ସିଆଇଆଇ ଶାଖା ଗଠନ ପ୍ରକ୍ରିୟା ଆରମ୍ଭ: ଯୋଗଦେଲେ ୧୮ ଶିଳ୍ପସଂସ୍ଥାର ଅଧିକାରୀ

ଢେଙ୍କାନାଳ ଅଫିସ, ୧୧।୮ – ଢେଙ୍କାନାଳ-ଅନୁଗୋଳ-ତାଳଚେର ଶିଳ୍ପାଞ୍ଚଳର ବିକାଶ ପାଇଁ ଭାରତୀୟ ଶିଳ୍ପ ମହାସଂଘ (ସିଆଇଆଇ) ଆଞ୍ଚଳିକ ଶାଖା ଗଠନ ଲାଗି ଟାଟାଷ୍ଟିଲ ବିଏସ୍‌ଏଲ୍‌ ନେତୃତ୍ୱରେ ପ୍ରୟାସ ଆରମ୍ଭ ହୋଇଛି। ଏଥିପାଇଁ ସହମତି ଜଣାଇଛନ୍ତି ରାଷ୍ଟ୍ରାୟାତ୍ତ ଉଦ୍ୟୋଗ ନାଲ୍‌କୋ, ଏନ୍‌ଟିପିସି ସମେତ ଜେଏସ୍‌ପିଏଲ୍‌, ଜିଏମ୍‌ଆର ପାୱାର, ନବଭାରତ ଭେଞ୍ଚର ଭଳି ୧୮ ଶିଳ୍ପସଂସ୍ଥା। ଏ ନେଇ ଓଡ଼ାପଡ଼ା ବ୍ଲକ ନରେନ୍ଦ୍ରପୁରସ୍ଥିତ ଟାଟାଷ୍ଟିଲ ବିଏସ୍‌ଏଲ୍‌ ପ୍ଲାଣ୍ଟ ପରିସରରେ ସିଆଇଆଇ ପକ୍ଷରୁ ସଭ୍ୟ ଗ୍ରହଣ ଲାଗି ରୋଡ୍‌ ଶୋ’ ଅନୁଷ୍ଠିତ ହୋଇଯାଇଛି। ଏଥିରେ ୨୭ଜଣ ବରିଷ୍ଠ ଅଧିକାରୀ ଯୋଗଦେଇଥିଲେ। ଶିଳ୍ପାୟନ ଅଭିବୃଦ୍ଧି, କ୍ଷତିଗ୍ରସ୍ତଙ୍କ ସମସ୍ୟା ସମାଧାନ ଏବଂ କମ୍ପାନୀ ପାରିପାର୍ଶ୍ୱିକ ଅଞ୍ଚଳର ବିକାଶମୂଳକ କାର୍ଯ୍ୟ ତ୍ୱରାନ୍ବିତ କରିବା ଦିଗରେ ସିଆଇଆଇ ଶାଖା କାର୍ଯ୍ୟ କରିବ ବୋଲି ସେମାନେ କହିଛନ୍ତି।
ସିଆଇଆଇ ରାଜ୍ୟ ପରିଷଦ ଉପାଧ୍ୟକ୍ଷ ତଥା ଏସ୍‌ଏଏନ୍‌ଏମ୍‌ ଗ୍ରୁପ୍‌ ଅଧ୍ୟକ୍ଷ ଡ. ପ୍ରଦୀପ୍ତ ମହାନ୍ତି ଯୋଗଦେଇ ମହାସଂଘର ରୂପରେଖ, କାର୍ଯ୍ୟକାରିତା, ସଦସ୍ୟଙ୍କ ପାଇଁ ବିଭିନ୍ନ ସୁବିଧା ସମ୍ପର୍କରେ ମତ ରଖିଥିଲେ। ଏଥିସହ ମହାସଂଘର ସଦସ୍ୟତା ଗ୍ରହଣ କରିବାକୁ ସେ ପରାମର୍ଶ ଦେଇଛନ୍ତି। ଟାଟାଷ୍ଟିଲ ବିଏସ୍‌ଏଲ୍‌ର ଚିଫ୍‌ ଅପରେଟିଂ ଅଫିସର ସୁବୋଧ ପାଣ୍ଡେ କହିଲେ, ୨ ଜିଲାର ଶିଳ୍ପର ବିକାଶ ପାଇଁ କମ୍ପାନୀର ପ୍ରତିନିଧିମାନେ ଏକଜୁଟ ହୋଇ କାମ କରିବା ଜରୁରୀ। ଏହାଦ୍ୱାରା ସାମାଜିକ କାର୍ଯ୍ୟକ୍ରମ ତ୍ୱରାନ୍ବିତ ହୋଇପାରିବ। ଏଥିରେ ଜିଲାବାସୀ ଉପକୃତ ହେବେ। ନାଲ୍‌କୋ ଇଡି ଏମ୍‌.