ପୁଞ୍ଜିସିଲର ଶୋଭା ବଢ଼ାଉଛି ମୁରାନ ଝରଣା : ପର୍ଯ୍ୟଟକଙ୍କ ପାଇଁ ସାଜିଛି ଆକର୍ଷଣ, ଚାଷୀଙ୍କ ପାଇଁ ବରଦାନ

କୋରାପୁଟ,୧୭ା୫(ସ୍ବ.ପ୍ର.) : ବଣ ପାହାଡ଼ ଘେର ଭିତରେ ରହିଛି ବିସ୍ତ୍ରୀର୍ଣ୍ଣ ପଥର ଚଟାଣ। ତାରି ଉପରେ ଧୀର ସ୍ରୋତରେ ବହିଯାଉଛି ମୁରାନ ଝରଣାର ଜଳରାଶି। ପ୍ରାକୃତିକ ପରିବେଶ ଭିତରେ ଏଭଳି ନିରାପଦ ପ୍ରପାତର ଦୃଶ୍ୟ ଟିକେ ନିଆରା।
କୋରାପୁଟ ଜିଲା ଦାମନଯୋଡ଼ିର ପଞ୍ଚପଟ୍ଟମାଳି ପାହାଡ଼ରୁ ଝରି ଆସିଥିବା ମୁରାନ ଝରଣା ଦଶମନ୍ତପୁର ବ୍ଲକ ପୁଞ୍ଜିସିଲରେ ଏକ ବିଶାଳ ପଥର ଉପରେ ପଡ଼ି ଜଳପ୍ରପାତ ସୃଷ୍ଟି କରିଛି। ବିପଦସଙ୍କୁଳ ସ୍ଥାନ ହୋଇ ନ ଥିବାରୁ ଏଠାରେ ପ୍ରପାତର ମଜା ନେବା ପାଇଁ ସ୍ଥାନୀୟ ଲୋକଙ୍କ ଆଗମନ ନିୟମିତ ଚାଲିଥାଏ। ଖରାଦିନେ ବିସ୍ତୀର୍ଣ୍ଣ ପଥର ଶଯ୍ୟା ଉପରେ ଧୀର ଜଳରାଶିର ସ୍ରୋତରେ ଗାଧୋଇବା ନିରାପଦ ଥିବାରୁ ଏହି ସ୍ଥାନ ଲୋକଙ୍କୁ ନିଜ ଆଡ଼କୁ ଆକର୍ଷିତ କରିଥାଏ। ଏହି ସ୍ଥାନକୁ ଭଲ ରାସ୍ତା ନଥିବା ସତ୍ତ୍ୱେ ଝରଣା ନିକଟକୁ ବସ୍‌ କିମ୍ବା ଜିପ୍‌ରେ ପ୍ରତିଦିନ ଦୂର ଦୂରାନ୍ତରରୁ ଶତାଧିକ ପର୍ଯ୍ୟଟକ ଆସିଥାନ୍ତି। ଏହି ସ୍ଥାନରେ ପର୍ଯ୍ୟଟନ ଭିତ୍ତିଭୂମିର ବିକାଶ ସହ ବସାଉଠା ପାଇଁ ସ୍ଥାନ ଓ ପାନୀୟ ଜଳ ପାଇଁ ନଳକୂପ ସାଙ୍ଗକୁ ଗାଁ ମୁଣ୍ଡରୁ ଏକ ରାସ୍ତାଟିଏ ନିର୍ମାଣ କରାଗଲେ ଏହି ସ୍ଥାନଟି ଅଧିକ ଲୋକାଭିମୁଖୀ ହୋଇପାରିବ ବୋଲି ସ୍ଥାନୀୟ ଗ୍ରାମବାସୀ କହିଛନ୍ତି। ମୁରାନ ଝରଣା ପର୍ଯ୍ୟଟକଙ୍କ ପାଇଁ ଆକର୍ଷଣ ସାଜିବା ସହ ସ୍ଥାନୀୟ ବାସିନ୍ଦାଙ୍କ ଚାଷକୁ ଜୀବନ ଦେଇଆସିଛି। ଏହି ଝରଣା ପାଣି ବ୍ୟବହାର କରି ପୁଞ୍ଜିସିଲ ଗ୍ରାମବାସୀ ଚାଷକାର୍ଯ୍ୟ କରନ୍ତି। ୧୫ ବର୍ଷ ତଳେ ରାଜ୍ୟ ସରକାର ଏହି ଝରଣା ଜଳକୁ କେନାଲ ମାଧ୍ୟମରେ ଉପରମୁଣ୍ଡ ଜମିରେ ଜଳସେଚନ କରିବାର ବ୍ୟବସ୍ଥା କରିଥିଲେ ା ଏହି ସୁବିଧା ପାଇଁ କେତେକ ଗ୍ରାମବାସୀ ଖରାଦିନେ ମଧ୍ୟ ଧାନ ଚାଷ କରୁଛନ୍ତି। କିନ୍ତୁ କିଛି ବର୍ଷ ହେବ ରକ୍ଷଣାବେକ୍ଷଣ ଅଭାବରୁ କେନାଲରେ ଫାଟ ସୃଷ୍ଟି ହୋଇ ଉପରମୁଣ୍ଡରେ ଥିବା ଜମିରେ ପାଣି ପହଞ୍ଚତ୍ ପାରୁନାହଁି ା ତେଣୁ ସୋଲାର ଅଥବା ବିଦ୍ୟୁତ ଚାଳିତ ପମ୍ପ ଲଗାଇ ଝରଣା ପାଣି ଉଠାଇବା ଲାଗି ସରକାର ପଦକ୍ଷେପ ନେବାକୁ ଗ୍ରାମର ଗିରିଆ ବଡ଼ନାୟକଙ୍କ ସମେତ ବହୁ ଚାଷୀ ନିବେଦନ କରିଛନ୍ତି। ଏହି ସ୍ଥାନର ଉନ୍ନତି ପାଇଁ ଜିଲା ପର୍ଯ୍ୟଟନ ଅଧିକାରୀ ସୁରେନ୍ଦ୍ର ଲିମାଙ୍କୁ ପଚାରିବାରୁ ସେ କହିଥିଲେ, ପ୍ରାକୃତିକ ପରିବେଶ ମଧ୍ୟରେ ଥିବା ଏହି ପର୍ଯ୍ୟଟନସ୍ଥଳୀର ଭିତ୍ତିଭୂମିର ଉନ୍ନତି ପାଇଁ ପଦକ୍ଷେପ ନିଆଯିବ।


