ସେପ୍ଟେମ୍ବର ୫ରୁ ଜିଓ ଗିଗାଫାଇବର ସେବା;ମାଗଣାରେ ମିଳିବ ଏଚ୍‌ଡି ଟିଭି, ସେଟ୍‌ଟପ୍‌ ବକ୍ସ

ମୁମ୍ବାଇ,୧୩-୮: ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ(ଆର୍‌ଆଇଏଲ୍‌) ଅଧ୍ୟକ୍ଷ ମୁକେଶ ଅମ୍ବାନୀ ସୋମବାର କମ୍ପାନୀର ୪୨ତମ ବାର୍ଷିକ ସାଧାରଣ ବୈଠକ(ଏଜିଏମ୍‌)ରେ ବ୍ରଡ୍‌ବ୍ୟାଣ୍ଡ ସେବା ଜିଓ ଗିଗା ଫାଇବର ଆରମ୍ଭ କରାଯିବା ନେଇ ଘୋଷଣା କରିଛନ୍ତି। ଜିଓ ଶୁଭାରମ୍ଭ ହେବାର ୩ ବର୍ଷ ପୂର୍ତ୍ତି ଅବସରରେ ସେପ୍ଟେମ୍ବର ୫ରୁ ସାରା ଦେଶରେ ଏହି ବ୍ରଡ୍‌ବ୍ୟାଣ୍ଡ ସେବା ଆରମ୍ଭ କରାଯିବ ବୋଲି ସେ କହିଛନ୍ତି।
ମୁକେଶ କହିଛନ୍ତି ଯେ, ୩୪ କୋଟି ଗ୍ରାହକ ଏବେ ଜିଓକୁ ଆପଣାଇଛନ୍ତି। ଫଳରେ ଏହି ମୋବାଇଲ ଅପରେଟିଂ କମ୍ପାନୀ ବିଶ୍ୱର ସବୁଠାରୁ ଦ୍ରୁତଗତିରେ ବଢ଼ୁଥିବା ଡିଜିଟାଲ ସର୍ଭିସ କମ୍ପାନୀ ହୋଇଛି। କମ୍ପାନୀ ୬୭,୩୨୦ କୋଟି ଜିଏସ୍‌ଟି ଓ ୧୨,୧୯୧ କୋଟି ଟଙ୍କା ଆୟକର ପ୍ରଦାନ କରି ଦେଶର ସର୍ବବୃହତ ଟିକସଦାତା ହୋଇପାରିଛି। ଜିଓ ଫାଇବର ଓ୍ବେଲକମ୍‌ ଅଫର ସହିତ ଲ୍ୟାଣ୍ଡଲାଇନ ଫୋନରୁ ଲାଇଫଟାଇମ ଫ୍ରି ଭଏସ୍‌ କଲ୍‌, ୧୦୦ ଏମ୍‌ବିପିଏସ୍‌ ମିନିମମ୍‌ ସ୍ପିଡ୍‌ରେ ହାଇସ୍ପିଡ୍‌ ବ୍ରଡ୍‌ବ୍ୟାଣ୍ଡ ଦିଆଯିବ। ସେହିଭଳି ଏହି ଅଫର୍‌ରେ ଯେଉଁ ଗ୍ରାହକ ଜିଓ ଗିଗାଫାଇବର ଓ ଜିଓ ସେଟ୍‌ ଟପ୍‌ ବକ୍ସର ଜିଓ ଫର୍‌ ଏଭର ପ୍ଲାନ ନେବେ ସେମାନଙ୍କୁ କମ୍ପାନୀ ପକ୍ଷରୁ ୪କେ ଏଚ୍‌ଡି ଏଲ୍‌ଇଡି ଟିଭି ଓ ୪କେ ସେଟ୍‌ ଟପ୍‌ ବକ୍ସ ମାଗଣାରେ ପ୍ରଦାନ କରାଯିବ। ତେବେ ପ୍ଲାନ୍‌ ସମ୍ପର୍କ ମୂଲ୍ୟ ସମ୍ପର୍କରେ କୌଣସି ସୂଚନା ଦିଆଯାଇନାହିଁ। ଜିଓ ଫାଇବର ପ୍ଲାନ ସମ୍ପର୍କରେ ଉଲ୍ଲେଖ କରି ମୁକେଶ କହିଛନ୍ତି ଯେ, ଏହା ଗ୍ଲୋବାଲ ରେଟ୍‌ ମୁକାବିଲାରେ ୧୦ ଗୁଣା ଶସ୍ତା ହେବ। ଜିଓ ଫାଇବର ସିମ୍ପଲ ଟାରିଫ ପ୍ଲାନ ୭୦୦ ଟଙ୍କାରୁ ୧୦ ହଜାର ଟଙ୍କା ପ୍ରତି ମାସରେ ଉପଲବ୍ଧ ହେବ। ସେ କହିଛନ୍ତି ଯେ, ଗ୍ରାହକଙ୍କୁ କେବଳ ଗୋଟିଏ ସେବା ଭଏସ୍‌ କଲ୍‌ ଅଥବା ବ୍ରଡ୍‌ବ୍ୟାଣ୍ଡ ପାଇଁ ଅର୍ଥ ଦେବାକୁ ହେବ। ଇଣ୍ଟରନ୍ୟାସନାଲ କଲ୍‌ ଲାଗି ସବୁଠାରୁ କମ୍‌ ଫିକ୍ସଡ ଲାଇନ ରେଟ୍‌ ପ୍ରଦାନ କରାଯିବ। ଏହାର ଦର ବର୍ତ୍ତମାନ ଉପଲବ୍ଧ ରେଟ୍‌ ଠାରୁ ୧୦ ଗୁଣା ଶସ୍ତା ହେବ। ଆମେରିକା ଓ କାନାଡାକୁ ଇଣ୍ଟରନ୍ୟାଶନାଲ କଲ୍‌ ଲାଗି ୫୦୦ ଟଙ୍କା ପ୍ରତି ମାସରେ ଆଦାୟ କରାଯିବ। ଫଳରେ ଜଣେ ଗ୍ରାହକ ମାତ୍ର ୫୦୦ ଟଙ୍କାରେ ଆମେରିକା, କାନାଡାକୁ ଅନ୍‌ଲିମିଟେଡ କଲ୍‌ କରିପାରିବେ। ଜିଓ ଫାଇବରର ବାର୍ଷିକ ପ୍ୟାକ୍‌ ନେଲେ ଏଚ୍‌ଡି ଟିଭି ସବ୍‌କ୍ରିପ୍‌ଶନ ମିଳିବ।
ଘରେ ବସି ଦେଖିହେବ ପ୍ରଥମ ଦିନ ସିନେମା
ମୁକେଶ କହିଛନ୍ତି ଯେ, ୨୦୨୦ ମଧ୍ୟଭାଗରୁ ଜିଓ ଗିଗାଫାଇବରର ପ୍ରିମିୟମ ଗ୍ରାହକଙ୍କ ଲାଗି ବିଶେଷ ସୁବିଧା ପ୍ରଦାନ କରାଯିବ। ଜିଓ ଫାଇବର ଗ୍ରାହକ ସିନେମା ହଲ୍‌ରେ ରିଲିଜ ହେଉଥିବା ସିନେମାକୁ ଅର୍ଥାତ୍‌ ଫାର୍ଷ୍ଟ ଡେ, ଫାର୍ଷ୍ଟ ସୋ ଅଧୀନରେ ନୂଆ ସିନେମା ଦେଖିବାର ସୁଯୋଗ ପାଇବେ। ଜିଓ ଗିଗାଫାଇବର ପାଇଁ ଅଦ୍ୟାବଧି ୫ କୋଟିରୁ ଅଧିକ ରେଜିଷ୍ଟ୍ରେଶନ ହୋଇସାରିଛି। ଡିଜିଟାଲ ଇନ୍‌ଫ୍ରାରେ ୩.୫ ଲକ୍ଷ କୋଟି ଟଙ୍କା ଖର୍ଚ୍ଚ କରିବାର ଯୋଜନା ରହିଛି। ଅଦ୍ୟାବଧି ୫୦ଲକ୍ଷ ଘର ଏହା ପହଞ୍ଚତ୍ସାରିଛି। ବର୍ଷକ ଭିତରେ ଜିଓ ଗିଗାଫାଇବର ସାରା ଦେଶରେ ପହଞ୍ଚତ୍ୟିବ ବୋଲି ମୁକେଶ କହିଛନ୍ତି।
ଜୁନ୍‌ ତ୍ରୈମାସରେ ୧୦,୧୦୪ କୋଟି ଲାଭ
ଜୁନ୍‌ ୩୦ରେ ଶେଷ ହୋଇଥିବା ତ୍ରୈମାସରେ ରିଲାଏନ୍ସ ଇଣ୍ଡଷ୍ଟ୍ରିଜର କନ୍‌ସୋଲିଡେଟେଡ ନେଟ୍‌ ପ୍ରଫିଟ୍‌ ୬.୮୨ ପ୍ରତିଶତ ବଢ଼ି ୧୦,୧୦୪ କୋଟି ଟଙ୍କାରେ ପହଞ୍ଚତ୍ଛି। ସେହିପରି ରାଜସ୍ବ ୨୧.୨୫% ବୃଦ୍ଧି ପାଇ ୧.୬୧ ଲକ୍ଷ କୋଟି ଟଙ୍କା ହୋଇଛି।
