ସଲାସୁତରାରେ ଚାଲିଛି ଦୋକାନ ଘର ଭଡ଼ା ବେପାର: ପ୍ରମାଣ ପାଉନି ପୌରପାଳିକା

ଅନୁଗୋଳ ଅଫିସ, ୨୨।୮ – ଅନୁଗୋଳ ପୌରପାଳିକା ପକ୍ଷରୁ ସହରରେ ଦୋକାନ ଗୃହ ନିର୍ମାଣ କରାଯାଇ ଭଡ଼ାରେ ଲଗାଯାଇଛି। ହେଲେ ଉକ୍ତ ଘର ନେଇଥିବା ବ୍ୟବସାୟୀମାନଙ୍କ ମଧ୍ୟରୁ କେତେଜଣ ସେଠାରେ ବେପାର ନ କରି ଚଢ଼ା ଦରରେ ଅନ୍ୟ ବ୍ୟବସାୟୀଙ୍କୁ ଭଡ଼ା ଲଗାଇ ଭଲ ରୋଜଗାର କରୁଥିବା ସହରରେ ସର୍ବଦା ଚର୍ଚ୍ଚା ହେଉଛି। କିନ୍ତୁ ପୌର ସଂସ୍ଥା ପ୍ରତି ମାସରେ ଧାର୍ଯ୍ୟ ଭଡ଼ା ପାଇଯାଉଥିବାରୁ ଏହି ବେଆଇନ କାରବାର ଦିଗରେ ମୁଣ୍ଡ ଖେଳାଉ ନ ଥିବା ଚଢ଼ା ଦରରେ ସେଠାରେ ବ୍ୟବସାୟ କରୁଥିବା କେତେଜଣ ବ୍ୟବସାୟୀ ଅଭିଯୋଗ କରୁଛନ୍ତି। ଏଥିଯୋଗୁ ବହୁ ଯୋଗ୍ୟ ବ୍ୟକ୍ତି ଘର ପାଇବାରୁ ବଞ୍ଚିତ ହେଉଥିବା ବେଳେ ସମ୍ପୃକ୍ତ ମୁଷ୍ଟିମେୟ ବ୍ୟବସାୟୀମାନେ କେତେଜଣ କର୍ମଚାରୀଙ୍କୁ ହାତ କରି ସଲାସୁତରାରେ ବର୍ଷ ବର୍ଷ ଧରି ଏପରି ବେପାର ଚଳାଇଥିବାରୁ ପୌରସଂସ୍ଥାର ଲକ୍ଷ ଲକ୍ଷ ଟଙ୍କା ରାଜସ୍ବ ହାନି ଦେଉଥିବା କୁହାଯାଉଛି।
ଅନୁଗୋଳ ସହରର ବିଭିନ୍ନ ଅଞ୍ଚଳରେ ପୌରସଂସ୍ଥାର ୭୨୮ଟି ଦୋକାନ ଘର ରହିଛି। ଏହି ସମସ୍ତ ଦୋକାନ ଘର ଲଟେରି ମାଧ୍ୟମରେ ବହୁ ପୂର୍ବରୁ ବଣ୍ଟାଯାଇଛି। ସ୍କୋୟାରଫୁଟ ପ୍ରତି ୫ରୁ ୭ଟଙ୍କା ଧାର୍ଯ୍ୟ କରାଯାଇଥିବାରୁ କେଉଁ ଦୋକାନର ଭଡ଼ା ମାସିକ ୪୦୦ ଟଙ୍କା ଥିବା ବେଳେ କେତେକରୁ ୭୦୦ ଟଙ୍କା ଆଦାୟ ହେଉଛି। ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, ଯେଉଁ ବ୍ୟବସାୟୀମାନେ ପୌର ସଂସ୍ଥାରୁ ଘର ନେଇଛନ୍ତି ସେମାନଙ୍କ ମଧ୍ୟରୁ କେତେଜଣ ନିଜେ ବ୍ୟବସାୟ ନ କରି ଉକ୍ତ ଦୋକାନ ଗୃହକୁ ଚଢ଼ା ଭଡ଼ାରେ ଅନ୍ୟ ବ୍ୟବସାୟୀଙ୍କୁ ଦେଇଛନ୍ତି। ଫଳରେ ପ୍ରତି ମାସରେ ମିଳୁଥିବା ଭଡ଼ାରୁ ସ୍ବଳ୍ପ ଅର୍ଥ ପୌର ସଂସ୍ଥାକୁ ଦେଇ ବଳକା ଅର୍ଥ ସେମାନେ ପକେଟରେ ପୂରାଉଛନ୍ତି। ଏପରି ବେଆଇନ କାରବାର ଯୋଗୁ ପୌର ସଂସ୍ଥାର ରାଜସ୍ବ ହାନି ହେଉଥିବା ବେଳେ ଚଢ଼ା ଭଢ଼ାରେ ବ୍ୟବସାୟ କରୁଥିବା ବ୍ୟବସାୟୀମାନେ ଶୋଷଣର ଶିକାର ହେଉଛନ୍ତି। ଦୋକାନ ଘରର ପ୍ରକୃତ ମାଲିକ ପୌର ସଂସ୍ଥା ମାତ୍ର ୪ଶହରୁ ୭ଶହ ଟଙ୍କା ଭଡ଼ା ନେଉଥିବା ବେଳେ ସମ୍ପୃକ୍ତ ମଧ୍ୟସ୍ଥମାନେ କାହିଁକି ମାସିକ ହଜାର ହଜାର ଟଙ୍କା ନେବେ ତାହାକୁ ନେଇ ସେମାନେ ପ୍ରଶ୍ନ ଉଠାଇଛନ୍ତି। ନିୟମ ଅନୁସାରେ ଲଟେରି ମାଧ୍ୟମରେ ଘର ନେଇଥିବା ବ୍ୟବସାୟୀମାନେ ସିଧସଳଖ ବା ପୌରସଂସ୍ଥା ଅଜାଣତରେ ଦୋକାନ ଅନ୍ୟ କାହାକୁ ହସ୍ତାନ୍ତର କରିପାରିବେ ନାହିଁ। କିନ୍ତୁ ବହୁ ଦୋକାନ ଗୃହ ଏପରି ବେଆଇନ ଭାବେ ଚଢ଼ା ଭଡ଼ାରେ ଲଗାଯାଇଥିଲେ ବି ପୌରପାଳିକା ପକ୍ଷରୁ କିଛି ବି ପଦକ୍ଷେପ ନିଆଯାଉ ନ ଥିବାରୁ ସେମାନେ ଅସନ୍ତୋଷ ପ୍ରକାଶ କରିଛନ୍ତି।
ଏ ସମ୍ପର୍କରେ ପୌରନିର୍ବାହୀ ଅଧିକାରୀ ଶୁଭେନ୍ଦୁ ଜେନା କହିଛନ୍ତି, ଦୋକାନ ଗୃହ ଚଢ଼ା ଭଡ଼ାରେ ଲଗାଯିବା କଥା ବିଭିନ୍ନ ସମୟରେ ଶୁଣିବାକୁ ପାଉଛୁ। କିନ୍ତୁ କୌଣସି ଉପଯୁକ୍ତ ପ୍ରମାଣ ନ ଥିବାରୁ ବାଧ୍ୟ ହୋଇ ଚୁପ୍‌ ରହିବାକୁ ପଡ଼ୁଛି। ଏପରି କି ଯେଉଁ ବ୍ୟକ୍ତିମାନଙ୍କ ନାମରେ ଦୋକାନ ଗୃହ ଆବଣ୍ଟନ କରାଯାଇଛି, ସେମାନେ ତାଙ୍କର ଭଡ଼ା ଓ ଇଲେକ୍ଟ୍ରି ବିଲ୍‌ ଆଣି ପୌରପାଳିକାରେ ପୈଠ କରୁଛନ୍ତି। ଯଦି କୌଣସି ସ୍ଥାନରେ ଏଭଳି ପ୍ରମାଣ ମିଳେ ତା’ହେଲେ ତୁରନ୍ତ ସମ୍ପୃକ୍ତ ବ୍ୟକ୍ତିଙ୍କ ନାମ ଆବଣ୍ଟନ ତାଲିକାରୁ ହଟାଯିବ ବୋଲି ଜେନା ପ୍ରକାଶ କରିଛନ୍ତି।


All Right Reserved By Dharitri.Com

ଭିଡ଼ ଏଡ଼ାଇବାକୁ ପୌର ପ୍ରଶାସନର ପଦକ୍ଷେପ:କାର୍ଯ୍ୟାଳୟ ସମ୍ମୁଖରୁ ହଟିଲେ ଉଠା ଦୋକାନୀ

ଅନୁଗୋଳ ଅଫିସ, ୨୭।୮ ଅନୁଗୋଳ ପୌର କାର୍ଯ୍ୟାଳୟ ସମ୍ମୁଖରେ ବେପାର କରୁଥିବା ଉଠା ଦୋକାନୀଙ୍କୁ ସୋମବାର ହଟାଇ ଦିଆଯାଇଛି। ପୂର୍ବରୁ ସେମାନଙ୍କୁ ଏ ନେଇ ନୋଟିସ...

ତୁଟିଲା ସରକାରୀ ବସ୍‌ଷ୍ଟାଣ୍ଡ ଅଡ଼ୁଆ

ଅନୁଗୋଳ ଅଫିସ, ୨୧।୯ – ଅନୁଗୋଳରେ ନିର୍ମାଣ ଚାଲିଥିବା ଅତ୍ୟାଧୁନିକ ସରକାରୀ ବସ୍‌ଷ୍ଟାଣ୍ଡ ସମ୍ମୁଖରେ ଥିବା କେତୋଟି ଦୋକାନକୁ ନେଇ ସୃଷ୍ଟି ହୋଇଥିବା ବିବାଦର ସମାଧାନ...

