ଗୁଣି ସନ୍ଦେହରେ ଗଡୁଛି ନିରୀହ ଜୀବନ: ୧୫ ମୃତ, ୨୩ ଗୁରୁତର ଆହତ

କେନ୍ଦୁଝର, ୨୫ା୮ (ସ୍ବ.ପ୍ର.)-ରାଜ୍ୟରେ ଗୁଣିଗାରେଡି ଓ ଡାହାଣୀ ସନ୍ଦେହରେ ହତ୍ୟା ରୋକିବା ପାଇଁ ସରକାର ବ୍ୟାପକ ପଦକ୍ଷେପ ଗ୍ରହଣ କରିଛନ୍ତି। ଏହାକୁ ନେଇ ଜନସଚେତନତା କାର୍ଯ୍ୟକ୍ରମ ଆୟୋଜନ ସହିତ କଡ଼ା ଆଇନ ପ୍ରଣୟନ କରିଛନ୍ତି। ଏହା ସତ୍ତ୍ୱେ ନିରୀହ ଲୋକଙ୍କ ଉପରେ ଗୁଣିଗାରେଡି ସନ୍ଦେହରେ ଆକ୍ରମଣ ଓ ହତ୍ୟା ରୋକାଯାଇ ପାରୁ ନ ଥିବାରୁ ଅସନ୍ତୋଷ ବୃଦ୍ଧି ପାଉଛି ା ଗୁଣିଗାରେଡି ସନ୍ଦେହରେ ବାମେବାରୀ ଥାନା ଅନ୍ତର୍ଗତ ନୟାଗଡ ଗ୍ରାମରେ ଦୁଇ ଜଣ ନିରୀହ ଆଦିବାସୀଙ୍କ ହତ୍ୟା ଘଟଣାରେ ଅଭିଯୁକ୍ତମାନେ ଗିରଫ ହୋଇ କୋର୍ଟ ଚାଲାଣ ହେଲେ। କିନ୍ତୁ ସରଳ ଦୁଇ ଆଦିବାସୀ ସବୁଦିନ ପାଇଁ ଆଖିବୁଜିଲେ। ଏଣୁ ଏଭଳି ଘୃଣ୍ୟ ଅପରାଧକୁ ରୋକିବା ସହ ସମ୍ପୂର୍ଣ୍ଣ ବନ୍ଦ କରିବା ପାଇଁ ଅଧିକ ଜନସଚେତନ ସୃଷ୍ଟି କରିବା ସହ ଆଇନକୁ ଅଧିକ କଡ଼ାକଡ଼ିି କରିବା ଓ ଏହାର ଅଧିକ ପ୍ରଚାର ଓ ପ୍ରସାର କରିବାକୁ ଦାବି ହେଉଛି।
ପୋଲିସ ବିଭାଗ ତଥ୍ୟ ଅନୁଯାୟୀ କେନ୍ଦୁଝର ଜିଲାରେ ୨୦୧୯ରେ ସମୁଦାୟ ୮ଟି ଗୁଣିଗାରେଡି ଘଟଣା ଘଟିଥିବା ବେଳେ ଅଦ୍ୟାବଧି ୨ ଜଣଙ୍କ ମୃତ୍ୟୁ ଘଟିଛି ା ୨୦୧୮ରେ ୧୩ ଟି ଘଟଣା ଘଟିଥିବା ବେଳେ ୬ ଜଣ ଙ୍କ ମୃତ୍ୟୁ ହୋଇଥିବା ବେଳେ ୬ ଜଣ ଗୁରୁତର ଆହତ ହୋଇଥିଲେ। ୨୦୧୭ ରେ ସମୁଦାୟ ୮ ଟି ଗୁଣିଗାରେଡି ଘଟଣାରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୧୭ ଜଣ ଗୁରୁତର ଆହତ ହୋଇଥିଲେ ା ଗୁଣିଗାରେଡି ରୋକିବା ଏବଂ ଏହା ଦ୍ୱାରା ଆକ୍ରମଣର ଶିକାର ହୋଇଥିବା ଲୋକଙ୍କ ସ୍ମୃତିରେ କେନ୍ଦୁଝର ଏସପି ଅଫିସ ପରିସରରେ ଏକ ମେମୋରିଆଲକୁ ପୂର୍ବତନ ଡିଜି ଗତ ମାର୍ଚ୍ଚ ମାସରେ ଉନ୍ମୋଚନ କରିଥିଲେ ଏବଂ ଶିକାର ହୋଇଥିବା ଲୋକଙ୍କୁ ଡାକି ସମ୍ବେଦନା ଜ୍ଞାପନ କରାଯାଇଥିଲା। ଏହା ସତ୍ତ୍ୱେ ଏହି ହୀନ ଘଟଣା ରୋକାଯାଇପାରୁନାହିଁ ା
