ଏମ୍‌ଭି ପଡ଼ିଆ ହତ୍ୟାକାଣ୍ଡର ପର୍ଦ୍ଦାଫାଶ: ୪ ଗିରଫ

କଟକ ଅଫିସ,୧୨ା୮: ବାଦାମବାଡ଼ି ଥାନା ଅନ୍ତର୍ଗତ ଖାନ୍‌ନଗର ଏମ୍‌ଭି ପଡିଆରେ ଗତ ଜୁଲାଇ ୧ରେ ଘଟିଥିବା ଶୁଭ୍ରାଂଶୁ ଶତପଥୀ ହତ୍ୟାକାଣ୍ଡର ରବିବାର ପର୍ଦ୍ଦାଫାଶ କରିଛି ପୋଲିସ। ଏହି ଘଟଣାରେ ପୋଲିସ ୪ ଜଣ ଅଭିଯୁକ୍ତଙ୍କୁ ଗିରଫ କରି ରବିବାର କୋର୍ଟଚାଲାଣ କରିଛି। ସେମାନେ ହେଲେ ଖାନ୍‌ନଗର ଗୁରୁସାହି ଅଞ୍ଚଳର ନିରାକାର ଗୁରୁ(୨୫), ନୟାଗଡ଼ ଜିଲା ପାଟଣା ଅଞ୍ଚଳର ଗଣେଶ ନାୟକ(୨୧), କଟକ ଝାଞ୍ଜିରିମଙ୍ଗଳା ଅଞ୍ଚଳର କିଷାନ ନାୟକ ଓରଫ ବାବୁନା(୨୧) ଓ ଢେଙ୍କାନାଳ ଜିଲା ବଡ଼ଝର ଅଞ୍ଚଳର ଶିବପ୍ରସାଦ ସାହୁ ଓରଫ ଶିବୁ (୨୬)। ମୁଖ୍ୟତଃ ମଦ ଓ ଟଙ୍କାକୁ କେନ୍ଦ୍ରକରି ୪ଜଣ ଅଭିଯୁକ୍ତ ଶୁଭ୍ରାଂଶୁଙ୍କ ମୁଣ୍ଡ ଓ ମୁହଁକୁ ପଥରରେ ଛେଚି ଅତି ନିର୍ମମ ଭାବେ ହତ୍ୟା କରିଥିବା ନେଇ ଡିସିପିଙ୍କ କାର୍ଯ୍ୟାଳୟରେ ରବିବାର ଅନୁଷ୍ଠିତ ଖବରଦାତା ସମ୍ମିଳନୀରେ ଡିସିପି ଅଖିଳେଶ୍ୱର ସିଂ କହିଛନ୍ତି।
ଡିସିପି ସୂଚନା ଅନୁଯାୟୀ, ଶୁଭ୍ରାଂଶୁଙ୍କ ଘର କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ଅଞ୍ଚଳରେ। ସେ ନିଜ ମା’ଙ୍କ ଚିକିତ୍ସା ପାଇଁ ଗତ ଜୁନ୍‌ ୩୦ରେ କଟକ ଆସିଥିଲେ। ମା’ଙ୍କୁ ଡାକ୍ତର ଦେଖାଇ ସାରିବା ପରେ ମୈତ୍ରୀଲେନ୍‌ରେ ରହୁଥିବା ତାଙ୍କ ଭିଣୋଇଙ୍କ ଘରେ ନେଇ ଛାଡ଼ିଥିଲେ। ପରେ ବ୍ୟକ୍ତିଗତ କାର୍ଯ୍ୟରେ ସିଡିଏ ଅଞ୍ଚଳକୁ ଆସିଥିଲେ। ସତୀଚଉରା ପାଖରେ ରାତି ପ୍ରାୟ ୯ଟାରେ ଘରକୁ ଫେରିବା ପାଇଁ ଶୁଭ୍ରାଂଶୁ ଏକ ଅଟୋକୁ ଅଟକାଇଥିଲେ। ଅଟୋରେ ଅଭିଯୁକ୍ତ ତଥା ଅଟୋ ମାଲିକ କିଷାନ ଓ ଡ୍ରାଇଭର ଗଣେଶ ଥିଲେ। ଶୁଭ୍ରାଂଶୁ ବାଦାମବାଡ଼ି ଯିବା ପାଇଁ ସେମାନଙ୍କୁ କହିଥିଲେ। ଅଟୋ ବାଦାମବାଡ଼ିରେ ପହଞ୍ଚତ୍ବା ପରେ ଶୁଭ୍ରାଂଶୁ ଡ୍ରାଇଭରଙ୍କୁ ଅରୁଣୋଦୟ ମାର୍କେଟ ଯିବା ପାଇଁ କହିଥିଲେ। ଅରୁଣୋଦୟ ମାର୍କେଟରେ ପହଞ୍ଚତ୍ବା ପରେ ଅଟୋ ଭଡ଼ା ଦେବା ଲାଗି ତାଙ୍କ ପାଖରେ ଟଙ୍କା ନାହିଁ ବୋଲି ଶୁଭ୍ରାଂଶୁ କହିଥିଲେ। ଏହାକୁ ନେଇ ଶୁଭ୍ରାଂଶୁ ଏବଂ ଅଟୋରେ ଥିବା କିଷାନ ଓ ଗଣେଶଙ୍କ ମଧ୍ୟରେ ବଚସା ହୋଇଥିଲା। ଶୁଭ୍ରାଂଶୁଙ୍କ ମୋବାଇଲ୍‌ ଫୋନ୍‌ ସୁଇଚ ଅଫ ଥିବାରୁ ଟଙ୍କା ଆଣିବା ପାଇଁ ସେ ଗଣେଶଙ୍କୁ ମୋବାଇଲ ଫୋନ୍‌ ମାଗିଥିଲେ। ପରେ ଉକ୍ତ ମୋବାଇଲରୁ ଭିଣୋଇଙ୍କ ପାଖରେ ରହୁଥିବା ବଡଭାଇ ଭାସ୍କର ଚନ୍ଦ୍ର ଶତପଥୀଙ୍କୁ ଫୋନ୍‌ କରି ମା’ଙ୍କ ଔଷଧ ବାବଦକୁ ୫ହଜାର ଟଙ୍କା ମାଗିଥିଲେ। ଭାସ୍କର କିଛି ସମୟ ମଧ୍ୟରେ ତାଙ୍କୁ ୫ହଜାର ଟଙ୍କା ଆଣି ଦେଇଥିଲେ। ପରେ ଶୁଭ୍ରାଂଶୁ ଅଟୋରେ ଥିବା କିଷାନ ଓ ଗଣେଶଙ୍କୁ ଅଟୋ ଭଡ଼ା ବାବଦ ଟଙ୍କା ନ ଦେଇ ସେମାନଙ୍କୁ ମଦ ପିଇବାକୁ ଡାକିଥିଲେ। ସେମାନେ ଦୋକାନରୁ ମଦ ଓ ମାଂସ କିଣିଥିଲେ। ଏହାପରେ ମୁଢିଭାଟି ଗଳି ନିକଟରେ ଅଟୋରେ ବସି ସେମାନେ ମଦ ପିଇଥିଲେ। ନିଶାସକ୍ତ ଅବସ୍ଥାରେ ଶୁଭ୍ରାଂଶୁଙ୍କ ସହିତ କୌଣସି କାରଣକୁ ନେଇ କିଷାନ ଓ ଗଣେଶଙ୍କ ଯୁକ୍ତିତର୍କ ହୋଇଥିଲା। ଅଟୋରୁ ଓହ୍ଲାଇ ଯିବାକୁ ଶୁଭ୍ରାଂଶୁଙ୍କୁ ଉଭୟ କହିଥିଲେ। ହେଲେ ଶୁଭ୍ରାଂଶୁ ଅଟୋରୁ ଓହ୍ଲାଇବେ ନାହିଁ ବୋଲି ଜିଦ୍‌ ଧରିଥିଲେ। ପରେ ଘଟଣା ଉଗ୍ରରୂପ ନେଇଥିଲା। କିଷାନ ଓ ଗଣେଶ ଫୋନ୍‌ରେ ନିଜ ସାଙ୍ଗ ନିରାକାର ଓ ଶିବଙ୍କୁ ଡାକିଥିଲେ। ଫଳରେ ସେମାନେ ସେଠାରେ ପହଞ୍ଚିଥିଲେ। ପରେ ୪ ଜଣ ମିଶି ଶୁଭ୍ରାଂଶୁଙ୍କୁ ନିକଟସ୍ଥ ଏମ୍‌ଭି ପଡ଼ିଆକୁ ନେଇଯାଇଥିଲେ। ସେଠାରେ ତାଙ୍କ ମୁହଁ ଓ ମୁଣ୍ଡକୁ ପଥରରେ ଛେଚି ଦେଇଥିଲେ। ଶୁଭ୍ରାଂଶୁ ସେଠାରେ ଟଳି ପଡ଼ିବା ପରେ ସେମାନେ ତାଙ୍କ ପକେଟରୁ ଟଙ୍କା ଲୁଟି ନେବା ସହ ମୋବାଇଲ ଫୋନକୁ ପାଖରେ ଥିବା ନାଳକୁ ଫିଙ୍ଗି ଦେଇଥିଲେ। ଶୁଭ୍ରାଂଶୁ ଅଚେତ ହୋଇ ପଡ଼ିଯିବା ଦେଖି ଅଭିଯୁକ୍ତମାନେ ଫେରାର ହୋଇଯାଇଥିଲେ। ଜୁଲାଇ ୧ ତାରିଖ ସକାଳେ ଶୁଭ୍ରାଂଶୁଙ୍କ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଥିଲେ। ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ଏସ୍‌ସିବି ମେଡିକାଲ ପଠାଇବା ସହ ଦଫା ୩୦୨ ଅନୁଯାୟୀ ଏକ ମାମଲା(ନଂ.୧୪୧/୧୯) ରୁଜୁ କରିଥିଲା। ତଦନ୍ତ ବେଳେ ପୋଲିସ ଏମ୍‌ଭି ପଡ଼ିଆ ନିକଟରୁ କୌଣସି ସୁରାକ ପାଇ ନ ଥିଲା। ହେଲେ ପଡ଼ିଆ ନିକଟରେ ଜଣେ ଦୋକାନୀ ୪ଜଣ ଯୁବକଙ୍କ ସମ୍ପର୍କରେ ସମ୍ୟକ ସୂଚନା ଦେଇଥିଲେ। ଏହି ସୂଚନାକୁ ଆଧାର କରି ପୋଲିସ ତଦନ୍ତ ଜାରି ରଖିଥିଲା। ଉକ୍ତ ଘଟଣାରେ ଶିବୁଙ୍କ ସମ୍ପୃକ୍ତି ଥିବା ପୋଲିସ ଜାଣିବାକୁ ପାଇଥିଲା। ବସ୍‌ କଣ୍ଡକ୍ଟର ଭାବେ କାର୍ଯ୍ୟ କରୁଥିବା ଶିବୁଙ୍କୁ ପୋଲିସ ବଲାଙ୍ଗୀରରୁ ଉଠାଇ ଆଣି ପଚରାଉଚରା କରିଥିଲା। ସେ ଏହି ଘଟଣାରେ ସମ୍ପୃକ୍ତ ଥିବା ପୋଲିସ ନିକଟରେ ସ୍ବୀକାର କରିବା ସହ ଅନ୍ୟ ଅଭିଯୁକ୍ତମାନଙ୍କ ନାମ କହିଥିଲେ। ପରେ ପୋଲିସ ଅନ୍ୟ ଅଭିଯୁକ୍ତମାନଙ୍କୁ କଟକର ବିଭିନ୍ନ ସ୍ଥାନରୁ ଗିରଫ କରିଥିଲା।


