କାହିଁକି ଏତେ ଦାୟିତ୍ୱହୀନତା? ଜୀବନ ନେଇଯିବ ବିପଜ୍ଜନକ ଖୁଣ୍ଟ

ଭୁବନେଶ୍ୱର,୧୩।୮(ବ୍ୟୁରୋ): ବାତ୍ୟା ଫନୀରେ ରାଜଧାନୀରେ ଶହ ଶହ ବିଦ୍ୟୁତ୍‌, ଟେଲିଫୋନ୍‌ ଓ କେବୁଲ ଖୁଣ୍ଟ ଭାଙ୍ଗିପଡିଥିବାବେଳେ ଆଉକିଛି ନଇଁଯାଇ ଝୁଲି ରହିଥିଲା। ବିଦ୍ୟୁତ୍‌ କର୍ମଚାରୀମାନେ ତରବରିଆ ଭାବେ ମରାମତି କରି ବିଦ୍ୟୁତ୍‌ ସଂଯୋଗଦେଇଥିଲେ। କେତେକ ସ୍ଥାନରେ ଅସ୍ଥାୟୀ ଭାବେ ମରାମତି କରାଯାଇଥିଲା। ଟେଲିଫୋନ୍‌ ଓ କେବୁଲ ଖୁଣ୍ଟ ମରାମତି ମଧ୍ୟ ସେହିଭଳି କରାଗଲା। ଏସବୁ ଖୁଣ୍ଟଗୁଡିକ ପ୍ରାୟ ପାଖାପାଖି ଥିବାରୁ କର୍ମଚାରୀମାନେ ପରସ୍ପରକୁ ଟ୍ୟୁବ୍‌, ଦଉଡ଼ି କିମ୍ବା ତାରରେ ବାନ୍ଧି କାମ ଚଳାଇଥିଲେ। ଏବେ ପର୍ଯ୍ୟନ୍ତ ସେହି କାମଚଳା କାର୍ଯ୍ୟରେ ଅଧା ଉପୁଡା, ଝୁଲି ରହିଥିବା ଖୁଣ୍ଟରେ ସେବା ଯୋଗାଣ ଚାଲିଛି। ସହରର ଅଧିକାଂଶ ସ୍ଥାନରେ ବିଦ୍ୟୁତ୍‌ ଜନିତ ବିପଦର ଆଶଙ୍କା ଦେଖିବାକୁ ମିଳୁଛି। ବହୁ ସ୍ଥାନରେ ବିଦ୍ୟୁତ୍‌ ତାର ମୁଣ୍ଡରେ ବାଜିବା ଭଳି ସ୍ଥିିତିରେ ରହିଛି। ଏବେ ବର୍ଷାଦିନ ହୋଇଥିବାରୁ କେତେକ ଖୁଣ୍ଟ ଚାର୍ଜ ହୋଇଯାଉଥିବାବେଳେ ଆଉ କେତେକ ଖୁଣ୍ଟ କେତେବେଳେ ବି ଉପୁଡ଼ି ଯାଇପାରେ। ବାରମ୍ବାର ଅଭିଯୋଗ ସତ୍ତ୍ୱେ ବିଭାଗୀୟ ଅଧିକାରୀ ଓ କର୍ମଚାରୀମାନଙ୍କ ଚେତାପଶୁନି। ଏଭଳି ଦାୟିତ୍ୱହୀନତା ପାଇଁ କେତେବେଳେ ବି ଜୀବନ ଯିବାର ଭୟ ଏବେ ସହରବାସୀଙ୍କୁ ଘାରିଛି। ନୟାପଲ୍ଲୀ ଥାନା ଏକାମ୍ରଭିଲ୍ଲା କଲୋନୀରେ ଏଭଳି ବିପଜ୍ଜନକ ସ୍ଥିତି ଦେଖିବାକୁ ମିଳିଛି।
ଜୟଦେବବିହାର ବିଜୁପଟ୍ଟନାୟକ କଲେଜ ଛକରୁ ଏକାମ୍ରପାର୍କ ଅଭିମୁଖେ ଗଲେ ବାଟରେ ଡାହାଣ ପାର୍ଶ୍ୱରେ ଏକାମ୍ର ଭିଲ୍ଲା କଲୋନୀକୁ ରାସ୍ତା ଯାଇଛି। କଲୋନୀର ପ୍ରବେଶ ପଥ ରାସ୍ତା ଉପରକୁ ଝୁଲି ରହିଛି ଏହି ବିପଜ୍ଜନକ ଜିଆଇ ଖୁଣ୍ଟ। ଉକ୍ତ ଖୁଣ୍ଟରେ କେବୁଲ ଓ ଅନ୍ୟାନ୍ୟ ତାର ବଣ୍ଡଲ୍‌ ଗୁଡ଼ାହୋଇ ରହିଛି। ଉପୁଡି ପଡିବା ଅବସ୍ଥାରେ ରହିଥିବା ଏହି ଖୁଣ୍ଟକୁ ଟ୍ୟୁବ୍‌ ଓ ଦଉଡ଼ି ସହାୟତାରେ ବିଦ୍ୟୁତ୍‌ ଖୁଣ୍ଟରେ ବାନ୍ଧି ରଖାଯାଇଛି। କୌଣସି ମୁହୂର୍ତ୍ତରେ ବି ଉପୁଡିପଡ଼ିବାର ସମ୍ଭାବନା ରହିଛି। ଏହାକୁ ଲାଗି ବିଦ୍ୟୁତ୍‌ ଖୁଣ୍ଟ ରହିଛି। ବିଦ୍ୟୁତ୍‌ ତାର ଉକ୍ତ ଜିଆଇ ଖୁଣ୍ଟରେ ଲାଗିଯାଇଛି। ଅଧିକାଂଶ ସମୟରେ ଖୁଣ୍ଟଟି ବିଦ୍ୟୁତ୍‌ ଚାର୍ଜ ହୋଇ ରହୁଥିବା ସ୍ଥାନୀୟ ଲୋକେ କହିଛନ୍ତି। ପ୍ରତିଦିନ ଛୋଟ ଛୋଟ ପିଲା ସେହିବାଟ ଦେଇ ସ୍କୁଲ ଯାଉଛନ୍ତି। କିଏ କେତେବେଳେ ଧରିଦେବ କହିହେଉ ନାହିଁ। ସେହିବାଟ ଦେଇ କଲୋନୀବାସୀ ଯାଉଛନ୍ତି। ବର୍ଷା ଓ ପବନ ହେଉଥିବାରୁ କେତେବେଳେ ଯେ କାହା ଉପରେ ଉପୁଡି ପଡିବ ତାହା ବି କହିହେଉନାହିଁ। ଲୋକେ ଭୟରେ ଯାତାୟାତ କରୁଥିବାବେଳେ ଅଭିଭାବକମାନେ ପିଲାଙ୍କୁ ଏକୁଟିଆ ସ୍କୁଲ୍‌ କିମ୍ବା ବାହାରକୁ ଛାଡ଼ିବାକୁ ଡରୁଛନ୍ତି। ଯଦି କେହି ପିଲା ଖେଳିବାକୁ ଚାଲିଯାଉଛି ତେବେ ବାପାମା’ଙ୍କ ଚିନ୍ତା ବଢ଼ୁଛି। ଏହା ନିକଟରେ ଏକ ଖୋଲା ଡ୍ରେନ୍‌ ମଧ୍ୟ ରହିଛି। କିଛିଦିନ ତଳେ ସାଲିଆସାହିର ଏକ ଖୋଲା ଡ୍ରେନ୍‌ରେ ଭାସିଯାଇ ଜଣେ ବୃଦ୍ଧାଙ୍କ ମୃତ୍ୟୁ ଘଟିଥିଲା। ସେହି ସମୟରେ ବିଏମ୍‌ସି ଅଧିକାରୀ, ସ୍ଥାନୀୟ ନେତା ବିପଜ୍ଜନକ ସ୍ଥିତିରେ ଥିବା ଏକାମ୍ର ଭିଲ୍ଲାର ଉକ୍ତ ଖୁଣ୍ଟ ଓ ଖୋଲା ଡ୍ରେନ୍‌କୁ ବୁଲି ଦେଖି ତୁରନ୍ତ ମରାମତି ହେବ ବୋଲି କହିଥିଲେ। କିନ୍ତୁ ଏହାପରେ ଆଉ କାହାର ଦେଖା ନାହିଁ ବୋଲି କଲୋନୀବାସୀ କହିଛନ୍ତି। ଏ ନେଇ ବିଦ୍ୟୁତ ବିଭାଗ କର୍ମଚାରୀଙ୍କୁ ଜଣାଇ ଆସୁଥିଲେ ମଧ୍ୟ ଏହା ତାଙ୍କର ଦାୟିତ୍ୱ ନୁହେଁ ବୋଲି କହୁଛନ୍ତି। ତେଣୁ ଲୋକେ ଅସନ୍ତୋଷ ପ୍ରକାଶ କରିବା ସହ ଆଗକୁ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।


All Right Reserved By Dharitri.Com

ମାନିଲେନି ବ୍ୟବସ୍ଥାବଳୀ

ପୁରୀ ଅଫିସ,୧୮।୬: ସମସ୍ତେ ବ୍ୟବସ୍ଥାବଳୀକୁ ମାନିବେ। ବ୍ୟବସ୍ଥାବଳୀ ଊର୍ଦ୍ଧ୍ୱକୁ ଯାଇ କେହି କିଛି କରିବେ ନାହିଁ। ଦେଶ ବିଦେଶର ଭକ୍ତ ମହାପ୍ରଭୁଙ୍କୁ ଦର୍ଶନ କରିବେ। ସେମାନଙ୍କର...

ନୟାଗଡ଼ ପୋଲିସ ଟ୍ରେନିଂ ସ୍କୁଲର ଦୀକ୍ଷାନ୍ତ ସମାରୋହ: କନଷ୍ଟେବଳ ପୋଲିସର ମେରୁଦଣ୍ଡ

ନୟାଗଡ଼ ଅଫିସ,୨୮।୯: ନୟାଗଡ଼ ପୋଲିସ ଟ୍ରେନିଂ ସ୍କୁଲ (ପିଟିଏସ୍‌)ର ଦୀକ୍ଷାନ୍ତ ସମାରୋହ-୨୦୧୯ ଶୁକ୍ରବାର ଅନୁଷ୍ଠିତ ହୋଇଯାଇଛି। ନୟାଗଡ଼ ଏସ୍‌ପି ତଥା ଟ୍ରେନିଂ ସ୍କୁଲର ଅଧ୍ୟକ୍ଷ ଶଶିଭୂଷଣ...

ସବୁ ଜିଲାରେ କୋଭିଡ୍‌-୧୯ ହସ୍ପିଟାଲ

ଭୁବନେଶ୍ୱର,୧।୪(ବ୍ୟୁରୋ)/ ଝାରସୁଗୁଡ଼ା ଅଫିସ୍‌: ରାଜ୍ୟର ସବୁ ଜିଲାରେ କୋଭିଡ୍‌-୧୯ ହସ୍ପିଟାଲ ସ୍ଥାପନ ହେବ। ଏଥିପାଇଁ ବିଭିନ୍ନ ଘରୋଇ ହସ୍ପିଟାଲ ସହଯୋଗରେ ଯୁଦ୍ଧକାଳୀନ ଭିତ୍ତିରେ ଏହା କରାଯିବ।...

