ଜନ ଶୁଣାଣିରେ ଉଠିଲା ଆବାସ ଦୁର୍ନୀତି ଅଭିଯୋଗ: ବିଡିଓଙ୍କ ସହ ଗ୍ରାମବାସୀ ମୁହାଁମୁହିଁ

ଜଗତ୍‌ସିଂହପୁର ଅଫିସ,୨୦ା୮: ଜଗତ୍‌ସିଂହପୁର ଜିଲାପାଳଙ୍କ କାର୍ଯ୍ୟାଳୟ ପରିସର ସଦ୍‌ଭାବନା ସଭାଗୃହରେ ସୋମବାର ଜିଲାସ୍ତରୀୟ ଯୁଗ୍ମ ଜନଅଭିଯୋଗ ଶୁଣାଣି ଅନୁଷ୍ଠିତ ହୋଇଛି। ଏଥିରେ ବିଜୁ ପକ୍କାଘର ଓ ପ୍ରଧାନମନ୍ତ୍ରୀ ଆବାସ ଯୋଜନା କାର୍ଯ୍ୟକାରିତାରେ ଦୁର୍ନୀତିକୁ ନେଇ ଅଭିଯୋଗ ଉଠିବାରୁ ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା। ଅଭିଯୋଗକାରୀ ଗ୍ରାମବାସୀ ଏବଂ ବିଡିଓଙ୍କ ମଧ୍ୟରେ ପାଟିତୁଣ୍ଡ ହେବାରୁ ଜିଲାପାଳ ସଂଗ୍ରାମ କେଶରୀ ମହାପାତ୍ରଙ୍କୁ ହସ୍ତକ୍ଷେପ କରିବାକୁ ପଡିଥିଲା। ସେହିପରି ଡ୍ରେନେଜ୍‌ ସମସ୍ୟା ଯୋଗୁ ୫ ପଞ୍ଚାୟତ ପ୍ରଭାବିତ ହେଉଥିବା ଓ ୫ ହଜାର ହେକ୍ଟର ଜମି ଜଳମଗ୍ନ ଥିବା ଅଭିଯୋଗ ହୋଇଥିଲା। ଶୁଣାଣିବେଳେ ବିଦ୍ୟୁତ୍‌ ଚାଲିଯିବା ଓ ଜେନେରେଟର କାର୍ଯ୍ୟକ୍ଷମ ହେବାରେ ବିଳମ୍ବ ହେବାରୁ ଜିଲାପାଳ ଅସନ୍ତୋଷ ପ୍ରକାଶ କରିଥିଲେ। ଏଣିକି ଜିଲାପାଳଙ୍କ କାର୍ଯ୍ୟାଳୟରେ ଯେପରି ୨୪ ଘଣ୍ଟା ବିଦ୍ୟୁତ୍‌ ରହିବ ବ୍ୟବସ୍ଥା କରିବାକୁ ସେ ନିର୍ଦ୍ଦେଶ ଦେଇଥିଲେ। ସୂଚନା ଅନୁଯାୟୀ, କାଦୁଆପଡ଼ା ପଞ୍ଚାୟତ ରାଇବରାଇ ଗ୍ରାମର ପ୍ରଭାତ ସ୍ବାଇଁ, ବିରଞ୍ଚତ୍ ସ୍ବାଇଁ, ଯୁଧିଷ୍ଠିର ମହାରଣା, ଅକ୍ଷୟ ପାଳ, ଭୋଳାନାଥ ଓଝା, ପ୍ରଦୀପ ମଲ୍ଲିକ, ସଚିକାନ୍ତ ପାଳ ଓ ପ୍ରତିମା ମହାରଣା ପ୍ରମୁଖ ବିଜୁ ପକ୍କାଘର ଯୋଜନାରେ ବ୍ୟାପକ ଦୁର୍ନୀତି ହେଉଥିବା ଅଭିଯୋଗ କରିଥିଲେ। ଗ୍ରାମର ବନିତା ନାୟକଙ୍କ ସ୍ବାମୀଙ୍କ ଦେହାନ୍ତ ହୋଇଯାଇଛି। ତାଙ୍କର ୨ଟି ସନ୍ତାନ। ଢିଅକୁ ବାଦ୍‌ଦେଲେ ଜମି ବୋଲି ଗୁଣ୍ଠେ ନାହିଁ। କିନ୍ତୁ ତାଙ୍କୁ ଏହି ଯୋଜନାରୁ ବାଦ୍‌ ଦିଆଯାଇଛି। ସେହିପରି ଭୋଳାନାଥ ଓଝା, ପ୍ରତାପ ମଲ୍ଲିକ ଓ ରୀତାଞ୍ଜଳି ରାଉତଙ୍କ ଭଳି ବହୁ ଗରିବ ପରିବାରକୁ ଏହି ଯୋଜନାରେ ସାମିଲ କରାଯାଇନାହିଁ। ଅଥଚ ୮ ବଖରା ମାର୍ବଲ ପକ୍କା ଘର ଥିବା ହେମନ୍ତ ସ୍ବାଇଁଙ୍କୁ ଏହି ଯୋଜନାରେ ଅନ୍ତର୍ଭୁକ୍ତ କରାଯାଇଛି। ସ୍ବାଇଁ ବଡ଼ଦେଢିଲୋ ଗ୍ରାମର ରଞ୍ଜନ ଦାସଙ୍କ ଘର ଦେଖାଇ ୧.୨୦ ଲକ୍ଷ ଟଙ୍କା ହାତେଇଛନ୍ତି। ସରପଞ୍ଚ, ନୋଡାଲ ଅଫିସର ଓ ବିଡିଓଙ୍କ ସଲାସୁତରାରେ ଏଭଳି ହୋଇଥିବା ଗ୍ରାମବାସୀ କହିଥିଲେ। କେବଳ ଏହି ଗୋଟିଏ ନୁହେଁ, ଅନେକ ଥିଲାବାଲା ଲୋକଙ୍କୁ ପକ୍କାଘର ଦିଆଯାଇଛି। ଗ୍ରାମବାସୀଙ୍କ ଏଭଳି ଅଭିଯୋଗ ପରେ ବିଡିଓ ଲଗ୍ନଜିତ ରାଉତ ପ୍ରତିକ୍ରିୟାଶୀଳ ହୋଇ ସେମାନେ ମିଥ୍ୟା ଅଭିଯୋଗ କରୁଛନ୍ତି ବୋଲି କହିବାରୁ ଯୁକ୍ତିତର୍କ ହୋଇଥିଲା। ତେଣୁ ଲୋକେ ସଙ୍ଗେ ସଙ୍ଗେ ତଦନ୍ତ ହେଉ ବୋଲି ଦାବି କରିଥିଲେ। ଏହା ପରେ ଜିଲାପାଳ ମହାପାତ୍ର ବିନା କାରଣରେ ଏତେ ଲୋକ ଅଭିଯୋଗ କରିବାକୁ ଆସି ନ ଥାନ୍ତେ ବୋଲି କହି ବିଡିଓଙ୍କୁ ଚୁପ୍‌ କରାଇଥିଲେ। ଏଥିସହ ତୁରନ୍ତ ସ୍ବତନ୍ତ୍ର ତଦନ୍ତ କରି ରିପୋର୍ଟ ଦେବାକୁ ନିର୍ଦ୍ଦେଶ ଦେଇଥିଲେ। ସେହିପରି ଜାହାନପୁର, କଣ୍ଟିଲୋ, ପାଟେଣୀଗାଁ, ସଭାମୂଳ ଓ ପଟସରା ପଞ୍ଚାୟତର ଲୋକେ ଜଳ ନିଷ୍କାସନ ସମସ୍ୟା ସମ୍ପର୍କରେ ଜଣାଇଥିଲେ। ରବୀନ୍ଦ୍ରନାଥ ସାହୁ, ପ୍ରମୋଦ ରଥ, ରମାକାନ୍ତ ସାହୁ, ବିଶ୍ୱରଞ୍ଜନ ସାହୁ, ବଳରାମ ମଲିକ, ଜ୍ୟୋତିରଞ୍ଜନ ସ୍ବାଇଁ ଓ ଶରତ ପ୍ରଧାନ ପ୍ରମୁଖ କହିଲେ ଯେ, ନଛିପୁରରୁ ଅଢଙ୍ଗା ସାଇଫନ୍‌ ପର୍ଯ୍ୟନ୍ତ ଯାଇଥିବା ଡ୍ରେନ୍‌ରେ ଜଳ ନିଷ୍କାସନ ହୋଇପାରୁନି। କୋଦଳ ପୂର୍ବରୁ ଥିବା ସେଠୀ ସାହି ନିକଟରେ ଡ୍ରେନ୍‌ ଉପରେ ପ୍ରାୟ ୨୦୦ ବାଉଁଶ ବୁଦା ପଡ଼ିଥିବାରୁ ଏଭଳି ସମସ୍ୟା ସୃଷ୍ଟି ହୋଇଛି। ବାତ୍ୟା ଫନୀରେ ଏହି ଗଛଗୁଡିକ ଉଡି ଡ୍ରେନ୍‌ରେ ପଡିଛି। ବାରମ୍ବାର ଜଳସେଚନ ଓ ଡ୍ରେନେଜ୍‌ ବିଭାଗ ନିର୍ବାହୀ ଯନ୍ତ୍ରୀଙ୍କୁ ଏ ସମ୍ପର୍କରେ ଜଣାଇଥିଲେ ମଧ୍ୟ ପ୍ରତିକାର କରାଯାଇନାହିଁ। ତେଣୁ ପ୍ରାୟ ୫ ହଜାର ହେକ୍ଟର ଜମିରେ ପାଣି ଜମି ରହିଛି। ଏହା ଉପରେ ତୁରନ୍ତ ପଦକ୍ଷେପ ନେବାକୁ ଜିଲାପାଳ ଡ୍ରେନେଜ ନିର୍ବାହୀ ଯନ୍ତ୍ରୀଙ୍କୁ ନିର୍ଦ୍ଦେଶ ଦେଇଥିଲେ। କଣ୍ଟିଲୋ ପଞ୍ଚାୟତ ବଡ଼ମୁଣ୍ଡିଲୋ ଗାଁ ଦାଣ୍ଡରେ ପାଣି ଜମି ରହିଛି। ହାଜିପୁର ପଞ୍ଚାୟତ ଚାନ୍ଦପୁର ଗାଁର ଶତ୍ରୁଘ୍ନ ଭୋଇ, ରବୀନ୍ଦ୍ର ଭୋଇ, ଅର୍ଜୁନ ଭୋଇ, ପ୍ରଶାନ୍ତ ଭୋଇ ପ୍ରମୁଖ ଜଳସେଚନ ବିଭାଗର ବେପରୁଆ ମନୋଭାବ ଯୋଗୁ ଗଁାରୁ ଜଳ ନିଷ୍କାସନ ହୋଇପାରୁ ନ ଥିବା କହିଥିଲେ। ଶିବିରରେ ମୋଟ ୨୦୨ ଅଭିଯୋଗ ପଞ୍ଜିକୃତ ହୋଇଥିଲା। ସେଥିରେ ୧୮୨ଟି ବ୍ୟକ୍ତିଗତ, ଯଥା ଇନ୍ଦିରା ଆବାସ/ବିଜୁ ପକ୍କାଘର ୬୧, ଭତ୍ତା ସମ୍ପର୍କିତ ୧୦, ରାଶନ କାର୍ଡ ୧୩, ଆଇନ ସହାୟତା ୧୨, ଜମିଜମା ସଂକ୍ରାନ୍ତୀୟ ୧୧, କଳାକାର ଭତ୍ତା ୪, ଅଙ୍ଗନୱାଡି ସମସ୍ୟା ସମ୍ପର୍କିତ ୬ ଓ ଅନ୍ୟାନ୍ୟ ୬୫ଟି, ଗାଁ ସମସ୍ୟା ସମ୍ପର୍କିତ ୯, ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ସହାୟତା ପାଇଁ ୨, ରେଡକ୍ରସ୍‌ ସହାୟତା ପାଇଁ ୯ ଦରଖାସ୍ତ ଗ୍ରହଣ କରାଯାଇଥିଲା। ୬ ଅଭିଯୋଗ ତତ୍କାଳ ସମାଧାନ ହୋଇଥିଲା। ଅତିରିକ୍ତ ଜିଲାପାଳ ସଚ୍ଚିଦାନନ୍ଦ ସାହୁ, ଜଗତ୍‌ସିଂହପୁର ଏସ୍‌ଡିପିଓ ପ୍ରକାଶ ଚନ୍ଦ୍ର ପାଲ, ଡିଆର୍‌ଡିଏ ପ୍ରକଳ୍ପ ନିର୍ଦ୍ଦେଶକ ସରୋଜକାନ୍ତ ମହାନ୍ତି, ଉପଜିଲାପାଳ ମହେନ୍ଦ୍ର ପ୍ରସାଦ ମହାନ୍ତି ପ୍ରମୁଖ ଉପସ୍ଥିତ ଥିଲେ।


