ରାଜଧାନୀରେ ଏନ୍‌କାଉଣ୍ଟର ମାମଲା : ଗ୍ୟାଙ୍ଗ୍‌ର ୯ ସଦସ୍ୟ ଗିରଫ

ଭୁବନେଶ୍ୱର,୯।୮(ବ୍ୟୁରୋ) : ଲୁଟପାଟ ଓ ଡକାୟତି ଗ୍ୟାଙ୍ଗ୍‌ର ୯ ସଦସ୍ୟଙ୍କୁ ପୋଲିସ ଗିରଫ କରିଛି। ୫ଜଣଙ୍କୁ ଏନ୍‌କାଉଣ୍ଟର କରିଥିବାବେଳେ ଅନ୍ୟ ୪ଜଣଙ୍କୁ ବିଭିନ୍ନ ସ୍ଥାନରୁ ଗିରଫ କରିଛି। ଏନ୍‌କାଉଣ୍ଟରରେ ଆହତ ୫ଜଣ କଟକ ବଡ ମେଡିକାଲରେ ଚିକିସତ୍ିତ ହେଉଛନ୍ତି। ଅନ୍ୟ ୪ଜଣଙ୍କୁ ଝାରପଡ଼ା ଜେଲକୁ ପଠାଇ ଦିଆଯାଇଛି। ଆହତ ୫ଜଣଙ୍କ ମଧ୍ୟରୁ ରବି ରାଓ ଏବଂ ଅନ୍ୟ ଦୁଇଜଣଙ୍କୁ ରିମାଣ୍ଡରେ ଆଣି ପୋଲିସ ପଚରାଉଚରା କରିବ ବୋଲି ଜଣାପଡ଼ିଛି। ଗିରଫ ୯ ଅଭିଯୁକ୍ତ ହେଲେ ଆଠଗଡର ବିବେକ ନାୟକ, ଆଠଗଡ଼ ଉପରସାହିର ସିପୁନ କବି, ବାଲେଶ୍ୱର ଜିଲା ସୋର ଅଞ୍ଚଳର ଅରୁଣ ମଲ୍ଲିକ ଓ ଖଇରା ଅଞ୍ଚଳର ଦେବାଶିଷ ଦାଶ, କଟକ ନିଆଳିର ହରେକୃଷ୍ଣ ସ୍ବାଇଁ, ଖାରବେଳନଗରର ରବି ରାଓ, ଖଣ୍ଡଗିରି ରଘୁନାଥ ନଗରର ଅର୍ଜୁନ ଦାଶ, ମହାକାଳପଡା ଥାନା ଗୋଖାଖଟି ଗ୍ରାମର ଜଗବନ୍ଧୁ ସ୍ବାଇଁ ଓ କଟକ ଗୁରୁଡିଝାଟିଆ ଅଞ୍ଚଳର ଅଜୁ ସାହୁ। ଏମାନଙ୍କଠାରୁ ୯ କାର, ୮ ବାଇକ, ୨୨୪ ଗ୍ରାମର ସୁନାଅଳଙ୍କାର, ୫୦ ହଜାର ଟଙ୍କା, ୧୦ ମୋବାଇଲ୍‌ ଫୋନ, ୫ ଚୋରା ବନ୍ଧୁକ, ୬ରାଉଣ୍ଡ ଗୁଳି, ୨ ଭୁଜାଲି ଏବଂ ଏକ ଆପାର୍ଟମେଣ୍ଟରୁ ବିପୁଳ ପରିମାଣର ମଦ ବୋତଲ ଜବତ ହୋଇଛି। ପୋଲିସ କମିଶନର ସତ୍ୟଜିତ ମହାନ୍ତି ଖବରଦାତା ସମ୍ମିଳନୀରେ ଏହି ସୂଚନା ଦେଇଛନ୍ତି।

