କ୍ଷମତା ଲଢ଼େଇ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌
ମତଦାନର କେଇ ସପ୍ତାହ ପରେ ଏବଂ ରାଜ୍ୟରେ ସରକାର ପରିବର୍ତ୍ତନର ବ୍ୟାପକ ସମ୍ଭାବନା ଦେଖାଯାଉଥିବା ବେଳେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ୍‌. ଚନ୍ଦ୍ରାବାବୁ ନାଇଡ଼ୁଙ୍କ ସହ ରାଜ୍ୟ ମୁଖ୍ୟ ଶାସନ ସଚିବ ଏଲ୍‌.ଭି. ସୁବ୍ରମଣ୍ୟମ୍‌ଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି। ପ୍ରାପ୍ତ ସୂଚନା ଅନୁସାରେ ଭୋଟ ଗଣତି ହୋଇ ମେ ୨୩ରେ ଫଳାଫଳ ଘୋଷଣା ହେବା ପର୍ଯ୍ୟନ୍ତ ପ୍ରଶାସନ କାହା ନିୟନ୍ତ୍ରଣରେ ରହିବ, ତାହାକୁ ନେଇ ମୁଖ୍ୟମନ୍ତ୍ରୀ ଓ ମୁଖ୍ୟ ଶାସନ ସଚିବଙ୍କ ମଧ୍ୟରେ ଟଣାଓଟରା ଲାଗିଛି। ନାଇଡ଼ୁ ଓ ତାଙ୍କ ମନ୍ତ୍ରୀମାନେ ଯୁକ୍ତି କରୁଛନ୍ତି ଯେ, ପ୍ରତ୍ୟେକ ପ୍ରସଙ୍ଗରେ ନିଷ୍ପତ୍ତି ନେବା ଲାଗି ସରକାରଙ୍କର ପୂର୍ଣ୍ଣ କ୍ଷମତା ରହିଛି। କିନ୍ତୁ ମୁଖ୍ୟମନ୍ତ୍ରୀଙ୍କ ଦ୍ୱାରା ଆହୂତ ଅନେକ ସମୀକ୍ଷା ବୈଠକରେ ତାଙ୍କର କେତେକ ନିଷ୍ପତ୍ତି ଉପରେ ମୁଖ୍ୟ ଶାସନ ସଚିବ ଆପତ୍ତି ଉଠାଉଛନ୍ତି। ଏହି ବିବାଦ ଯୋଗୁ ଆଇଏଏସ୍‌ ଓ ଆଇପିଏସ୍‌ ଲବି ଦୁଇଭାଗରେ ବିଭକ୍ତ ହୋଇ ଯାଇଛନ୍ତି। ଫଳରେ ପ୍ରଶାସନିକ କାର୍ଯ୍ୟକଳାପରେ ଅନିଶ୍ଚୟତା ଦେଖାଦେଇଛି। ପ୍ରାପ୍ତ ସୂଚନା ଅନୁସାରେ ୧୯୮୩ ବ୍ୟାଚ୍‌ ଆଇଏଏସ୍‌ ଅଫିସର ସୁବ୍ରମଣ୍ୟମ୍‌ଙ୍କୁ ନିର୍ବାଚନ ପୂର୍ବରୁ ନିର୍ବାଚନ କମିଶନ ମୁଖ୍ୟ ଶାସନ ସଚିବ ଭାବେ ନିଯୁକ୍ତି ଦେଇଛନ୍ତି। ସେ ବର୍ତ୍ତମାନ ରାଜ୍ୟ ପ୍ରଶାସନର ପ୍ରତି କ୍ଷେତ୍ରରେ ପ୍ରମୁଖ ଭୂମିକା ନିଭାଉଛନ୍ତି। ତେଣୁ ମୁଖ୍ୟମନ୍ତ୍ରୀ ଚନ୍ଦ୍ରାବାବୁ ନାଇଡ଼ୁଙ୍କ ସହ ତାଙ୍କର ବିବାଦ ସୃଷ୍ଟି ହୋଇଛି। କାରଣ ଚନ୍ଦ୍ରାବାବୁ ପ୍ରଶାସନକୁ ନିଜ ନିୟନ୍ତ୍ରଣରେ ରଖିବାକୁ ଚାହୁଁଛନ୍ତି। ଏହି ପରିସ୍ଥିତି ବିଷୟରେ ଆଲୋଚନା କରିବା ପାଇଁ ସୁବ୍ରମଣ୍ୟମ୍‌ଙ୍କ ଦ୍ୱାରା ଆହୂତ ଆଇଏଏସ୍‌ ଅଫିସରମାନଙ୍କ ବୈଠକକୁ ମୁଖ୍ୟମନ୍ତ୍ରୀ ଓ ତାଙ୍କ କାର୍ଯ୍ୟାଳୟ ପକ୍ଷରୁ ଚାପ ପକାଇ ବନ୍ଦ କରିଦିଆଯାଉଛି। ଯାହା ଜଣାପଡ଼ୁଛି ନିର୍ବାଚନ ଫଳାଫଳ ପ୍ରକାଶ ପାଇବା ପରେ ହିଁ ଏହି ସମସ୍ୟାର ସମାଧାନ ହୋଇପାରିବ।
ଅପାରଗ ବାବୁ ହଟିବେ
ସରକାରରେ ଥିବା ଅପାରଗ ବାବୁମାନଙ୍କୁ ହଟାଇବା ପାଇଁ ମୋଦି ସରକାର କାର୍ଯ୍ୟ କରିଆସୁଛନ୍ତି। ପ୍ରାପ୍ତ ସୂଚନା ଅନୁସାରେ ୨୦୧୫ରୁ ୨୦୧୮ ଚାରିବର୍ଷ ମଧ୍ୟରେ କେନ୍ଦ୍ର ସରକାର ୧,୧୦୦ ଆଇଏଏସ୍‌ ଅଫିସରଙ୍କ ସର୍ଭିସ୍‌ ରେକର୍ଡର ସମୀକ୍ଷା କରିଛନ୍ତି। ଏହି ଅଫିସରମାନେ ୨୫ ବର୍ଷର ଚାକିରି କାଳ ପୂର୍ଣ୍ଣ କରିଛନ୍ତି କିମ୍ବା ୫୦ ବର୍ଷ ବୟସରେ ପଦାର୍ପଣ କରିଛନ୍ତି। ଏହି ସମୀକ୍ଷାର ଉଦ୍ଦେଶ୍ୟ ହେଉଛି ପ୍ରଶାସନରୁ ଅଣପ୍ରଦର୍ଶନକାରୀ ବା ଅପାରଗ ବାବୁମାନଙ୍କୁ ହଟାଇବା। ନିୟମାନୁଯାୟୀ କେନ୍ଦ୍ର ସରକାର ରାଜ୍ୟ ସରକାର ସହ ପରାମର୍ଶ କରି ଏପରି ଅପାରଗ ବାବୁଙ୍କୁ ଜନସ୍ବାର୍ଥରେ ତିନିମାସର ଲିଖିତ ନୋଟିସ୍‌ ଦେଇ ବା ତିନିମାସର ଦରମା ଓ ଭତ୍ତା ଦେଇ ଅବସର ନେବା ପାଇଁ କହିପାରିବେ। ପ୍ରାପ୍ତ ସୂଚନା ଅନୁସାରେ ସମୀକ୍ଷା କରାଯାଇଥିବା ୧,୧୪୩ ଜଣ ଅଫିସରଙ୍କ ମଧ୍ୟରୁ ଛତିଶଗଡ଼ କ୍ୟାଡରର ଦୁଇଜଣ, ଅରୁଣାଚଳ ପ୍ରଦେଶ, ଗୋଆ, ମିଜୋରାମ ଓ କେନ୍ଦ୍ରଶାସିତ ଅଞ୍ଚଳ ବା ଆଗ୍‌ମଟ କ୍ୟାଡରର ଜଣେ ଏବଂ ବିହାରର ଜଣେ- ଏହିପରି ଚାରିଜଣ ଅଫିସରଙ୍କୁ ଜନସ୍ବାର୍ଥରେ ଅବଧି ପୂର୍ବରୁ ଅବସର ନେବା ପାଇଁ କୁହାଯାଇଛି। ତେବେ କେନ୍ଦ୍ର ପକ୍ଷରୁ ସ୍ମାରକପତ୍ର ଦିଆଯିବା ସତ୍ତ୍ୱେ ଆନ୍ଧ୍ରପ୍ରଦେଶ, ଜମ୍ମୁ-କଶ୍ମୀର, କର୍ନାଟକ, କେରଳ, ତେଲେଙ୍ଗାନା, ତ୍ରିପୁରା ଓ ଉତ୍ତରାଖଣ୍ଡରେ ବାବୁମାନଙ୍କ ସର୍ଭିସ୍‌ ରେକର୍ଡର ଏପରି ସମୀକ୍ଷା କରାଯାଇ ନାହିଁ। କେନ୍ଦ୍ର ଉକ୍ତ ରାଜ୍ୟଗୁଡ଼ିକୁ ତୁରନ୍ତ ସମୀକ୍ଷା କରିବା ପାଇଁ ଚାପ ପକାଇପାରନ୍ତି।
ବରିଷ୍ଠଙ୍କୁ ବାବୁଙ୍କ ବିରୋଧ
ଜଣେ ରାଜ୍ୟ ପ୍ରଶାସନିକ ଅଫିସର ରାଜ୍ୟର ମୁଖ୍ୟ ଶାସନ ସଚିବଙ୍କ ସମେତ ବରିଷ୍ଠ ଆଇଏଏସ୍‌ ଅଫିସରମାନଙ୍କ ବିରୋଧରେ ଯିବା କ୍ୱଚିତ୍‌ ଦେଖିବାକୁ ମିଳେ। କିନ୍ତୁ ଜଣେ କର୍ନାଟକ ପ୍ରଶାସନିକ ଅଫିସର (କେଏଏସ୍‌) ରାଜ୍ୟର ମୁଖ୍ୟ ଶାସନ ସଚିବ ତଥା ଆଉ ନଅଜଣ ଆଇଏଏସ୍‌ ଅଫିସରଙ୍କ ବିରୋଧରେ ରାଜ୍ୟ ମାନବାଧିକାର କମିଶନ ଆଗରେ ଅଭିଯୋଗ ଦାଏର କରିଛନ୍ତି। ରାଜ୍ୟରେ ଏପରି ଘଟଣା ପ୍ରଥମ ଥର ପାଇଁ ଘଟିଛି। ପ୍ରାପ୍ତ ସୂଚନା ଅନୁସାରେ କାର୍ମିକ ଓ ପ୍ରଶାସନିକ ସଂସ୍କାର ବିଭାଗର ଅଫିସର କେ. ମାଥାଇ ଏକ ଜମି ଦୁର୍ନୀତି ଧରାପକାଇବା ଯୋଗୁ ଉକ୍ତ ବରିଷ୍ଠ ଅଫିସରମାନେ ତାଙ୍କ ବିରୋଧରେ ନିରବଚ୍ଛିନ୍ନ ମାନବାଧିକାର ଉଲ୍ଲଂଘନମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିଥିବା ଅଭିଯୋଗ କରିଛନ୍ତି। ରାଜ୍ୟ ସରକାରଙ୍କ ଦ୍ୱାରା ୧୦ ବର୍ଷରେ ତାଙ୍କୁ ୨୭ ଥର ବଦଳି କରାଯାଇଥିବା ସେ ଅଭିଯୋଗ କରିଛନ୍ତି। ମାନବାଧିକାର କମିଶନକୁ ଦେଇଥିବା ଅଭିଯୋଗପତ୍ରରେ ମାଥାଇ ମୁଖ୍ୟ ଶାସନ ସଚିବ ଟି.ଏମ୍‌. ବିଜୟ ଭାସ୍କର ଓ ଅନ୍ୟ ନଅଜଣ ଆଇଏଏସ୍‌ ଅଫିସର ତାଙ୍କର ମାନବାଧିକାର ଉଲ୍ଲଂଘନ କରିଛନ୍ତି ବୋଲି ଉଲ୍ଲେଖ କରିଛନ୍ତି। ତା’ଛଡ଼ା ତାଙ୍କ ପରି ଅନେକ କେଏଏସ୍‌ ଅଫିସରଙ୍କୁ ବରିଷ୍ଠ ଅଫିସର ଓ ରାଜନେତାମାନେ ହଇରାଣ ହରକତ କରୁଥିବା ସେ ଦର୍ଶାଇଛନ୍ତି।
Email: dilipcherian@gmail.com


