ଆଇନଗତ ଆଳରେ ଘୁଞ୍ଚି ଚାଲିଛି ନିର୍ବାଚନ

ଯାଜପୁର ଅଫିସ,୧୩ା୮: ପୌର ନିର୍ବାଚନର ସଂରକ୍ଷଣ ବ୍ୟବସ୍ଥାକୁ ନେଇ ଲାଗି ରହିଥିବା ଆଇନଗତ ବିବାଦକୁ ଆଳ କରି ନିର୍ବାଚନର ଦିନ ଗଡ଼ି ଗଡ଼ି ଚାଲିଛି। ହେଲେ ବାସ୍ତବରେ ଗତ ସାଧାରଣ ନିର୍ବାଚନରେ ସହରୀ ଓ ଶିକ୍ଷିତ ଭୋଟରଙ୍କ ମତ ପରିବର୍ତ୍ତନ ଶାସକ ଦଳକୁ ଚିନ୍ତାରେ ପକାଇଥିବା କାରଣରୁ ଏଭଳି ବିଳମ୍ବ ହେଉଥିବା ଚର୍ଚ୍ଚା ହେଉଛି। ଏହି କାରଣରୁ ଚଳିତବର୍ଷ ପୌର ପରିଷଦ ନିର୍ବାଚନ ହେବାର ଆଶା ମଧ୍ୟ କ୍ଷୀଣ ଦେଖାଯାଇଛି। ପୌରାଞ୍ଚଳ ବା ବିଭିନ୍ନ ସହରରେ ଅଧିକାଂଶ ଶିକ୍ଷିତ ଭୋଟର ରହିଛନ୍ତି। ଏପରିକି ରାଜ୍ୟରେ ଗତ ସାଧାରଣ ନିର୍ବାଚନରେ ବିଜେଡିଠାରୁ ୩ଗୁଣ ଅଧିକ ଭାଜପା ପୋଷ୍ଟାଲ ଭୋଟ ପାଇଛି। ଏଥିରେ ରାଜ୍ୟର ଯାଜପୁର ଓ ବରଗଡ଼ ଜିଲାରେ ସର୍ବାଧିକ ପୋଷ୍ଟାଲ ଭୋଟ ଭାଜପା ସପକ୍ଷରେ ଯାଇଛି। ବିଶେଷକରି ଚାକିରିଆ କିମ୍ବା ବାହାରେ ରହୁଥିବା ଶିକ୍ଷିତ ଭୋଟର ପୋଷ୍ଟାଲ ଭୋଟ ଦେଇଥାନ୍ତି। ଏହି ହାରକୁ ସମୀକ୍ଷା କରି ଶାସକ ଦଳ ପୌର ନିର୍ବାଚନକୁ ଜାଣିଶୁଣି ବିଭିନ୍ନ ଆଳ ଦେଖାଇ ଗଡେଇ ଚାଲିଥିବା ଆଲୋଚନା ହେଉଛି।
ସାଧାରଣ ନିର୍ବାଚନ ପୂର୍ବରୁ ଗତବର୍ଷ ପୌର ନିର୍ବାଚନ ପ୍ରକ୍ରିୟା ଆରମ୍ଭ ହୋଇଥିଲା। ୱାର୍ଡଗୁଡ଼ିକରେ ସଂରକ୍ଷଣ ବ୍ୟବସ୍ଥାକୁ ନେଇ ସର୍ଭେ ଓ ମତାମତ ଦେବାକୁ ସାଧାରଣରେ ନୋଟିସ ଦିଆଯାଇଥିଲା। ଫଳରେ ୨୦୧୯ ସାଧାରଣ ନିର୍ବାଚନ ପରେ ପୌର ନିର୍ବାଚନ ହେବ ବୋଲି ଆଶା କରାଯାଉଥିଲା। କିନ୍ତୁ ପ୍ରଚଳିତ ଆଇନରେ ଥିବା ବ୍ୟବସ୍ଥା ଅନୁଯାୟୀ ସଂରକ୍ଷଣ ପରିମାଣ ୫୦ ପ୍ରତିଶତରୁ ଅଧିକ ହୋଇଛି ା ଏନେଇ ହାଇକୋର୍ଟରେ ମାମଲା ହୋଇଥିଲା। ହାଇକୋର୍ଟ ରାଜ୍ୟ ସରକାରଙ୍କୁ ସଂରକ୍ଷଣ ବ୍ୟବସ୍ଥା ୫୦ ପ୍ରତିଶତ ଭିତରେ ରଖିବାକୁ ରାୟ ଦେଇଥିଲେ। ସୁପ୍ରିମକୋର୍ଟରେ ମଧ୍ୟ ଏହି ରାୟ ବଳବତ୍ତର ରହିଥିଲା। ୫୦ ପ୍ରତିଶତ ଭିତରେ ସଂରକ୍ଷଣ ବ୍ୟବସ୍ଥାକୁ କାର୍ଯ୍ୟକାରୀ କରିବାକୁ ଓଡିଶା ମ୍ୟୁନିସିପାଲିଟି ଆକ୍ଟ -୧୯୫୦ ଓ ଓଡ଼ିଶା ମ୍ୟୁନିସିପାଲ କର୍ପୋରେଶନ ଆକ୍ଟ-୨୦୦୩ରେ ସଂଶୋଧନର ଆବଶ୍ୟକତା ରହିଛି ା ଗତ ବିଧାନସଭାରେ ଆଇନ ସଂଶୋଧନ ପାଇଁ ପ୍ରସ୍ତାବ ଆସିବ ବୋଲି ଆଶା କରାଯାଉଥିଲା। ହେଲେ ଏହି ଆଶା ପୂରଣ ନ ହେବାରୁ ପୌର ପରିଷଦ ନିର୍ବାଚନ ପ୍ରକ୍ରିୟା ଆହୁରି ବିଳମ୍ବ ହେବ ବୋଲି କୁହାଯାଉଛି। ତେବେ ରାଜ୍ୟ ସରକାର ଜାଣିଶୁଣି ଏ ନେଇ ତପତ୍ରତା ପ୍ରକାଶ କରୁ ନ ଥିବା ସନ୍ଦେହ କରାଯାଉଛି। କାରଣ ଗତ ଲୋକ ସଭା ନିର୍ବାଚନରେ ରାଜ୍ୟରେ ଭାଜପାର ଭୋଟହାର ୩୮.୪ ପ୍ରତିଶତକୁ ବୃଦ୍ଧି ଘଟିଥିବାବେଳେ ବିଜେଡିର ଭୋଟହାର ୪୨.୮ ପ୍ରତିଶତକୁ ହ୍ରାସ ପାଇଛି। କଂଗ୍ରେସ ୧୩.୮ ପ୍ରତିଶତରେ ସୀମିତ ରହିଛି। ଏହିକ୍ରମରେ ସହରୀ ଓ ଶିକ୍ଷିତ ଭୋଟର ଭାଜପାକୁ ଅଧିକ ପସନ୍ଦ କରିଥିବା ମନେହୋଇଛି। ପୋଷ୍ଟାଲ ଭୋଟକୁ ଏହାର ମାପଦଣ୍ଡ ଭାବେ ନିଆଯାଇପାରେ। ରାଜ୍ୟର ୨୧ ଲୋକ ସଭା ଆସନରେ ଭାଜପା ୪୯,୦୪୭ ପୋଷ୍ଟାଲ ଭୋଟ ପାଇଥିବାବେଳେ ବିଜେଡି ମାତ୍ର ୧୪,୧୧୯ ପୋଷ୍ଟାଲ ଭୋଟ ପାଇଛି। ଏଥିରେ ଭାଜପାକୁ ଯାଜପୁର ଜିଲାରେ ୪୧୫୬ ଓ ବରଗଡ ଜିଲାରେ ୪୧୭୧ ପୋଷ୍ଟାଲ ଭୋଟ ସର୍ବାଧିକ ରହିଛି। ତେବେ ଏହି ପରିମାଣକୁ ନ ଯାଇ ଶିକ୍ଷିତ ଭୋଟହାରକୁ ଅବଲୋକନ କଲେ ଅଧିକାଂଶ ଶିକ୍ଷିତ ଭୋଟ ଭାଜପା ସପକ୍ଷରେ ଯାଇଥିବା ଏହି ପରିସଂଖ୍ୟାନରୁ ଜଳଜଳ ହୋଇ ଦିଶୁଛି। ଏଥିଯୋଗୁ ପୌର ପରିଷଦ ନିର୍ବାଚନ ନ କରି ପ୍ରଶାସକଙ୍କ ହାତରେ ପୌରପାଳିକା ଭାଗ୍ୟ ଛାଡ଼ି ଦିଆଯାଇଥିବା ମତପ୍ରକାଶ ପାଉଛି।


