ହାଇକୋର୍ଟଙ୍କ ନିର୍ଦ୍ଦେଶକୁ ବିଏମ୍‌ସିର ବେଖାତିର,ବେଆଇନ ଦର୍ଶାଇ ଭାଙ୍ଗିଲେ ଓମ୍‌ଫେଡ୍‌ ଦୋକାନ

ଭୁବନେଶ୍ୱର,୧୫ା୮(ବ୍ୟୁରୋ):ରାଜଧାନୀରେ ବିଏମ୍‌ସିର ଏକ ମନମାନି ଘଟଣା ସ୍ଥାନୀୟ ସିଏମ୍‌ପିଡିଆଇ କଲୋନୀରେ ଦେଖିବାକୁ ମିଳିଛି। ପିସି ନ ଦେବାରୁ ବିଏମ୍‌ସି ଅଧିକାରୀମାନେ ରମେଶ ଚନ୍ଦ୍ର ବାରିକଙ୍କ ଏକ ଓମ୍‌ଫେଡ ଦୋକାନକୁ ମିଳିତ ଉଚ୍ଛେଦକାରୀ ଦଳ ଦ୍ୱାରା ଭାଙ୍ଗି ଦେଇଛନ୍ତି। ଫଳରେ ପରିବାର ଚଳାଇବାକୁ ଏକମାତ୍ର ସାହା ଥିବା ଏହି ଓମ୍‌ଫେଡ ପାଇଁ ଏବେ ରମେଶଚନ୍ଦ୍ରଙ୍କ ପରିବାର ରାଜରାସ୍ତାକୁ ଚାଲି ଆସିଛନ୍ତି। ଉଚ୍ଛେଦ ପାଇଁ ହାଇକୋର୍ଟଙ୍କ ଷ୍ଟେ ଅର୍ଡର ଥିଲେ ମଧ୍ୟ ବିଏମ୍‌ସି କର୍ତ୍ତୃପକ୍ଷ ଏହାକୁ ବେଖାତିରି କରିଛନ୍ତି। କୋର୍ଟ ଦୋକାନକୁ ଭାଙ୍ଗିବାକୁ ବାରଣ କରିଥିବା ବେଳେ ବିଏମ୍‌ସି ଅଧିକାରୀମାନେ ନିଜର ମନମାନି ଦେଖାଇ ତାକୁ ଭାଙ୍ଗିଥିବା ନଜିରକୁ ଆସିଛି। ଅନ୍ୟପକ୍ଷେ ରମେଶ ନ୍ୟାୟ ପାଇଁ ବିଭିନ୍ନ ମହଲକୁ ଯାଇଥିଲେ ମଧ୍ୟ ନ୍ୟାୟ ମିଳିନାହିଁ। ତେଣୁ ଶେଷରେ ସପରିବାର ସ୍ବାଧୀନତା ଦିବସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାସଭବନ ଆଗରେ ଆତ୍ମାହୁତି ଦେବେ ବୋଲି କହିଛନ୍ତି।
ଅଭିଯୋଗ ଅନୁଯାୟୀ, ରମେଶ ପରିବାର ସହ ସାମନ୍ତରାପୁର ବସ୍ତିରେ ବସବାସ କରୁଥିବା ବେଳେ ସିଏମ୍‌ପିଡିଆଇ କଲୋନୀରେ ୨୦୧୧ରୁ ସେ ଓମ୍‌ଫେଡ ଦୋକାନ କରିଥିଲେ। ଏପରିକି ଦୋକାନ କରିବା ପାଇଁ ବିଏମ୍‌ସି ସ୍ଥାନ ଚିହ୍ନ କରିବା ସହ ଓମ୍‌ଫେଡ ଲାଇସେନ୍ସରେ ସେ ସେଠାରେ ଦୋକାନ ଚଳାଇ ଆସୁଥିଲେ। ବାତ୍ୟା ଫନୀରେ ତାଙ୍କ ଦୋକାନ ଭାଙ୍ଗିଯାଇଥିଲା। ତେଣୁ ସେ ତାଙ୍କ ଦୋକାନକୁ ପୁଣି ଥରେ ତିଆରି କରୁଥିଲେ। ହେଲେ ସ୍ଥାନୀୟ ନେତା ପ୍ରଥମେ ରମେଶଙ୍କୁ ଦୋକାନ ପାଇଁ ଚାନ୍ଦା ମାଗି ଥିଲେ। ରମେଶ ରୋକ୍‌ଠୋକ ମନା କରି ଦେବାରୁ କେତେଜଣ ପ୍ରଭାବଶଳୀ ନେତାଙ୍କ ଦ୍ୱାରା ବିଏମ୍‌ସି ଜୋନାଲ ଅଧିକାରୀ ରମେଶଙ୍କ ଦୋକାନ ଭାଙ୍ଗିଥିବା କଥା ଜଣାପଡ଼ିଛି। ସେଠାରେ ଅନ୍ୟ ଦୋକାନ ଥିଲେ ମଧ୍ୟ ବିଏମ୍‌ସି କାହିଁକି ଓ କ’ଣ ପାଇଁ ରମେଶଙ୍କ ଦୋକାନ ଉଚ୍ଛେଦ କଲେ ତାହା ଏବେ ସବୁଠୁ ବଡ଼ ପ୍ରଶ୍ନବାଚୀ ସୃଷ୍ଟି କରିଛି।
ରମେଶ କୋର୍ଟ ଦେଇଥିବା ଷ୍ଟେ ଅର୍ଡରକୁ ଦେଖାଇଥିଲେ ମଧ୍ୟ ସେମାନେ ଶୁଣି ନ ଥିଲେ। ଏ ନେଇ ବିଡିଏର ଯୋଗସୂତ୍ର ଅଧିକାରୀ ଶୁଭ୍ରାଂଶୁ ଶେଖର ମହାନ୍ତି କହିଛନ୍ତି, ବିଏମ୍‌ସିର ତତ୍ତ୍ୱାବଧାନରେ ବିଡିଏ ଓ ମିଳିତ ଉଚ୍ଛେଦକାରୀ ଦଳ ଉଚ୍ଛେଦ କରେ। ଏକାଧିକ ଦୋକାନୀ ଅସ୍ଥାୟୀ ଲାଇସେନ୍ସ ଦିଆଯାଇଛି ଦୋକାନ କରିବାକୁ। ଆଉ ସ୍ବଳ୍ପ ଲୋକଙ୍କୁ ଦିଆଯାଇଛି ସ୍ଥାୟୀ ଦୋକାନ କରିବାକୁ। ତେଣୁ ରମେଶ ଅସ୍ଥାୟୀ ଭାବେ ଲାଇସେନ୍ସ ନେଇଥିବେ। କ’ଣ ପାଇଁ ତାଙ୍କ ଦୋକାନ ଭଙ୍ଗାଗଲା ସେନେଇ ଅନୁଧ୍ୟାନ କରାଯିବ। ତା’ପରେ ଯାଇ କିଛି ନିଷ୍କର୍ଷ ବାହାରିପାରିବ ବୋଲି ସେ କହିଛନ୍ତି।