All Right Reserved By Dharitri.Com

ବସ୍‌ଷ୍ଟାଣ୍ଡରେ ମିଳିବ ଶପିଂ ମଲ୍‌, ମଲ୍ଟିପ୍ଲେକ୍ସ ସୁବିଧା

ଭୁବନେଶ୍ୱର, ୫ା୨(ବ୍ୟୁରୋ):  ରାଜ୍ୟର ସମସ୍ତ ବସ୍‌ଷ୍ଟାଣ୍ଡଗୁଡ଼ିକର ଉନ୍ନତୀକରଣ ହେବ। ସେଠାରେ ଶପିଂ ମଲ୍‌ କରାଯିବାକୁ ଯୋଜନା ଥିବାବେଳେ ଆବଶ୍ୟକସ୍ଥଳେ ବଡ଼ ବସ୍‌ଷ୍ଟାଣ୍ଟଗୁଡ଼ିକରେ ମଲ୍ଟିପ୍ଲେକ୍ସର ବ୍ୟବସ୍ଥା ମଧ୍ୟ...

ଜେ.କେ. ମହାନ୍ତି ହେଲେ ଏଚ୍‌ଏଆଇର ଅବୈତନିକ ସଚିବ

ଭୁବନେଶ୍ୱର,୨୫ା୧(ବ୍ୟୁରୋ): ହୋଟେଲ ଆସୋସିଏଶନ ଅଫ୍‌ ଇଣ୍ଡିଆ(ଏଚ୍‌ଏଆଇ)ର ୨୩ତମ ବାର୍ଷିକ ସାଧାରଣ ପରିଷଦ ବୈଠକ ଗତ ୨୦ ତାରିଖରେ ନୂଆଦିଲ୍ଲୀରେ ଅନୁଷ୍ଠିତ ହୋଇଥିବା ବେଳେ ଆସୋସିଏଶନ୍‌ର ନୂତନ ପରିଚାଳନା...

