କୂଳ ଖାଉଛି ବୁଢ଼ାବଳଙ୍ଗ :ଆତଙ୍କିତ ଅବସ୍ଥାରେ ୧୫ ପରିବାର

ବାଲେଶ୍ୱର ଅଫିସ, ୨୪।୮(ମାନସ ବିଶ୍ୱାଳ) -ବାଲେଶ୍ୱର ଜିଲା ରେମୁଣା ବ୍ଲକ ଅନ୍ତର୍ଗତ ଦହପଡ଼ା ପଞ୍ଚାୟତ ଦହପଡ଼ା ଗ୍ରାମ ଦେଇ ପ୍ରବାହିତ ହୋଇଥିବା ବୁଢ଼ାବଳଙ୍ଗ ନଦୀ କୂଳ ଖାଇବାରେ ଲାଗିଛି। ବହୁ ସ୍ଥାନରେ ମାଟି ଅତଡ଼ା, ଗର୍ତ୍ତ ହୋଇ ନଦୀକୂଳରେ ଥିବା ବଡ଼ ବଡ଼ ଗଛଗୁଡ଼ିକ ମଧ୍ୟ ଉପୁଡି ପଡୁଛି। ନଦୀ ପାର୍ଶ୍ୱରେ ଥିବା ୧୫ରୁ ଊର୍ଦ୍ଧ୍ୱ ପରିବାରଙ୍କ ପାଖାପାଖି ୪୦ରୁ ୫୦ ଡିସିମିଲ ଜମି ବିଲୀନ ହେବା ସହ ଆଉ ମାତ୍ର ୨ଶହ ମିଟର ଦୂରରେ ନଦୀଟି ପ୍ରବାହିତ ହେଉଛି। ଆଉ କେତେଟା ବର୍ଷ ପରେ ଉକ୍ତ ଗ୍ରାମ ନଦୀରେ ବିଲୀନ ହେବାର ଆଶଙ୍କା କରି ନଦୀକୂଳବାସୀ ପରିବାର ଭୟଭୀତ ହୋଇପଡ଼ିଛନ୍ତି।
ଦହପଡ଼ା ଗ୍ରାମ ଏକ ଦ୍ୱୀପ ସଦୃଶ। ଗ୍ରାମର ଦୁଇ ପାର୍ଶ୍ୱରେ ବୁଢ଼ାବଳଙ୍ଗ ନଦୀ ଏବଂ ଅନ୍ୟ ଦୁଇ ପାର୍ଶ୍ୱରେ ଏହାର ଶାଖା ନଦୀ ପ୍ରବାହିତ ହେଉଛି। ନଦୀରେ ଟିକିଏ ବନ୍ୟା ଆସିଲେ ଚତୁଃପାର୍ଶ୍ୱରେ ପାଣି ମାଡ଼ିଯାଏ। ଚଳିତବର୍ଷ ଉପରମୁଣ୍ଡରେ ଲଗାଣ ବର୍ଷା ହେବା ଯୋଗୁ ନଦୀରେ ପ୍ରଥମ ବନ୍ୟାଜଳ ଆସିଥିଲା। ବନ୍ୟା ଛାଡ଼ିବା ପରେ ନଦୀ କୂଳରୁ ମାଟି ଅତଡ଼ା ଖାଇବା ସହ କିଛି ସ୍ଥାନରେ ଗର୍ତ୍ତ ସୃଷ୍ଟି ହୋଇଥିଲା। ନଦୀକୂଳରେ ଥିବା ୪ଟି ବଡ଼ ବଡ଼ ଗଛ ଉପୁଡ଼ି ଭାଙ୍ଗିପଡ଼ିଛି। ନଦୀଟି କେତେବେଳେ କୂଳ ଖାଇ ପାର୍ଶ୍ୱରେ ଥିବା ଘରଦ୍ୱାର ନଷ୍ଟ ହୋଇଯିବ ସେହି ଆଶଙ୍କାରେ ରହିଛନ୍ତି ନଦୀକୂଳରେ ଅବସ୍ଥିତ ୧୫ରୁ ଊର୍ଦ୍ଧ୍ୱ ପରିବାର ଲୋକେ। ପୂର୍ବରୁ ନଦୀଟି ଅପରପାର୍ଶ୍ୱରେ ଥିବା ଫୁଲାଡ଼ି ଗ୍ରାମର କୂଳ ଖାଉଥିଲା। ପ୍ରଶାସନ ପକ୍ଷରୁ ନଦୀର ଉଭୟ ପାର୍ଶ୍ୱରେ ପଥର ପ୍ୟାକିଂ ହୋଇଥିଲା। ସେହିପରି ନଦୀର ଅପରପାର୍ଶ୍ୱରେ ଏକ ବୃହତକାର ବାଲି ଉତ୍ସ ସୃଷ୍ଟି ହେବାରୁ ନଦୀ ସ୍ରୋତ କମ୍‌ ହେବା ସହ ବାଲିଚର ପଡୁଛି। ମାତ୍ର ଦହପଡ଼ା ପାର୍ଶ୍ୱରେ ନଦୀର ସ୍ରୋତ ଜୋର୍‌ ବୋହିବା ସହ କୂଳ ଖାଉଛି। ପ୍ରଶାସନ ପକ୍ଷରୁ ନଦୀବନ୍ଧରେ ପଥର ପ୍ୟାକିଂ ସହ କୃତ୍ରିମ ଭାବେ ସୃଷ୍ଟି ହୋଇଥିବା ବାଲି ଉତ୍ସକୁ ଖୋଳାଗଲେ ନଦୀର ସ୍ରୋତ ଉଭୟପାର୍ଶ୍ୱରେ ସମାନ ଭାବେ ପ୍ରବାହିତ ହେବ। ଫଳରେ ବିପଦ ଟଳିବ। ଗ୍ରାମ ତଥା ନଦୀକୂଳିଆ ପରିବାରର ହରେକୃଷ୍ଣ ପ୍ରଧାନ, ଗୌରାଙ୍ଗ ପ୍ରଧାନ, ଲମ୍ବୋଧର ପ୍ରଧାନ, ହେମନ୍ତ ପ୍ରଧାନ, ଯଶୋବନ୍ତ ପ୍ରଧାନ, ସରୋଜ ପ୍ରଧାନ, ମନ୍ମଥ ପ୍ରଧାନ, ଲକ୍ଷ୍ମୀ ମଣି ପ୍ରଧାନ, କନକଲତା ପ୍ରଧାନ, ଉଷାମଣି ପ୍ରଧାନ, ଅତ ପ୍ରଧାନ ପ୍ରମୁଖ ଏହାର ପ୍ରତିକାର ପାଇଁ ଦାବି ଜଣାଇଛନ୍ତି।
ଏ ସମ୍ପର୍କରେ ସ୍ଥାନୀୟ ବାସିନ୍ଦା ଭୀମ ପ୍ରଧାନ କୁହନ୍ତି, ପୂର୍ବରୁ ନଦୀଟି ଫୁଲାଡ଼ି ପାର୍ଶ୍ୱରେ କୂଳ ଖାଉଥିବା ବେଳେ ପ୍ରାୟ ୧୦ବର୍ଷ ହେବ ସେଠାରେ ଏକ ବାଲି ଉତ୍ସ ଗଢ଼ି ଉଠିଛି। ଫଳରେ ସେପଟେ ନଦୀର ସ୍ରୋତ କମିବା ସହ ଆମ ପାର୍ଶ୍ୱରେ ନଦୀ କୂଳ ଖାଉଛି। ପ୍ରଶାସନ ଏଥିପ୍ରତି ଦୃଷ୍ଟି ଦେଇ ଉକ୍ତ ବାଲି ଉତ୍ସକୁ ଭାଙ୍ଗିଲେ ନଦୀର ସ୍ରୋତ ଉଭୟ ପାର୍ଶ୍ୱରେ ସମାନ୍ତରାଳ ଭାବେ ବୋହିବା ସହ ବିଶେଷ କ୍ଷତି ହେବ ନାହଁି ବୋଲି ପ୍ରକାଶ କରିଛନ୍ତି।
ବୃନ୍ଦାବନ ପ୍ରଧାନ କୁହନ୍ତି, ନଦୀଟି କୂଳ ଖାଇବାରେ ଲାଗିଛି। ଗତ ୫ବର୍ଷ ମଧ୍ୟରେ ବିଶେଷ ଭାବେ କୂଳରୁ ମାଟି ଅତଡ଼ା ଖାଇବା ସହ ଗର୍ତ୍ତମାନ ସୃଷ୍ଟି ହେଉଛି। ଏଥିରେ ଆମର ଜମିବାଡ଼ି ନଦୀ ଗର୍ଭରେ ମିଶିଗଲାଣି। ଫଳରେ ଆମେ ଆତଙ୍କିତ ଅବସ୍ଥାରେ କାଳାତିପାତ କରୁଛୁ।
ଏ ସମ୍ପର୍କରେ ଜିଲା ଜଳସେଚନ ବିଭାଜନ ଏସ୍‌ଡିଓ ନିର୍ମଳକାନ୍ତି ଜେନା ତାଙ୍କ ପ୍ରତିକ୍ରିୟାରେ କହିଛନ୍ତି, ଦହପଡ଼ା ଗ୍ରାମର ସମସ୍ୟା ସହ ଅବଗତ ଅଛି। କାର୍ଯ୍ୟାନୁଷ୍ଠାନ ପାଇଁ ବିଭାଗୀୟ ଅଧିକାରୀଙ୍କୁ ଜଣାଯାଇଛି। ବର୍ଷାଦିନରେ ନଦୀରେ ଜଳ ଅଧିକ ଥିବାରୁ ପଦକ୍ଷେପ ନେବା ସମ୍ଭବ ହୋଇପାରିନାହଁି। ଯଥାଶୀଘ୍ର ପଦକ୍ଷେପ ନିଆଯିବ।


