Posted inଖେଳ

ଦିଲ୍ଲୀ ଡାଇନାମସ ହୋଇପାରେ ‘ଓଡ଼ିଶା ଏଫ୍‌ସି’

ଭୁବନେଶ୍ୱର, ୧୧।୮(କ୍ରୀଡ଼ା ପ୍ରତିନିଧି)

ଓଡ଼ିଶାରେ ଫୁଟବଲ ଖେଳ ଓ ଖେଳାଳିଙ୍କ ବିକାଶ ପାଇଁ ବାଟ ଫିଟୁଛି। କଳିଙ୍ଗ ଷ୍ଟାଡିୟମରେ ଗତ କିଛିବର୍ଷ ମଧ୍ୟରେ ଇଣ୍ଡିଆନ ସୁପର ଲିଗ୍‌ (୨୦୧୭-୧୮), ଆଇ-ଲିଗ୍‌(୨୦୧୮-୧୯), ଇଣ୍ଡିଆନ ସୁପର କପ୍‌(୨୦୧୮) ଆଦି ଜାତୀୟ ସ୍ତରୀୟ ଟୁର୍ନାମେଣ୍ଟ ଆୟୋଜିତ ହୋଇ ସାରିଛି। ଏଠାରେ ମହିଳା ଗୋଲ୍ଡ କପ୍‌ (୨୦୧୯ ଫେବୃୟାରୀ ୯-୧୫) ଅନ୍ତର୍ଜାତୀୟ ଟୁର୍ନାମେଣ୍ଟ ଆୟୋଜନ ହୋଇ ସାରିଥିବାବେଳେ ୨୦୨୦ରେ ୧୭ ବର୍ଷରୁ କମ୍‌ ମହିଳା ଫିଫା ବିଶ୍ୱକପ (ସେପ୍ଟେମ୍ବର ୨୧ରୁ ଅକ୍ଟୋବର ୪) ଆୟୋଜନ ହେବା କାର୍ଯ୍ୟକ୍ରମ ରହିଛି। ଉନ୍ନତମାନର ଭିତ୍ତିଭୂମି ଉପଲବ୍ଧ ଯୋଗୁ ଏପରି ଟୁର୍ନାମେଣ୍ଟର ମ୍ୟାଚ ଗୁଡ଼ିକ ଆୟୋଜନ ସମ୍ଭବ ହୋଇପାରିଛି। ଆଇ-ଲିଗ୍‌ର ଅନ୍ୟତମ ଦଳ ଇଣ୍ଡିଆନ ଆରୋଜର ହୋମ୍‌ ଭେନ୍ୟୁ ଭାବେ କଳିଙ୍ଗ ଷ୍ଟାଡିୟମ ବ୍ୟବହାର ହେଉଛି। ଇଣ୍ଡିଆନ ଆରୋଜ ଭାରତୀୟ ଦଳର ଯୁବ ଖେଳାଳି (୧୯ ବର୍ଷରୁ କମ୍‌)ଙ୍କୁ ନେଇ ଗଠିତ। କୌଣସି ଜାତୀୟ ଦଳ ଆଇ-ଲିଗ୍‌ରେ ଖେଳିବା ନିୟମ ନ ଥିବାରୁ ଏହାର ନାମ ପରିବର୍ତ୍ତନ କରାଯାଇ ଅଭିଜ୍ଞତା ହାସଲ ପାଇଁ ଏହି ଯୁବ ଦଳକୁ ସୁଯୋଗ ଦିଆଯାଇଛି। ଏହା ଏକ ଜାତୀୟ ଦଳ ହୋଇଥିବାରୁ ସମସ୍ତ ଔପଚାରିକତା ପୂରଣ କରି ଏଥିରେ ସ୍ଥାନ ପାଇବା ଓଡ଼ିଶା ଖେଳାଳିଙ୍କ ପକ୍ଷରେ ସମ୍ଭବ ହୋଇନାହିଁ। ଏବେ କିନ୍ତୁ ଓଡ଼ିଶା ଫୁଟବଲ ଖେଳାଳିଙ୍କ ପାଇଁ ଆସିଛି ଖୁସି ଖବର। ଇଣ୍ଡିଆନ ସୁପର ଲିଗ୍‌(ଆଇଏସଏଲ)ର ଅନ୍ୟତମ ପ୍ରତିଷ୍ଠିତ ଦଳ ଦିଲ୍ଲୀ ଡାଇନାମସ କଳିଙ୍ଗ ଷ୍ଟାଡିୟମକୁ ହୋମ୍‌ ଭେନ୍ୟୁ କରିବା ଏକପ୍ରକାର ନିଶ୍ଚିତ ହୋଇଛି। ଏଥିପାଇଁ କେବଳ ବୁଝାମଣାପତ୍ର ସ୍ବାକ୍ଷର ହେବା ବାକି ରହିଛି। କାଗଜପତ୍ରରେ କାମ ଆଗକୁ ବଢ଼ିଥିବାବେଳେ କେବଳ ମୁଖ୍ୟମନ୍ତ୍ରୀଙ୍କ ମୋହର ବାଜିବା ଅପେକ୍ଷାରେ ରହିଛି। ସବୁକିଛି ଠିକ୍‌ ରହିଲେ ଆଗାମୀ ଆଇଏସଏଲ ସିଜନ ପୂର୍ବରୁ ଦିଲ୍ଲୀ ଡାଇନାମସ ଦଳର ନାମ ‘ଓଡ଼ିଶା ଏଫସି’ରେ ପରିଣତ ହେବା ସମ୍ଭାବନା ରହିଛି।