All Right Reserved By Dharitri.Com

ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାକୁ ଝଟକା: ସେବା ଯୋଗାଇବାକୁ ମନା କଲେ ନର୍ସିଂହୋମ

ଭୁବନେଶ୍ୱର,୧୬।୧୦(ବ୍ୟୁରୋ): ରାଜ୍ୟ ସରକାରଙ୍କ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାକୁ ଜୋରଦାର ଝଟକା ଲାଗିଛି। ସ୍ବାସ୍ଥ୍ୟସେବା ଯୋଗାଉଥିବା ପାଖାପାଖି ୩୦୦ ନର୍ସିଂହୋମ ସେମାନଙ୍କ ସେବା ବନ୍ଦ କରିଦେଇଛନ୍ତି।...

ବିଦ୍ୟୁତ ସଂସ୍ପର୍ଶରେ ଆସି ନାବାଳିକାଙ୍କ ମୃତ୍ୟୁ

ଯାଜପୁର ଟାଉନ, ୨୩।୧୧ (ଡିଏନଏ): ଯାଜପୁର ସହର କୁସୁମା ନିକଟରେ ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଜଣେ ନାବାଳିକାଙ୍କର ମୃତ୍ୟୁ ଘଟିଥିବାବେଳେ ଅନ୍ୟଜଣେ ଗୁରୁତର ହୋଇଥିବା...

