ନିଷ୍କାସିତ ହୋଇପାରୁନି ନର୍ଦ୍ଦମା, ବର୍ଷା ଜଳ: ପଦକ୍ଷେପ ନ ହେଲେ ଆନ୍ଦୋଳନ ଚେତାବନୀ

ଖଣ୍ଡପଡ଼ା,୧୪ା୮(ସ୍ବ.ପ୍ର.)-ମନ୍ଦିର ଉନ୍ନତି ନାମରେ ଦେବୋତ୍ତର ବିଭାଗ ବିଭିନ୍ନ ସ୍ଥାନରେ ଥିବା ଦେବୋତ୍ତର ଜାଗାକୁ ବିକ୍ରିକରି ଦେବା ଯୋଗୁ ଏହା କଣ୍ଟିଲୋ ଗ୍ରାମବାସୀଙ୍କ ପାଇଁ ମୁଣ୍ଡବ୍ୟଥାର କାରଣ ପାଲଟିଛି ା କାରଣ ଏହି ଭୂମିକୁ ଲୋକେ କ୍ରୟ କରି ଖାଲ, ଢିପ ଓ ସମତୁଲ କରିଦେବା ଫଳରେ ବର୍ଷା ଜଳ ଠିକ୍‌ ଭାବେ ନିଷ୍କାସିତ ହୋଇ ନ ପାରି ରାସ୍ତା ଉପରେ ଜମା ହୋଇରହୁଛି। ଫଳରେ ଯାତାୟାତରେ ବାଧା ସୃଷ୍ଟି ହେଉଛି ା ଅପରପକ୍ଷରେ ରାସ୍ତାର ନିଚ୍ଚ(ତଳିଆ ଅଞ୍ଚଳ)ରେ ବିଦ୍ୟୁତ୍‌ ଟ୍ରାନ୍ସଫର୍ମର ଓ ସବ୍‌ଷ୍ଟେଶନ ଥିବା ସ୍ଥାନରେ ଜଳ ଜମିରହିବା ଫଳରେ ଏହା କର୍ମଚାରୀ ଓ ଖଣ୍ଡପଡ଼ା ବିଦ୍ୟୁତ୍‌ ଉପଖଣ୍ଡ ଅଧୀନ କଣ୍ଟିଲୋ ବିଦ୍ୟୁତ୍‌ ସେକ୍ସନ ଉପଭୋକ୍ତାମାନଙ୍କ ପାଇଁ ବିପଜ୍ଜନକ ପାଲଟିଛି। କଣ୍ଟିିଲୋ ପ୍ରାଣୀ ଚିକିତ୍ସାଳୟ ପରିସର ତଥା ରାସ୍ତାପାର୍ଶ୍ୱସ୍ଥ ବିଦ୍ୟୁତ୍‌ ଡିଷ୍ଟ୍ରିବ୍ୟୁଶନ ଟ୍ରାନ୍ସଫର୍ମର, ସବ୍‌ଷ୍ଟେଶନ ବିଭାଗୀୟ କର୍ମଚାରୀଙ୍କ ପ୍ରତି ସମସ୍ୟା ପାଲଟିଛି। ପ୍ରକାଶଯୋଗ୍ୟ, କଣ୍ଟିଲୋ ପଞ୍ଚାୟତ ଅନ୍ତର୍ଗତ ନରେନ୍ଦ୍ରପୁର ପାଟଣା, ମେଡିକାଲ ଛକ, ଛାମୁପାଟଣା, ସେବକ ସାହି, ମଝିସାହି ପାଟଣା ଓ ହାଟମୁଣ୍ଡ ପାଟଣା ଗ୍ରାମର ୨ଶହରୁ ଊର୍ଦ୍ଧ୍ୱ ଉପଭୋକ୍ତାଙ୍କ ପାଇଁ ପ୍ରାଣୀ ଚିକିତ୍ସାଳୟ, ବାଳିକା ପ୍ରାଥମିକ ବିଦ୍ୟାଳୟଠାରୁ ସରକାରୀ ଡାକ୍ତରଖାନା ପର୍ଯ୍ୟନ୍ତ ମୁଖ୍ୟ ରାସ୍ତାପାର୍ଶ୍ୱରେ ଏକ ସବ୍‌ଷ୍ଟେଶନ ବସିଛି ା ଏଥିରେ ଦୁଇଟି ୧ଶହ କେଭି ଶକ୍ତି ସମ୍ପନ୍ନ ଟ୍ରାନ୍ସଫର୍ମର ବସାଯାଇଛି ା ତେବେ ଏହା ରାସ୍ତା ପତ୍ତନଠାରୁ ନିଚ୍ଚା ସ୍ଥାନରେ ଓ ପ୍ରାଣୀ ଚିକିତ୍ସାଳୟ ପରିସରରେ ରହିଛି ା ନୀଳମାଧବ ଜୀଉ ମନ୍ଦିର, ମଝିସାହି ପାଟଣା ଓ ହାଟମୁଣ୍ଡ ପାଟଣାରୁ ବହି ଆସୁଥିବା ବର୍ଷାଜଳ ବିଶେଷ କରି ଗ୍ରାମର ନର୍ଦ୍ଦମା ପାଣି ରାସ୍ତାକଡ଼ରେଥିବା ଏକ ଖାଲୁଆ ଜାଗାକୁ ନିଷ୍କାସିତ ହୋଇଥାଏ ା ସମ୍ପୃକ୍ତ ଜାଗାକୁ ଦେବୋତ୍ତର ବିଭାଗ ବିକ୍ରି କରିଦେବା ପରେ ବିଭିନ୍ନ କାରଣରୁ ଏଠାରୁ ପାଣି ବାହାରି ରାସ୍ତା ଏବଂ ଅନ୍ୟାନ୍ୟ ସ୍ଥାନରେ ଜମା ହୋଇରହୁଛି। ସବ୍‌ଷ୍ଟେଶନ ଅଞ୍ଚଳଟି ବର୍ତ୍ତମାନ ଘାସବୁଦା ଏବଂ ଗଛଲତାରେ ପୂର୍ଣ୍ଣ ହୋଇଥିବାରୁ ଫିଉଜ୍‌ ପକାଇବାକୁ ଆସୁଥିବା କର୍ମଚାରୀମାନେ ହଇରାଣ ହେଉଛନ୍ତି। ଏଠାରେ ବିଷାକ୍ତ ସର୍ପ, ସରୀସୃପ ଆଦି ଚଳପ୍ରଚଳ ହେଉଥିବାରୁ ଜନସାଧାରଣ ଓ କର୍ମଚାରୀଙ୍କ ପାଇଁ ଆତଙ୍କର କାରଣ ପାଲଟିଛି। ଏହାର ପ୍ରତିକାର ପାଇଁ ଖଣ୍ଡପଡ଼ା ଫେଡ଼କୋ ଏସ୍‌ଡିଓ ଇଂ. ସୁଧାଂଶୁ ଶେଖର ସାହାଣୀଙ୍କୁ ଯୋଗାଯୋଗ କରିବା ପରେ ସେ ଏହି କାର୍ଯ୍ୟ ସେସୁର ବୋଲି ମତ ଦେଇଥିବାବେଳେ ସେସୁ କନିଷ୍ଠ ଯନ୍ତ୍ରୀ ଇଂ. ରମେଶ ଚନ୍ଦ୍ର ସାହୁ ଉକ୍ତ ମେଣ୍ଟେନାନ୍ସ କାର୍ଯ୍ୟ ଫେଡ଼କୋର ବୋଲି କହି ପରସ୍ପରକୁୁ ଦୋଷାରୋପ କରିଥିଲେ ା ପ୍ରଦୂଷିତ ପରିବେଶକୁ ସଜାଡିବା କାର୍ଯ୍ୟର ଦାୟିତ୍ୱ ସମସ୍ତେ ନେବା ଉଚିତ। ତେବେ ଦେବୋତ୍ତର ବିଭାଗ, ସେସୁ, ବିଦ୍ୟୁତ୍‌ ବିଭାଗ ଏଥିପ୍ରତି ଉପଯୁକ୍ତ ପଦକ୍ଷେପ ଗ୍ରହଣ କରୁ ନ ଥିବାରୁ ସାଧାରଣରେ ଅସନ୍ତୋଷ ଦେଖାଦେଇଛି। ଆଗାମୀ ଦିନରେ ଏହାର ସମାଧାନ ନ ହେଲେ ସମ୍ପୃକ୍ତ ଗ୍ରାମବାସୀ ଆନ୍ଦୋଳନାତ୍ମକ ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି।