All Right Reserved By

ପୋଲ ନିକଟରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

କେନ୍ଦୁଝର,୨୭।୫(ସ୍ବ.ପ୍ର.): କେନ୍ଦୁଝର ଜିଲା ପଣ୍ଡାପଡ଼ା ଥାନା ଅଧୀନ ଜଙ୍ଘିରା ପଞ୍ଚାୟତ ବାହୁଟିଆ ଗ୍ରାମସ୍ଥ ଏକ ପୋଲ ନିକଟରୁ ଜଣେ ଯୁବକଙ୍କ ମୃତଦେହ ସୋମବାର ପୋଲିସ ଉଦ୍ଧାର...

ବୋଲଗଡ଼ରେ ଦେବଦମ୍ପତି ବିବାହ

ବୋଲଗଡ଼,୮ା୬(ଡି.ଏନ.ଏ.): ଶୀତଳ ଷଷ୍ଠୀ ପର୍ବ ଅବସରରେ ବୋଲଗଡ଼ ବ୍ଲକ ଅଞ୍ଚଳର ବିଭିନ୍ନ ଶିବାଳୟରେ ଶୁକ୍ରବାର ଦେବଦମ୍ପତିଙ୍କ ବିବାହ ଉତ୍ସବ ଅନୁଷ୍ଠିତ ହୋଇଯାଇଛି। ବଡକୁମାରୀସ୍ଥିତ ଶ୍ରୀ ଶ୍ରୀ...

କଟକରେ ୩ଜଣଙ୍କୁ ଗଳାକାଟି ହତ୍ୟା ଘଟଣା: ଅଭିଯୁକ୍ତଙ୍କୁ ଗିରଫ ପାଇଁ ମିଳୁନି ଦୃଢ଼ ପ୍ରମାଣ

କଟକ ଅଫିସ,୩୧।୭: ଗୋଟିଏ ଦିନରେ ୩ଜଣଙ୍କୁ ଗଳାକାଟି ହତ୍ୟା ଘଟଣାର ସନ୍ଦିଗ୍ଧ ଅଭିଯୁକ୍ତ ଏବେ ପୋଲିସ କବ୍‌ଜାରେ ରହିଛନ୍ତି। ସୋମବାର ପୂର୍ବାହ୍ନରେ ସନ୍ଦିଗ୍ଧ ନାରାୟଣ ସାହୁଙ୍କୁ...

