ଜିଓ ଟ୍ୟୁବ୍‌ ୱାଲରେ ଅଗ୍ନିକାଣ୍ଡ : ପ୍ରକଳ୍ପ କଳାକାରନାମାକୁ ଘୋଡାଇବାକୁ ଉଦ୍ୟମ

କେନ୍ଦ୍ରାପଡା ଅଫିସ, ୨୬ା୮:  କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ଅନ୍ତର୍ଗତ ପେଣ୍ଠ ବେଳାଭୂମିସ୍ଥିତ ଜିଓ ସିନ୍ଥେଟିକ ଟ୍ୟୁବ୍‌ ଓ୍ବାଲରେ ଶନିବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିବା ପରେ ପୁଣି ଥରେ ଚର୍ଚ୍ଚାକୁ ଆସିଛି। ଏହାର କାରଣ ଅସ୍ପଷ୍ଟ ଥିବାବେଳେ ଅଗ୍ନିଶମ ସେବା ସଂସ୍ଥା କର୍ମଚାରୀ ଘଟଣାସ୍ଥଳରେ ପହଞ୍ଚତ୍ ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡରେ ଟ୍ୟୁବ୍‌ ଓ୍ବାଲ୍‌ର ଗାବିୟନ ବକ୍ସରେ ଲାଗିଥିବା ସିନ୍ଥେଟିକ ଜାଲ ନଷ୍ଟ ହୋଇଯାଇଛି। ଫଳରେ ସେଠାରେ ଥିବା ବହୁ ପଥର ସମୁଦ୍ର ଗର୍ଭକୁ ଚାଲିଯାଇଛି। ଏହି ନିଆଁ ଲାଗିବା ପରେ ସମୁଦ୍ର ଉପକୂଳବର୍ତ୍ତୀ ୫୬ ଗ୍ରାମର ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଆଳି ଲୁଣା ତଟବନ୍ଧ ବିଭାଗ, ଜଳ ସମ୍ପଦ ବିଭାଗ, ଜିଲା ପ୍ରଶାସନର ପ୍ରତିନିଧିମାନେ ସେଠାରେ ପହଞ୍ଚତ୍ ଅଗ୍ନିକାଣ୍ଡର ତଦନ୍ତ ଆରମ୍ଭ କରିଛନ୍ତି। ଜିଓ ଟ୍ୟୁବ୍‌ ୱାଲରେ ଦୁର୍ଘଟଣା ହେବା ଘଟଣା ନୂଆ ହୋଇ ନ ଥିବା ବେଳେ ଏହା ପୂର୍ବରୁ ୨୦୧୭ରେ ପ୍ରକଳ୍ପ ନିର୍ମାଣ ସମୟରେ ଏହାର ୨୬ ନଂ. ଟ୍ୟୁବ ଫାଟି ଯାଇଥିଲା। ପୁନର୍ବାର ପ୍ରକଳ୍ପ କାର୍ଯ୍ୟ ଶେଷ ହେବାପରେ ଗାବିଅନ ବକ୍ସର ଜାଲ ସମୁଦ୍ର ଜୁଆର ମାଡ଼ରେ ଛିଡ଼ିିବା ନେଇ ଅଭିଯୋଗ ହୋଇଥିଲା। ଏହି ପ୍ରକଳ୍ପ ନିର୍ମାଣରେ ବହୁ କୋଟି ଟଙ୍କାର ଅନିୟମିତତା ହୋଇଥିବା ନେଇ ସେତେବେଳେ ଅଭିଯୋଗ ହୋଇଥିଲା। ୱାଲ ନିର୍ମାଣ ପରେ ତଟବର୍ତ୍ତୀ ଅଞ୍ଚଳରେ ବାଲି ପଡ଼ି ନ ଥିବା ଜଣାପଡିଥିଲା। ମାତ୍ର ୨ ବର୍ଷ ପୂର୍ବେ ଏହି ପ୍ରକଳ୍ପର ନିର୍ମାଣ କାର୍ଯ୍ୟ ଶେଷ ହୋଇଥିବା ବେଳେ ଏବେ ବାରମ୍ବାର ଦୁର୍ଘଟଣା ଘଟୁଥିବାରୁ ୩୩ କୋଟି ଟଙ୍କାର ଏହି ପ୍ରକଳ୍ପର ଫେଲ୍‌ ହୋଇଯାଇଥିବା ଅଭିଯୋଗ ହୋଇଛି। ଏହି ବିଫଳ ପ୍ରକଳ୍ପର କଳାକାରନାମାକୁ ଘୋଡାଇବା ପାଇଁ ଏବେ ଉଦ୍ୟମ ଚାଲିଥିବା ନେଇ ସାଧାରଣରେ ଚର୍ଚ୍ଚା ହେଉଛି। ଅପରପକ୍ଷେ ଜିଓ ଟ୍ୟୁବ୍‌ରେ ନିଆଁ ଲାଗିବା ଦ୍ୱାରା ସମୁଦ୍ର ନିକଟସ୍ଥ ୫୬ଟି ଗ୍ରାମରେ ବସବାସ କରୁଥିବା ୬୦ ହଜାରରୁ ଊର୍ଦ୍ଧ୍ୱ ଲୋକଙ୍କ ସୁରକ୍ଷା ଚିନ୍ତା ବଢ଼ିଯାଇଛି।
