ଭତ୍ତା ଟଙ୍କା ଲୁଟ୍‌ ଘଟଣାର ପର୍ଦ୍ଦାଫାଶ: ୬ ଅଭିଯୁକ୍ତ ଗିରଫ, ଜଣେ ଫେରାର

ମନମୁଣ୍ଡା, ୨୨।୮ (ଡି.ଏନ.ଏ): ବୌଦ୍ଧ ଜିଲା ଲମ୍ବସରି ଗ୍ରାମପଞ୍ଚାୟତ ଭତ୍ତା ଟଙ୍କା ଲୁଟ ଘଟଣାର ପର୍ଦ୍ଦାଫାଶ ହୋଇଛି । ଏହି ଘଟଣାରେ ସମ୍ପୃକ୍ତ ୬ ଜଣଙ୍କୁ ପୋଲିସ ଗିରଫ କରିଛି । ଗିରଫ ଅଭିଯୁକ୍ତମାନେ କଣ୍ଟାମାଳ ବ୍ଲକ ଘିକୁଣ୍ଡି ପଞ୍ଚାୟତର ପୂର୍ବତନ ସମିତି ସଭ୍ୟ ହାତୀପାଲିର ଗଣେଷ ମିଶ୍ର (୩୪), ଲୁଟେରା ଗ୍ୟାଙ୍ଗ୍‌ର ମୁଖ୍ୟ ଘିକୁଣ୍ଡି ପଞ୍ଚାୟତ ଗରିଆପାଲିର ଭରତ ଘିବିଲା ଓରଫ ବୁଲୁ (୨୬), ସର୍ବେଶ୍ୱର ନାଏକ ଓରଫ ସର୍ବେ (୨୧), ପଟାଭାଡି ସୋନପୁରର ତନ୍ମୟ ମିଶ୍ର (୨୩), ଗାନ୍ଧୀନଗରପଡା ବଲାଙ୍ଗୀରର ଗୋପାଳ ନାଗ (୨୬), ସୁଦପଡା ବଲାଙ୍ଗୀରର କୃପା ସାହୁ (୪୦)। ଅନ୍ୟ ଜଣେ ଅଭିଯୁକ୍ତ ରତାଖଣ୍ଡି ଗ୍ରାମର ଦିଲୀପ ପ୍ରଧାନ ଫେରାର ଅଛନ୍ତି । ସେମାନଙ୍କ ଠାରୁ ନଗଦ ୨ ଲକ୍ଷ ୪ ହଜାର ଟଙ୍କା, ୬ଟି ମୋବାଇଲ, ୨ଟି ବାଇକ, ଗୋଟିଏ ଭୁଜାଲି ଓ ଗୋଟିଏ ଦେଶୀ ପିସ୍ତଲ ପୋଲିସ ଜବତ କରାଯାଇଛି । ଗିରଫ ୬ ଅଭିଯୁକ୍ତଙ୍କୁ ଗୁରୁବାର କୋର୍ଟ ଚାଲାଣ କରାଯାଇଛି ।
ପୋଲିସ ସୂଚନା ଅନୁସାରେ, ଗତ ୧୪ ତାରିଖରେ ଲମ୍ବସରି ପଞ୍ଚାୟତରେ ବାର୍ଦ୍ଧକ୍ୟ ଭତ୍ତା ଟଙ୍କା ବଣ୍ଟନ ପାଇଁ ଆକ୍ସିସ ବ୍ୟାଙ୍କ ୩ ଲକ୍ଷ ୯୩ ହଜାର ଟଙ୍କା ନିର୍ବାହୀ ଅଧିକାରୀ ବିପୁଳ କୁମାର ଦାସଙ୍କୁ ଘିକୁଣ୍ଡି ଗ୍ରାମପଞ୍ଚାୟତ ଅଫିସ୍‌ରେ ଦେଇଥିଲା । ଅଭିଯୁକ୍ତ ଗଣେଷ ମିଶ୍ର ଓ ଦିଲୀପ ପ୍ରଧାନ ଏହାକୁ ଦେଖିଥିଲେ ଏବଂ ଉକ୍ତ ଟଙ୍କା ଲୁଟ କରିବା ପାଇଁ ଯୋଜନା କରିଥିଲେ । ସେମାନେ ଅଭିଯୁକ୍ତ ବୁଲୁ ଘିବିଲାଙ୍କ ସହ ଯୋଗାଯୋଗ କରି ଯୋଜନା ପ୍ରସ୍ତୁତ କରିଥିଲେ । ତଦନୁଯାୟୀ ବୁଲୁ ଅନ୍ୟ ଚାରି ଜଣଙ୍କ ସହ ଯୋଗାଯୋଗ କରି ଟିମ୍‌ ଗଠନ କରିଥିଲା । ଗତ ୧୪ ତାରିଖ ଦିନ ୧୦ଟାରେ ପଞ୍ଚାୟତ ନିର୍ବାହୀ ଅଧିକାରୀ ଦାସ ଏକ କାର୍‌ (ନଂ. ଓଡି୨୭ଏ/୧୩୬୯) ଯୋଗେ ଉକ୍ତ ଟଙ୍କା ଧରି ଦମାମୁଣ୍ଡା-ଦପଲା ରାସ୍ତା ଦେଇ ଲମ୍ବସରି ପଞ୍ଚାୟତ ଅଭିମୁଖେ ବାହାରିଥିଲେ । ଏହା ପୂର୍ବରୁ ବାହାନା କରି ଅଭିଯୁକ୍ତ ଦିଲୀପ ନିର୍ବାହୀ ଅଧିକାରୀ ଦାସଙ୍କ ଦେଉଳି ସ୍ଥିତ ଘରକୁ ଆସି ତାଙ୍କ ସହ କଥାବାର୍ତ୍ତା ହୋଇଥିଲେ ଓ ଆଜି କୁଆଡେ ଯିବେ ବୋଲି ପଚାରି ବୁଝିଥିଲେ। ନିର୍ବାହୀ ଅଧିକାରୀ ଦାସ ଟଙ୍କା ଧରି ଗାଡିରେ ଯିବା ବେଳେ ଦେଉଳିଠାରେ ଅପେକ୍ଷା କରିଥିବା ଅଭିଯୁକ୍ତ ଗଣେଷ ନିର୍ବାହୀ ଅଧିକାରୀଙ୍କ ଗାଡକୁ ଦେଖି ଲୁଟେରା ଗ୍ୟାଙ୍ଗ ମୁଖ୍ୟ ବୁଲୁଙ୍କୁ ଫୋନରେ ଜଣାଇଥିଲେ । ଦିଲୀପ ଏବଂ ଗଣେଷଙ୍କ ଛଡା ଅନ୍ୟ ୫ ଅଭିଯୁକ୍ତ ୨ଟି ବାଇକରେ ଦପଲା ରାସ୍ତା ଶଙ୍କରପୁର କ୍ରସର ନିକଟରେ ଲୁଚି ରହି ନିର୍ବାହୀ ଅଧିକାରୀଙ୍କ ଗାଡିକୁ ଅଟକାଇଥିଲେ । ସେମାନେ ଦେଶୀ ପିସ୍ତଲ ଏବଂ ଭୁଜାଲି ଦେଖାଇ ଡ୍ରାଇଭର ମନୋଜ ନାଏକଙ୍କୁ ଗାଡିରୁ ତଡି ଦେଇଥିଲେ ଏବଂ ନିର୍ବାହୀ ଅଧିକାରୀଙ୍କୁ ଗାଡିରେ ବସାଇ ଏକ ଜଙ୍ଗଲ ରାସ୍ତାକୁ ନେଇ ଯାଇଥିଲେ । ସେଠାରେ ସେମାନେ ତାଙ୍କୁ ମାଡ ମାରି ୩.୯୩ ଲକ୍ଷ ଟଙ୍କା ଲୁଟି ନେଇ ଫେରାର ହୋଇ ଯାଇଥିଲେ । ଏ ନେଇ ଅଭିଯୋଗ ହେବା ପରେ ଆଇଆଇସି ଗୋପୀନାଥ ପ୍ରଧାନ ତଦନ୍ତ ଆରମ୍ଭ କରିଥିଲେ । ପରେ ଏସଡିପିଓ ଏସ୍‌. ଟିଗ୍ଗାଙ୍କ ନେତୃତ୍ୱରେ ୩ଟି ଟିମ୍‌ ଗଠନ କରି ତଦନ୍ତ କରାଯାଇଥିଲା । ତଦନ୍ତ ବେଳେ ପୋଲିସ ୭ଜଣଙ୍କ ମଧ୍ୟରୁ ୬ଜଣଙ୍କୁ ଗିରଫ କରିଥିଲା ।