ଜିଓର ଲାଭ ୮୯୧ କୋଟି
ରିଲାଏନ୍ସ ଜିଓର ଆର୍ଥିକ ବର୍ଷ ୨୦୨୦ର ପ୍ରଥମ ତ୍ରୈମାସରେ ପ୍ରଦର୍ଶନରେ ଉନ୍ନତି ହୋଇଛି। ଏହି ଅବଧିରେ କମ୍ପାନୀର ଲାଭ ବାର୍ଷିକ ଆଧାରରେ ୪୬ ପ୍ରତିଶତ ବୃଦ୍ଧି ପାଇ ୮୯୧ କୋଟି ଟଙ୍କା ହୋଇଛି। ବର୍ଷକ ପୂର୍ବେ ସମାନ ଅବଧିରେ ଜିଓର ଲାଭ ୬୧୨ କୋଟି ଟଙ୍କା ଥିଲା।
ରିଟେଲ ମାର୍କେଟର କାୟାକଳ୍ପ ବଦଳାଇବ ନ୍ୟୁ କମର୍ସ ଇନିସିଏଟିଭ
ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ଏଜିଏମ୍‌ ବୈଠକରେ ଅଧ୍ୟକ୍ଷ ମୁକେଶ ଅମ୍ବାନୀ ରିଟେଲ କ୍ଷେତ୍ରରେ ଏକ ବଡ଼ ଧରଣର ପରିବର୍ତ୍ତନ ଆଣିବାକୁ ଯାଉଛନ୍ତି। ରିଟେଲ କ୍ଷେତ୍ରରେ ‘ନ୍ୟୁ କମର୍ସ ଇନିସିଏଟିଭ’ ସମ୍ପର୍କରେ ସେ ଉଲ୍ଲେଖ କରିଛନ୍ତି। ଏହା ମାଧ୍ୟମରେ ଅସଂଗଠିତ ରିଟେଲ ମାର୍କେଟକୁ ସମ୍ପୂର୍ଣ୍ଣ ରୂପେ ବଦଳାଇ ଦିଆଯିବ। ଦେଶର ୯୦ ପ୍ରତିଶତ ରିଟେଲ ଅସଂଗଠିତ କ୍ଷେତ୍ରରେ ରହିଛି। ନ୍ୟୁ କମର୍ସ ଏଭଳି ଏକ ପ୍ଲାଟଫର୍ମ ହେବ, ଯାହା ଦ୍ୱାରା ସମସ୍ତ କିରାନା ଦୋକାନକୁ ସହଭାଗୀ କରାଯିବ। ସେ କହିଛନ୍ତି ଯେ, ୩ କୋଟି ବ୍ୟବସାୟୀ ଓ କିରାନା ଦୋକାନ ଭାରତୀୟ କାରବାର ଇକୋସିଷ୍ଟମର ମେରୁଦଣ୍ଡ ହୋଇଛି। ଏଥିରେ ପ୍ରତ୍ୟକ୍ଷ ଅଥବା ପରୋକ୍ଷ ରୂପରେ ୨୦ କୋଟିରୁ ଅଧିକ ବ୍ୟକ୍ତିଙ୍କୁ ଜୀବିକା ମିଳୁଛି। ରିଲାଏନ୍ସର ନୂଆ ରିଟେଲ ପ୍ଲାନ୍‌ ଦେଶର ହାଇସ୍ପିଡ୍‌ ଡିଜିଟାଲ ପ୍ଲାଟଫର୍ମକୁ କିରାନା ଦୋକାନ ସହ ଯୋଡିବ। ଏହା ମାଧ୍ୟମରେ ଗ୍ରାହକ ନିଜର ଅର୍ଡର ଦେଇପାରିବେ। ରିଲାଏନ୍ସ ରିଟେଲ କ୍ଷୁଦ୍ର ଦୋକାନୀଙ୍କୁ ଟେକ୍ନୋଲୋଜି ଓ ଭିତ୍ତିଭୂମି ଯୋଗାଇବ। ଏହାଦ୍ୱାରା ସେମାନେ ବଡ଼ ବ୍ୟବସାୟୀଙ୍କ ଭଳି ଶକ୍ତିଶାଳୀ ହୋଇପାରିବେ।


