ଲୋକଙ୍କ ପାଇଁ ମୋ ଦୁଆର ସର୍ବଦା ଖୋଲା ରହିବ

୨୦୧୩ ବ୍ୟାଚ ଆଇପିଏସ୍‌ ଅଫିସର ଜଗମୋହନ ମୀନା ଶୁକ୍ରବାର ଅନୁଗୋଳ ଜିଲାର ୧୪ତମ ଏସ୍‌ପି ଭାବେ ଦାୟିତ୍ୱଗ୍ରହଣ କରିଛନ୍ତି। ରାଜସ୍ଥାନର ଆଲୱାରଠାରେ ୧୯୮୯ରେ ଜନ୍ମଗ୍ରହଣ କରିଥିବା ମୀନା ଆଇଆଇଟି କାନପୁରରେ ବି.ଟେକ୍‌ ଓ ଏମ୍‌. ଟେକ୍‌ କରିବା ପରେ ୨୦୧୩ରେ ୟୁପିଏସ୍‌ସିରେ ସଫଳତା ପାଇଥିଲେ। କଳାହାଣ୍ଡି ଜିଲା କେସିଙ୍ଗାର ଏସ୍‌ଡିପିଓ ଭାବେ ତାଙ୍କର ପ୍ରଥମ ପୋଷ୍ଟିଂ ହୋଇଥିଲା। ଏକବର୍ଷ ଦୁଇମାସର କାମ ପରେ ରାଜ୍ୟ ସରକାର ତାଙ୍କୁ ୨୦୧୭ରେ ମାଲକାନଗିରି ଏସ୍‌ପି ଭାବେ ବଦଳି କରିଥିଲେ। ଏବେ ତାଙ୍କୁ ଅନୁଗୋଳ ଦାୟିତ୍ୱ ଦିଆଯାଇଛି। ଶିଳ୍ପ, ପ୍ରାକୃତିକ ସମ୍ପଦରେ ଭରପୂର ଏହି ଜିଲାରେ ଆଇନଶୃଙ୍ଖଳା ଓ ଖଣି ଖାଦାନ ସମସ୍ୟାକୁ ନେଇ ଥିବା ଅସନ୍ତୋଷ ତାଙ୍କ ପାଇଁ ନିଶ୍ଚିତ ଚ୍ୟାଲେଞ୍ଜ ହେବ। ତଥାପି ମାଲକାନଗିରି ପରି ଅନୁଗୋଳ ଲୋକଙ୍କ ନିକଟତର ହେବା ତାଙ୍କ ଲକ୍ଷ୍ୟ ବୋଲି ମୀନା ପ୍ରକାଶ କରିଛନ୍ତି। ବିଶେଷକରି ଅସୁବିଧାରେ ପଡ଼ିଥିବା ଲୋକଙ୍କ ପାଇଁ ତାଙ୍କ ଦ୍ୱାର ସର୍ବଦା ଖୋଲା ରହିବ ବୋଲି ନୂଆ ଏସ୍‌ପି କହିଛନ୍ତି।

ଅନୁଗୋଳର ଭୌଗୋଳିକ ଅବସ୍ଥିତି ସହ ଆଇନଶୃଙ୍ଖଳା ମାଲକାନଗିରିଠାରୁ ଭିନ୍ନ। ସେଠିକାର ଅଭିଜ୍ଞତା ଏଠି କେତେ କାମରେ ଆସିବ?
ଅପରାଧ ନିୟନ୍ତ୍ରଣ ମୁଖ୍ୟ ଚ୍ୟାଲେଞ୍ଜ। ତେବେ ଏଥିରେ ଟେକ୍ନୋଲୋଜିର ବ୍ୟବହାର ଉପରେ ସ୍ବତନ୍ତ୍ର ଦୃଷ୍ଟି ଦିଆଯିବ। ଆବଶ୍ୟକ ପଡ଼ିଲେ ଜିଲାର ବଛା ବଛା ଅଧିକାରୀଙ୍କୁ ନେଇ ଏକ ଟିମ୍‌ ଗଢ଼ାଯିବ। ଅଭିଜ୍ଞତା ସବୁଠାରୁ ଗୁରୁତ୍ୱପୂର୍ଣ୍ଣ। ମାଲକାନଗିରି ପରି ଅନୁଗୋଳରେ ମାଓବାଦୀ ସକ୍ରିୟ ନ ଥିଲେ ବି ଗୋଇନ୍ଦା ବିଭାଗକୁ ଅଧିକ ସକ୍ରିୟ କରାଯିବ।

