ବିଶ୍ୱର ପ୍ରସିଦ୍ଧ ବାମହାତୀ

ଆଜି ଅନ୍ତର୍ଜାତୀୟ ବାମହାତୀ ଦିବସ । ଏହି ଅବସରରେ ବାମହାତୀମାନେ ସମ୍ମୁଖୀନ ହେଉଥିବା ସମସ୍ୟା ବିଷୟରେ ବିଶ୍ୱବ୍ୟାପୀ ସଚେତନତା ସୃଷ୍ଟି କରାଯାଏ। ୧୯୭୬ରେ ଆମେରିକାର ଡିନ୍‌ ଆର୍‌. କ୍ୟାମ୍ପବେଲ୍‌ଙ୍କ ଦ୍ୱାରା ଲେଫ୍ଟହ୍ୟାଣ୍ଡର୍ସ ଇଣ୍ଟରନ୍ୟାଶନାଲ ଡେ’ ପ୍ରଥମକରି ପାଳନ କରାଯାଇଥିଲା । ବିଶ୍ୱର ବାମହାତୀ ଲୋକଙ୍କ ସଂଖ୍ୟା ୭ରୁ ୧୦ପ୍ରତିଶତ । ପୃଥିବୀରେ ପାଖାପାଖି ୭୦କୋଟି ୮୦ଲକ୍ଷ ବାମହାତୀ ଅଛନ୍ତି । ମହିଳା ବାମହାତୀଙ୍କ ଅପେକ୍ଷା ପୁରୁଷ ବାମହାତୀଙ୍କ ସଂଖ୍ୟା ଅଧିକ । କିନ୍ତୁ ସେମାନଙ୍କ ମଧ୍ୟରୁ ଅନେକଙ୍କ ଦକ୍ଷତା ବିଶ୍ୱକୁ ପ୍ରଭାବିତ କରିପାରିଛି । ଆରିଷ୍ଟଟଲଙ୍କଠାରୁ ଆରମ୍ଭ କରି ଲିଓନାର୍ଡୋ ଦା ଭିନ୍‌ସ, ନେପୋଲିଅନ ବୋନାପାର୍ଟ ଏବଂ ଓବାମାଙ୍କ ଭଳି ଅନେକ ପ୍ରଭାବସମ୍ପନ୍ନ ବାମହାତୀ ବ୍ୟକ୍ତି ନିଜର ଦକ୍ଷତା ପ୍ରତିପାଦନ କରିଛନ୍ତି ।

