Posted inUncategorized

ଏବେ ବି ଅପହଞ୍ଚ ସ୍ବାଭିମାନଅଞ୍ଚଳ

ମାଲକାନଗିରି,୧୭।୪(ଡି.ଏନ୍‌.ଏ.)-
ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକର ସ୍ବାଭିମାନ ଅଞ୍ଚଳ ଏବେ ବି ଲୋକଙ୍କ ପାଇଁ ଅପହଞ୍ଚ ହୋଇ ରହିଛି। ଏବେ ମଧ୍ୟ ବିଚ୍ଛିନ୍ନାଞ୍ଚଳର ୫ଟି ପଞ୍ଚାୟତ ଅଣ୍ଡ୍ରାହାଲ, ପଣସପୁଟ, ଜଡାମ୍ବ, ଗାଜଲମାମୁଡି ଓ ଯନ୍ତ୍ରୀ ଗ୍ରାମର ପ୍ରାୟ ୧୦ ହଜାରରୁ ଊର୍ଦ୍ଧ୍ୱ ଲୋକ ଜଳବନ୍ଦୀ ଜୀବନ କାଟୁଛନ୍ତି। ସମ୍ପୂର୍ଣ୍ଣ ଅଞ୍ଚଳ ଏଠାରେ ମାଓବାଦୀଙ୍କ କବ୍‌ଜାରେ ରହିଛି। ଗମନାଗମନ କହିଲେ ଏଠାରେ ୨ଟି ଭଙ୍ଗା ଦଦରା ଲଞ୍ଚକୁ ବୁଝାଏ। ପଣସପୁଟଠାରୁ ପ୍ରତ୍ୟହ ଏହି ଲଞ୍ଚ ୬୦ କିଲୋମିଟର ଦୂର ଚିତ୍ରକୋଣ୍ଡା ଆସିବାକୁ ୮ ଘଣ୍ଟା ଲାଗେ। ୧୯୬୬ରେ ବାଲିମେଳା ଜଳବିଦ୍ୟୁତ ପ୍ରକଳ୍ପ ନିର୍ମାଣ ସମୟରେ ସାବେରୀ, ସିଲେରୁ ଓ ଗୁରୁପ୍ରିୟା ମଧ୍ୟରେ ରହି ଯାଇଥିଲା ୭ଟି ପଞ୍ଚାୟତର ୨୨୯ଟି ଗ୍ରାମ। ଗୋଟିଏ ଗ୍ରାମରୁ ନିଜ ପଞ୍ଚାୟତକୁ ଯିବାକୁ ହେଲେ ଲୋକଙ୍କୁ ୬୦ କିଲୋମିଟର ଅତିକ୍ରମ କରିବାକୁ ପଡେ। ସରକାରୀ ଯୋଜନା ଏଠାରେ ସାତସପନ। କୌଣସି ସରକାରୀ ବାବୁଙ୍କ ପାଦ ଉପରୋକ୍ତ ଗ୍ରାମଗୁଡିକରେ କେବେ ପଡେନାହିଁ। ଗ୍ରାମବାସୀ ବାର୍ଦ୍ଧକ୍ୟ ଭତ୍ତା, ଟଙ୍କିକିଆ ଚାଉଳ, ଅତ୍ୟାବଶ୍ୟକ ସାମଗ୍ରୀ ଏବଂ ଚିକିତ୍ସା ପାଇଁ ଚିତ୍ରକୋଣ୍ଡା ଉପରେ ନିର୍ଭର କରନ୍ତି। ସରକାରୀ ବିଦ୍ୟାଳୟ ଥିଲେ ମଧ୍ୟ ଶିକ୍ଷକ ନାହାନ୍ତି। ନାକାମାମୁଡି ପଞ୍ଚାୟତକୁ ବିଭକ୍ତ କରି ମୁଦୁଲିଗୁଡାକୁ ଏକ ପଞ୍ଚାୟତ କରାଗଲେ ଅନେକ ସମସ୍ୟାର ସମାଧାନ ହୋଇପାରନ୍ତା। ଏନେଇ ଅଙ୍ଗୁରଗୁଡା, ଆମିଳିବେଡା, ଟିକରପଡା, ଖଜୁରଗୁଡା, ବକଲି, ନାରଙ୍ଗିଝଲା, ମୁଦୁଲିଗୁଡା, ରାବା, ତାରାମାଲ୍‌, ହାତିଗୁଡା, ବଡାଖିଆଗୁଡା, ଝୁମିଗୁଡା, ସିଙ୍ଗବେଡା, ବାଟାଗୁଡା, ସରିପଦା, ବାନ୍ଧାପଡା