ଗତ ତିନି ବର୍ଷରେ ୨୯ଟି ଗୁଣିଗାରେଡି ଘଟଣାରେ ସମୁଦାୟ ୧୫ ଜଣ ନିରୀହ ଲୋକ ପ୍ରାଣ ହରାଇଥିବା ବେଳେ ୨୩ ଜଣ ଗୁରୁତର ଆହତ ହୋଇଛନ୍ତି। ପୂର୍ବ ବର୍ଷ ତୁଳନାରେ ପରବର୍ତ୍ତୀ ବର୍ଷରେ ଗୁଣିଗାରେଡିଜନିତ ଘଟଣା ଓ ମୃତାହତ ସଂଖ୍ୟା କମିଛି। ସଚେତନତା କରାଯାଉଥିବାରୁ ଏହି ସଂଖ୍ୟା କମୁଛି ବୋଲି ଡିଏସପି କ୍ରାଇମ ସୁରେଶ ଚନ୍ଦ୍ର ପାତ୍ର କହିଛନ୍ତି। ତେବେ ଏହା ସମ୍ପୂର୍ଣ୍ଣ ରୋକାଯାଇପାରୁ ନ ଥିବାରୁ ଏହାକୁ ନେଇ ସାମାଜିକ କର୍ମୀମାନେ ଚିନ୍ତା ପ୍ରକଟ କରୁଛନ୍ତି। ବିପର୍ଯ୍ୟସ୍ତ ସ୍ବାସ୍ଥ୍ୟସେବା ଗୁଣିଗାରେଡି ଜନିତ ହତ୍ୟାକାଣ୍ଡର ପ୍ରମୁଖ କାରଣ ବୋଲି ମତ ପ୍ରକାଶ ପାଉଛି ା ବିଶେଷ କରି ଗ୍ରାମାଞ୍ଚଳ ତଥା ଦୁର୍ଗମ ଆଦିବାସୀ ଅଞ୍ଚଳରେ କେହି ଜ୍ୱର ବା ରୋଗରେ ପଡିଲେ ସାଧାରଣତଃ ଲୋକମାନେ ଆଧୁନିକ ଚିକିତ୍ସା ସେବା ନ ପାଇ ବା ପାରମ୍ପରିକ ଚିକିତ୍ସା ବ୍ୟବସ୍ଥାକୁ ଭରସା କରି ଜଡିବୁଟି ଚିକିତ୍ସା କରିଥାନ୍ତି। ତେବେ ଭଲ ନ ହେଲେ ଗୁଣିଆ ଲାଗିଥିବା ବା ଡାହାଣୀ କ୍ଷତି କରିଥିବା ସନ୍ଦେହ କରି ଗୁଣିଆ ଦେଖାଇଥାନ୍ତି। ଯେତେବେଳେ ରୋଗୀ ଗୁରୁତର ହୋଇଯାଏ ଓ ବିଳମ୍ବରେ ଡାକ୍ତରଖାନା ପହଞ୍ଚେ ସେତେବେଳେ ମୃତ୍ୟୁମୁଖରେ ପଡିଥାଏ ା ଅନେକ ସମୟରେ ଡାହାଣୀ ଲାଗିବା ଯୋଗୁ ବା ପୂଜାପାଠ କରି କ୍ଷତି କରିଥିବା ସନ୍ଦେହ କରି ସନ୍ଦେହର କେନ୍ଦ୍ର ବିନ୍ଦୁ ପାଲଟିଥିବା ମହିଳା/ପୁରୁଷଙ୍କୁ ଆକ୍ରମଣ କରି ହତ୍ୟା କରିଥାନ୍ତି। ଏଣୁ ସନ୍ଦେହର କୌଣସି ସୀମା ନାହିଁ। ଫଳରେ ନିରୀହ ଲୋକମାନେ ଏହାର ଶିକାର ହୋଇ ମୃତ୍ୟୁବରଣ କରୁଥିବାରୁ ଏନେଇ ଲୋକଙ୍କୁ ଶିକ୍ଷିତ କରିବା ସହ ସହଜରେ ସ୍ବାସ୍ଥ୍ୟ ସେବା ଯୋଗାଇଦେବା, ପୂର୍ବରୁ ଖବର ରଖି ସଚେତନ କରିବା ଭଳି ପଦକ୍ଷେପ ନେବା ଆବଶ୍ୟକ ବୋଲି ପୂର୍ବତନ କେନ୍ଦ୍ର ସରକାରଙ୍କ କ୍ଷେତ୍ର ପ୍ରଚାର ଅଧିକାରୀ ଅଲେଖ ଚନ୍ଦ୍ର ପାତ୍ର ମତବ୍ୟକ୍ତ କରିଛନ୍ତି।
ଫଟୋ-
ନ୍ଦେୁଝର ଠାରେ ଥିବା ସ୍ମୃତି ପୀଠ।