ଅନୁଗୋଳରେ ଜେଏସ୍‌ପିଏଲ୍‌ ଫାଉଣ୍ଡେଶନର ‘ଆଶା-ଦି ହୋପ୍‌’ଉଦ୍‌ଘାଟିତ : ଦିବ୍ୟାଙ୍ଗଙ୍କ ମାତା ପିତାଙ୍କ ସ୍ବପ୍ନ ସାକାର କରିବୁ: ଶାଲୁ ଜିନ୍ଦଲ

ଅନୁଗୋଳ ଅଫିସ, ୮।୧୨ – ଦିବ୍ୟାଙ୍ଗ ତଥା ସ୍ବତନ୍ତ୍ର ଭିନ୍ନକ୍ଷମ ଶିଶୁମାନଙ୍କ ଆବଶ୍ୟକତା ପୂରଣ ପାଇଁ ଜେଏସ୍‌ପିଏଲ୍‌ ଫାଉଣ୍ଡେଶନ ପକ୍ଷରୁ ‘ଆଶା-ଦି ହୋପ୍‌’ ନାମକ ଏକ...

ମୃତଦେହ ଦାହ ପାଇଁ ହଇରାଣ ହେଉଛନ୍ତି ସହରବାସୀ: ଶ୍ମଶାନ, ବିଦ୍ୟୁତ୍‌ ଚୁଲା ବ୍ୟବସ୍ଥା ଦାବି

ଅନୁଗୋଳ ଅଫିସ, ୯।୮-ଅନୁଗୋଳ ସହରରେ ନାହିଁ ଶ୍ମଶାନ ସୁବିଧା। ଅଧିକାଂଶ ଶ୍ମଶାନ ଜମିକୁ ଜବରଦଖଲକାରୀ ମାଡ଼ି ବସିଥିବାବେଳେ ଅନେକ ଅବହେଳିତ ହୋଇ ପଡ଼ିରହିଛି। ହେମସୁରପଡ଼ାରେ ପୌରପାଳିକାର...

କିଶୋରନଗର ବ୍ଲକରେ ଅଘୋଷିତ ବିଦ୍ୟୁତ କାଟ, ଗ୍ରାହକଙ୍କ ମଧ୍ୟରେ ଅସନ୍ତୋଷ

ବଇଣ୍ଡା,୬।୮ଡି.ଏନ.ଏ.)- କିଶୋରନଗର ବ୍ଲକ ଅଙ୍ଗପଡ଼ା, ତୁରୁଡ଼ା, ଆଡ଼ିକଟା, ଧରଡ଼ପାଳ, ନତଡା, କ୍ଷେତି ଅଞ୍ଚଳରେ ଗତ କିଛିଦିନ ହେବ ଅଘୋଷିତ ବିଦ୍ୟୁତ କାଟ ହେଉଛି। ଫଳରେ ଗ୍ରାହକଙ୍କ...

ଦରଦି ଚେହେରା ଜଗନ୍ନାଥ ବେହେରା: ଅନ୍ୟ ପାଇଁ ଲେଖୁଛନ୍ତି ଅଭିଯୋଗପତ୍ର

ବଅଁରପାଳ, ୨୮।୮-ପେଶାରେ ବ୍ୟବସାୟୀ ହେଲେ ବି ଗରିବ, ଅସହାୟ ମଣିଷଙ୍କ ପ୍ରତି ତାଙ୍କ ମଧ୍ୟରେ ଅଛି ଦରଦି ଭାବ। ଥାନା, କୋର୍ଟ, ବ୍ଲକ, ତହସିଲ ସମେତ...

କେନ୍ଦୁପତ୍ର ବୋଝେଇ ମିନି ଟ୍ରକ ଜବତ

ବଇଣ୍ଡା,୩୦।୮(ଡି.ଏନ.ଏ.)-କିଶୋରନଗର ବ୍ଲକ ହଣ୍ଡପା ଥାନା ଆଶ୍ରୁବାହାଳ ଗ୍ରାମରୁ ଗୁରୁବାର ବିଳମ୍ବିତ ରାତିରେ ଏକ ଚୋରା କେନ୍ଦୁପତ୍ର ବୋଝେଇ ଟ୍ରକକୁ ବଇଣ୍ଡା ଫାଣ୍ଡି ପୋଲିସ ଜବତ କରିଛି।...

ଉଦାହରଣ ପାଲଟିଲା କୁଲାଡ଼ ଆଲୁମିନିୟମ ଉଚ୍ଚ ବିଦ୍ୟାଳୟ: ମୋ ସ୍କୁଲ ଅଭିଯାନରେ ୪.୧୮ ଲକ୍ଷ ଆଦାୟ

ବଅଁରପାଳ, ୧୯।୧୨(ଡି.ଏନ.ଏ.) – ବିଦ୍ୟାଳୟର ବିକାଶ ପାଇଁ ରାଜ୍ୟ ସରକାରଙ୍କ ଦ୍ୱାରା ପ୍ରାୟୋଜିତ ମୋ ସ୍କୁଲ ଅଭିଯାନରେ ବଅଁରପାଳ ବ୍ଲକ କୁଲାଡ଼ସ୍ଥିତ ଆଲୁମିନିୟମ ଉଚ୍ଚ ବିଦ୍ୟାଳୟ...

Leave a comment

Your email address will not be published. Required fields are marked *