Posted inଖେଳ

ନାଡା ଅଧୀନକୁ ଆସିଲା ବିସିସିଆଇ: ଜାତୀୟ କ୍ରୀଡ଼ା ଫେଡେରେଶନ ହେବା ନେଇ ବାଟ ଫିଟିଲା

ନୂଆଦିଲ୍ଲୀ, ୧୦।୮(ପି.ଟି.)- ଦୀର୍ଘବର୍ଷ ଧରି ମନାକରି ଆସୁଥିଲେ ମଧ୍ୟ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଶେଷରେ ଜାତୀୟ ନିଶା ନିବାରଣ ସଂସ୍ଥା (ନାଡ଼ା) ଅଧୀନକୁ ଆସିବାକୁ ରାଜି ହୋଇଛି। ବୋର୍ଡର ଏହି ନିଷ୍ପତ୍ତି ଐତିହାସିକ ସାବ୍ୟସ୍ତ ହୋଇଛି। ଫଳରେ ଅର୍ଥନୈତିକ ସ୍ବାଧୀନତା ସତ୍ତ୍ୱେ ସରକାରଙ୍କ ନିୟମ ଅନୁସାରେ ବିସିସିଆଇ ଏବେ ଜାତୀୟ ସ୍ପୋଟର୍‌ସ ଫେଡେରେଶନ(ଏନ୍‌ଏସ୍‌ଏଫ୍‌)ରେ ପରିଣତ ହେବାର ପଥ ପରିଷ୍କାର ହୋଇଛି।
ଶୁକ୍ରବାର କ୍ରୀଡ଼ା ସଚିବ ରାଧେଶ୍ୟାମ ଝୁଲନିୟା ଏବଂ ନାଡା ଡିଜି ନବିନ ଅଗ୍ରଓ୍ବାଲ ବିସିସିଆଇ ମୁଖ୍ୟ କାର୍ଯ୍ୟନିର୍ବାହୀ ରାହୁଲ ଜୋହରି ଓ କ୍ରିକେଟ ଅପରେଶନ ମୁଖ୍ୟ ସବା କରିମଙ୍କୁ ଭେଟିଥିଲେ। ବିସିସିଆଇ ଏବେ ନାଡ଼ା ଅଧୀନକୁ ଆସିଲା ଓ ଏ ନେଇ ବୋର୍ଡ ଲିଖିତ ଭାବେ ଅବଗତ କରାଇଛି। ଏଥିସହିତ ସବୁ କ୍ରିକେଟର ନାଡ଼ା ଦ୍ୱାରା ପରୀକ୍ଷାର ସମ୍ମୁଖୀନ ହେବେ ବୋଲି ଝୁଲନିୟା କହିଛନ୍ତି। ନାଡା ଅଧୀନକୁ ଆସି ବିସିସିଆଇ ଏବେ ସ୍ପୋଟର୍‌ସ ଫେଡେରେଶନରେ ପରିଣତ ହେବାର ପ୍ରଥମ ପର୍ଯ୍ୟାୟ ଅତିକ୍ରମ କରିଛି। ଫଳରେ ଏହାର ପ୍ରଭାବ ଜବରଦସ୍ତ ରହିବ ବୋଲି ଆଶା କରାଯାଉଛି। ଏବେ ସରକାରଙ୍କ ସୂଚନା ଅଧିକାର ଆଇନ (ଆରଟିଆଇ)ର ଅଧୀନକୁ ଆସିବା ପାଇଁ ବିସିସିଆଇ ଆହୁରି ଅଧିକ ଚାପର ସମ୍ମୁଖୀନ ହେବ ବୋଲି ଆଶା କରାଯାଉଛି।
ବିସିସିଆଇ ୩ଟି ପ୍ରସଙ୍ଗ ଉପସ୍ଥାପନା କରିଥିଲା। ଡୋପ୍‌ ଟେଷ୍ଟିଂ କ୍ୱାଲିଟିର କିଟ୍‌, ପାଥୋଲୋଜିଷ୍ଟଙ୍କ ଦକ୍ଷତା ଓ ନମୁନା ବା ସାମ୍ପଲ ସଂଗ୍ରହ ନେଇ ବୋର୍ଡ ନିଜର ଚନ୍ତା ପ୍ରକଟ କରିଥିଲା। ଯେକୌଣସି ପ୍ରକାର ସୁବିଧାସୁଯୋଗ ଦେବାକୁ ଆମେ ବିସିସିଆଇକୁ ପ୍ରତିଶ୍ରୁତି ଦେଇଛୁ। ତେବେ ଏଥିପାଇଁ କିଛି ଅର୍ଥ ପୈଠ କରିବାକୁ ପଡିବ ବୋଲି ବୋର୍ଡକୁ ଅବଗତ କରାଇଛୁ ବୋଲି ଝୁଲନିୟା କହିଛନ୍ତି। ତେବେ ସବୁ ଏନଏସ୍‌ଏଫ୍‌ଗୁଡିକ ପାଇଁ ସମାନ ପ୍ରକାର ସୁବିଧାସୁଯୋଗ ରହିବ। ବିସିସିଆଇ ଏହାର ଊର୍ଦ୍ଧ୍ୱରେ ନୁହଁ। ସମସ୍ତଙ୍କୁ ଦେଶର ନିୟମ ମାନିବାକୁ ହେବ ବୋଲି ଝୁଲନିୟା ସ୍ପଷ୍ଟ କରିଛନ୍ତି।
