ସମ୍ପାଦକୀୟ/ସିଏସ୍‌ଆର୍‌ ପାଇଁ ଦଣ୍ଡ

ନିକଟରେ ଭାରତୀୟ ପାର୍ଲାମେଣ୍ଟ କମ୍ପାନୀ ଆଇନରେ କେତେକ ସଂଶୋଧନ ଆଣିଛିି। କମ୍ପାନୀ (ସଂଶୋଧନ) ଆଇନ ୨୦୧୯ରେ ଅନ୍ୟତମ ମୁଖ୍ୟ ଦିଗ ଯାହା ଉପରେ ବିଶେଷ ଗୁରୁତ୍ୱ ଦିଆଯାଇଛି, ତାହା ହେଲା କମ୍ପାନୀ ସାମାଜିକ ଦାୟିତ୍ୱବୋଧ (ସିଏସ୍‌ଆର୍‌)। ଏଥିରେ କୁହାଯାଇଛି ଯେ, ସିଏସ୍‌ଆର୍‌ ସର୍ତ୍ତ ଉଲ୍ଲଂଘନ କରୁଥିବା କମ୍ପାନୀକୁ ଅପରାଧୀ ଭାବେ ଘୋଷଣା କରାଯିବା ସହ ଜରିମାନା ପରିମାଣ ୫୦ ହଜାର ଟଙ୍କାରୁ ୨୫ ଲକ୍ଷ ଟଙ୍କା ପର୍ଯ୍ୟନ୍ତ ରହିବ। ସେହିଭଳି କମ୍ପାନୀ ଅଧିକାରୀଙ୍କୁ ୩ ବର୍ଷ ଜେଲଦଣ୍ଡ କିମ୍ବା ଜରିମାନା ବାବଦରେ ୫୦ ହଜାର ଟଙ୍କାରୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ଆଦାୟର ବ୍ୟବସ୍ଥା କରାଯାଇଛି ଏବଂ ସ୍ଥଳବିଶେଷରେ ଉଭୟ ଦଣ୍ଡ ଲାଗୁ ହୋଇପାରେ। ଶିଳ୍ପ ଜଗତ ସରକାରଙ୍କ ଏଭଳି ନିୟମକୁ ପ୍ରତ୍ୟାହାର କରିନେବା ପାଇଁ ଅଡ଼ି ବସିଛି। ବିଶେଷକରି ଜେଲଦଣ୍ଡ ଅଧିକ କଠୋର ହୋଇଯାଉଛି ବୋଲି ଅଭିଯୋଗ ହୋଇଛି। କର୍ପୋରେଟ୍‌ କ୍ଷେତ୍ରର ଏଭଳି ଦାବିକୁ ବିଚାର କରାଯିବ ବୋଲି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ କହିଛନ୍ତି।