All Right Reserved By Dharitri.Com

ଆସନ୍ତା ୧୦ରୁ ପବିତ୍ର ଝୁଲଣ ଯାତ୍ରା: ମଠ, ମନ୍ଦିରରେ ଚାଲିଛି ସାଜସଜା

ପୁରୀ ଅଫିସ, ୬ା୮: ଆସନ୍ତା ୧୦ତାରିଖରୁ ପବିତ୍ର ଝୁଲଣ ଯାତ୍ରା। ଶ୍ରାବଣ ଶୁକ୍ଳ ଦଶମୀଠାରୁ ଆରମ୍ଭ ହେଉଥିବା ଏହି ଝୁଲଣ ଯାତ୍ରା ପ୍ରତିପଦ ଯାଏ ୭ଦିନ...

ବାରିପଦା ପାଲଟିଛି ଅପରାଧୀଙ୍କ ଆଡ୍ଡାସ୍ଥଳୀ

ବାରିପଦା ଅଫିସ,୨୭।୧୦-ଉତ୍ତର ଓଡ଼ିଶାର ସାଂସ୍କୃତିକ ପ୍ରାଣକେନ୍ଦ୍ର ତଥା ପ୍ରମୁଖ ବ୍ୟବସାୟିକ ପେଣ୍ଠସ୍ଥଳୀ ଭାବେ ପରିଚିତ ବାରିପଦା ସହରରେ ଦିନକୁ ଦିନ ଏବେ ଅପରାଧ ଘଟଣା ବୃଦ୍ଧି...

