‘ମେକ୍‌ ଇନ୍‌ ଓଡ଼ିଶା’ କନ୍‌କ୍ଲେଭ୍‌ ଭୁଆଁ

ଭୁବନେଶ୍ୱର,୨୪।୮(ବ୍ୟୁରୋ): ହାଇଦ୍ରାବାଦର ରାମୋଜୀ ଫିଲ୍ମ ସିଟି ଢାଞ୍ଚାରେ ଓଡ଼ିଶାରେ ନିର୍ମାଣ ହେବ ଏକ ବୃହତ୍‌ ଫିଲ୍ମ ସିଟି। ଫିଲ୍ମ ସିଟିରେ ଏକାଧିକ ଫିଲ୍ମ ଷ୍ଟୁଡିଓ କମ୍ପ୍ଲେକ୍ସ ସହ ବଡ ବଡ ଲକ୍ଜୁରୀ ତଥା ତାରକା ହୋଟେଲ, ମଲ୍ଟି କୁଇଜିନ୍‌ ରେଷ୍ଟୁରାଣ୍ଟ, ବିଭିନ୍ନ ପ୍ରକାର ପ୍ରାକୃତିକ ଓ କୃତ୍ରିମ ପରିବେଶର ମନଲୋଭା ଦୃଶ୍ୟର ମଜା ନେଇପାରିବେ ଦର୍ଶକ। କେବଳ ଏତିକି ନୁହେଁ, ଆମ୍ୟୁଜମେଣ୍ଟ ପାର୍କ ସହ ଆକର୍ଷଣୀୟ ଗାଲିଚା, କୃତ୍ରିମ ହ୍ରଦ, ଝରଣା, ମନ୍ଦିର, ପ୍ୟାଲେସ୍‌, ରେକର୍ଡିଂ ରୁମ୍‌ ଓ ଥିଏଟର ଇତ୍ୟାଦି ଅନ୍ୟତମ ଆକର୍ଷଣ ସାଜିବ। ଚିଲିକାରେ ହେବାକୁ ଥିବା ଏହି ଫିଲ୍ମ ସିଟି ଦେଖିବାକୁ ଦେଶ ବିଦେଶର ପର୍ଯ୍ୟଟକ ଓଡ଼ିଶା ଆସିବେ। ୨୦୧୭ ରେ ରାଜ୍ୟବାସୀଙ୍କୁ ଏଭଳି ସ୍ବପ୍ନ ଦେଖାଇଥିଲେ ରାଜ୍ୟ ସରକାର। ହେଲେ ସ୍ବପ୍ନ ସ୍ବପ୍ନରେ ହିଁ ରହିଗଲା। ନୂଆ ଫିଲ୍ମ ଷ୍ଟୁଡିଓ ତ ଦୂରର କଥା କଳିଙ୍ଗ ଷ୍ଟୁଡିଓକୁ ବି ଠିକ୍‌ ଭାବେ ସଜଡ଼ାଗଲା ନାହିଁ। ଫଳରେ ଏବେ ବି ଫିଲ୍ମ ଶୁଟିଂ ହେଉ କି ଷ୍ଟୁଡିଓ ବୁଲିବା ହେଉ ଅନ୍ୟ ରାଜ୍ୟ ଉପରେ ନିର୍ଭର କରୁଛି ଓଡ଼ିଶା। ଶିଳ୍ପ ସହ ପର୍ଯ୍ୟଟନର ବିକାଶ ପାଇଁ ଥିମ୍‌ ପାର୍କରୁ ଆରମ୍ଭ କରି ଆମ୍ୟୁଜମେଣ୍ଟ ପାର୍କ ଓ ଫିଲ୍ମ ଷ୍ଟୁଡିଓ ନିର୍ମାଣ ପର୍ଯ୍ୟନ୍ତ, ସରକାର ଏକାଧିକ ଯୋଜନା କରୁଥିଲେ ମଧ୍ୟ ତାହା କେବଳ ଘୋଷଣାରେ ସୀମିତ ରହିଯାଉଛି।
୫ ହଜାର କୋଟି ଟଙ୍କା ବ୍ୟୟରେ ଫିଲ୍ମ ସିଟି ଭଳି ଏକ ମେଗା ପ୍ରୋଜେକ୍ଟ ଓଡ଼ିଶାରେ କରିବାକୁ ୨୦୧୭ ‘ମେକ୍‌ ଇନ୍‌ ଓଡ଼ିଶା’ କନ୍‌କ୍ଲେଭ୍‌ରେ ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଥିଲା ‘ଗ୍ରୁପ୍‌ ଅଫ୍‌ ବମ୍ବେ’। ୨୦୧୬ରେ ବଲିଉଡ୍‌ ଫିଲ୍ମ ପ୍ରଯୋଜକ ମୁସ୍ତାକ୍‌ ନାଡିଆଓ୍ବାଲା ପ୍ରଥମେ ଏଥିପାଇଁ ପ୍ରସ୍ତାବ ଦେଇଥିବା ବେଳେ ମେକ୍‌ ଇନ୍‌ ଓଡ଼ିଶା କନ୍‌କ୍ଲେଭ୍‌ରେ ଏହି ଇନ୍‌ଭେଷ୍ଟମେଣ୍ଟ ପାଇଁ ରାଜ୍ୟ ସରକାର ଗ୍ରୀନ୍‌ ସିଗ୍‌ନାଲ ଦେଇଥିଲେ। ୧ ହଜାର ଏକର ଜମିରେ ନିର୍ମିତ ହେବାକୁ ଥିବା ଏହି ଚିଲିକା ଫିଲ୍ମ ସିଟି ପାଇଁ ହାଇଦ୍ରାବାଦ ପରେ ଓଡ଼ିଶା ସମଗ୍ର ବିଶ୍ୱରେ ଫିଲ୍ମ ମେକରଙ୍କ ପାଇଁ ପ୍ରମୁଖ ଡେଷ୍ଟିନେଶନରେ ପରିଣତ ହେବ ବୋଲି କୁହାଯାଇଥିଲା। ଜଣେ ନିର୍ମାତା କେବଳ ନିଜ ସ୍କ୍ରିପ୍ଟ ସହ ଏହା ମଧ୍ୟରେ ପ୍ରବେଶ କରିବା ପରେ ପୂରା ଫିଲ୍ମ ସହ ବାହାରକୁ ଆସିଥାନ୍ତା। କେବଳ ଫିଲ୍ମ ଜଗତ ନୁହେଁ, ଓଡ଼ିଶା ପର୍ଯ୍ୟଟନ ପାଇଁ ମଧ୍ୟ ଏହା ବିଶେଷ ଲାଭଦାୟକ ହେବାସହ ପର୍ଯ୍ୟଟନର ଏକ ବୃହତ୍‌ ଉତ୍ସରେ ପରିଣତ ହୋଇଥାନ୍ତା। ଫିଲ୍ମ ନିର୍ମାଣ ପାଇଁ ରାଜ୍ୟରେ ଥିବା ଏକମାତ୍ର କଳିଙ୍ଗ ଷ୍ଟୁଡିଓ ୧୯୯୯ ବାତ୍ୟାରେ ସମ୍ପୂର୍ଣ୍ଣ ଧ୍ୱଂସ ହୋଇ ପଡିଥିବା ବେଳେ ଏହାର ମରାମତି ଆଜି ପର୍ଯ୍ୟନ୍ତ ହୋଇପାରୁନାହିଁ। ଯେଉଁ ଗୋଟିଏ ଷ୍ଟୁଡିଓ ରହିଛି ସେଥିରେ ଅଧିକାଂଶ ସମୟରେ କଁା ଭଁା ଧାରାବାହିକ ଶୁଟିଂ ହେଉଥିବା ବେଳେ ଫିଲ୍ମ ନିର୍ମାତାମାନେ ଏଠାକୁ ଆସିବାକୁ ଅମଙ୍ଗ ହେଉଛନ୍ତି। ଏହା ମଧ୍ୟରେ ଥିବା ଭିଲେଜ୍‌ କମ୍ପ୍ଲେକ୍ସ ଏବଂ ଭାଙ୍ଗିରୁଜି ଯାଇଥିବା ଘରଗୁଡିକୁ କିଛିଦିନ ତଳେ ସଜଡ଼ା ଯାଇଥିବା ବେଳେ ବାତ୍ୟା ଫନୀରେ ତାହା ବି ଭାଙ୍ଗିଯାଇଛି। ଏଭଳିସ୍ଥଳେ ଫିଲ୍ମ ନିର୍ମାଣ କରିବାକୁ ନିର୍ଦ୍ଦେଶକ ଏବଂ ପ୍ରଯୋଜକମାନଙ୍କୁ ବାହାର ରାଜ୍ୟ ଉପରେ ନିର୍ଭର କରିବାକୁ ପଡୁଛି। ଅଧିକାଂଶ ପ୍ରଯୋଜକ ରାମୋଜୀ ଫିଲ୍ମ ସିଟିକୁ ଶୁଟିଂ ପାଇଁ ଯାଉଛନ୍ତି। ଏଭଳିସ୍ଥିତିରେ ଯଦି ଏହି ଫିଲ୍ମ ସିଟି ନିର୍ମାଣ ହୋଇଥାନ୍ତା ତାହା ହେଲେ ଓଡ଼ିଆ ନିର୍ମାତାମାନଙ୍କୁ ଆଉ ବାହାରକୁ ଯିବାକୁ ପଡି ନ ଥାନ୍ତା। ଯିବା ଆସିବା ଖର୍ଚ୍ଚରୁ ମୁକ୍ତି ମିଳିବା ସହ ସ୍ବଳ୍ପ ବଜେଟ୍‌ରେ ଫିଲ୍ମ ନିର୍ମାଣ ହୋଇପାରନ୍ତା। କେବଳ ଏତିକି ନୁହେଁ, ଓଡ଼ିଶା ଯୁବପିଢିଙ୍କ ପାଇଁ ବିପୁଳ ନିଯୁକ୍ତି ସୁଯୋଗ ମଧ୍ୟ ସୃଷ୍ଟି ହୋଇଥାନ୍ତା। ହେଲେ ଏହା ମଧ୍ୟରେ ୩ ବର୍ଷ ବିତିଯାଇଥିଲେ ମଧ୍ୟ ନିର୍ମାଣ ତ ଦୂରର କଥା ଏ ପର୍ଯ୍ୟନ୍ତ ଜମି ଅଧିଗ୍ରହଣ ବି ହୋଇପାରିଲା ନାହିଁ। ଏ ନେଇ ପଚାରିବାରେ କାହାପାଖରେ କିଛି ଉତ୍ତର ନ ଥିବା ବେଳେ ବିଭାଗଗୁଡ଼ିକ ପରସ୍ପର ଉପରେ ଦୋଷ ଲଦି ଦେଇ ଚୁପ୍‌ ହୋଇ ବସି ଯାଉଛନ୍ତି। ସିନେ ସମୀକ୍ଷକ ଦିଲୀପ ହାଲିଙ୍କୁ ପଚାରିବାରେ, ଓଡ଼ିଆ ସିନେମାର ଏବେ ଯେଉଁଭଳି ଅବସ୍ଥା ରହିଛି ସେଥିପାଇଁ ଏକ ଷ୍ଟୁଡିଓ ନିହାତି ଆବଶ୍ୟକ। ଫିଲ୍ମ ଷ୍ଟୁଡିଓ ଯେତେଶୀଘ୍ର ନିର୍ମାଣ ହୋଇଥାନ୍ତା ଇଣ୍ଡଷ୍ଟ୍ରିରେ ସେତେ ଶୀଘ୍ର ପରିବର୍ତ୍ତନ ଆସିପାରିଥାନ୍ତା। ଏହାଦ୍ବାରା ଓଡ଼ିଆ ଚଳଚ୍ଚିତ୍ର ଇଣ୍ଡଷ୍ଟ୍ରି ସହ ରାଜ୍ୟର ମଧ୍ୟ ଉତ୍ତରୋତ୍ତର ବିକାଶ ଘଟିଥାନ୍ତା ବୋଲି ସେ କହିଛନ୍ତି।