All Right Reserved By

ପାରିବେଶିକ ଅସନ୍ତୁଳନ

ସବ୍ୟସାଚୀ ଅମିତାଭ ଜୁନ୍‌ ୫ ବିଶ୍ୱ ପରିବେଶ ଦିବସ। ବର୍ତ୍ତମାନ ସମୟରେ ଯେଉଁ ମାତ୍ରାରେ ପ୍ରକୃତି ବିଗିଡ଼ିବାରେ ଲାଗିଲାଣି, ତାହା ସମସ୍ତଙ୍କ ପାଇଁ ଚିନ୍ତାର କାରଣ...

ଏଇ ଭାରତରେ

ଏପରି ଅନେକ ରହସ୍ୟମୟ ବିଷୟ ରହିଛି ଯାହା ଅନେକଙ୍କୁ ଅଜଣା। ପ୍ରକୃତି କୋଳରେ ବଢ଼ୁଥିବା ବିଭିନ୍ନ ବୃକ୍ଷକୁ ଲୋକେ ପୂଜା କରିଥାନ୍ତି। ଶାଳଗଛ ତନ୍ମଧ୍ୟରୁ ଅନ୍ୟତମ।...

ସମ୍ପାଦକୀୟ/ ପିମ୍ପୁଡ଼ି ଦଳିଦେଲୁ

ଇଂଲଣ୍ଡର ମାଞ୍ଚେଷ୍ଟରଠାରେ ୧୬ ଜୁନ୍‌ରେ ହୋଇଥିବା ବିଶ୍ୱକପ୍‌ କ୍ରିକେଟ୍‌ର ଏକ ମ୍ୟାଚରେ ପାକିସ୍ତାନକୁ ଭାରତ ୮୯ ରନ୍‌ରେ ପରାସ୍ତ କରିଛି। ବିଶ୍ୱକପ୍‌ ଆରମ୍ଭ ହେବା ଦିନରୁ...

ଧନ୍ୟ ଗୁରୁ ଧନ୍ୟ ଶିଷ୍ୟ

ଅକ୍ଷୟ ମହାନ୍ତି ଆଉ ଦିନକ ପରେ ଗୁରୁଦିବସ। କିନ୍ତୁ ଆଚାର୍ଯ୍ୟ ଚାଣକ୍ୟ ଓ ସମର୍ଥ ରାମଦାସଙ୍କ ପରି ଗୁରୁ କ’ଣ ଆଉ ଜନ୍ମ ହେବେନି? ଗୁରୁ...

ପୋଲିସ ପାଖରେ ରହୁନି ବିଦେଶୀଙ୍କ ତଥ୍ୟ

ଯୁଧିଷ୍ଠିର ମହାରଣା ସର୍ବଭାରତୀୟ ସ୍ତରରେ ଓଡ଼ିଶା ପୋଲିସର ଦକ୍ଷତା, ପ୍ରତିବଦ୍ଧତା, ସାଧୁତା ଓ କର୍ତ୍ତବ୍ୟନିଷ୍ଠା ଯଥେଷ୍ଟ ଆଗରେ। ଅନେକ ଘଡ଼ିସନ୍ଧି ମୁହୂର୍ତ୍ତ ଓ ପ୍ରତିକୂଳ ପରିବେଶରେ...

ସମ୍ପାଦକୀୟ/ କଡ଼ା କର ସଡ଼କ ନିୟମ

ଭାରତରେ ୧ ସେପ୍ଟେମ୍ବର ୨୦୧୯ରେ ନୂଆ ମୋଟର ଭେଇକିଲ୍ସ ଆଇନ ଲାଗୁ ହେବା ପରଠାରୁ ଦେଶବ୍ୟାପୀ କୋକୁଆ ଭୟ ସୃଷ୍ଟି ହୋଇଛି। ଓଡ଼ିଶାରେ ଗୋଟିଏ ସପ୍ତାହ...

ପ୍ରେମ୍‌ଜୀଙ୍କ ବଦାନ୍ୟତା

ଆକାର ପଟେଲ ଧନୀ ଲୋକମାନେ ସେମାନଙ୍କ ଧନକୁ ସମାଜରେ ବାଣ୍ଟିଦେବା ଉଚିତ ଏବଂ ଧନୀ ଅବସ୍ଥାରେ ମୃତ୍ୟୁବରଣ କରିବା ଅନୁଚିତ- ଏହି ଚିନ୍ତାଧାରା ଆଣ୍ଡ୍ରୁ କାର୍ନେଗୀଙ୍କ...

ଉଦ୍ଭିଦର ଇନ୍ଦ୍ରିୟ

ପରିବେଶ ପରିଚିନ୍ତା/ ମାନେକା ଗାନ୍ଧୀ ଆମେ ଦିନେ ନିଶ୍ଚୟ ଜାଣିବାକୁ ପାଇବା ଯେଉଁ ଗଛଗୁଡ଼ିକୁ ଆମେ ମାରିଦେଉଛୁ, ଯେଉଁ ଘାସକୁ ଆମେ ବଗିଚାରୁ ଉପାଡ଼ି ପକାଉଛୁ,...

selfi corner

Model This Week

Why Dharitri

Leave a comment

Your email address will not be published. Required fields are marked *