ଋଷିକୁଲ୍ୟା ସହ ସଂଯୋଗୀକରଣ ହେଉନି ମହାନଦୀ : କେନ୍ଦ୍ର ଅବହେଳାକୁ ଦାୟୀ

ବ୍ରହ୍ମପୁର ଅଫିସ,୧୯ା୫-କୃଷି ପ୍ରଧାନ ଗଞ୍ଜାମ ଜିଲାର ବହୁବର୍ଷର ଦାବି ଋଷିକୁଲ୍ୟା ଓ ମହାନଦୀ ସଂଯୋଗୀକରଣ ହୋଇପାରିଲା ନାହିଁ। ବିଜେଡି ଓ ଭାଜପା ମେଣ୍ଟ ସରକାର ଅମଳରୁ ଏହି ପ୍ରସଙ୍ଗ ଉଠିଛି ା ଦାବିପୂରଣ ଦିଗରେ ରାଜ୍ୟ ସରକାରଙ୍କ ପକ୍ଷରୁ ଆଖି ବୁଜି ଦିଆଯାଇଛି। ବିରୋଧୀ ଭାଜପାରେ ଥିବା ବେଳେ ପୂର୍ବତନ ଉପବାଚସ୍ପତି ରାମଚନ୍ଦ୍ର ପଣ୍ଡା ନଦୀ ସଂଯୋଗୀକରଣ ଲାଗି ତୀବ୍ର ସ୍ବର ଉତ୍ତୋଳନ କରିଥିଲେ ଏବଂ କାର୍ଯ୍ୟକାରୀ ହେଉ ନ ଥିବାରୁ ବିଜେଡି ସରକାର ଉପରେ ବର୍ଷୁଥିଲେ। ଘଟଣାଚକ୍ରରେ ଦଳ ବଦଳ କରି ପଣ୍ଡା ବିଜେଡିରେ ଯୋଗ ଦେଇ ରାଜ୍ୟ ଯୋଜନା ବୋର୍ଡର ସଦସ୍ୟ ହେବା ସହ ରାଷ୍ଟ୍ରମନ୍ତ୍ରୀ ପାହ୍ୟା ପାଇଛନ୍ତି । ଏବେ ଦୁଇ ନଦୀ ସଂଯୋଗୀକରଣ ପାଇଁ କେନ୍ଦ୍ର ଅବହେଳାକୁ ସେ ଦାୟୀ କରିଛନ୍ତି। ଧରିତ୍ରୀ ସହ ଆଲୋଚନା ପ୍ରସଙ୍ଗରେ ପଣ୍ଡା ଏହା କହିଛନ୍ତି ।
ସୂଚନାଯୋଗ୍ୟ, ଏହି ଜିଲାର ସମୁଦାୟ ଜନସଂଖ୍ୟା ମଧ୍ୟରୁ ୭୦ ରୁ ୮୦ ପ୍ରତିଶତ କୃଷି କାର୍ଯ୍ୟକ୍ରମ ଉପରେ ନିର୍ଭର କରନ୍ତି । ୪.୧୧ ଲକ୍ଷ ହେକ୍ଟର ଚାଷ ଜମି ମଧ୍ୟରୁ ଏକ ଚତୁର୍ଥାଂଶକୁ ସେଚ ବ୍ୟବସ୍ଥା ହୋଇଛି ଏବଂ ଅବଶିଷ୍ଟ ଜମିକୁ ସଙ୍କଟ ଲାଗି ରହିଛି। ଶୀତ ଓ ଗ୍ରୀଷ୍ମ ଋତୁରେ ଋଷିକୁଲ୍ୟା ଶୁଷ୍କ ହୋଇଯାଉଛି ଏବଂ ବର୍ଷା ଋତୁରେ ବନ୍ୟାଜଳ ବଙ୍ଗୋପସାଗରକୁ ଯାଉଛି। ତେଣୁ ମହାନଦୀ ସହ ସଂଯୋଗୀକରଣ ହେଲେ ଋଷିକୂଲ୍ୟା ଚିରସ୍ରୋତା ହେବ ଓ କୃଷି ପାଇଁ ସେଚ ସୁବିଧା ସାଙ୍ଗକୁ ପିଇବା ପାଣି ସଙ୍କଟର ସ୍ଥାୟୀ ସମାଧାନ ହୋଇପାରିବ । କେବଳ ସେତିକି ନୁହେଁ ନଦୀ ସଂଯୋଗୀକରଣ ଦ୍ୱାରା ବନ୍ୟାଜଳ ମଧ୍ୟ ନିୟନ୍ତ୍ରଣ ହୋଇପାରିବ। ଋଷିକୁଲ୍ୟା ନଦୀ ଗଞ୍ଜାମ ଜିଲାର ଜୀବନ ରେଖା ହୋଇଥିବାରୁ ଏହାର ବିକାଶ ପାଇଁ ରାମ ପଣ୍ଡା ଗର୍ଜନ କରୁଥିଲେ।
ନଦୀ ସଂଯୋଗୀକରଣ ଦାବି ନେଇ ୨୦୦୭ ନଭେମ୍ବର ୩ରେ ଭାଜପା କୃଷକ ମୋର୍ଚ୍ଚା ବ୍ୟାନରରେ ଜିଲାର ସଦର ମହକୁମା ଛତ୍ରପୁରରେ ରାମ ପଣ୍ଡାଙ୍କ ନେତୃତ୍ୱରେ ବିଶାଳ କୃଷକ ରାଲି ଅନୁଷ୍ଠିତ ହୋଇଥିଲା। ହଜାର ହଜାର ଚାଷୀ ଏଥିରେ ସାମିଲ ହୋଇଥିଲେ। ଦ୍ୱିତୀୟ ମେଣ୍ଟ ସରକାରର କେତେକ ଭାଜପା ମନ୍ତ୍ରୀ ଓ ନେତା ବସ୍‌ଷ୍ଟାଣ୍ଡରେ ହୋଇଥିବା ସମାବେଶରେ ଉପସ୍ଥିତ ଥିଲେ। ଋଷିକୁଲ୍ୟା ସହ ମହାନଦୀ ସଂଯୋଗୀକରଣ ତୁରନ୍ତ କରାଯିବା ଉପରେ ଗୁରୁତ୍ୱ ଦିଆଯାଇଥିଲା। ସେହି ସମାବେଶରେ ସମୁଦ୍ରକୁ ଯାଉଥିବା ଋଷିକୁଲ୍ୟା ବନ୍ୟା ଜଳ ରୋକିବା ନିମନ୍ତେ ଉପନଦୀ ଖରଖରିରେ ଆନିକଟ ନିର୍ମାଣ ଲାଗି ଦାବି ହୋଇଥିଲା। ଏହାଦ୍ୱାରା ସବୁ ବର୍ଷର ମରୁଡ଼ି ଦାଉରୁ ରକ୍ଷା ମିଳିବାର ଦର୍ଶାଯାଇଥିଲା । କୃଷକ ସ୍ବାର୍ଥ ସମ୍ବଳିତ ସମସ୍ୟା ପ୍ରତି ରାଜ୍ୟ ସରକାର ଅଣଦେଖା କରୁଥିବା କଟାକ୍ଷ ମଧ୍ୟ କରାଯାଇଥିଲା। ମେଣ୍ଟ ସରକାରର ଭାଜପା ମନ୍ତ୍ରୀ ଓ ନେତାଙ୍କ ଏହି ଅଭିଯୋଗ ବେଶ୍‌ ରୋଚକ ହୋଇଥିଲା।
ବର୍ତ୍ତମାନର ଯୋଜନା ବୋର୍ଡ ସଦସ୍ୟ ପଣ୍ଡା ୨୦୦୦ ନିର୍ବାଚନରେ ଛତ୍ରପୁର ସେଗମେଣ୍ଟରୁ ଭାଜପା ପ୍ରାର୍ଥୀ ଭାବେ ଲଢ଼ି ବିଧାୟକ ହୋଇଥିଲେ। ଭାଗୁଆଳି ଶାସନ ଯୋଗୁ ବିଜେଡିରୁ ବାଚସ୍ପତି ଏବଂ ଉପବାଚସ୍ପତି ପଦ ଭାଜପା ଭାଗରେ ପଡ଼ିବାରୁ ସେ ପାଇଥିଲେ। ଦୁଇ ନଦୀ ସଂଯୋଗୀକରଣ ଲାଗି ସେ ବିଧାସଭାରେ ପ୍ରସଙ୍ଗ ଉଠାଇଥିଲେ। କେବଳ ସେତିକି ନୁହେଁ ସେତେବେଳର ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଦରବାର ପର୍ଯ୍ୟନ୍ତ ପଣ୍ଡା ଯାଇଥିଲେ। ତତ୍କାଳୀନ ରାଜ୍ୟ ଜଳ ସମ୍ପଦ ମନ୍ତ୍ରୀ ମଙ୍ଗଳା କିଷାନ ସଂଯୋଗୀକରଣ କରାଯିବା ସପକ୍ଷରେ ବିଧାନସଭାରେ ୨୦୦୩ ମାର୍ଚ୍ଚ ୨୫ରେ ଉତ୍ତର ରଖିଥିଲେ। ଏହାର ୧୫ ବର୍ଷ ବିତିଛି ଏବଂ ଯୋଜନାର ନଁା ଗନ୍ଧ ନ ଥିବାରୁ ଅନିଶ୍ଚିତ ହୋଇଯାଇଛି। ରାମ ରାଜ୍ୟ ଯୋଜନା ବୋର୍ଡ ସଦସ୍ୟ ହୋଇଥିବାରୁ ସଂଯୋଗୀକରଣ ବାଟ ଫିଟିବାର ଆଶା କରାଯାଇଥିଲା। ତେବେ କେନ୍ଦ୍ରକୁ ଦୋଷ ଦେଇ ଏବେ ଚୁପ୍‌ ହୋଇଯାଇଥିବା ଚର୍ଚ୍ଚାର ବିଷୟ ପାଲଟିଛି ।


All Right Reserved By Dharitri.Com

ମହିଳାଙ୍କୁ ଅସଦାଚରଣ ଅଭିଯୋଗ: ଅଭିଯୁକ୍ତ ଫେରାର

ଦିଗପହଣ୍ଡି,୬।୮(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ଥାନା ଅନ୍ତର୍ଗତ ଜଣେ ମହିଳାଙ୍କୁ ଅସଦାଚରଣ ସହ ଗାଳିଗୁଲଜ ହୋଇଥିବା ଥାନାରେ ଅଭିଯାଗ ହୋଇଛି। ମହିଳାଙ୍କ ଏତଲା ଆଧାରରେ ଆଇଆଇସି...

ବ୍ରହ୍ମପୁର-ସମ୍ବଲପୁର ରେଳଲାଇନ ଦାବି ପ୍ରସଙ୍ଗ : ଏମ୍‌ପିଙ୍କୁ ଭେଟିଲେ ୩ ବାର୍‌ ଆସୋସିଏଶନ କର୍ମକର୍ତ୍ତା

ଭଞ୍ଜନଗର,୧୮।୮(ଡି.ଏନ.ଏ)-ବ୍ରହ୍ମପୁର ଭାୟା ଭଞ୍ଜନଗର ସମ୍ବଲପୁର ରେଳଲାଇନ ପାଇଁ ଭଞ୍ଜନଗର ବାର୍‌ ଆସୋସିଏଶନ ବିଭିନ୍ନସ୍ତରରେ ଦାବି ଉଠାଉଛି। ବାର୍‌ ଆସୋସିଏଶନ କର୍ମକର୍ତ୍ତା କିଛିଦିନ ପୂର୍ବେ ବ୍ରହ୍ମପୁର ଏମ୍‌ପି...

୧୫୬ ବର୍ଷର ବ୍ରହ୍ମପୁର ମଣ୍ଡଳ କାରାଗାର : ରାଜ୍ୟର ଏକମାତ୍ର ଫାଶୀଖୁଣ୍ଟ, ନାହାନ୍ତି ଘାତକ

ବ୍ରହ୍ମପୁର ଅଫିସ,୭ା୧୨-ବ୍ରିଟିଶ ଶାସନରେ ଏବଂ ଗଞ୍ଜାମ ଜିଲା ମାଡ୍ରାସ ପ୍ରେସିଡେନ୍ସି ଅଧୀନରେ ଥିବା ବେଳେ ୧୮୬୩ରେ ସ୍ଥାପିତ ହୋଇଥିଲା ବ୍ରହ୍ମପୁର ମଣ୍ଡଳ କାରାଗାର। ୧୫୬ ବର୍ଷର...