ସିଏସ୍‌ଆର୍‌ ହେଉଛି କମ୍ପାନୀର ଏକ ବ୍ୟବସାୟିକ ପଦକ୍ଷେପ, ଯାହା ଦ୍ୱାରା ସାମାଜିକ ମଙ୍ଗଳ କାର୍ଯ୍ୟ କରାଯାଇଥାଏ। ସମାଜର ନିରନ୍ତର ଅଭିବୃଦ୍ଧି ଓ ବିକାଶ ଦିଗରେ ସିଏସ୍‌ଆର୍‌ ଏକ ସମନ୍ବୟ ଆଣିଥାଏ। ଧରାଯାଉ କୌଣସି ଅଞ୍ଚଳରେ ଏକ କାରଖାନା ପ୍ରତିଷ୍ଠା କରାଯାଇଛି। ସେଥିରୁ ନିର୍ଗତ ଧୂଆଁ ଓ ବର୍ଜ୍ୟବସ୍ତୁ ସମ୍ପୃକ୍ତ ଅଞ୍ଚଳର ଲୋକଙ୍କ ଉପରେ ପ୍ରଭାବ ପକାଇବା ସ୍ବାଭାବିକ। ବ୍ୟାପକ ଗାଡ଼ିମୋଟର ଚଳାଚଳ ଫଳରେ ରାସ୍ତାଘାଟ ଖରାପ ହେବା ସହ ପ୍ରଦୂଷଣ ସୃଷ୍ଟି ହୋଇଥାଏ। ତେଣୁ ସେଠାକାର ଲୋକଙ୍କ ସାମାଜିକ, ଅର୍ଥନୈତିକ ବିକାଶ ସହ ପରିବେଶ ରକ୍ଷା ଲାଗି କମ୍ପାନୀ ପକ୍ଷରୁ ବ୍ୟାପକ ଚାରା ରୋପଣ, ରାସ୍ତାଘାଟର ଉନ୍ନତି, ସ୍କୁଲ ଓ ହସ୍ପିଟାଲ ଭଳି ମୌଳିକ ଭିତ୍ତିଭୂମି ସୁଦୃଢ଼ କରିବା ପାଇଁ ଆଇନରେ ସିଏସ୍‌ଆର୍‌ ନେଇ ଉଲ୍ଲେଖ ରହିଛି। ସେହି ଅନୁଯାୟୀ କାର୍ଯ୍ୟ କରୁଥିଲେ ପ୍ରତ୍ୟେକ ସରକାରୀ ଓ ବେସରକାରୀ କମ୍ପାନୀ ସେମାନଙ୍କ ଲାଭର ଦୁଇ ପ୍ରତିଶତ ଏହିଭଳି ସାମାଜିକ କାର୍ଯ୍ୟରେ ଖର୍ଚ୍ଚ କରିବାକୁ ବାଧ୍ୟ। କିନ୍ତୁ ବାସ୍ତବତା ଏହାଠାରୁ ଯଥେଷ୍ଟ ଭିନ୍ନ। ଘରୋଇ କମ୍ପାନୀ କଥା ଦୂରେ ଥାଉ, ସରକାରୀ ବା ରାଷ୍ଟ୍ରାୟତ୍ତ ଉଦ୍ୟୋଗ ବିଭିନ୍ନ ଆଳରେ ଲୋକଙ୍କୁ ଭୁଆଁ ବୁଲାଇ ଏହି ଅର୍ଥକୁ ବାଟବଣା କରିଦିଅନ୍ତି। ଏହି ଦୁର୍ନୀତିରେ ମୁଖ୍ୟତଃ ସମ୍ପୃକ୍ତ ରାଜ୍ୟ ସରକାରୀ ଅଧିକାରୀ, ସ୍ଥାନୀୟ ରାଜନେତା ଓ କମ୍ପାନୀ ଅଧିକାରୀ ବାଣ୍ଟି କରି ବିପୁଳ ଅର୍ଥ ତୋସରପାତ କରୁଥିବାର ଦୃଷ୍ଟାନ୍ତ ପ୍ରାୟ ସବୁ ଜାଗାରେ ମିଳିଥାଏ। କୌତୂହଳର ବିଷୟ, ସବୁ ଉଦ୍ୟୋଗ ଏହି ପାଣ୍ଠି ବିନିଯୋଗ ସମ୍ପର୍କରେ ଅତି ସୁନ୍ଦର ପାଓ୍ବାରପଏଣ୍ଟ ପ୍ରେଜେଣ୍ଟେଶନ ପ୍ରସ୍ତୁତ କରି ଠକି ଦେଇପାରୁଛନ୍ତି।
