ଲାଲକିଲ୍ଲାରୁ ମୋଦିଙ୍କ ହୁଙ୍କାର;୫ଲକ୍ଷ କୋଟି ଡଲାର ଅର୍ଥନୀତି ହାସଲ ସମ୍ଭବ

ନୂଆଦିଲ୍ଲୀ,୧୭-୮: ଅର୍ଥନୀତି ଧିମା ହୋଇଯିବା ଭିତରେ ପ୍ରଧାନମନ୍ତ୍ରୀ ନମରେନ୍ଦ୍ର ମୋଦି ନିବେଶ ମାଧ୍ୟମରେ ଆର୍ଥିକ ବୃଦ୍ଧି କରିବା ଲାଗି ଏନ୍‌ଡିଏ ସରକାରଙ୍କ ପ୍ରତିଶ୍ରୁତିକୁ ଦୋହରାଇଛନ୍ତି। ଦେଶ ଅର୍ଥନୀତିକୁ ୫ ଲକ୍ଷ କୋଟି ଡଲାରରେ ପହଞ୍ଚାଇବା ସମ୍ଭବ ହେବ ବୋଲି ଦୃଢ଼ୋକ୍ତି କରିଛନ୍ତି। ଏଥିପାଇଁ ଏନଡିଏ ସରକାର ଆସନ୍ତା ୫ ବର୍ଷରେ ଢ଼ାଞ୍ଚାଗତ ଭିତ୍ତିଭୂମି ନିର୍ମାଣରେ ୧୦୦ଲକ୍ଷ କୋଟି ଟଙ୍କା ନିବେଶ କରିବାକୁ ଯାଉଛନ୍ତି ବୋଲି ସେ କହିଛନ୍ତି।
ପ୍ରଧାନମନ୍ତ୍ରୀ ମୋଦି ଦେଶର ୭୩ ତମ ସ୍ବାଧୀନତା ଦିବସ ପାଳନ ଅବସରରେ ଲାଲକିଲାରୁ ଦେଶବାସୀଙ୍କୁ ଉଦ୍‌ବୋଧନ ଦେଇ କହିଛନ୍ତି ଯେ, ବିଶ୍ୱ ବାଣିଜ୍ୟରେ ଦେଶର ଅଂଶକୁ ବୃଦ୍ଧି କରିବା ଲାଗି ରପ୍ତାନି ବଢ଼ାଇବାକୁ ହେବ। ଏହାବ୍ୟତୀତ ଦେଶର ଆର୍ଥିକ ଅଭିବୃଦ୍ଧିରେ ଉଦ୍ୟୋଗ ଜଗତର ଭୂମିକାକୁ ସେ ପୁନଃ ରେଖାଙ୍କିତ କରିଛନ୍ତି। ସେ କହିଛନ୍ତି ଯେ, ସମ୍ପତ୍ତି ସୃଷ୍ଟି କରୁଥିବା ଉଦ୍ୟୋଗ ଜଗତ ଦେଶର ପୁଞ୍ଜି, ସେମାନଙ୍କୁ ସନ୍ଦେହ ଦୃଷ୍ଟିରେ ଦେଖିବା ଅନୁଚିତ। ୫ ଲକ୍ଷ କୋଟି ଡଲାର ଅର୍ଥନୀତି ହାସଲ କରାଯାଇପାରିବ ବୋଲି ସେ ଦେଶବାସୀଙ୍କୁ ଭରସା ଦେଇଛନ୍ତି। ସେ କହିଛନ୍ତି ଯେ, ଦେଶରେ ଏବେ ରାଜନୈତିକ ସ୍ଥିରତା ରହିଥିବା ବେଳେ ଦୃଢ଼ ଅର୍ଥନୀତି ଆଧାର ରହିଛି। ଏଥିଯୋଗୁ ବିଦେଶୀ ନିବେଶକଙ୍କର ଭାରତ ଆଡକୁ ନଜର ରହିଛି। ୨ ଲକ୍ଷ କୋଟି ଡଲାର ଅର୍ଥନୀତିରେ ପହଞ୍ଚତ୍ବାକୁ ଦେଶକୁ ୭୦ ବର୍ଷ ଲାଗିଥିଲା। ତେବେ ଏନ୍‌ଡିଏ ସରକାର ପ୍ରଥମ କାର୍ଯ୍ୟକାଳର ୫ ବର୍ଷ ଭିତରେ ଏଥିରେ ୧ ଲକ୍ଷ କୋଟି ଡଲାର ଯୋଡି ପାରିଛି। ଏହି ଲକ୍ଷ୍ୟକୁ ଦେଖିଲେ ଆସନ୍ତା ୫ ବର୍ଷରେ ଦେଶ ୫ ଲକ୍ଷ କୋଟି ଡଲାର ଅର୍ଥନୀତି ହାସଲ କରିପାରିବ। ଢ଼ାଞ୍ଚାଗତ ନିର୍ମାଣରେ ଆସନ୍ତା ୫ ବର୍ଷରେ ୧୦୦ ଲକ୍ଷ କୋଟି ଟଙ୍କା ଖର୍ଚ୍ଚ କଲେ ଏହି ଲକ୍ଷ୍ୟ ହାସଲ ସମ୍ଭବ ହୋଇପାରିବ ବୋଲି ମୋଦି କହିଛନ୍ତି। ସରକାର ସାମଗ୍ରୀ ଏବଂ ସେବା ଟିକସ ଉପସ୍ଥାପନ କରିବା ସହ ଏଥିରେ ଅନେକ ସଂସ୍କାର ଆଣିଛନ୍ତି। ମୋଦି କହିଛନ୍ତି ଯେ, ଦେଶର ଅର୍ଥନୀତି ଦୃଢ଼ ରହିଛି, ମୁଦ୍ରାସ୍ଫୀତି ହାର କମିଥିବା ବେଳେ ଦେଶର ବିକାଶ ରାସ୍ତାରେ ଅଗ୍ରଗତି କରୁଛି। ରପ୍ତାନି ଧୀରେ ଧୀରେ ବଢ଼ିବାରେ ଲାଗିଛି। ବିଶ୍ୱ ବାଣିଜ୍ୟରେ ଭାରତର ଅଂଶ ବୃଦ୍ଧି ଲାଗି ରପ୍ତାନି ବୃଦ୍ଧି ଉପରେ ପ୍ରଧାନମନ୍ତ୍ରୀ ଜୋର୍‌ ଦେଇଛନ୍ତି। ସେ କହିଛନ୍ତି ଯେ, ଭାରତର ପ୍ରତି ଜିଲାରେ ନିର୍ମିାଣ ହେଉଥିବା ଉତ୍ପାଦ ଯେପରି ବିଶ୍ୱ ବଜାରରେ ଉପଲବ୍ଧ ହେବ ସେ ଦିଗରେ ଦୃଷ୍ଟି ଦେବାକୁ ହେବ। ଗ୍ରାମୀଣ ଅର୍ଥନୀତି ଓ ଏମ୍‌ଏସ୍‌ଏମ୍‌ଇର ଅଭିବୃଦ୍ଧି ଲାଗି ସ୍ଥାନୀୟ ଉତ୍ପାଦର ବିନିଯୋଗ ଉପରେ ସେ ଜୋର୍‌ ଦେଇଛନ୍ତି। ଏହାଦ୍ୱାରା ମେକ୍‌ ଇନ୍‌ ଇଣ୍ଡିଆକୁ ପ୍ରୋତ୍ସାହନ ମିଳିବ ବୋଲି ସେ କହିଛନ୍ତି। ପ୍ରଧାନମନ୍ତ୍ରୀ ମୋଦିଙ୍କ କହିବାନୁଯାୟୀ, ଭାରତ ବିଶ୍ୱ ଲାଗି ଏକ ବଡ଼ ବଜାର ହେଲାଣି। ଦେଶକୁ ମଧ୍ୟ ବିଶ୍ୱସ୍ତରରେ ଏଭଳି ବଜାର ସୃଷ୍ଟି କରିବାକୁ ହେବ, ଯେଉଁଠି ଭାରତର ଉତ୍ପାଦ ମିଳିବ। ପର୍ଯ୍ୟଟନ କ୍ଷେତ୍ରକୁ ପ୍ରୋତ୍ସାହିତ କରିବାକୁ ଯାଇ ମୋଦି କହିଛନ୍ତି ଯେ, ଦେଶର ୧୦୦ ଏଭଳି ପର୍ଯ୍ୟଟନ କ୍ଷେତ୍ରର ବିକାଶ କରିବା ଜରୁରୀ ଯେଉଁଠି ଅଧିକ ରୋଜଗାର ସୃଷ୍ଟି ହୋଇପାରିବ। ଦେଶବାସୀ ଅତିକମ୍‌ରେ ୨୦୨୨ ସୁଦ୍ଧା ଅତିକମ୍‌ରେ ୧୫ ପର୍ଯ୍ୟଟନ କ୍ଷେତ୍ର ବୁଲିବା ଉଚିତ୍‌। ଏହାଦ୍ୱାରା ଆର୍ଥିକ ଗତିବିଧି ବଢ଼ିବାରେ ସହାୟତା ମିଳିବ। କାରବାର ସୁଗମତାକୁ ସରକାର ପ୍ରାଥମିକତା ଦେଉଥିବାରୁ ଦେଶର ବିଶ୍ୱବ୍ୟାଙ୍କ ର଼୍ୟାଙ୍କିଙ୍ଗରେ ୭୭ତମ ସ୍ଥାନକୁ ଉନ୍ନିତ ହୋଇଛି ବୋଲି ସେ କହିଛନ୍ତି।
ଡିଜିଟାଲ ପେମେଣ୍ଟକୁ ‘ହଁ’, ନଗଦକୁ ନା’
ସ୍ବାଧୀନତା ଦିବସ ପାଳନ ଅବସରରେ ଲାଲକିଲାରୁ ଛୋଟ ବ୍ୟବସାୟୀ, ଦୋକାନୀଙ୍କୁ ଆହ୍ବାନ ଦେଇ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ସେମାନେ ଡିଜିଟାଲ ପେମେଣ୍ଟକୁ ପ୍ରୋତ୍ସାହିତ କରନ୍ତୁ। ଦୋକାନୀମାନେ ନିଜ ଦୋକାନରେ ‘ଆଜି ନଗଦ, କାଲି ବାକି’ ଲେଖାଥିବା ବୋର୍ଡ ମାରୁଛନ୍ତି। ସେମାନେ ଏଣିକି ‘ ଡିଜିଟାଲ ପେମେଣ୍ଟକୁ ହଁ ଓ ନଗଦକୁ ନା’ ବୋର୍ଡ ମାରନ୍ତୁ ବୋଲି ପ୍ରଧାନମନ୍ତ୍ରୀ ଆହ୍ବାନ ଦେଇଛନ୍ତି। ଏହାଦ୍ୱାରା ଡିଜିଟାଲ ପେମେଣ୍ଟକୁ ପ୍ରୋତ୍ସାହନ ମିଳିବ। ପ୍ଲାଷ୍ଟିକ ବ୍ୟାନ୍‌ ଲାଗି ଦୋକାନୀଙ୍କୁ ସେ ଅପିଲ କରିଛନ୍ତି। ଗ୍ରାହକ ନିଜ ସହିତ ବ୍ୟାଗ୍‌ ଆଣିବାକୁ ଦୋକାନୀ ଅକ୍ଟୋବର ୨ରୁ ବୋର୍ଡ ମାରନ୍ତୁ ବୋଲି ସେ କହିଛନ୍ତି। ଦେଶବାସୀ ମଧ୍ୟ ପ୍ଲାଷ୍ଟିକ ଥଳି ବ୍ୟବହାର ନ କରିବାକୁ ସେ ଆହ୍ବାନ ଦେଇଛନ୍ତି।