ଆଦି ଗ୍ରାମରେ ବସବାସ କରୁଥିବା ୨ହଜାରରୁ ଊର୍ଦ୍ଧ୍ୱ ପରିବାର ସରକାରଙ୍କ ନିକଟରେ ଦାବି କରି ଆସୁଛନ୍ତି। ସେମାନଙ୍କ ଦାବି ଏଯାଏ ପୂରଣ ହୋଇନି କି ନୂତନ ପଞ୍ଚାୟତ ଗଠନ ହୋଇପାରିନାହିଁ। ଗତ ଜୁଲାଇ ମାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁପ୍ରିୟା ସେତୁ ଉଦ୍‌ଘାଟନ ଅବସରରେ ଏହାକୁ ସ୍ବାଭିମାନ ଅଞ୍ଚଳ ରୂପେ ଘୋଷଣା କରି ଅଞ୍ଚଳର ବିକାଶ ପାଇଁ ୧୦୦ କୋଟି ଟଙ୍କାର ପ୍ୟାକେଜ ଘୋଷଣା କରିଥିଲେ। ସେତୁ ଉଦ୍‌ଘାଟନ ପରେ ମଧ୍ୟ ଜୋଡାମ୍ବ, ପଣସପୁଟ, ଅଣ୍ଡାପାଲି, ଧୁଲିପୁଟ, ଯନ୍ତ୍ରୀ ପଞ୍ଚାୟତକୁ ଯୋଗାଯୋଗ ସମ୍ଭବ ହୋଇପାରିନାହିଁ। ଏବେ ବି ଲୋକେ ଲଞ୍ଚ ଓ ଦେଶୀ ଡଙ୍ଗାରେ ଯାତାୟାତ କରୁଛନ୍ତି। ଯୋଗାଯୋଗର ଉନ୍ନତି ପାଇଁ ପଣସପୁଟ-ଜୋଡାମ୍ବ ଏବଂ ମୁଖିପୁଟରୁ ଜାମୁଗୁଡାକୁ ରାସ୍ତା ନିର୍ମାଣ କଲେ ଜାନବାଇରୁ ଜୋଡାମ୍ବ, ପଣସପୁଟ ପଞ୍ଚାୟତବାସୀ ଉପକୃତ ହୋଇପାରନ୍ତେ। ଅନ୍ୟପକ୍ଷରେ ସ୍ବାଭିମାନ ଅଞ୍ଚଳରେ ମାଓବାଦୀମାନେ ପୋଲିସ ଓ ପ୍ରଶାସନକୁ ଖୋଲାଖୋଲି ଚ୍ୟାଲେଞ୍ଜ ଦେଉଛନ୍ତି। ବିକାଶ ପ୍ରକ୍ରିୟାରେ ବାଧକ ସାଜୁଛନ୍ତି। ଚଲପତି, ବିକ୍ରାନ୍ତଙ୍କ ଭଳି ବହୁ ଟପ୍‌ କ୍ୟାଡର ମାଓବାଦୀ ନେତା ଏଠାରେ ଡେରା ପକାଉଛନ୍ତି। ଆନ୍ଧ୍ର ପୋଲିସ ସହାୟତାରେ ଏହି ଅଞ୍ଚଳ କିପରି ମାଓବାଦୀଙ୍କ କବଳରୁ ମୁକ୍ତ ହେବ ସେନେଇ ପ୍ରଶସନିକ ସ୍ତରରେ ବିଭିନ୍ନ ସମୟରେ ଉଚ୍ଚସ୍ତରୀୟ ବୈଠକ ବସୁଛି। ମାତ୍ର କିଛି ସୁଫଳ ମିଳିପାରୁନାହିଁ। ପ୍ରଜାକୋର୍ଟ କରି ସ୍ବାଭିମାନ ଅଞ୍ଚଳବାସୀଙ୍କୁ ଜଳ, ଜମି, ଜଙ୍ଗଲ ଆଳରେ ମାଓବାଦୀମାନେ ନିଜ ସପକ୍ଷରେ ନେବାକୁ ଉଦ୍ୟମ କରୁଛନ୍ତି। କେହି ପୋଲିସକୁ ସମର୍ଥନ କଲେ ପ୍ରଜାକୋର୍ଟରେ ମୃତ୍ୟୁଦଣ୍ଡ ଦେଉଛନ୍ତି। ଫଳରେ ଅଞ୍ଚଳବାସୀ ସେମାନଙ୍କୁ ଡରି ରହୁଛନ୍ତି। ଗୁରୁପ୍ରିୟା ସେତୁ ନିର୍ମାଣ ପରେ ଜିଲା ପ୍ରଶାସନ ତପତ୍ର ହୋଇ ଉଠିଛି ସତ, ମାତ୍ର ମୁଖ୍ୟମନ୍ତ୍ରୀଙ୍କ ସ୍ବାଭିମାନ ଅଞ୍ଚଳରେ ବିକାଶ ଧାରା ମାଓବାଦୀଙ୍କ ଭୟରେ ଧିମେଇ ଯାଇଛି। ୭ଟି ପଞ୍ଚାୟତରୁ ମାତ୍ର ୩ଟି ପଞ୍ଚାୟତ ବଡପଡା, ରାଲେଗେଡା, ପାପରମେଟଲାକୁ ରାସ୍ତା ହୋଇଥିବା ବେଳେ ଏବେ ବି ୪ଟି ପଞ୍ଚାୟତର ଲୋକମାନେ ଜଳବନ୍ଦୀ ରୂପେ ଜୀବନଯାପନ କରୁଛନ୍ତି। ରାସ୍ତା ନିର୍ମାଣ ନେଇ ଠିକାଦାରଙ୍କ ମନରେ ଭୟ ରହୁଥିବାରୁ ସେମାନେ ପଛଘୁଞ୍ଚା ଦେଉଛନ୍ତି। ଜନ୍ତାପାଇଠାରୁ ପଣସପୁଟ ପର୍ଯ୍ୟନ୍ତ ରାସ୍ତା ନିର୍ମାଣ କରିବାକୁ କୌଣସି ଠିକାଦାର ରାଜି ହେଉନାହାନ୍ତି। ଏ ସମ୍ପର୍କରେ ମାଲକାନଗିରି ଏସ୍‌.ପି. ଜଗମୋହନ ମୀନାଙ୍କୁ ପଚାରିବାରୁ ସେ କହନ୍ତି ସ୍ବାଭିମାନ ଅଞ୍ଚଳରେ ପ୍ରାୟ ୨୦୦ କିଲୋମିଟର ରାସ୍ତା ନିର୍ମାଣ ପାଇଁ ଯୋଜନା ରହିଛି। ପୋଲିସ ଓ ପ୍ରଶାସନ ମିଳିତ ଭାବେ ମାଓବାଦୀ ଦମନ ସହ ବିକାଶ ପ୍ରକ୍ରିୟାକୁ ତରାନ୍ବିତ କରିବାକୁ ପଦକ୍ଷେପ ନିଆଯାଇଛି। ଜନ୍ତାପାଇ, ପିପଲପଦର, ଡାଇକ୍‌-୩ ଏବଂ ମାଥିଲି ବ୍ଲକର ମହୁପଦର, ଭେଜାଙ୍ଗିଓ୍ବାଡା, ଚିନ୍ତଲବାଡା ଅଞ୍ଚଳରେ ବିଏସ୍‌ଏଫ୍‌ କ୍ୟାମ୍ପ ପ୍ରତିଷ୍ଠା କରାଯାଇଛି। ତେବେ ୧୦୦ ପ୍ରତିଶତ ସୁରକ୍ଷା ଦେବା ଅସମ୍ଭବ ବୋଲି ସେ କହିଛନ୍ତି। ସୂଚନାଯୋଗ୍ୟ ଯେ, ଚିତ୍ରକୋଣ୍ଡା ନିର୍ବାଚନ ମଣ୍ଡଳୀ ପାଇଁ ପ୍ରଥମ ପର୍ଯ୍ୟାୟରେ ଗତ ୧୧ରେ ମତଦାନ ଶେଷ ହୋଇଛି। ନିର୍ବାଚନ ପୂର୍ବରୁ ସବୁ ରାଜନୈତିକ ଦଳ ସ୍ବାଭିମାନ ଅଞ୍ଚଳରେ ନିଜ ପ୍ରଚାରକୁ ଜେରଦାର କରିଥିଲେ। ଅନେକ ପ୍ରତିଶ୍ରୁତି ମଧ୍ୟ ଦେଇଛନ୍ତି। ଏହାକୁ ଭରସା କରି ଆଗାମୀ ଦିନରେ ଏହି ଅପହଞ୍ଚ ଅଞ୍ଚଳଗୁଡିକରେ କିଛି ଗୋଟେ ପରିବର୍ତ୍ତନ ହେବ ବୋଲି ଲୋକେ ଆଶାବାଦୀ ଅଛନ୍ତି।