All Right Reserved By Dharitri.Com

ଖଣ୍ଡପଡ଼ାରେ ଅଜଣା ରୋଗରେ୨ଶହରୁ ଊର୍ଦ୍ଧ୍ୱ ଗୋରୁ ଆକ୍ରାନ୍ତ

ଖଣ୍ଡପଡା,୧୯।୧୦(ସ୍ବ.ପ୍ର.): ଖଣ୍ଡପଡା ବ୍ଲକ ଅନ୍ତର୍ଗତ ବିଭିନ୍ନ ପଞ୍ଚାୟତ ଅଞ୍ଚଳରେ ଗତ ୧୫ ଦିନ ମଧ୍ୟରେ ଅଜଣା ରୋଗରେ ୨ଶହରୁ ଊର୍ଦ୍ଧ୍ୱ ଗୋରୁ ଆକ୍ରାନ୍ତ ହୋଇଥିବାବେଳେ ସେମାନଙ୍କ...

ବନ୍ୟା ପ୍ରଭାବ : ଶକ୍ତି ଉତ୍ପାଦନ ପ୍ରଭାବିତ, ଦୈନିକ ୧୬ କୋଟି ବ୍ୟୟରେ କିଣାଯାଉଛି ୯୦୦ ମେଗାୱାଟ୍‌ ବିଜୁଳି

ଭୁବନେଶ୍ୱର,୯।୮(ବ୍ୟୁରୋ) : ରାଜ୍ୟରେ ବିଭିନ୍ନ ପ୍ରାନ୍ତରେ ଲଗାଣ ବର୍ଷା ଯୋଗୁ କେତେକ ସ୍ଥାନରେ ବନ୍ୟା ପରିସ୍ଥିତି ଉପୁଜିଛି। ତେଣୁ ଜଳ ବିଦ୍ୟୁତ ଶକ୍ତି ଉତ୍ପାଦନ ପ୍ରଭାବିତ...