ଅମିତାଭ ବଚନ
ଭାରତର ହିନ୍ଦୀ ଚଳଚ୍ଚିିତ୍ର ଜଗତରେ ବିଗ୍‌ ବି ଭାବେ ଜଣାଶୁଣା ଅମିତାଭ ବଚ୍ଚନ ବି ଜଣେ ବାମହାତୀ। ଏହା ତାଙ୍କ ଅଭିନୟ ସମୟରେ ବେଶ୍‌ ଭଲ ଭାବେ ବାରିହୁଏ। ଏବେ ଯାଏ ଏହି ସୁପରଷ୍ଟାର ଜଣକ ପାଖରେ ବୟସ ହାର ମାନିଛି। ୭୬ବର୍ଷ ବୟସରେ ମଧ୍ୟ ସେ ଗୋଟିଏ ପରେ ଗୋଟିଏ ହିଟ୍‌ ଫିଲ୍ମ ଭେଟି ଦେଇଚାଲିଛନ୍ତି।
ରଜନିକାନ୍ତ
ଜଣେ ବସ୍‌ କଣ୍ଡକ୍ଟରରୁ ସୁପରଷ୍ଟାର ବନିଥିବା ରଜନିକାନ୍ତ ଏବେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହଙ୍କ ଯୋଡିକୁ କୃଷ୍ଣ ଓ ଅର୍ଜୁନ କହି ଚର୍ଚ୍ଚ୍‌ାରେ ରହିଛନ୍ତି। ରଜନିକାନ୍ତ ଦୀର୍ଘ ବର୍ଷ ଧରି ହିନ୍ଦୀ, ତେଲୁଗୁ ଚଳଚ୍ଚିିତ୍ରରେ ନିଜର ପ୍ରଭାବ ଜାହିର କରିଆସିଛନ୍ତି।
ରତନ ଟାଟା
ବିଶିଷ୍ଟ ଶିଳ୍ପପତି ତଥା ଟାଟାଗ୍ରୁପ୍‌ର ଅଧ୍ୟକ୍ଷ ରତନ ଟାଟା ବି ଜଣେ ବାମହାତୀ। ସେ ଜଣେ ସଫଳ ଶିଳ୍ପପତି ଭାବେ ଭାରତକୁ ଶିଳ୍ପକ୍ଷେତ୍ରରେ ଆଗକୁ ନେବାରେ ପ୍ରମୁଖ ଭୂମିକା ନେଇଛନ୍ତି। ୮୧ ବର୍ଷୀୟ ଏହି ଶିଳ୍ପପତିଙ୍କ ସରଳ ଜୀବନଚର୍ଯ୍ୟା ସମସ୍ତଙ୍କୁ ପ୍ରଭାବିତ କରେ।
ବାରାକ ଓବାମା
ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା ଜଣେ ବାମହାତୀ। ସେ ୨୦୦୯ରୁ ୨୦୧୭ ଯାଏ ଆମେରିକାର ରାଷ୍ଟ୍ରପତି ରହିଥିଲେ। ୨୦୦୯ରେ ତାଙ୍କୁ ନୋବେଲ ପୁରସ୍କାର ପ୍ରଦାନ କରାଯାଇଥିଲା।
ବିଲ୍‌ ଗେଟ୍‌ସ
ମାଇକ୍ରୋସଫ୍ଟର ପ୍ରତିଷ୍ଠାତା ବିଲ୍‌ ଗେଟ୍‌ସ ବିଶ୍ୱର ଶ୍ରେଷ୍ଠ ଦଶଜଣ ବିଲିଅନେୟାରଙ୍କ ମଧ୍ୟରେ ଦ୍ୱିତୀୟ ସ୍ଥାନରେ ରହିଛନ୍ତି। ତାଙ୍କ ସମ୍ପତ୍ତିର ମୂଲ୍ୟ ୧୦୩.୭ ବିଲିଅନ ଡଲାର। ସେ ବି ଜଣେ ବାମହାତୀ ବ୍ୟକ୍ତତ୍ୱ।
ମାର୍କ ଜୁକରବର୍ଗ
୧୯୮୪ ମେ ୧୪ରେ ଜନ୍ମିତ ଜୁକର ବର୍ଗ ସୋସିଆଲ ମିଡିଆ ଫେସ୍‌ବୁକ୍‌ର ସହ ସଂସ୍ଥାପକ। ସେ ମଧ୍ୟ ସୋଲାର ସେଲ୍‌ ସ୍ପେସ୍‌କ୍ରାଫ୍ଟ ଡେଭଲପ୍‌ମେଣ୍ଟ ପ୍ରୋଜେକ୍ଟ ପ୍ରତିଷ୍ଠା କରିଛନ୍ତି। ଏବେ ତାଙ୍କ ସମ୍ପତ୍ତିର ମୂଲ୍ୟ ୬୭.୪ ବିଲିଅନ ଡଲାର। ସେ ବିଶ୍ୱ ଧନୀ ତାଲିକାରେ ୬ଷ୍ଠ ସ୍ଥାନରେ ରହିଛନ୍ତି। ସବୁଠାରୁ ଆଶ୍ଚଯ୍ୟ କଥା ହେଉଛି ସେ ମାତ୍ର ୧ ଡଲାର ଦରମା ନିଅନ୍ତି।
ଓପ୍ରା ଓ୍ବିନଫ୍ରେ
ଏକ ଗରିବ ପରିବାରରେ ଜନ୍ମଗ୍ରହଣ କରି ଓପ୍ରା ତାଙ୍କ ଜୀବନରେ ବହୁତ ଆଗକୁ ଯାଇପାରିଛନ୍ତି। ଅଭିନେତ୍ରୀ ତଥା ନିର୍ମାତା ଭାବେ ସେ ଜଣାଶୁଣା। ଶିକାଗୋରୁ ପ୍ରସାରିତ ଦି ଓପ୍ରା ଓ୍ପିନଫ୍ରେ ଟକ୍‌ ଶୋ ଲାଗି ସେ ପ୍ରସିଦ୍ଧି ଲାଭ କରିଛନ୍ତି।
ସିକ୍ସର କିଙ୍ଗ୍‌ ଯୁବରାଜ ସିଂ
ଭାରତର ଶ୍ରେଷ୍ଠ ବାମହାତୀ ବ୍ୟାଟ୍ସମ୍ୟାନଙ୍କ ସମ୍ପର୍କରେ ଆଲୋଚନା କଲେ ଯୁବରାଜ ସିଂଙ୍କ ନାମ ନିଶ୍ଚିତ ଆସିବ। ୧୯୮୧ ଡିସେମ୍ବର ୧୨ ତାରିଖରେ ପଞ୍ଜାବର ରାଜଧାନୀ ଚଣ୍ଡିଗଡ଼ଠାରେ ଜନ୍ମିତ ଏହି ଅଲରାଉଣ୍ଡର କ୍ରିକେଟ ଇତିହାସର ଅନ୍ୟତମ ସଫଳ କ୍ରିକେଟର। ସେ ୨୦୦୭ ଆଇସିସି ଟି୨୦ ବିଶ୍ୱକପ୍‌ ଓ ୨୦୧୧ ଆଇସିସି ବିଶ୍ୱକପ୍‌ ଚାମ୍ପିୟନ ଦଳର ସଦସ୍ୟ ଥିଲେ। ୨୦୦୭ରେ ଇଂଲଣ୍ଡ ପେସର ଷ୍ଟୁଆର୍ଟ ବ୍ରଡଙ୍କ ଓଭରରେ ୬ ଛକା ମାରି ସିକ୍ସର କିଙ୍ଗ୍‌ ଭାବେ ପରିଚିତ ହୋଇଥିଲେ ଯୁବରାଜ। ୨୦୦୦ରେ ଅନ୍ତର୍ଜାତୀୟ ପଦାର୍ପଣ କରିଥିବା ଯୁବି ଦେଶ ପାଇଁ ୩୦୪ ଦିନିକିଆ ମ୍ୟାଚ୍‌ ଖେଳି ୧୪ ଶତକ ସହ ମୋଟ ୮୭୦୧ ରନ୍‌ କରିଥିଲେ।
ସୌରଭ ଗାଙ୍ଗୁଲି
ଦେଶର ଅନ୍ୟତମ ସଫଳତମ ଅଧିନାୟକ ସୌରଭ ଗାଙ୍ଗୁଲିଙ୍କୁ ଦେଶର ସର୍ବକାଳୀନ ଶ୍ରେଷ୍ଠ ବାମହାତୀ ବ୍ୟାଟ୍ସମ୍ୟାନ ବିବେଚନା କରାଯାଏ। ୧୯୭୨ ଜୁଲାଇ ୮ ତାରିଖରେ କୋଲକାତାରେ ଜନ୍ମିତ ଗାଙ୍ଗୁଲି ୧୯୯୬ ଇଂଲଣ୍ଡ ବିପକ୍ଷରେ ପଦାର୍ପଣ କରିଥିଲେ। ସ୍ପିନରଙ୍କୁ ଲଙ୍ଗ ଅନ୍‌ ଅଞ୍ଚଳରେ ଛକା ଓ ପେସରଙ୍କୁ କଭର ଡ୍ରାଇଭ ତାଙ୍କ ବ୍ୟାଟିଂର ଟ୍ରେଡ୍‌ମାର୍କ ଶଟ୍‌ ଥିଲା। ତାଙ୍କ ନାମରେ ୩୮ ଅନ୍ତର୍ଜାତୀୟ ଶତକ ରହିଛି। ଦିନିକିଆ ଫର୍ମାଟରେ ସେ ୩୧୧ ମ୍ୟାଚ୍‌ ଖେଳି ୪୧.୦୨ ଆଭରେଜରେ ୨୨ ଶତକ ସହ ୧୧,୩୬୩ ରନ୍‌ କରିଥିଲେ। ସେହିଭଳି ୧୧୩ ଟେଷ୍ଟ ମ୍ୟାଚ୍‌ରେ ୧୬ ଶତକ ସହାୟତାରେ ୭,୨୧୨ ରନ୍‌ କରିିଥିଲେ।