All Right Reserved By Dharitri.Com

Posted inUncategorized View All

ହେଲ୍‌ମେଟ୍‌ ନ ପିନ୍ଧିଥିବାରୁ କାର୍‌ ଚାଳକଙ୍କ ଚାଲାଣ କାଟିଲା ପୋଲିସ

ଲକ୍ଷ୍ନୌ,୭।୯: ଉତ୍ତର ପ୍ରଦେଶର ଆଲିଗଡରେ ପୋଲିସର ଖାମଖିଆଲି ମନୋଭାବ ସାମ୍ନାକୁ ଆସିଛି। ଏଠାରେ ଇ ଚାଲାଣ କାଟିବା ସମୟରେ ଜଣେ କାର୍‌ ଚାଳକଙ୍କ ନାଁରେ ପୋଲିସ...

ମହାରାଷ୍ଟ୍ର ସଙ୍କଟ: ବିଧାୟକଙ୍କୁ ନେଇ ଭୟରେ ବଡ଼ ବଡ଼ ଦଳ

ମୁମ୍ବାଇ,୯।୧୧: ମହାରାଷ୍ଟ୍ରରେ ସରକାର ଗଠନକୁ ନେଇ ଲାଗି ରହିଥିବା କଳହ ମଧ୍ୟରେ ଏବେ ଭୟରେ ଅଛି କଂଗ୍ରେସ, ଏନ୍‌ସିପି ଓ ଶିବସେନା। କାରଣ ଏବେ ଏମାନଙ୍କ...

ଗଞ୍ଜେଇ ଜବତ, ଜଣେ ଗିରଫ

ଫିରିଙ୍ଗିଆ, ୩୦ା୯-ଗୋଚ୍ଛାପଡା ଥାନା ପୋଲିସ କ୍ରାଣ୍ଡିବାଲି ଛକରେ ଚଢ଼ାଉ କରି ଜଣେ ବାଇକ୍‌ ଚାଳକଙ୍କ ପାଖରୁ ୪୦ କେଜି ଗଞ୍ଜେଇ ଜବତ କରିଛି । ଏହି...

ଅମ୍ପାୟରଙ୍କ ଭୁଲ୍‌ ନିଷ୍ପତ୍ତି ପରେ ଗ୍ରାଉଣ୍ଡ ଛାଡ଼ିଲେ ନାହିଁ ୟୁସୁଫ ପଠାନ

ଭଦୋଦରା,୧୩।୧୨- କ୍ରିକେଟରେ ଅମ୍ପାୟରମାନେ ତ୍ରୁଟିପୂର୍ଣ୍ଣ ନିଷ୍ପତ୍ତି ଦେବା ଏବେ କିଛି ନୂଆ ଘଟଣା ନୁହେଁ। ମାତ୍ର ଖେଳାଳିମାନେ ଏହାକୁ ବିରୋଧକରି ଗ୍ରାଉଣ୍ଡ ଛାଡ଼ିବାକୁ ମନାକରିବା ହୁଏତ...

ଜୟଶଙ୍କର ଶ୍ରେଷ୍ଠ କୂଟନୀତିଜ୍ଞ

ଓ୍ବାଶିଂଟନ,୯ା୬(ପି.ଟି.): ଭାରତର ନୂଆ ବହିର୍ବ୍ୟାପାର ମନ୍ତ୍ରୀ ଭାବେ ଏସ୍‌. ଜୟଶଙ୍କରଙ୍କ ନିଯୁକ୍ତିକୁ ଆମେରିକାର କେତେଜଣ ପୂର୍ବତନ କୂଟନୀତିଜ୍ଞ ତଥା ବିଦେଶ ନୀତି ବିଶେଷଜ୍ଞ ପ୍ରଶଂସା କରିଛନ୍ତି।...

ଡାକ୍ତରଖାନା ପରିସରରେ ମୃତ ଶିଶୁ

ଅନୁଗୋଳ ଅଫିସ, ୧୯ା୧୦ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ ପରିସରରୁ ଶୁକ୍ରବାର ଭୋର ସମୟରେ ଜଣେ ନବଜାତ ଶିଶୁକନ୍ୟାର ମୃତଦେହ ଉଦ୍ଧାର କରାଯାଇଛି। ଶିଶୁର ଦେହରେ...

‘କାଳିଆ’ରେ ସାମିଲ ହେଲେ ୪୦ ହଜାର: ବାଦ୍‌ ପଡ଼ିଲେ ୨୦ ହଜାର ଅଯୋଗ୍ୟ

ଅନୁଗୋଳ ଅଫିସ, ୧।୯ – ରାଜ୍ୟ ସରକାରଙ୍କ ‘କାଳିଆ’ ଯୋଜନାରେ ସାମିଲ ହୋଇଥିବା ଚାଷୀଙ୍କ ଚୂଡାନ୍ତ ତାଲିକା ଅନୁଗୋଳ ଜିଲା କୃଷି ଉପ ନିର୍ଦ୍ଦେଶକଙ୍କ କାର୍ଯ୍ୟାଳୟରୁ...

Leave a comment

Your email address will not be published. Required fields are marked *