ବହୁମତ ଅଛି ତ ସରକାର ଗଢୁ ଭାଜପା: ସଞ୍ଜୟ ରାଓ୍ବତ

ମୁମ୍ବାଇ,୭।୧୧: ମହାରାଷ୍ଟ୍ର ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବାର ୧୩ ଦିନ ପରେ ବି ରାଜ୍ୟରେ ନୂଆ ସରକାର ଗଠନକୁ ନେଇ ଅନିଶ୍ଚିତତା ଲାଗି ରହିଛି।...

ଖାଦ୍ୟ ତାଲିକା ଜାରିକଲେ ଗଞ୍ଜାମ ଜିଲାପାଳ: କ୍ୱାରାଣ୍ଟାଇନ କେନ୍ଦ୍ରରେ ସପ୍ତାହରେ ୪ଦିନ ମିଳିବ ଆମିଷ, ଶିଶୁଙ୍କୁ ହର୍‌ଲିକ୍ସ, କ୍ଷୀର

ଛତ୍ରପୁର, ୪।୫(ଡି.ଏନ୍‌.ଏ.): ଗଞ୍ଜାମ ଜିଲା ବେଗୁନିଆପଡ଼ା ବ୍ଲକର ୨ଟି କ୍ୱାରାଣ୍ଟାଇନ ସେଣ୍ଟରରେ କିଛି ଦିନ ତଳେ ଖାଦ୍ୟ ଅଭାବ ନେଇ ଗଣ୍ଡଗୋଳ କରି ସୁରଟ ଫେରନ୍ତାମାନେ...

ନିଷ୍କାସନ ହୋଇପାରୁନି ବର୍ଷାଜଳ: ଦୁର୍ଦ୍ଦଶାରେ ୨୦ଗଁ।ର ଗ୍ରାମବାସୀ

ଗୋପ,୨୭।୮(ଡି.ଏନ୍‌.ଏ.): ନାଗପୁର-ନୟାହାଟ ପୂର୍ତ୍ତ ବିଭାଗ ରାସ୍ତାରେ ତିନିତିଅର, ବେଦପୁର, ବାଲିକନ୍ଦଳ ଆଦି ଗ୍ରାମ ନିକଟରେ ବର୍ଷାଜଳ ନିଷ୍କାସନ ହୋଇ ନ ପାରିବାରୁ ପ୍ରାୟ ୨୦ ଗାଁର...

ରାସ୍ତାକଡ ଡ୍ରେନ୍‌ରୁ ଷଣ୍ଢ ଉଦ୍ଧାର

ଦିଗପହଣ୍ଡି,୧୭ା୭(ଡି.ଏନ.ଏ.)- ଦିଗପହଣ୍ଡି ଏନଏସି ୧ନଂ. ୱାର୍ଡ ନୀଳକଣ୍ଠ ନଗର ପ୍ରଥମ ଲେନରେ ନବନିର୍ମିତ ଡ୍ରେନ୍‌କୁ ବୁଧବାର ସକାଳେ ଏକ ଷଣ୍ଢ ଖସିପଡିଥିଲା। ଏନେଇ ସ୍ଥାନୀୟ ଲୋକେ...

ରାଜ୍ୟରେ ଆରମ୍ଭ ହେବ ସ୍ବଚ୍ଛ ସର୍ବେକ୍ଷଣ ଲିଗ୍‌

ଭୁବନେଶ୍ୱର,୬ା୧(ବ୍ୟୁରୋ): ଓଡ଼ିଶାର ସହରାଞ୍ଚଳଗୁଡିକ କେତେ ସଫାସୁତୁରା ରହିଛି ତାହା ଜାଣିବା ଲାଗି ପ୍ରଥମଥର ସାରା ରାଜ୍ୟରେ ସ୍ବଚ୍ଛ ସର୍ବେକ୍ଷଣ (ଏସ୍‌ଏସ୍‌) ଲିଗ୍‌ ୨୦୨୦ ଆରମ୍ଭ ହେବ।...

Leave a comment

Your email address will not be published. Required fields are marked *