ମିଳିଥିବା ସୂଚନା ଅନୁସାରେ ଦୁଇଥର ଆଇଏସଏଲ ସେମିଫାଇନାଲିଷ୍ଟ ଡାଇନାମସ ପ୍ରାରମ୍ଭିକ ପର୍ଯ୍ୟାୟରେ ଆର୍ଥିକ କାରଣରୁ ନିଜର ବେସ୍‌ ବଦଳାଇବାପାଇଁ ନିଷ୍ପତ୍ତି ନେଇଥିଲା। ବେସ୍‌ ବଦଳାଇଲେ ଅପେକ୍ଷାକୃତ ଖର୍ଚ୍ଚ କମ୍‌ ହେବ ବୋଲି ଏହି ଫ୍ରାଞ୍ଚାଇଜ୍‌ ଦଳର ଅନୁଭବ ହୋଇଥିଲା। ଏହି ଦଳ ଦିଲ୍ଲୀର ଅନ୍ୟ ଭେନ୍ୟୁ ଉପରେ ମଧ୍ୟ ନଜର ପକାଇଥିଲା। ମାତ୍ର ଓଡ଼ିଶା ସରକାରଙ୍କ ସହ ଆଲୋଚନା ପରେ ନିଷ୍ପତ୍ତି ବଦଳାଇଥିଲା। ତେବେ ଚୁକ୍ତି ଅନୁସାରେ ଦଳର ନାମ ପରିବର୍ତ୍ତନ କଲେ ଯାଇ ଏହା ସମ୍ଭବ ବୋଲି ସ୍ପଷ୍ଟ କରାଯାଇଥିଲା। ବର୍ତ୍ତମାନ ଓଡ଼ିଶାର କୌଣସି କ୍ଲବ ଏହି ଲିଗ୍‌ରେ ଅଂଶଗ୍ରହଣ କରୁ ନାହାନ୍ତି। ଚୁକ୍ତିନାମାରେ ସ୍ବାକ୍ଷର ହୋଇଗଲେ ଏବେ ଓଡ଼ିଶା ଭିତ୍ତିକ ଏକ କ୍ଲବ ଆଇଏସଏଲରେ ଭାଗ ନେଇପାରିବ। କଳିଙ୍ଗ ଷ୍ଟାଡିୟମ ଏବେ ଫୁଟବଲ ପାଇଁ ବେଶ୍‌ ଲୋକପ୍ରିୟତା ଅର୍ଜନ କରିଛି। ଏଠାରେ ଅଲ୍‌ଇଣ୍ଡିଆ ଫୁଟବଲ ଫେଡେରେଶନ (ଏଆଇଏଫଏଫ)ର ଅନେକ ଇଭେଣ୍ଟ ଆୟୋଜନ ହୋଇ ସାରିଛି।
କଥାବାର୍ତ୍ତା ଆଗକୁ ବଢ଼ି ସାରିଥିବାରୁ ଦିଲ୍ଲୀ ଡାଇନାମସ ପରିବର୍ତ୍ତିତ ନାମକୁ ନେଇ ଆଇଏସଏଲର ୬ଷ୍ଠ ସିଜନରେ ସମସ୍ତ ଘରୋଇ ମ୍ୟାଚ କଳିଙ୍ଗ ଷ୍ଟାଡିୟମରେ ଖେଳିବା ଏକପ୍ରକାର ନିଶ୍ଚିତ ହୋଇଛି। ଗତ ସିଜନରେ ଏହି ଦଳ ନୈରାଶ୍ୟଜନକ ପ୍ରଦର୍ଶନ କରି ୮ମ ସ୍ଥାନରେ ସନ୍ତୁଷ୍ଟ ହୋଇଥିଲା। ଓଡ଼ିଆ ଖେଳାଳି ଶୁଭମ ଷଡ଼ଙ୍ଗୀ ଏବେ ଏହି ଦଳରୁ ପ୍ରତିନିଧିତ୍ୱ କରୁଛନ୍ତି। ସବୁକିଛି ଠିକ୍‌ ରହିଲେ ରାଜ୍ୟର ଆଉ ଜଣେ ଦୁଇଜଣ ଖେଳାଳି ଏହି କ୍ଲବ ପକ୍ଷରୁ ପ୍ରତିନିଧିତ୍ୱ କରିବାର ସୁଯୋଗ ପାଇପାରନ୍ତି ବୋଲି କ୍ରୀଡ଼ା ବିଭାଗର ଜଣେ ଅଧିକାରୀ କହିଛନ୍ତି। ଏମଓୟୁ ସ୍ବାକ୍ଷର ହୋଇଗଲେ ଦିଲ୍ଲୀ ଡାଇନାମସର ନାମ ପରିବର୍ତ୍ତନ ହୋଇଯିବ। ଏଥିରେ ଏଣିକି ଏକ ଓଡ଼ିଶା ବ୍ରାଣ୍ଡ ରହିବ। ଓଡ଼ିଶା ସରକାର ହୋମ୍‌ ଭେନ୍ୟୁ ପାଇଁ ଏହି ଦଳକୁ ପଡ଼ିଆ ଯୋଗାଇଦେବେ। ପ୍ରତିବଦଳରେ ଡାଇନାମସ ଓଡ଼ିଶା ଫୁଟବଲକୁ ଡେଭଲପ୍‌ କରାଇବ। ଏବେ ଯେପରି ୟୁଥ୍‌ ଟିମ୍‌ରେ ସେମାନେ ଦିଲ୍ଲୀର ଅଧିକ ପିଲା ନେଉଛନ୍ତି ସେପରି ଆଗାମୀ ଦିନରେ ଓଡ଼ିଶା ପିଲାଙ୍କୁ ସୁଯୋଗ ଦେବେ। କଳିଙ୍ଗ ଷ୍ଟାଡିୟମରେ ଥିବା ହାଇପରଫରମାନ୍ସ ସେଣ୍ଟରକୁ ବେଙ୍ଗାଲୁରୁ ଏଫସି ନେବାର ଥିଲା। ମାତ୍ର ଏବେ ତାହାକୁ ଦିଲ୍ଲୀ ଦଳ ନେବ। ଦ୍ୱିତୀୟ ଡିଭିଜନ ଆଇ-ଲିଗ୍‌ ରିଜର୍ଭ ଟିମ୍‌ରେ ଓଡ଼ିଶା ପିଲାଙ୍କୁ ଅଧିକ ସୁଯୋଗ ଦିଆଯିବ। ୟୁଥ୍‌ ଟିମ୍‌ରେ ଓଡ଼ିଶା ପିଲାଙ୍କୁ ସୁଯୋଗ ମିଳିବା ଶତ ପ୍ରତିଶତ ନିଶ୍ଚିତ ବୋଲି ସେ କହିଛନ୍ତି।
ଓଡ଼ିଶା ପିଲାମାନଙ୍କୁ ଅନ୍ତର୍ଜାତୀୟ ସ୍ତରର କରିବା ପାଇଁ ୫-୭ ବର୍ଷ ସମୟ ଲାଗିବ। ସେଥିପାଇଁ ନ୍ୟାଶନାଲ ୟୁଥ୍‌ ଟିମ୍‌କୁ ପାଖରେ ରଖା ଯାଇଛି। ଆମ ପିଲାମାନେ ନ୍ୟାଶନାଲ ଟିମ୍‌ ସହିତ ମ୍ୟାଚ ଖେଳି ପାରିବେ। ସେ କୋଚ୍‌ମାନେ ଆମ ପିଲାଙ୍କ ପ୍ରତିଭାକୁ ଦେଖି ପାରିବେ। ରାଜ୍ୟରେ ଫୁଟବଲକୁ ଲୋକପ୍ରିୟ କରିବା ପାଇଁ ସରକାର ସମସ୍ତ ଉଦ୍ୟମ କରୁଛନ୍ତି। ଆମ ପିଲାମାନେ ଯଦି ଜାତୀୟ ଜୁନିୟର ସ୍ତରରେ କିମ୍ବା ଆଇଏସଏଲ ସ୍ତରରେ ଖେଳି ପାରିବେ ତେବେ ସ୍ବାଭାବିକଭାବେ ଅନ୍ୟ ପିଲା ଏବଂ ସେମାନଙ୍କ ଅଭିଭାବକମାନେ ଆକୃଷ୍ଟ ହେବେ। ଫୁଟବଲ ଏକ ଡିସିଶନ ମେକିଂ ଗେମ୍‌। ଏଥିରେ ଶିକ୍ଷିତ ପିଲା ନିହାତି ଆବଶ୍ୟକ। ଯେଉଁ ଦଳରେ ଯେତେ ଶିକ୍ଷିତ ପିଲା ଅଛନ୍ତି ସେ ଦଳ ସେତେ ଉନ୍ନତ। ଏହା ପରୀକ୍ଷା ହୋଇ ସାରିଛି।
ଏବେ ଦିଲ୍ଲୀ ଡାଇନାମସ ଆସିଲା। ଆଗାମୀ ଦିନରେ ୫-୬ଟି ଜିଲାରେ ଫୁଟବଲ ସ୍କୁଲ ହେବାର ଯୋଜନା ରହିଛି। ସେଠାରେ ଏଜୁକେଶନ ସହ ପିଲାଙ୍କୁ ଫୁଟବଲ ଶିକ୍ଷା ଦିଆଯିବ। ୬ରୁ ୧୨ ବର୍ଷ ପିଲାଙ୍କୁ ନେଇ ଏହି ସ୍କୁଲ ଆରମ୍ଭ ହେବ। ୧୫ରୁ ୧୬ ବର୍ଷ ବିଭାଗ ମଧ୍ୟ ରହିବ। ଏଥିରେ ବାହାରୁ କୋଚ୍‌ ଆସି ପ୍ରଶିକ୍ଷଣ ଦେବେ। ଏହାପରେ ଏକାଡେମୀ ଗଠନ କରାଯିବ ଏବଂ ପ୍ରତିଭା ସମ୍ପନ୍ନ ପିଲାମାନଙ୍କୁ ଏକାଡେମୀରେ ରଖାଯାଇ ପ୍ରଶିକ୍ଷଣ ଦିଆଯିବ ବୋଲି ସେ କହିଛନ୍ତି।


