ଖଣି ପ୍ରଭାବିତ ଅଞ୍ଚଳରେ ମେଗା ଜଳଯୋଗାଣ ପ୍ରକଳ୍ପ ବାଟବଣା: ତ୍ରୁଟି ସୁଧାରିବାକୁ ତାଗିଦ୍‌

ଯାଜପୁର ଅଫିସ,୨୨ା୮: ଯାଜପୁର ଜିଲା ସୁକିନ୍ଦା ବ୍ଲକର ଖଣି ପ୍ରଭାବିତ ଅଞ୍ଚଳରେ ଜିଲା ଖଣିଜ ପଦାର୍ଥ ପ୍ରତିଷ୍ଠାନ(ଡିଏମ୍‌ଏଫ୍‌) ପାଣ୍ଠିରେ ନିର୍ମାଣାଧିନ ମେଗା ପାଇପ ଜଳଯୋଗାଣ ପ୍ରକଳ୍ପ କାର୍ଯ୍ୟ ଅତି ନିମ୍ନମାନର ହେଉଛି। ଏଥିରେ ବ୍ୟାପକ ଅନିୟମିତତା ହେବା ସହିତ ବିଭାଗୀୟ ତଦାରଖ ଠିକ୍‌ ଭାବେ ହୋଇ ପାରିନାହିଁ। ଦାୟିତ୍ୱରେ ଥିବା ଠିକାସଂସ୍ଥା ନାଗାର୍ଜୁନ କନ୍‌ଷ୍ଟ୍ରକ୍ସନ କମ୍ପାନୀ ଲିଃ(ଏନ୍‌ସିସି) କୌଣସି ନୀତିନିୟମକୁ ନ ମାନି କାର୍ଯ୍ୟ କରୁଛି। ଏପରି କି ମାଟି ଉପରେ ପାଇପ ବିଛାଇ ଯେନତେନ ପ୍ରକାରେ କାର୍ଯ୍ୟ ସମ୍ପାଦନ କରିବାକୁ ଉଦ୍ୟମ ହେଉଛି। ଅଥରିଟି ଇଞ୍ଜିନିୟର୍ସ(ଯନ୍ତ୍ରୀ ପ୍ରାଧିକରଣ) ପକ୍ଷରୁ ଖଣି ପ୍ରଭାବିତ ଅଞ୍ଚଳରେ ହେଉଥିବା ଗ୍ରାମ୍ୟ ପାଇପ ଜଳଯୋଗାଣ ପ୍ରକଳ୍ପ ଉପରେ ନୀରିକ୍ଷଣ ଓ ତଦନ୍ତରେ ଏହା ଜଣାପଡିଛି । ଏହି ମର୍ମରେ ଗ୍ରାମ୍ୟ ଜଳଯୋଗାଣ ଓ ପରିମଳ(ଆରଡବ୍ଲ୍ୟୁଏସ୍‌ଏସ୍‌) କଟକ ସର୍କଲ ବିଭାଗର ଅଧିକ୍ଷଣ ଯନ୍ତ୍ରୀଙ୍କୁ ଅଥରିଟି ଇଞ୍ଜିନିୟରର ତଦନ୍ତ ରିପୋର୍ଟ ସହ ପରାମର୍ଶ ଓ ପରିଶୋଧନ କରିବାକୁ ବିଭାଗୀୟ ସର୍ବୋଚ୍ଚ ଯନ୍ତ୍ରୀ(ଇଞ୍ଜିନିୟର ଇନ୍‌ ଚିଫ୍‌) ଗତ ୨ଦିନ ତଳେ ସୂଚନା ଦେଇଛନ୍ତି। ଉକ୍ତ ସୂଚନା ପତ୍ରରେ ଏନ୍‌ସିସି ଠିକାସଂସ୍ଥାକୁ ତ୍ରୁଟି ସୁଧାରିବା ସହ ଅଧିକ ଯନତ୍ଶୀଳ ହେବାକୁ ତାଗିଦ କରି ଏକ ରିପୋର୍ଟ ପ୍ରସ୍ତୁତ କରିବାକୁ ନିର୍ଦ୍ଦେଶ ହୋଇଛି। ଏଥିରୁ ଡିଏମ୍‌ଏଫ୍‌ ପାଣ୍ଠିର କୋଟି କୋଟି ଟଙ୍କା କିଭଳି ଭାବରେ ବିଭାଗୀୟ ଅଧିକାରୀ ଓ ଠିକାଦାର ମିଳିମିଶି ଚଳୁ କରିବାକୁ ମସୁଧା ଚଳାଇଛନ୍ତି ତାହା ଜଳଜଳ ହୋଇ ବାରି ହୋଇପଡ଼ୁଛି।