All Right Reserved By Dharitri.Com

ଘରକ୍ରେତା, ବ୍ୟାଙ୍କ ଟଙ୍କା ବିଦେଶୀରେ ନିବେଶ କରିଛି ୟୁନିଟେକ୍‌

ନୂଆଦିଲ୍ଲୀ,୧୯-୧: ରିୟଲ ଇଷ୍ଟେଟ କମ୍ପାନୀ ୟୁନିଟେକ୍‌ ଗ୍ରାହକଙ୍କ ଝାଳବୁହା ଧନକୁ ଠକେଇ କରି ବିଦେଶର ଅଫସୋର କମ୍ପାନୀରେ ନିବେଶ କରିଛି। ସେହିଭଳି ବ୍ୟାଙ୍କର ଋଣ ଅର୍ଥକୁ...

କମିଲା କର୍ପୋରେଟ୍‌ ଟ୍ୟାକ୍ସ

ନୂଆଦିଲ୍ଲୀ, ୨୦।୯: ଗୋଆରେ ବସିବାକୁ ଥିବା ଜିଏସ୍‌ଟି ବୈଠକ ପୂର୍ବରୁ ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଏକ ବଡ ଘୋଷଣା କରିଛନ୍ତି। କମ୍ପାନୀ ଏବଂ ବ୍ୟବସାୟୀଙ୍କୁ ଖୁସି...

୩୪୨୭ ରାଷ୍ଟ୍ରାୟତ୍ତ ବ୍ୟାଙ୍କ ଶାଖା ବନ୍ଦ

ନୂଆଦିଲ୍ଲୀ,୪-୧୧: ଗତ ୫ ବର୍ଷରେ ଦେଶର ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ୩୪୨୭ ବ୍ୟାଙ୍କ ଶାଖା ବନ୍ଦ କରିଥିବା ଜଣାପଡିଛି। ସୂଚନା ଅଧିକାର କର୍ମୀ ଚନ୍ଦ୍ର ଶେଖର ଗୌଡ...

