ସରକାର, ତଦନ୍ତ ଅଧିକାରୀଙ୍କ ତଣ୍ଟିରେ କାଳିଆ କଣ୍ଟା

ରସୁଲପୁର,୧୪।୮(ଡି.ଏନ୍‌.ଏ.)- କୃଷକଙ୍କ ପାଇଁ କାଳିଆ(କୃଷକ ଆସିଷ୍ଟାନ୍ସ ଫର ଲାଇଭିଲହୁଡ୍‌ ଆଣ୍ଡ ଇନକମ୍‌ ଅଗମେଣ୍ଟେସନ୍‌)ଯୋଜନାକୁ ନେଇ ଦ୍ୱନ୍ଦ ଉପୁଜୁଛି। ୨୦୧୯ ସାଧାରଣ ନିର୍ବାଚନ ପୂର୍ବରୁ ଏହି ଯୋଜନାକୁ ସରକାର ଅତି ତରବରିଆ ଭାବରେ ପ୍ରଣୟନ କରିଥିଲେ। ମାତ୍ର ଯୋଜନାକୁ ନେଇ ସରକାର ଦେଇଥିବା ପ୍ରତିଶ୍ରୁତିକୁ ଠିକ୍‌ ଭାବରେ ପାଳନ କରି ପାରିଲେ ନାହିଁ। ସରକାର ଶପଥ ନେବା ଦିନ ସବୁ ପଞ୍ଜୀକୃତ ଚାଷୀଙ୍କ ଜମାଖାତାକୁ ଟଙ୍କା ପଠାଯିବ ବୋଲି ଭୋଟ ଗ୍ରହଣ ପୂର୍ବରୁ ଘୋଷଣ କରିଥିଲେ। ଏପରିକି ୫ଟି କିସ୍ତିରେ କୃଷକ ପରିବାରକୁ ୨୫ହଜାର ଟଙ୍କା ପ୍ରଦାନ କରାଯିବ। ଏହି ଟଙ୍କାକୁ କୃଷକ ଚାଷରେ ବିନିଯୋଗ କରି ନିଜ ପରିବାରର ଜୀବିକା ନିର୍ବାହ କରିବା ସହ କୃଷି ଆୟ ବୃଦ୍ଧି କରିବାରେ ସଫଳ ହେବ। ଏହା କେବଳ ନିର୍ବାଚନୀ ପ୍ରଚାର ଥିଲା ା କୃଷି ପରିବାରକୁ ପ୍ରତିଶ୍ରୁତି ଦେଇ ପାଳନ କରି ନ ପାରି ସରକାର ଏବେ ଏକ ପ୍ରକାର କାଠଗଡ଼ାରେ ଛିଡ଼ା ହୋଇଛନ୍ତି। ସରକାର ଓ ତଦନ୍ତ ଅଧିକାରୀଙ୍କ ତଣ୍ଟିରେ ଏବେ କାଳିଆ କଣ୍ଟା ଅଟକିଛି। ଆଉ ଚାଷୀଙ୍କୁ ଭୂଆଁ ବୁଲାଇବା ପାଇଁ ଏବେ ସରକାର ନୂଆ ତରିକା ଆପଣେଇଛନ୍ତି। ତାଲିକାରେ ସ୍ଥାନ ପାଇଥିବା ଅଯୋଗ୍ୟଙ୍କୁ ବାଦ୍‌ ଦେବା ପାଇଁ ସମୟ ଗଡ଼ାଇଛନ୍ତି। ଆଉ ଏହି ବାଦ୍‌ ଦେବା ପ୍ରକ୍ରିୟା ଆସନ୍ତା ୨୭ତାରିଖକୁ ଘୁଞ୍ଚାଯାଇଛି। ଏହାପଛରେ ଯୋଜନା ଉପରୁ କୃଷି ପରିବାରର ଲକ୍ଷ୍ୟ ହଟାଇବା ପାଇଁ ଷଡ଼ଯନ୍ତ୍ର ରହିଛି ବୋଲି କୃଷକନେତା ଓ ସଂଗଠନ ପକ୍ଷରୁ ଅଭିଯୋଗ ହେଉଛି।
ରାଜ୍ୟ ସରକାର ଶପଥ ନେବାର ଅଢେଇ ମାସ ପରେ ବି ପ୍ରକୃତ ଚାଷୀଙ୍କୁ କାଳିଆ ଟଙ୍କା ମିଳିଲା ନାହିଁ। କିଛି ଚାଷୀଙ୍କୁ ଟଙ୍କା ଦେଇ ଅନ୍ୟଙ୍କୁ ନ ଦେବା ଘଟଣା ଚାଷୀଙ୍କ ମଧ୍ୟରେ ବିଭେଦ ସୃଷ୍ଟି କରୁଛି। କୃଷକମାନେ ସରକାରଙ୍କ ଦ୍ୱାରା ପାତରଅନ୍ତର ନୀତିର ଶିକାର ହୋଇଛନ୍ତି । ଏହା ଆଶଙ୍କା କରି ନିର୍ବାଚନ ପୂର୍ବରୁ କାଳିଆ ଯୋଜନା କାର୍ଯ୍ୟକାରୀ କରିବା ଉପରେ ରୋକ ଲଗାଇବା ପାଇଁ ବିରୋଧୀ ଭାଜପା ପକ୍ଷରୁ ନିର୍ବାଚନ କମିଶନ ଉପରେ ଚାପ ପକାଇଥିଲେ ା ଏହାକୁ ନେଇ ସରକାର ବୋରୋଧୀଙ୍କୁ କଡ଼ା ସମାଲୋଚନା କରିବା ସହ ଆଚରଣବିଧିକୁ ଅଣଦେଖା କରି ଚାଷୀଙ୍କ ଜମାଖାତାକୁ ଟଙ୍କା ଛାଡ଼ିଥିଲେ। କିନ୍ତୁ ଏବେ କାଳିଆକୁ ନେଇ ସରକାରଙ୍କ ବାହାସ୍ପୋଟ ନିଜ ପାଇଁ ଅଡୁଆ ସୃଷ୍ଟି କରିଛି ା ଟଙ୍କା ଦେଇ ନ ପାରି ଯୋଗ୍ୟଅଯୋଗ୍ୟ ଆଳରେ ସରକାର ଖସି ଯିବାକୁ ପ୍ରୟାସ କରୁଛନ୍ତି ବୋଲି ନବନିର୍ମାଣ କୃଷକ ସଂଗଠନର ରସୁଲପୁର