All Right Reserved By Dharitri.Com

ଅସରାଏ ବର୍ଷାରେ ସହରାଞ୍ଚଳ ରାସ୍ତାରେ ବନ୍ୟା

କଟକ ରୋଡ,୧୯।୭(ଡି.ଏନ୍‌.ଏ.) :ରାଜଧାନୀରେ ଅସରାଏ ବର୍ଷାରେ ଅଧିକାଂଶ ଅଞ୍ଚଳ ଜଳମଗ୍ନ ହେଉଛି। ସ୍ମାର୍ଟ ସିଟି ଘୋଷଣା ହେବା ସତ୍ତ୍ୱେ କେତେକ ସ୍ଥାନରେ ସୃଷ୍ଟି ହେଉଥିବା ଏଭଳି...

‘ବାହାର ରାଜ୍ୟରେ ଫସିଥିବା ଓଡ଼ିଆ ଶ୍ରମିକଙ୍କୁ ଖାଦ୍ୟ ଯୋଗାଇ ଦିଆଯାଉ’

ଭୁବନେଶ୍ୱର,୧୪ା୪(ବ୍ୟୁରୋ): ଲକ୍‌ଡାଉନ ଯୋଗୁ ବାହାର ରାଜ୍ୟରେ ଫସିଯାଇଥିବା ଓଡ଼ିଆ ଶ୍ରମିକଙ୍କ ପାଇଁ ଖାଦ୍ୟ ବ୍ୟବସ୍ଥା କରିବାକୁ କେନ୍ଦ୍ରମନ୍ତ୍ରୀ ରାମ ବିଳାସ ପାଶ୍ବାନଙ୍କୁ ରାଜ୍ୟ ଖାଦ୍ୟ ଯୋଗାଣ...