ପି. ମିଶ୍ର, ଏନ୍‌ଟିପିସିର ଇଡି ଭି. ରମେଶ ବାବୁ, ସିନର୍ଜି ଇଞ୍ଜିନିୟରିଂ କଲେଜ ଚେୟାରମ୍ୟାନ୍‌ ବିନୋଦ ଦାଶ ପ୍ରମୁଖ ଶିଳ୍ପ ମହାସଂଘ ଆଞ୍ଚଳିକ ଶାଖା ଗଠନ ପ୍ରକ୍ରିୟାକୁ ସ୍ବାଗତ କରିଛନ୍ତି। ଏହାଦ୍ୱାରା ଶିଳ୍ପାନୁଷ୍ଠାନ ପ୍ରତିନିଧି ବିଭିନ୍ନ ପ୍ରସଙ୍ଗ ଉପରେ ମତ ବିନିମୟ କରିବା ଲାଗି ବାଟ ଫିଟିବ ବୋଲି ସେମାନେ ମତବ୍ୟକ୍ତ କରିଛନ୍ତି। ଖୁବ୍‌ ଶୀଘ୍ର ଏହା କାର୍ଯ୍ୟ କରିବା ନେଇ ଆଶା ବ୍ୟକ୍ତ କରିଛନ୍ତି ସିଆଇଆଇ ଶାଖା ନିର୍ଦ୍ଦେଶିକା ସୁପର୍ଣ୍ଣା ନନ୍ଦ ସଭ୍ୟ। ଟାଟାଷ୍ଟିଲ ବିଏସ୍‌ଏଲର କର୍ପୋରେଟ୍‌ ସେବା ବିଭାଗ ମୁଖ୍ୟ ମଣିକାନ୍ତ ନାୟକ ସ୍ବାଗତ ଭାଷଣ ଦେଇଥିଲେ।
କାର୍ଯ୍ୟକ୍ରମରେ ଜେଏସ୍‌ପିଏଲ୍‌ ଉପସଭାପତି ଏସ୍‌.କେ. ଶର୍ମା, କମଳାଙ୍ଗ ଜିଏମ୍‌ଆରର ଶାନ୍ତନୁ ଶ୍ରୀବାସ୍ତବ, ଏମ୍‌ଜେଏମ୍‌ ମିନେରାଲ୍ସ ଇଡି ଜେ.ପି. ଶର୍ମା, ନାଲ୍‌କୋ ଜିଏମ୍‌ (ଏଚ୍‌ ଆଣ୍ଡ୍‌ ଏ) ଏସ୍‌.ଏନ୍‌. ସାହୁ, ଏନ୍‌ଟିପିସି-ପିଏଚ୍‌ଟିପିଏସ୍‌ ଏଜିଏମ୍‌ (ଏଚ୍‌ଆର) କେ.ସି. ଶର୍ମା, ନବଭାରତ ଉପସଭାପତି ୱାଇ. ପଟ୍ଟନାୟକ, ଟାଟାଷ୍ଟିଲ ବିଏସ୍‌ଏଲ୍‌ ଇଡି ଏ.କେ. ସାକ୍ସେନା, ଉତ୍କଳ ଆଜବେଷ୍ଟସର ବରିଷ୍ଠ ପ୍ରବନ୍ଧକ ଏସ୍‌.କେ. ନାୟକ, ଆଦର୍ଶ କଲେଜ ଅଫ୍‌ ଇଞ୍ଜିନିୟରିଂ ନିର୍ଦ୍ଦେଶକ ଡ. ଜି.ସି. ଧଳ, ଜିଏମ୍‌ଆର ଏନର୍ଜି ପ୍ରବନ୍ଧକ ଜି. ପଟ୍ଟନାୟକ, ହୋଟେଲ ସୂର୍ଯ୍ୟ ଗାର୍ଡେନ ଉପସଭାପତି ସୁଶ୍ରୀତିଥି ପଟ୍ଟନାୟକ, ହୋଟେଲ କମଳେଶର ସୁବ୍ରତ ସ୍ବାଇଁ, ହୋଟେଲ ଦୁର୍ଗାର ଜିଏମ୍‌ ଏସ୍‌.ସାହୁ, ହୋଟେଲ ପ୍ରଶାନ୍ତିର ଏମ୍‌ଡି ନୀଳମଣି ପାଣି, କମଳେଶ କନଷ୍ଟ୍ରକ୍ସନ୍‌ର ମନୋଜ ନାୟକ, ନାରାୟଣୀ ଇନଷ୍ଟିଚ୍ୟୁଟ୍‌ ଅଫ୍‌ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜିର ବିଭୁଦେନ୍ଦୁ ବଳ ପ୍ରମୁଖ ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ।