ବ୍ଲକ ଆବାହକ ମୁକୁନ୍ଦଦେବ ମହାନ୍ତି ଅଭିଯୋଗ କରିଛନ୍ତି। ଏହା ସମଗ୍ର ରାଜ୍ୟର ସ୍ଥିତି ହୋଇଥିବାବେଳେ ଯାଜପୁର ଜିଲା ରସୁଲପୁର ବ୍ଲକ ଏକ କୃଷି ପ୍ରଧାନ ବ୍ଲକ ହୋଇଥାଇ ବି ଏଠାରେ କାଳିଆ ସ୍ଥିତି ଅତି ନୈରାଶ୍ୟଜନକ ବୋଲି ଜଣାପଡିଛି । ଏହି ବ୍ଲକରେ ୫୪ହଜାର କୃଷି ପରିବାର କାଳିଆ ଯୋଜନାରେ ନାମ ପଞ୍ଜିକୃତ ହୋଇଥିବାବେଳେ ମାତ୍ର ୨୮,୭୫୨ଚାଷୀ ପରିବାରକୁ କାଳିଆ ଟଙ୍କା ମିଳିଛି ବୋଲି ସରକାରୀ ରିପୋର୍ଟରୁ ଜଣାପଡିଛି। ଏହି ତଥ୍ୟକୁ ଦେଖିଲେ ବ୍ଲକର ପ୍ରାୟତଃ ଅର୍ଦ୍ଧାଧିକ ଚାଷୀ ପରିବାରକୁ କାଳିଆ ଟଙ୍କା ମିଳିନାହିଁ ା ବଳକା ପରିବାରକୁ କାଳିଆ ଟଙ୍କା ଦେବାକୁ ହେଲେ ସରକାର ଅଯୋଗ୍ୟ ପରିବାର ଟଙ୍କା ଫେରାଇଲେ ଯୋଗ୍ୟଙ୍କୁ ଦେବେ ବୋଲି ଲକ୍ଷ୍ୟ ରଖିଛନ୍ତି ା ସେଥି ସକାଶେ ସମଗ୍ର ରା୍ଯଯରେ କୃଷକ ପରିବାରକୁ ଚିହ୍ନଟ କରିବା ପାଇଁ ଏକ କମିଟି ଗଠନ କରାଯାଇଛି। ଏହି ଚିହ୍ନଟ କାର୍ଯ୍ୟ ଅଗଷ୍ଟ ୬ତାରିଖରୁ ଆରମ୍ଭ ହୋଇ ୧୪ ତାରିଖ ମଧ୍ୟରେ ଶେଷ କରିବାକୁ ନିର୍ଦ୍ଦେଶ ଦିଆଯାଇଥିଲା ା ଟଙ୍କା ପାଇଥିବା ହିତାଧିକାରୀଙ୍କ ମଧ୍ୟରୁ ଅଯୋଗ୍ୟଙ୍କୁ ବାଦ୍‌ ଦିଆଯିବା ସହ ଟଙ୍କା ଫେରାଇବା ପ୍ରକ୍ରିୟା ସାରିବାକୁ କୁହାଯାଇଥିଲା। ମାତ୍ର କାଳିଆ ତାଲିକା ଯାଞ୍ଚ କରିବାକୁ ତଦନ୍ତ ଅଧିକାରୀ କୁନ୍ଥୁକୁନ୍ଥୁ ହେଉଛନ୍ତି। ଏଦିଗରେ ଚାଷୀଙ୍କୁ ନେଇ ସରକାରଙ୍କ ଅସ୍ପଷ୍ଟ ନୀତିକୁ ଦାୟୀ କରାଯାଉଛି। ସରକାରଙ୍କ ପକ୍ଷରୁ ଚାଷୀର ସଜ୍ଞା ନିରୂପଣ ହୋଇନାହିଁ, ଭାଗଚାଷୀ କିଏ ଓ ସେମାନଙ୍କୁ କେମିତି ଚିହ୍ନଟ କରାଯିବ ସେ ଦିଗରେ ସରକାରଙ୍କ ପକ୍ଷରୁ କୌଣସି ନିର୍ଦ୍ଦିଷ୍ଟ ସୂଚନା ପ୍ରଦାନ କରାଯାଇ ନାହିଁ ା ଫଳରେ ଆବେଦନକାରୀ ଚାଷୀ କି ନୁହେଁ ତାକୁ ବିଚାରକୁ ନିଆଯିବା ସମ୍ଭପର ନୁହେଁ ା କେବଳ ଆବେଦନକାରୀଙ୍କ ମଧ୍ୟରୁ ଯଦି କିଏ ମରିଯାଇଛି ତାକୁ ବାଦ୍‌ ଦେଇ ହେବ। ତେବେ ନିର୍ଦ୍ଧାରିତ ଅବଧି ଭିତରେ ରିପୋର୍ଟ ପ୍ରସ୍ତୁତ ହୋଇନପାରିବାରୁ ସରକାର ତଦନ୍ତ ଅବଧିକୁ ୧୪ଦିନ ବଢାଇ ଦେଇଛନ୍ତି। ବର୍ଦ୍ଧିତ ଅବଧି ମଧ୍ୟରେ ପୂର୍ଣ୍ଣାଙ୍ଗ ରିପୋର୍ଟ ଆସି ପାରିବ କି ନାହିଁ ତାକୁ ନେଇ ସନ୍ଦେହ ଉପୁଜିଛି। ଏ ନେଇ କାଳିଆ ଯୋଜନା ରସୁଲପୁର ବ୍ଲକ ଦାୟିତ୍ୱରେ ଥିବା ସହକାରୀ କୃଷି ଅଧିକାରୀ ତୁଷାରକାନ୍ତି ସେଠୀଙ୍କୁ ପଚାରିବାରୁ ତଦନ୍ତ ଚାଲିଛି ା ସମ୍ପୂର୍ଣ୍ଣ ରିପୋର୍ଟ ନ ଆସିବା ପର୍ଯ୍ୟନ୍ତ କୌଣସି ସୂଚନା ଦେବାକୁ ସେ ମନା କରିଦେଇଛନ୍ତି। ତେବେ ଏହି ବ୍ଲକରେ କାଳିଆ ପାଇଁ ଆବେଦନକାରୀଙ୍କ ମଧ୍ୟରେ ବିଶେଷ ପରିବର୍ତ୍ତନ ଘଟିବାର ନାହିଁ ବୋଲି କୃଷି ଅଧିକାରୀସେଠୀ ସୂଚନା ଦେଇଛନ୍ତି।