ଯାଜପୁର ଜିଲା ସୁକିନ୍ଦା ବ୍ଲକ ମୁଖ୍ୟ ଖଣି ଗ୍ରାମଠାରୁ ୧୦ କି.ମି. ପରିଧି ମଧ୍ୟରେ ଥିବା ସମସ୍ତ ଗ୍ରାମକୁ ପାଇପ ଯୋଗେ ଜଳଯୋଗାଣ କରିବାକୁ ଡିଏମ୍‌ଏଫ୍‌ ପାଣ୍ଠିରୁ ୨୨୫କୋଟି ଟଙ୍କା ମଞ୍ଜୁର ହୋଇଛି। ବ୍ରାହ୍ମଣୀ ନଦୀର ଢେଙ୍କାନାଳ ଜିଲା ଭୁବନ ବ୍ଲକର ପ୍ରହରାଜପୁର(ମଣିପୁର) ନିକଟରେ ଏହି ପ୍ରକଳ୍ପ ନିର୍ମାଣାଧିନ ଅବସ୍ଥାରେ ରହିଛି। ସମ୍ପ୍ରତି ରହଁ।ସୋଲରୁ ମଙ୍ଗଳପୁର ଓ ବାମ୍ଫିଲୋରୁ କୁନିନ୍ଦା ପର୍ଯ୍ୟନ୍ତ ପାଇପ ବିଛା କାର୍ଯ୍ୟ ମଧ୍ୟ ଚାଲିଛି। ଏହି ପ୍ରକଳ୍ପ ଜରିଆରେ ସୁକିନ୍ଦା ବ୍ଲକର ଦୁଧୁଯୋରୀ, କୁହିକା, କାଙ୍କଡ଼ପାଳ, ରାହାଁସୋଲ, ଚିଙ୍ଗୁଡିପାଳ, କାଳିଆପାଣି ଓ ପିମ୍ପୁଡିଆ ପଞ୍ଚାୟତର ପ୍ରାୟ ୩୦ଟି ଗ୍ରାମକୁ ଜଳଯୋଗାଣ କରିବାକୁ ଲକ୍ଷ୍ୟ ରଖାଯାଇଛି। ହେଲେ ବିଭାଗୀୟ ଯନ୍ତ୍ରୀ ଓ ଠିକାଦାରଙ୍କ ମଧ୍ୟରେ ଚାଲିଥିବା ମଧୁଚନ୍ଦ୍ରିକା ଯୋଗୁ ପ୍ରକଳ୍ପର ଅଗ୍ରଗତି ନୈରାଶ୍ୟଜନକ ହୋଇଥିବାବେଳେ ନିର୍ଦ୍ଧାରିତ ଅଟକଳ ଅନୁସାରେ କାର୍ଯ୍ୟ ହେଉ ନାହିଁ। ଯାହାକି ଅଥରିଟି ଇଞ୍ଜିନିୟର ପକ୍ଷରୁ ଗତ ଜୁଲାଇ ମାସରେ ସୁକିନ୍ଦା ପ୍ରକଳ୍ପର ନୀରିକ୍ଷଣ ରିପୋର୍ଟରୁ ଜଣାପଡ଼ିଛି। ଯାଜପୁର ଡିଭିଜନ ପକ୍ଷରୁ ହେଉଥିବା ସୁକିନ୍ଦା ପ୍ରକଳ୍ପରେ ଶ୍ରମିକମାନେ ବିନା ସୁରକ୍ଷା ବ୍ୟବସ୍ଥାରେ କାର୍ଯ୍ୟ କରୁଥିବା ନୀରିକ୍ଷଣ ବେଳେ ଜଣାପଡ଼ିଥିଲା। ଏପରି କି ଗୋଟିଏ ଖାତ(ଟେଞ୍ଚ୍‌)ରେ ଏକାଧିକ ପାଇପ ବିଛାଯାଇଛି। ଖାତର ଗଭୀରତା ଜଳଯୋଗାଣ ମାନୁଆଲକୁ ସମ୍ପୂର୍ଣ୍ଣ ଉଲ୍ଲଂଘନ କରାଯାଇଛି। ମାଟି ଉପରେ ପାଇପ ବିଛାଯାଇ ଯେନତେନ ପ୍ରକାରେ କାର୍ଯ୍ୟ ସମ୍ପାଦନ ହେଉଛି। ତେଣୁ ଏହି ଅଭ୍ୟାସକୁ ବନ୍ଦ କରିବା ସହ ଆବଶ୍ୟକ ଗାଇଡଲାଇନ ଅନୁସାରେ ପାଇପ ବିଛାଇବାକୁ ନିର୍ଦ୍ଦେଶ ଦିଆଯାଇଛି। ପାଟନାଠାରେ ନିର୍ମାଣାଧିନ ଇଏସ୍‌ଆର ସ୍ତମ୍ଭରେ ବିଭିନ୍ନ ତ୍ରୁଟି ପରିଲ୍ଲକ୍ଷିତ ହୋଇଥିବାବେଳେ ସିଧା(ଭର୍ଟିକାଲ) ଭାବେ ନିର୍ମାଣ ହୋଇନାହିଁ । ଯାହାକି ଏକ ଗୁରୁତର କ୍ଷତି ା ତେଣୁ କଟକ ସର୍କଲ ଅଧିକ୍ଷଣ ଯନ୍ତ୍ରୀ ତୁରନ୍ତ ପ୍ରକଳ୍ପ ଅଞ୍ଚଳ ପରିଦର୍ଶନରେ ଯାଇ ଆବଶ୍ୟକ ପଦକ୍ଷେପ ନେବାକୁ ଅଥରିଟି ଇଞ୍ଜିନିୟର୍ସ ପ୍ରସ୍ତାବ ଦେଇଛି। ସମସ୍ତ ନିର୍ମାଣ ସାମଗ୍ରୀ ପରୀକ୍ଷା କରି ବ୍ୟବହାର କରିବା କଥା, ଯାହାକି ହେଉ ନାହିଁ। ସେହିପରି ବ୍ୟବହାର ହେଉଥିବା ପଥର ସାମଗ୍ରୀ ଗାଇଡ ଲାଇନ ଅନୁସାରେ ସଂଗ୍ରହ କରାଯାଇ ନାହିଁ ବୋଲି ଅଥରିଟି ପକ୍ଷରୁ ନୀରିକ୍ଷଣ ବେଳେ ଜଣାପଡିଛି ା ତେଣୁ ତୁରନ୍ତ ଏହିସବୁ ତ୍ରୁଟି ସୁଧାରିବା ସହ ପ୍ରକଳ୍ପ ଉପରେ ଅଧିକ ଗୁରୁତ୍ୱ ଦେବାକୁ ଅଥରିଟି ଇଞ୍ଜିନିୟର୍ସ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛି ା ଏ ସଂକ୍ରାନ୍ତରେ ଯାଜପୁର ଆରଡବ୍ଲ୍ୟୁଏସ୍‌ଏସ୍‌ର ନିର୍ବାହୀ ଯନ୍ତ୍ରୀ ଅମିୟ କୁମାର ପରିଜାଙ୍କୁ ପଚାରିବାରେ ସେ କହିଛନ୍ତି ସମ୍ପୃକ୍ତ ପ୍ରକଳ୍ପର ଦେଖାରେଖା କରିବାକୁ ଆବଶ୍ୟକ ଯନ୍ତ୍ରୀ ନାହଁାନ୍ତି। ଜଣେ ଏସ୍‌ଡିଓଙ୍କ ପକ୍ଷେ ଉପଯୁକ୍ତ ଭାବେ ନୀରିକ୍ଷଣ କରିବା ସମ୍ଭବ ହେଉନାହିଁ। ତଥାପି ଅଟରିଟି ଇଞ୍ଜିନିୟର୍ସଙ୍କ ପରାମର୍ଶ ଉପରେ ଅଧିକ ଗୁରୁତ୍ୱ ଦିଆଯିବ ବୋଲିି ସେ କହିଛନ୍ତି। ଖଣି ପ୍ରଭାବିତ ଲୋକଙ୍କୁ ସ୍ବଚ୍ଛ ଜଳ ଯୋଗାଇବାକୁ ପ୍ରକଳ୍ପ କାର୍ଯ୍ୟକାରୀ ହେଉଥିଲେ ହେଁ ବିଭାଗୀୟ ଯନ୍ତ୍ରୀମାନେ ତାକୁ ଗୁରୁତର ସହ ନେଉ ନାହାନ୍ତି । ତେଣୁ ସମ୍ପୃକ୍ତ ଠିକାସଂସ୍ଥାର ମାନମାନି ବଢିବଢି ଚାଲିଛି ବୋଲି ମତପ୍ରକାଶ ପାଉଛି।