ୟୁବିଆଇର ବାର୍ଷିକ ସାଧାରଣ ବୈଠକ: ରିଟେଲ,କୃଷି,ଏମ୍‌ଏସ୍‌ଏମ୍‌ଇ ଋଣକୁ ୟୁବିଆଇର ଫୋକସ

କଲିକତା,୨୯-୬ – ୟୁନାଇଟେଡ୍‌ ବ୍ୟାଙ୍କ ଅଫ୍‌ ଇଣ୍ଡିଆ(ୟୁବିଆଇ) ପକ୍ଷରୁ ଏହାର ୧୦ମ ବାର୍ଷିକ ସାଧାରଣ ବୈଠକ କଲିକତାଠାରେ ଅନୁଷ୍ଠିତ ହୋଇ ଯାଇଛି। କେନ୍ଦ୍ର ସରକାରଙ୍କ ପ୍ରତିନିଧିଙ୍କ...

ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ଶାଖା ସ୍ତରରୁ ପରାମର୍ଶ ଗ୍ରହଣ

ନୂଆଦିଲ୍ଲୀ, ୧୯-୮: ପାଞ୍ଚ ବର୍ଷରେ ୫ ଟ୍ରିଲିୟନ ଡଲାର ଅର୍ଥନୀତି ଲକ୍ଷ୍ୟ ହାସଲ ଦିଗରେ ବ୍ୟାଙ୍କଗୁଡିକର ଯୋଗଦାନ ତଥା ଆଗାମୀ କାର୍ଯ୍ୟପନ୍ଥା ନେଇ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ...

ଏଟିଏମ୍‌ ବ୍ୟବହାର ଲାଗି ପଡିବ ଅଧିକ ଚାର୍ଜ

ନୂଆଦିଲ୍ଲୀ,୧-୫: ଚଳିତ ବର୍ଷ ଅଧାରୁ ଅଧିକ ଏଟିଏମ୍‌ ବନ୍ଦ ହୋଇଯିବ ବୋଲି କନଫେଡେରେଶନ ଅଫ୍‌ ଏଟିଏମ୍‌ ଇଣ୍ଡଷ୍ଟ୍ରି(ସିଏଟିଏମ୍‌ଆଇ) ଗତବର୍ଷ ଚେତାବନୀ ଦେଇଥିଲା। ଏହାର ରିପୋର୍ଟ ଅନୁଯାୟୀ,...

କୋଲକାତା ଚାଲିଯିବ ଟାଟା ସ୍ପଞ୍ଜ କର୍ପୋରେଟ ଅଫିସ;ସିଙ୍ଗୁର ବିବାଦ ପରେ ଟାଟା ଗ୍ରୁପ୍‌ର ଗୁରୁତ୍ୱପୂର୍ଣ୍ଣ ନିଷ୍ପତ୍ତି

କୋଲକାତା/କେନ୍ଦୁଝର(ସ୍ବ.ପ୍ର),୨୦-୪: ଟାଟା ଷ୍ଟିଲ୍‌ର ଏକ ସହଯୋଗୀ କମ୍ପାନୀ ଟାଟା ସ୍ପଞ୍ଜ ଆଇରନ ଲିମିଟେଡ ଏହାର କର୍ପୋରେଟ ଅଫିସ୍‌କୁ କୋଲକାତାକୁ ସ୍ଥାନାନ୍ତର ଲାଗି ନିଷ୍ପତ୍ତି ନେଇଛି। ସିଙ୍ଗୁର...

ଅଣପାରମ୍ପରିକ ମାଧ୍ୟମରେ ତେଲ ବିକୁଛି ଇରାନ

ତେହରାନ,୯-୬: ଆମେରିକା ପକ୍ଷରୁ ଆର୍ଥିକ କଟକଣା ଲାଗୁ କରାଯାଇଥିବା ବେଳେ ଇରାନ ଏହାର ଗଳାବାଟ ବାହାର କରି ଅଶୋଧିତ ତେଲ ବିକୁଛି ବୋଲି କହିଛି। ଦେଶର...

Leave a comment

Your email address will not be published. Required fields are marked *