All Right Reserved By Dharitri.Com

ଅବକାରୀ ଚଢାଉ, ୫ ଗିରଫ

ବଇଣ୍ଡା,୬।୯(ଡି.ଏନ.ଏ.): ଆଠମଲ୍ଲିକ ଅବକାରୀ ବିଭାଗ ପକ୍ଷରୁ ଠାକୁରଗଡ଼ ଓ ଆଠମଲ୍ଲିକ ଥାନା ଅଞ୍ଚଳର ବିଭିନ୍ନ ଗ୍ରାମରେ ଚଢାଉ କରି ୫୨ ଲିଟର ଦେଶୀ ମହୁଲି ମଦ...

୧୫ରୁ ନେପାଳରେ ଅନ୍ତର୍ଜାତୀୟ ପ୍ରବାସୀ ଓଡ଼ିଆ ସମାବେଶ: ଓଡ଼ିଶାରୁ ଯାତ୍ରାକଲେ ୨୦ ଜଣିଆ ଦଳ

ଢେଙ୍କାନାଳ ଅଫିସ, ୧୪ା୯ – ନେପାଳର ଆଧ୍ୟାତ୍ମିକ ସହର କାଠମାଣ୍ଡୁରେ ସେପ୍ଟେମ୍ବର ୧୫ରୁ ୩ଦିନ ଧରି ଆୟୋଜିତ ହେଉଛି ଅନ୍ତର୍ଜାତୀୟ ପ୍ରବାସୀ ଓଡ଼ିଆ ସମାବେଶ। ବିଶ୍ୱ...

ତ୍ରିରଙ୍ଗା ତଳେ ସଭିଏଁ ଏକାଠି

ପରଜଙ୍ଗ, ୧୫।୮( ଡି.ଏନ.ଏ.)-ଢେଙ୍କାନାଳ ଜିଲା ପରଜଙ୍ଗ ବ୍ଲକର ବିଭିନ୍ନ ସ୍ଥାନରେ ଗୁରୁବାର ଆଡମ୍ବରପୂର୍ଣ୍ଣ ଭାବେ ସ୍ବାଧୀନତା ଦିବସ ପାଳିତ ହୋଇଯାଇଛି। ତ୍ରିରଙ୍ଗା ତଳେ ସମସ୍ତେ ଏକାଠି...