ବିସିସିଆଇ ସବୁ ନିୟମକୁ ମାନିବ ବୋଲି ଜୋହରି କହିଛନ୍ତି। ଆମେ କେତୋଟି ବିଷୟ ଉପସ୍ଥାପନା କରିଥିଲୁ ଓ କ୍ରୀଡ଼ା ସଚିବ ତାହାକୁ ବିଚାରକୁ ନେବେ ବୋଲି କହିଛନ୍ତି। ଉଚ୍ଚମାନର ପରୀକ୍ଷା ପାଇଁ ଆମେ ଅଧିକ ଅର୍ଥ ଦେବାକୁ ରାଜି ବୋଲି ଜୋହରି କହିଛନ୍ତି। ବିସିସିଆଇ ପୂର୍ବରୁ ନାଡା ଅଧୀନକୁ ଆସିବାକୁ ଅମଙ୍ଗ ହେଉଥିଲା। ବୋର୍ଡ ନିଜକୁ ଏକ ସ୍ବୟଂଚାଳିତ ସଂସ୍ଥା ବୋଲି କହୁଥିଲା। କେବଳ ସେତିକି ନୁହଁ, ସରକାରଙ୍କ ପାଣ୍ଠି ଉପରେ ନିର୍ଭର କରୁ ନ ଥିବାର ବିସିସିଆଇ ଅନ୍ୟ ଜାତୀୟ ସ୍ପୋଟର୍‌ସ ଫେଡେରେଶନଠାରୁ ନଜକୁ ଭିନ୍ନ ମନେକରୁଥିଲା। ବୋର୍ଡ ସେତେବେଳେ ‘ହୋୟାର ଏବାଉଟ୍‌ କ୍ଲଜ୍‌’ ନେଇ ଆପତ୍ତି ଉଠାଇଥିଲା। ଆଉଟ ଅଫ୍‌ କମ୍ପିଟିଶନ ଟେଷ୍ଟ ବା ପ୍ରତିଯୋଗିତା ବାହାରେ ଯେକୌଣସି ସ୍ଥାନରେ ପରୀକ୍ଷା କରିବାର ନିୟମକୁ ବିସିସିଆଇ ସେତେବେଳେ ପସନ୍ଦ କରି ନ ଥିଲା। ଏହାଦ୍ୱାରା ପ୍ରାଇଭେସି ବା ବ୍ୟକ୍ତିଗତ ବ୍ୟାପାରରେ ହସ୍ତକ୍ଷେପ ହେବ ବୋଲି ଭାରତୀୟ କ୍ରିକେଟରମାନେ ନିଜର ଚିନ୍ତାବ୍ୟକ୍ତ କରିଥିଲେ।
ହୋୟାର ଏବାଉଟ୍‌ କ୍ଲଜ୍‌ରେ ଆଥଲେଟମାନେ ଏକ ଡିକ୍ଲାରେଶନ ଫର୍ମରେ ସ୍ବାକ୍ଷର କରିବେ। ଏହି ନିୟମ ଅନୁସାରେ ଖେଳାଳିମାନେ ବର୍ଷରେ ୩ଟି ସ୍ବତନ୍ତ୍ର ତାରିଖ ଜଣାଇବେ ଓ ଏହି ତାରିଖ ଅବସରରେ ଆଥଲେଟ୍‌ମାନେ କୌଣସି ପ୍ରତିଯୋଗିତାରେ ଅଂଶଗ୍ରହଣ କରୁ ନ ଥିବେ ଓ ନାଡା ଦ୍ୱାର ଡୋପ୍‌ ଟେଷ୍ଟ ପାଇଁ ପ୍ରସ୍ତୁତ ରହିଥିବେ। ଯାହା ଫଳରେ ନାଡାର ଡୋପ୍‌ କଣ୍ଟ୍ରୋଲ ଅଫିସର (ଡିସିଓ) ତାଙ୍କର ନମୁନା ନେଇପାରିବେ। ଯଦି କୌଣସି ଆଥଲେଟ୍‌ ଏହି ତାରିଖଗୁଡିକରେ ଉପସ୍ଥିତ ହେବାରେ ବିଫଳ ହେବେ ତାହାଲେ ସେମାନେ ବିଶ୍ୱ ନିଶା ନିବାରଣ ସଂସ୍ଥା (ଓ୍ବାଡା) ନିୟମ ବା କୋଡ ଉଲ୍ଲଂଘନ କରିବା ଅଭିଯୋଗରେ ବାସନ୍ଦାଦେଶକୁ ନିମନ୍ତ୍ରଣ କରିବେ। ଏହାର ସଦ୍ୟତମ ଓ ଶ୍ରେଷ୍ଠ ଉଦାହରଣ ହେଉଛି ଓ୍ବେଷ୍ଟଇଣ୍ଡିଜ୍‌ ଅଲରାଉଣ୍ଡର ଆନ୍ଦ୍ରେ ରସେଲ। ଏହି ନିୟମ ଉଲ୍ଲଂଘନ କରି ସେ ଜାମାଇକା ଆଣ୍ଟି-ଡୋପିଂ ଏଜେନ୍ସି ଦ୍ୱାରା ଗୋଟିଏ ବର୍ଷ ବାସନ୍ଦ ହୋଇଥିଲେ।
