ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ: ଅପ୍‌ଡେଟ ହେଉନି ନିରାମୟ ସୂଚନା

ଅନୁଗୋଳ ଅଫିସ, ୧୨।୮: ବିଭିନ୍ନ ସମୟରେ ଅନେକ କାରଣକୁ ନେଇ ବିବାଦରେ ରହୁଥିବା ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ ଏବେ ଅବ୍ୟବସ୍ଥା ଓ ଅବହେଳାକୁ ନେଇ ଚର୍ଚ୍ଚାରେ। ଉନ୍ନତମାନର ସେବା ପ୍ରଦାନ, ଭିତ୍ତିଭୂମି ସମସ୍ୟାକୁ ନେଇ ଅଭିଯୋଗର ତାଲିକା ଲମ୍ବା ହୋଇ ଚାଲିଥିବାବେଳେ ରୋଗୀଙ୍କୁ ଔଷଧ ପ୍ରଦାନରେ ମେଡିକାଲ କର୍ତ୍ତୃପକ୍ଷ କୌଣସି ଦୃଷ୍ଟି ଦେଉ ନ ଥିବା ପ୍ରକାଶ କରିଛନ୍ତି ରୋଗୀ ଓ ସେମାନଙ୍କ ସମ୍ପର୍କୀୟ। ଡାକ୍ତରଖାନାର ନିରାମୟ କେନ୍ଦ୍ରରେ ଅଧିକାଂଶ ଔଷଧ ମିଳୁ ନ ଥିବା ଏବଂ ନିରାମୟ ସୂଚନା ଫଳକ ବର୍ଷେ ହେଲା ଅପଡେଟ ହୋଇ ନ ଥିବା ଅଭିଯୋଗ ଆସିଛି।
ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଚାଲିଥିବା ନିରାମୟ ଯୋଜନାରେ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ ଅନ୍ତର୍ଭୁକ୍ତ ହୋଇଛି। ହେଲେ ଏଠାକୁ ଜିଲା ଓ ଜିଲା ବାହାରୁ ଆସୁଥିବା ଶହ ଶହ ରୋଗୀଙ୍କୁ ଅଧିକାଂଶ ଔଷଧ ମିଳୁ ନ ଥିବା ଅଭିଯୋଗ ହେଉଛି। ଏପରି କି କେଉଁ ଔଷଧ ନିରାମୟରେ ଉପଲବ୍ଧ ଅଛି ତାହା ମଧ୍ୟ ସୂଚିତ କରାଯାଉନାହିଁ। ଚିକିତ୍ସାଳୟରେ ୧୪ଟି ବିଭାଗରେ ୧୭୯ ପ୍ରକାର ଔଷଧ ମିଳିବା କଥା। ବିଭିନ୍ନ ରୋଗର ଔଷଧକୁ ୧୪ଟି ଭାଗରେ ବିଭକ୍ତ କରାଯାଇଛି। ଭାଗ ‘ଏ’ ୨୧ ପ୍ରକାର ଆଣ୍ଟିବାୟୋଟିକ୍‌, ବି’ ରେ ୪୨ ପ୍ରକାର ଆନାଲଜେସିକ, ସି’ ରେ ୬ ପ୍ରକାର ଆଣ୍ଟି ମ୍ୟାଲେରିଆ, ଡି’ରେ ୨ ପ୍ରକାର କୃମି ଔଷଧ ଥିବା ତାଲିକାରେ ଦର୍ଶାଯାଇଛି। ସେହିପରି ଇ’ରେ ୭ ପ୍ରକାର ଥଣ୍ଡାକାଶ ଔଷଧ, ଏଫ୍‌’ରେ ୬ ପ୍ରକାର ଚର୍ମ, ଜି’ରେ ୭ ପ୍ରକାର ପେଟରୋଗ ସମ୍ପର୍କିତ, ଏଚ’ରେ ୩ ପ୍ରକାର ଝାଡ଼ା, ଆଇ’ରେ ୯ ପ୍ରକାର ଭିଟାମିନ୍‌ ମିନେରାଲ, ଜେ’ରେ ୭ ପ୍ରକାର ସ୍ନାୟୁ, କେ’ରେ ୫ ପ୍ରକାର ସର୍ଜିକାଲ ଔଷଧର ନାମ ତାଲିକାରେ ରହିଛି। ଏଲ୍‌’ରେ ୮ ପ୍ରକାର ଶ୍ୱାସ, ଏମ୍‌ରେ ୫ ପ୍ରକାର ପେଟ ବଥା, ଏନ୍‌’ରେ ୫ ପ୍ରକାର ଆଣ୍ଟି ଡାଇବେଟିକ୍‌, ଓ ରେ ୪ ପ୍ରକାର