୧୦ ଲକ୍ଷ ଟଙ୍କାର ଗୁଟ୍‌ଖା ଜବତ

ବ୍ରହ୍ମପୁର ଅଫିସ,୯ା୮- ବଡବଜାର ପୋଲିସ ଗୁରୁବାର ପାଣିଗ୍ରାହୀ ପେଣ୍ଠରେ ଥିବା ଏକ ଗୁଟ୍‌ଖା କାରଖାନାରେ ଚଢାଉ କରି ବିପୁଳ ପରିମାଣର ଗୁଟ୍‌ଖା ଜବତ କରିଛି। ଜଣେ...

ବ୍ରହ୍ମପୁରରେ ଘରୋଇ ବସ୍‌ ସେବା ଠପ୍‌: ଯାତ୍ରୀ ହନ୍ତସନ୍ତ

ବ୍ରହ୍ମପୁର ଅଫିସ,୨୬।୧୧: ଗଞ୍ଜାମ ଜିଲା ବ୍ରହ୍ମପୁର ନୂଆ ବସ୍‌ଷ୍ଟାଣ୍ଡ ତଥା ସିଟି ବସ୍‌ଷ୍ଟାଣ୍ଡ ମଙ୍ଗଳବାର ବନ୍ଦ ହୋଇଛିି। ବିଡିଏ ପକ୍ଷରୁ ଜାରି କରାଯାଇଥିବା ପୂର୍ବ ନୋଟିସ୍‌...

ଯୁବକଙ୍କ ଗଳିତ ମୃତଦେହ ଜବତ ଘଟଣା: ଅପମୃତ୍ୟୁ ହେଲା ହତ୍ୟା ମାମଲା

ବ୍ରହ୍ମପୁର ଅଫିସ,୩ା୨-ଗୋସାଣୀନୂଆଗାଁ ଥାନାରେ ରୁଜୁ ହୋଇଥିବା ଏକ ଅପମୃତ୍ୟୁ ମାମଲା ଏବେ ହତ୍ୟା ମାମଲାରେ ରୂପାନ୍ତରିତ ହୋଇଛି। ପୋଲିସ ନଂ.୧/୨୦ରେ ମାମଲା ରୁଜୁକରି ଘଟଣାର ଅନୁସନ୍ଧାନ...

ଜାଲ୍‌ ଶିକ୍ଷକଙ୍କୁ ଜିଲାପାଳଙ୍କ ଚେତାବନୀ: ଚାକିରି ଛାଡ଼ିଲେ ବି କାର୍ଯ୍ୟାନୁଷ୍ଠାନ

ବ୍ରହ୍ମପୁର ଅଫିସ୍‌,୨୨|୧୧- ଗଞ୍ଜାମ ଜିଲରେ ଶିକ୍ଷକ ନିଯୁକ୍ତି ସମୟରେ ଜାଲ ସାର୍ଟିଫିକେଟ୍‌ ଦେଇ ଚାକିରି କରିଥିବାରୁ ବର୍ତ୍ତମାନ ଅଡ଼ୁଆ ବଢ଼ିବାରେ ଲାଗିଛି। ପ୍ରତିଦିନ କେହି ନା...

ଦାରିଙ୍ଗବାଡ଼ିରେ ପ୍ରକୃତି ବଞ୍ଚାଇବାକୁ ଉଦ୍ୟମ, ସାମୁହିକ ବୃକ୍ଷରୋପଣ

ଦାରିଙ୍ଗବାଡ଼ି,୮।୭(ଡି.ଏନ୍‌.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ସିମନବାଡ଼ି ବନାଞ୍ଚଳର ସାରିଙ୍ଗିଇର୍ପି ପାହାଡ଼ ନିକଟରେ ସାମୁହିକ ବୃକ୍ଷରୋପଣ କାର୍ଯ୍ୟକ୍ରମ ସୋମବାର ଅନୁଷ୍ଠିତ ହୋଇଯାଇଛି। ଏହାକୁ ସ୍ଥାନୀୟ ବିଧାୟକ...

Leave a comment

Your email address will not be published. Required fields are marked *