All Right Reserved By Dharitri.Com

ବିପଦରେ ବ୍ରିଟିଶ ଅମଳର ପୋଲ

ଜୟପୁର,୧୩ା୧୨(ନି.ପ୍ର.): କୋରାପୁଟ ଜିଲା ଜୟପୁର ନିକଟସ୍ଥ ପାତ୍ରପୁଟଠାରେ ଥିବା ବ୍ରିଟିଶ ଅମଳର ପୋଲ ଏବେ ବିପଦସଙ୍କୁଳ ଅବସ୍ଥାରେ ରହିଛି। ଏପରିକି ଭାରୀଯାନ ଏହା ମଧ୍ୟଦେଇ ଗଲେ...

ସତ୍ୟବାଦୀ ଥାନା ପରିଦର୍ଶନ କଲେ ଗୃହରାଷ୍ଟ୍ର ମନ୍ତ୍ରୀ: ପୋଲିସ ସାଧାରଣ ଲୋକଙ୍କ ଆସ୍ଥା ଭାଜନ ହେବାକୁ ପରାମର୍ଶ

ସାକ୍ଷୀଗୋପାଳ,୧୭।୧୧(ଡି.ଏନ୍‌.ଏ): ରାଜ୍ୟ ସରକାରଙ୍କ ୫-ଟି କାର୍ଯ୍ୟକ୍ରମ ଆଧାରରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର ଶନିବାର ସାରେ ଅଚାନକ ପୁରୀ ଜିଲା ସତ୍ୟବାଦୀ ଥାନା ପରିଦର୍ଶନ କରିଛନ୍ତି...

ପୁଣି ଭୁବନେଶ୍ୱର ବିମାନବନ୍ଦରରୁ ସୁନା ଜବତ: ଯାତ୍ରୀଙ୍କଠାରୁ ମିଳିଲା ୧୫୦.୯୨୦ ଗ୍ରାମର ସୁନା, ମୂଲ୍ୟ ୫ଲକ୍ଷରୁ ଅଧିକ

ଭୁବନେଶ୍ୱର, ୧୦।୭(ବ୍ୟୁରୋ): କଟକଣା ସତ୍ତ୍ୱେ କମୁନି ସୁନା ଚୋରା ଚାଲାଣ। ବୁଧବାର ପୁଣି ଭୁବନେଶ୍ୱର ବିମାନବନ୍ଦରରୁ ସୁନା ଜବତ କରିଛି କଷ୍ଟମ ବିଭାଗ। ବ୍ୟାଙ୍କକ୍‌ରୁ ଆସିଥିବା...