ସୂଚନାଯୋଗ୍ୟ, ରାଜ୍ୟର ମୋଟ ୪୮୦ କି.ମି. ତଟାଞ୍ଚଳ ମଧ୍ୟରୁ ପ୍ରାୟ ୪୦ କିଲୋମିଟର ସ୍ଥାନରେ ସମୁଦ୍ର ଜଳପତ୍ତନ ଉଚ୍ଚା ହୋଇ ସ୍ଥଳଭାଗକୁ ମାଡି ଆସୁଛି। ଏହି କାରଣରୁ କେନ୍ଦ୍ରାପଡା ଜିଲାର ସାତଭାୟା ପଞ୍ଚାୟତର ୫ଟି ଗ୍ରାମ ସମୁଦ୍ର ଗର୍ଭରେ ଲୀନ ହୋଇଯାଇଛି। ପେଣ୍ଠଠାରେ ସମୁଦ୍ର ପ୍ରତିବର୍ଷ ୧୨ ମିଟର ସ୍ଥଳଭାଗକୁ ମାଡି ଆସୁଥିଲା। ଏଠାରେ ସମୁଦ୍ରର ଜଳ ପତ୍ତନ ପ୍ରାୟ ୩ ମିଟର ଉଚ୍ଚା ହୋଇଥିବାରୁ ୱାଲର୍‌ଡ ବ୍ୟାଙ୍କର ଅନୁଦାନରେ ୭ ମିଟର ଉଚ୍ଚ ବିଶିଷ୍ଟ ଜିଓ ଟ୍ୟୁବ ୱାଲ ନିର୍ମାଣ କରାଯାଇଥିଲା। ପ୍ରାଥମିକସ୍ତରରେ ୭୦୦ ମିଟର ଲମ୍ବର ଜିଓ ଟ୍ୟୁବ୍‌ ନିର୍ମାଣ ହେବାକୁ ଥିବାବେଳେ ପରବର୍ତ୍ତୀ ସମୟରେ ଏହାକୁ ୫୦୫ ମିଟର ଲମ୍ବରେ ସୀମିତ ରଖାଯାଇଥିଲା। ୨୦୦୯ ଜାନୁୟାରୀ ୩୦ରେ ମୁଖ୍ୟମନ୍ତ୍ରୀ ଏହି ପ୍ରକଳ୍ପର ଶିଳାନ୍ୟାସ କରିଥିଲେ। ଏହି ଜିଓ ଟ୍ୟୁବରେ ବାଲି ପୂରାଇ ବିଛାଯିବା ସହ ସୁରକ୍ଷା ପାଇଁ ୧୬ ମିଲିମିଟରର ସିନ୍ଥେଟିକ ଜାଲ ମଧ୍ୟରେ ପଥର ରଖାଯାଇଛି।
ଏ ସମ୍ପର୍କରେ ପେଣ୍ଠ ଗ୍ରାମର କୃତିବାସ ସ୍ବାଇଁ କୁହନ୍ତି, ଟ୍ୟୁବ୍‌ରେ ନିଆଁ ଲାଗିବା ପରେ ପେଣ୍ଠ, ଏଣ୍ଡୁଳାସାହି, ପ୍ରସନ୍ନପୁର, ସୁନ୍ଦୁରୀପାଳ, ଖଣ୍ଡମରା ଗ୍ରାମର ଭଳି ବହୁ ଗ୍ରାମର ଲୋକେ ସେମାନଙ୍କ ସୁରକ୍ଷାକୁ ନେଇ ଚିନ୍ତିତ ହୋଇପଡିଛନ୍ତି।
ପୂର୍ବରୁ ତଟକ୍ଷୟ ଯୋଗୁ ସ୍ଥାନୀୟ ଲୋକେ ବ୍ୟସ୍ତବିବତ୍ର ରହୁଥିବା ବେଳେ ପ୍ରକଳ୍ପ ନିର୍ମାଣ ପରେ ଗ୍ରାମବାସୀ କିଛି ଆଶ୍ୱସ୍ତି ଲାଭ କରିଥିଲେ। ଏବେ ଧନ ଜୀବନ ପୁଣି ସଙ୍କଟରେ ରହିଥିବା ନେଇ ସେ ଆଶଙ୍କା ବ୍ୟକ୍ତ କରିଛନ୍ତି।
ସେହିପରି ପ୍ରସନ୍ନପୁରର ଦଇତାରୀ ସାମଲ କହିଛନ୍ତି, ପ୍ରକଳ୍ପ ନିର୍ମାଣ ଆରମ୍ଭରୁ ବିଭିନ୍ନ କ୍ଷେତ୍ରରେ ଅନିୟମିତତା ହୋଇଛି। ଉପଯୁକ୍ତ ସାମଗ୍ରୀ ବ୍ୟବହାର ହୋଇ ନ ଥିବା ବେଳେ ବୈଷୟିକ କୌଶଳ ପାଇଁ କୌଣସି ଇଞ୍ଜିନିୟର ସବୁ ସମୟରେ ରହୁ ନ ଥିଲେ। ଦୁର୍ବଳ ପ୍ରକଳ୍ପ ପାଇଁ ପଥର ଭାସି ଯାଉଛି। ଏଠାରେ ବନ୍ଧ ପରେ ବାଲି ୫୦୦ ମିଟର ଯାଏଁ ଆପଣା ଛାଏଁ ପଡିବ ବୋଲି ଦର୍ଶାଯାଇଥିଲେ ମଧ୍ୟ ଅଦ୍ୟାବଧି କୌଣସି ସୁଫଳ ହୋଇନାହିଁ ବୋଲି ସାମଲ ଅଭିଯୋଗ କରିଛନ୍ତି।
ଏହି ପ୍ରକଳ୍ପ ବିଫଳ ହୋଇଥିବାରୁ ଏହାର କଳାକାରନାମା ଲୁଚାଇବା ପାଇଁ ବିଭାଗୀୟ କର୍ମଚାରୀଙ୍କ ଦ୍ୱାରା ନିଆଁ ଲଗାଯାଇଛି ବୋଲି ବୁଦ୍ଧିଜୀବୀ ବିଧୁଭୂଷଣ ମହାପାତ୍ର, ବାନାମ୍ବର ସାହୁ, ରାଧାକାନ୍ତ ମହାନ୍ତି, ଆଳୟ ସାମନ୍ତରାୟ ପ୍ରମୁଖ କହିଛନ୍ତିି। ନିଆଁ ଲାଗିବାର କାରଣ ଏବେ ଅନୁସନ୍ଧାନ ଚାଲିଛି ବୋଲି ଆଳି ଲୁଣା ତଟବନ୍ଧ ନିର୍ବାହୀ ଯନ୍ତ୍ରୀ ପୂର୍ଣ୍ଣଚନ୍ଦ୍ର ରଥ କହିଛନ୍ତି।