All Right Reserved By Dharitri.Com

ଭିଜିଲାନ୍ସ ଜାଲରେ ସହକାରୀ ନିର୍ବାହୀ ଯନ୍ତ୍ରୀ କେ. ମୋହନ ପାତ୍ର

ନବରଙ୍ଗପୁର,୨୭।୧୨(ବି.ପ୍ର.): ଉମରକୋଟ ଗ୍ରାମୀଣ ପାନୀୟ ଜଳ ଯୋଗାଣ ଓ ପରିମଳ ବିଭାଗର ସହକାରୀ ନିର୍ବାହୀ ଯନ୍ତ୍ରୀ କେ. ମୋହନ ପାତ୍ର ୩୦ହଜାର ଟଙ୍କା ଲାଞ୍ଚ ନେଉଥିବା...

ଭାଙ୍ଗିଲା ଘର, ଉଜୁଡିଲା ଧାନ

ଖଇରା, ୯।୧୧(ଡି.ଏନ.ଏ.): ବୁଲୁବୁଲ ପ୍ରଭାବରେ ଖଇରା ବ୍ଲକରେ ବ୍ୟାପକ କ୍ଷତି ହୋଇଛି। ବହୁ ସ୍ଥାନରେ ଘର ଉପରେ ଗଛ ପଡିବା ଯୋଗୁ ଛପର ଘର ଭାଙ୍ଗିରୁଜି...