All Right Reserved By Dharitri.Com

Posted inଖେଳ View All

୧୫୦୦ତମ ମ୍ୟାଚ୍‌ରେ ଫେଡରରଙ୍କ ବିଜୟ

ବାସେଲ, ୨୨।୧୦ (ଏଏଫ୍‌ପି)- ସୁଇଜରଲାଣ୍ଡର କିମ୍ବଦନ୍ତୀ ଟେନିସ ଖେଳାଳି ରୋଜର ଫେଡରର ନିଜ କ୍ୟାରିୟରର ୧୫୦୦ତମ ମ୍ୟାଚ୍‌ ଖେଳିଛନ୍ତି। ସୁଇସ୍‌ ଇନ୍‌ଡୋର୍ସ ପ୍ରତିଯୋଗିତା ଅବସରରେ ଫେଡରର...

ଅଲିମ୍ପିକ୍ସ ଭିଲେଜରେ କାର୍ଡବୋର୍ଡ ବେଡ୍‌

ଟୋକିଓ,୧୦।୧(ଏପି)- ଚଳିତବର୍ଷର ଟୋକିଓ ଅଲିମ୍ପିକ୍ସ ଆଥଲେଟ ଭିଲେଜରେ ମଜଭୁତ କାର୍ଡବୋର୍ଡରେ ନିର୍ମିତ ବେଡ ରଖାଯିବ। ଏହି ବେଡ ୪୪୦ ପାଉଣ୍ଡ (୨୦୦ କେଜି) ଓଭନ ସମ୍ଭାଳି...