All Right Reserved By Dharitri.Com

ପରିଣତ ବୟସରେ ଆବାସ ଯୋଜନାରୁ ବଞ୍ଚିତ କଳାକାର, ଘର ଖଣ୍ଡିଏ ପାଇଁ ଗୁହାରି ସତ୍ତ୍ୱେ ପ୍ରଶାସନର ନିଦ ଭାଙ୍ଗୁନି

କେନ୍ଦୁଝର,୨୪।୧୨(ସ୍ବ.ପ୍ର.): ସରକାର ଗରିବମାନଙ୍କୁ ପକ୍କା ଘର ଯୋଗାଇ ଦେବା ଲାଗି ଆବାସ ଯୋଜନା କରିଛନ୍ତି। ହେଲେ ଆଜି ବି ରାଜ୍ୟର ଅନେକ ଯୋଗ୍ୟ ହିତାଧିକାରୀ ଏଥିରୁ...

ପୁନରୁଦ୍ଧାର ହେଉନି ନାଗସରା ପୋଖରୀ

ହାଟଡିହୀ, ୭ା୧୧(ଡି.ଏନ.ଏ.)-କେନ୍ଦୁଝର ଜିଲା ହାଟଡ଼ିହୀ ବ୍ଲକ ସୋସୋ ପଞ୍ଚାୟତ ସୋସୋ ଗ୍ରାମର ନାଗସରା ପୋଖରୀ ବହୁବର୍ଷ ଧରି ପରିତ୍ୟକ୍ତ ଅବସ୍ଥାରେ ପଡ଼ିରହିଛି। ପୋଖରୀଟି ଧୀରେ ଧୀରେ...

ଅଙ୍ଗନଓ୍ବାଡି ଶିଶୁକୁ ମାଡ଼ ଘଟଣା: ଅଭିଯୁକ୍ତ ଗିରଫ

ଆନନ୍ଦପୁର/ହାଟଡିହୀ,୭।୧୧(ସ୍ବ.ପ୍ର./ଡି.ଏନ୍‌.ଏ.): କେନ୍ଦୁଝର ଜିଲା ଆନନ୍ଦପୁର ଥାନା ଅନ୍ତର୍ଗତ ବଞ୍ଚୋ ପଞ୍ଚାୟତ ଶିବନାରାୟଣପୁର ୧ ନଂ. ଅଙ୍ଗନଓ୍ବାଡି କେନ୍ଦ୍ରରେ ଜଣେ ଅଭିଭାବକଙ୍କ ଦ୍ୱାରା ଶିଶୁକୁ ମାଡ ମରାଯିବା...

ଉଠା ସେଚ ପ୍ରକଳ୍ପ ଅଚଳ, ଚାଷୀ ହତାଶ

କେନ୍ଦୁଝର, ୫ା୮(ସ୍ବ.ପ୍ର.) : କେନ୍ଦୁଝର ଜିଲାରେ ଅନିୟମିତତା ବର୍ଷା ଯୋଗୁ ଚଳିତ ବର୍ଷ ଚାଷ କାର୍ଯ୍ୟ ବ୍ୟାହତ ହୋଇଛି। ଫଳରେ ଚାଷୀମାନେ ଚିନ୍ତାରେ ରହିଛନ୍ତି। ଚାଷ...

କୀଟନାଶକ ପିଇ ମହିଳା ମୃତ, ପୋଲିସର ତଦନ୍ତ ଆରମ୍ଭ

କେନ୍ଦୁଝର,୬।୯(ସ୍ବ.ପ୍ର.): କେନ୍ଦୁଝର ଜିଲା ହରିଚନ୍ଦନପୁର ଥାନା ସୁନାପେଣ୍ଠ ପଞ୍ଚାୟତ କଣ୍ଟୁଳା ଗ୍ରାମ ପଙ୍ଗାପଶି ସାହିରେ କୀଟନାଶକ ପିଇ ଶୁକ୍ରବାର ଜଣଙ୍କର ମୃତ୍ୟୁ ଘଟିଛି। ସେ ହେଲେ...

ଥମୁନି ହାତୀ ଉପଦ୍ରବ: ମଞ୍ଚାରେ କଟୁଛି ରାତି

କେନ୍ଦୁଝର,୧୪।୮( ସ୍ବ.ପ୍ର.)-ଦିନରେ କଠିନ ପରିଶ୍ରମ ଓ ରାତିରେ ହାତୀ ପାଇଁ ଉଜାଗର । ଏଭଳି କଷ୍ଟ ଯନ୍ତ୍ରଣାରେ ଗରିବ ଚାଷୀ ମାନେ ଦିନ ଓ ରାତି...

ସିଦ୍ଧ ମଠରେ ସିଦ୍ଧ ଜଗନ୍ନାଥ

କେନ୍ଦୁଝର, ୧୫।୯(ଡି.ଏନ.ଏ.)-କେନ୍ଦୁଝରର ଜଗନ୍ନାଥ ସଂସ୍କୃତିର ଆରମ୍ଭ ବିଷୟରେ କୌଣସି ଠିକ୍‌ ତଥ୍ୟ ନ ଥିବା ପୁରୁଣାକାଳିଆ ଲୋକମାନେ କୁହନ୍ତି। ତେବେ ଜନଶ୍ରୁତି ଅନୁସାରେ କେନ୍ଦୁଝର ସହରଠାରୁ...

୭ନଂ ଓ୍ବାର୍ଡରେ ପରିମଳ ବ୍ୟବସ୍ଥା ବିପର୍ଯ୍ୟସ୍ତ

ଯୋଡ଼ା, ୧୪।୮(ଡି.ଏନ.ଏ.): କେନ୍ଦୁଝର ଜିଲା ଯୋଡା ପୌରପାଳିକାର ୭ନଂ ଓ୍ବାର୍ଡରେ ପରିମଳ ବ୍ୟବସ୍ଥା ବିପର୍ଯ୍ୟସ୍ତ ହୋଇଥିବା ଅଭିଯୋଗ ହୋଇଛି । ଉକ୍ତ ଓ୍ବାର୍ଡର ପୋଷ୍ଟ ଓଫିସ...

Leave a comment

Your email address will not be published. Required fields are marked *