All Right Reserved By Dharitri.Com

ନାବାଳିକାଙ୍କୁ ଅପହରଣ ମାମଲା : ଅଭିଯୁକ୍ତଙ୍କୁ ୧୦ବର୍ଷ ଜେଲ୍‌

ବାଲେଶ୍ୱର ଅଫିସ, ୬।୭: ଏକ ନାବାଳିକା ଅପହରଣ ମାମଲାର ବିଚାର କରି ଶନିବାର ବାଲେଶ୍ୱର ଅତିରିକ୍ତ ଦୌରାଜଜ୍‌ କମ୍‌ ସ୍ପେଶାଲ ଜଜ୍‌ ଅଜନ୍ତା ଷଡ଼ଙ୍ଗୀ ଅଭିଯୁକ୍ତଙ୍କୁ...

ଜିଲା ମୁଖ୍ୟ ଚିକିତ୍ସାଳୟରେ ଅବ୍ୟବସ୍ଥା: ରୋଗୀଙ୍କ ଖାଦ୍ୟରୁ ଗ୍ଲୋବ୍ସ ବାହାରିଥିବା ଚର୍ଚ୍ଚା

ଅନୁଗୋଳ ଅଫିସ, ୨୫ା୧୦- ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ରୋଗୀଙ୍କୁ ଦିଆଯାଇଥିବା ରନ୍ଧା ଖାଦ୍ୟରୁ ଗୁରୁବାର ସନ୍ଧ୍ୟାରେ ଏକ ଗ୍ଲୋବ୍ସ ବାହାରିଥିବା ନେଇ ଜୋରଦାର ଚର୍ଚ୍ଚା...

ସୁନା ଦୋକାନୀଙ୍କଠାରୁ ଲୁଟ ଉଦ୍ୟମ: ଅଭିଯୁକ୍ତ ଗିରଫ

ବାରିପଦା ଅଫିସ,୨୬ା୧୦- ବାରିପଦା ସହରର ଜିଲା ପ୍ରାଣୀ ଚିକିତ୍ସାଳୟ ନିକଟରେ ଗତ ମଙ୍ଗଳବାର ରାତିରେ ଜଣେ ସୁନା ବ୍ୟବସାୟୀଙ୍କଠାରୁ ଲୁଟ ଉଦ୍ୟମ ଘଟଣାରେ ଟାଉନ ଥାନା...

ଖଙ୍ଗୁରୀ ସେବାଶ୍ରମ ବନ୍ଦ ହେବା ଆଶଙ୍କା: ୫ ଶ୍ରେଣୀରେ ପଢୁଛନ୍ତି ୧୧ ଛାତ୍ରୀଛାତ୍ର

ନୂଆଗାଁ,୧୨ା୯ (ଡି.ଏନ.ଏ.): ନୟାଗଡ଼ ଜିଲା ନୂଆଗାଁ ବ୍ଲକ ମାଳିସାହି ପଞ୍ଚାୟତରେ ଥିବା ଖଙ୍ଗୁରୀ ସେବାଶ୍ରମ ବନ୍ଦ ହେବା ଆଶଙ୍କା ଉପୁଜିଛି। ୫ ଶ୍ରେଣୀରେ ବର୍ତ୍ତମାନ ଏଠାରେ...