All Right Reserved By Dharitri.Com

କୋଇଲା ଚାହିଦା ଏବେ କମିବନି: କୋଲ୍‌ ଇଣ୍ଡିଆ ମୁଖ୍ୟ

ଭୁବନେଶ୍ୱର, ୧୪-୯(ବ୍ୟୁରୋ): ଦେଶରେ ବିକଳ୍ପ ଶକ୍ତି ଉତ୍ସଗୁଡିକର ଚାହିଦା ବର୍ତ୍ତମାନ ବଢୁଛି। ଏଭଳି ସ୍ଥିତିରେ ତାପଜ ବିଦ୍ୟୁତ ଶକ୍ତି ଚାହିଦା ଅନେକ ବର୍ଷ ଯାଏ କମିବନି।...

ବିଏସ୍‌ଏନ୍‌ଏଲ୍‌ କର୍ମଚାରୀ ସଂଘର ଆମରଣ ଅନଶନ ଆଜି

ନୂଆଦିଲ୍ଲୀ,୨୫-୧୧: ଭାରତ ସଞ୍ଚାର ନିଗମ ଲିମିଟେଡ (ବିଏସ୍‌ଏନ୍‌ଏଲ୍‌) କର୍ମଚାରୀ ସଂଘ ଦେଶବ୍ୟାପୀ ନଭେମ୍ବର ୨୫(ସୋମବାର)ରେ ଆମରଣ ଅନଶନ କରିବେ। ସ୍ବେଚ୍ଛାକୃତ ଅବସର ଯୋଜନା(ଭିଆର୍‌ଏସ୍‌) ନେବାକୁ କମ୍ପାନୀ...

