିବାର ରାତିରେ ନିଆଁ ଲଗାଇ ଦେଇଛନ୍ତି। ଏଥିରେ...

ବିଶ୍ୱବ୍ୟାଙ୍କ ଅନୁଦାନ ଅର୍ଥ ମିଳିବାରେ ବିଳମ୍ବ

ତିହିଡ଼ି, ୧୯।୭ (ଡି.ଏନ.ଏ.) – ଭଦ୍ରକ ଜିଲା ତିହିଡ଼ି ବ୍ଲକ ଅଧୀନ ପାଳିଆବିନ୍ଧାସ୍ଥିତ ବିରଞ୍ଚିନାରାୟଣ ମାଧବ ଅର୍ଜୁନ(ବିଏନ୍‌ଏମ୍‌ଏ) କଲେଜର ଭିତ୍ତିଭୂମି ବିକାଶ ପାଇଁ ବିଶ୍ୱବ୍ୟାଙ୍କ ପକ୍ଷରୁ...

selfi corner

Model This Week

Why Dharitri

Leave a comment

Your email address will not be published. Required fields are marked *