ସରକାରୀ ବିଭାଗର ଟୁଇଟର ହ୍ୟାଣ୍ଡେଲ : ଉପଯୁକ୍ତ ପରିଚାଳନା ହୋଇପାରୁନି

ଭୁବନେଶ୍ୱର,୨୬ା୮(ବ୍ୟୁରୋ) : ଜନସାଧାରଣଙ୍କ ସମସ୍ୟା ତଥା ଅଭିଯୋଗକୁ ଗ୍ରହଣ କରି ତାହାର ସମାଧାନ କରିବା ପ୍ରଶାସନର ପ୍ରାଥମିକ ଦାୟିତ୍ୱ। ହେଲେ ପ୍ରଶାସନ ନିକଟରେ ପ୍ରତ୍ୟକ୍ଷ ଭାବେ...

ମେଡିକାଲ କଲେଜ ସ୍ଥାପନ ଦାବି ତେଜୁଛି :୧୧ରେ ନୂଆପଡା ବନ୍ଦ ଡାକରା

ନୂଆପଡା ଅଫିସ,୧୦ା୯ ନୂଆପଡା ରାଜ୍ୟର ଏକ ଉପାନ୍ତ ଜିଲା । ଏଠାରେ ଶିକ୍ଷା, ସ୍ବାସ୍ଥ୍ୟ ଭଳି ମୌଳିକ ସୁବିଧା ଲୋକଙ୍କୁ ଉପଲବ୍ଧ ହୋଇପାରୁନାହିଁ । ବିଭିନ୍ନ...

ଗଠନ ହେଲା ଲଘୁ ଖଣିଜ ନିର୍ଦ୍ଦେଶାଳୟ

ଭୁବନେଶ୍ୱର,୨୧।୮(ବ୍ୟୁରୋ): ବେଆଇନ ଲଘୁ ଖଣିଜ କାରବାରକୁ ରୋକିବା ପାଇଁ ରାଜ୍ୟ ସରକାର ନୂଆ ନିର୍ଦ୍ଦେଶାଳୟ ଗଠନ କରିଛନ୍ତି। ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ଅଧୀନରେ...

ଏସ୍‌ପ୍ଲାନେଡ୍‌ ଓ୍ବାନ୍‌ର କିଡ୍‌ସ ସୁପର ମଡେଲ ଖୋଜା ଅଭିଯାନ

ଭୁବନେଶ୍ୱର,୨୩।୫(ବ୍ୟୁରୋ): ଓ୍ବିମେନ୍ସ ଡେ’ ସେଲିବ୍ରେଶନ ପରେ କୁନି କୁନି ପିଲାଙ୍କ ପାଇଁ ଏକ ନୂଆ କ୍ୟାମ୍ପେନ୍‌ ଆରମ୍ଭ କରିଛି ରସୁଲଗଡ଼ସ୍ଥିତ ଏସ୍‌ପ୍ଲାନେଡ୍‌ ଓ୍ବାନ୍‌ ମଲ୍‌। ପିଲାଙ୍କ...

ସ୍ୟାଟ୍‌ ଉଚ୍ଛେଦ ପ୍ରସଙ୍ଗ:  ହାଇକୋର୍ଟରେ ପିଟିଶନ, ଶୁଣାଣି ଆଜି

କଟକ ଅଫିସ,୭ା୮: ଓଡ଼ିଶା ପ୍ରଶାସନିକ ନ୍ୟାୟାଧିକରଣ (ସ୍ୟାଟ୍‌) ଉଚ୍ଛେଦ ସଂକ୍ରାନ୍ତରେ କେନ୍ଦ୍ର ସରକାର ଗତ ୨ ତାରିଖରେ ଏକ ଗେଜେଟ୍‌ ନୋଟିଫିକେଶନ ପ୍ରକାଶ କରିଛନ୍ତି। କେନ୍ଦ୍ର...

ବିମାନ ଉଡ଼ାଇଲେ ଆଦିବାସୀ ଝିଅ -ମାଲକାନଗିରି ଜିଲାର ପ୍ରଥମ ମହିଳା ପାଇଲଟ ଅନୁପ୍ରିୟା ଲାକ୍ରା

ମାଲକାନଗିରି,୮।୯(ଡି.ଏନ୍‌.ଏ.)ଆକାଶ ଛୁଇଁବା, ପକ୍ଷୀ ଭଳି ଉଡ଼ିବାର ଇଚ୍ଛା ଥିଲା। ଦୀର୍ଘ ୭ ବର୍ଷର ତାଲିମ ପରେ ଏବେ ତାହା ସାକାର ହୋଇଛି। ମାଲକାନଗିରି ଭଳି ଉପାନ୍ତ...

selfi corner

Model This Week

Why Dharitri

Leave a comment

Your email address will not be published. Required fields are marked *