All Right Reserved By

ହରିଣ ମାଂସ ଜବତ: ୨ ଅଟକ

ଆନନ୍ଦପୁର,୨୬।୮(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ଥାନା ତନେଇପାଳ ଗ୍ରାମରୁ ସୋମବାର ୨ ଶିକାରୀଙ୍କୁ ବନ ବିଭାଗ କାବୁ କରିବା ସହିତ ସେମାନଙ୍କଠାରୁ କଟା ହରିଣ ମାଂସ...

ଭଙ୍ଗା ଘରେ ଚାଲିଛି ପାଠ ପଢ଼ା

ତେଲକୋଇ, ୨୨।୮(ଡି.ଏନ.ଏ.)-ତେଲକୋଇ ମୁଖ୍ୟାଳୟରେ ରହିଛି ସର୍ବ ପୂରାତନ ସରକାରୀ ବାଳକ ଉଚ୍ଚ ବିଦ୍ୟାଳୟ । ଏହି ବିଦ୍ୟାଳୟ ଏବେ ଜରାଜୀର୍ଣ୍ଣ ଅବସ୍ଥାରେ ରହୁଥିବା ବେଳେ ଶ୍ରେଣୀ...

ସମୀକ୍ଷା ହେଲେ ରଜ କୁଇନ୍‌

ତିହିଡ଼ି, ୧୫।୬ (ଡି.ଏନ.ଏ.) : ଭଦ୍ରକ ଜିଲା ତିହିଡ଼ି ବ୍ଲକ ଅନ୍ତର୍ଗତ ମୁକୁନ୍ଦପୁର ପଞ୍ଚାୟତ ଚଉଁରୀ ଗଁ।ରେ ଶୁକ୍ରବାର ରଜବତୀ ସାହିତ୍ୟ ସଂସ୍କୃତି ଅନୁଷ୍ଠାନ ପକ୍ଷରୁ...