ଏ ପର୍ଯ୍ୟନ୍ତ ସ୍ବିଡେନ ସ୍ଥିତ ଅନ୍ତର୍ଜାତୀୟ ଡୋପ୍‌ ଟେଷ୍ଟିଂ ମ୍ୟାନେଜମେଣ୍ଟ (ଆଇଡିଟିଏମ୍‌) ଖେଳାଳିମାନଙ୍କ ନମୁନା ସଂଗ୍ରହ କରି ଜାତୀୟ ଡୋପ୍‌ ଟେଷ୍ଟିଂ ଲାବରେଟୋରି (ଏନ୍‌ଡିଟିଏ୍‌)ରେ ଦାଖଲ କରିଆସୁଛି। ଅବଶ୍ୟ ଆଇଡିଟିଏମ୍‌ ଏବେ ସ୍ବୀକୃତିପ୍ରାପ୍ତ ଏଜେନ୍ସି ହୋଇ ରହିନାହିଁ ବୋଲି ଝୁଲନିୟା କହିଛନ୍ତି।
ପୂର୍ବରୁ କ୍ରୀଡ଼ା ମନ୍ତ୍ରଣାଳୟ ବିସିସିଆଇ ନାଡା ଅଧୀନକୁ ଆସିବା ଉଚିତ୍‌ ବୋଲି କହିଆସୁଥିଲା ଓ ତା’ର ଏହି ଆଭିମୁଖ୍ୟକୁ ବାଜୟ ରଖିଥିଲା। ଦକ୍ଷିଣ ଆଫ୍ରିକା ଏ’ ଓ ମହିଳା ଦଳର ଭାରତ ଗସ୍ତକୁ ମନ୍ତ୍ରଣାଳୟ ଅନୁମୋଦନ ନ କରିବା ଫଳରେ ନାଡା ଅଧୀନକୁ ଆସିବାକୁ ଓ ଆଣ୍ଟି ଡୋପିଂ ନିୟମକୁ ମାନିବାକୁ ବିସିସିଆଇ ଉପରେ ଚାପ ବଢିଥିଲା। ଏହା ଶେଷରେ କାମ ଦେଇଛି ବୋଲି ଧରିନେବାକୁ ହେବ। ବିସିସିଆଇ ନାଡା ଅଧୀନକୁ ଆସିବା ପରେ ଏ’ ସିରିଜ ଓ ମହିଳା ସିରିଜ ଆୟୋଜନ ପାଇଁ ପଥ ପରିଷ୍କାର ହୋଇଛି। ଫଳରେ ଦୀର୍ଘ ୬ ମାସର ପ୍ରତୀକ୍ଷା ଶେଷ ହୋଇଛି।
ଗତ ମାର୍ଚ୍ଚରେ ବିସିସିଆଇ ନାଡା ଓ ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି) ସହିତ ଏକ ସର୍ତ୍ତ ରଖି ତ୍ରିପାକ୍ଷିକ ଚୁକ୍ତିରେ ସ୍ବାକ୍ଷର କରିବାକୁ ରାଜି ହୋଇଥିଲା। ଏବେ ମନ୍ତ୍ରଣାଳୟର ଅନୁମତି ବିନା ବିସିସିଆଇ ସରକାରଙ୍କ କୌଣସି ସଂସ୍ଥା ସହ କିଛି ବି ଚୁକ୍ତି କରିପାରିବ ନାହିଁ ବୋଲି ଝୁଲନିୟା କହିଛନ୍ତି। ବିସିସିଆଇ ଏବେ ଆରଟିଆଇ ପରିସର ଭୁକ୍ତ ହେବା ନେଇ କୌଣସି ଆଲୋଚନା ହୋଇ ନାହିଁ ବୋଲି ଜୋହରି କହିଛନ୍ତି। ଏ ସଂକ୍ରାନ୍ତରେ ଆଗକୁ ଏକ ବୈପ୍ଳବିକ ପରିବର୍ତ୍ତନ ହେବ ଓ କ୍ରିକେଟ ଥଥା ଏହାର ପ୍ରଶାସନରେ ସ୍ବଚ୍ଛତା ବଢିବ ବୋଲି ଆଶା କରାଯାଉଛି॥


