ଅନୁଚ୍ଛେଦ ୩୭୦ ପ୍ରତ୍ୟାହାର ପରେ;ଜମ୍ମୁ-କଶ୍ମୀର ପର୍ଯ୍ୟଟନକୁ ନେଇ ବଢ଼ୁଛି ଆଶା

 

ନୂଆଦିଲ୍ଲୀ,୧୧-୮: ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ପ୍ରତ୍ୟାହାର ପରେ ଲଦାଖ ଓ ଉପତ୍ୟକାରେ ପର୍ଯ୍ୟଟନ ଅଭିବୃଦ୍ଧିର ଅପାର ସମ୍ଭାବନା ରହିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କ ଉଦ୍ଦେଶ୍ୟରେ ସମ୍ବୋଧନରେ ଜଣାଇଥିଲେ। ଉପତ୍ୟକାର ପର୍ଯ୍ୟଟନ ଶିଳ୍ପକୁ କେନ୍ଦ୍ର ସରକାର ପ୍ରୋତ୍ସାହିତ କରିବେ, ଯାହା ଦ୍ୱାରା ଏହା ବିଶ୍ୱ ପର୍ଯ୍ୟଟକଙ୍କ ଆକର୍ଷଣର କେନ୍ଦ୍ରବିନ୍ଦୁ ହେବ ବୋଲି ସେ କହିଥିଲେ। କିନ୍ତୁ ଜମ୍ମୁ-କଶ୍ମୀରରେ ପରିବେଶରେ ସ୍ଥିରତା ନ ଆସିବା ପର୍ଯ୍ୟନ୍ତ ପର୍ଯ୍ୟଟନ ସେକ୍ଟର ଆଗେଇ ପାରିବ ନାହିଁ ବୋଲି ରାଜ୍ୟର ଟ୍ୟାକ୍ସି ଅପରେଟର୍ସ ସଂଘର ପ୍ରେସିଡେଣ୍ଟ ମହମ୍ମଦ ଆଶ୍ରଫ ଲୋନ୍‌ କହିଥିବା ବେଳେ ଅନ୍ୟମାନେ ଏଥିରେ ଏକମତ ନୁହଁନ୍ତି। ଉପତ୍ୟକାରେ ପର୍ଯ୍ୟଟନର ବ୍ୟାପକ ସମ୍ଭାବନା ରହିଥିବା ସେମାନେ ଆଶାପ୍ରକାଶ କରିଛନ୍ତି।
ଜମ୍ମୁ-କଶ୍ମୀର ରାଜସ୍ବ ଆୟର ମୁଖ୍ୟରେ ରହିଛି ପର୍ଯ୍ୟଟନ। ରାଜ୍ୟର ଅର୍ଥନୀତିରେ ଏହାର ଅବଦାନ ଅନେକ। ଏଠାକାର ପ୍ରାୟ ୬୦ ପ୍ରତିଶତ ଅଧିବାସୀ ଉଭୟ ପ୍ରତ୍ୟକ୍ଷ ଅବା ପରୋକ୍ଷ ଭାବେ ପର୍ଯ୍ୟଟନ ଶିଳ୍ପ ତଥା ସହାୟକ କାର୍ଯ୍ୟକଳାପରେ ସମ୍ପୃକ୍ତ। ଏହି ଶିଳ୍ପ ରାଜ୍ୟ ଜିଡ଼ିପିରେ ୧୫% ଯୋଗଦାନ ଦେଇଥାଏ। ତେବେ ୩୭୦ ପ୍ରତ୍ୟାହାର ପରେ ଉପତ୍ୟକାରେ ରାଜନୈତିକ ଅସ୍ଥିରତା ବଢ଼ିଯିବ ବୋଲି ଲୋନ୍‌ ଆଶଙ୍କାବ୍ୟକ୍ତ କରିଥିବା ବେଳେ ହୋଟେଲ ଆଣ୍ଡ ରେଷ୍ଟୁରାଣ୍ଟ ଆସୋସିଏଶନ ଅଫ୍‌ ଓ୍ବେଷ୍ଟର୍ନ ଇଣ୍ଡିଆ(ଏଚ୍‌ଆର୍‌ଏଡବ୍ଲ୍ୟୁଆଇ)ର ପ୍ରେସିଡେଣ୍ଟ ତଥା ଫେଡେରେଶନ ଅଫ୍‌ ହୋଟେଲ ଆଣ୍ଡ ରେଷ୍ଟୁରାଣ୍ଟ ଆସୋସିଏଶନ ଅଫ୍‌ ଇଣ୍ଡିଆ(ଏଫ୍‌ଏଚ୍‌ଆର୍‌ଏଆଇ)ର ଭାଇସ ପ୍ରେସିଡେଣ୍ଟ ଗୁର୍‌ବକ୍ସିସ୍‌ ସିଂ କୋହଲି କହିଛନ୍ତି ଯେ, ଅନୁଚ୍ଛେଦ ପ୍ରତ୍ୟାହାର ପରେ ଉପତ୍ୟକା ପର୍ଯ୍ୟଟନର ପ୍ରକୃତ କ୍ଷମତା ବିକଶିତ ହେବ। ପର୍ଯ୍ୟଟନ ଜମ୍ମୁ-କଶ୍ମୀରର ମୁଖ୍ୟ ଶିଳ୍ପ ହୋଇଥିଲେ ସୁଦ୍ଧା ଏହା ରାଜ୍ୟର ରାଜସ୍ବରେ ସେଭଳି ଯୋଗଦାନ ଦେଇପାରିନାହିଁ ବୋଲି ସେ ଜାରି ବିବୃତିରେ ପ୍ରକାଶ କରିଛନ୍ତି। ଚାମ୍ବର ଅଫ୍‌ ଟ୍ରେଡର୍ସ ଫେଡେରେଶନ ପ୍ରେସିଡେଣ୍ଟ ନିରଜ ଆନନ୍ଦ କହିଛନ୍ତି ଯେ, ୩୭୦ ପ୍ରତ୍ୟାହାର ହେବା ପରେ ସମସ୍ତ ସେକ୍ଟରରେ ବିପୁଳ ହାରରେ ପୁଞ୍ଜିନିବେଶ ବୃଦ୍ଧି ପାଇବ। ଏହାଦ୍ୱାରା ରାଜ୍ୟରେ ଅଧିକ ନିଯୁକ୍ତି ସୁଯୋଗ ସୃଷ୍ଟି ହେବା ସହ ରାଜ୍ୟକୁ ଅଧିକ ରାଜସ୍ବ ମିଳିବ। ରାଜ୍ୟବାସୀଙ୍କ ଭାଗ୍ୟ ରାତାରାତି ବଦଳିଯିବ ବୋଲି ଉଲ୍ଲେଖ କରି ସେ କହିଛନ୍ତି ଯେ, ସମସ୍ତ ଦିଗରୁ ସେଠାରେ ବିକାଶ ହେବାକୁ ଯାଉଛି। ସୂଚନାଥାଉ କି, କେନ୍ଦ୍ର ସରକାର ୩୭୦ ପ୍ରତ୍ୟାହାର କରିବା ପୂର୍ବରୁ ଉପତ୍ୟକାରେ ଉପସ୍ଥିତ ଥିବା ଅମରନାଥ ଯାତ୍ରୀ ଓ ପର୍ଯ୍ୟଟକଙ୍କୁ ତୁରନ୍ତ ସ୍ଥାନ ଖାଲି କରିଦେବାକୁ ନିର୍ଦ୍ଦେଶ ଦେଇଥିଲେ। ତେବେ ପୁଲଓ୍ବାମା ଆକ୍ରମଣ ପରେ ଜମ୍ମୁ-କଶ୍ମୀରରେ ପର୍ଯ୍ୟଟନର ବିଶେଷ କ୍ଷତି ହୋଇଛି। ତେବେ ଲୋନ୍‌ କହିଛନ୍ତି ଯେ, ଏବେ ଉପତ୍ୟକାରେ ପର୍ଯ୍ୟଟନ ଋତୁ ଶେଷ ହୋଇଛି। ଆସନ୍ତାବର୍ଷ ମାର୍ଚ୍ଚ ପୂର୍ବରୁ ପୁନର୍ବାର ପର୍ଯ୍ୟଟନ ଗତିବିଧି ଆରମ୍ଭ ହେଲା ଭଳି ଲାଗୁ ନାହିଁ।