୧୧ରୁ ରଙ୍ଗଶାଳାର ଜାତୀୟ ନାଟକ ମହୋତ୍ସବ: ନଳିନୀ ନିହାରୀ ନାୟକ ପାଇବେ ବ୍ୟୋମକେଶ ସମ୍ମାନ

ପୁରୀ ଅଫିସ, ୧୦ା୮: ଶ୍ରୀକ୍ଷେତ୍ରର ଅଗ୍ରଣୀ ନାଟ୍ୟଅନୁଷ୍ଠାନ ରଙ୍ଗଶାଳା ଆନୁକୂଲ୍ୟରେ ୧୨ତମ ଜାତୀୟ ନାଟକ ମହୋତ୍ସବ ଆସନ୍ତା ୧୧ତାରିଖରୁ ଅନୁଷ୍ଠିତ ହେବ। ଅନ୍ନପୂର୍ଣ୍ଣା ରଙ୍ଗମଞ୍ଚରେ ୫ଦିନ...

ରବିବାରଠାରୁ ଖୁଦୁରୁକୁଣୀ ଓଷା: ଭାଇର ଶୁଭ ମନାସି ମା’ ମଙ୍ଗଳାଙ୍କୁ ପୂଜା କରିବେ ଭଉଣୀ

କେନ୍ଦୁଝର.୧୭।୮(ସ୍ବ.ପ୍ର.): ରବିବାରଠାରୁ ଆରମ୍ଭ ହେଉଛି ମା’ ମଙ୍ଗଳାଙ୍କ ଖୁଦୁରୁକୁଣୀ ଓଷା। ଭାଇର ଶୁଭ ମନାସି ଭଉଣୀମାନେ ପାରମ୍ପରିକ ରୀତିରେ ପୂଜାର୍ଚ୍ଚନା କରି ବ୍ରତ ରଖିଥାନ୍ତି। ଏ...

ଶକ୍ତିମନ୍ତ୍ରୀଙ୍କୁ ଓଡ଼ିଶା ରାଜ୍ୟ ବିଦ୍ୟୁତ୍‌ ଶ୍ରମିକ କର୍ମଚାରୀ ସଂଘର ଦାବିପତ୍ର

ଭବାନୀପାଟଣା,୧୧।୮(ଡି.ଏନ.ଏ.) ଭବାନୀପାଟଣା ସହରସ୍ଥିତ ସର୍କିଟ ହାଉସଠାରେ ଓଡିଶା ରାଜ୍ୟ ବିଦ୍ୟୁତ୍‌ ଶ୍ରମିକ କର୍ମଚାରୀ ସଂଘ ପକ୍ଷରୁ ଏକ ପ୍ରତିନିଧି ଦଳ ଶକ୍ତି ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର...

ଉଠା ସେଚ ପ୍ରକଳ୍ପ ଅଚଳ, ଚାଷୀ ହତାଶ

କେନ୍ଦୁଝର, ୫ା୮(ସ୍ବ.ପ୍ର.) : କେନ୍ଦୁଝର ଜିଲାରେ ଅନିୟମିତତା ବର୍ଷା ଯୋଗୁ ଚଳିତ ବର୍ଷ ଚାଷ କାର୍ଯ୍ୟ ବ୍ୟାହତ ହୋଇଛି। ଫଳରେ ଚାଷୀମାନେ ଚିନ୍ତାରେ ରହିଛନ୍ତି। ଚାଷ...

ସ୍ତନ୍ୟପାନ ସପ୍ତାହରେ ଫଳ, ଔଷଧ ବଣ୍ଟନ

ବ୍ରହ୍ମପୁର ଅଫିସ୍‌,୩ା୮-ଫ୍ରେଣ୍ଡ୍‌ସ ହେଲ୍‌ପିଂ କ୍ଲବ ତରଫରୁ ସ୍ଥାନୀୟ ଗିରି ମାର୍କେଟ ସ୍ନେହମ୍‌ ହଲ୍‌ରେ ଶୁକ୍ରବାର ସକାଳେ ବିଶ୍ୱ ସ୍ତନ୍ୟପାନ ସପ୍ତାହ ପାଳନ କରାଯାଇଛି। ଭାରତୀୟ ଶିଶୁ...

selfi corner

Model This Week

Why Dharitri

Leave a comment

Your email address will not be published. Required fields are marked *