ଏମ୍‌ଏସ୍‌ଏମ୍‌ଇଙ୍କଠୁ ୫୦% ସାମଗ୍ରୀ କିଣନ୍ତୁ ରାଜ୍ୟ ପିଏସ୍‌ୟୁ

ଭୁବନେଶ୍ୱର,୧୩-୮(ବ୍ୟୁରୋ): କେନ୍ଦ୍ରୀୟ ପିଏସ୍‌ୟୁଗୁଡିକ ଅଣୁ, କ୍ଷୁଦ୍ର ମଧ୍ୟମ ଉଦ୍ୟୋଗ( ଏମ୍‌ଏସ୍‌ଏମ୍‌ଇ) ଗୁଡିକଠାରୁ ୨୫% ସାମଗ୍ରୀ କିଣିବା ପାଇଁ ସରକାର ନୀତି ଆଣିଛନ୍ତି। ମାତ୍ର ରାଜ୍ୟସ୍ତରରେ ସେମାନଙ୍କୁ ଏଥିପାଇଁ ପ୍ରୋତ୍ସାହନ ମିଳୁନାହିଁ। ରାଜ୍ୟ ପିଏସ୍‌ୟୁଗୁଡିକ ଧାର୍ଯ୍ୟ ଲକ୍ଷ୍ୟ ୨୦% ସାମଗ୍ରୀ ଏମ୍‌ଏସ୍‌ଏମ୍‌ଇଠାରୁ କ୍ରୟ କରୁ ନ ଥିବା ଦେଖାଯାଉଛି। ଫଳରେ କ୍ଷୁଦ୍ର ଶିଳ୍ପଗୁଡିକୁ ଏହାର ଲାଭ ମିଳୁନାହିଁ। ଏପରି ସ୍ଥିତିରେ ରାଜ୍ୟ ପିଏସ୍‌ୟୁଗୁଡିକ ପାଇଁ ସ୍ଥାନୀୟ ଏମ୍‌ଏସ୍‌ଏମ୍‌ଇଙ୍କ ଠାରୁ ୨୫% ସାମଗ୍ରୀ କ୍ରୟ କରିବା ନେଇ ନୀତି ହେବା ପ୍ରୟୋଜନ। ସେହିଭଳି କେଉଁ ପିଏସ୍‌ୟୁ କେତେ ପରିମାଣର ସାମଗ୍ରୀ କ୍ଷୁଦ୍ର ଶିଳ୍ପଗୁଡିକରୁ କିଣୁଛନ୍ତି, ତାର ତର୍ଜମା କରାଯାଉନାହିଁ। ଏହାହେଲେ ଏମ୍‌ଏସ୍‌ଏମ୍‌ଇଗୁଡିକରୁ ବାର୍ଷିକ କେତେ ସାମଗ୍ରୀ କିଣା ହେଉଛି ତାର ପ୍ରକୃତ ସ୍ଥିତି ଜଣାପଡନ୍ତା। ଉକ୍ତ କ୍ଷୁଦ୍ରଶିଳ୍ପଗୁଡିକରୁ ଉତ୍ପାଦିତ ସାମଗ୍ରୀର ୫୦% କେବଳ ରାଜ୍ୟ ପିଏସ୍‌ୟୁଗୁଡିକ କ୍ରୟ କଲେ ସଂସ୍ଥାଗୁଡିକ ଉନ୍ନତ ଲାଭ ଅର୍ଜନ କରିବାକୁ ସକ୍ଷମ ହୁଅନ୍ତେ। ଏହାବାଦ ଓଡ଼ିଶା କ୍ଷୁଦ୍ର ଶିଳ୍ପ ନିଗମ(ଓଏସ୍‌ଆଇସି) ଏମ୍‌ଏସ୍‌ଏମ୍‌ଇ ସାମଗ୍ରୀର ଅଧିକ ବିକ୍ରି ଏବଂ ଉନ୍ନତ ରପ୍ତାନି ଦିଗରେ କାର୍ଯ୍ୟ କରିବା ଉଚିତ ବୋଲି ଶିଳ୍ପ ସଂଘ ଓସ୍‌ମେ ପକ୍ଷରୁ ଏଠାରେ ଅନୁଷ୍ଠିତ ଓଡ଼ିଶା ଏମ୍‌ଏସ୍‌ଏମ୍‌ଇ ସମିଟ୍‌ରେ ମତପ୍ରକାଶ ପାଇଛି।
କାର୍ଯ୍ୟକ୍ରମରେ ରାଜ୍ୟ ଶିଳ୍ପ ନିର୍ଦ୍ଦେଶକ ପ୍ରଣବ ଜ୍ୟୋତି ନାଥ କହିଛନ୍ତି ଯେ, ଏଣ୍ଟରପ୍ରିନ୍ୟେରମାନଙ୍କର ବିକାଶ ଲାଗି ରାଜ୍ୟ ସରକାର ଅନେକ ସ୍କିମ ଘୋଷଣା କରିଛନ୍ତି। ମାତ୍ର ଏହାର ଲାଭ ସେମାନେ ନେଉ ନାହାନ୍ତି। ସରକାରୀ ସ୍ତରରେ ଉଦ୍ୟୋଗୀମାନଙ୍କର ଅନେକ ଆବେଦନ ଖାରଜ ହେଉଛି। ଯୋଜନାର ଲାଭ ନେବା ଲାଗି ସେମାନେ ଉତ୍ସାହ ଦେଖାନ୍ତୁ ବୋଲି ନାଥ ସଂସ୍ଥାଗୁଡିକୁ ଆହ୍ବାନ ଦେଇଛନ୍ତି। ସେ କହିଛନ୍ତି, କ୍ଷୁଦ୍ର ଶିଳ୍ପଗୁଡିକ ସାମଗ୍ରୀ କିଣିବା କ୍ଷେତ୍ରରେ ଭଲ କାମ କରୁଛନ୍ତି, ମାତ୍ର ଭେଣ୍ଡର ଉନ୍ନତିକରଣ ଦିଗରେ ଆହୁରି ଉନ୍ନତି ଆଣିବାକୁ ହେବ। ଏ କ୍ଷେତ୍ରରେ ସର୍ବାଧିକ ଧ୍ୟାନ ଦେବାକୁ ପଡିବ। ରାଜ୍ୟରେ ବ୍ୟବସାୟ ବାତାବରଣ ସହଜ କରିବା ଦିଗରେ ସରକାର ଉଦ୍ୟମ ଜାରି ରଖିଛନ୍ତି। ସେହିଭଳି ଉଦ୍ୟୋଗୀଙ୍କ ଲାଗି ବିଭିନ୍ନ ଯୋଜନା ଘୋଷଣା କରାଯିବ ବୋଲି ନାଥ ସ୍ପଷ୍ଟ କରିଛନ୍ତି।
ଏମ୍‌ଏସ୍‌ଏମ୍‌ଇ ଡିଆଇ କଟକର ଡାଇରେକ୍ଟର ଇନ୍‌ଚାର୍ଜ ଏସ୍‌.କେ. ସାହୁ କହିଛନ୍ତି ଯେ, କ୍ଷୁଦ୍ର ଶିଳ୍ପଠାରୁ ପିଏସ୍‌ୟୁଗୁଡିକର ଉତ୍ପାଦ ସଂଗ୍ରହ ଉନ୍ନତ ହେଲେ ଏହା ଦୀର୍ଘମିଆଦୀ ଭିତ୍ତିରେ ସଂସ୍ଥାଗୁଡିକର ବିକାଶରେ ସହାୟକ ହେବ। ମହିଳା ଉଦ୍ୟୋଗୀଙ୍କ ଲାଗି ରହିଥିବା ସ୍ବତନ୍ତ୍ର ସ୍କିମ ଉପରେ ସେ ଏଠାରେ ଗୁରୁତ୍ୱାରୋପ କରିଥିଲେ। ଏଥିରେ ଓସ୍‌ମେ ଅଧ୍ୟକ୍ଷ ଗୌରୀ ଶଙ୍କର ଦାସ, ମହାସଚିବ ସାତ୍ୱିକ ସ୍ବାଇଁ, ଏମ୍‌ସିଏଲ୍‌ ମହାପ୍ରବନ୍ଧକ ମିହିର ଚନ୍ଦ୍ର, ଏନ୍‌ଏସ୍‌ଆଇସି ଏସ୍‌ଟି ଏସ୍‌ସି ହବ୍‌ ମୁଖ୍ୟ ଶୁଭାଶିଷ ଦାସ ଏବଂ ଏମ୍‌ଏସ୍‌ଏମ୍‌ଇ ପ୍ରତିନିଧିମାନେ ଯୋଗ ଦେଇଥିଲେ। ଦୁଇଦିନ ଧରି ଚାଲିଥିବା ଏମ୍‌ଏସ୍‌ଏମ୍‌ଇ ସମିଟ୍‌ ସୋମବାର ଶେଷ ହୋଇଛି।