ବଦଳିଲେ ରାଜ୍ୟପାଳଙ୍କ ସଚିବ, ପ୍ରମୋଦ ମେହେର୍ଦ୍ଦାଙ୍କୁ ଦାୟିତ୍ୱ

ଭୁବନେଶ୍ୱର,୨୯।୨(ବ୍ୟୁରୋ): ରାଜ୍ୟ ସରକାର ଶନିବାର ବରିଷ୍ଠ ଆଇଏଏସ୍‌ ଅଫିସରସ୍ତରରେ ଅଦଳବଦଳ କରିଛନ୍ତି। ପରିବହନ ସଚିବ ଥିବା ପ୍ରମୋଦ ମେହେର୍ଦ୍ଦାଙ୍କୁ ରାଜ୍ୟପାଳଙ୍କ ସଚିବ ଭାବେ ନିଯୁକ୍ତ କରାଯାଇଛି।...

ଏମ୍‌ଏମ୍‌ଡିଆର୍‌ ପରିବର୍ତ୍ତନ ଯୋଗୁ ଲାଭବାନ ହେବ ଓଡ଼ିଶା

ଭୁବନେଶ୍ୱର,୨୯।୨: କେନ୍ଦ୍ର ସରକାର ମାଇନ୍ସ ଆଣ୍ଡ ମିନେରାଲ ଡେଭଲପମେଣ୍ଟ ରେଗୁଲେଶନ ଆକ୍ଟ (ଏମ୍‌ଏମ୍‌ଡିଆର) ନିୟମରେ ପରିବର୍ତ୍ତନ କରିଥିବାରୁ ଓଡିଶା ବାର୍ଷିକ ପ୍ରାୟ ୨୦ ହଜାର କୋଟି...

ଭରୁନି ତିତ୍‌ଲି କ୍ଷତ :ଏବେ ବି ଭଙ୍ଗା କୁଡ଼ିଆରେ ବିତୁଛି ଜୀବନ

ପାରଳାଖେମୁଣ୍ଡି,୭।୧(ସ୍ବ.ପ୍ର.) – ତିତ୍‌ଲି ବାତ୍ୟା ଯିବାର ବର୍ଷେ ପୁରିଲାଣି। ହେଲେ ଏବେ ବି ଅନେକ କ୍ଷତିଗ୍ରସ୍ତ ପରିବାର ଅସହାୟ ଅବସ୍ଥାରେ ଦିନ କାଟୁଛନ୍ତି। ଭୟଙ୍କର ବାତ୍ୟା...

ତାପଙ୍ଗ ଛକରେ ବୋମା ପକାଇ ସାନି ମେଶିନ ପୋଡିଦେଲେ ଦୁର୍ବୃତ୍ତ, ୨ ଅଫୁଡ଼ା ବୋମା ଜବତ

ଖୋର୍ଦ୍ଧା ଅଫିସ, ୧୯।୬: ଖୋର୍ଦ୍ଧା ଜିଲା ତାପଙ୍ଗ ଛକ ଏନ୍‌କେଏସ୍‌ କ୍ରସର ନିକଟରେ ଥିବା ଏକ ସାନି ମେଶିନକୁ ମଙ୍ଗଳବାର ବିଳମ୍ବିତ ରାତିରେ କେହି ଦୁର୍ବୃତ୍ତ...

ଆବଶ୍ୟକତା ଠାରୁ କମ ବର୍ଷା: ଖରିଫ ଚାଷ କ୍ଷତିଗ୍ରସ୍ତ; ଚିନ୍ତାରେ ଚାଷୀ

ଝୁମ୍ପୁରା, ୨।୮ (ଡି.ଏନ.ଏ.)-ଆବଶ୍ୟକତାଠାରୁ ବର୍ଷାର ପରିମାଣ ଖୁବ କମ ରହିଥିବାରୁ ଝୁମ୍ପୁରା ବ୍ଲକରେ ଖରିଫ ଚାଷ କ୍ଷତିଗ୍ରସ୍ତ ହେବାର ଆଶଙ୍କା ସୃଷ୍ଟି ହୋଇଛି। ଝୁମ୍ପୁରା ବ୍ଲକର...

ରାଜ୍ୟରେ ୨୮୫୧ ଡାକ୍ତର ପଦବୀ ଖାଲି

ଭୁବନେଶ୍ୱର, ୨।୭(ବ୍ୟୁରୋ)- ରାଜ୍ୟରେ ବର୍ତ୍ତମାନ ୨୮୫୧ ଡାକ୍ତର ପଦବୀ ଖାଲି ପଡ଼ିଛି। ଏଥିମଧ୍ୟରୁ ମୟୂରଭଞ୍ଜ ଜିଲାରେ ସର୍ବାଧିକ ୧୯୯ଟି ପଦବୀ ରହିଛି। ସେହିଭଳି ଗଞ୍ଜାମରେ ୧୮୯...

Leave a comment

Your email address will not be published. Required fields are marked *