୨୯୪ ମିଟର ଡ୍ରେନ୍‌ ନିର୍ମାଣକୁ ଲାଗିଲାଣି ୬ ବର୍ଷ

ଭଦ୍ରକ ଅଫିସ, ୧୮।୫ – ଆଉ କିଛି ମାସ ଗଲେ ଭଦ୍ରକ ସହର କୃତ୍ରିମ ବନ୍ୟାରେ ଉବୁଟୁବୁ ହେବ। ସାମାନ୍ୟ ବର୍ଷା ହେଲେ ବର୍ଷାପାଣି ନିଷ୍କାସିତ ହୋଇ ନ ପାରି ସହରରେ ବନ୍ୟା ପରିସ୍ଥିତି ସୃଷ୍ଟି ହେବ। ସହରରେ ଡ୍ରେନେଜ୍‌ ବ୍ୟବସ୍ଥା ଫେଲ୍‌ ମାରିଥିବା କାରଣରୁ ଦୀର୍ଘବର୍ଷ ଧରି ଏହି ସମସ୍ୟା ଲାଗିରହିଛି। ନିର୍ଦ୍ଦିଷ୍ଟ ଭାବେ ଏଥିପାଇଁ ଡ୍ରେନେଜ୍‌ ବିଭାଗର ବିଫଳତାକୁ ସହରବାସୀ ଦାୟୀ କରୁଥିବା ବେଳେ କେହି କେହି ବିଭାଗୀୟ ଅଧିକାରୀଙ୍କୁ ଦୂରଦୃଷ୍ଟି ଅଭାବ ଯୋଗୁ ଏହି ସମସ୍ୟାର ପ୍ରତିକାର ହୋଇପାରୁ ନ ଥିବା କହିଛନ୍ତି।
ଭଦ୍ରକ ସହରର ପ୍ରବେଶ ପଥ କୁହାଯାଉଥିବା ନେହେରୁ ଷ୍ଟାଡିୟମ୍‌ଠାରୁ ବନ୍ତ ଛକ ଏଲ୍‌ଆଇସି ଅଫିସ ପର୍ଯ୍ୟନ୍ତ ଥିବା ଡ୍ରେନ୍‌ ୬ ବର୍ଷ ହେଲା ଅଧୁରା ରହିଛି। ଏହି କାର୍ଯ୍ୟ ଅସମ୍ପୂର୍ଣ୍ଣ କାରଣରୁ ନେହେରୁ ଷ୍ଟାଡିୟମ୍‌ରେ ୬ବର୍ଷ ଧରି ସ୍ବାଧୀନତା ଦିବସ ପାଳନ ହୋଇପାରୁନାହିଁ। ସାମାନ୍ୟ ବର୍ଷାରେ ଷ୍ଟାଡିୟମ୍‌ ପରିସରରେ ଆଣ୍ଠୁଏ ଲେଖାଏ ପାଣି ଜମି ରହୁଥିବାରୁ କଲେଜ ପଡ଼ିଆରେ ସ୍ବାଧୀନତା ଦିବସ ପାଳନ କରାଯାଉଛି। ଷ୍ଟାଡିୟମ୍‌ର ପ୍ରଥମ ଗେଟ୍‌ଠାରୁ ବନ୍ତ ଛକ ଏଲ୍‌ଆଇସି ଅଫିସ ନିକଟସ୍ଥ କେନାଲ(ଏଚ୍‌ଏଲ୍‌ସି-୩) ପର୍ଯ୍ୟନ୍ତ ୨୯୪ ମିଟର ଡ୍ରେନ୍‌ ନିର୍ମାଣକୁ ୬ ବର୍ଷ ଲାଗିଲାଣି। ତଥାପି ତାହା ସମ୍ପୂର୍ଣ୍ଣ ହୋଇପାରୁନି। ଜୁନ୍‌ ୧୫ ସୁଦ୍ଧା ମୌସୁମୀ ପହଞ୍ଚତ୍ବାର ଦିନ ଧାର୍ଯ୍ୟ ହୋଇସାରିଥିବା ବେଳେ ଚଳିତବର୍ଷ ମଧ୍ୟ ଷ୍ଟାଡିୟମ୍‌ରେ ବର୍ଷାପାଣି ଜମିବା ସୁନିଶ୍ଚିତ ବୋଲି ଏହାର ଦାୟିତ୍ୱ ନେଇଥିବା କ୍ରୀଡ଼ାବିତ୍‌ ଶୁଭେନ୍ଦୁ ରାୟମହାପାତ୍ର ଅଭିଯୋଗ କରିଛନ୍ତି। ବର୍ଷକୁ ପ୍ରାୟ ୫ ମାସ ଷ୍ଟାଡିୟମ୍‌ରେ ପାଣି ରହୁଥିବାରୁ କ୍ରୀଡ଼ାବିତ୍‌ମାନେ କ୍ରୀଡ଼ା ଅଭ୍ୟାସରୁ ବଞ୍ଚିତ ହେଉଛନ୍ତି। ଏହି କାମ ପାଇଁ ଠିକାଦାର ଜଣଙ୍କ ପ୍ରାୟ ୫୦ ଭାଗ ଅର୍ଥ ନେଇସାରିଥିବା ଜଣାପଡ଼ିଛି। ଠିକାଦାର ନିଜ ଇଚ୍ଛାରେ ନିମ୍ନମାନର କାମ କରୁଥିବା ବେଳେ ବିଭାଗୀୟ ଯନ୍ତ୍ରୀ ଓ କନିଷ୍ଠ ଯନ୍ତ୍ରୀ ଏନେଇ ମୁହଁ ଖୋଲୁ ନ ଥିବା ନେଇ ଚର୍ଚ୍ଚା ହେଉଛି।