ତଦନ୍ତ ଠାରୁ କନଭିକ୍‌ଶନ୍‌ ପର୍ଯ୍ୟନ୍ତ ପୋଲିସ କେମିତି କୌଶଳ ଆପଣାଇବ?
ଘଟିଥିବା ସ୍ଥାନରେ ଠିକ୍‌ ଭାବେ ତଦନ୍ତ କରିବାକୁ ସମସ୍ତ ଥାନା ଅଧିକାରୀଙ୍କୁ ମେସେଜ ରହିବ। ତଦନ୍ତରୁ ଟ୍ରାଏଲ ଏପରି କି ଦଣ୍ଡବିଧାନ ପର୍ଯ୍ୟନ୍ତ ପୋଲିସର ସମସ୍ତ କାର୍ଯ୍ୟ ଯେପରି ସ୍ବଚ୍ଛ ରହିବ ତାହା ଉପରେ ଦୃଷ୍ଟି ଦିଆଯିବ। କନଭିକଶନ୍‌ ରେଟ ବୃଦ୍ଧି ନିଶ୍ଚିତ ଲକ୍ଷ୍ୟ ରହିବ।

ସାଧାରଣ ଲୋକଙ୍କ ପ୍ରତି ପୋଲିସର ବ୍ୟବହାର ସମସ୍ତେ ଜାଣନ୍ତି। ଏହା ଉପରେ କେତେ ଧ୍ୟାନ ଦେବେ?
ବ୍ୟବହାରରେ ପରିବର୍ତ୍ତନ ଉପରେ ଗୁରୁତ୍ୱ ଦିଆଯିବ। ଲୋକଙ୍କ ସହ ପୋଲିସର ଦୂରତ୍ୱ କିପରି ହ୍ରାସ ହେବ ସେ ନେଇ ଉଦ୍ୟମ ହେବ। ସାଧାରଣ ଲୋକଟିଏ ଯେପରି ପୋଲିସ ଆକ୍ରୋଶର ଶିକାର ନ ହେବ ସେଥିପ୍ରତି ଗୁରୁତ୍ୱ ଦିଆଯିବ।

ଅନେକ ସମୟରେ ଥାନାରୁ ଅଭିଯୋଗକାରୀଙ୍କୁ ନ୍ୟାୟ ମିଳୁନି। ସେଥିପାଇଁ କିପରି ବ୍ୟବସ୍ଥା କରାଯିବ?
ପ୍ରତ୍ୟେକ ଲୋକଙ୍କୁ ନ୍ୟାୟ ମିଳିବ। ଯେଉଁମାନେ ଅନ୍ୟାୟ ହୋଇଛି ବୋଲି ଅନୁଭବ କରିବେ, ସେମାନେ ମୋ ନିକଟକୁ ଅଭିଯୋଗ ନେଇ ଆସିଲେ ନିଶ୍ଚିତ ଆଇନ ଅନୁଯାୟୀ ସାହାଯ୍ୟ କରାଯିବ। ଲୋକଙ୍କ ପାଇଁ ମୋ ଦୁଆର ସବୁବେଳେ ଖୋଲା ରହିବ।

ବଦଳିବ କି ଏସ୍‌ପିଙ୍କ ଟିମ୍‌?
ସେପରି କିଛି ଅଦଳବଦଳ ହେବାର ନାହିଁ। ଥାନା ଅଧିକାରୀମାନଙ୍କ ଠାରୁ ଆରମ୍ଭ କରି ଜିଲାର ବରିଷ୍ଠ ଅଧିକାରୀଙ୍କ ଯାଏ, କାର୍ଯ୍ୟଦକ୍ଷତା ଅନୁଧ୍ୟାନ କରାଯିବ। ଭଲ କାମ କଲେ ପୁରସ୍କାର ନ ହେଲେ ପରବର୍ତ୍ତୀ ପନ୍ଥା ଆପଣାଯିବ।

 


All Right Reserved By Dharitri.Com

ଲକ୍‌ ଡାଉନ୍‌ର ସାଥୀ ପାଲଟିଛି ରେଡିଓ

କେନ୍ଦୁଝର୧୧ା୪(ସ୍ବ.ପ୍ର): ଲକ୍‌ ଡାଉନ୍‌ ପାଇଁ ଗାଁ ଠାରୁ ଆରମ୍ଭ କରି ସହର ସବୁ ବନ୍ଦ। ଗ୍ରାମାଂଚଳରେ କାଁ ଭାଁ କେତେକ ଗ୍ରୋସରୀ ଦୋକାନ ଛାଡି ଦେଲେ...

ଭାରତୀୟ କନ୍‌ସୁଲ ଜେନେରାଲଙ୍କ ସୂର୍ଯ୍ୟମନ୍ଦିର ପରିଦର୍ଶନ

କୋଣାର୍କ, ୨୭।୮(ଡି.ଏନ.ଏ)-ବ୍ରିଟେନର ସ୍କଟଲାଣ୍ଡଠାରେ ଅବସ୍ଥାପିତ ଭାରତୀୟ କନ୍‌ସୁଲ ଜେନେରାଲ ହିତେଶ ରାଜପାଲ ମଙ୍ଗଳବାର ଅପରାହ୍ନରେ ସପରିବାର କୋଣାର୍କ ସୂର୍ଯ୍ୟମନ୍ଦିର ପରିଦର୍ଶନ କରିଛନ୍ତି। ରାଜପାଲ ପରିବାର ସହ...