All Right Reserved By Dharitri.Com

Posted inଖେଳ View All

ରାହୁଲ-ଆଥିଆଙ୍କ ସମ୍ପର୍କକୁ ନେଇ କ’ଣ କହିଲେ ସୁନୀଲ ସେଟ୍ଟୀ

ଭାରତୀୟ କ୍ରିକେଟରମାନେ ବଲିଉଡ ସୁନ୍ଦରୀଙ୍କ ପ୍ରେମରେ ପଡ଼ିବା କିଛି ନୂଆ କଥା ନୁହେଁ। ପୂର୍ବରୁ ଅନେକ କ୍ରିକେଟର ବଲିଉଡ ଅଭିନେତ୍ରୀଙ୍କୁ ଭଲ ପାଇ ବିବାହ କରିଛନ୍ତି।...

ଆଜି ଓସିଏ ନିର୍ବାଚନ

କଟକ ଅଫିସ,୨୭ା୯- ଅନେକ ବାଦ, ବିବାଦ, ଅଭିଯୋଗର ପୂର୍ଣ୍ଣଚ୍ଛେଦ ପଡ଼ି ଶେଷରେ ଶୁକ୍ରବାର ହେବାକୁ ଯାଉଛି ଓଡ଼ିଶା କ୍ରିକେଟ ଆସୋସିଏଶନ(ଓସିଏ)ର ବହୁ ପ୍ରତୀକ୍ଷିତ କର୍ମକର୍ତ୍ତା ନିର୍ବାଚନ।...

ମେସି ବାସନ୍ଦ

ଏସନସିଅନ(ପାରାଗୁଏ),୨୪।୭(ଏପି)- ଷ୍ଟାର ଖେଳାଳି ଲିଓନେଲ ମେସି ଆର୍ଜେଣ୍ଟିନା ଦଳର ୨୦୨୨ ବିଶ୍ୱକପ୍‌ ଲାଗି ଯୋଗ୍ୟତା ପର୍ଯ୍ୟାୟର ପ୍ରଥମ ମ୍ୟାଚ୍‌ରେ ଖେଳିପାରିବେ ନାହିଁ। ଏଥିସହ ତାଙ୍କୁ ଦେଢ଼ହଜାର...