ଉଲ୍ଲେଖନୀୟ ଯେ, ଏହି ଡ୍ରେନ୍‌ ଡଗମୁଣ୍ଡରୁ ବାହାରି ସର୍କିଟ୍‌ ହାଉସ୍‌, ଏଲ୍‌ଆଇସି ଅଫିସ ଛକ ହୋଇ କଚେରି ଭିତର ଦେଇ ମହିଳା କଲେଜ ପାଥ୍‌ରେ ବାହାରି ସାଳନ୍ଦୀ ନଦୀକୁ ସଂଯୋଗ କରାଯିବ। ଏହାର ଲମ୍ବ ପ୍ରାୟ ୩ କି.ମି. ହେବ ବୋଲି ଆକଳନ କରାଯାଇଛି। ଏଥିପାଇଁ ୫ କୋଟି ୨୦ ଲକ୍ଷ ଟଙ୍କା ଖର୍ଚ୍ଚ କରାଯିବ। ମାତ୍ର ଭଦ୍ରକ ଡ୍ରେନେଜ୍‌ ବିଭାଗ ଠିକାଦାରଙ୍କୁ କାର୍ଯ୍ୟ ଦେଇ ତାହାର ଉପଯୁକ୍ତ ତଦାରଖ କରୁ ନ ଥିବା ଅଭିଯୋଗ ହେଉଛି। ଏହି ଗୋଟିଏ ଡ୍ରେନ୍‌ ନୁହେଁ, ସହରରେ ଯେତେକ ଡ୍ରେନ୍‌ ନିର୍ମାଣ କାମ ଆରମ୍ଭ ହୋଇଛି ତାହା ସମ୍ପୂର୍ଣ୍ଣ ହୋଇନାହିଁ। କେଉଁଠି କଭର ପ୍ଲେଟ୍‌ ପଡ଼ିନାହିଁ ତ ଆଉ କେଉଁଠି ଡ୍ରେନ୍‌ କରାଯାଇ ଅଧାରାସ୍ତାରେ ଛାଡ଼ି ଦିଆଯାଇଛି। ଏ ନେଇ ଭଦ୍ରକ ସହର ବରିଷ୍ଠ ନାଗରିକ ମଞ୍ଚ ୨୦୧୮ରେ ଜିଲାପାଳ, ଆର୍‌ଡିସି, ପୂର୍ତ୍ତ ବିଭାଗ, ପୌରପାଳିକା ଓ ପୋଲିସ ନିକଟରେ ଲିଖିତ ଅଭିଯୋଗ ଦେଇଥିଲେ ମଧ୍ୟ କୌଣସି ସୁଫଳ ମିଳି ନ ଥିବା କୁହାଯାଇଛି। କେବଳ କେତୋଟି ଡ୍ରେନ୍‌ ସଫାକରି କାମ ସାରି ଦିଆଗଲା। ଏହି ବିଭାଗର କେତେକ ଅଧିକାରୀ ଦୀର୍ଘବର୍ଷ ଧରି ଭଦ୍ରକ ସହରରେ କାର୍ଯ୍ୟ କରିଆସୁଥିଲେ ମଧ୍ୟ ସେମାନଙ୍କୁ ଅନ୍ୟତ୍ର ବଦଳି କରାଯାଉନାହିଁ। ଏଭଳି ଦୁର୍ନୀତି ପଛରେ ଏହା ଅନ୍ୟ ଏକ କାରଣ ବୋଲି ପୂର୍ବତନ କାଉନ୍‌ସିଲର ଅଶୋକ ମହାପାତ୍ର ଅଭିଯୋଗ କରିଛନ୍ତି। ଏ ସମ୍ପର୍କରେ ବିଭାଗୀୟ ଯନ୍ତ୍ରୀ ପ୍ରସନ୍ନ କୁମାର ଦାଶଙ୍କୁ ପଚାରିବାରୁ କହିଛନ୍ତି, ଠିକାଦାରଙ୍କୁ ସେହି କାର୍ଯ୍ୟ ପାଇଁ କାର୍ଯ୍ୟାଦେଶ ଦିଆଯାଇଛି। ବର୍ତ୍ତମାନ ସୁଦ୍ଧା ୪୦ ପ୍ରତିଶତ କାମ ସରିଛି। ବାକି କାମ ଖୁବ୍‌ଶୀଘ୍ର ସାରିବାକୁ ଠିକାଦାରଙ୍କୁ ନିର୍ଦ୍ଦେଶ ଦିଆଯାଇଥିବା ସେ କହିଛନ୍ତି।