ଜିଆର୍‌ଏସ୍‌ ସଂଯୁକ୍ତା ହତ୍ୟା ମାମଲା,୨ ମିଲିସିଆ ଗିରଫ

ଫୁଲବାଣୀ ଅଫିସ/ଫିରିଙ୍ଗିଆ, ୧୮ା୧- ସାଧାରଣ ନିର୍ବାଚନ ବେଳେ କନ୍ଧମାଳ ଜିଲା ଗୋଚ୍ଛାପଡା ଥାନା ଅଞ୍ଚଳରେ ଜିଆର୍‌ଏସ୍‌ ସଂଯୁକ୍ତା ଦିଗାଲଙ୍କୁ ମାଓବାଦୀମାନେ ହତ୍ୟା କରିଥିଲେ। ଏହି ଘଟଣାରେ...

କରୋନା ଆକ୍ରାନ୍ତ ସୁସ୍ଥ ହେବା ପରେ କଳାହାଣ୍ଡିବାସୀ ଆଶ୍ୱସ୍ତ

ଧର୍ମଗଡ଼,୧୩ା୪(ଡି.ଏନ୍‌.ଏ.) : କଳାହାଣ୍ଡି ଜିଲାର ଜଣେ କୋଭିଡ୍‌ ପଜିଟିଭ ଆକ୍ରାନ୍ତ ବର୍ତ୍ତମାନ ସୁସ୍ଥ ହୋଇଥିବା ଜଣାପଡ଼ିଛି । ଏ ନେଇ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ...

ପଲିଥିନ ତଳେ ବାଉଁଶକଣ ଅଗ୍ନିବିପନ୍ନ

ଭୁବନ, ୨ା୩(ଡି.ଏନ.ଏ.) ଅଗ୍ନିକାଣ୍ଡରେ ଜଳିଯାଇଛି ସବୁକିଛି। ଅଙ୍ଗାର ପାଲଟିଯାଇଛି ୫ପରିବାରର ସ୍ବପ୍ନ। ପିନ୍ଧିଥିବା ଲୁଗା ଛଡ଼ା ଆଉ କିଛି ନାହିଁ। ପ୍ରଶାସନ ପକ୍ଷରୁ ମିଳିଥିବା ଖଣ୍ଡିଏ ଖଣ୍ଡିଏ...

ଏମିତି ବି ଆସେ ମୃତ୍ୟୁ: ବିଦ୍ୟୁତ୍‌ ସଂସ୍ପର୍ଶରେ ଆସି ଶାଶୁ, ୨ ବୋହୁଙ୍କ ଜୀବନ ଗଲା

ସାଲେପୁର,୨୫।୧୦(ଡି.ଏନ୍‌.ଏ.): କଟକ ଜିଲା ସାଲେପୁର ଥାନା ଅଧୀନ ବାରିଗୋଳ ପଞ୍ଚାୟତ ବେତେଇ ଗ୍ରାମ ଦଳିତ ସାହିରେ ଶୁକ୍ରବାର ଏକ ଅଘଟଣ ଘଟିଛି। ବିଦ୍ୟୁତ ସଂସ୍ପର୍ଶରେ ଆସି...

ବିଜେପୁରବାସୀଙ୍କୁ ଧନ୍ୟବାଦ ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୫ା୧୦(ବ୍ୟୁରୋ): ବିଜେପୁର ଉପନିର୍ବାଚନରେ ବିଜେଡି ପ୍ରାର୍ଥିନୀ ରୀତା ସାହୁ ସର୍ବକାଳୀନ ରେକର୍ଡ ୯୭,୯୯୦ ଖଣ୍ଡ ଭୋଟରେ ବିଜୟୀ ହୋଇଛନ୍ତି। ଦଳର ଏହି ସଫଳତା ପାଇଁ ବିଜେଡି...

ଗଞ୍ଜାମ ଫେରିଲେ ୩୯୫୦ ଦାଦନ: ସ୍କ୍ରିନିଂ ପରେ ପଞ୍ଜୀକରଣ, ସ୍ବତନ୍ତ୍ର ବସ୍‌ରେ ଘରକୁ ପଠାଇଲା ପ୍ରଶାସନ

ବ୍ରହ୍ମପୁର ଅଫିସ,୨୩।୩: ବିଶ୍ୱବ୍ୟାପୀ ଆତଙ୍କ ସୃଷ୍ଟି କରିଥିବା ମହାମାରୀ କରୋନା ଭାଇରସ୍‌ର ପ୍ରକୋପ ଏବେ ଭାରତରେ ବଢ଼ିବାରେ ଲାଗିଛି। ଏହି ଭାଇରସ୍‌କୁ ନେଇ ସମସ୍ତେ ଏବେ...

Leave a comment

Your email address will not be published. Required fields are marked *