କୁଷ୍ଠ ରୋଗୀଙ୍କ ପାଇଁ ଔଷଧ ରହିଛି। ସେହିପରି ପିରେ ୬ ପ୍ରକାର ଆଖି, କ୍ୟୁରେ ୩ ପ୍ରକାର ରକ୍ତ ଶୂନ୍ୟତା ଓ ଆର୍‌ରେ ୩୩ ପ୍ରକାର ଅନ୍ୟାନ୍ୟ ଔଷଧ ରୋଗୀଙ୍କ ପାଇଁ ମେଡ଼ିକାଲରେ ଉପଲବ୍ଧ ହେବା କଥା। କିନ୍ତୁ ସେଥି ମଧ୍ୟରୁ ବହୁ ଔଷଧ ମିଳୁ ନ ଥିବା ରୋଗୀ ସମ୍ପର୍କୀୟ ପ୍ରକାଶ କରିଛନ୍ତି। ଅନ୍ୟପକ୍ଷରେ ୨୦୧୮ ସେପ୍ଟେମ୍ବର ୧୨ରେ ଶେଷ ଥର ପାଇଁ ମେଡିକାଲରେ କେଉଁ ଔଷଧ ମିଳୁଛି ତାହା ଅବଗତ କରାଯାଇଥିଲା। ହେଲେ ଏହା ପରେ ଆଉ ଏହି ଔଷଧ ଚିଠା ମେଡିକାଲ କର୍ତ୍ତୃପକ୍ଷ ପରିବର୍ତ୍ତନ ନ କରି କେବଳ ବ୍ୟାନର ମାରି କାମ ସାରିଦେଇଛନ୍ତି। ରୋଗୀ କଲ୍ୟାଣ ସମତି ପକ୍ଷରୁ ଜିଲା ମୁଖ୍ୟ ଚିକିତ୍ସାଳୟକୁ ପ୍ରଦାନ କରାଯାଇଥିବା ଔଷଧ ତାଲିକାରେ ହାତଗଣତି କେତେକ ଔଷଧକୁ ଛାଡ଼ିଦେଲେ ଅନ୍ୟ ଔଷଧ ସବୁ ଉପଲବ୍ଧ ବୋଲି ଦର୍ଶାଯାଇଛି। କିନ୍ତୁ ବାସ୍ତବ ଚିତ୍ର ସମ୍ପୂର୍ଣ୍ଣ ଅଲଗା। ମେଡ଼ିକାଲରେ ଥିବା ନିରାମୟ କେନ୍ଦ୍ରରେ କିଛି ହାତଗଣତି ଔଷଧ ମିଳୁଛି। ଫଳରେ ରୋଗୀମାନେ ବାହାରୁ ଔଷଧ କିଣିବାକୁ ବାଧ୍ୟ ହେଉଛନ୍ତି। ସୂଚନାଥାଉ କି, ୨୦୧୫ ମେ ୧ରେ ଜିଲା ଡାକ୍ତରଖାନାରେ ତତ୍‌କାଳୀନ ମନ୍ତ୍ରୀ ଡା. ଦାମୋଦର ରାଉତ ଔଷଧ ବିତରଣ କେନ୍ଦ୍ର ଉଦ୍‌ଘାଟନ କରିଥିଲେ। କେଉଁ ଔଷଧ ଜିଲା ମୁଖ୍ୟ ଚିକିତ୍ସାଳୟରେ ଉପଲବ୍ଧ ରହିଛି ତାହା ସର୍ବସାଧାରଣଙ୍କୁ ସୂଚିତ କରାଯିବା ପାଇଁ ସେହି ସମୟରେ ସେଠାରେ ଏକ ତାଲିକା ଲଗାଯାଇଥିଲା। ଉପଲବ୍ଧ ଥିବା ଔଷଧ ପାର୍ଶ୍ୱରେ ଠିକ୍‌ ଚିହ୍ନ ମରାଯିବ ବୋଲି ସ୍ଥିର ହୋଇଥିଲା। ଏହା ମଧ୍ୟରେ ନିରାମୟ କେନ୍ଦ୍ର ଅନ୍ୟତ୍ର ଉଠିଯାଇଛି। କିନ୍ତୁ ନୂଆସ୍ଥାନରେ ଔଷଧ ସମ୍ପର୍କରେ କୌଣସି ତାଲିକା ମରାଯାଇ ନାହିଁ।
ଏ ନେଇ ମେଡିକାଲ ମ୍ୟାନେଜରଙ୍କ ସହ ଯୋଗାଯୋଗ କରାଯାଇଥିଲେ ମଧ୍ୟ ଫୋନ ନ ଲାଗିବାରୁ ମତାମତ ମିଳିପାରିନାହିଁ। ଏ ସମ୍ପର୍କରେ ମେଡିକାଲର ଜଣେ ଉଚ୍ଚପଦସ୍ଥ ଅଧିକାରୀ କହିଛନ୍ତି, ମଙ୍ଗଳବାର ଘଟଣା ସମ୍ପର୍କରେ ଅନୁଧ୍ୟାନ କରାଯିବ। କାହିଁକି ମେଡିକାଲରେ ନିରାମୟ ସୂଚନା ଫଳକକୁ ଅପ୍‌ଟେଡ କରାଯାଇନାହିଁ ସେ ସମ୍ପର୍କରେ ପଚାରିବୁଝିବେ ବୋଲି ଅଧିକାରୀ ଜଣକ ପ୍ରକାଶ କରିଛନ୍ତି।