ଠିକାଦାରଙ୍କ କାର୍ଯ୍ୟବନ୍ଦ ଆନ୍ଦୋଳନ: ରାଜ୍ୟପାଳଙ୍କ ଉଦ୍ଦେଶ୍ୟରେ ଦାବିପତ୍ର

ମାଲକାନଗିରି,୧୭।୧୧(ଡି.ଏନ୍‌.ଏ.): ମାଲକାନଗିରି ଜିଲା ଠିକାଦାର ସଂଘ ପକ୍ଷରୁ ଗତ ୧୦ ତାରିଖରୁ କାର୍ଯ୍ୟବନ୍ଦ ଆନ୍ଦୋଳନ ହୋଇଛି। ଏ ନେଇ ଜିଲାର ଉନ୍ନୟନ କାର୍ଯ୍ୟ ବାଧାପ୍ରାପ୍ତ ହୋଉଛି...

ତାଜା ଭୁଶୁଡ଼ି ୩ ମହିଳା ଆହତ

ନୟାଗଡ଼ ଅଫିସ,୧୪।୮- ନୟାଗଡ଼ ଜିଲା ଓଡ଼ଗାଁ ବ୍ଳକ ଶରଧାପୁର ଗ୍ରାମରେ ଘରର ତାଜା ଭୁଶୁଡ଼ି ୩ ଜଣ ମହିଳା ଆହତ ହୋଇଛନ୍ତି। ସେମାନେ ହେଲେ ଶରଧାପୁର...

କବିସୂର୍ଯ୍ୟନଗରରେ ଚାଲିଛି ବେଆଇନ ଇଟାଭାଟି

କବିସୂର୍ଯ୍ୟନଗର,୧୭ା୫- କବିସୂର୍ଯ୍ୟନଗର ତହସିଲ ଅଞ୍ଚଳରେ ଚାଲିଛି ବେଆଇନ ଇଟାଭାଟି। ପୋଲିସ ଓ ତହସିଲ କର୍ତ୍ତୃପକ୍ଷ ସବୁ ଜାଣି ନୀରବ ରହୁଛନ୍ତି। ରାଜସ୍ବ, ପ୍ରଦୂଷଣ ନିୟନ୍ତ୍ରଣ ବୋର୍ଡ...

ହିଞ୍ଜିଳି ପୋଲିସ ଦ୍ୱାରା ଗଞ୍ଜେଇ ଚୋରାଚାଲାଣ ର଼୍ୟାକେଟ ଠାବ: ୨ବସ୍ତା ଗଞ୍ଜେଇ ଜବତ, ୩ ଗିରଫ

ହିଞ୍ଜିଳିକାଟୁ,୨୨ା୭(ଡି.ଏନ୍‌.ଏ): କନ୍ଧମାଳଠାରୁ ରାଜଧାନୀ ନୂଆଦିଲୀ ପର୍ଯ୍ୟନ୍ତ ଲମ୍ବିଥିବା ଏକ ଗଞ୍ଜେଇ ଚୋରା ଚାଲାଣ ର଼୍ୟାକେଟକୁ ରବିବାର ସନ୍ଧ୍ୟାରେ ହିଞ୍ଜିଳି ପୋଲିସ ଠାବ କରିବା ସହ ଗ୍ୟାଙ୍ଗର...

ଏକ୍ସପୋର୍ଟ, ଇମ୍ପୋର୍ଟ କମ୍ପାନୀ ନାଁରେ ୭୫ଲକ୍ଷ ଠକେଇ

ବାଲେଶ୍ୱର ଅଫିସ,୨୪।୭-ବାଲେଶ୍ୱର ଜିଲା ସହଦେବଖୁଣ୍ଟା ମଡ଼େଲ ଥାନା ଭାସ୍କରଗଞ୍ଜ(ବି) ଅଞ୍ଚଳରେ ଗତ ୯ ତାରିଖରେ ନ୍ୟାଶନାଲ ପୋର୍ଟ ପ୍ରାଇଭେଟ୍‌ ଲିମିଟେଡ୍‌ ନାମକ ଏକ କମ୍ପାନୀ ଖୋଲି...

ଦିବ୍ୟାଙ୍ଗ ନାବାଳିକାଙ୍କୁ ସମ୍ପର୍କୀୟ ମାମୁଙ୍କ ବଳାତ୍କାର ଅଭିଯୋଗ

ନୟାଗଡ଼ ଅଫିସ, ୨୧।୮ : ନୟାଗଡ଼ ଜିଲା ଇଟାଭାଟି ଥାନା ଅଞ୍ଚଳରେ ଜଣେ ଦିବ୍ୟାଙ୍ଗ ନାବାଳିକାଙ୍କୁ ତାଙ୍କ ସମ୍ପର୍କୀୟ ମାମୁ ବଳାତ୍କାର କରିଥିବା ବୁଧବାର ଇଟାମାଟି...

Leave a comment

Your email address will not be published. Required fields are marked *