All Right Reserved By Dharitri.Com

ସେସୁ ବିଦ୍ୟୁତ ବିତରଣର ଅଧିଗ୍ରହଣ କରିବ ଟାଟା ପାଓ୍ବାର

ଭୁବନେଶ୍ୱର,୨୪-୧୨: ସେଣ୍ଟ୍ରାଲ ଇଲେକଟ୍ରିସିଟି ସପ୍ଲାଇ ୟୁଟିଲିଟି ଅଫ୍‌ ଓଡ଼ିଶା (ସେସୁ)ର ବିଦ୍ୟୁତ୍‌ ଶକ୍ତି ବିତରଣକୁ ଟାଟା ପାଓ୍ବାର ଲିମିଟେଡ ଅଧିଗ୍ରହଣ କରିବ। ଏଥିଲାଗି ଓଡ଼ିଶା ଇଲେକଟ୍ରିସିଟି...

ସାଢେ ୩ ବର୍ଷର ନିମ୍ନ ସ୍ତରରେ ପାଇକାରୀ ମୁଦ୍ରାସ୍ଫୀତି

ନୂଆଦିଲ୍ଲୀ,୧୫-୧୧: ଘରୋଇ ବଜାରର ପାଇକାରୀ ମୁଦ୍ରାସ୍ଫୀତି ଚଳିତ ବର୍ଷ ଅକ୍ଟୋବରରେ ସାଢେ ୩ ବର୍ଷର ସର୍ବନିମ୍ନ ସ୍ତର ୦.୧୬% କୁ ଖସିଛି। ଖାଦ୍ୟ ସାମଗ୍ରୀ ଦରଦାମ...

ଋଣ ଉପରେ ସୁଧହାର କମାଇଲା ଏସ୍‌ବିଆଇ

ନୂଆଦିଲ୍ଲୀ,୩୧-୧୨: ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ (ଏସ୍‌ବିଆଇ) ସୋମବାର ଏକ୍ସଟରନାଲ ବେଞ୍ଚମାର୍କ ଭିତ୍ତିକ ରେଟ ବା ଋଣ ଉପରେ ସୁଧହାରକୁ ୨୫ ବେସିସ ପଏଣ୍ଟ ହ୍ରାସ...

ଅର୍ଥମନ୍ତ୍ରୀ ନିର୍ମଳା ସୀତାରାମନଙ୍କ ଉତ୍ତର: ଦେଶରେ ନାହିଁ ମାନ୍ଦାବସ୍ଥା

ନୂଆଦିଲ୍ଲୀ,୨୮-୧୧: ଅର୍ଥନୈତିକ କାର୍ଯ୍ୟକଳାପ ମନ୍ଥର ହୋଇଥାଇପାରେ ମାତ୍ର ଦେଶ ଉପରେ ମାନ୍ଦାବସ୍ଥାର ବିପଦ ନ ଥିବା ଅର୍ଥମନ୍ତ୍ରୀ ନିର୍ମଳା ସୀତାରାମନ ବୁଧବାର କହିଛନ୍ତି। ରାଜ୍ୟ ସଭାରେ ଅର୍ଥନୀତିରେ...

ନିଶାନ ପକ୍ଷରୁ ସହାୟତା

ଭୁବନେଶ୍ୱର,୧୫-୫: ଫନୀ ପ୍ରଭାବିତ ଲୋକଙ୍କୁ ସହାୟତା କରିବା ଲାଗି ନିଶାନ ଇଣ୍ଡିଆ ଆଗେଇ ଆସିଛି। କମ୍ପାନୀ ପକ୍ଷରୁ କଟକ ଏବଂ ଭୁବନେଶ୍ୱରରେ ଜରୁରୀକାଳୀନ ମରାମତି ଟିମ୍‌...

ସୁନା ଆମଦାନୀ ୫୪% ବୃଦ୍ଧି

ନୂଆଦିଲ୍ଲୀ,୨୧-୫: ଦେଶର ସୁନା ଆମଦାନୀ ଏପ୍ରିଲରେ ୫୪ ପ୍ରତିଶତ ବୃଦ୍ଧି ପାଇ ୩.୯୭ ବିଲିୟନ ଡଲାରରେ ପହଞ୍ଚତ୍ୟାଇଛି। ଫଳରେ ବାଣିଜ୍ୟ ନିଅଣ୍ଟ ବୃଦ୍ଧି ପାଇବାରୁ ଚଳନ୍ତି...

ଆମାଜନ ବିରୋଧରେ ମାମଲା ରୁଜୁ

ନୋଏଡା,୧୮।୫: ଅନ୍‌ଲାଇନ କମ୍ପାନୀ ଆମାଜନ ବିରୋଧରେ ନୋଏଡା କୋତଓ୍ବାଲୀ ସେକ୍ଟର-୫୮ରେ ମାମଲା ରୁଜୁ କରାଯାଇଛି। କମ୍ପାନୀ ନିଜ ଓ୍ବେବସାଇଟରେ ବିକ୍ରି କରୁଥିବା ପ୍ରଡକ୍ଟ ଉପରେ ଲଗାଇଥିବା...

ବମ୍ବେ ହାଇକୋର୍ଟଙ୍କ ନିର୍ଦ୍ଦେଶ;ଚୋକ୍‌ସିଙ୍କ ମେଡିକାଲ ରିପୋର୍ଟ ଯାଞ୍ଚ କରିବେ ବିଶେଷଜ୍ଞ ଦଳ

ମୁମ୍ବାଇ,୨୫-୬: ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି)ର ପ୍ରାୟ ସାଢ଼େ ୧୩ ହଜାର କୋଟି ଟଙ୍କାର ମହାଠକେଇ ମାମଲାର ଅନ୍ୟତମ ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ମେହୁଲ ଚୋକ୍‌ସିଙ୍କ...

Leave a comment

Your email address will not be published. Required fields are marked *