ଗ୍ୟାଙ୍ଗ୍‌ ନାମରେ ୫୦ରୁ ଅଧିକ ମାମଲା
ରବି ରାଓ ଗ୍ୟାଙ୍ଗ୍‌ ନାମରେ ୫୦ରୁ ଊର୍ଦ୍ଧ୍ୱ ମାମଲା ରହିଛି। କେବଳ ରବିଙ୍କ ମାମଲା ସଂଖ୍ୟା ୨୮ରୁ ଅଧିକ। ନୟାପଲ୍ଲୀ ବ୍ୟବସାୟୀଙ୍କୁ ଅପହରଣ, ମହିମା ମୋଟର୍ସ, ତୃପ୍ତି ହୋଟେଲ ମାଲିକଙ୍କୁ ଆକ୍ରମଣ ଓ ଲୁଟ, ଖଣ୍ଡଗିରି ଏବଂ ଏୟାରପୋର୍ଟ ଅଞ୍ଚଳରୁ କାର ଲୁଟ, ବାଲିଅନ୍ତା ବ୍ୟାଙ୍କରୁ ଲୁଟ୍‌ ଆଦି ଘଟଣାରେ ଏହି ଗ୍ୟାଙ୍ଗ ସମ୍ପୃକ୍ତ ଥିବା ଜଣାପଡ଼ିଛି।
ଲୁଟ୍‌ କାର୍‌ରେ ଗଞ୍ଜେଇ ବେପାର କରୁଥିଲେ
ଏହି ଗ୍ୟାଙ୍ଗ୍‌ ଡକାୟତି ଓ ଲୁଟ୍‌ ସହ ନିଶାଦ୍ରବ୍ୟ ଚୋରା ଚାଲାଣ କରୁଥିଲେ। ପ୍ରଥମେ ଏମାନେ ମାରଣାସ୍ତ୍ର ଦେଖାଇ କାର ଲୁଟ କରୁଥିଲେ। ପରେ ଉକ୍ତ କାରକୁ ଅନ୍ୟ ଜିଲାକୁ ନେଇ ନିଶାଦ୍ରବ୍ୟ କାରବାରରେ ବ୍ୟବହାର କରୁଥିଲେ। ବିଶେଷ କରି ରାଜଧାନୀରୁ କାର ଲୁଟ କରି ଫୁଲବାଣୀରେ ଗଞ୍ଜେଇ ଚାଲାଣରେ ବ୍ୟବହାର କରିଥିବା ପୋଲିସ ତଦନ୍ତରୁ ଜାଣିବାକୁ ପାଇଛି। ଏପରି କି ସେମାନେ ଧରା ନ ପଡ଼ିବା ପାଇଁ ଜଙ୍ଗଲ କିମ୍ବା ନିଛାଟିଆ ସ୍ଥାନରେ କାର ରଖି ତା’ ଭିତରେ ଶୋଉଥିଲେ।
ଲୁଟ୍‌ ଟଙ୍କାରେ ସମ୍ପତ୍ତି କରୁଥିଲେ
ଏହି ଗ୍ୟାଙ୍ଗ ଲୁଟପାଟ ଟଙ୍କାକୁ ନିଜ ମଧ୍ୟରେ ବାଣ୍ଟି ନେଉଥିଲେ। ଏଥିଯୋଗୁ ପୋଲିସ ସେମାନଙ୍କୁ ଗିରଫ କରିଥିଲେ ମଧ୍ୟ ସମସ୍ତ ଲୁଟ୍‌ ଟଙ୍କା କି ସୁନାକୁ ଜବତ କରିପାରିନାହିଁ। ପାହାଳ ନିକଟ ବ୍ୟାଙ୍କ୍‌ରୁ ଲୁଟିଥିବା ୩୫ଲକ୍ଷ ଟଙ୍କାରେ ସେମାନେ ଗାଡ଼ି, ଘର କରଣା ସାମଗ୍ରୀ କିଣି ଥିଲେ।
ଦୁଇଟି ଗ୍ୟାଙ୍ଗ୍‌ର ହୋଇଥିଲା ମିଳନ
ରବି କାମାକ୍ଷାନଗରର ଜଣେ ଯୁବନେତାଙ୍କୁ ହତ୍ୟା କରିଥିଲେ। ଏହି ଘଟଣାରେ ୮ଜଣ ଗିରଫ ହୋଇଥିବାବେଳେ ସେ ଫେରାର ଥିଲେ। ରାଉରକେଲାକୁ ଚାଲିଯାଇ ସେ ଏକ ଗ୍ୟାଙ୍ଗ୍‌ ଗଢିଥିଲେ। ସେଠାରେ ଅପରାଧ ଘଟାଇବା ପରେ ରାଜଧାନୀକୁ ଫେରିଥିଲେ। ଗତ ଦୁଇମାସ ଭିତରେ ଆଠଗଡରୁ କାର ଲୁଟ ଘଟଣାରେ ଗିରଫ ହୋଇଥିବା ଗ୍ୟାଙ୍ଗ୍‌ ସହ ସେ ପରିଚିତ ହୋଇଥିଲେ। ଏହାପରେ ଦୁଇ ଗ୍ୟାଙ୍ଗ୍‌ ମିଶି ଅପରାଧ ଘଟାଉଥିଲେ ବୋଲି ପୋଲିସ କମିଶନର କହିଛନ୍ତି।