All Right Reserved By Dharitri.Com

ବିଶ୍ୱକପ୍‌ ଦେଖିବା ଲାଗି ଜିଓର ଧମାକାଦାର ଅଫର୍‌: ସବୁ ମ୍ୟାଚ୍‌ର ସିଧା ପ୍ରସାରଣ ମାଗଣା

ନୂଆଦିଲ୍ଲୀ,୬।୬: କ୍ରିକେଟ୍‌ ମ୍ୟାଚ୍‌ ଲାଇଭ୍‌ ଦେଖିବାରେ ଜିଓ ସବୁଠାରୁ ଗ୍ରହଣୀୟ ସେବା ଭାବେ ପରିଗଣିତ ହୋଇଆସୁଛି। ବିଗତ ଆଇପିଏଲ୍‌ ଏବଂ ବିସିସିଆଇ ଦ୍ୱାରା ଆୟୋଜିତ ଇଣ୍ଡିଆ...

ଗରିବୀ ହ୍ରାସ ଲାଗି ଭାରତକୁ ବିଶ୍ୱବ୍ୟାଙ୍କର ପ୍ରଶଂସା

ନୂଆଦିଲ୍ଲୀ,୧୭-୧୦: ୧୯୯୦ ପରେ ଗରିବୀସ୍ଥିତିରେ ଉନ୍ନତି ଆଣିବା ଲାଗି ଭାରତ ଅନେକ ଉଲ୍ଲେଖନୀୟ କାର୍ଯ୍ୟ କରିଛି। ଏ କ୍ଷେତ୍ରରେ ଅନେକ ସୁଧାର ଆସିବା ସହ ଗରିବୀ...

ସାମ୍‌ସଙ୍ଗ ଆଣିଲା ନୂଆ ଗାଲାକ୍ସି ଏମ୍‌୪୦

ନୂଆଦିଲ୍ଲୀ,୧୭-୬: ପ୍ରମୁଖ କମ୍ପାନୀ ସାମ୍‌ସଙ୍ଗ ପକ୍ଷରୁ ନୂଆ ଗାଲାକ୍ସି ଏମ୍‌୪୦ ମଡେଲ ବଜାରକୁ ଆସିଛି। ଏଥିରେ ୬.୩ ଇଞ୍ଚ ଏଫ୍‌ଏଚ୍‌ଡି ଇନଫିନିଟି ଓଡିସ୍ପଲେ, ଶକ୍ତିଶାଳୀ ସ୍ନାପଡ୍ରାଗନ...