All Right Reserved By Dharitri.Com

ଲଗାଣ ବର୍ଷା ଯୋଗୁ ମୁନିଗୁଡ଼ା ବ୍ଲକର ୩ ଗାଁକୁ ଯୋଗାଯୋଗ ବିଚ୍ଛିନ୍ନ

ରାୟଗଡ଼ା,୧୩।୮(ଡି.ଏନ୍‌.ଏ.): ଲଗାଣ ବର୍ଷା ଯୋଗୁ ରାୟଗଡ଼ା ଜିଲା ମୁନିଗୁଡ଼ା ବ୍ଲକ ଇଚ୍ଛାପୁର ପଞ୍ଚାୟତର କୁଟୁଣିପଦର ଗ୍ରାମ ନାଳରେ ବର୍ଷାଜଳ ପ୍ରବାହିତ ଯୋଗୁ ୩ ଗ୍ରାମକୁ ଯୋଗାଯୋଗ...

ସାତକୋଶିଆ ମହୋତ୍ସବ ଉଦ୍‌ଯାପିତ: ତାଳବାଦ୍ୟ, ଓଡ଼ିଶୀ ନୃତ୍ୟରେ ଦର୍ଶକ ବିମୋହିତ

ଅନୁଗୋଳ ଅଫିସ, ୯।୧୨ – ଅନୁଗୋଳ ଅମଲାପଡ଼ାସ୍ଥିତ ବାସନ୍ତୀ ଦୁର୍ଗାପୂଜା ପଡ଼ିଆରେ ନୃତ୍ୟ ନିଳୟ ପକ୍ଷରୁ ଚାଲିଥିବା ସପ୍ତମ ସାତକୋଶିଆ ମହୋତ୍ସବ ଉଦ୍‌ଯାପିତ ହୋଇଯାଇଛି। ଏଥିରେ...

ପାହାଡ଼ ଉପରେ ହେମଘର ଶୈବପୀଠ

କେନ୍ଦୁଝର, ୮ା୭ (ସ୍ବ.ପ୍ର.)-ସଦର ବ୍ଲକ ଅନ୍ତର୍ଗତ ନୂଆଗାଁ ପଞ୍ଚୟତର କାଦଗଡ ଗ୍ରାମ ନିକଟରେ ପ୍ରାକୃତିକ ସୌନ୍ଦର୍ଯ୍ୟମୟ ପରିବେଶ ମଧ୍ୟରେ ହେମଘର ପାହାଡ଼। ଜଙ୍ଗଲ ଓ ପାହାଡ...