All Right Reserved By

ସେପ୍ଟେମ୍ବର ୨ରୁ ସଭ୍ୟ ସଂଗ୍ରହ କରିବ ବିଜେଡି : ପ୍ରତି ସଦସ୍ୟଙ୍କ ହେବ ଆଧାର ଲିଙ୍କ୍‌

ଭୁବନେଶ୍ୱର,୧।୯(ବ୍ୟୁରୋ) : ବିଜେଡିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ରବିବାର ଅନୁଷ୍ଠିତ ହୋଇଯାଇଛି। ଏଥିରେ ଦଳ ପକ୍ଷରୁ ସଭ୍ୟ ସଂଗ୍ରହ ଅଭଯାନକୁ ଜୋରଦାର୍‌ କରିବା ଲାଗି ନିଷ୍ପତ୍ତି...

ବିପନ୍ନଙ୍କୁ ଭେଟିଲେ ସୁଇଜରଲାଣ୍ଡ ପାର୍ଲାମେଣ୍ଟ ସଦସ୍ୟ

ପୁରୀ ଅଫିସ, ୨୪ା୭: ସୁଇଜରଲାଣ୍ଡ ପାର୍ଲାମେଣ୍ଟ ସଦସ୍ୟ ଓ ଦୂତାବାସ ଅଧିକାରୀ ଏବଂ ସିଡ୍‌ସ (ସଷ୍ଟେନେବଲ୍‌ ଏନ୍‌ଭାଇରନ୍‌ମେଣ୍ଟ ଆଣ୍ଡ ଇକୋଲୋଜିକାଲ ଡେଭଲପ୍‌ମେଣ୍ଟ ସୋସାଇଟି)ର ସଦସ୍ୟ ମଙ୍ଗଳବାର...

ସିଧାସଳଖ ଅନ୍‌ଲାଇନରେ ପଞ୍ଜୀକୃତ କରିପାରିବେ ଚାଷୀ

ଭୁବନେଶ୍ୱର,୨୮।୯(ବ୍ୟୁରୋ): ରାଜ୍ୟ ସରକାର କିମ୍ବା କୌଣସି ଏଜେନ୍ସିଙ୍କ ବିନା ସହାୟତାରେ ଚାଷୀମାନେ ସିଧାସଳଖ କେନ୍ଦ୍ର ସରକାରଙ୍କ ପିଏମ-କିଷାନ ନିଧି ଯୋଜନାରେ ନିଜକୁ ସାମିଲ କରି ପାରିବେ।...

