Posted inUncategorized

ମହାନଦୀ ପୋଲକୁ ବିପଦ ଭାରିଯାନ: ଅଟକି ରହୁଛି ଶତାଧିକ ଟ୍ରକ

ପାରାଦୀପ,୨୩।୮(ସ୍ବ.ପ୍ର.): ପାରାଦୀପ-ଚଣ୍ଡିଖୋଲ ୫ନଂ (କ) ଜାତୀୟ ରାଜପଥର ଭୂତମୁଣ୍ଡାଇଠାରେ ମହାନଦୀ ଉପରେ ନିର୍ମାଣ ହୋଇଛି ଏକ ବୃହତ ପୋଲ। ୯୭୦ ମିଟର ଲମ୍ବ ବିଶିଷ୍ଟ ଏହି ପୋଲ ଉପରେ ଏବେ ଶତାଧିକ ଭାରିଯାନ ଧାଡ଼ିରେ ଅଟକି ରହୁଛି। ଅର୍ଥାତ୍‌ ପୋଲର ଗୋଟିଏ ପାର୍ଶ୍ୱରେ ମାଲବୋଝେଇ ପ୍ରାୟ ୧୦୬ଟି ୧୪ ଚକିଆ ଟ୍ରକ୍‌ ସ୍ଥିର ହୋଇ ରହୁଛି। ସେହି ପୋଲର ଡାହାଣ ପାର୍ଶ୍ୱରେ ଅନ୍ୟ ଭାରିଯାନ ଚଳାଚଳ କରୁଛି। ତେଣୁ ପ୍ରାୟ ସବୁ ସମୟରେ ପୋଲରେ ଭୂକମ୍ପ ସୃଷ୍ଟି ହେଲା ଭଳି ଅନୁଭବ ହେଉଛି। ୧୦୬ଟି ଗାଡିର ଓଜନ ପ୍ରାୟ ୫ ହଜାର ମେଟ୍ରିକ ଟନ୍‌ ପାଖାପାଖି ରହୁଛି। କାରଣ ଗୋଟିଏ ୧୪ ଚକିଆ ବୋଝେଇ ଗାଡିର ଓଜନ ୪୨ ଟନ୍‌ ହେବ। ଏମିତି ଅବସ୍ଥା ସବୁଦିନ ସବୁ ସମୟରେ ଦେଖିବାକୁ ମିଳୁଛି। ପୋଲ ଉପରେ ଟ୍ରକ୍‌ଗୁଡିକ ଧାଡ଼ିରେ ନ ରଖିବା ପାଇଁ ଜାତୀୟ ରାଜପଥ କର୍ତ୍ତୃପକ୍ଷଙ୍କ ପକ୍ଷରୁ ପ୍ରାୟତଃ ବାରଣ କରାଯାଇଥାଏ। କିନ୍ତୁ ଏହାକୁ କୌଣସି ଟ୍ରକ୍‌ ଚାଳକ ପାଳନ କରୁନାହାନ୍ତି। ଟ୍ରକ୍‌ ମାଲିକ ସଂଘ ପକ୍ଷରୁ ମଧ୍ୟ ସେପରି କିଛି ଅଙ୍କୁଶ ଲଗାଯାଉନାହିଁ। ପ୍ରାୟ ଅଧିକାଂଶ ଗାଡି ମାଲିକ ଓ ଚାଳକଙ୍କ ମଧ୍ୟରେ ଏକପ୍ରକାର ପ୍ରତିଯାଗିତା ଚାଲିଛି କିଏ ଆଗ ପାରାଦୀପରେ ପହଞ୍ଚତ୍ ପଣ୍ୟ ଖଲାସ କରିବ। ଦୈନିକ ୭ରୁ ୮ ହଜାର ଟ୍ରକ୍‌ ପାରାଦୀପଠାରୁ କେନ୍ଦ୍ରାପଡ଼ା ଜିଲାର ଦୁହୁରିଆ ପର୍ଯ୍ୟନ୍ତ ଲାଇନ୍‌ ଲଗାଉଛନ୍ତି। ସେହି ରାସ୍ତାରେ ଥିବା ପ୍ରାୟ ସବୁ ପୋଲ ଉପରେ ଏଭଳି ଅବସ୍ଥା। ଅନ୍ୟ ପୋଲଗୁଡିକ ଛୋଟ ଥିବାରୁ ସେଠାରେ ବିପଦ ପ୍ରାୟତଃ ବାହାରକୁ ଜଣାପଡ଼େନାହିଁ। କିନ୍ତୁ ମହାନଦୀ ପୋଲ ଲମ୍ବା ଏବଂ ସେଥିରେ ଗାଡି ରହିବା ଯୋଗୁ ଅଧିକାଂଶ ସମୟ ତାହା ଦୋହଲୁଛି। ଏହି ପୋଲର ସୀମା ଅର୍ଦ୍ଧେକ କେନ୍ଦ୍ରାପଡ଼ା ଓ ଅର୍ଦ୍ଧେକ ଜଗତ୍‌ସିଂହପୁର ଜିଲାରେ ଯାଉଛି। ଏପରି ଦୈତ୍ୟ ଜିଲା ଅଧୀନ ସୀମା ଯୋଗୁ ଦୁଇ ଜିଲାର ପ୍ରଶାସନ ବିଶେଷ ଧ୍ୟାନ ଦେଉନାହାନ୍ତି। ରାଜପଥ କର୍ତ୍ତୃପକ୍ଷ ମଧ୍ୟ କୌଣସି ଅଙ୍କୁଶ ଲଗାଉନାହାନ୍ତି। ଗୋଟିଏ ଲାଇନ୍‌ରେ ଗାଡି ଅଧା ପୋଲକୁ ଅକ୍ତିଆର କରିବା ଏବଂ ଆଉ ଅର୍ଦ୍ଧେକ ରାସ୍ତାରେ ଅନ୍ୟ ଗାଡି ଚଳାଚଳ ଯୋଗୁ ରାସ୍ତା ସଙ୍କୁଚିତ ହେଉଛି। ଯଦ୍ଦ୍ବାରା ସେହି ସ୍ଥାନରେ ଏହି କାରଣ ପାଇଁ ଦୁର୍ଘଟଣା ଘଟୁଛି। ମଙ୍ଗଳବାର ଧାଡ଼ିରେ ଥିବା ଟ୍ରକ୍‌ରୁ ଜଣେ ହେଲ୍‌ପର ଡୋର ଖୋଲି ଓହ୍ଲାଇବାବେଳେ ପଛରେ ଆସୁଥିବା ଏକ ଟାଟା ଏସିଇ ଗାଡି ଧକ୍କା ଦେବାରୁ ତାଙ୍କର ମୃତ୍ୟୁ ଘଟିଥିଲା। ଏହିପରି ଅନେକ ଦୁର୍ଘଟଣା ଘଟୁଛି। କେତେକ ଟ୍ରକ୍‌ ଚାଳକ ଡୋର ଖୋଲିବା ବେଳେ ବାଇକ ଚାଳକ ବାଡେଇ ହେବା ସାଧାରଣ ଘଟଣା ପାଲଟିଗଲାଣି। ମହାନଦୀ ପୋଲ ଉପରେ ଭାରିଯାନ ରହିବାକୁ କଟକଣା କରା ନ ଗଲେ କେତେବେଳେ ଯେ ଅଘଟଣ ନ ଘଟିବ ସେ କଥା କହିହେବନାହିଁ। ଦୁଇ ଜିଲା ପ୍ରଶାସନ ଓ ରାଜପଥ କର୍ତ୍ତୃପକ୍ଷ ଏ ଦିଗରେ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି।