ବିଜୟ ହଜାରେ ଟ୍ରଫି : ହରିୟାଣାଠାରୁ ହାରିଲା ଓଡ଼ିଶା

କଟକ ଅଫିସ,୫ା୧୦- ଭଦୋଦରାର ଏସ୍‌ଜିଏସ୍‌ଏ କ୍ରିକେଟ ଗ୍ରାଉଣ୍ଡରେ ଶୁକ୍ରବାର ଅନୁଷ୍ଠିତ ବିଜୟ ହଜାରେ ଟ୍ରଫି ଲିଗ ପର୍ଯ୍ୟାୟର ଏକ ମ୍ୟାଚ୍‌ରେ ଓଡ଼ିଶା ୪ ଉଇକେଟରେ ହରିୟାଣାଠାରୁ...

ଓ୍ବେଷ୍ଟଇଣ୍ଡିଜ୍‌ର ବିପଜ୍ଜନକ ଖେଳ ନେଇ ଫିଞ୍ଚ୍‌ ଚିନ୍ତିତ

ନଟିଂହାମ, ୬।୬ (ଏଏଫ୍‌ପି)- ଚଳିତ ବିଶ୍ୱକପ୍‌ରେ ଗୁରୁବାର ଅଷ୍ଟ୍ରେଲିଆ ଓ ଓ୍ବେଷ୍ଟଇଣ୍ଡିଜ ପରସ୍ପରକୁ ଭେଟିବାକୁ ଯାଉଛନ୍ତି। ସ୍ଥାନୀୟ ଟ୍ରେଣ୍ଟ ବ୍ରିଜ୍‌ରେ ଖେଳାଯିବାକୁ ଥିବା ଏହି ମ୍ୟାଚ୍‌...

ଅଶ୍ୱିନଙ୍କଠାରୁ ଲିୟନ ଭଲ ଅଫ୍‌ ସ୍ପିନର: ବ୍ରାଡ ହଗ୍‌

ନୂଆଦିଲ୍ଲୀ,୧୧।୪ (ପି.ଟି.): ରବିଚନ୍ଦ୍ରନ ଅଶ୍ୱିନ ଜଣେ ଉଚ୍ଚକୋଟୀର ଅଫ୍‌ ସ୍ପିନର ଓ ତାଙ୍କର ପ୍ରଦର୍ଶନ ଦୃଷ୍ଟାନ୍ତମୂଳକ। ତେବେ ଅଶ୍ୱିନଙ୍କଠାରୁ ନିଜର ଦେଶର ନାଥନ ଲିୟନ ଅପେକ୍ଷାକୃତ...

୧୧ ବର୍ଷ ତଳେ ପାକିସ୍ତାନରେ ଶ୍ରୀଲଙ୍କା କ୍ରିକେଟ ଦଳ ଉପରେ ହୋଇଥିଲା ଆତଙ୍କବାଦୀ ଆକ୍ରମଣ

ଇସଲାମାବାଦ୍‌,୩।୩: ପାକିସ୍ତାନକୁ ଯାଇଥିବା ଶ୍ରୀଲଙ୍କା କ୍ରିକେଟ ଦଳ ଉପରେ ହୋଇଥିବା ଆତଙ୍କବାଦୀ ଆକ୍ରମଣ ଘଟଣାକୁ ଇତିମଧ୍ୟରେ ୧୧ ବର୍ଷ ବିତିଛି। ୨୦୦୯ ମାର୍ଚ୍ଚ ୩ରେ ଲାହୋରସ୍ଥିତ...

ପାଣ୍ଡ୍ୟାଙ୍କୁ ଭାବପ୍ରବଣ ମେସେଜ୍‌ ଦେଲେ ସାକ୍ଷୀ

ନୂଆଦିଲ୍ଲୀ,୩।୧୧:ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କୁ ମନେ ପକାଇ ସୋସିଆଲ ମିଡିଆରେ ଷ୍ଟାର୍‌ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏକ ଫଟୋ ଶେୟାର...

Leave a comment

Your email address will not be published. Required fields are marked *