All Right Reserved By Dharitri.Com

ବିଧାୟକଙ୍କ ନାଁରେ ହତ୍ୟା ମାମଲା ରୁଜୁ କଲା ସିବିଆଇ

ନୂଆଦିଲ୍ଲୀ,୧ା୮(ପି.ଟି.): ଉନ୍ନାଓ ବଳାତ୍କାର ପୀଡିତାଙ୍କ ଗାଡ଼ି ଦୁର୍ଘଟଣାକୁ ନେଇ ସିବିଆଇ ଭାଜପା ବିଧାୟକ କୁଲ୍‌ଦୀପ ସିଂ ସେନ୍‌ଗାର ଓ ଜଣେ ମନ୍ତ୍ରୀଙ୍କ ସମ୍ପର୍କୀୟ ସମେତ ୧୦...

ପର୍ଯ୍ୟଟନସ୍ଥଳୀ: ତାମିଲନାଡୁର ଅମ୍ବାସମୁଦ୍ରମ୍‌

ତାମିଲନାଡୁର ଏକ ଧାର୍ମିକ ପର୍ଯ୍ୟଟନସ୍ଥଳୀ ଭାବେ ଅମ୍ବାସମୁଦ୍ରମ୍‌ର ଭଲ ନାଁ ରହିଛି। ଦେବସ୍ଥଳୀ ବ୍ୟତୀତ ପର୍ଯ୍ୟଟକଙ୍କ ମନୋରଞ୍ଜନ ପାଇଁ ଏହାର ନିକଟବର୍ତ୍ତୀ ଅଞ୍ଚଳରେ ଅନେକ ଜଳପ୍ରପାତ,...