ଏଟିଏମ୍‌ ଟ୍ରେଜେରି କାଟି ଲୁଟ୍‌ ଉଦ୍ୟମ

ଭଦ୍ରକ ଅଫିସ,୭।୧୨: ଭଦ୍ରକ ଜିଲା ଧାମନଗର ଥାନା ଦୋବଲ ବଜାର ଟାଟା ଇଣ୍ଡିକେସ୍‌ ଏଟିଏମ୍‌ରୁ ଶୁକ୍ରବାର ରାତିରେ ଲୁଟ୍‌ ଉଦ୍ୟମ ହୋଇଛି। କେହି ଦୁର୍ବୃତ୍ତ ଗ୍ୟାସ୍‌...

ନାବାଳିକାଙ୍କୁ ବଳାତ୍କାର ଘଟଣା, ଅଭିଯୁକ୍ତ ଗିରଫ: ନିରପେକ୍ଷ ତଦନ୍ତ ଦାବି କଲା ଭାଜପା ମହିଳା ମୋର୍ଚ୍ଚା

ହିଞ୍ଜିଳିକାଟୁ,୨୨ା୧୧(ଡି.ଏନ୍‌.ଏ)- ହିଞ୍ଜିଳି ଥାନା ଅଞ୍ଚଳରେ ଗତ ଶନିବାର ଜଣେ ୧୦ବର୍ଷୀୟ ନାବାଳିକାଙ୍କୁ ନିଜ ଦୋକାନରେ ବଳାତ୍କାର କରିଥିବା ଅଭିଯୁକ୍ତଙ୍କୁ ପୋଲିସ ଗୁରୁବାର ଗିରଫ କରିଛି। ସେ...

କଳା ସଂଘର୍ଷ ନୁହେଁ, ଜୀବନ

ଧାମନଗର,୪।୧୦(ଡି.ଏନ.ଏ.)-ଆଞ୍ଚଳିକ ଲୋକକଳା ଆଜିି ବି ଗ୍ରାମାଞ୍ଚଳରେ ଜିଇ ରହିଛି। ଅନେକ ଗ୍ରାମୀଣ ପ୍ରତିଭା ରହିଛନ୍ତି। ବିଭିନ୍ନ ଲୋକକଳାକୁ ଲୋକଲୋଚନକୁ ଆଣିବା ସହ ଛାତ୍ରୀଛାତ୍ରଙ୍କ ମଧ୍ୟରେ ଆଦର...

ବାର୍‌ହା ମାଂସ ଜବତ, ୪ ଗିରଫ

ପରଜଙ୍ଗ, ୯।୧୨(ଡି.ଏନ.ଏ.)-ମହାବିରୋଡ଼ ରେଞ୍ଜ ଡିହଡୋଳ ଫରେଷ୍ଟ ସେକ୍ସନ ଅଧୀନ ବରକଟା ଗ୍ରାମ ନିକଟ ବଡ଼ପଥର ନାଳ ନିକଟରୁ ସୋମବାର ବନ ବିଭାଗ ବାର୍‌ହା ମାଂସ ଜବତ...

ଜାଳ ସଂଗ୍ରହ ବେଳେ ମିଳିଲା ଶିବଲିଙ୍ଗ

ଖଇରା, ୧୨।୧(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଜଳଦା ପଞ୍ଚାୟତ ଅଧୀନ ସାଦିକପୁର ଗ୍ରାମର ମୋହନ ମହାନ୍ତି ଜାଳ ଉଦ୍ଦେଶ୍ୟରେ ମାଉସୀ ବାଡି ମନ୍ଦିର ନିକଟରେ ଥିବା...

ମନ୍ତ୍ରଣାର କେନ୍ଦ୍ର ଥିଲା ଗଙ୍ଗାମାତା ମଠ ସୁଡ଼ଙ୍ଗ: ଏବେ ଶ୍ରଦ୍ଧାଳୁଙ୍କ ପାଇଁ ପାଲଟିଛି ଦର୍ଶନୀୟ ସ୍ଥାନ

ପୁରୀ ଅଫିସ, ୧୬।୨: ଗଙ୍ଗାମାତା ମଠ ସୁଡ଼ଙ୍ଗ। ଏକଦା ଏହି ସୁଡ଼ଙ୍ଗ ଥିଲା ମନ୍ତ୍ରଣାର କେନ୍ଦ୍ର। ଶ୍ରୀମନ୍ଦିର ଉପରେ ହେଉଥିବା ଆକ୍ରମଣରୁ କିପରି ମହାପ୍ରଭୁଙ୍କୁ ରକ୍ଷା...

Leave a comment

Your email address will not be published. Required fields are marked *