ଗାଈ ଗୋରୁଙ୍କ ଚରାଭୂଇଁ ପାଲଟିଛି ୫୫ନଂ. ଜାତୀୟ ରାଜପଥ: ବଢୁଛି ଦୁର୍ଘଟଣା

ବଅଁରପାଳ,୨୫।୬(ଡି.ଏନ.ଏ.)-ଅନୁଗୋଳ ଜିଲା ବଅଁରପାଳ ଓ ନାଲ୍‌କୋ ଅଞ୍ଚଳ ଦେଇ ଯାଇଥିବା ୫୫ନଂ. ଜାତୀୟ ରାଜପଥ ଗାଈ ଗୋରୁଙ୍କ ଚରାଭୂଇଁ ପାଲଟିଥିବା ଦେଖାଦେଇଛି। ସକାଳ ଓ ସଞ୍ଜ...

ପଡ଼ିଆ ପଡ଼ିଛି ଚାଷଜମି: ବର୍ଷା ପାଇଁ କଟଙ୍ଗପାଣି ପଞ୍ଚାୟତରେ ଇନ୍ଦ୍ରପୂଜା

ଜମନକିରା, ୨୯ା୭ (ଡି.ଏନ୍‌.ଏ): ସମ୍ବଲପୁର ଜିଲା ଜମନକିରା ବ୍ଲକ୍‌ କଟଙ୍ଗପାଣି ପଞ୍ଚାୟତରେ ସୋମବାର ଜଳ ବର୍ଷା ପାଇଁ ସ୍ଥାନୀୟ ଭୂତେଲ ଟୁଙ୍ଗରୀଠାରେ ୫ ଗାଁର ଗ୍ରାମବାସୀ...

ଗୋହିରିଆପଡ଼ା ଗ୍ରାମରେ ଅସବର୍ଣ୍ଣ-ସବର୍ଣ୍ଣ ବିବାଦ: ଏସ୍‌ପିଙ୍କ ଦ୍ୱାରସ୍ଥ ହେଲେ ଅସବର୍ଣ୍ଣ ପରିବାର

ନୟାଗଡ଼ ଅଫିସ,୬ା୭: ନୟାଗଡ଼ ଜିଲା ଫତେଗଡ଼ ଥାନା ଗୋହିରିଆପଡ଼ା ଗ୍ରାମରେ ଅସବର୍ଣ୍ଣ ସବର୍ଣ୍ଣ ବିବାଦ ଦେଖାଦେଇଛି। ସବର୍ଣ୍ଣ ଲୋକମାନେ ଅସବର୍ଣ୍ଣ ଲୋକମାନଙ୍କୁ ଆକ୍ରମଣ କରିଥିଲେ ମଧ୍ୟ...

ହୁଇଲ ଚେୟାର ଆଇପିଏଲ ଖେଳିବେ ଦିବ୍ୟାଙ୍ଗ ଚକ୍ରଧର

ବଲାଙ୍ଗୀର ଅଫିସ, ୧୧ା୬ ବଲାଙ୍ଗୀର ଜିଲା ସଦର ବ୍ଳକ୍‌ ଅନ୍ତର୍ଗତ ଖୁଣ୍ଟପାଲି ଗ୍ରାମର ଦିବ୍ୟାଙ୍ଗ ଯୁବକ ଚକ୍ରଧର ନାଏକ (୩୦) ା ତାଙ୍କ ମାତା ଉର୍ମିଳା...

ଗ୍ରାହକଙ୍କୁ ମାଡ଼ ମାରି ଢାବା ମାଲିକ ଗିରଫ

ବାସୁଦେବପୁର,୧୬।୧୦ (ଡି.ଏନ.ଏ.): ଗ୍ରାହକଙ୍କୁ ମାଡ଼ ମାରିବା ଅଭିଯୋଗରେ ବାସୁଦେବପୁର-ଧାମରା ରାସ୍ତାର ନଳବାଙ୍କଠାରେ ଥିବା ଏକ ଢାବାର ମାଲିକ ଚିନ୍ମୟ ଭୋଇଙ୍କୁ ନାୟକାଣିଡିହୀ ଥାନା ପୋଲିସ ବୁଧବାର...

selfi corner

Model This Week

Why Dharitri

Leave a comment

Your email address will not be published. Required fields are marked *