ଦକ୍ଷିଣ ଭାରତୀୟ ଅଭିନେତ୍ରୀଙ୍କୁ ବିବାହ କରିବେ ମନୀଷ ପାଣ୍ଡେ

ବେଙ୍ଗାଲୁରୁ,୧୦ା୧୦: ଭାରତୀୟ ଦଳର ମଧ୍ୟକ୍ରମ ବ୍ୟାଟ୍ସମ୍ୟାନ ମନୀଷ ପାଣ୍ଡେ ନିଜ ଜୀବନ ସାଥୀ ପାଇଯାଇଛନ୍ତି। ସେ ହେଉଛନ୍ତି ଦକ୍ଷିଣ ଭାରତୀୟ ଅଭିନେତ୍ରୀ ଆଶ୍ରିତା ଶେଟ୍ଟି।  ଆସନ୍ତା...

ଭାରତ ବିପକ୍ଷରେ ଖେଳିପାରନ୍ତି ଅମଲା

ଲଣ୍ଡନ,୨ା୬(ପିଟି)- ଭେଟେରାନ ଦକ୍ଷିଣ ଆଫ୍ରିକା ଓପନର ହାସିମ ଅମଲା ବୁଧବାର ଭାରତ ବିପକ୍ଷରେ ଖେଳାଯିବାକୁ ଥିବା ୩ୟ ମ୍ୟାଚ୍‌ ଲାଗି ଉପଲବ୍ଧ ହୋଇପାରନ୍ତି। ଇଂଲଣ୍ଡ ବିପକ୍ଷ...

ଏମ୍‌ସିସି ବିଶ୍ୱ କ୍ରିକେଟ କମିଟିରୁ ଶକିବଙ୍କ ଇସ୍ତଫା

ଲଣ୍ଡନ,୩୦।୧୦(ପି.ଟି.)- ଦୁର୍ନୀତିରେ ଲିପ୍ତ ହେବା ଲାଗି ୩ଥର ବୁକି ଯୋଗାଯୋଗ କରିଥିଲେ ମଧ୍ୟ ରିପୋର୍ଟ ନ କରିବାରୁ ବାଂଲାଦେଶ ଦଳର ଅଧିନାୟକ ଓ ଟପ୍‌ ଅଲ୍‌ରାଉଣ୍ଡର...

ଏକ ସପ୍ତାହରେ ଦ୍ୱିତୀୟ ସ୍ବର୍ଣ୍ଣ ଜିତିଲେ ହିମା

ନୂଆଦିଲ୍ଲୀ, ୮।୭(ପି.ଟି.)- ଭାରତୀୟ ଷ୍ଟାର ସ୍ପ୍ରିଣ୍ଟର ହିମା ଦାସ ଚଳିତ ସପ୍ତାହରେ ଦ୍ୱିତୀୟ ଅନ୍ତର୍ଜାତୀୟ ସ୍ବର୍ଣ୍ଣ ପଦକ ଜିତିଛନ୍ତି। ପୋଲାଣ୍ଡଠାରେ ଚାଲିଥିବା କୁଟ୍‌ନୋ ଆଥ୍‌ଲେଟିକ୍ସ ମିଟ୍‌ର...

ରୁମାଲ ଚୋରି ଖେଳିଲେ ଭାରତୀୟ ଖେଳାଳି

ନୂଆଦିଲ୍ଲୀ,୨୭।୫- ମ୍ୟାଚ୍‌ ପୂର୍ବରୁ ପ୍ରାକ୍ଟିସବେଳେ ଖେଳାଳିମାନେ ଫିଟ୍‌ ରହିବା ପାଇଁ ସର୍ବଦା କିଛି ଅଲଗା ଖେଳ ଖେଳିଥାନ୍ତି। ଏହା ଖେଳାଳିଙ୍କୁ ମ୍ୟାଚ୍‌ରେ ଭଲ ପ୍ରଦର୍ଶନ କରିବାରେ...

ଦିନିକିଆରୁ ମଲିକଙ୍କ ଅବସର

କରାଚୀ,୬।୭- ଭେଟେରାନ ପାକିସ୍ତାନ ଅଲରାଉଣ୍ଡର ଶୋଏବ ମଲିକ ଅନ୍ତର୍ଜାତୀୟ ଦିନିକିଆର ଅବସର ନେଇଛନ୍ତି। ଲଡର୍‌ସଠାରେ ପାକିସ୍ତାନ ତା’ର ଅନ୍ତିମ ମ୍ୟାଚ୍‌ରେ ବାଂଲାଦେଶକୁ ହରାଇବା ପରେ ମଲିକ...

Leave a comment

Your email address will not be published. Required fields are marked *