ସିଏସ୍‌ଆର୍‌ ନାମରେ ଏହି ପାଣ୍ଠି ପ୍ରସ୍ତୁତ ହୋଇଥିବାରୁ ଏହାକୁ ପରିଚାଳନା ସକାଶେ ଦାୟିତ୍ୱସମ୍ପନ୍ନ ବ୍ୟକ୍ତିଙ୍କୁ ନିୟୋଜିତ କରାଯାଇଥାଏ। ସିଏସ୍‌ଆର୍‌ ପାଣ୍ଠି ଲାଗି ସଂସ୍ଥାଗୁଡ଼ିକ କେତେ ଅର୍ଥ ରଖିବେ ସେଥିନେଇ କମ୍ପାନୀ ଆଇନରେ ନିୟମାବଳୀ ସ୍ଥିର କରାଯାଇଛି। ୫୦୦ କୋଟି ଟଙ୍କାର ନେଟ୍‌ ମୂଲ୍ୟ କିମ୍ବା ୧୦୦୦ କୋଟି ଟଙ୍କାରୁ ଅଧିକ କାରବାର କରୁଥିଲେ ଅଥବା ୫ କୋଟି ଟଙ୍କାରୁ ଅଧିକ ଲାଭ କରୁଥିବା କମ୍ପାନୀ ସିଏସ୍‌ଆର୍‌ ପାଣ୍ଠି ରଖିବାକୁ ବାଧ୍ୟ। ସାଧାରଣତଃ ୩ ବର୍ଷର ହାରାହାରି ଲାଭର ୨ ପ୍ରତିଶତ ପ୍ରତ୍ୟେକ ବର୍ଷ ଉକ୍ତ ପାଣ୍ଠିରେ ରଖାଯିବାର ବ୍ୟବସ୍ଥା ରହିଛି। ସିଏସ୍‌ଆର୍‌ ଦାୟିତ୍ୱରେ ଥିବା ଅଧିକାରୀ ଏସବୁ ଖର୍ଚ୍ଚ କରିବା ଲାଗି ଉତ୍ତରଦାୟୀ ରହିବା କଥା। ହେଲେ ଦେଖାଯାଉଛି, ଅନେକ ସଂସ୍ଥା ଉକ୍ତ ନିୟମକୁ ସିଧାସଳଖ ଉଲ୍ଲଂଘନ କରୁଛନ୍ତି। ବାରମ୍ବାର ଏଭଳି ତ୍ରୁଟି ଲକ୍ଷ୍ୟ କରାଯିବା ପରେ ସରକାର କଠୋର ଆଇନ ପ୍ରଣୟନ କରିବାକୁ ବାଧ୍ୟ ହେଲେ । ଏବେ କର୍ପୋରେଟ୍‌ ଜଗତ ଉକ୍ତ ନିୟମରେ ସଂଶୋଧନ ଆଣିବା ଲାଗି ଦାବି କରୁଛନ୍ତି। ହୁଏତ ଆଗକୁ ଅର୍ଥମନ୍ତ୍ରୀ ନିୟମ କୋହଳ କରିପାରନ୍ତି। ଦେଖିବାକୁ ଗଲେ ଏକ କଡ଼ା ଆଇନ ବ୍ୟବସ୍ଥାରେ ଯଥେଷ୍ଟ ପରିବର୍ତ୍ତନ ଆଣିଥାଏ। ଜଣେ ଅଧିକାରୀ ଦାୟିତ୍ୱରେ କ୍ରମାଗତ ଅବହେଳା କରୁଥିବା ଜଣାପଡ଼ିବା ପରେ ତାଙ୍କ ବିରୋଧରେ ଆର୍ଥିକ ଏବଂ ଜେଲଦଣ୍ଡର ବ୍ୟବସ୍ଥା ରହିଲେ ସେ କାର୍ଯ୍ୟ ପ୍ରତି ଉତ୍ତରଦାୟୀ ହେବାକୁ ଚେଷ୍ଟା କରିବେ।