୨ ଲୁଟେରା କୋର୍ଟଚାଲାଣ

ବଇଣ୍ଡା,୬।୯(ଡି.ଏନ.ଏ.): ଅନୁଗୋଳ ଜିଲା ହଣ୍ଡପା ଥାନା ବଡ଼ଡଙ୍ଗିଆଣୀ ଗ୍ରାମରେ ଗୁରୁବାର ବନ୍ତଳା ଥାନା ଖାଲଙ୍ଗା ଗ୍ରାମର ପ୍ରିତିରଞ୍ଜନ ସାହୁଙ୍କଠାରୁ ଲୁଟ୍‌ କରୁଥିବାବେଳେ ଗ୍ରାମବାସୀଙ୍କ ଦ୍ୱାରା ବୁଦୁଲିମୁଣ୍ଡା...

ଜୁନିୟର କିକ୍‌ ବକ୍ସିଂ ପ୍ରତିଯୋଗିତା: ଢେଙ୍କାନାଳକୁ ୧୧ ପଦକ

ଢେଙ୍କାନାଳ ଅଫିସ, ୨୫।୯-ତେଲେଙ୍ଗାନାର କରିମ୍‌ନଗରସ୍ଥିତ ଆମ୍ବେଡକର ସ୍ପୋଟର୍‌ସ ଇନ୍‌ଡୋର ଷ୍ଟାଡିୟମରେ ଆୟୋଜିତ ୱାକୋ ଇଣ୍ଡିଆ ଜୁନିୟର କିକ୍‌ ବକ୍ସିଂ ପ୍ରତିଯୋଗିତାରେ ଢେଙ୍କାନାଳର କ୍ରୀଡ଼ାବିତ୍‌ମାନେ ପ୍ରଭାବୀ ପ୍ରଦର୍ଶନ...

ଧଳା ଜହର ଜାଲରେ ଢେଙ୍କାନାଳ

ଢେଙ୍କାନାଳ ଅଫିସ, ୨୧ା୮-ଢେଙ୍କାନାଳ ପାଲଟିଛି ବ୍ରାଉନ୍‌ସୁଗାର କାରବାରର ସେଫ୍‌ଜୋନ୍‌। ନିଶା ବେପାରୀମାନେ କଲେଜ ପଢୁଆ ଛାତ୍ରୀଛାତ୍ରଙ୍କୁ ଟାର୍ଗେଟ କରୁଛନ୍ତି। ପୋଲିସ ଗୋଇନ୍ଦା ବିଫଳତା କାରଣରୁ ଏହି...

୨.୫ ଲକ୍ଷ ଟଙ୍କାର କାଠ ଜବତ

ଢେଙ୍କାନାଳ ଅଫିସ, ୧୮ା୧ – ଢେଙ୍କାନାଳ ସଦର ରେଞ୍ଜ୍‌ ତାଳବରକୋଟ ଗ୍ରାମ ନିକଟ ଶାମୁକାତଇଲା ଶାଳ ଜଙ୍ଗଲରେ କାଠମାଫିଆ ସକ୍ରିୟ ହୋଇଉଠିଛନ୍ତି। ବନ ବିଭାଗ ସ୍ଥାଣୁ...

ପରିବହନ କାର୍ଯ୍ୟାଳୟରେ ଦଲାଲ ରାଜ: ହାତଗୁଞ୍ଜା ନେଇ କିରାଣିଙ୍କ ପରି କରୁଛନ୍ତି କାମ

ଅନୁଗୋଳ ଅଫିସ, ୧୯।୯ – ସଂଶୋଧିତ ମୋଟରଯାନ ଆଇନ ଲାଗୁ ପରେ ଏବେ ରାଜ୍ୟରେ ଥିବା ଆଞ୍ଚଳିକ ପରିବହନ କାର୍ଯ୍ୟାଳୟଗୁଡ଼ିକରେ ଅସମ୍ଭବ ଭିଡ଼ ହେଉଛି। ଗାଡ଼ି...

Leave a comment

Your email address will not be published. Required fields are marked *