ସ୍ଥିତି ଦେଖି ନିଷ୍ପତ୍ତି ନେବ ବିଜେଡି : ପ୍ରତାପଦେବ

ଭୁବନେଶ୍ୱର,୨୧।୫(ବ୍ୟୁରୋ)- ଦିନକ ପରେ ସାଧାରଣ ନିର୍ବାଚନ ଫଳାଫଳ ପ୍ରକାଶ ପାଇବାକୁ ଯାଉଛି। ଅଧିକାଂଶ ଏକଜିଟ୍‌ ପୋଲ ଏନ୍‌ଡିଏ ସପକ୍ଷରେ ମତ ଦେଇଛନ୍ତି। କେତେକ ଏକ୍‌ଜିଟ୍‌ ପୋଲ...

ଧରିତ୍ରୀ ପ୍ରଭାବ: ଫନୀ ପ୍ରଭାବିତ ଅଞ୍ଚଳରେ ଘରଭଙ୍ଗା ସର୍ଭେ, ବିପନ୍ନଙ୍କ ଭଙ୍ଗାଘରର ଜିଓ ଟ୍ୟାଗ୍‌ ବାଧ୍ୟତାମୂଳକ

କଟକ ସଦର,୧୭।୫(ଡି.ଏନ୍‌.ଏ.): ବାତ୍ୟା ‘ଫନୀ’ ପ୍ରଭାବରେ ଗୃହଶୂନ୍ୟ ବ୍ୟକ୍ତିମାନଙ୍କୁ ପକ୍କାଘର ଯୋଗାଇ ଦେବା ଲାଗି ରାଜ୍ୟ ସରକାର ଘୋଷଣା କରିବା ପରେ ନ୍ୟସ୍ତ ସ୍ବାର୍ଥ ବ୍ୟକ୍ତିଙ୍କର...

ରଥଖଳାରେ କୁନି କାରିଗର

ପୁରୀ ଅଫିସ,୩୦ା୫ – ଶ୍ରୀନଅର ସମ୍ମୁଖ ରଥଖଳାରେ ଆଗେଇ ଚାଲିଛି ରଥ ନିର୍ମାଣ କାର୍ଯ୍ୟ। ଅକ୍ଷୟ ତୃତୀୟା ଦିନ ରଥ କାମ ଅନୁକୂଳ ହୋଇଥିଲା। ତୁମ୍ବ...

କେନ୍ଦ୍ରାପଡ଼ାରେ ଖବରଦାତାଙ୍କୁ ଦୁର୍ବ୍ୟବହାର ଘଟଣା: ଏସ୍‌ପିଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଓଏଚ୍‌ଆରସିରେ ଅଭିଯୋଗ

ଭୁବନେଶ୍ୱର,୨୦ା୭(ବ୍ୟୁରୋ): କେନ୍ଦ୍ରାପଡାରେ କାର୍ଯ୍ୟରତ ଜଣେ ଟିଭି ଖବରଦାତାଙ୍କୁ ଏସ୍‌ପି ନୀତି ଶେଖର ହାତ ଉଠାଇବା ସହ ଦୁର୍ବ୍ୟବହାର କରିଥିଲେ। ଏହି ଘଟଣାକୁ ନେଇ ରାଜ୍ୟବ୍ୟାପୀ ତୀବ୍ର...

ରାଜଧାନୀରେ ଯୁବକଙ୍କୁ ଗଳାକାଟି ହତ୍ୟା, କାର୍ଟୁନରେ ଗୁଡ଼ାଇ ଫିଙ୍ଗିଦେଲେ

ଭୁବନେଶ୍ୱର,୨।୬(ବ୍ୟୁରୋ): ସ୍ଥାନୀୟ ନୟାପଲ୍ଲୀ ଥାନା ରେଣ୍ଟାଲ କଲୋନୀ ନିକଟରେ ଥିବା ଏକ ହର୍ଟିକଲ୍‌ଚର କ୍ୟାମ୍ପସ ଭିତରୁ ଶନିବାର ରାତିରେ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି।...

selfi corner

Model This Week

Why Dharitri

Leave a comment

Your email address will not be published. Required fields are marked *