ଯୋଗ୍ୟ କମ୍ପାନୀଗୁଡ଼ିକ ସିଏସ୍‌ଆର୍‌ ଲାଗି ବ୍ୟୟ କରୁଥିବା ଅର୍ଥକୁ ଅପବ୍ୟୟ ବୋଲି ବିଚାର କରିବା ଠିକ୍‌ ନୁହେଁ। କାରଣ ଉପଭୋକ୍ତାଙ୍କ ନିକଟରେ ପହଞ୍ଚିବା ପାଇଁ ଏହା ଏକ ମାଧ୍ୟମ ପାଲଟିଥାଏ। ଆଜିର ନବ୍ୟ ବଜାର ବ୍ୟବସ୍ଥାକୁ ଦେଖିଲେ ଗ୍ରାହକଙ୍କ ନିକଟତର ହେବା ଲାଗି ସାମାଜିକ ବିକାଶ ଦିଗରେ କାର୍ଯ୍ୟ କରୁଥିବା କମ୍ପାନୀଗୁଡ଼ିକର ନାମ ସ୍ବତଃ ଆଲୋଚନା ପରିସରକୁ ଆସିଥାଏ। ବିଶ୍ୱର ବୃହତ୍‌ କର୍ପୋରେଟ୍‌ ଏହାର ଗୁରୁତ୍ୱକୁ ଉପଲବ୍‌ଧି କରି ନିଜର ଉତ୍ପାଦର ଚାହିଦା ବଢ଼ାଇବାରେ ଲାଗିଲେଣି। ଭାରତରେ ଏଭଳି ପାଶ୍ଚାତ୍ୟ ଚିନ୍ତାଧାରାକୁ ଅନେକ କମ୍ପାନୀ ସ୍ବୀକାର କରିବାକୁ ଚାହୁଁ ନ ଥିବାରୁ ସିଏସ୍‌ଆର୍‌ ପାଇଁ ଉଦ୍ଦିଷ୍ଟ ଅର୍ଥକୁ ଠିକ୍‌ ଭାବେ ବ୍ୟୟ କରୁନାହାନ୍ତି। ଫଳରେ ବର୍ଷକ ମଧ୍ୟରେ ଯେଭଳି ସାମାଜିକ ଉନ୍ନତିମୂଳକ କାର୍ଯ୍ୟ ହେବା କଥା, ତାହା ହୋଇପାରୁ ନାହିଁ। ଏଭଳିସ୍ଥଳେ ସମ୍ପୃକ୍ତ ଅଧିକାରୀଙ୍କୁ ଦଣ୍ଡିତ କରାଯିବା ଉଚିତ। ଅର୍ଥମନ୍ତ୍ରୀଙ୍କ ସମୀକ୍ଷା ପରେ ଦଣ୍ଡର ପରିମାଣ କିଭଳି ରହିବ ତାହା ଆଉ ଏକ ଦିଗକୁ ସୂଚାଉଛି। କିନ୍ତୁ ତାହା ନ୍ୟାୟୋଚିତ ଢଙ୍ଗରେ ହୋଇପାରିଲେ କମ୍ପାନୀ ଓ ସମାଜର ମଙ୍ଗଳ ହୋଇପାରନ୍ତା।