ଦାଦା ବଟିକୁ ନେଇ ମଦ ଦୋକାନ ପରିଚାଳକଙ୍କୁ ହତ୍ୟା ମାମଲା ୬ ଅଭିଯୁକ୍ତଙ୍କୁ ଆଜୀବନ ଜେଲ

ଜଗତ୍‌ସିଂହପୁର ଅଫିସ, ୧୧ା୧୨: ଜଗତ୍‌ସିଂହପୁର ଜିଲା କୁଜଙ୍ଗସ୍ଥିତ ଏକ ବିଦେଶୀ ମଦ ଦୋକାନରେ ପରିଚାଳକଭାବେ କାର୍ଯ୍ୟ କରୁଥିବା କୁଜଙ୍ଗ ଥାନା ଜଗନ୍ନାଥପୁର ଗ୍ରାମର ପ୍ରଶାନ୍ତ ନାରାୟଣ...

ଧାନ ବିକିଲେ, ପ୍ରାପ୍ୟ ପାଇଲେନି

ବନ୍ତ, ୧୫।୬ (ଡି.ଏନ.ଏ.) – ବାଲେଶ୍ୱର-ଭଦ୍ରକ କେନ୍ଦ୍ର ସମବାୟ ବ୍ୟାଙ୍କର ବନ୍ତ ଶାଖା ଅଧୀନ ଚାଇଁପୁର ସେବା ସମବାୟ ସମିତିରେ ବହୁ ଚାଷୀ ଧାନ ବିକ୍ରୟ...

୬ ଫୁଟ ଲମ୍ବର ଅଜଗର ଉଦ୍ଧାର

କୋରୁକୋଣ୍ଡା,୩୦।୭( ଡି.ଏନ୍‌.ଏ.): ମାଲକାନଗିରି ଜିଲା କୁଡୁମୁଲୁଗୁମାସ୍ଥିତ ବିଶ୍ୱନାଥ ଗୌଡ଼ଙ୍କ ଘରୁ ମଙ୍ଗଳବାର ସକାଳେ ଏକ ୬ ଫୁଟ ଲମ୍ବର ଅଜଗର ଉଦ୍ଧାର କରାଯାଇଛି। ସକାଳେ ଘର...

ନକଲି ସାର୍ଟିଫିକେଟ ଦେଇ ଅଙ୍ଗନଓ୍ବାଡି ସହାୟିକା ବହିଷ୍କୃତ

ଧାମନଗର, ୪।୧୨(ଡି.ଏନ.ଏ.): ଭଦ୍ରକ ଜିଲା ଧାମନଗର ବ୍ଲକ କାଶିମପୁର(୧) ଅଙ୍ଗନଓ୍ବାଡି କେନ୍ଦ୍ରର ସହାୟିକା ବିମଳା ଦାସଙ୍କୁ ନକଲି ସାର୍ଟଫିକେଟ ଦେଇ ଚାକିରି ଆବେଦନ କରିଥିବାରୁ ବହିଷ୍କୃତ...

କୁଣ୍ଡଳୀ ଜଙ୍ଗଲରୁ କଲରାପତରିଆ ବାଘର ମୃତଦେହ ଉଦ୍ଧାର ଘଟଣା: ୨ ବନ କର୍ମଚାରୀ ସସ୍‌ପେଣ୍ଡ

ଆଠଗଡ଼,୧୬।୯(ଡି.ଏନ୍‌.ଏ.): କଟକ ଜିଲା ଆଠଗଡ଼ ରେଞ୍ଜ ତିଗିରିଆ ହରିଡ଼ାପଶି ଅଞ୍ଚଳର କୁଣ୍ଡଳୀ ଜଙ୍ଗଲରୁ ଗତ ସୋମବାର କଲରାପତରିଆ ବାଘର ମୃତଦେହ ଉଦ୍ଧାର କରାଯାଇଥିଲା। ଏହି ଘଟଣାରେ...

Leave a comment

Your email address will not be published. Required fields are marked *