ନବ ନିର୍ବାଚିତ ବିଧାୟକଙ୍କୁ ନବୀନଙ୍କ ପରାମର୍ଶ: ଗର୍ବ, ଅହଂକାରଠାରୁ ଦୂରେଇ ରୁହ; ଦାମୀ ଗାଡ଼ି ଚଢ଼ନା

ଭୁବନେଶ୍ୱର,୩।୭(ବ୍ୟୁରୋ): ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ ବୁଧବାର ନବ ନିର୍ବାଚିତ ବିଜେଡି ବିଧାୟକମାନଙ୍କର ଏକ ବୈଠକ କରିଛନ୍ତି। ଏହି ବୈଠକରେ ବିଧାୟକମାନଙ୍କୁ ସରଳ...

ଜେଲରେ ଦୁରବସ୍ଥା ମାନସିକ ରୋଗୀଙ୍କ ସମସ୍ୟା ବଢାଉଛି ଓଏଚ୍‌ଆର୍‌ସିଙ୍କ ନିକଟରେ ଅଭିଯୋଗ

ଭୁବନେଶ୍ୱର, ୭।୧୧(ବ୍ୟୁରୋ): ଓଡିଶାର ଜେଲଗୁଡ଼ିକରେ ରହୁଥିବା କଏଦୀଙ୍କ ମଧ୍ୟରୁ ଶତକଡା ୫ ଭାଗ ମାନସିକ ରୋଗର ଶିକାର ହେଉଛନ୍ତି। ଏନ୍‌ସିଆର୍‌ବି (ଜାତୀୟ ଅପରାଧ ରେକର୍ଡ ବ୍ୟୁରୋ)...

ରାଜପଥ ମନ୍ତ୍ରଣାଳୟ ‘ସଡ଼କ ଦୁର୍ଘଟଣା-୨୦୧୮’ ରିପୋର୍ଟ ପ୍ରକାଶିତ: ୨.୩୭ ପ୍ରତିଶତ ମୃତ୍ୟୁ ହାର ବଢ଼ିଛି

ଭୁବନେଶ୍ୱର, ୨୧।୧୧(ବ୍ୟୁରୋ): ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ପକ୍ଷରୁ ମଙ୍ଗଳବାର ‘ଭାରତରେ ସଡ଼କ ଦୁର୍ଘଟଣା-୨୦୧୮’ ରିପୋର୍ଟ ଜାରି କରାଯାଇଛି। ଏହା ହେଉଛି ମନ୍ତ୍ରଣାଳୟ ଅଧୀନ...

ରାସ୍ତାରେ ଅସଦାଚରଣ କରି ଛେଚା ଖାଇଲେ କନ୍‌ଷ୍ଟେବଳ

ଭୁବନେଶ୍ୱର, ୧୬ା୨(ବ୍ୟୁରୋ): ରାଜଧାନୀରେ ଖାକି ବାବୁଙ୍କୁ ପ୍ରେମ ରୋଗ ଛାଡୁନି। ମାସକ ଭିତରେ ୩ ପୋଲିସ କର୍ମଚାରୀ ପ୍ରେମ ଓ ବଳାତ୍କାର ମାମଲାରେ ଗିରଫ ହୋଇଥିବାବେଳେ...

ମାଟ୍ରିକ୍‌ ପରୀକ୍ଷା ଆରମ୍ଭ: ୫ ଲକ୍ଷ ୬୦ ହଜାର ୯୦୫ ଛାତ୍ରୀଛାତ୍ର ଦେଉଛନ୍ତି ପରୀକ୍ଷା

ଭୁବନେଶ୍ୱର,୧୯।୨(ବ୍ୟୁରୋ): ଚଳିତବର୍ଷ ମାଟ୍ରିକ ପରୀକ୍ଷା ବୁଧବାରଠାରୁ ଆରମ୍ଭ ହୋଇଛି। ପ୍ରଥମ ଦିନରେ ମାତୃଭାଷା ପରୀକ୍ଷା ଦେଉଛନ୍ତି ଛାତ୍ରଛାତ୍ରୀ। ସକାଳୁ ନୋଡାଲ ସେଣ୍ଟରରୁ ପରୀକ୍ଷା କେନ୍ଦ୍ର ଗୁଡ଼ିକୁ...

ଅଗଷ୍ଟ ୩କୁ ଘୁଞ୍ଚିଲା ମହାନଦୀ ଶୁଣାଣି

ଭୁବନେଶ୍ୱର,୧୩।୭(ବ୍ୟୁରୋ): ଟ୍ରିବ୍ୟୁନାଲରେ ମହାନଦୀ ଜଳ ବିବାଦ ମାମଲାର ଶୁଣାଣି ଶନିବାର ହୋଇଛି। ଓଡ଼ିଶା ପକ୍ଷରୁ ହୋଇଥିବା ମଧ୍ୟବର୍ତ୍ତିକାଳୀନ ଆବେଦନ ଉପରେ ଏହି ଶୁଣାଣି ହୋଇଛି। ପରବର୍ତ୍ତୀ...

Leave a comment

Your email address will not be published. Required fields are marked *