All Right Reserved By Dharitri.Com

ଜମି ବିବାଦରୁ ହତ୍ୟା: ବଡ଼ଭାଇ ଖଣ୍ଡା ଚୋଟରେ ସାନଭାଇର ଜୀବନ ଗଲା

ସିମୁଳିଆ, ୧୫।୧୦(ଡି.ଏନ.ଏ.)-ଜମିବାଡ଼ି ବିବାଦକୁ କେନ୍ଦ୍ର କରି ମଙ୍ଗଳବାର ବାଲେଶ୍ୱର ଜିଲା ସିମୁଳିଆ ଥାନା ଖଇରା ବ୍ଲକ ବିଷ୍ଣୁପୁର ଗ୍ରାମରେ ଏକ ହତ୍ୟାକାଣ୍ଡ ଘଟିଛି। ବଡ଼ଭାଇ କୈଳାସ...

ନୀଳଗିରି ଉପଖଣ୍ଡ ଚିକିତ୍ସାଳୟର ୫୦ ଶଯ୍ୟା ବିଶିଷ୍ଟ ଗୃହ ନିର୍ମାଣର ଶିଳାନ୍ୟାସ କଲେ କେନ୍ଦ୍ରମନ୍ତ୍ରୀ, ବିଧାୟକ

ସଜନାଗଡ଼,୨୧।୧୦(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ଉପଖଣ୍ଡ ଚିକିତ୍ସାଳୟ ୫୦ ଶଯ୍ୟା ବିଶିଷ୍ଟ ଅର୍ନ୍ତବିଭାଗ ଓ ବର୍ହିବିଭାଗ ଗୃହ ନିର୍ମାଣର ଶୁଭ ଶିଳାନ୍ୟାସ କରିଛନ୍ତି କେନ୍ଦ୍ରମନ୍ତ୍ରୀ ଓ...

ଡିଜେଲ ସରିଯିବାରୁ କାମ କଲାନି ଏସି: ୨ ଘଣ୍ଟା ଅଟକିଲା ଟ୍ରେନ

ବାଲେଶ୍ୱର ଅଫିସ, ୨୨।୮-ବାଲେଶ୍ୱର ରେଳଷ୍ଟେଶନର ୨ ନମ୍ବର ପ୍ଲାଟଫର୍ମରେ ଯଶୋବନ୍ତପୁର-କାମାକ୍ଷା ଏକ୍ସପ୍ରେସ୍‌ ଟ୍ରେନ୍‌ (ନଂ. ୧୨୫୫୨) ରୁ ଡିଜେଲ ସରିଯିବାରୁ ସମସ୍ତ ଏସି କାମ କରି...

