ଚିଲିକା: ବିଭାଗୀୟ ତଥ୍ୟକୁ ହାଇକୋର୍ଟଙ୍କ ସନ୍ଦେହ

ଭୁବନେଶ୍ୱର,୧୦ା୮(ବ୍ୟୁରୋ): ଦ୍ରୁତ ଶିଳ୍ପାୟନ ମାନବ ସମାଜ ପାଇଁ ବିକାଶ ଆଣିଛି। ହେଲେ ଶିଳ୍ପାୟନ ଓ ଅର୍ଥନୈତିକ ଫାଇଦା ପାଇଁ ମନୁଷ୍ୟ ପ୍ରକୃତିକୁ ନିଜ ଇଚ୍ଛା ଅନୁସାରେ ବ୍ୟବହାର କରୁଛି, ଯାହା ପରବର୍ତ୍ତୀ ସମୟରେ ଅନେକ ବିପର୍ଯ୍ୟୟକୁ ଡାକି ଆଣୁଛି। ସବୁଜିମା ଜଙ୍ଗଲ ପରି ଜୈବ ବିବିଧତାରେ ନଦୀ, ହ୍ରଦର ଆବଶ୍ୟକତା ରହିଛି। ହେଲେ ସେଗୁଡିକର ଉପଯୁକ୍ତ ଯତ୍ନ ନିଆଯାଉ ନ ଥିବା ଅନୁଭବ ହେଉଛି। ଆମ ରାଜ୍ୟର ଚିଲିକା ହ୍ରଦ କଥା ବିଚାର କରାଯାଉ ବିଦେଶୀ ପକ୍ଷୀ, ଡଲଫିନ ଓ ଅନ୍ୟାନ୍ୟ ପର୍ଯ୍ୟଟନ କ୍ଷେତ୍ର ପାଇଁ ଏହା ପ୍ରସିଦ୍ଧ। ଅନୁରୂପ ଭାବେ ସ୍ଥାନୀୟ ହ୍ରଦକୁ ଜୀବିକା କରି ମତ୍ସ୍ୟଜୀବୀମାନେ ମଧ୍ୟ ଗୁଜୁରାଣ ମେଣ୍ଟାଇ ଥାଆନ୍ତି। ହେଲେ ଓଡ଼ିଶା ହାଇକୋର୍ଟଙ୍କ ନିଜସ୍ବ ଅନୁଧ୍ୟାନ ଓ ଚିଲିକା ସୁରକ୍ଷା ସମ୍ପର୍କିତ ସରକାରୀ ତଥ୍ୟ ମେଳ ଖାଉ ନ ଥିବା ଏବେ ଜଣାପଡିଛି।
ଚଳିତ ମାସ ପହିଲାରେ ହାଇକୋର୍ଟରେ ଏ ସଂକ୍ରାନ୍ତରେ ଏକ ଶୁଣାଣି ସମୟରେ ରାଜ୍ୟ ସରକାର ଚିଲିକାରେ ଚିଙ୍ଗୁଡି ଘେରି ହ୍ରାସ ପାଇଥିବା ଜଣାଇଥିଲେ ମଧ୍ୟ ସେ ସଂକ୍ରାନ୍ତରେ ଲିଖିତ ତଥ୍ୟ ଉପସ୍ଥାପନ କରି ନ ଥିଲେ। ଏଥିରେ ହାଇକୋର୍ଟ ଅସନ୍ତୋଷ ବ୍ୟକ୍ତ କରିଥିଲେ। ଏହା ଏକ ସମ୍ବେଦନଶୀଳ ମାମଲା ହୋଇଥିବାରୁ ପୂର୍ବରୁ ହାଇକୋର୍ଟ ବେଆଇନ ଚିଙ୍ଗୁଡି ଘେରି ସମ୍ପର୍କରେ ସ୍ବତନ୍ତ୍ର ଅନୁଧ୍ୟାନ ପାଇଁ ଆମିକସ୍‌ କ୍ୟୁରୀ ମୋହିତ ଅଗ୍ରୱାଲ ନିଯୁକ୍ତ କରିଥିଲେ। ହାଇକୋର୍ଟଙ୍କ ନିର୍ଦ୍ଦେଶକ୍ରମେ ଜଙ୍ଗଲ ଓ ପରିବେଶ ବିଭାଗ ଏ ସମ୍ପର୍କରେ ନିୟମିତ ବୈଠକ କରୁଛି। ଗତ ଜୁନ୍‌ ୨୪ରେ ହୋଇଥିବା ବୈଠକରେ ସରକାରଙ୍କ ପକ୍ଷରୁ ଚିଙ୍ଗୁଡି ଘେରିର ପରିମାଣ ୨୯,୦୦୦ଏକର ବୋଲି ଖୋଦ୍‌ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ଦର୍ଶାଯାଇଥିଲା। ସାଟେଲାଇଟ୍‌ ବ୍ୟବହାର ମାଧ୍ୟମରେ ଏହି ସଂଖ୍ୟା ଜଣାପଡିଥିବା ମଧ୍ୟ ଉଲ୍ଲେଖ କରାଯାଇଥିଲା। ହେଲେ ଗତ ଅଗଷ୍ଟ ୧ରେ ଏହି ସଂଖ୍ୟା ଅହେତୁକ ହ୍ରାସ ପାଇଥିବା କୁହାଗଲା। ଏହାକୁ ନେଇ ହାଇକୋର୍ଟ ସରକାରୀ ତଥ୍ୟ ଉପରେ ସନ୍ଦେହପ୍ରକଟ କରିଥିଲେ। ଏଥିସହିତ ସତ୍ୟପାଠ ଆକାରରେ ଚିଙ୍ଗୁଡି ଘେରି ସମ୍ପର୍କିତ ପୂର୍ଣ୍ଣାଙ୍ଗ ତଥ୍ୟ ରଖିବାକୁ ନିର୍ଦ୍ଦେଶ ମଧ୍ୟ ଦେଇଛନ୍ତି। ଆସନ୍ତା ସେପ୍ଟେମ୍ବର ୧୬ରେ ମାମଲାର ପରବର୍ତ୍ତୀ ଶୁଣାଣି ହେବାକୁ ଯାଉଛି। ତେଣୁ ସରକାର ଚିଙ୍ଗୁଡି ଘେରି ନେଇ କି ତଥ୍ୟ ରଖୁଛନ୍ତି, ତାହା ଉପରେ ସମସ୍ତଙ୍କ ନଜର ରହିଛି। ପୁରୀ, ଖୋର୍ଦ୍ଧା ଏବଂ ଗଞ୍ଜାମ ଜିଲାରେ ଚିଲିକାର ଉପସ୍ଥିତି ଥିଲେ ବି କୃଷ୍ଣପ୍ରସାଦ ଅଞ୍ଚଳରେ ବ୍ୟାପକ ବେଆଇନ ଚିଙ୍ଗୁଡି ଘେରି ଦେଖାଦେଇଥାଏ। ଏହାକୁ ଉଚ୍ଛେଦ କରିବା ନିର୍ଦ୍ଦେଶ ରହିଥିଲେ ମଧ୍ୟ ତାହା ଠିକ୍‌ ଭାବେ ଅନୁପାଳନ ହେଉନାହିଁ। ହାଇକୋର୍ଟଙ୍କ ବ୍ୟତୀତ ପରିବେଶ ଓ ଜଳ ବିଶେଷଜ୍ଞମାନେ ମଧ୍ୟ ଚିଲିକାକୁ ନେଇ ସନ୍ଦେହପ୍ରକଟ କରିଛନ୍ତି। ଜଳ ବିଶେଷଜ୍ଞ ରଞ୍ଜନ ପଣ୍ଡା କହିଛନ୍ତି ଯେ, ଚିଙ୍ଗୁଡି ଘେରି ଦ୍ୱାରା ଜାଲ ଲଗାଯିବା ସହ ହ୍ରଦ ମଧ୍ୟରେ ମାଟି ବନ୍ଧ କରାଯାଇଥାଏ। ଏହା ଦ୍ୱାରା ମୂଳ ହ୍ରଦର ପରିସୀମା ଆପେ ସଙ୍କୁଚିତ ହୋଇଥାଏ। ଦୀର୍ଘଦିନ ଧରି ଘେରି ରହିବା ଦ୍ୱାରା ପଟୁ ବଢିଥାଏ। ଆକର୍ଷଣୀୟ ଆକାରର ଚିଙ୍ଗୁଡି ଉତ୍ପାଦନ ନେଇ ବ୍ୟବହାର କରାଯାଉଥିବା ସାର ଓ ରସାୟନ ପଦାର୍ଥର ପ୍ରୟୋଗ ମଧ୍ୟ ହ୍ରଦକୁ ପ୍ରଦୂଷିତ କରିଥାଏ। ଏହା ଦ୍ୱାରା ମାଛ ବଂଶ ପ୍ରତି ବିପଦ ସୃଷ୍ଟି ହେଉଥିବାବେଳେ ପାରମ୍ପରିକ ମତ୍ସ୍ୟଜୀବୀଙ୍କ ଭାତହାଣ୍ଡିକୁ ପ୍ରଭାବିତ କରୁଛି। ହ୍ରଦର ପ୍ରାକୃତିକ ପରିସୀମା କମିବା ଦ୍ୱାରା ଜଳ ନିଜର ଗୁଣାତ୍ମକମାନ ହରାଇବ। ଚିଙ୍ଗୁଡି ଘେରି ବୃଦ୍ଧି ଯୋଗୁ ପକ୍ଷୀଙ୍କ ଜୀବନ ପ୍ରଭାବିତ ହେଉଛି ବୋଲି ରଞ୍ଜନ କହିଛନ୍ତି।
ସେହିପରି ଚିଲିକାର ସୁରକ୍ଷା ପାଇଁ ବିଭିନ୍ନ ଗୁରୁତ୍ୱପୂର୍ଣ୍ଣ କମିଟି ରହିଛି। ଷୋଡଶ ବିଧାନସଭାର ପ୍ରଥମ ଅଧିବେଶନରୁ ପ୍ରାପ୍ତ ଉତ୍ତରରୁ ଚଳିତ ବର୍ଷ ଷ୍ଟିଅରିଂ କମିଟି ଓ କାର୍ଯ୍ୟନିର୍ବାହୀ କମିଟି ବୈଠକ ବସି ନ ଥିବା ସ୍ପଷ୍ଟ ଉଲ୍ଲେଖ ରହିଛି। ଶେଷଥର ପାଇଁ କାର୍ଯ୍ୟନିର୍ବାହୀ ବୈଠକ ୨୦୧୮ ଡିସେମ୍ବର ୫ ଏବଂ ଷ୍ଟିଅରିଂ କମିଟି ବୈଠକ ସେହିମାସ ୨୦ରେ ବସିଥିଲା। ହେଲେ ଆଶ୍ଚର୍ଯ୍ୟର ବିଷୟ ଗଭର୍ନିଂ ବଡି ବୈଠକ ଶେଷଥର ପାଇଁ ୨୦୧୩ ଜୁନ୍‌ ୨୭ରେ ବସିଥିଲା। ବିରୋଧୀ ଦଳ ମୁଖ୍ୟ ସଚେତକ ମୋହନ ଚରଣ ମାଝିଙ୍କ ଦ୍ୱାରା ଗତ ଜୁଲାଇ ୧୬ରେ ପଚରାଯାଇଥିବା ଅଣତାରକା ପ୍ରଶ୍ନ ନଂ-୭୯୮ର ଉତ୍ତର ରଖି ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ ଏହି ତଥ୍ୟ ରଖିଛନ୍ତି। ତେଣୁ ଚିଲିକାର ସୁରକ୍ଷା ପ୍ରତି ସରକାର କେତେ ସମ୍ବେଦନଶୀଳ, ତାହା ଏଥିରୁ ସ୍ପଷ୍ଟ ଅନୁମେୟ ବୋଲି ସମୀକ୍ଷକମାନେ ମତ ରଖିଛନ୍ତି।