All Right Reserved By

ଭାରତୀୟ ଗଣତନ୍ତ୍ରରେ ନିର୍ବାଚନ

ନାରାୟଣ ପଣ୍ଡା ବିଶ୍ୱର ବୃହତ୍ତମ ଗଣତାନ୍ତ୍ରିକ ଦେଶ ଭାରତରେ ସପ୍ତଦଶ ସାଧାରଣ ନିର୍ବାଚନ ଆରମ୍ଭ ହୋଇଛି। ଦେଶର ସମ୍ବିଧାନ ଅନୁସାରେ ପ୍ରତି ୫ବର୍ଷରେ ଉକ୍ତ ନିର୍ବାଚନ...

ଏଇ ଭାରତରେ

ଜଣେ ମହିଳାଙ୍କ ଦୃଢ଼ ଇଚ୍ଛାଶକ୍ତି ଏବେ ଦେଖିବାକୁ ମିଳିଛି ଆଗ୍ରାରେ। ସ୍ଥାନୀୟ କାଗାରୋଲରେ ରହୁଥିବା ପ୍ରିୟଙ୍କା ବର୍ମା ନାମକ ଜଣେ ମହିଳା ସନ୍ତାନ ଜନ୍ମଦେବାର ମାତ୍ର...

ଲୋକ ସଭା ନିର୍ବାଚନ: ୩ ସପ୍ତାହରେ ଇସିଙ୍କ ଦ୍ୱାରା ୬୧୩ କୋଟିରୁ ଅଧିକ ମୂଲ୍ୟର ପ୍ରତିବନ୍ଧିତ ସାମଗ୍ରୀ ଜବତ

ନୂଆଦିଲ୍ଲୀ,୨୮।୩: ଲୋକ ସଭା ନିର୍ବାଚନ ପାଇଁ ଆଚରଣ ବିଧି ଲାଗୁ ହେବାର ପ୍ରାୟ ୩ ସପ୍ତାହ ମଧ୍ୟରେ ନିର୍ବାଚନ କମିଶନ(ଇସି)ଙ୍କ ଦ୍ୱାରା ୬୧୩. ୧୭୬ କୋଟି...

ବୋଉର ଶାଢ଼ି

ରୁଦ୍ର ପ୍ରସନ୍ନ ରଥ ଓଡ଼ିଆ ଘରେ ଝିଅଟିଏ ବାହାହେଲା ବେଳେ ଶାଢ଼ିକୁ ବେଶ୍‌ ଗୁରୁତ୍ୱ ଦେଇଥାନ୍ତି। ଝିଅ କେଉଁ ଶାଢ଼ି ପିନ୍ଧି ମଣ୍ଡପ ଉପରକୁ ଯିବ,...

ସମ୍ପାଦକୀୟ/ ସମାଧାନକାରୀ ନୁହେଁ, ସୃଷ୍ଟିକର୍ତ୍ତା

ସାଧାରଣ ନିର୍ବାଚନ ୨୦୧୯ର ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ଏପ୍ରିଲ ୧୮ରେ ଅନୁଷ୍ଠିତ ହେବାକୁ ଯାଉଛି। ସମଗ୍ର ଦେଶରେ ଦିନକୁ ଦିନ ପ୍ରଚାର ଅଭିଯାନ ଜୋରଦାର...

ଏଇ ଭାରତରେ

ଓଳେଇବା କାର୍ଯ୍ୟରେ ଝାଡୁ ବ୍ୟବହାର କରାଯାଏ। ଏହା ପରିଷ୍କାର ଓ ପରିଚ୍ଛନ୍ନତାର ଏକ ପ୍ରତୀକ। କେନ୍ଦ୍ର ସରକାର ୨୦୧୪ରେ ସ୍ବଚ୍ଛ ଭାରତ ମିଶନ ଆରମ୍ଭ କରିଥିଲେ।...

ଅଧିକ ମଦ ପିଆଇବେ

ଓଡ଼ିଶା ବିଧାନସଭାରେ ୧୨ ଜୁଲାଇ ୨୦୧୯ରେ ଉପସ୍ଥାପିତ ଅବକାରୀ ବିଭାଗ ଷ୍ଟାଣ୍ଡିଂ କମିଟିର ସୁପାରିସ ଅନୁଯାୟୀ ରାଜ୍ୟରେ ଅଧିକ ମଦ ବିକ୍ରି ପାଇଁ ବ୍ୟବସ୍ଥା କରାଯିବା...

ଏଇ ଭାରତରେ

ଅଙ୍ଗଦାନ ମହାପୁଣ୍ୟ। ବେଙ୍ଗାଲୁରୁରେ ଜଣେ କୃଷକ ମୃତ୍ୟୁପରେ ତାଙ୍କ ଶରୀର ଦାନକରି ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି। ଟୁମାକୁରୁର ଶ୍ରୀଦେବୀ ହସ୍ପିଟାଲ୍‌କୁ ଛାତ୍ରୀଛାତ୍ରଙ୍କ ଗବେଷଣା ପାଇଁ...

selfi corner

Model This Week

Why Dharitri

Leave a comment

Your email address will not be published. Required fields are marked *