ବନ୍ଦ ହେବ ଫିଲ୍ମ ଶୁଟିଂ

ମୁମ୍ବାଇ,୧୫।୩: କରୋନା ଭାଇରସର ପ୍ରଭାବକୁ ଦେଖି ଏବେ ବିଭିନ୍ନ ରାଜ୍ୟର ସିନେମା ହଲ ବନ୍ଦ କରି ଦିଆଯାଇଛି। କରୋନାଠାରୁ ଦୂରେଇ ରହିବାକୁ ସରକାର ଏହି ପଦକ୍ଷେପ...

ଏହି ସ୍ଥାନକୁ ଭଉଣୀଭାଇଙ୍କୁ ଏକାଠି ଯିବା ମନା

ଉତ୍ତରପ୍ରଦେଶର କଲ୍‌ପିରେ ରହିଛି ୨୧୦ ଫୁଟ୍‌ ଉଚ୍ଚ ‘ଲଙ୍କା ମୀନାର୍‌’। ଏହି ମୀନାର ମଧ୍ୟରେ ରାବଣଙ୍କ ପୂରା ପରିବାରର ଚିତ୍ରଣ କରାଯାଇଛି। ମୀନାରକୁ ନେଇ ରହିଛି...

କଂଗ୍ରେସର ନାଁ ବଦଳାଇବାକୁ କହିଲେ ଭାଜପା ନେତା

ନୂଆଦିଲ୍ଲୀ,୨୯।୬: କଂଗ୍ରେସରେ ଲାଗି ରହିଥିବା ଇସ୍ତଫାକୁ ଦେଖି ଭାଜପା ନେତା କୈଳାଶ ବିଜୟଭର୍ଗିୟ ପରିହାସ କରିବା ଭଳି ଏକ ଟିପ୍ପଣୀ ଦେଇଛନ୍ତି। ଟୁଇଟ୍‌ କରି ବିଜୟଭର୍ଗିୟ...

୪୮ ଘଣ୍ଟା ପରେ ବି ଏଏନ୍‌-୩୨ର ମିଳିନି ପତ୍ତା

ନୂଆଦିଲ୍ଲୀ,୫।୬: ନିଖୋଜ ଥିବା ବାୟୁସେନା ବିମାନ ଏଏନ୍‌-୩୨ ୪୮ ଘଣ୍ଟାରେ ବିତ୍ତିଯାଇଥିଲେ ମଧ୍ୟ ଏଯାଏଁ ପତ୍ତା ମିଳିପାର ନାହିଁ। ବିମାନ ନିଖୋଜ ହେବା ପରେ ଏହା...

ବିଶ୍ୱର ସବୁଠାରୁ ଦାମୀ କଙ୍କଡ଼ା: ମୂଲ୍ୟ ୩୨ ଲକ୍ଷ ୬୬ହଜାର

ପ୍ରାଚୀନ ସମୟର ବିରଳ ଜିନିଷର ନିଲାମ ହୋଇଥାଏ। ଏଥିପାଇଁ କୋଟି କୋଟି ଟଙ୍କାର ଡାକରା ହୁଏ। ବିଶ୍ୱରେ ଏମିତି ଅନେକ କୋଟିପତି ରହିଛନ୍ତି ଯେଉଁମାନଙ୍କର ପ୍ରାଚୀନ...

ବ୍ୟାପମ୍‌ ଦୁର୍ନୀତି: ୩୧ ଜଣଙ୍କୁ ଜେଲ

ନୂଆଦିଲ୍ଲୀ,୨୬ା୧୧: ମଧ୍ୟପ୍ରଦେଶର ବହୁଚର୍ଚ୍ଚିତ ବ୍ୟାପମ୍‌ ନିଯୁକ୍ତି ଦୁର୍ନୀତି ମାମଲାରେ ସ୍ବତନ୍ତ୍ର ସିବିଆଇ କୋର୍ଟ ୩୧ ଜଣଙ୍କୁ ଜେଲଦଣ୍ଡାଦେଶ ଦେଇଛନ୍ତି। ଗ୍ବାଲିୟରର ପ୍ରଦୀପ ତ୍ୟାଗୀଙ୍କୁୁ ୧୦ ବର୍ଷ...

Leave a comment

Your email address will not be published. Required fields are marked *