All Right Reserved By Dharitri.Com

୪ ମାଓବାଦୀଙ୍କ ଆତ୍ମସମର୍ପଣ

ମାଲକାନଗିରି,୧୯ା୬ (ଡି.ଏନ୍‌.ଏ.): ମାଲକାନଗିରି ଜିଲା ସୀମାନ୍ତ ଛତିଶଗଡ ପୋଲିସଙ୍କ ନିକଟରେ ବୁଧବାର ୪ଜଣ ମାଓବାଦୀ ବନ୍ଧୁକ ସହ ଆତ୍ମ ସମର୍ପଣ କରିଛନ୍ତି। ସେମାନେ ହେଲେ ଧର୍ମଗଡ...

ପଲିଥିନ ଯାଞ୍ଚ ସମୟରେ ଉତ୍ତେଜନା

ଅନୁଗୋଳ ଅଫିସ, ୬।୮ ପୌରପାଳିକା ପକ୍ଷରୁ ସୋମବାର ଅପରାହ୍ନରେ ସହରର ବ୍ଲକ ଛକରେ ଥିବା ବିଭିନ୍ନ ଫଳ ଦୋକାନରେ ପଲିଥିନ ଚଢ଼ାଉ କରାଯାଇଥିଲା। ଏହି ସମୟରେ...

ପୁରୀ ଜିଲାର ୧୦୦୮ କୁକୁଡ଼ାଙ୍କ ରକ୍ତ ନମୁନା ସଂଗ୍ରହ

ପୁରୀ ଅଫିସ, ୩୦ା୧: ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ପୁରୀ ଜିଲାର ବିଭିନ୍ନ ସ୍ଥାନରୁ ବାର୍ଡଫ୍ଲୁ ଆଶଙ୍କା କରି ୧୦୦୮ କୁକୁଡ଼ାଙ୍କ ରକ୍ତ ନମୁନା ସଂଗ୍ରହ...