All Right Reserved By Dharitri.Com

ସୀମାନ୍ତରେ ପୋଲିସ-ମାଓବାଦୀ ଗୁଳି ବିନିମୟ : ୪ ମାଓବାଦୀ ନିହତ

ମାଲକାନଗିରି,୬ା୭(ଡି.ଏନ୍‌.ଏ.): ମାଲକାନଗିରି ସୀମାନ୍ତ ଛତିଶଗଡ଼ ଧମତରି ଜିଲା ଗମେଚକା ଥାନା ଅଞ୍ଚଳରେ ଶନିବାର ସକାଳେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ୪...

ପେଟପାଟଣାରେ ବନ୍ଧା ପଡ଼ିଛି ପାରା ଅଲିମ୍ପିକର ସ୍ବପ୍ନ: ଶ୍ରମିକ ସାଜିଛନ୍ତି ଅନ୍ତର୍ଜାତୀୟ କରାଟେକା

ରାୟଗଡ଼ା ଅଫିସ,୧୫।୧୦ପିଲା ବୟସରେ ମା’ ଚାଲିଗଲେ। ପୋଲିଓ ଯୋଗୁ ଡାହାଣ ଗୋଡ଼ ତାଙ୍କୁ ଦିବ୍ୟାଙ୍ଗ ସଜେଇଦେଲା। ପେଟ ପାଇଁ ଚା’ ଦୋକାନରେ କାମ କରୁଥିଲେ ସେ।...