ଅନୁଗୋଳ ପୁଅକୁ ଆମେରିକା ଡାକରା; ଶୁଭ୍ରାଂଶୁଙ୍କ ‘ମାଭିକ୍‌’ ଡ୍ରୋନ୍‌କୁ ନାସା କହିଲା ମିରାକିଲ୍‌

ଅନୁଗୋଳ ଅଫିସ, ୪।୧୧:  ୨୪ ଘଣ୍ଟା ଆକାଶରେ ଉଡ଼ାଣ କରିପାରିବ। ୧୫ କେଜିର ଫାଷ୍ଟଏଡ୍‌ ନେଇ ତୁରନ୍ତ ଅପହଞ୍ଚ ଅଞ୍ଚଳର ଗୁରୁତର କିମ୍ବା ଦୁର୍ଘଟଣାଗ୍ରସ୍ତଙ୍କ ନିକଟରେ ପହଞ୍ଚାଇ...

ନ୍ୟାୟ ଦେଲାନି ନିଆଳି ଥାନା ପୋଲିସ: ନବୀନ ନିବାସ ଆଗରେ ଯୁବକଙ୍କ ଆତ୍ମାହୁତି ଉଦ୍ୟମ

ଭୁବନେଶ୍ୱର, ୨୨।୯(ବ୍ୟୁରୋ): ନ୍ୟାୟ ଦେଲା ନାହିଁ ପୋଲିସ। ନିଆଳି ଥାନାକୁ ବାରମ୍ବାର ଦୌଡି ନିରାଶ ହେବାପରେ ଶେଷରେ ଯୁବକ ଜଣକ ଶନିବାର ସକାଳେ ନବୀନ ନିବାସ...

ଭିଡିପି ଆସୋସିଏଟ ସର୍ଭେ: ଶୀର୍ଷରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ; ୨ୟରେ ଯୋଗୀ, ଜଗନ ତୃତୀୟ

ଭୁବନେଶ୍ୱର,୧୮।୮(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରଦର୍ଶନକୁ ନେଇ ରାଜ୍ୟବାସୀ ସନ୍ତୁଷ୍ଟ ଅଛନ୍ତି। ସାରା ଦେଶର ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀମାନଙ୍କ ପ୍ରଦର୍ଶନକୁ ଭିତ୍ତିକରି ପ୍ରସ୍ତୁତ ଏକ ରିପୋର୍ଟରେ...

୨.୫ ଲକ୍ଷ ଟଙ୍କାର କାଠ ଜବତ

ଢେଙ୍କାନାଳ ଅଫିସ, ୧୮ା୧ – ଢେଙ୍କାନାଳ ସଦର ରେଞ୍ଜ୍‌ ତାଳବରକୋଟ ଗ୍ରାମ ନିକଟ ଶାମୁକାତଇଲା ଶାଳ ଜଙ୍ଗଲରେ କାଠମାଫିଆ ସକ୍ରିୟ ହୋଇଉଠିଛନ୍ତି। ବନ ବିଭାଗ ସ୍ଥାଣୁ...

ଆରମ୍ଭ ହେଲା ‘ପୁରୀ ପଢ଼େ, ପୁରୀ ବଢ଼େ’ କାର୍ଯ୍ୟକ୍ରମ ବହି ହେଉଛି ବନ୍ଧୁ: ଚିତ୍ରା ଅରୁମୁଗମ୍‌

ପୁରୀ ଅଫିସ, ୮ା୧୨: ଆଗକୁ ଯିବାର ଏକମାତ୍ର ରାସ୍ତା ହେଉଛି ଶିକ୍ଷା। ଯାହା ପାଖରେ ଶିକ୍ଷା ଅଛି ତାଙ୍କୁ କେହି ଅଟକାଇ ପାରିବେ ନାହିଁ। ସ୍କୁଲ...

Leave a comment

Your email address will not be published. Required fields are marked *