ଲୋକସମ୍ପର୍କ ମନ୍ତ୍ରୀଙ୍କ ମୁଖ୍ୟ ଚିକିତ୍ସାଳୟ ପରିଦର୍ଶନ: ଆହାର କେନ୍ଦ୍ରରେ ଭୋଜନ

ଜୟପୁର,୨୬।୧୦(ଡି.ଏନ୍‌.ଏ): କୋରାପୁଟ ଜିଲା ଜୟପୁରସ୍ଥିତ ଜିଲା ମୁଖ୍ୟ ଚିକିତ୍ସାଳୟକୁ ଜଳସମ୍ପଦ, ସୂଚନା ଓ ଲୋକସମ୍ପର୍କ ମନ୍ତ୍ରୀ ରଘୁନନ୍ଦନ ଦାସ ଶନିବାର ଅଚାନକ ପରିଦର୍ଶନ କରିଛନ୍ତି ।...

ଦୋଳି ପାଇଁ ଗଛ ନାହିଁ

ପୁରୀ ଅଫିସ, ୧୩ା୬: ଗୁରୁବାର ସଜବାଜ ଓ ଶୁକ୍ରବାର ପହିଲି ରଜ। ଓଡ଼ିଶାର ମହାନ ଗଣପର୍ବ ‘ରଜ’କୁ ନେଇ ସବୁଠି ଏବେ ଚଳଚଞ୍ଚଳ। ବର୍ଷକରେ ଥରେ...

ଅମରେଶ ହତ୍ୟାକାଣ୍ଡ ଘଟଣା: ମୁଖ୍ୟ ଅଭିଯୁକ୍ତଙ୍କ ସହ ୩ ଗିରଫ

ଭୁବନେଶ୍ୱର,୬।୧୧(ବ୍ୟୁରୋ): ଏୟାରଫିଲ୍ଡ ଥାନା ଭୀମଟାଙ୍ଗୀସ୍ଥିତ ଏକାମ୍ର କଲେଜ ପଛ ପଡ଼ିଆରେ ଘଟିଥିବା ଅମରେଶ ନାୟକ ହତ୍ୟାକାଣ୍ଡ ଘଟଣାର ପୋଲିସ ପର୍ଦ୍ଦାଫାଶ କରିଛି ପୋଲିସ। ଘଟଣାର ଦଶ...

କେୟାର ହସ୍ପିଟାଲ ମାଲିକ ପାକିସ୍ତାନୀ ବୋଲି ଅଭିଯୋଗ ଆଣିଲେ ବିରୋଧୀ: ତଦନ୍ତ ନିର୍ଦ୍ଦେଶ ଦେଲେ ସ୍ବାସ୍ଥ୍ୟମନ୍ତ୍ରୀ

ଭୁବନେଶ୍ୱର,୨୭।୧୧(ବ୍ୟୁରୋ): ବିଧାନସଭା ଶୂନ୍ୟକାଳରେ କେୟାର ହସ୍ପିଟାଲକୁ ନେଇ ବିରୋଧୀ ଦଳ ନେତା ପ୍ରଦୀପ୍ତ ନାୟକ ପ୍ରଶ୍ନ କରିବା ସହ ମାଲିକାନାକୁ ନେଇ ଅଭିଯୋଗ ଆଣିଥିଲେ। ଏହାକୁ...

ଜନ୍ମନେଲେ ଲକ୍ଷାଧିକ ଅଲିଭ୍‌ ରିଡ୍‌ଲେ ଶାବକ

ରାଜନଗର,୧୮ା୪(ଡି.ଏନ.ଏ): କଇଁଛଙ୍କ ଏନ୍ତୁଡ଼ିଶାଳ ଗହୀରମଥା ଏବେ ଚଳଚଞ୍ଚଳ ହୋଇଉଠିଛି। ଗତମାସରେ ୩ ଲକ୍ଷରୁ ଊର୍ଦ୍ଧ୍ୱ ଅଲିଭ୍‌ ରିଡ୍‌ଲେ କଇଁଛ ବାବୁବାଲି ଦ୍ୱୀପରେ ସମୂହ ଅଣ୍ଡାଦାନ କରିଥିଲେ।...

ରଡ ବାନ୍ଧିବା ବେଳେ ଶ୍ରମିକଙ୍କ ମୃତ୍ୟୁ

କଟକ ରୋଡ,୧୪ା୯(ଡି.ଏନ୍‌.ଏ.): ଲକ୍ଷ୍ମୀସାଗର ଥାନା ଅଞ୍ଚଳରେ ନିର୍ମାଣଧୀନ ଏକ ଘର କାମ ବେଳେ ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ସେ ହେଲେ ନୟାଗଡ ଜିଲା ରଣପୁର...

Leave a comment

Your email address will not be published. Required fields are marked *