ଦୃଷ୍ଟି ଆଢୁଆଳରେ ‘ହାଲୁଆ ଜଳ ପ୍ରପାତ’

ରାୟଗଡ଼ା ଅଫିସ , ୧୨ା୧୨-ରାୟଗଡ଼ା ଜିଲାରେ ଅନେକ ପର୍ଯ୍ୟଟନସ୍ଥଳୀ ପ୍ରାକୃତିକ ସୌନ୍ଦର୍ଯ୍ୟରେ ଭରପୂର। ସେଥିମଧ୍ୟରୁ ଅନେକ ଲୋକଲୋଚନକୁ ଆସିପାରୁନାହିଁ। ପର୍ଯ୍ୟଟନସ୍ଥଳୀର ଉନ୍ନତି ନେଇ ସରକାର ଲକ୍ଷ...

କାଶୀପୁର ବନ୍ଦ ପାଳନ

ରାୟଗଡ଼ା ଅଫିସ,୫।୧: ରାୟଗଡ଼ା ଜିଲା କାଶୀପୁର ବ୍ଲକସ୍ଥିତ ବାଫାଲମାଲି ଖଣି ଅଞ୍ଚଳରେ କର୍ମୀ ନିଯୁକ୍ତି ଦାବି ନେଇ ଚନ୍ଦ୍ରଗିରି ଛକରେ ଆନ୍ଦୋଳନରେ ବସିଥିବା ୩୪ ଜଣ...

ମେଡିକାଲ ଅଞ୍ଚଳରେ ବୁଲୁଛନ୍ତି ପିଲାଚୋର

କୋରାପୁଟ,୧୮।୪(ସ୍ବ.ପ୍ର.): କୋରାପୁଟ ମେଡିକାଲ କଲେଜକୁ ଚିକିତ୍ସା ପାଇଁ ଆସିଥିବା ଜଣେ ରୋଗୀଙ୍କ ୧୧ ବର୍ଷର ଝିଅ ହଠାତ୍‌ ନିଖୋଜ ହେବା ସହ ପରଦିନ ଉଦ୍ଧାର ହୋଇଥିଲା।...

ଜିଲା ପରିଷଦ ଅଧ୍ୟକ୍ଷଙ୍କ ମୃତ୍ୟୁ ଘଟଣା: ସିବିଆଇ ତଦନ୍ତ ଦାବି କରି କଂଗ୍ରେସର ରାସ୍ତାରୋକୋ

ଗୁଣପୁର,୧୩।୧(ଡି.ଏନ୍‌ .ଏ.) : ରାୟଗଡ଼ା ଜିଲା ପରିଷଦ ଅଧ୍ୟକ୍ଷ ପୁରୁଷୋତ୍ତମ ଗମାଙ୍ଗଙ୍କ ଗତ ୨୪ ତାରିଖରେ ରାମନାଗୁଡ଼ା ବ୍ଲକର ତାଣ୍ଡିକଣା ଛକଠାରୁ କିଛି ଦୂରରେ ବାଇକ୍‌...

ବଦଳିଲା ଷ୍ଟ୍ରଙ୍ଗରୁମ୍‌

ପାରଳାଖେମୁଣ୍ଡି, ୧।୫(ସ୍ବ.ପ୍ର.): ବାତ୍ୟା ଫନୀକୁ ନଜରରେ ରଖି ପାରଳାଖେମୁଣ୍ଡି ସହରର ମହାରାଜାଙ୍କ ବାଳକ ଉଚ୍ଚ  ବିଦ୍ୟାଳୟରେ ଥିବା ଇଭିଏମ୍‌ଗୁଡିକୁ ସ୍ଥାନୀୟ ଜିଲାପାଳଙ୍କ କାର୍ଯ୍ୟାଳୟ ପରିସରସ୍ଥ ନୂତନ...

୫ ଦଫା ଦାବିରେ ଆଶା ସାଥୀ ସଂଘର ବିକ୍ଷୋଭ

ରାୟଗଡ଼ା ଅଫିସ ,୨୭।୨: ଭାରତୀୟ ମଜଦୁର ଦ୍ୱାରା ପରିଚାଳିତ ରାଜ୍ୟ ଆଶା ସାଥୀ ସଂଘ ନିର୍ଦ୍ଦେଶକ୍ରମେ ୫ ଦଫା ଦାବି ନେଇ ରାୟଗଡ଼ା ଜିଲା ଶାଖା...

Leave a comment

Your email address will not be published. Required fields are marked *