ମଦ୍ୟପଙ୍କ ଉନ୍ମତ୍ତ କାଣ୍ଡ : ମେଡିକାଲରେ ପଶି ଭଙ୍ଗାରୁଜା

ହାଟଡିହୀ,୬ା୬(ସ୍ବ.ପ୍ର.): କେନ୍ଦୁଝର ଜିଲା ହାଟଡିହୀ ବ୍ଲକ ଅନ୍ତର୍ଗତ ଜଳକଳଙ୍ଗ ଗ୍ରାମର ସନ୍ନ୍ୟାସୀ ମାଝୀଙ୍କ ପୁଅ ରାଜୁ (୪୦) ଅତ୍ୟଧିକ ମଦ୍ୟପାନ କରି ବୁଧବାର ଅପରାହ୍ନରେ ହାଟଡିହୀ...

ଦ୍ରୁତଗତିରେ ଟ୍ରକ ଚଳାଇବାକୁ ନେଇ ଡ୍ରାଇଭରଙ୍କୁ ମାଡ଼: ଶାନ୍ତି କମିଟି ବୈଠକ ଜାରି

ଢେଙ୍କିକୋଟ, ୩୧ା୫ (ଡି.ଏନ.ଏ.)-କେନ୍ଦୁଝର ଜିଲା ଢେଙ୍କିକୋଟ ଫାଣ୍ଡି ଅନ୍ତର୍ଗତ ସାନ୍ତରାପୁର ଗ୍ରାମରେ ଦ୍ରୁତଗତିରେ ଟ୍ରକ ଚଳାଚଳକୁ ନେଇ ବୁଧବାର ଗୋଷ୍ଠୀ ସଂଘର୍ଷ ଘଟିଛି। ଏଥିରେ ଜଣେ...

‘ବୁଲ୍‌ବୁଲ୍‌’ କ୍ଷତିଗ୍ରସ୍ତଙ୍କୁ ସହାୟତା ଦାବି ତେଜିଲା: ଆର୍‌ଆଇ ଅଫିସ୍‌ ସମ୍ମୁଖରେ ଭାଜପାର ଆନ୍ଦୋଳନ

ରୂପ୍‌ସା, ୧୯।୧୧(ଡି.ଏନ.ଏ.)- ବାଲେଶ୍ୱର ସଦର ବ୍ଲକ ରୂପ୍‌ସା ଆର୍‌ଆଇ ଅଫିସ ସମ୍ମୁଖରେ ଭାଜପା ପକ୍ଷରୁ ମଙ୍ଗଳବାର ଆନ୍ଦୋଳନ କରାଯାଇଛି। କସିପଦା, ରୂପ୍‌ସା, ଆଙ୍କୋ ପଞ୍ଚାୟତରେ ‘ବୁଲ୍‌ବୁଲ୍‌’...

ବସ୍ତା ଡାକ୍ତରଖାନାରେ ପଶିଲା ନର୍ଦ୍ଦମା ପାଣି

ବସ୍ତା, ୨୫।୮(ସ୍ବ.ପ୍ର.)-ବାଲେଶ୍ୱର ଜିଲା ଶନିବାର ରାତିରୁ ବର୍ଷା ଲାଗି ରହିବାରୁ ବସ୍ତା ଡାକ୍ତରଖାନାରେ ରବିବାର ହଠାତ୍‌ ନର୍ଦ୍ଦମା ପାଣି ପଶିଯାଇଥିଲା। ଡାକ୍ତରଖାନା ପାଖ ଡ୍ରେନ୍‌ରେ ଅନାବନ...

ଶହେ ଦିନରେ ଏମ୍‌ସ ସାଟେଲାଇନ୍‌ ଓପିଡ଼ି

ବାଲେଶ୍ୱର ଅଫିସ, ୪।୮-ବାଲେଶ୍ୱର ସେଣ୍ଟ୍ରାଲ ସ୍କୁଲ ଛକ ନିକଟ ଆଇଟିଆର୍‌ କଲୋନୀରେ ଏମ୍‌୍‌ସ ସାଟେଲାଇଟ୍‌ ଓପିଡ଼ି ସେଣ୍ଟରର ଏକ ଶତ ଦିବସ ପୂର୍ତ୍ତି ଉପଲକ୍ଷେ ଏକ...

Leave a comment

Your email address will not be published. Required fields are marked *