ବଗଲା ଧର୍ମଶାଳା ଜମି ଆବଣ୍ଟନକୁ ନେଇ କେଁ

ପୁରୀ ଅଫିସ, ୨୯ା୧୧: ଶ୍ରୀମନ୍ଦିର ସୁରକ୍ଷା ଜୋନ ଯୋଗୁ ଜମି ହରାଇଥିବା ନିଯୋଗ, ଭବନ ଏବଂ ଲଜ୍‌ ମାଲିକଙ୍କୁ ବଡ଼ଦାଣ୍ଡସ୍ଥିତ ବଗଲା ଧର୍ମଶାଳା ଜମିରେ ଥଇଥାନ...

ଦୁଇ ଛାତ୍ରଙ୍କ ଦୁଃସାହସ, ବୁଡ଼ିଯାଉଥିବା ଛାତ୍ରଙ୍କୁ ବଞ୍ଚାଇଲେ

କୋରେଇ,୩ା୯(ସ୍ବ.ପ୍ର.)- କୋରେଇ ବ୍ଲକ ଅନ୍ତର୍ଗତ ସାଦକପୁର ପ୍ରାଥମିକ ବିଦ୍ୟାଳୟର ଜଣେ ଛାତ୍ର ସୋମବାର ପୋଖରୀରେ ବୁଡିଯାଉଥିବା ବେଳେ କୋରାଇ ନୋଡାଲ ହାଇସ୍କୁଲର ଦୁଇ ଛାତ୍ର ତାଙ୍କୁ...

ପ୍ୟାକ୍ସ ସମ୍ପାଦକଙ୍କ ଘରେ ଭିଜିଲାନ୍ସ ଚଢ଼ାଉ

ବରଗଡ଼ ଅଫିସ/ପଦ୍ମପୁର,୨୬।୭: ବରଗଡ଼ ଜିଲା ପଦ୍ମପୁର ଉପଖଣ୍ଡ ବୁଡେନ ପ୍ରାଥମିକ କୃଷି ସମବାୟ ସମିତି (ପ୍ୟାକ୍ସ) ସମ୍ପାଦକ ଖଗେଶ୍ବର ବେହେରାଙ୍କ ଘରେ ଆୟ ବହିର୍ଭୂତ ସମ୍ପତ୍ତି...

ଯୁବକଙ୍କୁ ହତ୍ୟା ଅଭିଯୋଗ

ଫିରିଙ୍ଗିଆ,୩୧ା୧୦-କନ୍ଧମାଳ ଜିଲା ଫିରିଙ୍ଗିଆ ଥାନା ଅନ୍ତର୍ଗତ କେଳାପଡ଼ା ପଞ୍ଚାୟତ ଗେରୁପଡ଼ାର ଏକ ଦୋକାନ ବାରଣ୍ଡାରୁ ଜଣେ ଯୁବକଙ୍କ କ୍ଷତାକ୍ତ ମୃତଦେହକୁ ପୋଲିସ ବୁଧବାର ସକାଳେ ଜବତ...

ଅଣବ୍ୟାଙ୍କିଙ୍ଗ ସଂସ୍ଥାରୁ ଟଙ୍କା ହେରଫେର ଅଭିଯୋଗ

ବାଲେଶ୍ୱର ଅଫିସ,୨୬।୭-ବାଲେଶ୍ୱର ସଦର ଥାନା କୁରୁଡ଼ା ସ୍ବାତୀନଗରରେ ସାଟିନ କ୍ରେଡିଟ୍‌ କେୟାର ନେଟ୍‌ୱାର୍କ ଲିମିଟେଡ୍‌, ହରିୟାନା ରାଜ୍ୟର ଅଣବ୍ୟାଙ୍କିଙ୍ଗ୍‌ ସଂସ୍ଥା ଦେଢ଼ବର୍ଷ ଧରି କାର୍ଯ୍ୟ କରିଆସୁଛି।...

Leave a comment

Your email address will not be published. Required fields are marked *