All Right Reserved By Dharitri.Com

Posted inUncategorized View All

କ୍ରିକେଟାୟ ନମଃ

ଡ. କୁଳାଙ୍ଗାର ଭାଇରେ କ୍ରିକେଟ ଖେଳ କି ମନ୍ତର କଲା, ବୁଢ଼ାହଡ଼ା ଭେଣ୍ଡିଆ ପିଲା ସଭିଙ୍କୁ ପାଗଳ କଲା…! କ୍ରିକେଟ କ୍ରିକେଟ ଘୋଷିଘୋଷି ଆମେ ଏ...

୮୮ ପୃଷ୍ଠାର ଏଫ୍‌ଆଇଆର୍‌: ଲେଖି ଲେଖି ପୋଲିସ ନୟାନ୍ତ

ଡେରାଡୁନ୍‌: ଗୋଟିଏ କି ଦୁଇଟି ନୁହେଁ, ପୂରା ୮୮ ପୃଷ୍ଠାର ଏଫ୍‌ଆଇଆର (ଫାଷ୍ଟ ଇନ୍‌ଫର୍ମେଶନ ରିପୋର୍ଟ)। ଆଶ୍ଚର୍ଯ୍ୟ ଲାଗୁଛି ନା! ହଁ, ଦେଶର ସବୁଠାରୁ ଲମ୍ବା...

ରେଳପଥ ସମସ୍ୟା, ବିକାଶ ନେଇ ଆଲୋଚନା କଲେ ୯ ଏମ୍‌ପି

ଭୁବନେଶ୍ୱର, ୨୬।୯(ବ୍ୟୁରୋ): ପୂର୍ବତଟ ରେଳପଥ ପକ୍ଷରୁ ବୁଧବାର ଖୋର୍ଦ୍ଧାରୋଡ ମଣ୍ଡଳ ପରିସୀମା ଅନ୍ତର୍ଗତ ଏମ୍‌ପିମାନଙ୍କ ସହ ବୈଠକ ଅନୁଷ୍ଠିତ ହୋଇଯାଇଛି। ଉପସ୍ଥିତ ଏମ୍‌ପିମାନେ ବୈଠକରେ ନିଜ...

ବାଣଫୁଟାକୁ ନେଇ ଗୋଷ୍ଠୀ ସଂଘର୍ଷ

ଜୟପୁର,୨୮ା୧୦(ନି.ପ୍ର.): ଜୟପୁରରେ ବାଣଫୁଟାକୁ କେନ୍ଦ୍ରକରି ୨ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଛି। ରବିବାର ଦୀପାବଳୀ ରାତିରେ ବାଣଫୁଟା ଚାଲିଥିବା ବେଳେ ବିଜୁ ନଗର ଓ ଖ୍ରୀଷ୍ଟିଆନ...

ଚିକେନ ମଷ୍ଟାର୍ଡ

ଚିକେନରେ ପ୍ରସ୍ତୁତ ବିଭିନ୍ନ ଖାଦ୍ୟ ପ୍ରତି ଏବେବି ଆଦର ବଢୁଛି। ଗ୍ରାହକଙ୍କ ଆଦର ଓ ରୁଚି ଅନୁଯାୟୀ ଏବେ ହୋଟେଲଗୁଡିକ ମଧ୍ୟ ଚିକେନରେ ବିଭିନ୍ନ ନୂଆ...

ଫନୀରୁ ଫାଇଦା

ଡ. ଚିନ୍ତାମଣି ପଣ୍ଡା ଚକ୍ରବାତ ଫନୀ ତାଣ୍ଡବ ରଚିବା ପରେ ଅପସରି ଯାଇଛି। କିନ୍ତୁ ପଛରେ ଛାଡିଯାଇଛି ଧ୍ୱଂସସ୍ତୂପର ବିଭୀଷିକା, ଛାରଖାର କରିଯାଇଛି ସଂସାରର ସବୁଜିମା।...

ସେମିରେ ରାନ୍‌କୀରେଡ୍ଡୀ-ଶେଟି

ବ୍ୟାଙ୍କକ୍‌,୨।୮(ପିଟି)- ଭାରତୀୟ ସାତ୍ୱିକ ସାଇରାଜ ରାନ୍‌କୀରେଡ୍ଡୀ ଓ ଚିରାଗ ଶେଟିଙ୍କ ପୁରୁଷ ଡବଲ୍ସ ଯୋଡ଼ି ଏଠାରେ ଚାଲିଥିବା ଥାଇଲାଣ୍ଡ ଓପନ୍‌ର ସେମିଫାଇନାଲରେ ପ୍ରବେଶ କରିଥିଲେ। ରାନ୍‌କୀରେଡ୍ଡୀ...

Leave a comment

Your email address will not be published. Required fields are marked *