All Right Reserved By Dharitri.Com

ସଡ଼କ ସୁରକ୍ଷା ନେଇ ସଚତନତା କାର୍ଯ୍ୟକ୍ରମ: ଗାଡ଼ିଚାଳକଙ୍କୁ ଗୋଲାପ ଫୁଲ ଦେଇ ସଚେତନ କଲେ ଛାତ୍ରୀଛାତ୍ର

ନୂଆପଡା ଅଫିସ,୨ା୧୦ – ରାଜ୍ୟରେ ଏବେ ସଡକ ସୁରକ୍ଷା ଏବଂ ପରିବହନ ନିୟମ ଉପରେ ବିଭିନ୍ନ ବିକଳ୍ପ ମାଧ୍ୟମରେ ସଚେତନତା ସୃଷ୍ଟି କରାଯାଉଛି। ଏହି ପରିପ୍ରେକ୍ଷୀରେ...

ଅସରଳା ଗ୍ରାମରେ ୫ ଘରେ ପଶିଲେ ଚୋର: ୬ ଲକ୍ଷ ଟଙ୍କା ସହ ନେଇଗଲେ ସୁନା, ରୁପା, ପିତଳ, କଂସା ବାସନ

ବୋଲଗଡ଼,୧୪।୫(ଡି.ଏନ୍‌.ଏ.): ଖୋର୍ଦ୍ଧା ଜିଲା ବୋଲଗଡ଼ ଥାନା ଅସରଳା ଗ୍ରାମରେ ସୋମବାର ବିଳମ୍ବିତ ରାତିରେ ଏକ ବଡ଼ଧରଣର ଚୋରି ହୋଇଛି। ଚୋରମାନେ ଗ୍ରାମର ୫ ଜଣଙ୍କ ଘରେ...

ରମାଦେବୀ ମହିଳା ବିଶ୍ୱବିଦ୍ୟାଳୟ ଓ ମିରାଣ୍ଡ ହାଉସ୍‌ ମହାବିଦ୍ୟାଳୟ ମଧ୍ୟରେ ଏମ୍‌ଓୟୁ

ଭୁବନେଶ୍ୱର,୩୦ା୧୧(ବ୍ୟୁରୋ): ରମାଦେବୀ ମହିଳା ବିଶ୍ୱବିଦ୍ୟାଳୟ ଓ ଦିଲ୍ଲୀର ମିରାଣ୍ଡ ହାଉସ୍‌ ମହାବିଦ୍ୟାଳୟ ମଧ୍ୟରେ ଶୁକ୍ରବାର ଏକ ବୁଝାମଣା ପତ୍ର ସ୍ବାକ୍ଷରିତ ହୋଇଛି। ଏହି ପରିପ୍ରେକ୍ଷୀରେ ଓଡ଼ିଶାର...

ଶାସକ ସଭ୍ୟଙ୍କ ଅଭିଯୋଗ: ଡିଏମ୍‌ଏଫ୍‌ ପାଣ୍ଠି ଅନ୍ୟ ଅଞ୍ଚଳରେ ଖର୍ଚ୍ଚ ହେଉଛି

ଭୁବନେଶ୍ୱର,୨୮।୧୧(ବ୍ୟୁରୋ): ଡିଷ୍ଟ୍ରିକ୍ଟ ମିନେରାଲ ଫଣ୍ଡ(ଡିଏମ୍‌ଏଫ୍‌) ଟଙ୍କା ଖଣି ପ୍ରଭାବିତ ଅଞ୍ଚଳରେ ଖର୍ଚ୍ଚ ହେଉନାହିଁ। ଜିଲାପାଳମାନେ ମନଇଚ୍ଛା ଏହି ଅର୍ଥ ଖର୍ଚ୍ଚ କରୁଛନ୍ତି। ଏଥିଯୋଗୁ ପ୍ରଭାବିତ ଅଞ୍ଚଳର...