ଟ୍ରେନରେ ମସାଜ ପ୍ରସ୍ତାବ ପ୍ରତ୍ୟାହାର କଲା ରେଲଓ୍ବେ

ନୂଆଦିଲ୍ଲୀ,୧୬-୬: ଭାରତୀୟ ରେଲଓ୍ବେ ପକ୍ଷରୁ ଟ୍ରେନରେ ଯାତ୍ରୀଙ୍କୁ ମସାଜ ଦେବାର ବ୍ୟବସ୍ଥା କରାଯାଇଥିଲା। ତେବେ ଏହାକୁ ପଶ୍ଚିମ ରେଲଓ୍ବେ ପ୍ରତ୍ୟାହାର କରିନେଇଛି। ମଧ୍ୟପ୍ରଦେଶର ରାଜଧାନୀ ଇନ୍ଦୋରଠାରୁ...

୫.୨୩ ଲକ୍ଷ କୋଟି ଟଙ୍କାର ସ୍ପେକ୍ଟ୍ରମ ନିଲାମ ଯୋଜନାକୁ ମଞ୍ଜୁରୀ

ନୂଆଦିଲ୍ଲୀ,୨୧-୧୨: ୫.୨୩ ଲକ୍ଷ କୋଟି ଟଙ୍କାର ସ୍ପେକ୍ଟ୍ରମ ନିଲାମ ଯୋଜନାକୁ ଡିଜିଟାଲ କମ୍ୟୁନିକେଶନ କମିଶନଙ୍କ ପକ୍ଷରୁ ମଞ୍ଜୁରୀ ପ୍ରଦାନ କରାଯାଇଛି। ଏଥି ଲାଗି ନିଲାମ ପ୍ରକ୍ରିୟା...

ଜମ୍ମୁ-କଶ୍ମୀରରେ ହେବ ନିଯୁକ୍ତି ବର୍ଷା;ସରକାରଙ୍କୁ ସମର୍ଥନ ଜଣାଇଲା ସିଆଇଆଇ

ନୂଆଦିଲ୍ଲୀ,୧୦-୮: ଦେଶର ଉଦ୍ୟୋଗ ସଂଗଠନ କନ୍‌ଫେଡେରେଶନ ଅଫ୍‌ ଇଣ୍ଡିଆନ ଇଣ୍ଡଷ୍ଟ୍ରି(ସିଆଇଆଇ) ଜମ୍ମୁ-କଶ୍ମୀରରେ ନିବେଶ ଲାଗି କେନ୍ଦ୍ର ସରକାରଙ୍କ ପ୍ରୟାସକୁ ସମର୍ଥନ ଜଣାଇଛି। ଶୁକ୍ରବାର ଅର୍ଥମନ୍ତ୍ରୀ ନିର୍ମଳା...

ଏଚ୍‌ଓ୍ବାନ ବି ଭିଜାଧାରୀଙ୍କୁ ୟୁଏସ୍‌ ନ୍ୟାୟାଳୟଙ୍କଠାରୁ ଆଶ୍ୱସ୍ତି

ନୂଆଦିଲ୍ଲୀ,୧୧-୧୧: ଆମେରିକାରେ କାର୍ଯ୍ୟରତ ଏଚ୍‌ଓ୍ବାନ ବି ଭିଜାଧାରୀଙ୍କୁ ସେଠାକାର ନ୍ୟାୟାଳୟଙ୍କଠାରୁ ଆଶ୍ୱସ୍ତି ମିଳିଛି। ଏହି ଭିଜା ଲାଭ କରିଥିବା ଭାରତୀୟଙ୍କ ଜୀବନସାଥୀ ଆମେରିକାରେ କାର୍ଯ୍ୟ କରିବା...

ଅନୁଚ୍ଛେଦ ୩୭୦ ପ୍ରତ୍ୟାହାର ପରେ;ଜମ୍ମୁ-କଶ୍ମୀର ପର୍ଯ୍ୟଟନକୁ ନେଇ ବଢ଼ୁଛି ଆଶା

  ନୂଆଦିଲ୍ଲୀ,୧୧-୮: ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ପ୍ରତ୍ୟାହାର ପରେ ଲଦାଖ ଓ ଉପତ୍ୟକାରେ ପର୍ଯ୍ୟଟନ ଅଭିବୃଦ୍ଧିର ଅପାର ସମ୍ଭାବନା ରହିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି...

ହିସାବ ଚୂଡ଼ାନ୍ତ କରିବା ପାଇଁ ଏୟାର ଇଣ୍ଡିଆକୁ ୫୦ ଦିନ ସମୟ

ନୂଆଦିଲ୍ଲୀ,୧୨-୫: ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର ଇଣ୍ଡିଆ ଉପରେ ଏବେ ପ୍ରାୟ ୫୦ ହଜାର କୋଟି ଟଙ୍କାରୁ ଉର୍ଦ୍ଧ୍ୱ ଋଣ ବକେୟା ରହିଛି। ଚଳିତ ଆର୍ଥିକ...

Leave a comment

Your email address will not be published. Required fields are marked *