ଗୁଣିଗାରେଡ଼ି ସନ୍ଦେହରେ ସ୍ତ୍ରୀ, ସ୍ବାମୀଙ୍କୁ ହତ୍ୟା

ଖପ୍ରାଖୋଲ, ୧୬।୯(ଡି.ଏନ୍‌.ଏ.): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଲରମ୍ବା ଥାନା ଅନ୍ତର୍ଗତ ଲୁହାସିଂହା ପଞ୍ଚାୟତ ଚିଟିକାମାଳ ଗାଁରେ ଏକ ବିଭତ୍ସ ହତ୍ୟାକାଣ୍ଡ ଘଟିଛି। ଗୁଣିଗାରେଡ଼ି ସନ୍ଦେହରେ...

ଧୂଳିଧୂଆଁରେ ଅସ୍ତବ୍ୟସ୍ତ ଜୁରୁଡ଼ି-ବାମେବାରୀ

ଯୋଡ଼ା, ୧୦।୬(ଡି.ଏନ.ଏ.)-କେନ୍ଦୁଝର ଜିଲା ଯୋଡା ବ୍ଲକ ତଥା ଖଣିଜ ଶିଳ୍ପ ସମୃଦ୍ଧ ଜୁରୁଡି ଖଣି ଅଞ୍ଚଳ ଶନିବାର ସମ୍ପୂର୍ଣ୍ଣ ଟ୍ରାଫିକ ଜାମ୍‌ ହୋଇଯାଇଥିଲା। ଏହା ଏବେ...

ଲଗାଣ ବର୍ଷା ଯୋଗୁ କୋରୁକୋଣ୍ଡା ଅଞ୍ଚଳର ଅନେକ ପୋଲ ଉପରେ ବର୍ଷା ଜଳ ପ୍ରବାହିତ

କୋରୁକୋଣ୍ଡା, (ଡି.ଏନ୍‌.ଏ.)୨।୭: ଗୁରୁବାର ରାତିରୁ ଲଗାଣ ବର୍ଷା ହେତୁ ମାଲକାନଗିରି ଜିଲା କୋରୁକୋଣ୍ଡା ଅଞ୍ଚଳରେ ଅନେକ ନଦୀ ଓ ନାଳରେ ବନ୍ୟା ଜଳ ପ୍ରବାହିତ ହେଉଛି।...

୨ଜଣଙ୍କୁ ଅଟକ ପରେ କୋର୍ଟ ଚାଲାଣରେ ବିଳମ୍ବ: ଏସ୍‌ଟିଏଫ୍‌, ଖୋର୍ଦ୍ଧା ଏସ୍‌ପିଙ୍କ ସମେତ ୫ ଜଣଙ୍କ ନାଁରେ ସର୍ଚ୍ଚ ୱାରେଣ୍ଟ

ଖୋର୍ଦ୍ଧା ଅଫିସ,୨୧।୭: ଖୋର୍ଦ୍ଧା ଜବଦସ୍ତପାଟଣାର ୨ ଜଣଙ୍କୁ ଅଟକ ପରେ କୋର୍ଟ ଚାଲାଣରେ ବିଳମ୍ବ, ମହିଳାଙ୍କୁ ମାଡ ମାରିବା ପରି ଅଭିଯୋଗ ଏସଟିଏଫ୍‌ ଓ ପୋଲିସ...

selfi corner

Model This Week

Why Dharitri

Leave a comment

Your email address will not be published. Required fields are marked *