ଦକ୍ଷିଣ ପଶ୍ଚିମାଞ୍ଚଳ ଡିଆଇଜିଙ୍କ ନିକଟରେ ଦୁର୍ଦ୍ଦାନ୍ତ ମାଓବାଦୀଙ୍କ ଆତ୍ମସମର୍ପଣ, ଘୋଷଣା ହୋଇଥିଲା ୫ ଲକ୍ଷର ପୁରସ୍କାର ରାଶି

ମାଲକାନଗିରି,୨୫।୨(ଡି.ଏନ୍‌.ଏ.)- ମାଲକାନଗିରି ଜିଲା ପୋଲିସ କାର୍ଯ୍ୟାଳୟଠାରେ ଦକ୍ଷିଣ ପଶ୍ଚିମାଞ୍ଚଳ ଡିଆଇଜି ସଫିନ୍‌ ଅହମ୍ମଦ କେଙ୍କ ନିକଟରେ ଆଜି ଜଣେ ଦୁର୍ଦ୍ଦାନ୍ତ ମାଓବାଦୀ ଆତ୍ମସମର୍ପଣ କରିଛନ୍ତି। ସେ...

ଦାରିଙ୍ଗବାଡିରେ ବଢିଲା ଶୀତ: ଖସିଲା ପାରଦ, ସର୍ବନିମ୍ନ ୭ଡିଗ୍ରୀ

ଦାରିଙ୍ଗବାଡି,୬।୧୨(ଡି.ଏନ.ଏ.)-କନ୍ଧମାଳ ଜିଲା ଦାରିଙ୍ଗବାଡି ବ୍ଳକ ଅଞ୍ଚଳରେ ଶୁକ୍ରବାର ଶୀତ ବଢିଛି । ସକାଳ ସାଢେ ୮ଟା ସୁଦ୍ଧା ତାପମାତ୍ରା ହ୍ରାସ ପାଇ ୭ଡିଗ୍ରୀରେ ପହଞ୍ଚିଛି ।...

ଗଣମାଧ୍ୟମ ପ୍ରତିନିଧିଙ୍କୁ ଦୁର୍ବ୍ୟବହାର ଘଟଣା: ଆନନ୍ଦପୁର ପ୍ରେସ୍‌ କ୍ଲବ ପକ୍ଷରୁ କେନ୍ଦ୍ରାପଡା ଏସ୍‌ପିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି

ଆନନ୍ଦପୁର,୧୯। ୭(ସ୍ବ.ପ୍ର.): ଗତ ୧୭ ତାରିଖ ବୁଧବାର ଦିନ ପାଟକୁରା ବିଧାନସଭା ଆସନ ପାଇଁ ମୁଖ୍ୟମନ୍ତ୍ରୀଙ୍କ ନିର୍ବାଚନୀ ଗସ୍ତ ସମୟରେ କେନ୍ଦ୍ରାପଡ଼ା ଏସ୍‌ପି ଜଣେ ବୈଦ୍ୟୁତିକ...

୧୫ଶହ କୋଟିର ପ୍ରକଳ୍ପ ଲୋକାର୍ପିତ କଲେ ମୁଖ୍ୟମନ୍ତ୍ରୀ: ୨୦୨୩ ହକି ବିଶ୍ୱକପ୍‌ ସୁନ୍ଦରଗଡ଼ରେ ଆୟୋଜନ ପାଇଁ ନିଷ୍ପତ୍ତି

ସୁନ୍ଦରଗଡ, ୩।୩(ଡି.ଏନ୍‌.ଏ.): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ଦିନିକିଆ ସୁନ୍ଦରଗଡ଼ ଜିଲା ଗସ୍ତରେ ଯାଇଛନ୍ତି। ଜିଲାର ବିଭିନ୍ନ ବିକାଶମୂଳକ କାର୍ଯ୍ୟ ପାଇଁ ୧୫ଶହ କୋଟିରୁ ଊର୍ଦ୍ଧ୍ୱ...

Leave a comment

Your email address will not be published. Required fields are marked *