ଡିଶ୍‌ ଟିଭି ସହ ମିଶିଯିବ ଏୟାରଟେଲ

ନୂଆଦିଲ୍ଲୀ,୭-୮:ଦେଶର ଦୁଇ ପ୍ରମୁଖ ଡିଟିଏଚ୍‌ କମ୍ପାନୀ ଚଳିତ ମାସ ଶେଷ ସୁଦ୍ଧା ମିଶିଯିବେ। ଏସେଲ ଗ୍ରୁପ୍‌ କମ୍ପାନୀ ଡିଶ୍‌ ଟିଭିକୁ ଖୁବଶୀଘ୍ର ଭାରତୀ ଏୟାରଟେଲ କିଣିବ।...

ଜେଟ୍‌ଲୀଙ୍କୁ ଝୁରିଲା ଶିଳ୍ପ ଜଗତ

ନୂଆଦିଲ୍ଲୀ, ୨୫-୮: ପୂର୍ବତନ ଅର୍ଥମନ୍ତ୍ରୀ ତଥା ବିଜେପି ନେତା ଅରୁଣ ଜେଟଲୀଙ୍କ ମୃତ୍ୟୁରେ ଦେଶର ଶିଳ୍ପ ଜଗତ ପକ୍ଷରୁ ଗଭୀର ଶୋକପ୍ରକାଶ କରାଯାଇଛି। ଦେଶ ଜଣେ...

ସୁଇସ୍‌ ବ୍ୟାଙ୍କରେ କଳାଧନ: ୧୧ ଭାରତୀୟଙ୍କୁ ଜାରି ହେଲା ନୋଟିସ୍‌

ନୂଆଦିଲ୍ଲୀ,୨୭-୫: ବ୍ୟାଙ୍କିଙ୍ଗ୍‌ ଗୋପନୀୟତାକୁ ନେଇ ବିଶ୍ୱରେ ସମାଲୋଚନାର ଶିକାର ହୋଇଆସୁଥିବା ସୁଇଜରଲାଣ୍ଡ ଏବେ ନିଜର ମତ ପରିବର୍ତ୍ତନ କରିଛି। ନିକଟ ଅତୀତରେ ଏହା ଭାରତୀୟଙ୍କ କଳାଧନ...

ଆଇବିସିରୁ ଫେରିଛି ୭୦ ହଜାର କୋଟି

ନୂଆଦିଲ୍ଲୀ,୧୫-୫:ଇନ୍‌ସଲଭେନ୍ସି ଆଣ୍ଡ ବ୍ୟାଙ୍କରପ୍ସି କୋଡ୍‌(ଆଇବିସି) ଜରିଆରେ ଫଶିଯାଇଥିବା ଋଣ ଅସୁଲ ସୁବିଧାଜନକ ହୋଇଛି। ୨୦୧୮-୧୯ରେ ୭୦ ହଜାର କୋଟି ଟଙ୍କା ଅନାଦାୟ ଋଣ(ଏନ୍‌ପିଏ) ଫେରି ଆସିଛି।...

ଏଚ୍‌ଓ୍ବାନ ବି ଭିଜାଧାରୀଙ୍କୁ ୟୁଏସ୍‌ ନ୍ୟାୟାଳୟଙ୍କଠାରୁ ଆଶ୍ୱସ୍ତି

ନୂଆଦିଲ୍ଲୀ,୧୧-୧୧: ଆମେରିକାରେ କାର୍ଯ୍ୟରତ ଏଚ୍‌ଓ୍ବାନ ବି ଭିଜାଧାରୀଙ୍କୁ ସେଠାକାର ନ୍ୟାୟାଳୟଙ୍କଠାରୁ ଆଶ୍ୱସ୍ତି ମିଳିଛି। ଏହି ଭିଜା ଲାଭ କରିଥିବା ଭାରତୀୟଙ୍କ ଜୀବନସାଥୀ ଆମେରିକାରେ କାର୍ଯ୍ୟ କରିବା...

Leave a comment

Your email address will not be published. Required fields are marked *